ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 788

Ford ប៉ាន់ស្មានថាឡានអគ្គិសនីនឹងមានចំណែក ៤០% នៃចំនួនលក់សរុប ត្រឹមឆ្នាំ ២០៣០

នៅថ្ងៃនេះក្រុមហ៊ុនរថយន្ត Ford បានប្រកាសថាខ្លួននឹងបង្កើនការចំណាយលើរថយន្តអគ្គិសនីរហូតដល់ជាង ៣០ពាន់លានដុល្លារនៅត្រឹមឆ្នាំ ២០២៥ ដែលក្នុងនោះមានការផលិតអាគុយរថយន្តផ្ទាល់ខ្លួនផងដែរ។

ជាមួយការបណ្ដាក់ទុននេះ Ford ជឿជាក់ថានៅត្រឹមឆ្នាំ ២០៣០ ចំនួនលក់សរុបនៅលើសកលរបស់ខ្លួន នឹងមានចំនួន ៤០% គឺជារថយន្តដែលប្រើប្រាស់ថាមពលអគ្គិសនីសុទ្ធ។ រថយន្តដែលបើកផ្លូវឆ្ពោះទៅកាន់គោលដៅនេះគឺមានរថយន្ត Ford Mustang Mach-E និងរថយន្តភីកអាប់អគ្គិសនី F-150 Lightning ដែលទើបបង្ហាញវត្តមានកាលពីថ្មីៗកន្លងទៅ។

បន្ថែមពីលើរថយន្តអគ្គិសនីនេះដែរ ក្រុមហ៊ុន Ford ក៏មានមហិច្ឆតាចំពោះសេវាកម្មតភ្ជាប់គ្នាដែលបង្កើតឡើងដើម្បីបម្រើអតិថិជនបានល្អប្រសើរជាងមុនផងដែរ។ ក្រុមហ៊ុនរំពឹងថានៅត្រឹមឆ្នាំ២០២៨ នឹងមានរថយន្ត Fod និងរថយន្ត Lincoln ចំនួន ៣៣លានគ្រឿងបើកបរលើផ្លូវដែលពួកវាមានសមត្ថភាពទទួលបានការអាប់ដេតប្រព័ន្ធតាមរលកធាតុអាកាស៕

ផ្ទាំងផ្សាយពាណិជ្ជកម្ម

Bugatti ចំណាយពេលជាង ៦៥ ០០០ម៉ោង ក្នុងការបង្កើតវិស្វកម្មផលិតរថយន្តថ្លៃជាងគេលើលោក មួយគ្រឿងនេះ

ក្រុមហ៊ុនផលិតរថយន្តបារាំង Bugatti បានធ្វើអោយមានការចាប់អារម្មណ៍ជាថ្មីម្តងទៀតដោយបញ្ចេញរូបភាពមួយចំនួន និងព័ត៌មានលម្អិតគួរឱ្យចាប់អារម្មណ៍ពីដំណើរការផលិតនៃរថយន្ត។

ព័ត៌មានលម្អិតគួរឱ្យចាប់អារម្មណ៍ពីដំណើរការផលិតនៃរថយន្តនេះគឺ Bugatti បាននិយាយថា៖ បានប្រើប្រាស់ពេល ៦៥ ០០០ម៉ោង ក្នុងការវិនិយោគលើវិស្វកម្ម ដើម្បីផលិតរថយន្ត La Voiture Noire ក្លាយជារថយន្តដ៏អស្ចារ្យបំផុតតែមួយគត់ ក្នុងការរចនាម៉ូដរថយន្ត ដែលមិនធ្លាប់មាន។

ប្រសិនបើប្រើប្រាស់ម៉ាស៊ីនគិតលេខគិតនោះវានឹងមានចំនួន ២ ៧០៦ថ្ងៃ ឬ ៧,៤ឆ្នាំ ដែលពួកគេចំណាយលើគម្រោងទាំងមូល។

ក្រុមហ៊ុន Bugatti នៅមិនទាន់មានការបង្ហាញពីអត្តសញ្ញាណរបស់ម្ចាស់រថយន្តតម្លៃប្រហែល ១៩លានដុល្លារនេះនៅឡើយទេ។ រថយន្ត La Voiture Noire មានតួរខ្លួនប្រភេទ Cobon Fiber និងដំណើរការដោយម៉ាស៊ីនចំណុះ ៨,០លីត្រ ទំហំ ១៦ស៊ីឡាំង មានកម្លាំង ១ ៤៧៩សេះ និងកម្លាំងរមួល ១ ៦០០ញ៉ូតុនម៉ែត្រ៕

ផ្ទាំងផ្សាយពាណិជ្ជកម្ម

Toyota បញ្ចេញម៉ូឌែលពិសេសនៃ Toyota Highlander សេរ៊ីឆ្នាំ២០២២ ជិះចម្ងាយ ១០០គីឡូម៉ែត្រ ស៊ី ៦,៥លីត្រ

ក្រុមហ៊ុន Toyota បានធ្វើការពង្រីកខ្សែស្រឡាយនៃត្រកូលរថយន្ត Toyota Highlander សេរ៊ីឆ្នាំ២០២២ ជាមួយម៉ូឌែលពិសេសកូនកាត់ Hybridថ្មី មានឈ្មោះថា Bronze Edition។

សម្រាប់ផ្នែកខាងក្នុង និងខាងក្រៅ Bronze Edition បានប្រើប្រាស់ជាមួយពណ៌សំរិទ្ធនៅលើ ថាសកង់ទំហំ ១៨អ៊ីញ, លើតែមឈ្នាន់ជាន់, ឡូហ្គូ Highland ក្នុងឃ្លុបក្រោយ, ឡូហ្គូ Bronze, កៅអីស្បែក និងកម្រាលទ្រាប់ជើង។

បន្ថែមពីនេះ Highlander Bronze Edition ទទួលបានការបំពាក់ថ្មីជាមួយ៖ អំពូលបំភ្លឺពេលថ្ងៃ ប្រភេទLED, ឃ្លុបក្រោយបើក-បិទដោយស្វ័យប្រវត្តិ, ផ្លឹតទឹកចាប់សញ្ញាទឹកភ្លៀងដោយស្វ័យប្រវត្ត្តិ, ភ្លើងឡូហ្គូ Highlander ក្រោមទ្វា, កាំម៉េរ៉ាខាងក្រោយ ប្រភេទឌីជីថល, កៅអីអ្នកបើកបរអាចផ្លាស់ប្តូរបញ្ជាបាន ១០ទិសដៅ, កៅអីអ្នកដំណើរអាចបញ្ជាបាន ៨ទិសដៅ និងរន្ធសាកថ្មកម្លាំង ១ ៥០០វ៉ាត់។

រថយន្ត Toyota Highlander Bronze Edition ដំណើរការដោយម៉ាស៊ីនចំណុះ ២,៥លីត្រ ទំហំ ៤ស៊ីឡាំង ផ្គួបជាមួយម៉ូទ័រអគ្គិសនីចំនួន ២ ផលិតកម្លាំងសរុបបាន ២៤០សេះ និងជិះចម្ងាយ ១០០គីឡូម៉ែត្រ ស៊ីសាំងអស់ ៦,៥លីត្រ។

ម៉ូឌែលពិសេស Bronze Edition គ្រោងនឹងដាក់លក់នាចុងឆ្នាំ ២០២១នេះ ជាមួយជម្រើស ២ប្រភេទគឺ Hybrid XLE និង Hybrid Limited ដែលមានតម្លៃចាប់ពី ៤៣ ១៣៥ដុល្លារ និង ៤៧ ៤៤០ដុល្លារ៕

ផ្ទាំងផ្សាយពាណិជ្ជកម្ម

Mercedes-Benz C-Class ឆ្នាំ២០២២ នឹងផ្តល់ជម្រើស ៣ម៉ូដែល ចេញលក់នៅឆ្នាំក្រោយ

យោងតាមក្រុមហ៊ុន Mercedes-Benz បានឲ្យដឹងថា រថយន្ត C-Class ស៊េរីឆ្នាំ២០២២ នឹងផ្តល់ជម្រើស ៣ ម៉ូដែល គឺ Premium, Exclusive និង Pinnacle សម្រាប់ទីផ្សារសហរដ្ឋអាមេរិក។

រថយន្ត Mercedes-Benz C-Class ឆ្នាំ២០២២ ទាំង ៣ម៉ូដែលខាងលើ នឹងផ្តល់ទាំងជម្រើសប៉ុងមួយវិលកង់ក្រោយ និងប៉ុងពីរ។ បន្ថែមពីនេះវាក៏មានផ្តល់នូវកញ្ចប់ Option “AMG Line” ដែលមានបំពាក់កាង AMG, លេងជាមួយពណ៌ខ្មៅ, យ៉ាន់ AMG, ប៉ាណាមុខរាងគ្រាប់ពេជ្រ, ដៃចង្កូតរាងអក្សរ D និង ទ្រនាប់ជើង AMG ជាដើម។

មិនតែប៉ុណ្ណោះ កុងទ័រឌីជីថលទំហំ ១២,៣អ៊ីគញ និង អេក្រង់កម្សាន្តទំហំ ១១,៩អ៊ីញ ក៏មានជា Option សម្រាប់ម៉ូដែលទាំង ៣ ផងដែរ។ អេក្រង់នេះទៀតសោធ បានទទួលការបំផុសគំនិតពីសិស្សច្បង គឺម៉ូដែល S-Class។

សូមបញ្ជាក់ថា C-Class ឆ្នាំ២០២២ សម្រាប់ទីផ្សារសហរដ្ឋអាមេរិក នឹងប្រើម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង មានកម្លាំង ២៥៥សេះ ដំណើរការជាមួយប្រព័ន្ធ mild-hybrid ដែលបង្កើតកម្លាំងបាន ២០សេះទៀត។ វានឹងចេញលក់នៅសហរដ្ឋអាមេរិក នៅពាក់កណ្តាលដើមឆ្នាំ២០២២៕

ផ្ទាំងផ្សាយពាណិជ្ជកម្ម

Porsche Taycan Turbo និង Audi RS E-Tron GT ប៉ះ Tesla Model S Performance មួយណាឈ្នះ? (មានវីដេអូ)

ដេប៉ាជាន់ស្ទុះ ឬការបង្កើនល្បឿន (Acceleration) បានក្លាយជាចំណុចសំខាន់មួយក្នុងការលក់រថយន្តអគ្គិសនី និងសម្រាប់ទីផ្សាររថយន្តអគ្គិសនីប្រភេទ high-end។

នៅក្នុងនោះ រថយន្ត Tesla Model S Performance, Porsche Taycan Turbo និង Audi RS e-tron GT គឺជាអ្នកនាំមុខគេ។ ប៉ុន្តែ តើរថយន្តមួយណាមានការបង្កើនល្បឿនលឿនជាងគេ?

ថ្មីៗនេះ ទំព័រ YouTube ឈ្មោះ CarWow បានយករថយន្តទាំង ៣ម៉ូដែលខាងលើទៅសាកល្បងសមត្ថភាព ដើម្បីចង់ដឹងថាមួយណាលឿនជាង។

គួរឲ្យដឹងថា រថយន្ត Porsche Taycan Turbo ប្រើម៉ូទ័រអគ្គិសនីចំនួន ២ មានកម្លាំងសរុប ៦៧០សេះ, Audi RS E-Tron GT ប្រើម៉ូទ័រអគ្គិសនីចំនួន ២ មានកម្លាំងសរុប ៥២២សេះ និង Tesla Model S Performance ប្រើម៉ូទ័រអគ្គិសនីចំនួន ២ មានកម្លាំងសរុប ៧៧៨សេះ។

ចង់ដឹងថារថយន្តមួយណាលឿនជាងគេ ទៅទស្សនាវីដេអូទាំងអស់គ្នា៖

 

ផ្ទាំងផ្សាយពាណិជ្ជកម្ម

Audi ប្រកាសក្ដែងៗថាមិនចង់លក់ Lamborghini

ទោះបីជាមានការចេញផ្សាយថាក្រុមហ៊ុន Lamborghini មានអ្នកចង់ចែចូវក្នុងតម្លៃរហូតដល់ ៩,២ពាន់លានដុល្លារក៏ដោយក្ដី ក៏ក្រុមហ៊ុន Audi ដែលជាក្រុមហ៊ុនមេបាននិយាយថា Lamborghini នឹងមិនផ្លាស់ប្ដូរម្ចាស់ឡើយ។

គួរដឹងថាសារព័ត៌មាន Autocar និង Automobilwoche បានចុះផ្សាយថាក្រុមហ៊ុនបណ្ដាក់ទុនរបស់ប្រទេសស្វីសឈ្មោះថា Quantum Group AG បានដាក់ដំណើរសុំទិញក្រុមហ៊ុន Lamborghini ដែលជាក្រុមហ៊ុនបង្កើតឡើងកាលពីឆ្នាំ ១៩៦៣។

យ៉ាងណាក្ដីអ្នកនាំពាក្យ Audi បានបញ្ជាក់ថា ៖ “Lamborghini មិនសម្រាប់ដាក់លក់ឡើយ។ វាមិនមែនជាប្រធានបទដែលត្រូវពិភាក្សាក្នុងក្រុមហ៊ុននោះទេ។”

ក្រុមហ៊ុន Quantum Group ចង់ទិញយកគ្រប់យ៉ាងពី Lamborghini ហើយក្នុងនោះក៏មានការរំលឹកអំពីការអភិវឌ្ឍន៍មជ្ឈមណ្ឌលថ្មីដែលអាចបង្កើតការងារបន្ថែមបាន ៨៥០កន្លែងផងដែរ៕

ផ្ទាំងផ្សាយពាណិជ្ជកម្ម

Rolls-Royce ប្រកាសថានឹងចាប់ផ្ដើមផលិតឡានមានតែមួយក្នុងលោកឡើងវិញ

ក្រុមហ៊ុន Rolls-Royce បានប្រកាសពីការចាប់ផ្ដើមការផលិតរថយន្តមានតែមួយក្នុងលោកជាថ្មីម្ដងទៀត ដោយផលិតឡើងផ្អែកតាមការកុម្ម៉ង់របស់អតិថិជន។

ក្រុមហ៊ុនបានបញ្ជាក់ថានឹងចែករំលែកព័ត៌មានបន្ថែមទៀតនៅពេលខាងមុខ ប៉ុន្តែបានបញ្ជាក់ថាសាខា Coachbuild របស់ខ្លួននឹងអនុញ្ញាតឲ្យអតិថិជនកុម្ម៉ង់រថយន្តលើសពីអ្វីដែលក្រុមហ៊ុនកំពុងមានផ្ដល់ជូន និងស្វែងរកនូវភាពអាចទៅរួចដែលគ្មានដែនកំណត់។

នេះមានន័យថាគ្រប់រថយន្តដែលផលិតឡើងជាពិសេសដោយ Coachbuild នឹងមានលេចធ្លោខុសដាច់ពីគេ លើកលែងតែកម្លាំងម៉ាស៊ីន និងគ្រោងឆ្អឹងប៉ុណ្ណោះ។

គួរដឹងថា Rolls-Royce មានគ្រោងឆ្អឹងមួយឈ្មោះថា Architecture of Luxury ដែលគ្រោងឆ្អឹងនេះអាចឲ្យពួកគេផលិតរថយន្តបានសឹងតែគ្រប់សណ្ឋានរូបរាង។ រថយន្ត Coachbuild ដែលល្បីបំផុតរបស់ Rolls-Royce គឺរថយន្តម៉ូដែល Sweptail ដែលមានតម្លៃរហូតដល់ខ្ទង់ ១៣លានដុល្លារ៕

ផ្ទាំងផ្សាយពាណិជ្ជកម្ម

Mercedes G550 និង G63 ចាប់ពីឆ្នាំ ២០១៩-២០២១ ចំនួនជិត ២ម៉ឺនគ្រឿង ត្រូវហៅត្រលប់ទៅវិញ ព្រោះបញ្ហាមួយនេះ

(នៅអាមេរិចខាងជើង) ក្រុមហ៊ុន Mercedes និង NHTSA បានប្រកាសធ្វើយុទ្ធនាការប្រមូលរថយន្ត Mercedes G550 និង G63 ជំនាន់ថ្មីចាប់ពីឆ្នាំ ២០១៩ ដល់ ២០២១ ត្រឡប់មកវិញ។

ការប្រមូលរថយន្ត SUV វានេះមកវិញ ព្រោះទាក់ទងទៅនឹងទ្វាក្រោយនៃរថយន្តដែលផលិតដោយ Mercedes-Benz AG នៅប្រទេសអាល្លឺម៉ង់ ដែលធ្វើអោយមានការជាប់គាំងគន្លឹះទ្វាពីការបើក បិទ ឬចាក់សោ ដែលនឹងបង្កើនហានិភ័យនៃការគាំង ឬរបួសផ្សេងៗ។

យោងតាមទីភ្នាក់ងាសុវត្តិភាពបាននិយាយថា៖ ទ្វាអាចនឹងត្រូវបិទ ប៉ុន្តែវាអាចបើកឡើងវិញ ដែលអាស្រ័យក្រោមលក្ខណ:នៃការបើកបរ និងស្ថានភាពផ្លូវ។ លើសពីនេះទៀត ប្រសិនបើជាប់ Child Safety Lock ហើយត្រូវប្រើកម្លាំងហួសប្រមាណ ដើម្បីបើកទ្វារពីខាងក្នុង នោះគន្លឹះទ្វាអាចខូច ហើយភ្លើងសញ្ញាព្រមានបើកទ្វារ អាចនឹងបង្ហាញនៅលើអេក្រង់បង្ហាញ។

រថយន្តសរុបចំនួន ១៧ ៨០០គ្រឿងត្រូវបានហៅប្រមូលត្រលប់មកវិញ ក្នុងនោះមាន Mercedes G550 ចំនួន ៨ ៣២៤គ្រឿង និង G63 ចំនួន ៩ ៤៧៨គ្រឿង។ រថយន្តទាំងពីរម៉ូឌែលនេះផលិតនៅចន្លោះថ្ងៃទី ២២ ខែ មិថុនា ឆ្នាំ ២០១៨ និង ចន្លោះថ្ងៃទី ១១ ខែ កុម្ភះ ឆ្នាំ ២០២១។ ភ្នាក់ងារចែកចាយនឹងពិនិត្យមើលគ្រប់រថយន្តទាំងអស់ ហើយប្រសិនបើចាំបាច់ នឹងជំនួសគន្លឹះទ្វាថ្មីទាងសងខាង៕

ផ្ទាំងផ្សាយពាណិជ្ជកម្ម

ត្រកូល Bentley Bentayga ថែមម៉ូឌែលថ្មី មានតម្លៃចាប់ពី ២២ម៉ឺនដុល្លារ

ត្រកូល Bentley Bentayga កំពុងពង្រីកខ្សែស្រឡាយរបស់ខ្លួន ជាមួយការបង្ហាញចេញនូវម៉ូឌែលប្រភេទ S ថ្មី ដែលមានរូបរាងកាន់តែស្ព័រ កម្លាំងខ្លាំង និងមានតម្លៃចាប់ពី ២២០ ០០០ដុល្លារ។

រថយន្ត Bentley Bentayga S មានលក្ខណ:ពិសេសនៅផ្នែកខាងក្រៅ ដោយបានលេខខ្លួនបែបស្ព័រ ជាមួយចង្កៀងខាងមុខ, Spoiler ខាងក្រោយធំជាងមុន សម្រាប់ជួយដល់ប្រព័ន្ធ Aerodynamic នៅពេលបើកក្នុងល្បឿនលឿន, ថាសកង់ទំហំ ២២អ៊ីញ ជាមួយជម្រើសពណ៌ ៣ប្រភេទគឺ ទឹកប្រាក់, ខ្មៅរលោង និងសភ្លឺ រួមជាមួយស៊ីម៉ាំងខាងក្រោយថ្មី ដែលផ្តើតលើការ Performance ជាមួយកម្រិតសម្លេងកាន់តែខ្លាំង។

បន្ថែមពីនេះ ការលេខខ្លួនបែបស្ព័រក៏បន្តដល់ខាងក្នុងការប៊ីនជាមួយ កៅអីប្រភេទស្បែកកាំម្ញី ដែលមានឡូហ្គូប៉ាក់ S រួមជាមួយ ដៃចង្កូត និងចង្កឹះលេខរចនាថ្មី, illuminated Treadplates និងអេក្រង់បង្ហាញថ្មី របស់ Bentayga Speed។

រថយន្ត Bentley Bentayga S ដំណើការដោយម៉ាស៊ីនចំណុះ ៤,០លីត្រ V8 មានកម្លាំង ៥៤២សេះ និងកម្លាំងរមួល ៧៧០ញ៉ូតុនម៉ែត្រ ភ្ជាប់ជាមួយប្រអប់លេខ ៨វគ្គអូតូ និងប្រព័ន្ធការបើកបរប៉ុង២។ វាអាចស្ទុះពីល្បឿន ០-១០០គីឡូម៉ែត្រក្នុងមួយម៉ោង ប្រើពេល ៤,៤វិនាទី និងមានល្បឿនអតិបរមា ២៩០គីឡូម៉ែត្រក្នុងមួយម៉ោង។

រថយន្ត Bentayga S ក៏បានបំពាក់ជាមួយប្រព័ន្ធទប់លំនឹង Active anti-roll Control System ដែលអាចជួយអោយរថយន្តស្ទុះក្នុងរយៈពេលតិចជាងមួយវិនាទី និងប្រព័ន្ធកម្លាំងបង្វិលជុំក៏ត្រូវបានគេគណនាឡើងវិញ បន្ថែមជាមួយការតម្លើងប្រព័ន្ធបូម Air Suspension ចំនួន ១៥ភាគរយផងដែរ៕

ផ្ទាំងផ្សាយពាណិជ្ជកម្ម

ឡានអគ្គិសនី Nissan បង្ហាញមុខជាសាធារណៈជាលើកដំបូង

រថយន្តអគ្គិសនី Nissan Ariya បានបង្ហាញវត្តមានដំបូងកាលពីខែវិច្ឆិកា ឆ្នាំ២០១៩ កន្លងទៅនេះ ហើយរថយន្តនេះនៅមិនទាន់មានចេញលក់លើទីផ្សារនៅឡើយទេ ប៉ុន្តែការកុម្ម៉ង់រថយន្តនេះបានចាប់ផ្ដើមបើកទទួលហើយ។

ថ្មីៗនេះដែរ Nissan បានចាប់ផ្ដើមយុទ្ធនាការផ្សព្វផ្សាយរថយន្តអគ្គិសនីនេះដោយបាននាំយកវាទៅកាន់ទីលាន Circuit de Monaco ហើយនេះគឺជាលើកដំបូងហើយដែលគេបានឃើញរថយន្ត Ariya បង្ហាញខ្លួននៅទីសាធារណៈ។

រថយន្ត Ariya មានបំពាក់មកជាស្តង់ដារនូវអាគុយចំណុះ ៦៥គីឡូវ៉ាត់ម៉ោង ឬអាចជ្រើសយកអាគុយចំណុះ ៨៧គីឡូវ៉ាត់ម៉ោង ហើយអាគុយចំណុះតូចជាងគេរបស់រថយន្តនេះអាចគាំទ្រការបើកបរបានចម្ងាយ ៤៨២គីឡូម៉ែត្រពេលសាកភ្លើងពេញម្ដង។

ការនាំយករថយន្ត Nissan Ariya ទៅកាន់ទីលាន Circuit de Monaco នេះគឺជាឪកាសមួយក្នុងការបង្ហាញសមត្ថភាពបើកបររបស់រថយន្ត រួមទាំងរូបរាងដ៏ទាក់ទាញរបស់វាផងដែរ។ បញ្ជាក់ថារថយន្ត Nissan Ariya នេះមិនមែនជារថយន្តអគ្គិសនីដំបូងរបស់ Nissan ឡើយ ដែលរថយន្តអគ្គិសនីដំបូងបំផុតនោះគឺរថយន្តម៉ូដែល Nissan Leaf ហើយរថយន្តនេះក៏ចេញបានចំនួន២ជំនាន់រួចមកហើយដែរ៕

ផ្ទាំងផ្សាយពាណិជ្ជកម្ម
1...787788789...1,083ទំព័រ 788 នៃ 1,083

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com