ប្រធានផ្នែកប្រតិបត្តិការសកលរបស់ក្រុមហ៊ុន Hyundai Motor បាននិយាយកាលពីថ្ងៃពុធថា ក្រុមហ៊ុនផលិតរថយន្តកូរ៉េខាងត្បូងនេះ ចង់ផលិតបន្ទះឈីបផ្ទាល់ខ្លួន ដើម្បីកាត់បន្ថយការពឹងផ្អែកលើក្រុមហ៊ុនផលិតបន្ទះឈីបផ្សេងទៀត។

គួរឲ្យដឹងដែរថា បញ្ហាកង្វះខាតឧបករណ៍បន្ទះឈីបអេឡិចត្រូនិកជាសកល ដែលបង្កឡើងដោយសារតម្រូវការកុំព្យូទ័រយួរដៃ និងផលិតផលអេឡិចត្រូនិកដទៃទៀត ក្នុងអំឡុងពេលមានជំងឺកូវីដ១៩ បានបិទខ្សែសង្វាក់ផលិតកម្មរថយន្តមួយចំនួននៅទូទាំងពិភពលោក ក្នុងឆ្នាំ ២០២១ នេះ។

ជាមួយគ្នានេះដែរ ក្រុមហ៊ុន Hyundai បានផ្អាករោងចក្រខ្លះជាបណ្តោះអាសន្ន ប៉ុន្តែនាយកប្រតិបត្តិសកលនៃក្រុមហ៊ុន Hyundai លោក Jose Munoz បានប្រាប់អ្នកយកព័ត៌មានថា អ្វីដែលអាក្រក់បំផុតបានកន្លងផុតទៅហើយចំពោះកង្វះបន្ទះឈីប។

លោក Munoz បាននិយាយថា “ឧស្សាហកម្មបន្ទះឈីប មានប្រតិកម្មយ៉ាងឆាប់រហ័ស” ដោយបន្ថែមថា ក្រុមហ៊ុន Intel កំពុងវិនិយោគប្រាក់យ៉ាងច្រើនដើម្បីពង្រីកសមត្ថភាពរបស់ខ្លួន។ ប៉ុន្តែក្នុងករណីរបស់យើងៗចង់មានលទ្ធភាពផលិតបន្ទះឈីបផ្ទាល់ខ្លួននៅក្នុងក្រុម ដូច្នេះយើងនឹងមានការពឹងពាក់តិចតួចនៅក្នុងស្ថានភាពដែលបែបនេះ។ វាត្រូវការការវិនិយោគ និងពេលវេលាច្រើនប៉ុន្តែនេះគឺជាអ្វីដែលយើងកំពុងធ្វើការ”៕

ផ្ទាំងផ្សាយពាណិជ្ជកម្ម

ក្រុមហ៊ុន Honda បានប្រកាសពីមហិច្ឆតាធំមួយសម្រាប់ទីផ្សារប្រទេសចិន ដោយមានគោលដៅ​លក់​តែរថយន្តអគ្គិសនីសុទ្ធនៅលើទីផ្សារនេះចាប់ពីឆ្នាំ២០៣០តទៅ ហើយក្រុមហ៊ុន​ក៏​គ្រោងប្រកាសចេញរថយន្តអគ្គិសនីថ្មីចំនួន១០ ក្នុងរយៈពេល៥ឆ្នាំសម្រាប់ទីផ្សារនេះទៀតផង។

ដើម្បីសម្រេចតាមគោលដៅនេះបាន ចាប់ពីឆ្នាំ២០៣០តទៅ Honda នឹងលែងប្រកាសចេញរថយន្តប្រើសាំងស៊េរីថ្មីទៀតហើយ និង​ធ្វើ​ឲ្យ​រថយន្ត​ថ្មី​ដែល​ដាក់​លក់​លើ​ទីផ្សារក្លាយជាប្រភេទអគ្គិសនីទាំងអស់។

Honda នឹងប្រើប្រាស់ឈ្មោះ “e:N Series” សម្រាប់ដាក់ឲ្យរថយន្តអគ្គិសនីដែលលក់នៅប្រទេសចិន ដោយចាប់ផ្ដើមពីរថយន្ត e:NS1 និងរថយន្ត e:NP1។ រថយន្តអគ្គិសនីថ្មីៗនឹងផលិតឡើងដោយក្រុមហ៊ុន​ Dongfeng Honda និង GAC Honda ដែល​ក្រុមហ៊ុន​មាន​គម្រោង​សាងសង់​រោងចក្រផលិតរថយន្តអគ្គិសនីក្នុងឆ្នាំ២០២៤ និងមានការនាំចេញរថយន្ត e:N Series ទៅកាន់ទីផ្សារដទៃទៀតផងដែរ។

គួរដឹងថាទីផ្សាររថយន្តអគ្គិសនីនៅប្រទេសចិនកំពុងតែរីកចម្រើនខ្លាំង ដោយចំនួនលក់រថយន្តអគ្គិសនី និងរថយន្ត PHEV នៅប្រទេសនេះកាលពីខែកញ្ញាគឺមានកំណើន ២០២% ធៀបនឹងឆ្នាំមុន ជាមួយចំនួនលក់ចេញសរុប ៣៣៤ ០០០គ្រឿង៕

ផ្ទាំងផ្សាយពាណិជ្ជកម្ម

រថយន្ត Honda HR-V e:HEV ស៊េរីឆ្នាំ២០២១ នឹងចាប់ផ្ដើម​បង្ហាញ​ខ្លួន​តាម​ហាងលក់​រថយន្ត​នៅអឺរ៉ុបនាចុងឆ្នាំនេះ ជាមួយតម្លៃលក់ដែលមានចាប់ពីប្រមាណ ៣៦ ៩៥០ដុល្លារឡើងទៅ។

ដើម្បី​ទាញយក​ចំណាប់អារម្មណ៍មុនការចេញលក់​ Honda បានបង្ហាញចេញរូបភាពថ្មីជាច្រើនសន្លឹកដែលបង្ហាញពីរូបរាងខាងក្រៅ និងរូបរាងខាងក្នុងរបស់រថយន្ត SUV ថ្មីនេះ។

ពាក្យថា e:HEV នេះដែរគឺមានន័យថា Hybrid Electric Vehicle ដែលមានន័យថា HR-V ថ្មីនេះបានចូលរួមជាមួយ CR-V និងរថយន្ត Jazz ក្នុងនាមជាជម្រើសរថយន្ត Hybrid របស់ Honda នៅសហភាពអឺរ៉ុប។ រថយន្តនេះដំណើរការដោយម៉ាស៊ីនចំណុះ ១,៥លីត្រ ប្រភេទ DOHC i-VTEC ជាមួយនឹងម៉ូទ័រអគ្គិសនីមួយ ដែលសរុបចូលគ្នាផលិតកម្លាំងបាន១២៩សេះ។

ជាលទ្ធផលនៃជំនួយថាមពលអគ្គិសនី អាចឲ្យរថយន្តនេះស្ទុះដល់​ ១០០គ.ម/ម៉ ក្នុងពេល ១០,០៦វិនាទី។ រថយន្តនេះដែរមានសមត្ថភាពសន្សំសំចៃប្រេងបានល្អប្រសើរបំផុត ដោយជិះ១០០គីឡូម៉ែត្រ ស៊ីប្រេងប្រមាណ ៥,៤លីត្រ ប៉ុណ្ណោះ៕

ផ្ទាំងផ្សាយពាណិជ្ជកម្ម

ប្រទេសចិនគឺទីផ្សាររថយន្តអគ្គិសនីធំបំផុតរបស់ពិភពលោក ដូច្នេះហើយក្រុមហ៊ុន Honda បានប្រកាសពីគម្រោងដាក់បង្ហាញរថយន្តអគ្គសនីចំនួន ១០ម៉ូឌែលថ្មីសម្រាប់ទីផ្សារប្រទេសនេះ នៅរយៈពេល ៥ឆ្នាំខាងមុខ។

រថយន្តអគ្គសនីដែលនឹងបង្ហាញវត្តមាននាពេលខាងមុខនេះជាផ្នែកមួយនៃ e:N Series ហើយម៉ូឌែលពីរតំបូងឈ្មោះ e:NS1 និង e:NP1 នឹងដាក់លក់នៅលើទីផ្សារប្រទេសចិននាឆ្នាំក្រោយ នឹងតាមដោយម៉ូឌែល e:N Coupe, e:N GT និង e:N SUV Concept។

សម្រាប់ត្រកូល e:N Series នឹងបង្ហាញចេញអត្ថសញ្ញាណនៃ ថាមពល ឆ្លាត និងភាពស្រស់ស្អាត។ ដោយប្រើប្រាស់ជាមួយគ្រោងឆ្អឹង e:N Architecture ចំនួន ៣ផ្សេងៗគ្នា ដោយផ្តល់នូវជម្រើសការបើកបរ RWD, FWD និង AWD។

Honda ពុំទាន់បង្ហាញចេញព័ត៌មានអោយស៊ីជម្រៅនោះឡើយ ប៉ុន្តែបានអះអាងថា e:NS1 និង e:NP1 នឹងផ្តល់នូវចម្ងាយបើកបរ ៥០០គីឡូម៉ែត្រ និងអាចរត់ស្ទុះពីល្បឿន ០-១០០គ.ម/ម៉ោង ប្រើពេលតិចជាង ៨វិនាទី៕

ផ្ទាំងផ្សាយពាណិជ្ជកម្ម