មិនយូរប៉ុន្មានបន្ទាប់ពីក្រុម Nissan បានប្រកាសថា GT-R នឹងផ្តាច់ជីវិតចេញពីប្រទេសអូស្ត្រាលីនាពេលឆាប់ៗខាងមុខ នាពេលនេះក្រុមហ៊ុន Audi ក៏បានបង្ហាញចេញថា R8 របស់ខ្លួនក៏ត្រូវបានផ្តាច់ជីវិតផងដែរ។
អ្នកនាំពាក្យម្នាក់មកពីក្រុមហ៊ុន Audi ប្រចាំប្រទេសអូស្ត្រាលីបានបញ្ជាក់ថាម៉ូឌែលរថយន្ត R8 ដែលលក់នៅលើទីផ្សារប្រទេសអូស្ត្រាលីមានបរិមាណទាប នឹងកាន់តែពិសេសចំពោះម៉ាស៊ីនជាក់លាក់ដើម្បីបំពេញតាមគោលការណ៍ស្តង់ដានៃការបំភាយឧស្ម័ននៃប្រទេសអូស្រ្តាលី ដូច្នេះ Audi បានសម្រេចចិត្តផ្តាច់ជិវិត R8 V10 ចេញពីប្រទេសអូស្ត្រាលី ប៉ុន្តែវានៅតែមានវត្តមាននៅលើទីផ្សារប្រទេសផ្សេងៗទៀត
រថយន្ត Audi R8 បានបង្ហាញខ្លួនជាផ្លូវការនៅក្នុងឆ្នាំ ២០០៦ ក្នុងនាមជារថយន្ត Supercar ប្រគួតប្រជែង 911s និង Ferraris។ R8 ដំណើរការដោយម៉ាស៊ីនចំណុះ ៥,២លីត្រ V10 កម្លាំង ៥៦២សេះ ឬ ៦១២សេះ(សម្រាប់ប្រភេទខ្ពស់បំផុត) ភ្ជាប់ជាមួយប្រអប់លេខDl800 Dual-clutch ៧វគ្គ៕
