ឡាន Changan Dark Blue SL03 លក់បានច្រើនជាង ៥ មុឺនគ្រឿងនៅទូទាំងប្រទេសចិន

April 29, 2023

[ទីផ្សារបរទេស] កាលពីពេលថ្មីៗ កន្លងទៅនេះ ក្រុមហ៊ុន Changan Autobobile បានធ្វើការប្រកាសថា ខ្លួនបានដឹកជញ្ជូនរថយន្ត Changan Dark Blue SL03 ច្រើនជាង ៥០ ០០០ គ្រឿងទៅកាន់ទីក្រុងជាង ២១៥ នៅទូទាំងប្រទេសចិន។

រថយន្តអគ្គិសនី Changan Dark Blue SL03 មានបំពាក់ជាមួយប៉ាណាមុខបិទ ចង្កៀងមុខប្រភេទ matrix LED ភ្ជាប់ដោយមុខងារឡើងចុះដោយស្វ័យប្រវត្តិ អមជាមួយអំពូលបំភ្លឺពេលថ្ងៃប្រភេទ LED។ ខណៈ ផ្នែកខាងក្រោយត្រូវបានបំពាក់ចង្កៀងប្រភេទ LED រចនាអូសកាត់ពីផ្នែកម្ខាងទៅផ្នែកម្ខាង និងភ្ជាប់ជាមួយកាង spoiler ផងដែរ។

សម្រាប់ផ្នែកខាងក្នុងនៃរថយន្តនេះ បានភ្ជាប់មកជាមួយការរចនាដ៏ប្រណិត អេក្រង់កំសាន្តបញ្ឈរទំហំ ១៤,៦ អ៉ីញ អាចបង្វិលបាន និងកុងទ័រព័ត៌មាន full LCD, ដៃចង្កូត កៅអី បន្ទះទ្វារ កន្លែងទម្រដៃ ត្រូវបានស្រោបដោយស្បែក និងដំបូលកញ្ចក់បែប Panoramic roof។

គួរបញ្ជាក់ផងដែរថា រថយន្ត Changan Dark Blue SL03 ចេញលក់ជា ៣ ប្រភេទសម្រាប់ជ្រើសរើស៖ ប្រភេទអគ្គិសនីសុទ្ធ (All-electric BEV), ម៉ាស៊ីន Hybrid (HEV), និងម៉ាស៊ីនដើរដោយថាមពល Hydrogen (FCEV) ដែលមានតម្លៃចាប់ពី ២៤ ៩៩៨ ដុល្លារ ដល់ ១០៣ ៥៩៦ ដុល្លារ៕

ផ្ទាំងផ្សាយពាណិជ្ជកម្ម

ឡាន Toyota Supra GR GT4 Special Edition ផលិតតែ ១០០ គ្រឿងប៉ុណ្ណោះ ជាមួយតម្លៃខ្ទង់ ៥ មុឺនដុល្លារ

April 29, 2023

[បរទេស] ក្រុមហ៊ុនផលិតរថយន្ត Toyota Gazoo Racing បានធ្វើការាដាក់បង្ហាញចេញនៅរថយន្ត Toyota Supra GR GT4 Special Edition ផលិតតែ ១០០ គ្រឿងប៉ុណ្ណោះ នឹងបើកទទួលការកក់នៅថ្ងៃទី ៨ ខែឧសភា ដល់ថ្ងៃទី៤ ខែមិថុនា នៅក្នុងទីផ្សារប្រទេសជប៉ុន ជាមួយតម្លៃលក់ចាប់ពី ៥៥ ៨១៤ ដុល្លារ ។

រថយន្តម៉ូដែលពិសេសនេះ នឹងផ្អែកលើ RZ trim ដែលមានន័យថាវានឹងត្រូវបានបំពាក់ដោយប្រអប់លេខអូតូ ៨ វគ្គ។ លើសពីនេះ បានបំពាក់ថាសកង់អាលុយមីញ៉ូមពណ៌ខ្មៅ ជាមួយដុំហ្វ្រាំង calipers ពណ៌ខ្មី កៅអីស្បែកម៉ាក Alcántara ឡូហ្គោ និងឈ្មោះម៉ូដែលធ្វើពី Carbon-fiber និងជាពិសេសគឺការតុបតែងជាមួយពណ៌ទឹកក្រូច Plasma។

លើសពីនេះ Toyota នឹងផលិតគំរូរថយន្តប្រណាំងចំនួន ៣ ទៀតរគឺ GR Supra GT4 EVO ដែលមានពណ៌ទឹកក្រូចដូចគ្នា។ ម៉ូដែលទាំងនេះក៏នឹងទទួលបានតួខាងមុខពិសេស និងឡូហ្គោពិសេសផងដែរ។ សម្រាប់តម្លៃរបស់ម៉ូដែលពិសេសនេះមិនត្រូវបានគេបញ្ជាក់ច្បាស់ទេ ប៉ុន្តែតម្លៃសម្រាប់រថយន្តប្រណាំងចាប់ពី ២០៤ ៥៤៨ ដុល្លារ ។

គួរបញ្ជាក់ផងដែរថា នៅចន្លោះឆ្នាំ ២០២២ ដល់ចុងឆ្នាំ ២០២២ រថយន្ត Toyota supra GT4 ត្រូវបានចូលក្នុងការប្រណាំងចំនួន ៣១៧ លើក កត់ត្រា class victories ចំនួន ៧៩លើក ឈ្នះ ២០លើក និងចំណាត់ថ្នាក់កំពូល ២០៧ នៅក្នុងព្រឹត្តិការណ៍ជុំវិញពិភពលោក៕

ផ្ទាំងផ្សាយពាណិជ្ជកម្ម

ក្រុមហ៊ុន Jeep ត្រៀមបញ្ជេញនៅរថយន្តអគ្គិសនីទីបួនរបស់ខ្លួននៅត្រឹមឆ្នាំ២០២៥

April 28, 2023

[ទីផ្សារបរទេស] រូបភាពTeaser ថ្មីរបស់រថយន្តអគ្គិសនី Jeep ត្រូវបានបង្ហាញចេញមុនពេលរថយន្តមួយនេះត្រូវបានបង្ហាញខ្លូនផ្លូវការនៅឆ្នាំ២០២៥។

ជាក់ស្តែង សម្រាប់ម៉ូដែលទី៣ ក្នុងចំណោមទី៤ ត្រូវបានបញ្ចាក់ការបង្ហាញនៅអាមេរិច ហើយរថយន្ត Wagoneer S និង Recon ត្រូវលក់ក្នុងស្រុក ខណៈរថយន្តអគ្គិសនីដំបូងគេបង្អស់របស់ Jeep គឺ Avenger កំពុងលក់ដាច់ជាខ្លាំងនៅអឺរ៉ុបប៉ុន្តែមិនមែនសហរដ្ឋអាមេរិក ព្រោះវាជាម៉ូឌែលតូច។

មួយវិញទៀតបើយើងក្រឡេកមើលរូបភាព Teaser រថយន្តហាក់បីដូចជាតូចជាង Jeep Avenger ទៅទៀត ខណៈពាក្យចចាមអារ៉ាមអំពីកូនរថយន្ត Jeep មានរចនាប័ទ្មដូចទៅនឹង Jeep Wrangler ផងដែល៕

ផ្ទាំងផ្សាយពាណិជ្ជកម្ម

ឡាន SUV នេះជិះ ១០០គីឡូម៉ែត្រស៊ីប្រេងតែ ៣,៥លីត្រ

April 28, 2023

[ទីផ្សារក្នុងស្រុក] កំពុងស្វែងរករថយន្តដែលសន្សំសំចៃមែនទេ រថយន្ត SUV ដែលទើបតែមានវត្តមាននៅលើទីផ្សារប្រទេសកម្ពុជា មួយនេះស៊ីប្រេងត្រឹម ៣,៥លីត្រប៉ុណ្ណោះសម្រាប់ការបើកបរចម្ងាយ ១០០គីឡូម៉ែត្រ។ ក្រៅពីមានភាពសន្សំសំចៃខ្លាំង រថយន្ត DongFeng Aeolus Huge ២០២៤ ក៏បានភ្ជាប់មកជាមួយប្រណិតភាព និងបច្ចេកវិទ្យាឆ្លាតវៃផងដែរ។

រថយន្តនេះប្រើប្រាស់ជាមួយប្រព័ន្ធកូនកាត់ Hybrid ជំនាន់ថ្មី ដំណើរការជាមួយម៉ាស៊ីនសាំងចំណុះ ១,៥ លីត្រ Turbocharged ទំហំ ៤ ស៊ីឡាំង ផ្គួបជាមួយម៉ូទ័រអគ្គិសនី អាចផលិតកម្លាំងបាន ១៧៧ សេះ និងកម្លាំងរមួល ៥៤០ ញ៉ូតុនម៉ែត្រ ជាមួយកម្រិតស៊ីសាំងត្រឹមតែ ៣,៥ លីត្រប៉ុណ្ណោះ ក្នុងការបើកបរចម្ងាយ ១០០ គីឡូម៉ែត្រ ។

ចំពោះការរចនាបង្កប់ជាមួយប្រណិតភាព ភាពទាក់ទាញ និងទំនុកចិត្ត បន្ថែមជាមួយការបំពាក់នូវចង្កៀងផ្នែកខាងមុខ និងផ្នែកខាងក្រោយប្រើប្រាស់ជាប្រភេទ LED, ថាសកង់ស្ព័រ និងកាន់តែឆ្លាតវៃជាការបើកទ្វារក្រោយដោយប្រើបច្ចេកវិទ្យា AR ក្នុងការបើក-បិទទ្វាផងដែរ។

ផ្នែកខាងក្នុងក៏បានគិតគូពីប្រណិតភាព និងភាពធំទូលាយនៃប្រើប្រាស់ ដោយបានភ្ជាប់មកជាមួយ អេក្រង់ភ្លោះដែលមានកុងទ័របង្ហាញបង្ហាញព័ត៌មានទំហំ ១២,៣ អ៊ីញ និងអេក្រង់កំសាន្ត touchscreen ទំហំ ១២,៣ កៅអីស្បែកមានមុខងារកំដៅ/ខ្យល់ត្រជាក់ អាចបញ្ជាតាមរយះថាមពលអគ្គិសនី ៦ របៀបសម្រាប់អ្នកបើកបរ និង ៤ របៀបសម្រាប់អ្នកដំណើរខាងមុខជាមួយទម្រជើងអូតូជាប្រភេទកៅអី Queen Co-pilot seat កន្លែងសាកថ្មឥតប្រើខ្សែរ ដំបូលកញ្ចក់បើកទំហំ ១,១៧ ម៉ែត្រ ប្រភេទ Panoramic sunroof កញ្ចក់មើលក្រោយការពារចំណាំងផ្លាត ផ្លិតទឹកអូតូ ឧបករណ៍បំពងសំឡេងម៉ាក Jamo ចំនួន ១០ ចំនុច និងភ្លើងលម្អ LED ជាដើម ។

រថយន្ត DongFeng Aeolus Huge ឆ្នាំ២០២៤ មានប្រវែង ៤ ៧២០មម, ទទឹង ១ ៩១០មម, កម្ពស់ ១ ៧០២មម និងប្រវែងនៃកម្លាត់កង់មុខក្រោយ ២ ៨២៥មម។

រថយន្ត DongFeng Aeolus Huge បានបន្ថែមទំនុកចិត្តទៅកាន់អ្នកបើកបរ ជាមួយប្រព័ន្ធជំនួយដល់ការបើកបរដ៏ឆ្លាតវៃកម្រិត ៣ និងប្រព័ន្ធសុវត្ថិភាពសំខាន់ៗក្នុងការការពារសុវត្ថិភាពដូចជា៖

កាំម៉េរា ៥៤០ ដឺក្រេ មួយជុំរថយន្ត
ប្រព័ន្ធពោងការពារសុវិត្ថភាព ៦ ចំនុច
ប្រព័ន្ធហ្វ្រាំងសុវិត្ថភាព ABS EBD BA
ប្រព័ន្ធកំណត់ល្បឿនបើកបរ បន្ថែមល្បឿននឹងបន្ថយល្បឿនតាមរថយន្តខាងមុខ Adaptive Cruise Control
ប្រព័ន្ធជំនួយមិនឲ្យរថយន្តចាកគន្លងផ្លូវ និងផ្តល់សញ្ញាព្រមាន Lane keep assist with Lane departure warning
ប្រព័ន្ធផ្តល់សញ្ញាពេលមានឧបសគ្គពីខាងមុខ និងចាប់ហ្វ្រាំងដោយស្វ័យប្រវត្តិ Forward Collison Alert and Automatic Emergency Braking
ប្រព័ន្ធទំលំនឹងសកម្ម TCS
ប្រព័ន្ធចាប់ផ្លាកសញ្ញាចរចារណ៏Traffic Sign Recogni (TSR)
ប្រព័ន្ធជំនួយពីឡើងនិងចុះពីចំណោត
ប្រពន្ធ័វ៉ាស់សម្ពោធខ្យល់កង់ Tire Pressure Monitor System
និងប្រពន្ធ័ជំនួយមិនឲ្យរថយន្តក្រឡាប់នៅពេលបើកបរលើផ្លូវកោងខ្លាំង

សម្រាប់រថយន្ត DF Aeolus Huge ឆ្នាំ២០២៤ មានតម្លៃលក់ខ្ទង់ ៤ម៉ឺនដុល្លារ ។ បន្ថែមពីនេះ រាល់ការទិញរថយន្តពីក្រុមហ៊ុន DF Aeolus Cambodia បងប្អូននឹងទទួលបាននូវការធានារយះពេល ៥ ឆ្នាំ ឬ ១៥០ ០០០ គីឡូម៉ែត្រ រួមទាំងគ្រឿងបន្លាស់ ការថែទាំ ប្ដូរប្រេង ម៉ាស៊ីន ប្រេងហ្វាំង ប្រេងប្រអប់លេខ តម្រង់ប្រេង អាគុយ ខ្សែពាន ផ្លិតទឹកដោយឥតគិតថ្លៃ។ សម្រាប់ព័ត៌មានបន្ថែមអំពីរថយន្តនេះ អាចទំនាក់ទំនងទៅកាន់លេខទូរស័ព្ទ 012 223 023 / 010 223 023 ឬអគារតាំងបង្ហាញរថយន្តផ្លូវការដែលស្ថិតនៅលើផ្លូវជាតិលេខ ៦A ភូមិកៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ៕

សម្រាប់វីដេអូចំណាប់អារម្មណ៍

ផ្ទាំងផ្សាយពាណិជ្ជកម្ម

លក់ដាច់ពេក! Volvo ប្រកាសបិទការបញ្ជាទិញរថយន្តអគ្គិសនី Volvo EX90 ដោយសារខ្លួនផលិតរថយន្តមិនទាន់

April 28, 2023

[បរទេស] ក្រុមហ៊ុនផលិតរថយន្ត Volvo បានធ្វើការប្រកាសឈប់ទទួលការកក់សម្រាប់រថយន្តអគ្គិសនីសុទ្ធ Volvo EX90 ដោយសារតែតម្រូវការខ្លាំងបានលើសសមត្ថភាពផលិតកម្មរបស់ក្រុមហ៊ុន នឹងបើកបញ្ជាទិញឡើងវិញក្នុងពេលឆាប់ៗនេះ ដោយមិនផ្តល់ពេលវេលាច្បាស់លាស់នោះទេ។

រថយន្ត SUV អគ្គិសនីខ្នាតធំនេះ គ្រោងនឹងចេញលក់នៅត្រីមាសចុងក្រោយនៃឆ្នាំនេះ ហើយនឹងត្រូវផលិតនៅសហរដ្ឋអាមេរិក ក៏ដូចជានៅក្នុងប្រទេសចិនផងដែរ។ ការប្រកាសអំពីការបិទការបញ្ជាទិញជាបណ្ដោះអាសន្នត្រូវបានធ្វើឡើងនៅក្នុងសេចក្តីប្រកាសព័ត៌មានទាក់ទងនឹងលទ្ធផលក្នុងត្រីមាសទី១ ឆ្នាំ ២០២៣ ។ នៅក្នុងឯកសារដដែលនេះ ក្រុមហ៊ុន Volvo និយាយអំពីរថយន្តអគ្គិសនីថ្មីនឹងត្រូវបានដាក់បង្ហាញក្នុងរយៈពេលប៉ុន្មានខែខាងមុខ ជារថយន្តប្រភេទ SUV ដែលស្ថិតនៅក្រោមម៉ូដែល XC40 និង C40 Recharge ។

ក្រុមហ៊ុនមានទំនុកចិត្តថាម៉ូដែលថ្មីដែលហៅថា EX30 នឹងទាក់ទាញអតិថិជនជាមួយតម្លៃទាបជាង។ វាត្រូវបានគ្រោងនឹងបង្ហាញខ្លួននៅថ្ងៃទី ១៥ ខែមិថុនា ឆ្នាំ ២០២៣ នេះបើយោងតាមសេចក្តីថ្លែងការណ៍ដែលធ្វើឡើងដោយ CEO Jim Rowan នៅដើមឆ្នាំ។

Volvo ស្ថិតក្នុងចំណោមក្រុមហ៊ុនផលិតរថយន្តដំបូងគេដែលប្រកាសពីផែនការសម្រាប់ការផលិតតែរថយន្តអគ្គិសនីត្រឹមចុងទសវត្សរ៍នេះ។ ដើម្បីទៅដល់ទីនោះ ក្រុមហ៊ុនក៏មានបំណងដាក់បង្ហាញរថយន្តអគ្គិសនីបន្ថែមដោយដាក់ចេញយ៉ាងហោចណាស់មួយម៉ូដែលរហូតដល់ឆ្នាំ ២០២៥ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ BYD Song L ជាគូប្រជែងរបស់ Tesla Model Y បង្ហាញខ្លួននៅប្រទេសចិន

April 26, 2023

[បរទេស] ក្រុមហ៊ុនផលិតរថយន្តយក្ស BYD បានធ្វើការដាក់បង្ហាញចេញនៅរថយន្តអគ្គិសនីសុទ្ធ BYD Song L ជាប្រភេទ coupe-style crossover នៅឯពិព័រណ៌រថយន្ត Shanghai Auto Show នឹងគ្រោងចេញលក់នៅក្នុងត្រីមាសទី ៤ ឆ្នាំ ២០២៣ ។

ម៉ូដែលនេះត្រូវបានផលិតឡើងនៅលើតួគ្រោងរថយន្តអគ្គិសនី 3.0 ដែល BYD ប្រើប្រាស់សម្រាប់ផលិតផលជាច្រើនរបស់ខ្លួន ។ សម្រាប់នៅផ្នែកខាងក្រៅ មានបំបាក់ប៉ាណាជាប់ជាមួយចង្កៀងមុខប្រភេទ LED រចនាអូសកាត់ពីផ្នែកម្ខាងទៅផ្នែកម្ខាង រួមផ្សំជាមួយកាងទំហំធំ។ នៅខាងក្រោយដែលមានកាង spoiler ចំនួន ២ និងបំពង់ស៊ីមាំងទំហំធំធ្វើពី carbon-fiber ជាដើម។

ទន្ទឹមនឹងនេះ ក្រុមហ៊ុនផលិតរថយន្តមិនបានបង្ហាញលម្អិតអំពីលក្ខណៈបច្ចេកទេសនៃម៉ូដែលថ្មីនេះទេ ប៉ុន្តែស្ថាបត្យកម្មនេះ អាចនឹងមានបំពាក់ជាមួយម៉ូទ័រអគ្គិសនីចំនួន ១ ឬ ២ និងអាគុយ Blade 800V របស់ BYD ដែលអាចបើកបរបានចម្ងាយផងដែរ។

គួរបញ្ជាក់ផងដែរថា សម្រាប់រថយន្តអគ្គិសនីសុទ្ធ BYD Song L នេះ នឹងគូប្រជែងរបស់ខ្លួននឹងមាន Tesla Model Y ដែលគ្រោងនឹងទទួលបានការអាប់ដេតជាច្រើនក្នុងឆ្នាំ ២០២៤៕

ផ្ទាំងផ្សាយពាណិជ្ជកម្ម

ក្តៅៗ! Mclaren 750s មានទម្ងន់ស្រាល ជាមួយកម្លាំងខ្លាំងបំផុតរបស់ក្រុមហ៊ុន បង្ហាញខ្លួនជាផ្លូវការ

April 26, 2023

[ទីផ្សារបរទេស] ក្រុមហ៊ុនផលិតរថយន្ត McLaren បានធ្វើការដាក់បង្ហាញចេញជាផ្លូវការនៅរថយន្ត Mclaren 750s ដែលជារថយន្តមានទម្ងន់ស្រាល និងមានកម្លាំងខ្លាំងបំផុត មកជា ២ ប្រភេទសម្រាប់ជ្រើសរើសគឺ ម៉ូដែល Coupe និង Spider ជាមួយតម្លៃលក់ចាប់ពី ៣២៤ ០០០ ដុល្លារ ដល់ ៣៤៥ ០០០ ដុល្លារ ។

រថយន្ត Super Car នេះ ផលិតឡើងនៅលើគ្រោងឆ្អឹង 720S Platform ជាមួយការឌីស្សាញថ្មីជាង ៣០% ។ McLaren 750S នៅតែប្រើប្រាស់ចង្កៀងមុខរចនាបែប aerodynamic design, កាងខាងមុខត្រូវបានរចនាឡើងវិញតាមរចនាប័ទ្ម McLaren ចុងក្រោយបង្អស់ និងគម្លាតនៅការដំឡើងចង្កៀងមុខ LED ត្រូវបានកាត់បន្ថយ។ លក្ខណៈពិសេសមួយក្នុងការរចនាដែល McLaren គឺតួធ្វើពី Carbon-fiber monocoque ដែលមានទម្ងន់ត្រឹមតែ ១ ២៧៧ គីឡូក្រាម ស្រាលជាងរថយន្តជំនាន់មុន ៣០ គីឡូក្រាម។ ខណះម៉ូដែល McLaren 750S Spider មានទម្ងន់ត្រឹមតែ ១ ៣២៦ គីឡូក្រាម ។

បន្ថែមពីនេះ សំណុំនៃថាសកង់ 10-spoke aerodynamic ស្រាលជាងម៉ូដែលមុន ១៣ គីឡូក្រាម បំពង់ស៊ីមាំងចំនួន ២ ដាច់ដោយឡែកមានទម្ងន់ស្រាលដែលខ្ពស់ជាង ៥១ ម.ម ការរចនានេះត្រូវបានបំផុសគំនិតដោយ McLaren P1 និងកាង Active aerodynamic spoiler ធំជាងមុន ២០% ។

ចំពោះនៅផ្នែកខាងក្នុងរបស់ McLaren 750S បានបន្ថែមជាមួយនឹងការធ្វើឲ្យប្រសើរជាមួយនឹងប៊ូតុងចុចបញ្ជាចំនួន ២ នៅលើកុងទ័របង្ហាញព័ត៌មានឌីជីថល ។ ក្នុងនោះ រចនាបថខាងក្នុងត្រូវបានបែងចែកជា ២ គឺ TechLux និង Performance និង បំពាក់ដោយកៅអីស្ព័រធ្វើពី carbon fiber មានទម្ងន់ស្រាលជាងម៉ូដែល 729S ដល់ទៅ ១៧,៥ គីឡូក្រាម ។

McLaren 750S បំពាក់ដោយម៉ាស៊ីនចំណុះ ៤,០ លីត្រ twin-turbo V8 អាចផលិតកម្លាំងបាន ៧២០ សេស ដល់ ៧៥០ សេស និងកម្លាំងរមួល ៨០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គ ជាមួយរបៀបបើកបរចំនួន ៣ គឺ Comfort, Sport និង Track ហើយក៏បានធ្វើឲ្យប្រសើរឡើងនៅប៉ុងខាងមុខផងដែរ ។ លើសពីនេះ សម្រាប់ម៉ូដែល Coupe និង Spider អាចរត់ពីកុងទ័រ ០-១០០ គីឡូម៉ែត្រក្នុងមួយម៉ោងត្រឹមរយះពេលតែ ២,៨ វិនាទីប៉ុណ្ណោះ និង Top speed ៣៣២ គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

Honda នាំយកគំរូរថយន្តអគ្គិសនី Honda e:NP2 និង Honda e:NS2 នៅឯពិព័រណ៍រថយន្ត Shanghai Auto Show

April 25, 2023

[បរទេស] ក្រុមហ៊ុនផលិតរថយន្ត Honda កំពុងដុតដៃដុតជើងក្នុងការផលិតរថយន្តអគ្គិសនីសុទ្ធនៅក្នុងប្រទេសចិននៅត្រឹមឆ្នាំ ២០៣៥ ដោយបានធ្វើការដាក់បង្ហាញចេញនៅគំរូរថយន្តចំនួន២ គឺ Honda e:NP2 និង Honda e:NS2 និងគំរូរថយន្តថ្មីមួយទៀត នៅឯពិព័រណ៍រថយន្ត Shanghai Auto Show ។

ទន្ទឹមនឹងនេះ គេនៅមិនទាន់ដឹងច្រើនទេអំពីរថយន្តទាំង ៣ នេះទេ ប៉ុន្តែក្រុមហ៊ុន Honda បានបញ្ជាក់ថា គំរូនេះនឹងត្រូវផលិតនៅក្នុងប្រទេសចិន។ ពួកគេនឹងត្រូវបានអនុវត្តតាមកំណែជាក់ស្តែងនៃគំរូ ដែលឲ្យឈ្មោះថា ‘preface’ ឬ ‘introdution’ ដែលនឹងសម្គាល់ការចាប់ផ្តើមនៃត្រកូល e:N ស៊េរី EV របស់ក្រុមហ៊ុន Honda។

Honda និយាយថាគំរូរថយន្តត្រកូល e:N SUV មានលក្ខណៈពិសេសការរចនាដែលរួមបញ្ចូលគ្នានៅធម្មជាតិរថយន្ត SUV និងជាមួយការរចនាដ័វៃឆ្លាតបែបអនាគត។

ជាមួយគ្នានេះ រថយន្តចុងក្រោយនៅក្នុងរូបភាពដែលបានបង្ហាញនោះជាគំរូ e:N GT ដែលត្រូវបានគេបង្ហាញជាលើកដំបូងក្នុងឆ្នាំ ២០២១ ហើយបានបង្ហាញខ្លួនថ្មីនៅក្នុងពិព័រណ៌រថយន្ត Shanghai Auto Show ហើយត្រូវបានគេរំពឹងថា រថយន្តនឹងខិតជិតដល់ការផលិតផងដែរ ៕

ផ្ទាំងផ្សាយពាណិជ្ជកម្ម

MG7 ស៊េរីថ្មី ម៉ូដែលខ្ពស់បំផុត បង្ហាញវត្តមាននៅពិព័រណ៌រថយន្ត Shanghai Auto Show

April 25, 2023

[ទីផ្សារបរទេស] ក្រុមហ៊ុនផលិតរថយន្ត MG បានធ្វើការដាក់បង្ហាញចេញនៅរថយន្ត MG7 ស៊េរីថ្មី ជាម៉ូដែលខ្ពស់បំផុតនៅឯពិព័រណ៌រថយន្ត Shanghai Auto Show ដែលមានតម្លៃលក់ចាប់ពី ១៧ ៣៧០ ដុល្លារ ដល់ ២៤ ៦២០ ដុល្លារសម្រាប់ទីផ្សារប្រទេសចិន ។

រថយន្ត MG7 មានប្រវែងសរុប ៤ ៨៨៤ ម.ម ទទឹង ១ ៨៨៩ ម.ម កំពស់ ១ ៤៤៧ ម.ម និងប្រវែងគន្លាតកង់មុខ-ក្រោយ ២ ៧៧៨ ម.ម ។ សម្រាប់នៅផ្នែកខាងក្រៅបានបំពាក់ជាមួយប៉ាណាមុខពណ៌ខ្មៅ ចង្កៀងមុខ-ក្រោយប្រើប្រាស់ជាប្រភេទ LED, កញ្ចក់ទ្វារគ្មានស៊ុម និងកាង spoiler ខាងក្រោយដែលអាចលើកឡើងដោយស្វ័យប្រវត្តិនៅពេលមានល្បឿនលើសពី ១០០ គីឡូម៉ែត្រក្នុងមួយម៉ោង និងបត់ចុះក្រោមនៅពេលដែលល្បឿនធ្លាក់ចុះក្រោម ៧០ គីឡូម៉ែត្រក្នុងមួយម៉ោង។

ចំពោះនៅផ្នែកខាងក្នុងវិញ មានការរចនាយ៉ាងប្រណិត ត្រូវបានបំពាក់ដោយកៅអីស្ព័រស្រោបដោយស្បែក Silk Nappa ជាមួយនឹងអេក្រង់ភ្លោះ All-in-one ទំហំ ៣៣ អ៉ីញ, អេក្រង់បង្ហាញលើកញ្ចក់ប្រភេទ AR-HUD និងឧបករណ៍បំពងសំឡេងម៉ាក BOSE ចំនួន ១៤ ជាដើម។

ទាក់ទងនឹងផ្នែកម៉ាស៊ីនវិញ MG7 ដំណើរការដោយម៉ាស៊ីនចំនួន ២ ជម្រើសរួមមាន៖

ម៉ាស៊ីនចំណុះ ២,០ លីត្រ Turbocharged អាចផលិតកម្លាំងបាន ២៦១ សេស និងកម្លាំងរមួល ៤០៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៩ វគ្គ
ម៉ាស៊ីនចំណុះ ១,៥ លីត្រ Turbo អាចផលិតកម្លាំងបាន ១៨៨ សេស និងកម្លាំងរមួល ៣០០ ញ៉ូតុនម៉ែត្រ ភ្ជាប់ដោយប្រអប់លេខអូតូ dual-clutch ៧ វគ្គ ៕

ផ្ទាំងផ្សាយពាណិជ្ជកម្ម

ក្រុមហ៊ុន អ អិម អេ ខេមបូឌា ម.ក (RMA Cambodia Plc.) បានទទួលសិទ្ធិក្នុងការផ្តល់សេវាកម្មជួសជុល និងថែទាំរថយន្ត Mercedes-Benz នៅក្នុងព្រះរាជាណាចក្រកម្ពុជា ពីក្រុមហ៊ុន Mercedes-Benz

April 24, 2023

នាថ្ងៃទី ២៤ ខែ មេសា ឆ្នាំ ២០២៣ ក្រុមហ៊ុន អ អិម អេ ខេមបូឌា ម.ក (RMA Cambodia Plc.) គឺជាក្រុមហ៊ុនតែមួយគត់ដែលទទួលបានសិទ្ធិក្នុងការផ្តល់សេវាកម្មជួសជុល និងថែទាំរថយន្ត Mercedes-Benz នៅកម្ពុជា ពីក្រុមហ៊ុន Mercedes-Benz គិតចាប់ពីថ្ងៃទី១ ខែមីនា ឆ្នាំ២០២៣។ ក្រុមហ៊ុន RMA Cambodia គឺជាក្រុមហ៊ុនដែលមានកេរ្តិ៍ឈ្មោះក្នុងការផ្តល់សេវាកម្មអតិថិជន និងបច្ចេកទេសយានយន្តក្នុងកម្រិតខ្ពស់នៅក្នុងព្រះរាជាណាចក្រកម្ពុជា។ រហូតមកដល់បច្ចុប្បន្ននេះ ក្រុមហ៊ុន RMA Cambodia គឺជាក្រុមហ៊ុនឈានមុខគេមួយនៅក្នុងវិស័យយានយន្ត ដោយបានក្លាយខ្លួនជាក្រុមហ៊ុននាំមុខគេក្នុងទីផ្សាររថយន្តថ្មីអស់រយៈពេល ៤ ឆ្នាំជាប់ៗគ្នានៅប្រទេសកម្ពុជា។ មជ្ឈមណ្ឌលសេវាកម្មយានយន្តរបស់ក្រុមហ៊ុន RMA Cambodia ដែលមានវត្តមានទូទាំងប្រទេស គឺជាមជ្ឈមណ្ឌលសេវាកម្មដែលមានស្តង់ដារខ្ពស់បំពាក់ដោយគ្រឿងបរិក្ខារនិងឧបករណ៍ទំនើបៗ ដែលដំណើរការដោយអ្នកជំនាញដែលបានឆ្លងកាត់ការបណ្តុះបណ្តាល និងមានការទទួលស្គាល់កំរិតខ្ពស់។ ការប្តេជ្ញាចិត្តក្នុងការផ្តល់នូវផលិតផល និងសេវាកម្មដែលមានគុណភាពខ្ពស់ដល់អតិថិជន គឺជាកត្តាដែលនំាមកនូវភាពជោគជ័យរបស់ក្រុមហ៊ុន RMA Cambodia ។

លោក ងន សាំង អគ្គនាយកក្រុមហ៊ុន RMA Cambodia បានធ្វើការបញ្ជាក់ថា៖ «ក្រុមហ៊ុន RMA Cambodia បានក្លាយជាក្រុមហ៊ុនឈានមុខគេក្នុងទីផ្សាររថយន្តថ្មីរយៈពេលបួនឆ្នាំជាប់គ្នា បើគិតពីបរិមាណលក់។ ហេតុផលមួយក្នុងចំណោមហេតុផលជាច្រើនដែលជំរុញឱ្យក្រុមហ៊ុនទទួលបានភាពជោគជ័យនេះគឺការប្តេជ្ញាចិត្តយ៉ាងមុតមាំរបស់យើងក្នុងការផ្តល់នូវសេវាកម្មដែលល្អបំផុត និងការយកចិត្តទុកដាក់ខ្ពស់ចំពោះតម្រូវការរបស់អតិថិជន។ ជាមួយនឹងការទទួលបានសិទ្ធិក្នុងការផ្តល់សេវាកម្មជួសជុល និងថែទាំរថយន្ត Mercedes-Benz ក្រុមហ៊ុន RMA Cambodia នឹងបន្តការប្តេជ្ញាចិត្តក្នុងការផ្តល់ជូនអតិថិជនរថយន្ត Mercedes-Benz ទាំងអស់ជាមួយនឹងសេវាកម្មដែលមានគុណភាពខ្ពស់ និងធានាបានថារថយន្តរបស់អតិថិជនយើងមានស្តង់ដារសុវត្ថិភាពខ្ពស់។ ក្នុងនាមជាក្រុមហ៊ុនតែមួយគត់ដែលទទួលបានសិទ្ធិក្នុងការផ្តល់សេវាកម្មជួសជុល និងថែទាំរថយន្ត Mercedes-Benz នៅព្រះរាជាណាចក្រកម្ពុជា យើងខ្ញុំនឹងផ្តល់សេវាកម្មថែទាំ និងជួសជុលតាមស្តង់ដាររបស់រោងចក្រផលិត (OEM) ជាមួយនឹងគ្រឿងបន្លាស់ដើម និងកម្មវិធីស្តង់ដារដល់អតិថិជន។ លោកអគ្គនាយកក៏បានសង្កត់ធ្ងន់ថា៖«Mercedes-Benz គឺជាម៉ាករថយន្តប្រណីតលំដាប់កំពូលមួយ ដែលផ្តល់នូវផាសុខភាព សុវត្ថិភាព និងបច្ចេកវិទ្យាទំនើបចុងក្រោយបំផុតដល់អ្នកប្រើប្រាស់។ ដូច្នេះ រថយន្តប្រភេទនេះគឹត្រូវបានណែនាំអោយទទួលសេវាកម្មថែទាំដោយក្រុមហ៊ុន ដែលការអនុញ្ញាត និងបញ្ជាក់ដោយរោងចក្រផលិត (OEM) ដើម្បីធានាថារថយន្ត បានបំពេញទៅតាមតម្រូវការស្តង់ដារសុវត្ថិភាពពេញលេញ»។

“ក្រុមហ៊ុន RMA Cambodia មានក្រុមអ្នកបច្ចេកទេស ដែលបានទទួលការបណ្តុះបណ្តាលកម្រិតខ្ពស់ ប្រកបដោយជំនាញ និងចំណេះដឹងបច្ចេកទេសចាំបាច់ ដើម្បីធានានូវស្តង់ដារនិងសុវត្ថិភាពរថយន្ត Mercedes-Benz ទាំងអស់។ ក្រុមហ៊ុន RMA នឹងបន្តបញ្ជូនអ្នកបច្ចេកទេសរបស់យើងអោយទទួលបានការបណ្តុះបណ្តាលជាមួយក្រុមហ៊ុន Mercedes-Benz ជាបន្តបន្ទាប់ដើម្បីអោយក្រុមអ្នកបច្ចេកទេសរបស់យើងទទួលបាននូវជំនាញ និងចំណេះដឹងបច្ចេកវិទ្យាចុងក្រោយបំផុតពីរោងចក្រផលិត (OEM)”។

លោកអគ្គនាយកក៏បានបញ្ជាក់ផងដែរថា៖«យើងនឹងផ្តល់ជូនអតិថិជនទាំងអស់ នូវសេវាកម្មល្អឥតខ្ចោះដែលគ្មានគូប្រៀប ជាមួយនឹងសេវាកម្មថែទាំ និងជួសជុលយ៉ាងទូលំទូលាយប្រកបដោយស្តង់ដារខ្ពស់ ដើម្បីរក្សារថយន្ត Mercedes-Benz របស់លោកអ្នកឱ្យស្ថិតក្នុងស្ថានភាពល្អបំផុត។ យើងនឹងផ្តល់ការយកចិត្តទុកដាក់យ៉ាងមុតមាំក្នុងការបំពេញតម្រូវការ និងដោះស្រាយកង្វល់ជូនដល់ម្ចាស់រថយន្ត Mercedes-Benz ទាំងអស់ក្នុងព្រះរាជាណាចក្រកម្ពុជា»។ ឆ្លៀតក្នុងឱកាសនេះផងដែរ លោក ងន សាំង ក៏បានធ្វើការអញ្ជើញនិងស្វាគមន៍ម្ចាស់រថយន្ត Mercedes-Benz ទាំងអស់ក្នុងប្រទេសកម្ពុជាមកទទួលសេវាកម្មត្រួតពិនិត្យរថយន្ត ក៏ដូចជាសេវាកម្មជួសជុល និងថែទាំរថយន្ត នៅមជ្ឈមណ្ឌលសេវាកម្មរថយន្ត Mercedes-Benz របស់ក្រុមហ៊ុន RMA Cambodia ។

ការយកចិត្តទុកដាក់ទៅលើគុណភាព និងការច្នៃប្រឌិតរបស់ក្រុមហ៊ុន RMA Cambodia បានធ្វើឱ្យក្រុមហ៊ុននេះមានកេរ្តិ៍ឈ្មោះជាក្រុមហ៊ុនដែលទទួលបានការទុកចិត្តពីសំណាក់ដៃគូនិងអតិថិជនទូទាំងប្រទេសកម្ពុជា។ ក្រុមហ៊ុនបានប្តេជ្ញាចិត្តក្នុងការរក្សានូវឧត្តមភាពនេះ តាមរយៈការវិនិយោគជាបន្តបន្ទាប់លើធនធានមនុស្ស និងបច្ចេកវិទ្យារបស់ខ្លួន។ តាមរយៈការធ្វើការយ៉ាងជិតស្និទ្ធជាមួយអតិថិជនដើម្បីស្វែងយល់ពីតម្រូវការ និងបញ្ហាប្រឈម ក្រុមហ៊ុន RMA Cambodia អាចផ្តល់នូវដំណោះស្រាយសមស្រប និងទាន់ពេលវេលា ដែលជាកត្តាជំរុញឱ្យក្រុមហ៊ុនមានការរីកចម្រើន និងភាពជោគជ័យ។

ក្រុមហ៊ុន RMA Cambodia សូមធ្វើការស្វាគមន៍ម្ចាស់រថយន្ត Mercedes-Benz ទាំងអស់ក្នុងព្រះរាជាណាចក្រកម្ពុជាមកទទួលសេវាកម្មត្រួតពិនិត្យ ក៏ដូចជាសេវាកម្មជួសជុលនិងថែទាំរថយន្ត នៅមជ្ឈមណ្ឌលសេវាកម្មរថយន្ត Mercedes-Benz តាមបណ្តោយមហាវិថីសម្តេច ហ៊ុន សែន កែងមហាវិថីឧកញ៉ា ហ៊ុន នាង ឬទាក់ទងមកលេខទូរស័ព្ទ 011 726 988 ឬ 078 899 916។ ក្រុមអ្នកបច្ចេកទេសដែលមានបទពិសោធន៍របស់ក្រុមហ៊ុន RMA Cambodia នឹងធានារថយន្តរបស់លោកអ្នកអោយមានដំណើរការយ៉ាងរលូន ប្រកបដោយផាសុខភាពនិងសុវត្ថិភាព៕

អំពី ក្រុមហ៊ុន អ អិម អេ ខេមបូឌា ម.ក (RMA Cambodia Plc.)

ក្រុមហ៊ុន RMA CAMBODIA មានវត្តមាននៅក្នុងប្រទេសកម្ពុជាចាប់តាំងពីឆ្នាំ ១៩៩២ ក្នុងនាមជាអ្នកផ្ដល់និងចែកចាយផ្តាច់មុខនូវដំណោះស្រាយក្នុងវិស័យហេដ្ឋារចនាសម្ព័ន្ធ, ថាមពល, និងដឹកជញ្ជូនសម្រាប់សហគ្រាសពាណិជ្ជកម្ម និងមិនមែនពាណិជ្ជកម្ម។ ទន្ទឹមនឹងការរីកចម្រើនរបស់ប្រទេសកម្ពុជា ក្រុមហ៊ុនបានពង្រីកអាជីវកម្មលើវិស័យយានយន្ត, កសិកម្ម, ឧបករណ៍ធុនធ្ងន់, ដំណោះស្រាយឧស្សាហកម្ម, សេវាកម្មហិរញ្ញវត្ថុ, សេវាកម្មជួលរថយន្ត, និងអាជីវកម្មម្ហូបអាហារ។ ក្រុមហ៊ុន RMA CAMBODIA បានទទួលសិទ្ធិផ្ដាច់មុខក្នុងការនាំចូលរថយន្តម៉ាក FORD, JAGUAR LAND ROVER, CHANGAN, កង់បីអ៊ីតាលីម៉ាក PIAGGIO, រថយន្តធុនធ្ងន់ម៉ាក FUSO, គ្រឿងយន្តកសិកម្មម៉ាក JOHN DEERE, គ្រឿងចក្រឧស្សាហកម្មម៉ាក JCB, ឧបករណ៍សម្អាតម៉ាក HAKO, ឧបករណ៍លើកដាក់ទំនិញម៉ាក TCM,ក្រុមហ៊ុន RMAAC ដែលជារោងចក្រដំឡើងរថយន្ត FORD, ក្រុមហ៊ុនជួលរថយន្ត AVR, ក្រុមហ៊ុន COMIN KHMERE ដែលជាក្រុមហ៊ុនផ្ដល់ដំណោះស្រាយផ្នែកវិស្វកម្ម, ក្រុមហ៊ុនចំណីអាហារ EFG ដែលមាន The Pizza Company, Swensen’s, Dairy Queen, Krispy Kreme, Bar B Q Plaza, The Coffee Club និងកម្មវិធីបញ្ជាទិញអាហារ Hungry App៕

ផ្ទាំងផ្សាយពាណិជ្ជកម្ម