ឡានអគ្គិសនីសុទ្ធរបស់ក្រុមហ៊ុនប្រទេសចិនមួយម៉ូដែលនេះ ទំនើប និងប្រណិតមិនចាញ់ Rolls-Royce

December 25, 2023

[ទីផ្សារបរទេស] ក្រុមហ៊ុនផលិតរថយន្ត Nio បានធ្វើការដាក់បង្ហាញចេញជាផ្លូវការនៅរថយន្តអគ្គិសនីសុទ្ធ ET9 ប្រភេទ sedan លំដាប់ខ្ពស់ដ៏ប្រណិតបំផុតរបស់ Nio និងជាគូប្រជែង Tesla Model S, BMW i7 និង Mercedes-Benz EQS គ្រោងនឹងចេញលក់នៅឆ្នាំ ២០២៤ ជាមួយតម្លៃលក់ចាប់ពី ១១២ ៨០០ ដុល្លារ ។

Nio ET9 ផលិតឡើងផ្អែកនៅលើស្ថាបក្យកម្មថ្មី 900V architecture ជំនាន់ទី ៣ ដំបូងគេបង្អស់នៅក្នុងប្រទេសចិន មានប្រវែងតួខ្លួនសរុប ៥ ៣២៤ ម.ម ទទឹង ២ ០១៦ ម.ម កំពស់ ១ ៦២០ ម.ម និងប្រវែងគន្លាតកង់មុខ-ក្រោយ ៣ ២៥០ ម.ម បំពាក់ដោយម៉ូទ័រអគ្គិសនីចំនួន ២ អាចផលិតកម្លាំងបានសរុប ៦៩៧ សេះ ផ្គួបជាមួយអាគុយទំហំ ១២០ គីឡូវ៉ាត់ម៉ោង អាចបើកបរបានចម្ងាយ ២៥៥ គីឡូម៉ែត្រនៅពេលសាកថ្មត្រឹម ៥ នាទី និងគាំទ្រដោយបច្ចេកវិទ្យាប្តូរអាគុយ full battery swap ត្រឹមរយៈពេល ៣ នាទីប៉ុណ្ណោះ ។

លក្ខណៈពិសេសគួរឱ្យកត់សម្គាល់ផ្សេងទៀតរួមមានទ្វារបើក-បិទ ព្រមទាំងថាសកង់ស្ព័រទំហំ ២៣ អ៉ីញ ជាមួយនឹងការរចនាឡូហ្គោដូចទៅនឹងរថយន្ត Rolls-Royce និងការបើក-បិទឃ្លុបខាងមុខដោយថាមពលអគ្គិសនី ។ លើសពីនេះ ET9 ត្រូវបានបំពាក់ដោយឧបករណ៍ចាប់សញ្ញា lidar ចំនួន ៣ រួមទាំងកាមេរ៉ាមួយនៅចំកណ្តាល និងកាមេរ៉ាកម្រិតខ្ពស់ចំនួន ២ នៅគែមខាងមុខនៃដំបូល និងបំពាក់កញ្ចក់មើលក្រោយបែបឌីជីថល។

ចំពោះនៅផ្នែកខាងក្នុងវិញ ឌីស្សាញឡើងបែប First-Class style ដែលមានបំពាក់អេក្រង់កំសាន្ត touchscreen ទំហំ ១៥,៦ អ៉ីញ និងនអេក្រង់កំសាន្តទំហំ ១៤,៥ អ៉ីញ ព្រមទាំងអេក្រង់ទំហំ ៨ អ៉ីញសម្រាប់អ្នកដំណើរនៅផ្នែកខាងក្រោយ ខណៈកៅអីខាងក្រោយអាចបត់បានរហូត ៤៥ដឹក្រេ ជាមួយប្រវែងទទឹង ៥៨២ ម.ម ជាងនេះទៅទៀត រថយន្តនេះមានកញ្ចក់ការពារកម្តៅថ្ងៃដែលអាចបើកដំណើរការបានដោយគ្រាន់តែចុចប៊ូតុងម្តងប៉ុណ្ណោះ ៕

ផ្ទាំងផ្សាយពាណិជ្ជកម្ម

ក្រុមហ៊ុនផលិតម៉ាស៊ីនឡានភីកអាប់របស់សហរដ្ឋអាមេរិកត្រូវបានពិន័យយ៉ាងធ្ងន់ធ្ងរ ព្រោះតែ..

December 25, 2023

[បរទេស] យោងតាមសារព័ត៌មាន Reuters បានបង្ហាញថាក្រុមហ៊ុនផលិតម៉ាស៊ីនសម្រាប់រថយន្តភីកអាប់ដូចជា RAM 2500 និង RAM 3500 រាប់សែនគ្រឿង ឈ្មោះថា Cummins បានយល់ព្រមបង់ប្រាក់ពិន័យប្រមាណ ១,៦៧ ពាន់លានដុល្លារ សម្រាប់ការដំឡើងឧបករណ៍បន្លំនៅលើម៉ាស៊ីន ដែលមានការបំភាយឧស្ម័នលើសពីច្បាប់កំណត់។

យោងតាមព័ត៌មានពីក្រសួងយុត្តិធម៌អាមេរិក(US Department of Justice) បានឲ្យដឹងថា ក្រុមហ៊ុន Cummins ត្រូវបានគេចោទប្រកាន់ថាបានដំឡើងឧបករណ៍បន្លំនៅលើម៉ាស៊ីនរបស់ខ្លួនក្នុងការក្លែងបន្លំនូវការបំភាយឧស្ម័ន។ ដោយឧបករណ៍នេះត្រូវបានដំឡើងដោយ Cummins នៅលើម៉ាស៊ីនចំនួន ៦៣០ ០០០ នៃ RAM 2500 និង RAM 3500 ចាប់ពីឆ្នាំ ២០១៣-២០១៩ និងចំនួន ៣៣០ ០០០ ភីកអាប់ RAM 3500 និងនៅលើ RAM 2500 ចាប់ពីឆ្នាំ ២០១៩-២០២៣។

ជាមួយគ្នានេះ ក្រុមហ៊ុនផលិតម៉ាស៊ីនសម្រាប់រថយន្តភីកអាប់ Cummins (CMI.N) បាននិយាយថា ខ្លួនក៏នឹងត្រូវបង់ប្រាក់ ២,០៤ ពាន់លានដុល្លារក្នុងត្រីមាសទី៤ បន្ថែមទៀត ដើម្បីដោះស្រាយពីការទាមទារផ្នែកច្បាប់ទាក់ទងនឹងម៉ាស៊ីនជិតមួយលាន ពីនាយកដ្ឋានយុត្តិធម៌ និងក្រុមប្រឹក្សា California Air Resources Board៕

ផ្ទាំងផ្សាយពាណិជ្ជកម្ម

មកដឹងពីប្រវត្តិរបស់ Sailun ក្រុមហ៊ុនផលិតសំបកកង់ដំបូងគេបង្អស់នៅកម្ពុជា និងធំជាងគេនៅខេត្តស្វាយរៀង

December 25, 2023

Sailun Group គឺជាសម្ព័ន្ធក្រុមហ៊ុនផលិតសំបកកង់ដ៏ល្បីឈ្មោះមួយ ដែលបានបង្កើតឡើងក្នុងឆ្នាំ២០០២ ជាមួយបំណងផ្ដល់នូវផលិតផល និងសេវាកម្មដែលមានគុណភាពខ្ពស់ទៅកាន់អ្នកប្រើប្រាស់ជុំវិញពិភពលោក។ មកដល់ពេលនេះ Sailun Group បានសម្រេចការលក់ដោយឈរលេខ១ក្នុងប្រទេសចិន និងលេខ១១លើពិភពលោកក្នុងឆ្នាំ២០២៣។

សព្វថ្ងៃនេះ Sailun ចែកចាយស្ទើរតែទូរទាំងពិភពលោក ចំនួនប្រមាណជាជាង ១៨០ប្រទេស និងឈានដល់កម្រិតនៃការចម្រាញ់កៅស៊ូគីមីដល់កម្រិត ១០ ០០០តោន និងមានគម្រោងកែច្នៃកៅស៊ូគីមី ទៅដល់ ៣០០ ០០០ តោនផងដែរ។

ក្រុមហ៊ុននេះក៏បានចាក់ឬសជ្រៅ និងមានទីតាំងនៅពាសពេញពិភពលោក ដោយមានផលិតកម្មមូលដ្ឋាននិងរោងចក្រចំនួន ៨ទីតាំង សាខាលក់១០ទីតាំងរីឯផ្នែកស្រាវជ្រាវនិងអភិវឌ្ឍមានចំនួន ៤ទីតាំង។ ក្នុងនោះនៅប្រទេសកម្ពុជា ក៏មានមជ្ឈមណ្ឌលលក់ និងរោងចក្ររបស់ Sailun Group ផងដែរ ដែលជារោងចក្រដំបូងគេបង្អស់នៅកម្ពុជា និងធំជាងគេបំផុតនៅក្នុងតំបន់សេដ្ឋកិច្ចពិសេស ខេត្តស្វាយរៀង។

រោងចក្រនេះសាងសងឡើងលើផ្ទៃដី ១២០ហិចតា ជាមួយទំហំទឹកប្រាក់វិនិយោគប្រមាណ ៧៦០លានដុល្លារ និងមានសម្ថភាពក្នុងការផលិតបាននូវសំបកកង់ចំនួន ៣៣លានគ្រាប់ក្នុង១ឆ្នាំ នៅពេលដំណាក់កាលទាំង ៣ត្រូវបានបញ្ចប់នៅចុងត្រីមាសទី៣ នៃឆ្នាំ២០២៤។

ចំពោះការវិនិយោគក្នុងប្រទេសកម្ពុជា Sailun Group បង្កើតការងារក្នុងប្រទេសប្រមាណជាង ៧ ០០០នាក់ ហើយកៅស៊ូធម្មជាតិទាំងអស់ត្រូវបានទិញក្នុងស្រុក ស្មើនឹង ៣០% នៃកៅស៊ូក្នុងស្រុកសរុប។ ក្រៅពីនេះក៏មានការសហការជាមួយគ្រឹះស្ថានសិក្សាដូចជា វិទ្យាសា្ថនបច្ចេកវិទ្យាកម្ពុជា (សាលាតិចណូ) ដោយបានផ្ដល់អាហារូបករណ៍ ដើម្បីផ្លាស់ប្តូរគ្រូបង្ហាត់បង្ហាញ និងការបង្កើតមូលដ្ឋានកម្មវិធីសិក្សាលើមុខវិទ្យជ័រកៅស៊ូទៀតផងដែរ។

Sailun Group មានផលិតផលសំបកកង់ជាច្រើនប្រភេទ និងបានផលិតសំបកកង់ឡានខ្នាតធំ ទំហំ ៦៣អ៉ីញថែមទៀតផង និងទទួលបានជោគជ័យក្នុងការអភិវឌ្ឍន៍សំបកកង់សម្រាប់វិស្វកម្មខ្នាតធំបំផុតរបស់ពិភពលោកលំដាប់ទី៣។ លើសពីនេះក្រុមហ៊ុនមួយនេះមានទ្រព្យរហូតទៅ ៣១ពាន់លានរ៉េនមីប៊ី RMB(Renminbi) និងមានបុគ្គលិកច្រើនជាង ១៨ ០០០នាក់នៅលើពិភពលោក៕

ផ្ទាំងផ្សាយពាណិជ្ជកម្ម

Ford ជាក្រុមហ៊ុនប្រមូលរថយន្តត្រលប់មកវិញច្រើនបំផុតក្នុងឆ្នាំនេះ នៅសហរដ្ឋអាមេរិក

December 25, 2023

[បរទេស] គិតត្រឹមថ្ងៃទី ២០ ខែធ្នូ ឆ្នាំ ២០២៣ យោងតាមរដ្ឋបាលសុវត្ថិភាពចរាចរណ៍ផ្លូវជាតិ (NHTSA) បានឲ្យដឹងថា ក្រុមហ៊ុនផលិតរថយន្ត Ford មានរថយន្តដែលបានធ្វើការប្រមូលមកវិញសរុបចំនួនជិត ៥,៧ លានគ្រឿងក្នុងរយៈពេលតិចជាងមួយឆ្នាំនៅសហរដ្ឋអាមេរិក នេះក៏ជាឆ្នាំទី ៣ ដែលក្រុមហ៊ុនរថយន្តនេះនាំមុខចំនួននៃការប្រមូលមកវិញក្នុងទីផ្សារនេះ។

ទោះបីជាយ៉ាងណាក៏ដោយ បើប្រៀបធៀបទៅនឹងឆ្នាំមុន បរិមាណរថយន្ត និងចំនួននៃការប្រមូលរថយន្តរបស់ក្រុមហ៊ុន Ford បានបង្ហាញសញ្ញានៃការថយចុះប្រមាណ ៣០% ដោយនៅឆ្នាំ ២០២២ ក្រុមហ៊ុនផលិតរថយន្តនេះបានចេញសេចក្តីជូនដំណឹងប្រមូលរថយន្តត្រលប់មកវិញចំនួនសរុបរហូតដល់ទៅ ៨,៥ លានគ្រឿង។

ជាមួយគ្នានេះ អ្នកតំណាងក្រុមហ៊ុន Ford បាននិយាយថា យើងនៅតែខិតខំប្រឹងប្រែងជារៀងរាល់ថ្ងៃ ដើម្បីនាំយកនៅរថយន្តប្រកបដោយគុណភាព និងសុវត្ថិភាពពិតប្រាកដជូនអតិថិជន ។ លើសពីនេះ ការប្រមូលរថយន្តមកវិញក៏ជាវិធានការមួយដើម្បីការពារអតិថិជនពីបញ្ហាផ្សេងៗ នឹងមានគុណភាពកាន់តែប្រសើរ ។

គួរបញ្ជាក់ផងដែរថា ក្រុមហ៊ុនផលិតរថយន្តមួយចំនួនផ្សេងទៀតក៏ស្ថិតនៅក្នុងក្រុមហ៊ុនកំពូលទាំង ១០ ដែលត្រូវបានប្រមូលរថយន្តរបស់ខ្លួនត្រលប់មកវិញញឹកញាប់បំផុត រួមមាន BMW, Mercedes-Benz និង Nissan ៕

ផ្ទាំងផ្សាយពាណិជ្ជកម្ម

ឡានអគ្គិសនីខ្នាតតូចរបស់ ORA Motor ជិះបានដល់ ៥០០ គីឡូម៉ែត្រ តម្លៃលក់ខ្ទង់ ២មុឺនដុល្លារ

December 25, 2023

[ទីផ្សារបរទេស] ក្រុមហ៊ុនផលិតរថយន្ត ORA Motor បានធ្វើការដាក់បង្ហាញចេញជាផ្លូវការនៅរថយន្ត ORA Ballet Car ស៊េរីឆ្នាំ ២០២៣ ប្រើថាមពលអគ្គីសនីសុទ្ធនៅពិពរណ៌រថយន្ត Shanghai Auto Show 2023 កំពុងធ្វើឡើងនៅប្រទេសចិនជាមួយតម្លៃលក់ចាប់ពី ២១ ០០០ ដុល្លារ ដល់ ២៥ ២០៧ ដុល្លារ ។

ORA Ballet Car មានប្រវែងតួខ្លួនសរុប ៤ ៤០១ មម ទទឹង ១ ៨៦៧ ម.ម កំពស់ ១ ៦៣៣ ម.ម ប្រវែងគន្លាតកង់មុខ-ក្រោយ ២ ៧៥០ ម.ម និងមានកំពស់ពីដីទៅបាតរថយន្ត ១៣៥ ម.ម និងត្រូវបានបំពាក់ជាមួយម៉ូទ័រអគ្គីសនីចំនួន ១ មានកម្លាំង ១៦៨ សេះ និងកម្លាំងរមួល ២៥០ ញ៉ូតុនម៉ែត្រ ផ្គួបជាមួយអាគុយទំហំ ៦០,៥ គីឡូវ៉ាត់ម៉ោង អាចបើកបរបានចម្ងាយ ៥០០ គីឡូម៉ែត្រនៅពេលសាកថ្មពេញម្តង ព្រមទាំងគាំទ្រការសាកថ្មដោយឆ្នាំងសាកល្បឿនលឿន DC អាចសាកបានពី ៣០%-៨០% ប្រើរយៈពេល ៣០ នាទីប៉ុណ្ណោះ ។

សម្រាប់គ្រឿងបរិក្ខាដែលបានបំពាក់នៅលើរថយន្តប្រភេទ Mini អគ្គិសនីសុទ្ធនេះមានដូចជា ចង្កៀងមុខ-ក្រោយ LED កាង spoiler ខាងក្រោយរចនាថ្មី ព្រមទាំងថាសកង់ស្ព័រទំហំ ១៨អ៉ីញ និងទ្វារឃ្លុបក្រោយបើក-បិទដោយថាមពលអគ្គិសនី អេក្រង់កំសាន្តទំហំធំ កន្លែងសាកថ្មឥតប្រើខ្សែ ដំបូលកញ្ចក់ sunroof បញ្ជាដោយថាមពលអគ្គិសនី និងឧបករណ៍បំពងសំឡេង ១០ ចំនុចផងដែរ ៕

ផ្ទាំងផ្សាយពាណិជ្ជកម្ម

ម៉ូដែលថ្មីភីកអាប់ Toyota Hilux Revo Rocco រូបរាងកាចជាងមុន បង្ហាញខ្លួននៅប្រទេសកំណើត

December 23, 2023

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញបន្ថែមនៅភីកអាប់ Toyota Hilux Revo Rocco សម្រាប់បើកបរនៅលើផ្លូវលំបាក ឬ Off-Road style សម្រាប់អតិថិជនរបស់ខ្លួននៅទីផ្សារប្រទេសជប៉ុន គ្រោងនឹងចេញលក់នៅក្នុងខែឧសភា ឆ្នាំ ២០២៤ ជាមួយតម្លៃលក់ ៣៣ ៥០០ ដុល្លារ ។

ភីកអាប់ Toyota Hilux Revo Rocco បំពាក់ដោយម៉ាស៊ីនម៉ាស៊ូតចំណុះ ២,៤ លីត្រ អាចផលិតកម្លាំងបាន ១៤៨ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦ វគ្គប្រភេទបើកបរប៉ុង ២ 4-wheel drive ជាស្តង់ដារ។

សម្រាប់រូបរាងនៅផ្នែកខាងក្រៅរបស់រថយន្តត្រូវបានកែលម្អជាមួយនឹងព័ត៌មានលម្អិតបន្ថែមជាច្រើនដូចជា ប៉ាណាមុខ ចង្កៀងមុខ LED ថ្មី និងកាងខាងមុខដែលបានរចនាថ្មីដែលផ្តល់នៅភាពកាន់ហាប់ណែន ព្រមទាំងថាសកង់ទំហំ ១៨ អ៉ីញស្រោបដោយសំបកកង់ប្រភេទ off-road ពណ៌ខ្មៅ របាំងការពារភុកទំហំធំជាងមុន ខណៈនៅផ្នែកខាងក្រោយ Toyota បានបន្ថែមនៅរបាបែបស្ព័រ ទ្វារឃ្លុបដើរដោយថាមពលអគ្គិសនី និងឡូហ្គោ Toyota ទំហំធំ ។

ចំពោះនៅផ្នែកខាងក្នុងវិញ Toyota Hilux Revo Rocco ត្រូវបានplitឡើងដោយផ្អែកលើម៉ូដែល Hilux Z បំពាក់ដោយ ដៃចង្កូតស្រោបដោយស្បែកស្តង់ដារ និងអេក្រង់កម្សាន្ត touchscreen ទំហំ ៨ អ៉ីញ ។ មិនត្រឹមតែប៉ុណ្ណោះ ក៏មានមកជាមួយកញ្ចក់មើលក្រោយបែប Panoramic view monitor ព្រមទាំងប្រព័ន្ធជំនួយពេលចាកគន្លងផ្លូវ និងប្រព័ន្ធផ្តល់សញ្ញា និងចាប់ហ្វ្រាំងបន្ទាន់នៅពេលឧបសគ្គនៅខាងមុខ ៕

ផ្ទាំងផ្សាយពាណិជ្ជកម្ម

Honda WR-V ស៊េរីឆ្នាំ ២០២៤ ចេញលក់ជាផ្លូវការនៅប្រទេសជប៉ុន ឯតម្លៃខ្ទង់ ១មុឺនដុល្លារជាងប៉ុណ្ណោះ

December 23, 2023

[ទីផ្សារបរទេស] ក្រុមហ៊ុនផលិតរថយន្ត Honda បានធ្វើការដាក់ចេញលក់ជាផ្លូវការនៅរថយន្ត Honda WR-V ស៊េរីឆ្នាំ ២០២៤ ដែលមាន ៣ ម៉ូដែលសម្រាប់ជ្រើសរើស ជាមួយតម្លៃលក់ចាប់ពី ១៤ ៧៣៩ ដុល្លារនៅទីផ្សារប្រទេសជប៉ុន ។

Honda WR-V លក់ក្នុងប្រទេសជប៉ុនមានប្រវែងតួខ្លួនសរុប ៤ ៣១២ ម.ម ទទឹង ១ ៧៩០ ម.ម កំពស់ ១ ៦៥០ ម.ម និងប្រវែងគន្លាតកង់មុខ-ក្រោយ ២ ៤៨៥ ម.ម ដំណើរការដោយម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង អាចផលិតកម្លាំងបាន ១១៨ សេះ និងកម្លាំងរមួល ១៤២ ញ៉ូតុនម៉ែត្រ ភ្ជាប់ដោយប្រអប់លេខអូតុ CVT ជាមួយកម្រិតស៊ីប្រេងចន្លោះពី ៥-៦លីត្រក្នុងរយៈចម្ងាយ ១០០ គីឡូម៉ែត្រ ។

សម្រាប់ការរចនានៅផ្នែកខាងក្រៅគឺដូចគ្នាទាំងស្រុងទៅនឹងម៉ូដែល Honda Elevate របស់ប្រទេសឥណ្ឌា ដែលមានប៉ាណាមុខមួយផ្ទាំងធំ ចង្កៀងមុខ-ក្រោយ LED ព្រមទាំងថាសកង់ស្ព័រទំហំ ១៧ អ៉ីញ និងមានកំពស់ពីដីទៅបាតរថយន្ត ១៩៥ ម.ម ដែល Honda អះអាងថា ជារថយន្តដែលមានកម្ពស់ខ្ពស់ជាងគេបើធៀបនឹងរថយន្តដែលមានចំណាត់ថ្នាក់ដូចគ្នា។

ចំពោះនៅផ្នែកខាងក្នុងវិញ ដោយមានកុងទ័របង្ហាញព័ត៌មានឌីជីថលទំហំ ៧ អ៉ីញ និងអេក្រង់កំសាន្ត touchscreen ទំហំ ៩ អ៉ីញ អាចភ្ជាប់ដោយប្រព័ន្ធប្រតិបត្តិការ Honda CONNECT ជាដើម ។ លើសពីនេះ ក៏បានភ្ជាប់មកជាមួយប្រព័ន្ធសុវត្ថិភាព Honda Sensing safety system ដែលមានមុខងាររហូតដល់ទៅ ១៣ មុខងារ ៕

ផ្ទាំងផ្សាយពាណិជ្ជកម្ម

ឡានអគ្គិសនី BYD មួយនេះ ជិះបាន ៦៦០ គីឡូម៉ែត្រ ទទួលបានការកក់មុនជិត ១មុឺនគ្រឿងត្រឹមរយៈពេល ៧២ម៉ោង

December 23, 2023

[ទីផ្សារបរទេស] កាលពីថ្ងៃទី ១៥ ខែធ្នូ ឆ្នាំ ២០២៣ ក្រុមហ៊ុនផលិតរថយន្ត BYD បានធ្វើការដាក់បង្ហាញចេញនៅរថយន្តអគ្គិសនីសុទ្ធ BYD Song L ស៊េរីថ្មីចុងក្រោយ ដែលមានតម្លៃលក់ចាប់ពី ២៦ ៦០០ ដុល្លារនៅទីផ្សារប្រទេសចិន ។ បើយោងតាមគេហទំព័រ CarFans បានឲ្យដឹងថា រថយន្តនេះទទួលបានការកក់មុនចន្លោះពី ៨០០០-៩០០០ គ្រឿងក្នុងរយៈពេល ៧២ម៉ោងប៉ុណ្ណោះ ។

រថយន្តនេះ ដំណើរការដោយម៉ូទ័រអគ្គិសនីចំនួន ១ មានកម្លាំង ៣០៨ សេះ និងកម្លាំងរមួល ៣៦០ ញ៉ូតុនម៉ែត្រ ផ្គួបជាមួយអាគុយទំហំ ៨៧,០៤ គីឡូវ៉ាត់ម៉ោង អាចបើកបរបចម្ងាយ ៦៦២ គីឡូម៉ែត្រនៅពេលសាកថ្មពេញម្តង គាំទ្រដោយឆ្នាំងសាកល្បឿនលឿន ដោយអាចសាកបានពី ៣០%-៨០% ប្រើរយៈពេល ២៥ នាទីប៉ុណ្ណោះ ។

BYD Song L ត្រូវបានបំពាក់ជាមួយប៉ាណាមុខបិទជិត ចង្កៀងមុខ-ក្រោយ LED ព្រមទាំងថាសកង់ស្ព័រទំហំចាប់ពី ១៩-២០ អ៉ីញ ទ្វារឃ្លុបក្រោយបើក-បិទដោយថាមពលអគ្គិសនី អេក្រង់កំសាន្ត touchscreen ទំហំ ១៥,៦ អ៉ីញសម្រាប់បញ្ជាមុខងារទាំងស្រុង ប្រព័ន្ធម៉ាស៊ីនត្រជាក់ ២ តំបន់ និងឧបករណ៍បំពងសំលេងចំនួន ៨ ចំនុចជាដើម ៕

ផ្ទាំងផ្សាយពាណិជ្ជកម្ម

Toyota Land Cruiser ស៊េរីឆ្នាំ ២០២៤ ១ពាន់គ្រឿងដំបូងលក់អស់ត្រឹមរយៈពេល ៣០នាទី

December 23, 2023

[បរទេស] កាលពីថ្ងៃទី ២១ ខែធ្នូ ឆ្នាំ ២០២៣ កន្លងទៅនេះ ក្រុមហ៊ុន Toyota ប្រចាំនៅតំបន់អឺរ៉ុប បានធ្វើការបើកទទួលការកក់ទុកមុនៅរថយន្ត Toyota Land Cruiser ស៊េរីឆ្នាំ ២០២៤ សម្រាប់រថយន្ត ខណៈពេលនេះ រថយន្ត ១ ០០០គ្រឿងដំបូងត្រូវបានលក់អស់ត្រឹមតែរយៈពេល ៣០នាទីប៉ុណ្ណោះនៅទីផ្សារប្រទេសអាល្លឺម៉ង់ ។

សម្រាប់រថយន្ត Land Cruiser មាននៅក្នុងប្រទេសអាល្លឺម៉ង់មាន ៣ ម៉ូដែលសម្រាប់ជ្រើសរើសរួមមាន Executive, Tec និង First Edition ក្នុងនោះ ក្រុមហ៊ុន Toyota បានបញ្ជាក់ពីមុនថា Land Cruiser ម៉ូដែល First Edition នៅទូទាំងទ្វីបអឺរ៉ុបនឹងមានចំនួន ៣០០០ គ្រឿង។

Toyota Land Cruiser របស់តំបន់អឺរ៉ុបនេះ ត្រូវបានផលិតឡើងនៅលើគ្រោងឆ្អឹង GA-F platform ដែលអះអាងថាមានភាពរឹងមាំជាងជំនាន់មុនដល់ទៅ ៥០% នឹងត្រូវបានបំពាក់ជាមួយនឹងម៉ាស៊ីនចំណុះ ២,៨ លីត្រ turbodiesel អាចផលិតកម្លាំងបាន ២០១ សេះ ភ្ជាប់ដោយប្រអប់លេខអូតូ ៨ វគ្គ ខណៈម៉ូដែលរថយន្តកូនកាត់ mild-hybrid ជាមួយនឹងប្រព័ន្ធ 48-volt នឹងមកដល់នៅឆ្នាំ ២០២៥ ។

Toyota Land Cruiser របស់ប្រទេសអាល្លឺម៉ង់សម្រាប់ម៉ូដែល Tec Edition និង First Edition ទទួលបានអត្ថប្រយោជន៍ពីមុខងារបន្ថែមជាច្រើន រួមទាំងរបារទប់លំនឹងខាងមុខថ្មី ថាស់កង់ស្ព័រទំហំ ២០ អ៉ីញ កញ្ចក់មើលក្រោយឌីជីថល អេក្រង់បង្ហាញលើកញ្ចក់ និងឧបករណ៍បំពងសំឡេងម៉ាក JBL premium ចំនួន ១៤ ចំនុច៕

ផ្ទាំងផ្សាយពាណិជ្ជកម្ម

តោះមកស្គាល់ឡានដែលស៊ីសាំងតិចជាងនៅក្នុងឆ្នាំ ២០២៣

December 22, 2023

[បរទេស] យោងតាមទីភ្នាក់ងារការពារបរិស្ថានសហរដ្ឋអាមេរិកដែលហៅកាត់ថា US EPA បានធ្វើការដាក់បង្ហាញចេញនៅរថយន្តប្រើម៉ាស៊ីនចំហេះក្នុងនៅក្នុងឆ្នាំ ២០២៣ ព្រមទាំងរួមបញ្ចូលនៅម៉ូដែលឆ្នាំ ២០២៣ ទាំងម៉ូដែលឆ្នាំ ២០២៤ ដែលមានកម្រិតស៊ីប្រេងតិចជាងគេបំផុតនៅសហរដ្ឋអាមេរិក ៖

១) Mitsubishi Mirage ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៦ លីត្រប៉ុណ្ណោះ