[ចំណេះដឹងយានយន្ត] អ្នកដែលមានរថយន្តប្រើប្រាស់ភាគច្រើន តែងតែមិនសូវខ្វាយខ្វល់ពីរឿងទាំងនេះប៉ុន្មាននោះឡើយ ប៉ុន្តែពុំដឹងការពុំខ្វល់នេះវាអាចធ្វើឲ្យរថយន្តរបស់អ្នកមានបញ្ហា ដោយត្រូវចំណាយពេលវេលារត់រកជាង ចំណាយប្រាក់ជួសជុល តែបើមិនចង់ជួបបញ្ហាបែបនេះទេគួរឧហ្សារហ៍ធ្វើរឿងខាងក្រោមនេះ៖
បើកបរត្រឹមល្បឿនកំណត់
ពេលបើកបរគួរកំណត់ល្បឿនរថយន្តជាអតិបរិមាឲ្យបានច្បាស់លាស់ ទោះស្ថិតក្នុងស្ថានភាពផ្លូវបែបណាក៏ដោយដូចជាការបើកបររថយន្តដែលលឿនពេកលើផ្លូវមានគ្រលុកច្រើន និងអាចប៉ះពាល់ដល់គ្រឿងម៉ាស៊ីនរថយន្ត បើកបរលឿនហើយឈប់ភ្លាមៗ អាចប៉ះពាល់ដល់ប្រព័ន្ធប្រេងម៉ាស៊ីន មិនត្រូវជាន់លឿនពេកពេលចាប់ផ្ដើមបើកដំបូង ព្រោះម៉ាស៊ីននៅត្រជាក់មិនទាន់ដំណើរការបានល្អ។
ឧស្សាហ៍យករថយន្តទៅ Check នៅហ្គារាស
ជាធម្មតាអ្នកដែរបានទិញរថយន្តប្រើប្រាស់តែងតែមានកាលវិភាគសម្រាប់យករថយន្តទៅឲ្យអ្នកជំនាញត្រួតពិនិត្យ កុំឲ្យមានបញ្ហាទាន់ពេលជាពិសេសនៅពេលបើកបរប្រសិនបើមានលោតសញ្ញា Check គួរយករថយន្តទៅពិនិត្យជាបន្ទាន់ព្រោះអាចមានបញ្ហាត្រង់ចំណុចណាមួយដែលអ្នកមិនអាចមើលឃើញនឹងភ្នែកទទេ។
ពិនិត្យកង់ ប្រព័ន្ធហ្វ្រាំនិងប្ដូរប្រេងម៉ាស៊ីន
ត្រូវពិនិត្យសំបកកង់ជាប្រចាំកុំឲ្យមានបញ្ហាទាន់ ព្រោះក្រៅពីចំណាយលើការជួសជុលប្ដូរថ្មី វាអាចបង្កឲ្យមានបញ្ហាពេលបើកបរ ត្រួតពិនិត្យមើលកម្រិតប្រេងម៉ាស៊ីន ជាតិរំអិលឧស្សាហប្ដូរប្រេង ដោយផ្អែកលើកាលវិភាគ ឬចម្ងាយគីឡូដែលអ្នកបានប្រើប្រាស់ Check មើលប្រេងហ្វ្រាំង ប្រេងអំប្រ៊ីយ៉ា កុំឲ្យអស់ជៀសវាមានបញ្ហាពេលកំពុងបើកបរ។
ឧស្សាហ៍លាងសម្អាត
មិនត្រូវទុករថយន្តរហូតដល់ប្រឡាក់ខ្លាំងមានធូលីដីឡើងក្រាសត្រូវយករថយន្តទៅលាងសម្អាតយ៉ាងតិចម្ដងក្នុងមួយសប្ដាហ៍ ត្រូវទៅរកអ្នកជំនាញដែលមានឧបករណ៍ប្រើប្រាស់គ្រប់គ្រាន់ និងផលិតផលច្បាស់លាស់ដូចជា សាប៊ូ ថ្នាំលាងសម្អាតត្រឹមត្រូវនិងដឹងពីរបៀបលាងសម្អាតច្បាស់លាស់ដែលមិនធ្វើឲ្យរថយន្តរបស់អ្នកឆ្កូតនៅថ្មី និងមានសោភ័ណភាពពេលបើកបរ រក្សាគ្រឿងបង្គំរថយន្តនៅរឹងមាំ លើសពីនេះអ្នកគួរតែយករថយន្តទៅ ប៊ូលាឲ្យបានពីរដងក្នុងមួយឆ្នាំដើម្បីរក្សាទឹកថ្នាំ នៅស្អាតល្អ៕
