ប្រទេសកម្ពុជា៖ នៅថ្ងៃនេះ ក្រុមហ៊ុន BMW Asia និង Prestige Auto Co., Ltd បានសម្ពោធរថយន្ត BMW 4 Series Coupé ដ៏ថ្មីសន្លាង ដែលជារថយន្តរចនាឡើងដើម្បីបង្ហាញពីអានុភាពដ៏អស្ចារ និងរចនាប័ទ្មទាក់ទាញជារថយន្តខ្នាតមធ្យមបែបប្រណីតមួយ។ រថយន្តប្រភេទនេះត្រូវបានរចនាឡើងស្របតាមទស្សនាទានទូទៅ ពោលគឺមានទ្វារពីរ និងការរចនាជាពិសេសសម្រាប់អតិថិជន ដោយការប្រែក្លាយសាក់ស៊ីដែលកំណត់តាមម៉ូដែលជាក់លាក់ ពោលគឺ បង្ហាញពីការប្តេជ្ញាចិត្តដ៏មោះមុតក្នុងការឈានទៅរកបទពិសោធន៍បើកបរប្រកបដោយភាពសំបូរបែប។
រថយន្ត BMW 4 Series Coupé ថ្មីសន្លាង ត្រូវបានបង្កើតឡើងក្នុងគោលបំណងដើម្បីកំណត់ឡើងវិញពីសារសំខាន់នៃការបើកបរប្រកបដោយភាពរីករាយ នៅក្នុងរថយន្តខ្នាតមធ្យមដ៏ប្រណីត។ លក្ខណៈនៃសោភ័ណភាព និងភាពផ្តាច់មុខនៃរថយន្តនេះយកលំនាំតាមរថយន្តប្រភេទ coupé ម៉ាក BMW ដែលបានរចនារូបរាងឡើងដោយយកលំនាំម៉ាស៊ីនប្រភេទស្ព័រដ៏ល្បីល្បាញ ដែលគិតមកទល់ពេលនេះ មានអាយុកាលជិត ៩០ឆ្នាំហើយ។ រថយន្តនេះមានខ្សែ ហ៊្វុយហ្សីឌីណាមិក តួរថយន្តត្រូវបានរចនាឡើងដើម្បីបង្កភាពងាយស្រួលដល់ការប្រើប្រាស់ និងសាក់ស៊ីរថយន្តទាំងមូល។ រថយន្ត BMW 4 Series Coupé ថ្មីសន្លាងត្រូវបានផលិតដោយកុ្រមហ៊ុន BMW Plant Dingolfing ក្នុងប្រទេសអាល្លឺម៉ង់។
- ការរចនាផ្នែកខាងក្រៅ៖ លក្ខណៈបញ្ចូលគ្នាផ្ដាច់មុខនូវភាពឆើតឆាយ និងការឈានទៅរកភាពជោគជ័យ
លក្ខណៈខាងក្រៅនៃរថយន្ត BMW 4 Series Coupé ថ្មីសន្លាងនាំមកនូវរចនាប័ទ្មស្រដៀងគ្នានឹងម៉ូដែលរថយន្ត BMW ប្រភេទស្ព័រដែលមានទ្វារពីរ និងពាក្យពេចន៍រចនាថ្មីអំពីម៉ាករថយន្ត។ មួយភាគតូចនៃបន្ទាត់ថ្លា (crisp lines) និងការប្រើប្រាស់ផ្ទៃថ្លា និងផ្ទៃដែលមានទំហំទូទៅ បង្កើតបានជាការរចនាតួរួមគ្នា ដែលបង្កើនលក្ខណៈរីករាយក្នុងការបើកបរយ៉ាងពិតប្រាកដពីគ្រប់ទិសទី។
ទំហំរថយន្ត BMW 4 Series Coupé ថ្មីសន្លាងធំជាងរថយន្ត BMW ស៊េរីមុនៗ។ បណ្តោយវែងជាងមុនពី១២៨ មីល្លីម៉ែត្រទៅ៤.៧៦៨ មីល្លីម៉ែត្រ ទទឹងពី២៧មីល្លីម៉ែត្រ ទៅ១.៨៥២ មីល្លីម៉ែត្រ និងចម្ងាយពីភ្លៅមុខទៅភ្លៅក្រោយពី៤១ មីល្លីម៉ែត្រ ទៅ ២.៨៥១ មីល្លីម៉ែត្រ ។
កម្ពស់រថយន្តខ្ពស់ជាងមុន តែ៦មីល្លីម៉ែត្រទៅ ១,៣៨៣មីល្លីម៉ែត្រ ធ្វើឲ្យរថយន្តនេះទាបជាងរថយន្ត BMW 3 Series Sedan ថ្មី ៥៧មីល្លីម៉ែត្រ។ ទទឹងពីកង់ម្ខាងទៅកង់ម្ខាងទៀត វែងជាងម៉ូដែលជំនាន់មុន ពី ២៨ មីល្លីម៉ែត្រនៅខាងមុខ និង ១៨ មីល្លីម៉ែត្រនៅផ្នែកខាងក្រោយ។ រថយន្ត BMW 4 Series Coupé ថ្មីសន្លាង ប្រើប្រាស់យ៉ាន់កង់ធ្វើពីសំលោហៈទំហំ១៩អ៊ីញ ជាមួយនឹងរចនាប័ទ្ម កាំឌុបទំហំ ៧៩១ M ប្រើប្រាស់កង់ប្រភេទ Runflat និងហ្វ្រាំងស្ព័រ M Sport brake callipers ដែលមានជម្រើសពណ៌ខៀវ ឬក្រហម។
- ផ្នែកខាងមុខដែលមានលក្ខណៈសម្គាល់លេចធ្លោ និងពិសេស
ផ្នែកខាងមុខដ៏ទាក់ទាញនៃរថយន្ត BMW 4 Series Coupé ថ្មីសន្លាងបញ្ចេញពន្លឺចិញ្ចាចបង្ហាញពីលក្ខណៈពិសេសរបស់វា។ ប៉ាណ្ណាខាងមុខដែលឌីហ្សាញបែបសំណាញ់ ដូចទៅនឹងរាងសម្បុកឃ្មុំ (Kidney Grille Angles) របស់រថយន្ត BMW មានទំហំធំ និងបញ្ឈរ លាតសន្ធឹងដល់គែមខាងក្រោមនៃផ្នែកខាងមុខ។
ឧបករណ៍ស្រូបខ្យល់តាមស្តង់ដាររបស់រថយន្តនេះ មានគ្រោងជាសំណាញ់ គេឃើញមានតែលើម៉ូដែល M ប៉ុណ្ណោះ។ ជាសមាសធាតុដែលកំណត់អំពីផ្នែកខាងមុខនៃរថយន្ត ប៉ាណ្ណាមានទីតាំងស្ថិតនៅចំកណ្តាល។ ជាមួយនឹង kidneys បញ្ឈរដែលត្រូវបានភ្ជាប់នៅចំកណ្តាល វាបង្ហាញនូវការរចនាពីអតីតកាលរបស់ក្រុមហ៊ុន ដែលបង្ហាញពីម៉ាកប្រណីតបែបក្លាស៊ីក ដូចជា BMW 328 និង BMW 3.0 CSi – ហើយបន្ថែមនូវភាពទំនើបផ្ទាល់របស់រថយន្តនេះ។ ចង្កៀងមុខ LED ត្រូវបានបំពាក់តាមស្តង់ដារ ហើយចង្កៀងមុខបែបទាក់ទាញត្រូវបានដំឡើងបានយ៉ាងស្រស់ស្អាតនៅចំផ្នែកខាងមុខនៃរថយន្ត BMW 4 Series Coupé។
ផ្នែកចំហៀងនៃរថយន្ត BMW 4 Series Coupé ថ្មីសន្លាង ត្រូវបានរចនាឡើងដោយមានផ្ទៃឆ្លាក់ដ៏ល្អប្រណីត និគ្រើម។ ប្រវែងពីយ៉ាន់មុខទៅផ្នែកខាងមុខរថយន្ត ឬប្រវែងពីយ៉ាន់ក្រោយទៅផ្នែកខាងក្រោយរថយន្ត (overhangs) មានប្រវែងខ្លី គ្រោងទម្រដំបូលរថយន្ត (Pillars) មានភាពទាក់ទាញ ឯទ្វារវិញ វែងដែលមានបង្អួច តែគ្មានស៊ុម គ្រោងបង្អួចក៏ទាក់ទាញ និងដំបូលភ្លឺរលោងបង្ហាញពីភាពឆើតឆាយរបស់រថយន្តនេះ។ គ្រោងកញ្ចក់ដែលត្រូវបានបិទភ្ជាប់នៅផ្នែកខាងក្រោយរថយន្ត និង Muscular Shoulders បង្ហាញពីភាពកេរ្តិ៍ឈ្មោះដ៏ល្បីល្បាញ។
នៅផ្នែកខាងក្រោយ ផ្ទៃដ៏ធំ និងដ៏ប្រណីតគឺជាឥទ្ធិពលលេចធ្លោ។ ចង្កៀងក្រោយបំពាក់ដោយភ្លើង LED បែបទាក់ទាញ និងទាន់សម័យជាមួយរបារអំពូលដែលបំភ្លឺយ៉ាងច្បាស់បង្ហាញពីរូបរាងដ៏មានឥទ្ធិពលរបស់រថយន្ត។
- ផ្នែកខាងក្នុងដ៏ប្រណីតសម្រាប់អ្នកបើកបរអង្គុយ និងកៅអីពីរសម្រាប់អ្នកអង្គុយខាងក្រោយ
ផ្ទៃដែលត្រូវបានរចនាយ៉ាងស្រស់ស្អាត វត្ថុធាតុដើមដែលមានគុណភាពខ្ពស់ និងប្លង់អង្គុយសម្រាប់អ្នកបើកបរបង្ហាញពីភាពថ្លៃថ្នូរ និងការរចនាផ្នែកខាងក្នុងដែលមានតែមួយគត់នៃរថយន្ត BMW 4 Series Coupé ថ្មីសន្លាង។ កៅអីស្ព័រខាងមុខដែលអាចបញ្ជាដោយស្វ័យប្រវត្តិ បានផលិតពីស្បែក Vernasca និងដៃចង្កូតស្បែកប្រភេទ M ដែលបានរចនាថ្មីតាមស្តង់ដារ។ កញ្ចក់ដែលមានស្តង់ដារសម្រាប់កាត់បន្ថយសំឡេង ជួយឲ្យកាន់តែមានភាពងាយស្រួលសម្រាប់ការបើកបរផ្លូវឆ្ងាយ។
រថយន្ត BMW 4 Series Coupé ថ្មីសន្លាងនៅកម្ពុជាត្រូវបានបំពាក់ដោយប្រព័ន្ធ BMW Live Cockpit Professional តាមស្តង់ដារដោយមានអេក្រង់ឌីជីថលពេញ រួមមាន អេក្រង់កុងទ័រដែលមានគុណភាពខ្ពស់នៅពីក្រោយដៃចង្កូត ដែលមានអង្កត់ទ្រូងអេក្រង់១២,៣ អ៊ីញ និងអេក្រង់បញ្ជា (Control Display) ទំហំ១០,២៥អ៊ីញ។ លើសពីនេះទៀត រថយន្ត BMW ជំនាន់ថ្មី ដែលមានបំពាក់ប្រព័ន្ធ Head-Up Display បង្ហាញព័ត៌មានអំពីការបើកបរនៅលើអេក្រង់ធំជាងមុន ៧០ភាគរយ។ ប៊ូតុងចាប់ផ្តើមដំណើរការ/បញ្ឈប់ដំណើរការរបស់ម៉ាស៊ីន ឥឡូវនេះត្រូវបានដាក់នៅក្នុងបន្ទះបញ្ជាដ៏ទំនើបនៅជិតប្រអប់លេខ។ ហើយកៅអីខាងក្រោយដែលមានម៉ូដែលជាក់លាក់រួមជាមួយនឹងឧបករណ៍សម្រាប់ទប់ក្បាល ហើយកៅអីសម្រាប់អ្នកដំណើរម្នាក់ៗត្រូវបានរចនាឡើងសម្រាប់អង្គុយបានមនុស្សពីរនាក់។ ផ្នែកខាងក្រោយរបស់រថយន្ត BMW 4 Series Coupé មានសមាមាត្រ ៤០: ២០: ៤០ តាមស្តង់ដារ ហើយផ្នែកនីមួយៗអាចបញ្ចេញឲ្យវែង និងបត់ឲ្យស្មើដោយចុចប៊ូតុងនៅក្នុងឃ្លុបខាងក្រោយ។ ឃ្លុបខាងក្រោយអាចផ្ទុកបានចំណុះ ៤៤០ លីត្រ។
ការបញ្ជា ផ្នែកខាងក្នុងបែបប្រណីតផ្សេងទៀត រួមមាន ប្រព័ន្ធគ្រប់គ្រងអាកាសធាតុដោយស្វ័យប្រវត្ដិ ជាមួយនឹងការគ្រប់គ្រងសីតុណ្ហភាព និងខ្យល់ដោយឯករាជ្យសម្រាប់កន្លែងអ្នកបើកបរ ផ្នែកខាងមុខអ្នកដំណើរ និងថតខាងក្រោយសម្រាប់អ្នកដំណើរ ព្រមទាំងប្រព័ន្ធសំឡេងព័ទ្ធជុំវិញម៉ាក Harman Kardon មានធុងបាសចំនួន១៦ និង អំភ្លីឌីជីថល ៧ Channel ដែលផ្តល់ថាមពលសំឡេង៤៦៤ វ៉ាត់។ ប្រព័ន្ធភ្លើងបំភ្លឺព័ទ្ធជុំវិញផ្តល់នូវការបំភ្លឺដ៏សំបូរបែបក្នុងឡាន និងអាច បញ្ជាបានតាមតម្រូវការ។
- វិធីសាស្ត្រប្រើបច្ចេកវិទ្យាឌីជីថលជាមួយប្រព័ន្ធប្រតិបត្តិការ BMW ៧.០ និងការបញ្ចូលប្រព័ន្ធ ស្មាតហ្វូនឥតខ្សែ
ភ្លើងបំភ្លឺដោយប្រយោលបន្ថែមនៃខ្សែវង់ជុំវិញដែលដំណើរការតាមតាប្លូកុងទ័រ និងបន្ទះទ្វារប្រើពន្លឺភ្លើង LED ខ្សែអុបទិកដែលមានទីតាំងជាក់លាក់ ដើម្បីបង្កើតបានលក្ខណៈឌីណាមិក និងអស្ចារ្យជាងគេ។
អ្នកបើកបរ និងអ្នកជិះ ក៏នឹងទទួលបានអត្ថប្រយោជន៍ពីជម្រើសកាន់តែប្រសើរ សម្រាប់ប្រតិបត្តិរហ័ស និងសេវាឌីជីថលប្រកបដោយនវានុវត្តន៍ដែលនាំមកដោយការដាក់បញ្ចូលប្រព័ន្ធប្រតិបត្តិការ BMW ៧.០ នៅក្នុងរថយន្ត BMW 4 Series Coupé ថ្មីសន្លាងនេះ។ មាតិកាបង្ហាញ (Display content) ថាអាចត្រូវបានកំណត់រចនាសម្ព័ន្ធដាច់ដោយឡែក ខណៈដែល Intuitive Multimodal Interaction រវាងអ្នកបើកបរ និងរថយន្តអាចកើតមាន អាស្រ័យលើស្ថានភាព តាមរយៈការបញ្ជាអេក្រង់ iDrive Controller ដែលបានបញ្ជាក់ ប៊ូតុងពហុមុខងារនៅលើដៃចង្កូត ឬប្រព័ន្ធគ្រប់គ្រងកាយវិការអ្នកបើកបររថយន្ត BMW។
ប្រព័ន្ធ BMW Live Cockpit Professional ក៏មានភ្ជាប់មកជាមួយនូវលក្ខណៈពិសេសនៃមុខងារបញ្ចូលប្រព័ន្ធស្មាតហ្វូនឲ្យកាន់តែប្រសើរផងដែរ។ ក្រៅពី Apple CarPlay ប្រព័ន្ធប្រតិបត្តិការសម្រាប់រថយន្ត BMW 4 Series Coupé ថ្មីសន្លាងនេះប្រើប្រាស់ប្រព័ន្ធប្រតិបត្តិការ Android Auto ផងដែរ។ ប្រព័ន្ធនេះផ្ដល់អត្ថប្រយោជន៍ដល់ម្ចាស់ Apple iPhone និងអ្នកប្រើប្រាស់ប្រព័ន្ធ Android ផងដែរ ធ្វើឲ្យវាកាន់តែងាយស្រួលក្នុងការទទួលបានសេវាឌីជីថលដ៏ច្រើនសន្ធឹកសន្ធាប់ពីរថយន្តនេះដូចគ្នាទៅនឹងស្មាតហ្វូនដែរ។ ទាំងនេះរួមមាន Google Assistant, Google Maps សេវាផ្ញើបទភ្លេង (music streaming services) មានដូចជា Spotify និង Amazon Music និងសេវាផ្ញើសារតាម WhatsApp ។ ការភ្ជាប់ WiFi ឥតខ្សែ រវាងស្មាតហ្វូន និងរថយន្តអាចធ្វើឲ្យប្រព័ន្ធប្រតិបត្តិការដែលមានបញ្ហាត្រូវបានបញ្ចូលដោយផ្ទាល់ទៅក្នុងប្រព័ន្ធបង្ហាញ និងប្រព័ន្ធប្រតិបត្តិការរបស់រថយន្ត។ រាល់ព័ត៌មានសំខាន់ៗដែលទទួលបានពីកម្មវិធីដែលមាននៅទីនោះ គេអាចមើលឃើញទាំងនៅក្នុងអេក្រង់បញ្ជា និងតាមរបៀបដែលបង្ហាញយ៉ាងឆ្លាតវៃនៅក្នុងអេក្រង់កុងទ័រ។
- រថយន្ត BMW 420i Coupé ថ្មីសន្លាងមានថាមពលខ្លាំង ប៉ុន្តែស៊ីសាំងតិច សន្សំសំច្ចៃបំផុត
រថយន្ត BMW 420i Coupé ថ្មីសន្លាង គួរឲ្យចាប់អារម្មណ៍ និងមានប្រសិទ្ធភាពខ្ពស់ បន្ទាប់ពីត្រូវបានកែលម្អម៉ាស៊ីនសាំងបួនស៊ីឡាំងរបស់ខ្លួនយ៉ាងទូលំទូលាយ ។ កម្លាំងសន្ទុះជាអតិបរមារបស់វាគឺ ១៨៤ សេះ និងកម្លាំងបង្វិលខ្ពស់បំផុត ៣០០ Nm ចន្លោះពី ១ ៣៥០ ទៅ ៤ ០០០ ជុំ កម្លាំងសន្ទុះពី ០ ទៅ ១០០ គីឡូម៉ែត្រក្នុងមួយម៉ោង ចំណាយពេលត្រឹមតែ ៧.៥ វិនាទីប៉ុណ្ណោះ។ ប្រអប់លេខ Steptronic ប្រាំបីលេខ ជាស្តង់ដារសម្រាប់ម៉ូដែល ផ្លាស់ប្តូរជាសកល ជាមួយនឹងប្រអប់លេខ Steptronic Sport ប្រាំបីលេខ ជាស្តង់ដារសម្រាប់ប្រទេសកម្ពុជា។
នេះគឺជាលើកទីមួយ ហើយដែល model variants ទាំងអស់នៅក្នុងលំដាប់រថយន្ត BMW 4 Series Coupé ត្រូវបានបំពាក់ប្រអប់លេខ Steptronic ប្រាំបីលេខ តាមស្តង់ដារ។ នៅទូទាំងសកលលោក កំណែចុងក្រោយបំផុតនៃប្រអប់លេខស្វ័យប្រវត្តចាប់ផ្តើមដំណើរការមុខងាររបស់វាក្នុងការបញ្ជូនកម្លាំងបង្វិលពីម៉ាស៊ីន ដោយមានលក្ខណៈផ្លាស់ប្តូរល្អប្រសើរ និងមានប្រសិទ្ធភាពខ្ពស់ជាងមុន។
នៅប្រទេសកម្ពុជា ប្រអប់លេខ Steptronic Sport ប្រាំបីលេខ ត្រូវបានបំពាក់ជាស្តង់ដារសម្រាប់ការផ្លាស់ប្តូរម៉ូដែល (model variants) ទាំងអស់ និងផ្តល់ជូននូវឌីណាមិកនៃការផ្លាស់ប្តូរខ្លាំងជាងមុន។ ចង្កឹះថែម-ថយលេខនៅលើដៃចង្កូត គឺជាលក្ខណៈស្តង់ដារផងដែរ ដែលបញ្ជាដោយដៃយ៉ាងរហ័សគួរឲ្យកត់សម្គាល់នៅក្នុងដំណើរការប្តូរលេខ។
- ភាពរឹងមាំនៃតួថយន្តត្រូវបានកែលម្អ និងសាក់ស៊ីរថយន្តទាំងមូលគួរឲ្យទាក់ទាញ
សមាមាត្រជាក់លាក់តាមម៉ូដែល លក្ខណៈឌីណាមិកអាកាសដែលបានកែលម្អឲ្យប្រសើរឡើង តួរថយន្តកាន់តែមានភាពរឹងមាំ ចំណុចកណ្តាលនៃភាពធន់មាំកម្ពស់២១មីល្លីម៉ែត្រ ទាបជាងរថយន្ត BMW 3 Series Sedan ថ្មី និងមានការកែលម្អដោយយកចិត្តទុកដាក់ចំពោះរាងសាក់ស៊ីរថយន្តទាំងមូលដែល រៀបចំ បំពាក់សម្រាប់រថយន្ត BMW 4 Series Coupé ថ្មីសន្លាង នូវលក្ខណៈស្ព័រនៅលើតួរថយន្តផ្ទាល់។ ការបំពាក់វត្ថុធាតុដើមយ៉ាងប៉ិនប្រសប់ធ្វើឲ្យទម្ងន់ បច្ចេកវិទ្យាទាក់ទងនឹងតួ និងសាក់ស៊ីកាន់តែប្រសើរឡើង។ បូមរបស់សាក់ស៊ីដែលបានបង្ហាញ (bespoke body struts) នៅចុងខាងមុខ និងចំណុចភ្លៅខាងក្រោយ ក៏អាចទទួលបានការកោតសរសើរចំពោះភាពរហ័សរហួន និងភាពជាក់លាក់របស់រថយន្តផងដែរ។
បូមរថយន្តស្ព័រ ស្តង់ដារ M Sport រួមបញ្ចូលទាំងសន្ទះបិទបើកខ្យល់ទាក់ទងនឹងការលើក ពិសេស អមជាមួយការរៀបចំ ចលនារាងកាយ និង Elastokinematic ដែលផ្តោតជាពិសេសលើចង្កឹះលេខបែបឌីណាមិក (dynamic handling)។ ជាមួយនឹងដៃចង្កូតស្ព័រអថេរសមជាលក្ខណៈស្តង់ដារដែលលៃតម្រូវដើម្បីផ្លាស់ប្តូរមុំដៃចង្កូតរថយន្ត BMW 4 Series Coupé ថ្មីសន្លាង មានភាពប៉ិនប្រសប់ក្នុងការរក្សាភាពបត់បែនយ៉ាងងាយស្រួលតាមបន្ទាត់ត្រង់មួយ កាន់តែរហ័សរហួន និងងាយបត់បែន/បើកបរប្រកបដោយផាសុកភាព។ ទិសដៅរបស់ដៃចង្កូត ការឆ្លើយតបច្បាស់លាស់ បង្កើនការប្រតិបត្តិ (enhance turn-in performance) នៅពេលដែលមុំដៃចង្កូតតម្រូវឲ្យចតរថយន្ត ការបើកបរត្រូវបានបញ្ចប់ ដោយគ្រាន់តែបង្វិលដៃចង្កូតពីរបីជុំប៉ុណ្ណោះ។
- កាន់តែមានការគាំទ្រជាមួយនឹងមុខងារជំនួយការចត
អ្នកបើកបររថយន្ត BMW 4 Series Coupé ថ្មីសន្លាង ក៏អាចពឹងផ្អែកលើមុខងារជំនួយយ៉ាងច្រើន នៅពេលចត និងនៅពេលប្ដូរទិសដៅផងដែរ។ មុខងារជំនួយការចតរថយន្តមានភាពងាយស្រួលក្នុងការជ្រើសរើស និងប្រើប្រាស់ទាំងកន្លែងផ្លូវស្រប ឬផ្លូវកែង។ ប្រព័ន្ធនេះគ្រប់គ្រងការកាច់ចង្កូតរថយន្ត បង្កើនល្បឿន និងចាប់ហ្វ្រាំង និងធ្វើការផ្លាស់ប្តូរលេខក្នុងករណីចាំបាច់។ គេក៏អាចប្រើប្រព័ន្ធនេះដើម្បីធ្វើការបើកបរចេញពីផ្លូវស្របដោយស្វ័យប្រវត្តិផងដែរ។ ទេសភាពជុំវិញ និងទេសភាព 3D ពីចម្ងាយ បន្ថែមស្រទាប់ធានាបន្ថែមទៀត ដើម្បីមើលវត្ថុណាមួយដែលនៅជិតរថយន្តដោយប្រុងប្រយ័ត្ន ខណៈពេលកំពុងចតរថយន្ត (while executing parking manoeuvres)។
មុខងារជំនួយក្នុងការថយក្រោយមានភារកិច្ចក្នុងការកាច់ចង្កូត ពេលកំពុងថយក្រោយ ដោយការរំកិលចលនារថយន្ត នៅក្នុងទិសដៅថយក្រោយ។ អ្វីដែលអ្នកបើកបរទាំងអស់ត្រូវធ្វើ បើកឧបករណ៍បង្កើនល្បឿន និងឈ្នាន់ហ្វ្រាំង និងត្រួតពិនិត្យជុំវិញរថយន្ត។ តាមរបៀបនេះ អាចរ៉ាប់រងចម្ងាយរហូតដល់ ៥០ម៉ែត្រក្នុងល្បឿនរហូតដល់ ៩គីឡូម៉ែត្រ / ម៉ោង។
ឥឡូវនេះ លោកអ្នកអាចអញ្ជើញមកមើលរថយន្ត BMW 4 Series Coupé ថ្មីសន្លាងបាន ដែលមានលក់នៅក្នុងបន្ទប់តាំងបង្ហាញរថយន្តប្រណីតបាន។
ព័ត៌មានបន្ថែមដែលបានភ្ជាប់មកជាមួយ៖
-
- តម្លៃរថយន្ត BMW 4 Series Coupé ថ្មីសន្លាង។
- លក្ខណៈបច្ចេកទេសរបស់រថយន្ត BMW 4 Series Coupé ថ្មីសន្លាង។
- តម្លៃរថយន្ត BMW 4 Series Coupé ថ្មីសន្លាង: រថយន្តស្ព័រ BMW 420i Coupé M មានតម្លៃ ១២៥ ៨០០ដុល្លារ។
- លក្ខណៈបច្ចេកទេសរបស់រថយន្ត BMW 4 Series Coupé ថ្មីសន្លាង:
រថយន្ត BMW 420i Coupé ម៉ាស៊ីនប្រើសាំងបួនស៊ីឡាំង បច្ចេកវិទ្យាធឺបូ (Turbo) របស់រថយន្ត BMW TwinPower៖ ឧបករណ៍សាកធឺបូ TwinScroll, Precision Injection ការកំណត់ពេលវេលាវ៉ានអថេរពេញលេញរបស់ VALVETRONIC ការកំណត់ពេលវេលាដងអាកាមអថេរ Double-VANOS
- សមត្ថភាព៖ ១ ៩៩៨ សេសេ (cc)។
- កម្លាំងសន្ទុះ៖ ១៨៤ សេះនៅក្នុង ៥ ០០០ – ៦ ៥០០ ជុំក្នុង១នាទី ។
- កម្លាំងបង្វិលជុំ៖ ៣០០ Nm នៅក្នុង ១ ៣៥០ – ៤ ០០០ ជុំក្នុង១នាទី។
- ការបង្កើនល្បឿន (០ – ១០០ គីឡូម៉ែត្រ / ម៉ោង)៖ ៧,៥ វិនាទី។
- ល្បឿនលឿនបំផុត ២៤០ គីឡូម៉ែត្រ / ម៉ោង។
- កម្រិតស៊ីសាំង (បញ្ចូលគ្នា)៖ ៥,៨ លីត្រ / ១០០ គីឡូម៉ែត្រ
ការបំភាយឧស្ម័នកាបូនិក (បញ្ចូលគ្នា)៖ ១៤៦ ក្រាម / គីឡូម៉ែត្រ៕
