ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 572

Haval H6 ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពី ANCAP (មានវីដេអូ)

[បរទេស] រថយន្ត SUV ខ្នាតកណ្តាលរបស់ក្រុមហ៊ុន GMW បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំនៃអូស្រ្តាលី ANCAP។

សម្រាប់ការធ្វើតេស្តសុវត្ថិភាពនេះដែរ រថយន្ត GMW HAVAL H6 ២០២២ បានទទួលពិន្ទុទៅលើការ​៖

  • ការការពារអ្នកដំណើរពេញវ័យ ៨៨ ភាគរយ
  • ការពារអ្នកដំណើរវ័យក្មេង ៧៣ ភាគរយ
  • ប្រព័ន្ធសុវត្ថិភាព ៩០ ភាគរយ
  • ការការពារអ្នកថ្មើរជើង ឬអ្នកជិះកង់ចំនួន ៨១​ ភាគរយ

ក្នុងនោះ អង្គភាពវាយតម្លៃប្រចាំនៃអូស្រ្តាលី ANCAP បញ្ជាក់ថា HAVAL H6 មានគុណសម្បត្តិដែលអាចដាក់ពិន្ទុបានល្អស្ទើរតែគ្រប់ទិដ្ឋភាពនៃការការពារអ្នកដំណើរពេញវ័យ សូម្បី​តែ​ការ​ការពារ​អ្នក​ដំណើរ​នៅ​កន្លែង​អង្គុយ​របស់​អ្នក​បើក​បរ​ពី​ការ​ប៉ះ​ទង្គិចក៏​ល្អ​ដែរ។

គួររំលឹកផងដែរថា Haval H6 ឆ្នាំ ២០២២ ត្រូវបានបំពាក់ដោយម៉ាស៊ីនចំណុះ ២,០ លីត្រ turbocharged ទំហំ ៤ស៊ីឡាំង ផលិតកម្លាំងបាន ២០១ សេះ និងកម្លាំងរមួល ៣២០ ញ៉ូតុនម៉ែត្រ ភ្ជាប់ជាមួយប្រអប់លេខដៃ dual-clutch ៧វគ្គ បង្កើនល្បឿនពី ០-១០០ គីឡូម៉ែត្រ/ម៉ោង ក្នុងរយៈពេល ១១,៦ វិនាទី ហើយល្បឿនអតិបរម៉ាគឺ ១៧០ គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Foxtron Model C សាកថ្មម្តងជិះបាន ៧០០ គីឡូម៉ែត្រ នឹងចេញលក់ជាផ្លូវការក្នុងឆ្នាំ ២០២៣

[ទីផ្សារបរទេស] កាលពីឆ្នាំ២០២១ កន្លងទៅ ក្រុមហ៊ុន Foxconn បានបង្ហាញជាផ្លូវការនៅម៉ាករថយន្តអគ្គិសនីរបស់ខ្លួនគឺ Foxtron នៅឯពិធី Hon Hai Technology Day 2021 ដែលត្រូវបានបង្កើតឡើងដោយក្រុមហ៊ុនបណ្តាក់ទុនរួមគ្នា Hon Hai Group និង Yulon Motor ។

ខណៈពេលឥលូវនេះ Foxconn បានបញ្ចេញ Model C នឹងត្រូវបានគេរំពឹងថាជារថយន្តប្រភេទ SUV ខ្នាតកណ្តាលអគ្គិសនីសុទ្ធ ​មាន​ប្រវែង​តួខ្លួនសរុប ៤,៦៤០ ម.ម និងប្រវែងគន្លាតកង់មុខក្រោយ ២,៨៦០ ម.ម នឹង​ចេញ​លក់​ជា​ផ្លូវ​ការ​ក្នុង​ឆ្នាំ ២០២៣ ដោយរំពឹងថាតម្លៃលក់គឺចាប់ពី ៣៦ ០៩០ ដុល្លារ។

អ្វី​ដែល​គួរ​ឲ្យ​ចាប់​អារម្មណ៍​បំផុត​អំពី​ Model C ថ្មីត្រូវបានរំពឹងថាអាចផលិតកម្លាំងបាន ៤០២ សេះ និងកម្លាំងរមួល ៧០០ ញូតុនម៉ែត្រ ប្រព័ន្ធបើកបរវិលកង់ទាំងបួន និងអាចបង្កើនល្បឿន ០-១០០ គីឡូម៉ែត្រ/ម៉ោង ត្រឹមរយៈពេល ៣,៨ វិនាទី អាចបើកបរបាន ៧០០ គីឡូម៉ែត្រ ក្នុងការសាកថ្មម្តង។

ក្នុងនោះ លោក Jack Cheng នាយកប្រតិបត្តិនៃអង្គភាព Foxconn Electric Vehicle បានបង្ហាញគ្រោងឆ្អឹង MIH ជាមួយដៃគូជាង ១,៦០០ រួមទាំងក្រុមហ៊ុនផលិតរថយន្តផងដែរ។ លើសពីនេះ ក្រុមហ៊ុន software ដូចជា Microsoft, Bosh ឬ Nvidia និងក្រុមហ៊ុនផលិតរថយន្តដែលបានសហការជាមួយ Foxconn រួមទាំង Byton, Fisker និង Stellantis ក៏បានចូលរួមកិច្ចពិភាក្សាផងដែរ។

គួរឲ្យដឹងដែរថា ក្រុមហ៊ុន Foxconn ក៏បានសន្យាថានឹងចាប់ផ្តើមផលិតអាគុយ solid-state រួមគ្នាជាមួយ CATL (Ningde) និង SES (Massachusetts Solid Energy) ក្នុងឆ្នាំ ២០២៤ ផងដែរ៕

ផ្ទាំងផ្សាយពាណិជ្ជកម្ម

Hyundai នឹងបើក​រោងចក្រ​ផលិតរថយន្តអគ្គិសនីនៅ​ប្រទេស​ឥណ្ឌូនេស៊ី

[ទីផ្សាបរទេស] ក្រុមហ៊ុនផលិតរថយន្តរបស់កូរ៉េខាងត្បូង Hyundai នឹងបើកដំណើរការរោងចក្រផលិតរថយន្តអគ្គិសនី នៅក្នុងប្រទេសឥណ្ឌូនេស៊ី ដើម្បីផលិតសាកល្បងនៃរថយន្ត IONIQ 5 ស្ថិតនៅក្នុងតំបន់ឧស្សាហកម្ម Deltamas ដែលនៅចម្ងាយប្រហែល ៤០ គីទ្បូម៉ែត្រពីទីក្រុងហ្សាកាតា។

លោក Joko Widodo ប្រធានាបតីឥណ្ឌូនេស៊ីបានចូលរួមពិធីបើករោងចក្រ ជាមួយនឹងប្រធានក្រុមហ៊ុនរថយន្ត Hyundai ដែលផ្តោតសំខាន់ទៅលើផលិតនៅក្នុងប្រទេសឥណ្ឌូនេស៊ី និងខ្សែសង្វាក់កម្មរបស់រថយន្តអគ្គិសនីដំបូងនៅក្នុងប្រទេសនេះ។

លោក Chung Eui-sun ប្រធានក្រុមហ៊ុន Hyundai បាននិយាយថារោងចក្រនេះនឹងក្លាយជាគន្លឹះនៃឧស្សាហកម្មរថយន្តអគ្គិសនី ដែលយើងនឹងគាំទ្រយ៉ាងពេញទំហឹងដើម្បី​ឱ្យ​ប្រទេស​ឥណ្ឌូនេស៊ី​ក្លាយជា​ប្រទេស​នាំមុខគេ​លើ​ពិភពលោក​ក្នុង​ប្រព័ន្ធ​អេកូ​នៃ​រថយន្ត​អគ្គិសនីជាមួយនឹងការផលិតរថយន្ត និងរោងចក្រថ្មដែលកំពុងសាងសង់ជាដើម។

បន្ថែមពីនេះលោក Chung Eui-sun បានបន្តទៀតថាក្រុមហ៊ុន Hyundai គ្រោងនឹងវិនិយោគទឹកប្រាក់ប្រមាណ ១៥៦ លានដុល្លារ ដើម្បីឱ្យការផលិតរថយន្តបានចំនួន ២៥០ ០០០ គ្រឿងក្នុង ១ ឆ្នាំ។ ខណៈដែលរដ្ឋាភិបាលឥណ្ឌូនេស៊ីនឹងជួយឧបត្ថម្ភរថយន្តអគ្គិសនីចំនួន ១៣០ ០០០ គ្រឿងនៅឆ្នាំ ២០៣០។

សូមបញ្ជាក់ថាក្រុមហ៊ុន Hyundai នឹងចាប់ដៃគូរសហការរួមគ្នាជានឹង LG Energy Solution ដើម្បីបង្កើតរោងចក្រផលិតថ្ម នៅតំបន់ឧស្សាហកម្មនៅក្នុងទីក្រុង Karawang នឹងត្រូវបញ្ចប់នៅឆ្នាំ ២០២៣ និងចាប់ផ្តើមផលិតវានៅឆ្នាំ ២០២៤៕

 

ផ្ទាំងផ្សាយពាណិជ្ជកម្ម

មូ៉ដែលពិសេស Mitsubishi Outlander Black Edition ចេញលក់់ក្នុងតម្លៃខ្ទង់ ៣មុឺនដុល្លារ នៅទីផ្សារសហរដ្ឋអាមេរិក

[ទីផ្សារបរទេស] ក្រុមហ៊ុនផលិតរថយន្ត Mitsubishi បានធ្វើការដាក់បញ្ចេញរថយន្ត Mitsubishi Outlander Black Edition ជាផ្លូវការ ជាមួយនឹងកញ្ចប់ពិសេសដោយផ្អែកលើម៉ូដែល SE នៅក្នុងទីផ្សារសហរដ្ឋអាមេរិក ដោយមានតម្លៃចាប់ពី ២៩​ ៩៩៥ ដុល្លារ។

ក្នុងនោះ Outlander Black Edition បច្ចុប្បន្នបានមកដល់ហាងចែកចាយនៅសហរដ្ឋអាមេរិក ដោយបានបំពាក់បន្ថែម ដូចជាដំបូលបើកបែប Panoramic sunroofs, កាងខាងមុខពណ៌ខ្មៅ ចង្កៀងមុខ ប្រភេទLED ផ្លិតទឹកអូតូពណ៌ខ្មៅ កញ្ចក់ចំហៀងពណ៌ខ្មៅ ទ្វារក្រោយបិត/បើកដោយស្វ័យប្រវិត្ត និងថាសកង់ទំហំ ២០ អ៊ីញ ពណ៌ខ្មៅជាដើម។

ចំពោះការផ្លាស់ប្តូរផ្នែកខាងក្នុង Black Edition មានបំពាក់កុងទ័រព័ត៌មានទំហំ ៧ អ៊ីញ និងអេក្រង់កំសាន្តទំហំ ៩ អ៊ីញ ភ្ជាប់មុខងារ Android Auto/Apple CarPlay ខណៈដៃចង្កូតស្រោមដោយស្បែក និងកៅអីពូកស្បែក ជាមួយនឹងការលៃតម្រូវថាមពល ៨ទិសនៅផ្នែកខាងអ្នកបើកបរ។ ចំណុចលេចធ្លោផ្សេងទៀតរួមមាន ឧបករណ៍បំពងសំលេង ៦ចំនុច , កន្លែងសាកថ្មឥតខ្សែ និងកន្លែងអង្គុយសម្រាប់មនុស្សរហូតដល់ប្រាំពីរនាក់ លើសពីនេះ ម៉ូដែល​នេះ​ក៏​មាន​ប្រព័ន្ធ​​ ​ដោយ​មិន​ប្រើ​សោ​ជាមួយ​នឹង​ប៊ូតុង​បញ្ឆេះ​ (keyless entry system)។

សម្រាប់រថយន្តនេះ បានភ្ជាប់មកជាមួយប្រព័ន្ធសុវត្ថិភាព Adaptive Cruise Control , Blind Spot warning ជាមួយ Lane Change Assisrនិង Forward collision Mitigation ជាមួយ Pedestrian Detection ។ លើសពីនេះ រថយន្តប្រភេទ Crossover នេះ ក៏មានភ្ជាប់មកជាមួយ Automatic High Beams, Lane Departure Warning, Rear Automatic Emergency Braking, និង Rear Cross Traffic Alert។

ចូលទៅកាន់ផ្នែកម៉ាស៊ីនវិញ រថយន្ត Outlander Black Edition ដំណើរការដោយម៉ាស៊ីនចំណុះ ២,៥ លីត្រ ទំហំ ៤ស៊ីឡាំង  ដែលអាចផលិតកម្លាំងបាន ១៨១ សេះ និងកម្លាំងរមួល ២៤៥ សេះ ៕

ផ្ទាំងផ្សាយពាណិជ្ជកម្ម

ភីកអាប់របស់ Ford ទាំង ៣ម៉ូដែលដែលគ្រប់គ្នាទន្ទឹងរង់ចាំវត្តមាននៅលើទីផ្សារកម្ពុជា

[ទីផ្សារក្នុងស្រុក] នាពេលបច្ចុប្បន្នការប្រើប្រាស់រថយន្តភីកអាប់មានការកើនឡើងពីមួយឆ្នាំទៅមួយឆ្នាំ​ ជាមួយចំនួនកើនឡើងនេះក្រុមហ៊ុនផលិតរថយន្តបានខិតខំធ្វើការអភិវឌ្ឍរថយន្តរបស់ខ្លួនអោយកាន់តែប្រសើរ ជាក់ស្តែងដូចជាពេលកន្លងទៅក្រុមហ៊ុនផលិតរថយន្ត Ford បានធ្វើការប្រកាសចេញថ្មី នៃរថយន្តភីកអាប់របស់ខ្លួន ដែលមានដូចជា Ford Ranger 2023, Ford Ranger Raptor 2023 និង F-150 Raptor 2022 ជាមួយការផ្លាស់ប្តូររូបរាងនៃការរចនាថ្មី បច្ចេកវិទ្យាកាន់តែទំនើប និងជម្រើសម៉ាស៊ីនថ្មីជាមួយថាមពលកាន់តែខ្លាំង។ ទន្ទឹមនឹងនេះ បើយើងក្រឡេកមកមើលទីផ្សារកម្ពុជាវិញ យោងតាមទំព័រផ្លូវការនៃក្រុមហ៊ុន Ford Cambodia ថ្មីៗកន្លងទៅនេះ បានធ្វើការប្រកាសឡើងអំពីការបើកការកក់នៃរថយន្តភីកអាប់សេរ៊ីថ្មីទាំង ៣ម៉ូឌែលនេះ ដែលជាការធ្វើឲ្យអតិថិជនក្នុងទីផ្សារកម្ពុជាមានការទន្ទឹងរងចាំវត្តមានយ៉ាងអន្ទះសារ និងចង់កាន់ចង្កូតរថយន្តអោយបានឆាប់ៗ។

ជាមួយនឹងការត្រៀមបង្ហាញវត្តមាននៅក្នុងទីផ្សារប្រទេសកម្ពុជា ថ្ងៃនេះក្រុមការងារ ខេមបូ អូតូ សូមលើកយកនូវចំណុចពិសេសៗនៃរថយន្តទាំង ៣ម៉ូឌែលនេះមកបង្ហាញជូនបងប្អូនទាំងអស់គ្នាអោយបានកាន់ជ្រាបច្បាស់៖

ម៉ូឌែលទី១៖ រថយន្ត Ford Ranger 2023

  • ម៉ាស៊ីនម៉ាស៊ូត Bi-Turbo ដែលជាប្រភេទម៉ាស៊ីនដែលបានធ្វើកំណែទម្រង់ថ្មីមានលក្ខណៈទំនើបជាងមុន សម្រាប់អតិថិជនដែលចង់បានថាមពល និងកម្លាំងខ្លាំងតែក៏ត្រូវការការសន្សំសំចៃប្រេង
  • ប្រព័ន្ធកាមេរ៉ាសុវត្ថិភាព ៣៦០ ដឺក្រេមួយជុំវិញរថយន្ត
  • អេក្រង់បញ្ឈរទំហំធំរហូតដល់ទៅ ១២ អ៊ីញ
  • កុងទ័រឌីជីថលរចនាថ្មីទាំងស្រុងទំហំ ៨អ៊ីញ និងប្រព័ន្ធគ្រប់គ្រងការបើកបរគ្រប់ស្ថានភាពផ្លូវ (On- and Off- Road Drive Modes)
  • ប្រព័ន្ធហ្វ្រាំងដៃអេឡិចត្រូនិច​ ប្រអប់លេខ ១០ វគ្គអូតូ
  • កន្លែងសាកថ្មទូរស័ព្ទឥតខ្សែ ព្រមទាំងលក្ខណៈពិសេសៗជាច្រើនបន្ថែមទៀត។

ម៉ូឌែលទី២៖ រថយន្ត Ford Ranger Raptor ២០២៣

  • ម៉ាស៊ីនសាំង Twin Turbo Nano GTDi ទំហំ ៦ ស៊ីឡាំងជំនាន់ថ្មី
  • អេក្រង់ធំបញ្ឈរចំកណ្តាលទំហំ ១២ អ៊ីញជំនាន់ថ្មី ជាមួយនឹងប្រព័ន្ធកាំមេរ៉ា 360 កម្រិតខ្ពស់
  • កុងទ័រឌីជីថលថ្មីស្រឡាងទំហំ ១២,៤ អ៊ីញ និងប្រព័ន្ធគ្រប់គ្រង ការបើកបរគ្រប់ស្ថានភាពផ្លូវរហូតដល់ទៅ ៧ ជម្រើស
  • ប្រអប់លេខអេឡិចត្រូនិចជំនាន់ថ្មី ១០ វគ្គអូតូ (E-Shifter) ប្រព័ន្ធហ្វ្រាំងដៃអេឡិចត្រូនិច (Electric Parking Brake)
  • កៅអីក្តោបបែបស្ព័ររំលេចជាថ្នេរដេរពណ៍ក្រហម អាចបញ្ជាបាន ១០ របៀប
  • បំពាក់ជាមួយនឹងម៉ាស៊ីនត្រជាក់ផ្នែកខាងក្រោយ
  • បូមម៉ាក FOX ជំនាន់ថ្មីទំហំ ២,៥ អ៊ីញ Live Valve Internal Bypass Shock Absorbers

ម៉ូឌែលទី៣៖ រថយន្ត Ford F-150 Raptor ២០២២

  • ប្រព័ន្ធ Suspension ផ្នែកខាងក្រោយ ត្រូវបានឌីស្សាញថ្មីឡើងវិញ និងបានប្រើប្រាស់ជាមួយបូមរ៉ឺស័រ។
  • ប្រព័ន្ធកំណត់ការបើកបរ Terrain Management System ដែលអាចកំណត់បាន ៧ស្ថានភាពផ្លូវ៖ Sand, Slippery, Sport, Eco, Normal, Mud/Ruts និង Rock Crawl។
  • ជម្រើសថាសកង់ទំហំ ៣៥-៣៧អ៊ីញ។
  • សម្ថតភាពនៃការដឹកជញ្ជូនបានចំនួន ១៨១៤គីឡូក្រាម និងអូសសណ្តោងបានចំនួន ៣៧១៩គីឡូក្រាម។
  • កុងទ័របង្ហាញព័ត៌មានប្រភេទ Fully Digital ទំហំ ១២អ៊ីញ
  • អេក្រង់កម្សាន្តទំហំ ១២អ៊ីញ ភ្ជាប់ដោយប្រព័ន្ធកម្សាន្ត SYNC 4
  • កន្លែងសាកថ្មឥតខ្សែ
  • ឧបករណ៍បំពងសម្លេងប្រភេទ B&O ចំនួន ១៨ចំណុច ព្រមទាំងលក្ខណៈពិសេសៗជាច្រើនបន្ថែមទៀត។

គួរបញ្ជាក់ផងដែរថា ក្រៅពីលក្ខណៈពិសេសដែលក្រុមហ៊ុនបានលើកឡើងនេះ ក្រុមការងារសង្តេតឃើញថារថយន្តនេះមានមុខងារ និងលក្ខណៈពិសេសថ្មីៗជាច្រើនទៀត ដូច្នេះសម្រាប់ព័ត៌មានលម្អិតបន្ថែម បងប្អូនអាចធ្វើការទាកទង់ទៅកាន់ក្រុមហ៊ុនផ្ទាល់៕ អរគុណ

ផ្ទាំងផ្សាយពាណិជ្ជកម្ម

Honda ADV350 ចេញលក់ជាផ្លូវការនៅប្រទេសថៃ!

[ទីផ្សារបរទេស] ក្រុមហ៊ុនផលិតម៉ូតូ Honda បានធ្វើការប្រកាសចេញលក់ជាផ្លូវការនូវម៉ូឌែល ADV 350 ស៊េរីឆ្នាំ ២០២២ សម្រាប់ទីផ្សារនៅក្នុងប្រទេសថៃ ជាមួយនឹងការអភិវឌ្ឍន៍ថ្មីទៅលើរូបរាង ថាមពលម៉ាស៊ីន និងបច្ចេកវិទ្យា ។

រូបរាង AVD 350 ទទួលបានការរចនាទ្បើងបែបស្ព័រដោយបានបំពាក់នូវចង្កៀងមុខ-ក្រោយLED, កុងទ័រឌីជីថល LCD, រន្ធ USB, កន្លែងផ្ទុកឥវ៉ាន់ក្រោមកៅអីអាចដាក់មួកសុវត្ថិភាពបាន ២, ប្រព័ន្ធ HSTC anti-trolling និងការតភ្ជាប់ RoadSnyc ទៅកាន់ស្មាតហ្វូនក៏ត្រូវបានរួមបញ្ចូលផងដែរ។

ចំពោះថាមពលនៃម៉ូតូ Honda AVD 350 ប្រើប្រាស់នូវម៉ាស៊ីន eSP + ចំណុះ ៣៣០ សេសេ ផលិតកម្លាំង ២៩សេះ និងកម្លាំងរមួល ៣១.៥ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT អាចបង្កើនល្បឿងបាន ១៣៧ គីទ្បូម៉ែត្រក្នុង ១ ម៉ោង ដោយកម្រិតនៃការប្រើប្រាស់សាំង ១ លីត្រ អាចបើកបរបានចម្ងាយ ២៩.៤ គីទ្បូម៉ែត្រ ។

Honda ADV 350 ក៏បានបំពាក់នូវប្រព័ន្ធបច្ចេកវិទ្យាសុវត្ថិភាពខ្ពស់ជាមួយនឹងប្រព័ន្ធបញ្ជាសំឡេង HSVCs មានមុខងារ ៤ ប្រភេទការហៅចូល-ចេញ ការរុករក កម្មវិធីតន្ត្រី, ប្រព័ន្ធការគ្រប់គ្រងស្ថេរភាព HSTC, ប្រព័ន្ធហ្រ្វាំង ABS មុខ-ក្រោយ, Honda Smart Key ដើម្បីចាប់ផ្តើមម៉ាស៊ីនដោយមិនចាំបាច់មានសោ និងកំណត់ទីតាំង និងការពារចោរកម្មផងដែរ។

សូមបញ្ជាក់ថាចំពោះម៉ូតូ Honda ADV 350 ស៊េរីឆ្នាំ ២០២២ មានជម្រើស ២ ម៉ូឌែលតម្លៃចាប់ពី ៥ ៥២៧ ដល់ ៥ ៤៦៧ ដុល្លារសម្រាប់ទីផ្សារនៅក្នុងប្រទេសថៃ៕

ផ្ទាំងផ្សាយពាណិជ្ជកម្ម

Lotus Emira First Edition ប្រើម៉ាស៊ីន AMG ចេញតម្លៃជាផ្លូវការ ចាប់ពី ៨៥ ៩០០ដុល្លារ

ក្រុមហ៊ុន Lotus បានប្រកាសចេញនូវតម្លៃនៃរថយន្ត Emira First Edition ថ្មី ដែលបំពាក់ម៉ាស៊ីន AMG ចំណុះ ២,០លីត្រ ទំហំ ៤ស៊ីឡាំង ដោយមានតម្លៃចាប់ពី ៨៥ ៩០០ដុល្លារ ពោលគឺថ្លៃជាងម៉ូដែល Lotus Emira V6 ដល់ទៅ ៣ ០០០ដុល្លារឯណោះ។

ម៉ាស៊ីន turbocharged ចំណុះ ២,០លីត្រ ទំហំ ៤ស៊ីឡាំងលើរថយន្ត Lotus Emira First Edition ខាងលើ ក៏ត្រូវបានប្រើលើរថយន្តMercedes-AMG A 45 S ផងដែរ ដោយបង្កើតកម្លាំងបានសរុប ៣៦០សេះ និងកម្លាំងរមួល ៤៣០ញ៉ូតុនម៉ែត្រ។

Lotus អះអាងថា រថយន្តនេះអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៣វិនាទី ហើយមានល្បឿនអតិបរមា ២៨៣គីឡូម៉ែត្រក្នុងមួយម៉ោង។

Emira First Edition បានបំពាក់ Option ស្តង់ដារមកជាច្រើន រួមទាំង Drivers Pack (សម្រាប់ម៉ូដែល Touring ឬ Sport), Design Pack (កញ្ចក់ខ្មៅ, Alcantara headliner) និង Convenience Pack (សេនស័រចូលចត, កាមេរ៉ាមើលក្រោយ, ផ្តិតទឹកអូតូ) ក៏ដូចជា កុងទ័រឌីជីថល់ ១២,៣អ៊ីញ, អេក្រង់កម្សាន្ត ១០,២៥អ៊ីញ, កៅអីសារ៉េបាន ១២បែប មានមុខងារកម្តៅ និងប្រព័ន្ធសំឡេង KEF ទៀតផង។

សូមបញ្ជាក់ថា រថយន្ត Lotus Emira First Edition នឹងចេញលក់នៅចុងឆ្នាំ២០២២ ខណៈអតិថិជនអាចបញ្ជាទិញបានតាមអនឡាញ ចាប់ពីថ្ងៃទី០៨ ខែមេសា ឆ្នាំ២០២២ តទៅ៕

ផ្ទាំងផ្សាយពាណិជ្ជកម្ម

Ford Ranger Roush ថ្មី ថែម Option “Performance Package” ខ្លាំងជាងមុន អេមជាងមុន

ក្រុមហ៊ុន Roush Performance បានប្រកាសចេញនូវភីកអាប់ Ford Ranger ស៊េរីឆ្នាំ២០២២ ជាមួយនឹងតម្លៃ Option ១៣ ២៥០ដុល្លារ ហើយមានធានារ៉ាប់រងពេញទៀតផង សម្រាប់ទីផ្សារសហរដ្ឋអាមេរិក។

Ford Ranger Roush ថ្មីនេះ ទទួលបានការអាប់ដេត ប្រព័ន្ធបូម Roush suspension, យ៉ាន់កង់ Roush wheels និង ប្រព័ន្ធស៊ីម៉ាំង Roush cat-back exhaust system ទៀតផង។

មិនតែប៉ុណ្ណោះ Roush Performance ក៏បានបន្ថែមនូវសម្បកកង់ទំហំ ៣២អ៊ីញ General Grabber A/TX all-terrain ដើម្បីឲ្យស័ក្កសមជាមួយនឹងយ៉ាន់កង់របស់វាផងដែរ។ បន្ថែមពីនេះ វាក៏មានបំពាក់ប៉ាណាមុខថ្មី ជាមួយនឹងរបាអំពូល LED មួយគូ ថែមទៀតផង។

ក្រៅពីនោះ Ford Ranger Roush ដែលផលិតផ្អែកលើម៉ូដែល Ford Ranger XLT នោះបានអាប់ដេតកម្លាំងម៉ាស៊ីនខ្លាំងជាងមុន ៦សេះ សរុប ២៧០សេះ ហើយត្រូវបានដាក់លក់ក្នុងតម្លៃ ៤៥ ០០០ដុល្លារ៕

ផ្ទាំងផ្សាយពាណិជ្ជកម្ម

ឡាន Kia ចាក់សាំងមួយលីត្រ ជិះបាន១០០គ.ម ចេញលក់ជាផ្លូវការនៅអង់គ្លេស

[ទីផ្សារបរទេស] រថយន្ត Kia Sportage ថ្មីប្រភេទ Plug-in Hybrid (PHEV) បានប្រកាសចេញលក់ជាផ្លូវការនៅចក្រភពអង់គ្លេស ក្នុងនាមជាប្រភេទដែលសន្សំសំចៃប្រេងឥន្ធនៈបានច្រើនជាងគេក្នុងចំណោមរថយន្ត Sportage ទាំងអស់។

រថយន្តថ្មីនេះមានប្រើប្រាស់ម៉ាស៊ីន T-GDi ៤ស៊ីឡាំង ចំណុះ១,៦លីត្រ ដែលដំណើរការរួមគ្នាជាមួយម៉ូទ័រអគ្គិសនីដែលមានអាគុយចំណុះ ១៣,៨kWh។ ប្រព័ន្ធ Hybrid នេះអាចផ្ដល់កម្លាំងសរុប ២៦១សេះ ដែលអាចឲ្យរថយន្តស្ទុះពី ០ ដល់ ៩៦គ.ម/ម៉ ក្នុងពេលត្រឹម ៦,៩វិនាទី និងអាចបើកបរបានដល់ ១៩១គ.ម/ម៉។

Kia បាននិយាយថា Sportage Plug-in Hybrid នេះអាចផ្ដល់ជូននូវកម្រិតស៊ីប្រេងឥន្ធនៈគិតរួមបញ្ចូលគ្នាដោយប្រើប្រេងត្រឹមតែ ១,១២លីត្រ សម្រាប់ការបើកបរចម្ងាយ ១០០គីឡូម៉ែត្រ ហើយវាក៏អាចបើកបរដោយប្រើថាមពលអគ្គិសនីសុទ្ធបានចម្ងាយ​ប្រមាណ ៧០គីឡូម៉ែត្រផងដែរ។ អាគុយរបស់រថយន្តនេះអាចសាកភ្លើងពេញដោយចំណាយពេល ១ម៉ោង និង៤៥នាទី ដែលជាល្បឿនសាកដ៏លឿនមួយសម្រាប់រថយន្ត PHEV ដែល Kia បានផលិត។

Sportage Plug-in Hybrid ដែលលក់នៅចក្រភពអង់គ្លេសនឹងមានចែកចេញជាបួនកម្រិតផ្សេងគ្នា ដោយកម្រិតទីមួយ GT-Line មានតម្លៃចាប់ពីប្រមាណ ៥០ ១០០ដុល្លារ និងកម្រិតទីពីរ 3 មានតម្លៃចាប់ពីប្រមាណ ៥១ ៦៧០ដុល្លារ ហើយកម្រិតទីបី 4 មានតម្លៃចាប់ពីប្រមាណ ៥៤ ៥៤០ដុល្លារ ខណៈដែលកម្រិតទីបួន GT-Line S មានតម្លៃចាប់ពី ៥៧ ១៥០ដុល្លារ ដោយអតិថិជននឹងចាប់ផ្ដើមទទួលបានរថយន្តចាប់ពីខែមេសា៕

ផ្ទាំងផ្សាយពាណិជ្ជកម្ម

BMW បញ្ចេញរូប Teaser ឡាន Sedan ប្រណីតប្រើអគ្គិសនីសុទ្ធដំបូងគេក្នុងលោក

[ទីផ្សារបរទេស] BMW បានចេញផ្សាយរូបភាព Teaser ច្រើនសន្លឹកសម្រាប់រថយន្ត i7 និងថែមទាំងបានបញ្ជាក់ថារថយន្តនេះប្រកាសចេញជាផ្លូវការនៅខែមេសាខាងមុខនេះហើយ។

រថយន្ត BMW i7 ដែលជារថយន្ត Sedan ប្រណីតដើរដោយថាមពលអគ្គិសនីសុទ្ធ នឹងត្រូវបង្ហាញចេញស្របពេលគ្នាជាមួយរថយន្ត BMW 7-Series ជំនាន់ថ្មី ដោយ BMW i7 នេះនឹងជាប្រភេទដែលមានថាមពលខ្លាំងក្លាជាងគេ។

បើតាមរូបភាព Teaser បង្ហាញថារថយន្តជំនាន់ថ្មីនឹងមាន​ផ្ទាំងប៉ាណាមុខទំហំធំដែលជាអត្តសញ្ញាណថ្មីសម្រាប់រថយន្ត BMW ស៊េរីចុងក្រោយជាច្រើនម៉ូដែល ខណៈដែលផ្ទាំងប៉ាណានេះដែរស្រដៀងនឹងអ្វីដែលមានលើរថយន្ត XM អ៉ីចឹងដែរ។

BMW បានហៅរថយន្ត i7 ថាជារថយន្ត Sedan ប្រណីតដែលប្រើអគ្គិសនីសុទ្ធដំបូងគេក្នុងលោក ដោយគេឃើញមានផ្នែកខាងក្នុងដែលមានបំពាក់ដោយមុខងារ BMW Threate Screen ដែលនោះគឺជាអេក្រង់ Ultrawide ទំហំ៣១អ៉ីញ សម្រាប់បម្រើជាការកម្សាន្តដល់អ្នកដំណើរអង្គុយខាងក្រោយ ហើយក៏មានចំណុចពិសេសផ្សេងទៀត​ដូចជាដំបូលកញ្ចក់ Sky Lounge ជាមួយអំពូល LED តូចៗជាច្រើនគ្រាប់នៅលើដំបូល។

BMW មិនទាន់បានបង្ហាញពីថាមពលអគ្គិសនីនៃ i7 នៅឡើយទេ ប៉ុន្តែបានបង្ហាញតួលេខប៉ាន់ស្មានថារថយន្តនេះនឹងអាចបើកបរបានចម្ងាយចន្លោះពី ៥៨០ ទៅ ៦១០គីឡូម៉ែត្រ ផ្អែកតាមការប៉ាន់ស្មាន WLTP និងការប៉ាន់ស្មានរបស់ EPA គឺអាចបើកបរបានចម្ងាយ ៤៩១គីឡូម៉ែត្រ។

ដោយឡែកបើផ្អែកតាមដំណឹងចុងក្រោយ BMW i7 នឹងមានបំពាក់អាគុយចំណុះ ១២០kWh ហើយវាក៏នឹងមានជាប្រភេទមហាកម្លាំងដែលលេចឮថាមានបំពាក់ម៉ូទ័រអគ្គិសនីបី អាចផលិតកម្លាំងបានសរុប ៧៤០សេះ៕

ផ្ទាំងផ្សាយពាណិជ្ជកម្ម
1...571572573...1,086ទំព័រ 572 នៃ 1,086

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com