ហេតុផល ៤ចំនុចដែលធ្វើអោយ Royal Enfield Hunter 350 ទទួលបានជោគជ័យសម្រាប់ស្តុកទី២

May 8, 2023

Royal Enfield Cambodia បានក្លាយជាម៉ាកម៉ូតូដ៏ល្បីក្នុងឆ្នាំ ២០២៣ ដោយសារតែម៉ូឌែលទាក់ទាញបំផុតរបស់ខ្លួននោះគឺ Hunter 350 ដែលទើបនឹងចេញនៅដើមឆ្នាំថ្មីនេះ។ Hunter 350 រក្សាជំហរនិងភាពពេញនិយមរបស់ខ្លួនបានយ៉ាងល្អនៅក្នុងទីផ្សារម៉ូតូធំដែលមានកម្លាំងម៉ាស៊ីន 350cc ប្រសិនបើប្រៀបធៀបទៅនឹងម៉ាកផ្សេងទៀតដែលមានកម្លាំងម៉ាស៊ីនដូចគ្នា។ សម្រាប់ស្តុកទី2នៃ Hunter 350 ដែលទើបតែមកដល់នៅចុងខែមេសានេះត្រូវបានលក់អស់ភ្លាមៗត្រឹមតែមួយប៉ព្រិចភ្នែក។ ដោយហេតុនេះទើបខ្វះស្តុកសម្រាប់អតិថិជនផ្សេងទៀតដែលបានរក្សាការកក់របស់ខ្លួនជាមួយ Hunter 350 និងរងចាំបន្តនៅក្នុងស្តុកទី៣ បន្ថែមទៀត។ មានកត្តាជាច្រើនដែលរួមចំណែកដល់ការលក់ដ៏ជោគជ័យនៃម៉ូឌែលមួយនេះ ខាងក្រោមនេះជាហេតុផលមួយចំនួន

១. Hunter 350 គឺជាផលិតផលដ៏ល្អមួយសម្រាប់យុវវ័យសម័យថ្មី៖ ជាមួយនឹងតួរម៉ូតូមានទំហំតូច ប៉ុន្តែរក្សាម៉ាស៊ីនធំដដែល គឺបង្ហាញពី រាងម៉ូតូដ៏កម្រ ដែលម៉ាកម៉ូតូដ៏ទៃទៀតមិនអាចធ្វើបាន។ Royal Enfield Hunter 350 ត្រូវបានបំពាក់ដោយម៉ាស៊ីន 349cc ដ៏ទំនើប និងល្បីល្បាញទូទាំងពិភពលោកដើរដោយខ្យល់ត្រជាក់ air/oil-cooled ជាមួយនឹងម៉ាស៊ីនស៊ីឡាំងមួយនិងប្រើប្រាស់ប្រព័ន្ធបិច electronically fuel-injected ៣៤៩cc ផលិតកម្លាំងសេស ២០,២ bhp នៅ ៦១០០ rpm និង ២៧ Nm នៃកម្លាំងបង្វិលជុំ ៤០០០ rpm ដែលធ្វើឱ្យមានសន្ទុះខ្លាំង ព្រមទាំងជាការសម្រួលមួយយ៉ាងរលូននិងល្អបំផុត។

២. ផ្តល់ជូនម៉ូតូបើកបរសាកល្បងគ្រប់ម៉ូឌែលទាំងអស់៖ Royal Enfield Cambodia គឺជាម៉ាកយីហោតែមួយគត់ដែលមានម៉ូតូគ្រប់ម៉ូឌែលសម្រាប់អតិថិជនដើម្បីសាកល្បងជិះមុននឹងសម្រេចចិត្តទិញម៉ូតូ Royal Enfield. តាមរយៈការធ្វើបែបនេះ អតិថិជនអាចមានជម្រើសជាច្រើនសម្រាប់ការជ្រើសរើសសម្រាប់ម៉ូឌែល Royal Enfield ណាមួយដែលគាត់ពេញចិត្ត។

៣. បង្កើតការជឿទុកចិត្ត និងការផលិតមានគុណភាពខ្ពស់៖ អ្នកគាំទ្ររបស់ Royal Enfield ជាច្រើនដឹងយ៉ាងច្បាស់ថាម៉ាកយីហោនេះមានដើមកំណើតមកពីប្រទេសអង់គ្លេស ដែលមានទីស្នាក់ការកណ្តាលបច្ចុប្បន្ននៅក្នុងប្រទេសឥណ្ឌា។ Royal Enfield បានបង្កើតកេរ្តិ៍ឈ្មោះដ៏រឹងមាំ ជាផលិតផលអន្តរជាតិ ហើយត្រូវបានជ្រើសរើសប្រើប្រាស់នៅជុំវិញពិភពលោក។ គុណភាពផលិតចេញពីលោហធាតុដែលធានានូវការប្រើប្រាស់បានយូរអង្វែង។

៤. ការផ្តល់សេវាកម្មអតិថិជនដ៏ល្អឥតខ្ចោះ៖ អតិថិជន Royal Enfield អាចទិញម៉ូតូថ្មីដោយមិនមានការព្រួយបារម្ភ និងមិនដូចការជ្រើសរើសទិញម៉ូតូមួយទឹកនោះទេ។ រៀងរាល់ ៥០០ គីឡូម៉ែត្រភ្នាក់ងារផ្នែកសេវាកម្មរោងជាងរបស់ Royal Enfield មានសេវាកម្មអតិថិជនថ្មីគ្រប់ៗគ្នាសម្រាប់ការប្តូរប្រេងម៉ាស៊ីនលើកដំបូង ហើយរៀងរាល់ ២៤ ម៉ោង ឬយ៉ាងហោចណាស់ ៣ ថ្ងៃ អតិថិជននឹងទទួលបានការទាក់ទងត្រឡប់មកវិញសម្រាប់បញ្ហាផ្សេងៗ ឬអ្វីដែលកើតឡើងជាបន្ទាន់ទាក់ទងនឹងការថែទាំសេវាកម្មម៉ូតូរបស់ពួកគេ។

ជារួមមក Royal Enfield Cambodia បាននាំមកនូវការពេញចិត្តរបស់អតិថិជនទាក់ទងនឹងផលិតផល កេរ្តិ៍តំណែល គុណភាព តម្លៃ និងការថែទាំសេវាកម្ម។ គោលដៅរបស់ Royal Enfield គឺដើម្បីសម្របតាមតម្រូវការ អតិថិជន ផ្តល់ព័ត៌មានត្រឹមត្រូវ និងឆ្លើយតបភ្លាមៗពោរពេញដោយសក្តានុពល៕

ផ្ទាំងផ្សាយពាណិជ្ជកម្ម

ត្រឹមពេល ១ខែប៉ុណ្ណោះ! កូនឡានអគ្គិសនី Wuling Bingo អាចលក់បានចំនួនច្រើនជាង ១ មុឺនគ្រឿងឯណ្ណោះ

May 5, 2023

[ទីផ្សារបរទេស] ក្រុមហ៊ុនបណ្តាក់ទុនរួមគ្នា SAIC-GM-Wuling បានធ្វើការដាក់លក់រថយន្តអគ្គិសនី Wuling Bingo ដំបូងនៅក្នុងខែមេសា ឆ្នាំ ២០២៣ ជាមួយតម្លៃលក់ចាប់ពី ១០ ០៤៧ ដុល្លារ ដល់ ១៤ ៣៥៣ ដុល្លារនៅក្នុងទីផ្សារប្រទេសចិន ខណះពេល ក្រុមហ៊ុនបានធ្វើការប្រកាសថា ត្រឹមតែមួយខែអាចលក់បានជាង ១៦ ៣៨៣ គ្រឿង ។

រថយន្តអគ្គិសនី Wuling Bingo ត្រូវបានផលិតដោយ SAIC-GM-Wuling ដែលជារថយន្តអគ្គិសនីប្រកួតប្រជែងជាមួយ NETA V មកជាមួយការរចនាប្លែកដែលមានប៉ាណាមុខបិទជិត ចង្កៀងមុខប្រភេទ LED ថាសកង់ស្ព័រទំហំ ១៥ អ៊ីញស្រោបដោយសំបកកង់ 185/60 R15 និងចង្កៀងក្រោយក៏ប្រើប្រាស់ជាមួយអំពូល LED ផងដែរ ។

សម្រាប់នៅផ្នែកខាងក្នុងកាប៊ីនត្រូវបានបំពាក់ដោយកុងទ័របង្ហាញព័ត៌មាន LCD ទំហំ ៧ អ៊ីង និងអរក្រង់កំសាន្ត touchscreen ទំហំ ១០,២៥ អ៊ីញរួមបញ្ចូលគ្នាជាអេក្រង់ភ្លោះ ប្រអប់លេខអេឡិចត្រូនិក អាចភ្ជាប់ជាមួយប្រព័ន្ធ LING OS system និង Bluetooth, ដៃចង្កូត double-width steering, កៅអីស្បែក, កាមេរ៉ាមើលក្រោយ និងប្រព័ន្ធជំនួយពេលចតរថយន្តដោយស្វ័យប្រវត្តិជាដើម។

ចូលទៅកាន់ផ្នែកម៉ាស៊ីនវិញ រថយន្តអគ្គិសនី Wuling Bingo ដំណើរការដោយម៉ូទ័រអគ្គីសនីចំនួន ១ មានកម្លាំង ៤០ សេះ ដល់ ៦៨ សេះ អាចបើកបរបានចម្ងាយ ២០៣ គីឡូម៉ែត្រ ដល់ ៣៣៣ គីឡូម៉ែត្រ ក្នុងការសាកថ្មពេញម្តង៕

ផ្ទាំងផ្សាយពាណិជ្ជកម្ម

BMW i7 M70 xDrive រថយន្តអគ្គិសនីមានកម្លាំងខ្លាំងផុតលេខរបស់ BMW បង្ហាញខ្លួននៅឯ Shanghai Auto Show

May 5, 2023

[បរទេស] បន្ទាប់ពីការរង់ចាំជាយូរមក ពេលនេះក្រុមហ៊ុនផលិតរថយន្ត BMW បានធ្វើការដាក់បង្ហាញចេញជាផ្លូវការនៅរថយន្តអគ្គិសនីដ៏មានឥទ្ធិពលបំផុតរបស់ម៉ាក BMW i7 M70 xDrive នៅក្នុងកម្មវិធីពិព័រណ៌រថយន្ត Shanghai Auto Show 2023 ដែលរំពឹងថាមានតម្លៃលក់ចាប់ពី ១១៩ ៣០០ ដុល្លារ ។

រថយន្តនេះមានប្រវែងតួខ្លួនសរុប ៥៣៩១ មម ទទឹង ១៩៥០ មម កំពស់ ១៥៤៤ និងប្រវែងគន្លាតកង់មុខ-ក្រោយ ៣២១៥ មម ។ បើនិយាយពីរូបរាងវិញ BMW i7 M70 xDrive មានការរចនាបែបស្ព័រ ហើយនៅតែប្រើប្រាស់នៅប៉ាណាមុខដែលជាអត្តសញ្ញាតិរបស់ខ្លួនជាមួយឡូហ្គោអក្សរ M, កាងខាងមុខរចនាលក្ខណះ aerodynamic ប្រើប្រាស់ថាសកង់ស្ព័រទំហំ ២១ អ៉ីញ និងចង្កៀងក្រោយប្រភេទ LED ។

ចំពោះនៅផ្នែកខាងក្នុងវិញ BMW i7 M70 xDrive មានរចនាបទបែបស្ព័រ ជាមួយនឹងគ្រឿងបន្លាស់ M ដូចជា ដៃចង្កូត អេក្រង់កោង ។ លើសពីនេះ មានជម្រើស ៩ ពណ៌សម្រាប់កៅអីរថយន្ត BMW Individual ជាមួយនឹងគ្រឿងបរិក្ខគុណភាពខ្ពស់ជាច្រើនដូចជាធ្វើពីស្បែកសត្វចាម, carbon fiber ឬបន្ទះឈើបែបក្តាចុច Piano ជាដើម ។

ទាក់ទងនឹងផ្នែកម៉ាស៊ីនវិញ ដំណើរការដោយម៉ូទ័រអគ្គិសនីចំនួន ២ មានកម្លាំង ២៥៨ សេស និង ៤៨០ សេស បន្ថែមជាមួយនឹងមុខងារ M Sport Boost ឬ M Launch Control កម្លាំងរបស់រថយន្តអាចមានដល់ ៦៦០ សេស និងកម្លាំងរមួល ១១០០ ញ៉ូតុនម៉ែត្រ អាចរត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោងត្រឹមរយះពេល ៣,៧ វិនាទី និង Top Speed ២៥០ គីឡូម៉ែត្រក្នុងមួយម៉ោង ។ លើសពីនេះ ផ្គួបជាមួយអាគុយទំហំ ១០១,៧ គីឡូវ៉ាត់ម៉ោង អាចបើកបរបានចម្ងាយ ៤៧២ គីឡូម៉ែត្រក្នុងការសាកថ្មពេញម្តង ។

ផ្ទាំងផ្សាយពាណិជ្ជកម្ម

ច្បាស់ហើយ! ភីកអាប់ Toyota Tacoma ស៊េរីឆ្នាំ ២០២៤ នឹងបង្ហាញខ្លួនជាផ្លូវការនៅក្នុងខែនេះហើយ

May 5, 2023

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅរូបភាព Teaser ថ្មី របស់ភីកអាប់ Toyota Tacoma ស៊េរីឆ្នាំ ២០២៤ ដែលបង្ហាញពីទម្រង់ចំហៀង ហើយក្រុមហ៊ុនផលិតរថយន្តបញ្ជាក់ថា Toyota Tacoma ជំនាន់ថ្មីនឹងបង្ហាញខ្លួនជាផ្លូវការនៅថ្ងៃទី ១៩ ខែឧសភាឆ្នាំនេះ។

តាមរូបភាព teaser គឺពិបាកក្នុងការប្រាប់អំពីការរចនាភីកអាប់នេះ ប៉ុន្តែយ៉ាងហោចណាស់យើងឃើញរូបរាងជាមូលដ្ឋានមួយចំនួន ដោយនៅផ្នែកខាងមុខ មានកាងបញ្ឈរយ៉ាងរ៉ឹងមាំ ក៏ដូចជារូបរាងអំពូលបំភ្លឺពេលថ្ងៃជាប្រភេទ LED ជាដើម ។

គេនៅមិនអាចបញ្ជាក់ថាតើ Tacoma ថ្មីនឹងមានទំហំប៉ុនណានោះទេ ប៉ុន្តែភីកអាប់នឹងត្រូវបានគាំទ្រដោយស្ថាបត្យកម្ម TNGA-F platform របស់ក្រុមហ៊ុន Toyota ដែលចែករំលែកជាមួយ Tundra និងបានធ្វើឲ្យប្រសើរឡើងនៅប្រព័ន្ធទប់លំនឹងជើងក្រោមផងដែរ ។

បើនិយាយពីម៉ាស៊ីនវិញ គេជឿថា Tacoma ឆ្នាំ ២០២៤ នឹងបំពាក់ជាមួយម៉ាស៊ីនចំណុះ ២,៤ លីត្រ V6 មានកម្លាំង ២៦៥ សេស និងជម្រើសម៉ាស៊ីនចំណុះ ២,៤ លីត្រ turbocharged ទំហំ ៤ ស៊ីឡាំងដែលបំពាក់ដោយម៉ូទ័រអគ្គិសនី ផលិតកម្លាំបាន ៣៦៦ សេស ៕

ផ្ទាំងផ្សាយពាណិជ្ជកម្ម

ឡាន Acura Integra Type S ស៊េរីឆ្នាំ ២០២៤ ចេញលក់ជាផ្លូវការ តម្លៃខ្ទង់ ៥ មុឺនដុល្លារ

May 5, 2023

[ទីផ្សារបរទេស] ក្រុមហ៊ុនផលិតរថយន្ត Acura បានធ្វើការដាក់ប្រកាសនៅតម្លៃលក់របស់រថយន្ត Acura Integra Type S ស៊េរីឆ្នាំ ២០២៤ ដែលមានតម្លៃលក់ចាប់ពី ៥០ ៨០០ ដុល្លារ បូករួមថ្លៃដឹកជញ្ចូន ១១៩៥ ដុល្លារ និងបើកទទួលការកក់ទុកមុននៅថ្ងៃទី ១១ ខែឧសភា ឆ្នាំ ២០២៣ ជាមួយចំនួនមានកំណត់ត្រឹមតែ ២០០ គ្រឿងប៉ុណ្ណោះ ។

Acura មិនត្រឹមតែផ្តោតទៅលើការបើកបរនោះទេ រថយន្តត្រូវបានផ្តល់ភាពទាន់សម័យបែបស្ព័រផងដែរ។ ដោយនៅផ្នែកខាងមុខ កាងមានការរចនាបែប Unique ជាមួយប៉ាណាធំផ្តល់នៅភាពអំណាច គម្របម៉ាស៊ីនអាលុយមីញ៉ូមដែលមានខ្យល់ចេញចូល របាំងការពារធំទូលាយ និងសំណុំចង្កៀងប្រភេទ LED ។ ផ្នែកខាងក្រោយ មានបំពងស៊ីមាំងពណ៌ខ្មៅចំនួន ៣ នៅកណ្តាល ចំណុចលេចធ្លោផ្សេងទៀតរួមមាន កាង spoiler ពណ៌ខ្មៅ និងថាសកង់ទំហំ ១៩ អ៉ីង ស្រោបដោយសំបកកង់ប្រភេទ Michelin Pilot Sport 4s high-performance ។

ចំពោះ នៅផ្នែកខាងក្នុងវិញ មានបំពាក់ជាមួយកុងទ័របង្ហាញព័ត៌មានឌីជីថលទំហំ ១០,២ អ៉ីញ និងអេក្រង់កំសាន្តទំហំ ៩ អ៉ីញ ភ្ជាប់មុខងារ Apple CarPlay និង Android Auto ។ លក្ខណះពិសេសផ្សេងទៀតរួមមាន អេក្រង់បង្ហាញលើកញ្ចក់ កន្លែងសាកថ្មឥតខ្សែរ ឧបករណ៍បំពងសំឡេងម៉ាក ELS Studio 3D ១៦ ចំនុច និងប្រព័ន្ធម៉ាស៊ីនត្រជាក់ ២ តំបន់ជាដើម ។

ទាក់ទងនឹងផ្នែកម៉ាស៊ីនវិញ Acura Integra Type S ស៊េរីឆ្នាំ ២០២៤ ដំណើរការដោយម៉ាស៊ីនចំណុះ ២,០ លីត្រ Turbocharged ទំហំ ៤ ស៊ីឡាំង អាចផលិតកម្លាំងបាន ៣២០ សេស និងកម្លាំងរមួល ៤២០ ញ៉ូតុនម៉ែត្រ ភ្ជាប់ដោយប្រអប់លេខដៃ ៦ វគ្គ ដែលមានមុខងារភ្ជាប់ចូលលេខអូតូផងដែរ៕

ផ្ទាំងផ្សាយពាណិជ្ជកម្ម

Great Wall ដាក់បង្ហាញចេញរថយន្តអគ្គិសនី ដើម្បីប្រជែងជាមួយ Tesla Model 3

May 4, 2023

[បរទេស] ក្រុមហ៊ុន Orca ដែលជាក្រុមហ៊ុនផលិតរថយន្តរបស់ Great Wall នឹងធ្វើការដាក់បង្ហាញចេញនៅរថយន្តអគ្គិសនីខ្នាតតូច Orca Lightning Cat ដែលនឹងបង្ហាញខ្លួននៅអឺរ៉ុបនៅដើមឆ្នាំ ២០២៤ ដែលជាប្រកួតប្រជែងដោយផ្ទាល់ជាមួយ Tesla Model 3 និងរថយន្តអគ្គិសនីផ្សេងទៀតបនៅតំបន់អឺរ៉ុប ។

នៅក្នុងប្រទេសចិន រថយន្ត Orca Lightning Cat មានរាងជារថយន្តប្រភេទ Coupe ស្រដៀងទៅនឹងរថយន្ត Porsche Panamera ។ ផ្នែកខាងមុខរបស់រថយន្តមានរូបរាងស្រដៀងទៅនឹង Volkswagen Beetle ។ ខណះ នៅផ្នែកខាងក្នុងលំហនៅខាងក្នុង Lightning Cat ពិតជាស្រស់ស្អាតជាមួយនឹងការតុបតែងពណ៌ត្នោតដ៏លេចធ្លោ ហើយមិនធ្វើតាមរចនាប័ទ្មតានរថយន្តអគ្គិសនីបច្ចុប្បន្នណាមួយទេ។

ក្នុងនោះ ក្រុមហ៊ុន Orca បាននិយាយថា រថយន្តថ្មីនៅក្នុងទ្វីបអឺរ៉ុបនឹងមានមុខងារផាសុកភាពស្តង់ដារមួយចំនួនដូចជា ដំបូលបែប Panoramic Sunroof កៅអីស្រោបដោយស្បែក និងភ្លើងលម្អខាងក្នុងផងដែរ ។ អ្នកគ្រប់គ្រង Orca នៅចក្រភពអង់គ្លេសបាននិយាយថាតម្លៃមិនទាន់ត្រូវបានប្រកាសទេ ប៉ុន្តែរថយន្តសន្យាថានឹងមានតម្លៃប្រកួតប្រជែងបើធៀបនឹងផលិតផលពីប្រទេសកូរ៉េ។

ទាក់ទងនឹងផ្នែកម៉ាស៊ីនវិញ រថយន្តថ្មីនេះនឹងបំពាក់ម៉ូទ័រអគ្គិសនីចំនួន ២ មានកម្លាំង ៣៨៤ សេស និងកម្លាំងរមួល ៦៨០ ញ៉ូតុនម៉ែត្រ នឹងអាចបើកបរបានចម្ងាយប្រហែល ៤៨៣ គីឡូម៉ែត្រក្នុងការសាកថ្មពេញម្តង ប្រភេទបើកបរប៉ុង ២ all-wheel drive ៕

ផ្ទាំងផ្សាយពាណិជ្ជកម្ម

ឡានអគ្គិសនី Lexus RZ ចេញលក់ជាផ្លូវការនៅប្រទេសហ្វីលីពីន តម្លៃជិត ៩ មុឺនដុល្លារ

May 4, 2023

[ទីផ្សារបរទេស] ក្រុមហ៊ុនផលិតរថយន្ត Toyota ប្រចាំនៅប្រទេសហ្វីលីពីន បានធ្វើការដាក់បង្កាញចេញជាផ្លូវការនៅរថយន្ត Lexus RZ ជារថយន្ត SUV អគ្គិសនី ដំបូងរបស់ក្រុមហ៊ុន ជាមួយតម្លៃលក់ចាប់ពី ៨៧ ៤១២ ដុល្លារ ។

RZ នៅតែពាក់ប៉ាណាខាងមុខបិទជិតឲ្យឈ្មោះថា spindle grille ដែលជាអត្តសញ្ញាតិ្តរបស់ខ្លួន អបជាមួយចង្កៀងប្រភេទ LED មុខងារទម្លើង-ទម្លាក់ដោយស្វ័យប្រវត្តិ ប្រើប្រាស់នៅថាសកង់ស្ព័រទំហំ ២០ អ៉ីញ និងចង្កៀងក្រោយប្រភេទ LED រចនាជាខ្សែរបន្ទាត់អូសកាត់ពីផ្នែកម្ខាងទៅផ្នែកម្ខាងជាដើម ។

រីឯនៅផ្នែកខាងក្នុងបានប្រើប្រាស់ភាសារចនាឲ្យឈ្មោះថា Tazuna cockpit concept តបានបំពាក់កៅអីស្បែកគុណភាពខ្ពស់ អេក្រង់កំសាន្ត touchscreen ទំហំ ១៤ អ៉ីញ ភ្ជាប់មុខងារ Apple CarPlay និង Android Auto និងអេក្រង់បង្ហាញលើកញ្ចក់ដែលអាចជ្រើសរើសបានពី ៣ របៀបបង្ហាញជាដើម។

ទាក់ទងនឹងផ្នែកម៉ាស៊ីនវិញ រថយន្ត Lexus RZ ដំណើរការដោយម៉ូទ័រអគ្គិសនីចំនួន ២ មានកម្លាំង ៣០៨ សេស ផ្គួបជាមួយអាគុយទំហំ ៧១,៤ គីឡូវ៉ាត់ម៉ោង អាចបើកបរបានចម្ងាយ ៣៩៥ គីឡូម៉ែត្រក្នុងការសាកថ្មពេញម្តង ។

គួរបញ្ជាក់ផងដែរថា ក្រុមហ៊ុន Toyota Motor Philippines បានបញ្ជាក់កាលពីមុនថា ខ្លួននឹងដាក់លក់រថយន្តអគ្គិសនី Lexus RZ រួមជាមួយនឹង Toyota bZ4X នៅក្នុងប្រទេសនេះនៅក្នុងឆ្នាំនេះ៕

ផ្ទាំងផ្សាយពាណិជ្ជកម្ម

Peugeot ដាក់បង្ហាញរថយន្ត Peugeot 2008 មុខមាត់ថ្មី សាកភ្លើងម្តងជិះបាន ៤០៦ គីឡូម៉ែត្រ សម្រាប់ទីផ្សារអឺរ៉ុប

May 4, 2023

[បរទេស] ក្រុមហ៊ុនផលិតរថយន្ត Peugeot បានធ្វើការដាក់បង្ហាញចេញជាផ្លូវការនៅរថយន្ត Peugeot 2008 មុខមាត់ថ្មីទៅកាន់ទីផ្សារសកលជាមួយថាមពលម៉ាស៊ីនខ្លាំងជាងមុន សម្រាប់នៅទីផ្សារក្នុងតំបន់អឺរ៉ុប ។

រថយន្តនេះ មានប្រវែងតួខ្លួនសរុប ៤ ៤៤៧ ម.ម ទទឹង ១ ៨៤១ ម.ម កំពស់ ១ ៦២០ ម.ម និងប្រវែងគន្លាតកង់មុខ-ក្រោយ ២ ៦៧៥ ម.ម ។ Peugeot 2008 មុខមាត់ថ្មី មានការរចនារូបរាងថ្មីទាំងស្រុងនៅផ្នែកខាងមុខ ដូចជាប៉ាណា និងឡូហ្គោថ្មី បានបន្ថែមការចនាអំពូលបំភ្លឺពេលថ្ងៃដែលឲ្យឈ្មោះថា 3-cat claw ប្រើប្រាស់នៅថាសកង់ថ្មីទំហំ ១៦ អ៉ីញ ដល់ ១៨ អ៉ីញ និងផ្នែកខាងក្រោយបានធ្វើការកែប្រែទៅលើសំណុំចង្កៀងដោយប្រើប្រាស់ជាប្រភេទ LED ទាំងអស់ ។

ចំពោះនៅផ្នែកខាងក្នុងវិញ ក៏ទទួលបានការតុបតែងថ្មីផងដែរ ដោយមានបំពាក់កុងទ័របង្ហាញព័ត៌មានឌីជីថលប្រភេទ i-cockpit 3D ទំហំ ១០ អ៉ីញ និងអេក្រង់កំសាន្ត touchscreen ទំហំ ១០ អ៉ីញថ្មីផងដែរ ។ មិនត្រឹមតែប៉ុណ្ណោះ Peugeot ក៏បានបន្ថែមមុខងារបន្ថែមទៀតទៅកាន់កម្មវិធី MyPeugeot ទៀតផង ។

ការផ្លាស់ប្តូរធំគឺនៅផ្នែកម៉ាស៊ីន សម្រាប់ម៉ូដែល E-2008 ដោយទទួលបានម៉ូទ័រអគ្គិសនីដែលមានកម្លាំងលើសមុន ១៥% អាចផលិតកម្លាំងបានដល់ ១៥៦ សេស ផ្គួបជាមួយអាគុយទំហំ ៥០គីឡូវ៉ាត់ម៉ោង ដល់ ៥៤ គីឡូវ៉ាត់ម៉ោង អាចបើកបរបានចម្ងាយ ៤០៦ គីឡូម៉ែត្រក្នុងការសាកថ្មពេញម្តង ៕

ផ្ទាំងផ្សាយពាណិជ្ជកម្ម

Range Rover Sport ស៊េរីឆ្នាំ ២០២៣ រូបរាងថ្មីទាំងស្រុង ជាមួយតម្លៃលក់ខ្ទង់ ២០មុឺនដុល្លារជាង

May 4, 2023

[បរទេស] ក្រុមហ៊ុនផលិតរថយន្ត Land Rover បានធ្វើការដាក់បង្ហាញចេញនៅរថយន្ត Range Rover Sport ស៊េរីឆ្នាំ ២០២៣ រូបរាងថ្មីទាំងស្រុង ជាមួយតម្លៃលក់ចាប់ពី ២៥៤ ៤០៨ ដុល្លារ ។

Range Rover Sport ស៊េរីឆ្នាំ ២០២៣ ថ្មីត្រូវបានផលិតឡើងជាជំនាន់ទី ៣ ដោយផ្អែកលើគ្រោងឆ្អឹង MLA-Flex platform។ សម្រាប់នៅទីផ្សារថៃត្រូវបានដាក់លក់ដំបូងជាមួយនឹងម៉ាស៊ីន Plug-in Hybrid ដែលធ្វើការរួមគ្នាជាមួយម៉ាស៊ីនសាំងចំណុះ ៣,០ លីត្រ ទំហំ ៦ ស៊ីឡាំង ផ្គួបជាមួយម៉ូទ័រអគ្គីសនី អាចផលិតកម្លាំងបាន ៥១០ សេស បំពាក់អាគុយទំហំ ៣៨,២ គីឡូវ៉ាត់ម៉ោង អាចបើកបានចម្ងាយ ៧៤០ គីឡូម៉ែត្រក្នុងការសាកថ្មពេញម្តង ។

ការរចនាផ្នែកខាងក្រៅត្រូវបានរចនាឡើងដើម្បីបញ្ជាក់ពីភាពប្រណីត បំពាក់សំណុំចង្កៀងមុខប្រភេទ Digital LED ឌីជីថល ជាប់នឹងប៉ាណារាងស្លីម និងភ្លើងក្រោយប្រភេទ LED រាងផ្ដេកថ្មីដែលភ្ជាប់គ្នាជាមួយនឹងបន្ទះតុបតែងពណ៌ខ្មៅដែលមានអក្សរ RANGE ROVER ជាដើម ។ រថយន្តនេះ មានកម្រិតការកកិតត្រឹមតែ ០,២៩ ប៉ុណ្ណោះ ។

ចំពោះ នៅផ្នែកខាងក្នុងត្រូវបានរចនាឡើងជាមួយនឹងបច្ចេកវិជ្ជា Range Rover Command Driving Position បំពាក់ដោយអេក្រងកំសាន្ត touchscreen ទំហំ ១៣,១ អ៉ីញ ។ លើសនេះ ក៏មានប្រព័ន្ធដែលអាចកំណត់រថយន្ត និងអាចរៀនពីការបើកបររបស់អ្នកបើកបរ និងផ្តល់នៅបទពិសោធន៍បើកបរដ៏អស្ចារ្យដូចជាជំនួយការផ្ទាល់ខ្លួនផងដែរ។ មិនត្រឹមតែប៉ុណ្ណោះ ក៏បានធ្វើឲ្យប្រសើរឡើងនៅប្រព័ន្ធទប់លំនឹងជើងក្រោមទៀតផង ៕

ផ្ទាំងផ្សាយពាណិជ្ជកម្ម

លេចលឺថា ឡានអគ្គិសនីសុទ្ធដំបូងបង្អស់ BMW iX2 ប្រភេទ Crossover នឹងបង្ហាញខ្លួននៅក្នុងឆ្នាំនេះ

May 3, 2023

[បរទេស] យោងតាមក្រុមហ៊ុន BMW ថ្មីៗនេះបាននិយាយជាមួយលោក Carsten Regent ប្រធានរោងចក្រ Regensburg របស់ក្រុមហ៊ុនដែលបានបញ្ជាក់ថាក្រុមហ៊ុននឹងចាប់ផ្តើមផលិតរថយន្តអគ្គិសនីសុទ្ធ BMW iX 2 នៅចុងឆ្នាំនេះ រួមជាមួយដូចជារថយន្ត SUV អគ្គិសនី iX1 និងរថយន្ត X1 និង X2 ប្រើថាមពលចំហេះក្នុងផងដែរ។

ទន្ទឹមនឹងនេះ ក្រុមហ៊ុននឹងវិនិយោគទឹកប្រាក់ចំនួន ៣៨៤ លានដុល្លារ នៅក្នុងរោងចក្រនៅចុងឆ្នាំ និងបន្ថែមបុគ្គលិកថ្មីចំនួន ៥០០ នាក់។ លើសពីនេះ iX2 ជាដំណឹងដ៏ធំមួយសម្រាប់ BMW ប្រសិនបើលក់នៅសហរដ្ឋអាមេរិក វានឹងក្លាយជាប្រភេទ Crossover អគ្គិសនីដំបូងបង្អស់ដែលផ្តល់ជូននៅទីផ្សារនេះ។

គួរឲ្យដឹងថា រោងចក្រ Regensburg បានស្ថិតនៅជួរមុខនៃការជំរុញអគ្គិសនីរបស់ក្រុមហ៊ុន BMW ដោយផលិតរថយន្តអគ្គិសនី និងសមាសធាតុ e-drive ហើយរោងចក្រនេះបានផលិតគ្រឿងបន្លាស់អគ្គិសនីជាង ៣០ ០០០ គ្រឿង ជាមួយនឹងការគ្រោងទុកជាច្រើនទៀតសម្រាប់អនាគតទៀតផង។

សម្រាប់ iX2 យើងនៅតែមិនបានឃើញរថយន្តនេះត្រូវបានគេបង្ហាញទេ ប៉ុន្តែពីរូបភាពដែលថតបានទាំងអស់ដែលបានបង្ហាញ និង X2 ធម្មតា វានឹងប្រើប្រាស់ការរចនាប្រភេទ Crossover ដែលមានល្បឿនលឿន ដែលមានទំហំធំជាងបើធៀបនឹង X2 ជំនាន់មុន ។ ទាក់ទឹងនឹងផ្នែកម៉ាស៊ីន សម្រាប់ម៉ូដែល xDrive30 មានបំពាក់ម៉ូទ័រអគ្គិសនីចំនួន ២ អាចផលិតកម្លាំងបាន ៣០៨ សេស និងកម្លាំងរមួល ៤៩៤ ញ៉ូតុនម៉ែត្រ ។ យ៉ាងណាមិញ សម្រាប់ព័ត៌មានបន្ថែមមានតែរងចាំមើលទាំងអស់ ៕

ផ្ទាំងផ្សាយពាណិជ្ជកម្ម