ក្តៅៗ! Acura បង្អួតរាង Integra ជាឡាន Hatchback ទ្វារ៥ ផ្លូវការ

September 29, 2021

កាលពីពេលថ្មីៗកន្លងទៅ ក្រុមហ៊ុន Acura បានប្រកាសថា រថយន្ត Integra នឹងបង្ហាញខ្លួនសារជាថ្មីវិញ នៅក្នុងឆ្នាំ២០២២។ មិនតែប៉ុណ្ណោះ ក្រុមហ៊ុនផលិតរថយន្តជប៉ុនខាងលើ ថែមទាំងបានចុះប៉ាតង់ឈ្មោះ Integra Type S ទៀតផង។

ឥឡូវនេះ ក្រុមហ៊ុន Acura បានបង្អួតរូបរាងរថយន្ត Integra ឆ្នាំ២០២២ តាមរយៈវីដេអូខ្លីមួយខ្សែ ដោយបង្ហាញឲ្យឃើញថាវាជារថយន្តប្រភេទ Hatchback ទ្វារ៥។

ក្រុមហ៊ុន Acura បាននិយាយនៅក្នុងសេចក្តីថ្លែងការណ៍មួយថា “ដូច Integra ដើម ដែលជួយបង្កើតម៉ាក Acura ក្នុងឆ្នាំ១៩៨៦ អីចឹង រថយន្ត Integra ជំនាន់ទី៥ ថ្មី នឹងជារថយន្តប្រភេទ premium sport compact ជាមួយនឹងការឌីហ្សាញមានទ្វារ៥”។

ជាមួយគ្នានេះដែរ គេរំពឹងថា នឹងអាចឃើញរថយន្ត Integra ជាមួយ Integra Type S ដូចទៅនឹងរថយន្ត Civic និង Civic Type R ដែរ។ ប្រសិនបើបែបនោះមែន Integra Type S នឹងកាន់តែប្រណីត ហើយអាចមានកម្លាំងខ្លាំងជាង Integra ធម្មតាទៀតផង។

យ៉ាងណាមិញ គេរំពឹងថា Acura Integra ឆ្នាំ២០២២ ទំនងបន្តប្រើម៉ាស៊ីនសាំងចំណុះ ២,០លីត្រ turbo ទំហំ ៤ស៊ីឡាំង ដែលបង្កើតកម្លាំងបាន ៣០៦សេះ ខណៈពាក្យចចាមអារ៉ាមមួយចំនួនអះអាងថា ម៉ូដែលនេះអាចនឹងមានជម្រើសម៉ាស៊ីន Hybrid ប្រើប៉ុងពីរ ទៀតផង។ យ៉ាងណាក៏ដោយ ព័ត៌មានលម្អិតមានតែរង់ចាំមើលតទៅទៀតប៉ុណ្ណោះ៕

ផ្ទាំងផ្សាយពាណិជ្ជកម្ម

Infiniti Q60 Coupe ឆ្នាំ២០២២ ថ្មី ចេញលក់ជាមួយតម្លៃចាប់ពីខ្ទង់ ៤ម៉ឺនដុល្លារ

September 29, 2021

ក្រុមហ៊ុន Infiniti បានប្រកាសពីតម្លៃនៃរថយន្ត Q60 Coupe ស៊េរីឆ្នាំ២០២២ ដែលនឹងមានតម្លៃចាប់ពី ៤២ ៧៧៥ដុល្លារ នៅលើទីផ្សារសហរដ្ឋអាមេរិក សម្រាប់ប្រភេទ Base Model ប្រើប៉ុងមួយ ហើយតម្លៃខ្លួនរបស់វាអាចឡើងដល់ ៦១ ២២៥ដុល្លារ សម្រាប់ប្រភេទប្រើប៉ុងពីរ។

រថយន្ត Infiniti Q60 Coupe ឆ្នាំ២០២២ ចែកចេញជា ៣ ម៉ូដែល គឺ Pure, Luxe និង Red Sport 400 ហើយឥឡូវនេះមានផ្តល់មុខងារ Apple CarPlay ឥតប្រើខ្សែទៀតផង។

រថយន្តនេះមានបំពាក់ម៉ាស៊ីនសាំងចំណុះ ៣,០លីត្រ twin-turbo ទំហំ ៦ស៊ីឡាំង ដោយម៉ូដែល Pure និង Luxe មានកម្លាំង ៣០០សេះ ខណៈម៉ូដែល Red Sport 400 មានកម្លាំងដល់ ៤០០សេះឯណោះ។ គ្រប់ម៉ូដែលទាំងអស់នឹងប្រើប្រអប់លេខអូតូ ៧វគ្គ។

Q60 Coupe ឆ្នាំ២០២២ ផ្តល់ជម្រើសពណ៌សរុប ៨ គឺ Pure White, Black Obsidian, Graphite Shadow, Midnight Black, Majestic White, Grand Blue, Slate Gray និង Dynamic Sunstone Red៕

ផ្ទាំងផ្សាយពាណិជ្ជកម្ម

Geely បង្ហាញស្ថានីយដោះដូរអាគុយប្រើពេល ១នាទី ជាមួយផែនការបង្កើតចំនួន ៥ ០០០ស្ថានីយត្រឹមឆ្នាំ ២០២៥

September 29, 2021

Geely បានចាប់ផ្តើមចូលខ្លួនប្រគួតប្រជែងជាមួយ Nio អំពីការបង្កើតឡើងនូវស្ថានីយដោះដូរអាគុយប្រើពេល ១នាទីរបស់ខ្លួន ជាមួយផែនការបង្កើតស្ថាននីយអោយបាន ៥ ០០០ស្ថានីយនៅត្រឹមឆ្នាំ ២០២៥។

Geely និយាយថាខ្លួនបានចាប់ផ្តើមស្រាវជ្រាវលើបច្ចេកវិទ្យាផ្លាស់ប្តូរអាគុយ ក្នុងឆ្នាំ២០១៧ ព្រមទាំងបានចុះឈ្មោះកម្មសិទ្ធក្នុងខែមិថុនា ឆ្នាំ២០២០ និងបានចាប់ផ្តើដំណើរការវានៅខែកញ្ញា ឆ្នាំ២០២០ នៅទីក្រុងឆុងឈីង (Chongqing)។

យ៉ាងណាមិញ E-Energee Service គឺកំណត់សម្រាប់រថយន្តតាក់ស៊ីរបស់ Geely គឺ Caocao។ ខណៈពេល Geely ពុំទាន់បង្ហាញពីផែនការថាសម្រាប់តែរថយន្តតាក់ស៊ីរបស់ខ្លួន ឬក៏អតិថិជនឯកជនក៏អាចប្រើប្រាស់បាន។

ចំពោះភាពខុសគ្នារវាងស្ថានីយរបស់ Nio គឺជាយីហោប្រណិតមួយ ដោយស្ថានីយរបស់គេប្រើពេល ៣-៦នាទីដើម្បីធ្វើការផ្លាស់ប្តូរ រីឯ Geely បាននិយាយថាស្ថានីយខ្លួនប្រើពេលត្រឹម ១នាទីប៉ុណ្ណោះក្នុងការផ្លាស់ប្តូរអាគុយ ជាមួយភាពជាក់លាក់ខ្ពស់នៃបច្ចេកវិទ្យា AI។

Geely គឺជាក្រុមហ៊ុនផលិតរថយន្តដ៏ធំមួយ ជាមួយផែនការនៃការបង្កើតស្ថានីយផ្លាស់ប្តូរចំនួន ១០០ស្ថានីយនៅភាគខាងត្បូងទីក្រុងឆុងឈីង (Chongqing) ក្នុងឆ្នាំនេះ មុនពេលបង្ហាញអំពីរោងចក្រផលិតរថយន្តអគ្គិសនីនៅលើទីផ្សារផ្សេងៗទៀត៕

ផ្ទាំងផ្សាយពាណិជ្ជកម្ម

របៀបការពារអាគុយ ពេលទុករថយន្តក្នុងរយៈពេលយូរ | ចំណេះដឹងយានយន្ត

September 29, 2021

[ចំណេះដឹងយានយន្ត] ជាធម្មតាពេលដែលរថយន្តត្រូវាបានទុកក្នុងផ្ទះ ដោយមិនបានជិះចេញក្រៅក្នុងរយៈពេលយូរ អាចធ្វើឲ្យអាគុយរថយន្តឆាប់អស់ថាមពល ឬខ្សោយ។ ដូច្នេះដើម្បីចៀសវាងកុំអោយអាគុយរថយន្តឆាប់អស់ថាមពល យ៉ាងហោចណាស់ សាកភ្លើងអោយវាយ៉ាងតិចពីរទៅបីដងក្នុងមួយសប្តាហ៍ ជាពិសេសសម្រាប់អាគុយដែលចាស់ ឬ បានប្រើយូរហើយ។ ព្រមទាំងបញ្ឆេះរថយន្តទុកពី ៥ ទៅ ១០នាទី វានឹងបញ្ចូលថាមពលអោយអាគុយរថយន្តបានគ្រប់គ្រាន់ ។

បន្ថែមពីនេះ ក្រុមការងារខេមបូ អូតូ ក៏មានគន្លឹះបន្ថែមមួយចំនួន ដើម្បីការពាររថយន្តពេលទុកក្នុងរយៈពេលយូរផងដែរ៖

រក្សារកម្រិតប្រេងឥន្ធនៈ ទុកក្នុងធុងប្រេងអោយនូវកម្រិតខ្ពស់ ដើម្បីការពារដល់បូមប្រេង
ត្រូវទុករថយន្តនៅក្រោមម្លប់ដែលមិនប៉ះកម្តៅថ្ងៃ វាអាចប៉ះពាល់ដល់សំបក់កង់រថយន្ត ដោយការរីកមាឌនៃខ្យល់ពេលត្រូវកម្តៅ
សូមកុំទុកអាហារនៅក្នុងរថយន្ត ព្រោះវាអាចទាក់ទាញសត្វកណ្តុរឬសត្វល្អិតផ្សេងៗចូលមកក្នុងរថយន្ត ដែលអាច
បំផ្លាញផ្នែកខាងក្នុងរថយន្តនិងធ្វើអោយមានក្លិនស្អុយ
បើអាចត្រូវមានក្រណាត់ ឬគម្របគ្រប់ពីលើរថយន្តបន្ថែមទៀត
សម្អាតផ្នែកខាងក្រៅរថយន្តម្តងឬពីរដងក្នុងមួយសប្តាហ៍ ដើម្បីការពារដល់ទឹកថ្នាំរថយន្ត
អ្នកគួរតែភ្ជាប់ហ្រ្វាំងដៃ ដើម្បីការពារពីការរអិលរថយន្ត៕

ផ្ទាំងផ្សាយពាណិជ្ជកម្ម

គួរប្រជែង Tesla ចាប់ផ្តើមចូលរោងចក្រផលិត ជាមួយផែនការដឹកអោយអតិថិជនខែក្រោយ

September 29, 2021

សង្វាក់ផលិតកម្មនៃរថយន្តអគ្គិសនីបានធ្វើការចាប់ផ្តើមក្នុងខែកញ្ញានេះ ខណៈពេលរថយន្តភីកអាប់អគ្គិសនីដំបូង Rivian R1T បានចាប់ផ្តើមផលិតកាលពីថ្ងៃទី ១៤ កញ្ញា បន្ទាប់មកគូរប្រជែង Tesla រថយន្តអគ្គិសនី Lucid Air បានធ្វើការចាប់ផ្តើមចូលរោងចក្រផលិតដំបូងរបស់ខ្លួននាសប្តាហ៍នេះដូចគ្នា។

ជាមួយការចាប់ផ្តើមចូលរោងចក្រផលិតនេះ រថយន្ត Air Dream Edition ត្រូវបានគេរំពឹងថានឹងចាប់ផ្តើមដឹកអោយអតិថិជនរបស់ខ្លួននាខែក្រោយ។ ខណៈពេល Lucid Motor ទទួលបានការកក់សរុប ១៣ ០០០គ្រឿង។

រថយន្ត Air Dream Edition ផ្តល់នូវជម្រើសចំនួន ២ម៉ូឌែលគឺ Range និង Performance។ សម្រាប់ Range មានចម្ងាយបើកបរដល់ ៨៣៦គីឡូម៉ែត្រ និង Performance មានចម្ងាយបើកបរដល់ ៧៥៨គីឡូម៉ែត្រ។ ក្រៅពីមានចម្ងាយបើកបរឆ្ងាយ រថយន្ត Lucid Air Dream Edition Range មានកម្លាំង ៩៣៣សេះ ខណៈ Lucid Air Dream Edition Performance មានកម្លាំងរហូតដល់ទៅ ១ ១១១សេះឯណោះ៕

ផ្ទាំងផ្សាយពាណិជ្ជកម្ម

Tesla ចេញមុខងារបើកបរស្វ័យប្រវត្តិពេញលេញ Full Self-Driving Beta ជាផ្លូវការ

September 28, 2021

ក្រុមហ៊ុន Tesla បានប្រកាសចេញមុខងារបើកបរស្វ័យប្រវត្តិពេញលេញ Full Self-Driving Beta របស់ខ្លួនដល់ម្ចាស់រថយន្ត Tesla ទាំងអស់ កាលពីសប្តាហ៍មុន ដោយអាចទាញយកតាមរយៈការអាប់ដេតតាមអនឡាញប៉ុណ្ណោះ។

ទោះបីជាយ៉ាងណាក៏ដោយ មុខងារ Full Self-Driving Beta មេះ មិនមែនជាមុខងារបើកបរស្វ័យប្រព័ន្ធកម្រិត ៥ នោះទេ ប៉ុន្តែត្រូវបានវាយតម្លៃនៅត្រឹមកម្រិត ២ ដូចគ្នានឹងមុខងារ Autopilot របស់ Tesla ដែលបច្ចុប្បន្នជាមុខងារស្តង់ដារមួយដែរ។

គួរឲ្យដឹងដែរថា មុខងារបើកបរស្វ័យប្រវត្តិកម្រិត ២ នៅតែតម្រូវឲ្យអ្នកបើកបរយកចិត្តទុកដាក់លើផ្លូវគ្រប់ពេលវេលា និងរក្សាដៃរបស់ពួកគេនៅលើ ឬជិតដៃចង្កូត ដោយត្រៀមខ្លួនទទួលយកការគ្រប់គ្រងវិញភ្លាមៗបើចាំបាច់។

សូមបញ្ជាក់ថា មុខងារ Full Self-Driving Beta គឺជាប្រព័ន្ធជំនួយការបើកបរកម្រិត ២ ដែលមានគុណភាពខ្ពស់ និងកម្រិតខ្ពស់ថ្វីបើវាមិនទាន់ពេញលេញក៏ដោយ៕

ផ្ទាំងផ្សាយពាណិជ្ជកម្ម

Mercedes ចេញ Maybach Edition 100 ថ្មី ផលិតត្រឹម ១០០គ្រឿងគត់

September 28, 2021

ក្រុមហ៊ុន Mercedes-Maybach បានប្រកាសចេញរថយន្តម៉ូដែលពិសេសថ្មី ហោថា Edition 100 ដែលផលិតឡើងដោយផ្អែកលើម៉ូដែល S-Class ដើម្បីអបអរសាទរខួបលើកទី ១០០ឆ្នាំ។

រថយន្ត Mercedes-Maybach Edition 100 នឹងត្រូវផលិតមានចំនួនកំណត់ ត្រឹមតែ ១០០គ្រឿងប៉ុណ្ណោះ សម្រាប់ទីផ្សារទូទាំងពិភពលោក ហើយវានឹងចេញលក់នៅដើមពាក់កណ្តាលឆ្នាំ ២០២២ ខាងមុខនេះតែម្តង។

រថយន្ត Maybach Edition 100 ប្រើម៉ាស៊ីនទំហំ ១២ស៊ីឡាំង មានកម្លាំង ៦២១សេះ ហើយមានបំពាក់លក្ខណៈពិសេសមួយចំនួនទៀតលើសពីម៉ូដែលធម្មតា ដូចជា ប្រព័ន្ធសំឡេង Burmester 4D surround sound system ក៏ដូចជាកៅអីមានមុខងារកម្តៅ និងម៉ាស្សាទៀត។ រថយន្តនេះមានប្រវែងតួខ្លួនវែងជាងម៉ូដែល S-Class Long-wheelbase ដល់ទៅ ៧អ៊ីញឯណោះ ធ្វើឲ្យវាមានតួខ្លួនសរុប ២១៥អ៊ីញ ហើយបំពាក់ប្រព័ន្ធបើកបរប៉ុងពីរ។

រថយន្តម៉ូដែលពិសេសនេះមានតួខ្លួន ២ពណ៌ គឺ Cirrus Silver និង Nautical Blue ហើយមានកាប៊ីនខាងក្នុងពណ៌ Crystal White និង Silver Grey Pearlខណៈវាក៏មានបំពាក់ឡូហ្គូ “Edition 100” ជាច្រើនកន្លែងក្នុងកាប៊ីនផងដែរ។

ទោះបីជាយ៉ាងណាក៏ដោយ Mercedes-Maybach មិនបានបង្ហាញពីតម្លៃរបស់វានៅឡើយទេ ប៉ុន្តែរថយន្ត Maybach S580 ត្រូវបានដាក់លក់ក្នុងតម្លៃចា់បពី ១៨៤ ៩០០ដុល្លារឯណោះ៕

ផ្ទាំងផ្សាយពាណិជ្ជកម្ម

F-150 Raptor មហាកម្លាំង ត្រូវចាំដល់ចុងឆ្នាំ២០២២ទើបចូលរោងចក្រផលិត

September 28, 2021

ប្រភពជិតស្និទ្ធិនឹងក្រុមហ៊ុន Ford បាននិយាយឲ្យដឹងថារថយន្ត Ford F-150 Raptor R នឹងចូលរោងចក្រផលិតនៅចុងឆ្នាំ២០២២ខាងមុខ ដែលមានន័យថាអតិថិជនត្រូវរង់ចាំប្រមាណមួយឆ្នាំទៀត ទើបបានប៉ះរថយន្តមហាកម្លាំងនេះ។

រថយន្ត Raptor R ត្រូវបានគេរំពឹងទុកថានឹងមានបំពាក់ម៉ាស៊ីន Supercharged ចំណុះ៥,២លីត្រ ៨ស៊ីឡាំង ដូចមានបំពាក់លើរថយន្ត Mustang Shelby GT500។ ម៉ាស៊ីននេះរំពឹងថាអាចផលិតកម្លាំងបានចន្លោះពី ៧២៥សេះ ទៅ ៧៥០សេះ ពេលបំពាក់លើ Raptor R។

បើផ្អែកតាមរូបភាពដែលថតបានពេលរថយន្ត F-150 Raptor R កំពុងបើកបរសាកល្បង គេឃើញថារថយន្តនេះមានរូបរាងមិនសូវខុសពី F-150 Raptor ស៊េរីឆ្នាំ២០២១ប៉ុន្មានឡើយ។

រថយន្ត F-150 Raptor ឆ្នាំ២០២១បានដុះខាត់រូបរាងខាងក្រៅកាន់តែទាន់សម័យ និងមានបំពាក់ដោយម៉ាស៊ីន Twin-Turbo ចំណុះ៣,៥លីត្រ ៦ស៊ីឡាំង ដែលផលិតកម្លាំងបាន ៤៥០សេះ៕

ផ្ទាំងផ្សាយពាណិជ្ជកម្ម

នេះជាលើកដំបូងហើយដែលឡានអគ្គិសនី និងឡាន PHEV លក់ដាច់ជាងឡានម៉ាស៊ូតនៅទីផ្សារអឺរ៉ុប

September 28, 2021

ចំនួនលក់នៃរថយន្តអគ្គិសនីសុទ្ធនិងរថយន្ត PHEV នៅអឺរ៉ុប បាននាំមុខចំនួនលក់រថយន្តម៉ាស៊ូតជាលើកដំបូងបំផុតសម្រាប់ទិន្នន័យលក់កាលពីខែសីហា ឆ្នាំ២០២១ ដោយផ្អែកតាមទិន្នន័យផ្ដល់ដោយសហព័ន្ធយានយន្តអឺរ៉ុប។

រថយន្តអគ្គិសនីសុទ្ធ និងរថយន្ត PHEV បានកាន់កាប់ចំណែកទីផ្សារ ២១% ជាមួយចំនួនលក់ ១៥១ ៧៣៧គ្រឿង ខណៈដែលរថយន្តម៉ាស៊ូតមានចំណែកទីផ្សារ ២០% ជាមួយចំនួនលក់ ១៤១ ៦៣៥គ្រឿង។ ដោយឡែករថយន្តប្រេងសាំងមានចំណែក ៥៦% ដែលចំណែកនេះបានបន្តធ្លាក់ចុះជាលំដាប់ផងដែរ។

បើគិតចាប់ពីខែមករាដល់ខែសីហា ឆ្នាំ២០២១ ចំនួនលក់នៃរថយន្តអគ្គិសនី និងរថយន្ត PHEV គឺមានសរុប ១,៣២លានគ្រឿង ធៀបនឹងរយៈពេលដូចគ្នាកាលពីឆ្នាំ២០២០ គឺមានត្រឹម ១៥៨ ៣០០គ្រឿងប៉ុណ្ណោះ។ លក់ដាច់ជាងគេប្រចាំខែសីហាគឺរថយន្ត VW ID.3 តាមពីក្រោយដោយ Tesla Model 3 និងរថយន្ត VW ID.4៕

ផ្ទាំងផ្សាយពាណិជ្ជកម្ម

Chevrolet Tahoe និង Suburban ឆ្នាំ២០២២ ផ្តល់ជម្រើសម៉ាស៊ីនធំ ៦,២លីត្រ លើប្រភេទមួយចំនួន

September 28, 2021

ក្រុមហ៊ុន Chevrolet បានធ្វើបញ្ចេញរថយន្ត SUV ខ្នាតធំ Tahoe និង Suburban ឆ្នាំ២០២២ ជាមួយការផ្តល់ម៉ាស៊ីនធំ ៦,២លីត្រ V8 សម្រាប់ម៉ូឌែលមួយចំនួន និងការអភិវឌ្ឍន៍លើផ្នែកខាងក្នុងមួយចំនួន។

សម្រាប់ឆ្នាំ២០២២ ម៉ាស៊ីនដ៏ពេញនិយមចំណុះ ៦,២លីត្រ V8 ផលិតកម្លាំងបាន ៤២០សេះ នាពេលនេះ Chevrolet បានផ្តល់លើជម្រើសម៉ូឌែលមួយចំនួនដូចជា RST, Z71 និង Premier ផងដែរ។ មិនតែប៉ុណ្ណោះ Chevrolet ក៏បានបង្ហាញចេញនូវការអភិវឌ្ឍន៍ទៅលើ Electronic Limited-slip Differential, កុងទ័រឌីជីថល និងGoogle Assistant ផងដែរ។

ចំពោះ Electronic Limited-slip Differential (eLSD) នឹងផ្តល់ជម្រើសលើម៉ូឌែល Z71 ក្នុងការផ្តោតសំខាន់លើការបើកបរផ្លូវលំបាក រីឯកុងទ័របង្ហាញទំហំ ១២,៣អ៊ីញលើម៉ូឌែល LT និងខ្ពស់ជាងនេះដែរ។ បន្ថែមពីនេះវាក៏ទទួលបានកាំមេរ៉ាបង្ហាញចំនួន ១៣ចំណុច និង Google Assistant ដែលមាន Google Map ឬ Google Play នៅលើអេក្រង់កម្សាន្តផងដែរ។

សម្រាប់រថយន្ត Tahoe និង Suburban ឆ្នាំ២០២២ បានបំពាក់ស្តង់ដាមកជាមួយប្រព័ន្ធជំនួយការបើកបរថ្មីបន្ថែមដូចជា Front and Rear Park Assist, Lane Keep Assist និង Lane Departure Warning។ ព្រមទាំងផ្តល់នូវជម្រើសពណ៌ថ្មីចំនួន ៣ពណ៌ដូចជា៖ Evergreen Gray Metal, Auburn Metallic និង Dark Ash Metallic។ ការផលិតម៉ូឌែលឆ្នាំ២០២២នឹងចាប់ផ្តើមនៅខែតុលានេះ៕

ផ្ទាំងផ្សាយពាណិជ្ជកម្ម