បែកធ្លាយរូបរាង Toyota Avanza ឆ្នាំ២០២២ ជាមួយការរចនាថ្មីទាំងផ្នែកខាងក្នុង និងខាងក្រៅ

October 18, 2021

រថយន្ត Toyota Avanza ជំនាន់ទី២ មានអាយុកាលស្ទើរតែជិតមួយទសវត្សន៍ហើយ ដោយបានបង្ហាញខ្លួននៅលើទីផ្សារប្រទេសឥណ្ឌូនេស៊ីកាលពីឆ្នាំ ២០១១កន្លងទៅ ខណៈពេលនេះម៉ូឌែលជំនាន់ទី៣ថ្មី ប្រហែលជាទំនងនឹងត្រៀមបង្ហាញខ្លួនជាផ្លូវការផងដែរ។

តាមរយៈរូបភាពដែលបានបង្ហាញដោយគេហទំព័រ AutonetMagz បានបង្ហាញអោយឃើញរថយន្តនៅក្នុងអាគាតាំងបង្ហាញរថយន្តកំពុងថត ដែលវាមានការរចនាថ្មីទាំងផ្នែកខាងក្នុង និងខាងក្រៅ។

ចំពោះចំណុចគួរអោយចាប់អារម្មណ៍នៃការរចនាថ្មីនេះគឺ ផ្នែកខាងមុខមានការរចនាកាត់ទៅរករថយន្ត RAV4 និង Corolla Cross ដោយបំពាក់ជាមួយប៉ាណាមួយផ្ទាំងធំ អមដោយក្រូមអូសកាត់រហូតដល់ទ្វារថយន្តទាំងសងខាង រួមបន្ដែមជាមួយចង្កៀងមុខប្រភេទ LED រាងស្លីម និងថាសកង់ទំហំ ១៧អ៊ីញ។

រីឯផ្នែកខាងក្រោយ បំពាក់ជាមួយអំពូល LED អូសជាខ្សែបន្ទាត់ពីជំហៀងខាងឆ្វេង រហូតមកខាងស្តាំ រួមជាមួយអក្សរ Veloz នៅលើទ្វា ដែលតំណាងអោយម៉ូឌែលប្រភេទស្ព័រ។ ចំណែកផ្នែកខាងក្នុងនៃរថយន្ត បានទទួលការឌីស្សាញកាន់តែទំនើបជាងមុន នឹងបានលេងខ្លួនជាពីរពណ៌ និងបានបំពាក់ជាមួយអេក្រង់កម្សាន្តទំហំ ៩អ៊ីញដូច Toyota Raize ផងដែរ។

សម្រាប់រថយន្ត Avanza ជំនាន់ទី៣ គេរំពឹងថារថយន្តនេះនឹងប្រើប្រាស់ជាមួយគ្រោងឆ្អឹងថ្មី Daihatsu New Global Architecture (DNGA) និងបំពាក់ជាមួយជម្រើសម៉ាស៊ីន ១,០លីត្រ Turbocharged ទំហំ ៣ស៊ីឡាំង កម្លាំង ៩៨សេះ និងកម្លាំងបង្វិល ១៤០ញ៉ូតុនម៉ែត្រឬ ម៉ាស៊ីនចំណុះ ១,២លីត្រ កម្លាំង ៨៨សេះ និងកម្លាំងរមួល ១១៣ញ៉ូតុនម៉ែត្រ ភ្ជាប់ជាមួយជម្រើសប្រអប់លេខដៃ ៥វគ្គ ឬ CVT៕

ផ្ទាំងផ្សាយពាណិជ្ជកម្ម

Lexus ផ្តល់ជម្រើសម៉ូឌែលប្រភេទ Off-road សម្រាប់រថយន្ត LX600 ឆ្នាំ២០២២ លើទីផ្សារប្រទេសកំណើតខ្លួន

October 17, 2021

រថយន្ត Lexus LX600 ឆ្នាំ២០២២ បានធ្វើការចេញជាផ្លូវការនៅលើទីផ្សារសហរដ្ឋអាមេរិច ជាមួយជម្រើសម៉ូឌែល Standard, Premium, Luxury, Ultra Luxury និងF Sport ខណៈសម្រាប់ទីផ្សារប្រទេសកំណើតខ្លួន ក្រុមហ៊ុនរថយន្តទំនើបនេះក៏បានផ្តល់នូវជម្រើសម៉ូឌែលថ្មី Off-road បន្ថែមផងដែរ។

ជម្រើសម៉ូឌែលថ្មី Off-road ជំនួសអោយទំហំ ២២អ៊ីញស្តង់ដាសម្រាប់ទីផ្សារសហរដ្ឋអាមេរិច វាបំពាក់ជាមួយថាសកង់ទំហំ ១៨អ៊ីញ ដោយស្រោបដោយសំបក់ក៏ថ្មីដែលមានសម្ថភាពទប់ទល់នឹងផ្លូវលំបាក បន្ថែមជាមួយការបំពាក់ដោយប្រព័ន្ធ Differential Lock ចំនួន ៣ថ្មី ខណៈពេលទីផ្សារសហរដ្ឋអាមេរិច មានតែមួយនៅខាងក្រោយប៉ុណ្ណោះ។ លើសពីនេះរថយន្តនេះក៏បានបំពាក់ជាមួយ គំរប់ភក់ពណ៌ខ្មៅ, ថាសកង់ពណ៌ខ្មៅ និងលេងជាមួយពណ៌ខ្មៅនៅជុំវិញប៉ាណាមុខផងដែរ។

សម្រាប់ទីផ្សារប្រទេសជប៉ុន រថយន្ត Lexus LX600 Off-road ដំណើរការជាមួយម៉ាស៊ីនដូចគ្នានឹងទីផ្សារសហរដ្ឋអាមេរិចដែរ ដោយមានចំណុះ ៣,៥លីត្រ V6 កម្លាំង ៤០៩សេះ និងកម្លាំងបង្វិល ៦៤៩ញ៉ូតុនម៉ែត្រ ភ្ជាប់ជាមួយប្រអប់លេខ ១០វគ្គអូតូ។

ខណៈពេលម៉ូឌែលថ្មីនឹងមានវត្តមាននៅក្នុងជួរ លើទីផ្សារសហរដ្ឋអាមេរិច Lexus LX 600 នឹងចេញលក់នៅលើទីផ្សារនាត្រីមាសទីមួយ ឆ្នាំ២០២២ ជាមួយតម្លៃនឹងប្រកាសនាពេលជិតចេញលក់ផ្លូវការ៕

ផ្ទាំងផ្សាយពាណិជ្ជកម្ម

Toyota ចេញឡាន Highlander Bronze Edition ឆ្នាំ២០២២ ថ្មី ដាក់លក់ជាង ៤ម៉ឺនដុល្លារ

October 16, 2021

ក្រុមហ៊ុន Toyota បានប្រកាសចេញរថយន្ត Highlander Bronze Edition ស៊េរីឆ្នាំ២០២២ ថ្មី ដែលត្រូវបានផលិតផ្អែកតាមម៉ូដែល XLE ហើយនឹងត្រូវដាក់លក់ក្នុងតម្លៃចាប់ពី ៤៣ ៨៨០ដុល្លារ សម្រាប់ប្រភេទប៉ុងមុខ និង ៤៥ ៤៨០ដុល្លារ សម្រាប់ប្រភេទប៉ុងពីរ លើទីផ្សារសហរដ្ឋអាមេរិក។

បើប្រៀបធៀបទៅ រថយន្ត Highlander Bronze Edition មានតម្លៃថ្លៃជាងម៉ូដែល XLE ប្រហែល ២ ០០០ដុល្លារ។

សម្រាប់ផ្នែកខាងក្នុង និងខាងក្រៅ Bronze Edition បានប្រើប្រាស់ជាមួយពណ៌សំរិទ្ធនៅលើ ថាសកង់ទំហំ ១៨អ៊ីញ, លើតែមឈ្នាន់ជាន់, ឡូហ្គូ Highland ក្នុងឃ្លុបក្រោយ, ឡូហ្គូ Bronze, កៅអីស្បែក និងកម្រាលទ្រាប់ជើង។

បន្ថែមពីនេះ Highlander Bronze Edition ទទួលបានការបំពាក់ថ្មីជាមួយ៖ អំពូលបំភ្លឺពេលថ្ងៃ ប្រភេទLED, ឃ្លុបក្រោយបើក-បិទដោយស្វ័យប្រវត្តិ, ផ្លឹតទឹកចាប់សញ្ញាទឹកភ្លៀងដោយស្វ័យប្រវត្ត្តិ, ភ្លើងឡូហ្គូ Highlander ក្រោមទ្វា, កាំម៉េរ៉ាខាងក្រោយ ប្រភេទឌីជីថល, កៅអីអ្នកបើកបរអាចផ្លាស់ប្តូរបញ្ជាបាន ១០ទិសដៅ, កៅអីអ្នកដំណើរអាចបញ្ជាបាន ៨ទិសដៅ និងរន្ធសាកថ្មកម្លាំង ១ ៥០០វ៉ាត់។

រថយន្ត Toyota Highlander Bronze Edition ដំណើរការដោយម៉ាស៊ីន Hybrid ដោយគួបផ្សំរវាងម៉ាស៊ីនសាំងចំណុះ ២,៥លីត្រ ទំហំ ៤ស៊ីឡាំង និងម៉ូទ័រអគ្គិសនីចំនួន ២ ផលិតកម្លាំងសរុបបាន ២៤៣សេះ និងជិះចម្ងាយ ១០០គីឡូម៉ែត្រ ស៊ីសាំងអស់ ៦,៥លីត្រ៕

ផ្ទាំងផ្សាយពាណិជ្ជកម្ម

គូប្រជែង Lexus RX ឆ្នាំ២០២២ ចេញតម្លៃលក់ផ្លូវការ ចាប់ពីខ្ទង់ ៣ម៉ឺនដុល្លារ

October 16, 2021

ក្រុមហ៊ុន Acura បានប្រកាសចេញរថយន្ត RDX ស៊េរីឆ្នាំ២០២២ កាលពីខែមុន ហើយឥឡូវនេះក្រុមហ៊ុនបានប្រកាសចេញនូវតម្លៃលក់របស់វាជាផ្លូវការ គឺចាប់ពីមាន ៣៩ ៣០០ដុល្លារ សម្រាប់ទីផ្សារសហរដ្ឋអាមេរិក។

បើប្រៀបធៀបទៅ រថយន្ត RDX ឆ្នាំ២០២២ មានតម្លៃថ្លៃជាងស៊េរីឆ្នាំ២០២១ ត្រឹមតែ ៩០០ដុល្លារប៉ុណ្ណោះ ដោយក្នុងនោះវាបានអាប់ដេតលើការឌីហ្សាញផ្នែកខាងក្រៅបន្តិចបន្តួច ព្រមទាំងមានបំពាក់កញ្ចក់មុខប្រភេទ acoustic glass windshield, ដំបូលកញ្ចក់វែង panoramic glass roof, ចង្កៀង LED និងយ៉ាន់ Alloy ទំហំ ១៩អ៊ីញទៀតផង។

ចំណែកឯកាប៊ីនខាងក្នុងវិញ វាបំពាក់កុងទ័រទំហំ ៧អ៊ីញ ជាមួយនឹងអេក្រង់កម្សាន្តទំហំ ១០,២អ៊ីញ ដែលគាំទ្រមុខងារ Amazon Alexa, Android Auto និង Apple CarPlay ព្រមទាំងពូកស្បែក មានមុខងារខ្យល់ក្តៅ និង អាចសារ៉េបាន ១២បែប ជាដើម។

ចំពោះផ្នែកសុវត្ថិភាពវិញ វាមានបំពាក់មុខងារជំនួយជាច្រើន រួមទាំង Forward Collision Warning, Collision Mitigation Braking, Lane Departure Warning, Lane Keeping Assist system, Adaptive Cruise Control with Low-Speed Follow, Traffic Sign Recognition Technology, Low Speed Autonomous Emergency Braking, Pedestrian Detection, Road Departure Mitigation, Blind Spot, Rear Cross Traffic Monitor និង ចង្កៀងមុខអូតូ ទៀតផង។

រថយន្ត Acura RDX ស៊េរីឆ្នាំ២០២២ មានបំពាក់ម៉ាស៊ីនសាំងចំណុះ ២,០លីត្រ turbocharged ទំហំ ៤ស៊ីឡាំង មានកម្លាំង ២៧២សេះ និងកម្លាំងរមួល ៣៨០ញ៉ូតុនម៉ែត្រ ប្រើប្រអប់លេខអូតូ ១០វគ្គ ហើយក៏មានជម្រើសប៉ុងពីរ Super Handling All-Wheel Drive ផងដែរ៕

ផ្ទាំងផ្សាយពាណិជ្ជកម្ម

ឡានអគ្គិសនី Porsche លក់បានច្រើនជាងឡាន 911 និង Panamera ក្នុងឆ្នាំ២០២១

October 16, 2021

ក្រុមហ៊ុន Porsche នាថ្ងៃនេះបានប្រកាសអំពីកំណើននៃចំនួនលក់សរុបចំនួន ១៣% នៅត្រីមាសទីបីពីទីផ្សារសកលលោក ហើយនៅក្នុងឆ្នាំ២០២១នេះក្រុមហ៊ុនអាចលលក់ចេញរថយន្តបានសរុបដល់ ២១៧ ១៩៨គ្រឿង។

កំណើននៃចំនួនលក់នាឆ្នាំ២០២១នេះ មិនមែនជាដំណឹងសំខាន់ជាងគេរបស់ក្រុមហ៊ុននោះទេ ព្រោះថាបើក្រឡេកមើលចំនួនលក់ គេនឹងឃើញថារថយន្តអគ្គិសនីរបស់ Porsche ម៉ូដែល Taycan អាចលក់បានច្រើនជាងរថយន្តលំដាប់កំពូលដទៃទៀតរបស់ក្រុមហ៊ុន។

ក្នុងនោះ Porsche អាចលក់រថយន្ត Taycan បានចំនួន ២៨ ៦៤០គ្រឿង នៅឆ្នាំ២០២១នេះគិតត្រឹមខែកញ្ញា ដែលនាំមុខរថយន្ត 911 ជាមួយចំនួនលក់ ២៧ ៩៧២គ្រឿង និងរថយន្ត Panamera ជាមួយចំនួនលក់ ២០ ២៧៥គ្រឿង។ បញ្ជាក់ដែរថាចំនួនលក់របស់ 911 មានកំណើន ១០% ខណៈដែលរថយន្ត Panamera មានកំណើន ១%។

យ៉ាងណាក្ដី រថយន្ត SUV នៅតែជារថយន្តលក់ដាច់ជាងគេរបស់ Porsche ដោយក្រុមហ៊ុនអាចលក់រថយន្ត Cayenne បានចំនួន ៦២ ៤៥១គ្រឿង និងរថយន្ត Macan ចំនួន ៦១ ៩៤៤គ្រឿង ខណៈដែលរថយន្ត 718 Boxster និងរថយន្ត 718 Cayman ស្ថិតនៅបាតតារាងជាមួយចំនួនលក់សរុប ១៥ ៩១៦គ្រឿង៕

ផ្ទាំងផ្សាយពាណិជ្ជកម្ម

Volkswagen លក់ឡានអគ្គិសនីបានច្រើនលើសមុនទ្វេដង

October 16, 2021

ក្រុមហ៊ុន Volkswagen Group ទាំងមូល អាចលក់ចេញរថយន្តអគ្គិសនីបានចំនួន ១២២ ១០០គ្រឿង នៅជុំវិញពិភពលោក ដែលគិតចាប់ពីខែកក្កដា ដល់ខែកញ្ញានៃឆ្នាំ២០២១នេះ ដោយតួលេខនេះមានការកើនឡើងទ្វេដងបើប្រៀបនឹងរយៈពេលដូចគ្នាកាលពីឆ្នាំ២០២០។

ក្នុងទីផ្សារប្រទេសចិន ការលក់រថយន្តអគ្គិសនីរបស់ VW មានកំណើនខ្លាំងជាងគេ ដោយនៅឆមាសដំបូងក្រុមហ៊ុនអាចលក់រថយន្តបាន ១៨ ៣០០គ្រឿង ខណៈដែលនៅត្រីមាសទី៣តែមួយអាចលក់ចេញបានរហូតដល់ ២៨ ៩០០គ្រឿង។ ជាមួយចំនួនលក់លើសពី ៤៧ ០០០គ្រឿង ធ្វើឲ្យទីផ្សារប្រទេសចិនមានចំណែក ២៤% នៃចំនួនលក់រថយន្តអគ្គិសនីសរុបរបស់ VW។

គិតពេញមួយឆ្នាំ២០២១នេះ VW អាចលក់ចេញរថយន្តអគ្គិសនីបានសរុប ២៩៣ ១០០គ្រឿង នៅទូទាំងពិភពលោក ដែលមានកំណើន ១៣៨% បើធៀបនឹងពេលដូចគ្នាកាលពីឆ្នាំ២០២០។ ក្នុងនោះម៉ាក VW នាំមុខជាមួយចំណែក ៥៧%, Audi មានចំណែក ១៨%, Skoda មានចំណែក ១១% និង Porsche មានចំណែកតិចជាង ១០%។

រថយន្តអគ្គិសនីរបស់សម្ព័ន្ធ VW ដែលលក់ដាច់បានច្រើនជាងគេមាន Volkswagen ID.4 លក់បាន ៧២ ៧០០គ្រឿង, Volkswagen ID.3 លក់បាន ៥២ ៧០០គ្រឿង, Audi e-tron និង e-tron Sportback លក់បាន ៣៦ ១០០គ្រឿង, Porsche Taycan លក់បាន ២៨ ៦០០គ្រឿង និង Skoda Enyaq iV លក់បាន ២៨ ២០០គ្រឿង៕

ផ្ទាំងផ្សាយពាណិជ្ជកម្ម

ក្រុមហ៊ុនវៀតណាម ត្រៀមប្រកាសចេញឡានអគ្គិសនីថ្មីពីរ លើឆាកអន្តរជាតិ

October 15, 2021

ក្រុមហ៊ុនរថយន្ត VinFast គ្រោងប្រកាសចេញរថយន្ត VF e35 និងរថយន្ត VF e36 នៅក្នុងកម្មវិធីអន្តរជាតិ Los Angeles Auto Show ដែលនឹងធ្វើឡើងនាខែវិច្ឆិកាខាងមុខនេះ។

រថយន្តទាំងពីរនេះនៅជាអាថ៌កំបាំងនៅឡើយ ប៉ុន្តែគេដឹងថាវានឹងជាប្រភេទរថយន្ត SUV អគ្គិសនីសុទ្ធ ហើយរថយន្ត VF e35 នឹងជាប្រភេទរថយន្ត D-segment ខណៈដែលរថយន្ត VF e36 នឹងជាប្រភេទរថយន្ត E-segment ដែលមានទំហំធំជាង។

ក្រុមហ៊ុន VinFast បានបង្ហើបឲ្យដឹងថារថយន្តទាំងពីរនឹងមានបំពាក់ដោយប្រព័ន្ធកម្សាន្តដ៏ទំនើប ដែលមានមុខងារដូចជាជំនួយការសិប្បនិម្មិត, បច្ចេកវិទ្យាចាប់សំឡេង និងសេវាកម្មពាណិជ្ជកម្មអនឡាញផងដែរ។ រថយន្តទាំងពីរក៏ទំនងជាមានជំនួយការបើកបរទំនើបមកជាមួយផងដែរ។

គេអាចដឹងមុនផងដែរថារថយន្តទាំងពីរ នឹងមិនខុសពីរថយន្ត VF e34 ប៉ុន្មានឡើយ ដោយវានឹងប្រើប្រាស់ម៉ូទ័រអគ្គិសនីដែលអាចផលិតកម្លាំងបាន ១៤៧សេះ និងបំពាក់អាគុយលីចូមដែលអាចបើកបរបានចម្ងាយ ២៨៥គីឡូម៉ែត្រពេលសាកភ្លើងពេញ។

គួរដឹងថាកម្មវិធី Los Angeles Auto Show កំណត់ថានឹងចាប់ផ្ដើមប្រព្រឹត្តិទៅនៅថ្ងៃទី១៧ ខែវិច្ឆិកាខាងមុខនេះ៕

ផ្ទាំងផ្សាយពាណិជ្ជកម្ម

លើកនេះច្បាស់ការណ៍ហើយពីកាលបរិច្ឆេទផលិតឡានមហាកម្លាំងរបស់ Mercedes

October 15, 2021

នៅទីបំផុត កាលបរិច្ឆេទចូលរោងចក្រផលិតត្រូវបានកំណត់សម្រាប់រថយន្ត Mercedes-AMG One ដោយក្រោយពីបានពន្យារពេលអស់ជាច្រើនដងរួចមក រថយន្តនេះនឹងត្រូវចូលរោងចក្រផលិតនៅពាក់កណ្ដាលឆ្នាំ ២០២២។

រថយន្តនេះបានបង្ហាញវត្តមានជាលើកដំបូងកាលពីឆ្នាំ២០១៧ ក្នុងនាមជារថយន្តមហាកម្លាំងមួយ ដែលប្រើប្រាស់ថាមពល Hybrid ដូចដែលក្រុមហ៊ុន Mercedes បានប្រើលើរថយន្តប្រណាំង Formula 1។ រថយន្តនេះនឹងមានកម្លាំងសរុបលើសពី ១០០០សេះឯណោះ។

ពេលបង្ហាញមុខនៅឆ្នាំ២០១៧ ក្រុមហ៊ុន Mercedes និយាយថាខ្លួនត្រូវការពេលអភិវឌ្ឍន៍រថយន្តនេះរយៈពេល ១៨ខែបន្ថែមទៀត មុនចូលរោងចក្រផលិត ដែលក្រោយមកកាលបរិច្ឆេទផលិតត្រូវបានអូសបន្លាយជាបន្តបន្ទាប់។

យ៉ាងណាក្ដី នៅរយៈពេលចុងក្រោយនេះ Mercedes-AMG One ត្រូវបានគេប្រទះឃើញបើកបរសាកល្បងនៅលើទីលាន Nurburgring និងឃើញបើកបរលើផ្លូវសាធារណៈថែមទៀតផង ដែលនេះជាការឲ្យសញ្ញាថាការអភិវឌ្ឍន៍កាន់តែជិតបញ្ចប់ និងត្រៀមចូលរោងចក្រផលិត៕

ផ្ទាំងផ្សាយពាណិជ្ជកម្ម

CEO ក្រុមហ៊ុន Volkswagen ព្រមានថាការពន្យាពេលផលិតរថយន្តអគ្គិសនី អាចបាត់បង់ការងារចំនួន ៣ម៉ឺនការងារ

October 15, 2021

នាយកប្រតិបត្តិក្រុមហ៊ុន Volkswagen លោក Herbert Diess បានព្រមានថាក្រុមហ៊ុនផលិតរថយន្តអាល្លឺម៉ង់អាចបាត់បង់ការងាររហូតដល់ ៣ ម៉ឺនការងារ ប្រសិនបើការផ្លាស់ប្តូរទៅកាន់ការផលិតរថយន្តអគ្គិសនីដើរយឺតពេក។

លោក Herbert Diess បានប្រាប់ដល់ក្រុមប្រឹក្សាត្រួតពិនិត្យក្នុងកិច្ចប្រជុំនៅខែកញ្ញាថា ការប្រកួតប្រជែងពីអ្នកចូលថ្មីនៅក្នុងទីផ្សារអាល្លឺម៉ង់ ដូចជា Tesla ត្រូវតម្រូវអោយក្រុមហ៊ុនត្រូវការពន្លឿនការផ្លាស់ប្តូរទៅជារថយន្តអគ្គិសនី។ លោកបានកត់សម្គាល់ថាក្រុមហ៊ុន Tesla មានគម្រោងផលិតរថយន្តចំនួន ៥០០ ០០០ គ្រឿងជារៀងរាល់ឆ្នាំនៅឯរោងចក្រប៊ែរឡាំងរបស់ខ្លួនដោយមានបុគ្គលិកចំនួន ១២ ០០០ នាក់ ខណៈដែលរោងចក្រ Wolfsburg របស់ក្រុមហ៊ុន Volkswagen អាចផលិតរថយន្តបានចំនួន ៧០០ ០០០ គ្រឿងជារៀងរាល់ឆ្នាំ ដោយមានបុគ្គលិក ២៥ ០០០ នាក់ប៉ុណ្ណោះ។

ថ្លែងទៅកាន់ Reuters អ្នកនាំពាក្យក្រុមហ៊ុន Volkswagen លោក Michael Manske បានបញ្ជាក់ថាក្រុមហ៊ុនផលិតរថយន្តពិតជាកំពុងប្រឈមនឹងការប្រកួតប្រជែងខ្លាំង និងកាន់តែមានទំនួលខុសត្រូវខ្ពស់ ព្រមទាំងបន្ថែមថា ខណោះពេលពួកគេមិនមានមតិទៅលើការលើកឡើងរបស់លោក Diess ប៉ុន្តែការកាត់បន្ថយការងារចំនួន ៣០ ០០០គឺមិនសមហេតុផល និងគ្មានការពិត។

រោងចក្រ Wolfsburg របស់ក្រុមហ៊ុន Volkswagen មានបុគ្គលិកជាង ៥ ម៉ឺននាក់ ប៉ុន្តែមិនមែនផលិតរថយន្តអគ្គិសនីទេ។ ដោយវានឹងផ្លាស់ប្តូរពីឆ្នាំ ២០២៦ នៅពេលក្រុមហ៊ុនថ្មីបង្កើតឡើង និងត្រៀមខ្លួនសម្រាប់ទីផ្សារហ៊ុន៕

ផ្ទាំងផ្សាយពាណិជ្ជកម្ម

Land Rover ចេញម៉ូឌែលកប់បំផុតនៃត្រកូល Discovery ឆ្នាំ២០២៣ ដោយតម្លៃជាង ៧ម៉ឺនដុល្លារ

October 15, 2021

ក្រុមហ៊ុន Land Rover បានធ្វើការបញ្ចេញនូវរថយន្ត Discovery Metropolitan Edition ឆ្នាំ២០២៣ ជាមួយការបើកការកក់នៅលើទីផ្សារសហរដ្ឋអាមេរិច ជាមួយតម្លៃចាប់ពី ៧៥ ៣០០ដុល្លារ ខណៈពេលម៉ូឌែល Entry-Level មានតម្លៃត្រឹម ៥៦ ៦០០ដុល្លារ។

ម៉ូឌែលថ្មី Metropolitan Edition ស្ថិតនៅលំដាប់កំពូលនៃត្រកូល Discovery និងត្រូវបានផលិតឡើងផ្អែកលើម៉ូឌែលគម្រូ R-Dynamic HSE។ Land Rover បានផ្តល់នូវម៉ូឌែលថ្មីនេះជាលក្ខណៈ Bright Atlas នៅលើប៉ាណាមុខ និងជុំវិញអក្សរឡូហ្គូ Discovery ព្រមទាំងបានបំពាក់ជាមួយថាសកង់ប្រភេទអាលុយមីញ៉ូមទំហំ ២២អ៊ីញ រួមជាមួយដុំហ្វ្រាំងពណ៌ខ្មៅ និងលេងជាមួយពណ៌ប្រាក់នៅលើកាងមុខ-ក្រោយផងដែរ។

លក្ខណៈពិសេសថ្មបន្តចូលទៅកាន់ផ្នែកខាងក្នុង វាបានបំពាក់ស្តង់ដាមកជាមួយអេក្រង់ព័ត៌មានបាញ់លើកញ្ចក់ HUD, ដៃចង្កូតមានមុខងារក្តៅត្រជាក់, កៅអីជួរទី ៣បញ្ជាដោយថាមពលអេឡិចត្រូនិច និងមានមុខងារកម្តៅ, ប្រអប់សម្រាប់ក្លាសេ និងម៉ាស៊ីនត្រជាក់ ៤តំបន់។

រថយន្ត Discovery Metropolitan Edition ឆ្នាំ២០២៣ ដំណើរការដោយម៉ាស៊ីន Ingenium ចំណុះ ៣,០លីត្រ ទំហំ ៦ស៊ីឡាំង ផ្គួបជាមួយប្រព័ន្ធ mild-hybrid កម្លាំង ៤៨វ៉ុល អាចផលិតកម្លាំងបាន ៣៥៥សេះ៕

ផ្ទាំងផ្សាយពាណិជ្ជកម្ម