[ទីផ្សារបរទេស] ក្រុមហ៊ុនផលិតរថយន្ត VW បានធ្វើការដាក់បញ្ចេញជាផ្លូវការនៅរថយន្តអគ្គិសនី ID Buzz និង ID Buzz Cargo Microbus ដែលត្រូវបានប្រើប្រាស់នៅគ្រោងឆ្អឹង MEB platform ដោយផ្តល់ជូនទាំង Family-Friendly Buzz និង Cargo Buzz សម្រាប់ការដឹកជញ្ជូនផងដែរ។
សម្រាប់រថយន្ត VW Buzz បានមកជាមួយ ៥កៅអី ពីរជួរ និង ៦កៅអី និងម៉ូដែល Buzz Cargo មានកៅអីខាងមុខពីរ។
រថយន្ត ID.Buzz មានតួខ្លូនសរុបប្រវែង ៤,៧១១ ម.ម, ទទឹង ១,៩៨៣ ម.ម, កំពស់ ១,៩៣៨ ម.ម និងប្រវែងគន្លាតកង់មុខក្រោយ ២,៩៨៨ ម.ម។ ក្នុងនោះ ID.Buzz មានជម្រើសពណ៌តួខ្លួន ១១ ពណ៌ ដោយជម្រើសពីរពណ៌ចំនួន៤ ក៏ដូចជាជម្រើសមួយពណ៌ចំនួន ៧ ដូចជា ‘Candy White’, ‘Mono Silver’, ‘Lime Yellow’, ‘Starlight Blue’, ‘Energetic Orange’, ‘Bay Leaf Green ‘ និង ‘Deep Black’ ។
VW ID Buzz គឺជាកេរដំណែលនៃ T1 ដ៏ល្បីល្បាញ ដែលការរចនាប័ទ្មនៅតែត្រូវបានយកលំនាំតាមរថយន្តដែលពេញនិយមបំផុត Retro-inspired របស់ Volkswagen ជាមួយនឹងចង្កៀងមុខ ប្រភេទ LED Matrix, គម្របម៉ាស៊ីនរាងអក្សរ V និងថាសកង់ទំហំ ១៨- ២១ អ៊ីញជាដើម។
ចំណែកផ្នែកខាងក្នុងរបស់ VW ID Buzz សង្កត់ធ្ងន់លើប្រណិតភាព និងផាសុកភាព ដោយដៃចង្កូតស្រោបដោយសារធាតុ polyurethane ។ ទន្ទឹមនឹងនេះ សម្ភារៈប្រើប្រាស់សម្រាប់គ្របកៅអី កម្រាល និងស្រទាប់ដំបូលត្រូវបានបង្កើតឡើងដោយអំបោះ Seaqual ដែលផ្សំឡើងផ្លាស្ទិកពីមហាសមុទ្រ ១០% និងដប PET កែច្នៃឡើងវិញ ៩០%។
ជាក់ស្តែងរថយន្តនេះមានបំពាក់ជាមួយកុងទ័រឌីជីថលទំហំ ១០ អ៊ីញ ភ្ជាប់ជាមួយប្រព័ន្ធកម្សាន្ត ១០-១២ អ៊ីញ, កន្លែងសាកឥតខ្សែ ភ្ជាប់ជាមួយ Wireless App-connect ស្តង់ដារ, មានរន្ធ USB-C ជាច្រើន រួមទាំងរន្ធខ្យល់នៅជិតកញ្ចក់មើលខាងក្រោយកណ្តាល ដើម្បីផ្តល់ថាមពលដល់កាំមេរ៉ាមុខ។
លើសពីនេះ កៅអីដែលអាចកែតម្រូវដោយអេឡិចត្រូនិចជាមួយមុខងារម៉ាស្សាហើយក៏អាចបត់នៅពីក្រោយកៅអីខាងមុខដែរ។ កៅអីខាងមុខនីមួយៗអាចលៃតម្រូវទៅមុខ និងខាងក្រោយបានរហូតដល់ ២៤៥ មីលីម៉ែត្រ។ កៅអីបីខាងក្រោយអាចបត់បាន ៤០/៦០ ហើយរុញទៅមុខ និងថយក្រោយ ដើម្បីបង្កើនទំហំផ្ទុកបានដល់ ១,១២១ លីត្រ។ ក្នុងនោះ វាក៏មានកុងសូលកណ្តាលដែលអាចដកចេញបានជាជម្រើសដែលត្រូវបានបង្កើតឡើងដោយក្រុមហ៊ុនVolkswagen Commercial Vehicles មានរន្ធដាក់ដបទឹក ១,៤ លីត្រ និងថត ៥ លីត្រសម្រាប់ដាក់ ថេប្លេត ឬកុំព្យូទ័រយួរដៃជាដើម។
ក្នុងនោះ Volkswagen មិនទាន់បានបង្ហាញពីការប៉ាន់ប្រមាណនៃការបើកបរនៅឡើយទេ ប៉ុន្តែពួកគេបានបញ្ជាក់ពីលេខសម្គាល់ម៉ូដែលបើកដំណើរការ។ រថយន្ត Buzz នឹងមានអាគុយទំហំ ៨២ គីឡូវ៉ាត់ម៉ោង ផ្គួបជាមួយម៉ូទ័រអគ្គិសនីចំនួនមួយ ផលិតកម្លាំងបាន ២០១ សេះ កម្លាំងរមួល ៣១០ ញ៉ូតុនម៉ែត្រ ល្បឿនអតិបរមា ១៤៥ គីឡូម៉ែត្រក្នុងមួយម៉ោង។ Buzz អាចសាកថ្ម AC នៅកម្រិត ១១ គីឡូវ៉ាត់ ឬ DC fast charging នៅ ១៧០ គីឡូវ៉ាត់ ដែលអាចសាកថ្មបានពី ៥% ទៅ ៨០% ក្នុងរយៈពេល ៣០ នាទី។
រថយន្តនេះ មានភមុខងារសុវត្ថិភាពដូចជា Front Assist, Lane Assist និង Dynamic Road Sign Display គឺជាស្តង់ដារ ខណៈពេលដែលជម្រើសរួមមាន Side Assist, Travel Assist, Emergency Assist, Park Assist, Light Assist, Area View និង Adaptive Cruise Control។
ID Buzz នឹងត្រូវបានផលិតដោយ Volkswagen Commercial Vehicles នៅរោងចក្រសំខាន់របស់ខ្លួននៅទីក្រុង Hannover ។ ការផលិតទាំង ID Buzz និង ID Buzz Cargo នឹងចាប់ផ្តើមនៅឆមាសទីមួយនៃឆ្នាំ ២០២២។ ខណៈ តម្លៃត្រូវបានគេរំពឹងថានឹងត្រូវបានប្រកាសនៅក្នុងប្រមាណសប្តាហ៍ខាងមុខនេះ៕
