ទីក្រុង Stuttgart: ក្រុមហ៊ុន Porsche បានស្រាយចំនងពីរថយន្ត 911 GT3 ស៊េរីថ្មីរបស់ខ្លួនហើយ​ ដែលជារថយន្តជំនាន់ទី ៧ នៃប្រភេទរថយន្តស្ព័រដែលមានសមត្ថភាពខ្ពស់ហើយក៏ជារថយន្តដែលត្រូវបានវិវឌ្ឍន៍ឡើង តាមរយៈការសហការគ្នាយ៉ាងជិតដិតជាមួយនឹង Porsche Motorsport។ Porsche Motorsport បានបញ្ចូលនូវបច្ចេកវិទ្យានៃការប្រណាំងដ៏សុទ្ធសាធមួយទៅក្នុងផលិតកម្មរថយន្តដោយមានការកែតម្រូវតិចតួចបំផុតដែលមិនធ្លាប់មានពីមុនមក ដែលមានដូចជា ប៉ុងខាងមុខប្រើប្រាស់ជាប្រភេទ double wishbone និង រូបរាងលំហូរខ្យល់ដ៏ទំនើប ជាមួយនឹង ស្លាបខាងក្រោយដែលមានទម្រដូចកក្ងាន និង កន្លែងរំសាយខ្យល់ដ៏ទាក់ទាញនៅបាតខាងក្រោយដែលបានមកពីរថយន្តប្រណាំងដ៏ជោគជ័យប្រភេទ GT គឺរថយន្ត 911 RSR ព្រមទាំងភ្ជាប់មកជាមួយនូវកម្លាំង ៣៧៥ kW (510 PS) ម៉ាស៊ីន boxer ៤,០លីត្រ ៦ ស៊ីឡាំង ជាម៉ាស៊ីនដែលយកមកពីរថយន្ត 911 GT3 R បានឆ្លងកាត់ការសាកល្បងនៅក្នុងការប្រណាំងប្រភេទ endurance រួចមកហើយ។ ម៉ាស៊ីនដែលមានសម្លេងដ៏ស្រួយស្រឹប និង រោទ៍បានយ៉ាងខ្ពស់នេះក៏ត្រូវបានប្រើប្រាស់ ដោយមិនមានការផ្លាស់ប្តូរ នៅក្នុងរថយន្ត 911 GT3 Cup ស៊េរីថ្មីផងដែរ។ ដែលជាលទ្ធផល គឺយើងទទួលបាននូវម៉ាស៊ីនបើកបរដ៏អស្ចារ្យមួយ ដែលមានប្រសិទ្ធភាពខ្ពស់ មានមនោសញ្ចេតនា ច្បាស់លាស់ និង សមត្ថភាពខ្ពស់ ដែលល្អឥតខ្ចោះសម្រាប់បើកបរលើផ្លូវប្រណាំង និង ល្អវិសេសសម្រាប់ការប្រើប្រាស់ប្រចាំថ្ងៃ។

ចំនុចខ្លាំងដ៏ពិសេសរបស់រថយន្ត 911 GT3 គឺស្ថិតនៅត្រង់ការរួមបញ្ចូលគ្នានៃអត្តចរិករបស់រថយន្តនេះផ្ទាល់តែម្តង។ ជាមួយនឹងល្បឿនអតិបរមា ៣២០ គីឡូម៉ែត្រ/ម៉ោង (៣១៨ គីឡូម៉ែត្រ/ម៉ោង ជាមួយប្រអប់លេខ PDK) រថយន្តនេះមានល្បឿនលឿនជាងរថយន្ត 911 GT3 RS ជំនាន់មុនទៅទៀត។ រថយន្តនេះអាចបង្កើនល្បឿនពី ០ ទៅ ១០០ គីឡូម៉ែត្រ/ម៉ោង ក្នុងរយៈពេលត្រឹមតែ ៣,៤ វិនាទីប៉ុណ្ណោះ។ ក្រុមហ៊ុន Porsche ក៏មានការផ្តល់ជូននូវម៉ូដែលស៊េរីថ្មីនេះជាមួយនឹងប្រភេទចង្កិះលេខដៃ ដែលមាន ៦ លេខ ជាពិសេសសម្រាប់អ្នកដែលចូលចិត្តទទួលបានបទពិសោធន៍បើកបរដាក់លេខដោយខ្លួនឯង។ រូបរាងលំហូរខ្យល់ដ៏ទំនើប របស់រថយន្តនេះ បានទទួលមកពីបទពិសោធន៍នៃការប្រណាំងរថយន្ត ដែលលំហូរខ្យល់នេះអាចបង្កើតបានជាទំងន់សង្កត់រថយន្តសម្រាប់ពេលបើកបរល្បឿនលឿន ដោយមិនប៉ះពាល់ដល់ការបង្កើនល្បឿនរបស់រថយន្តនេះឡើយ។ នៅក្នុងទំរង់បែប Performance ការបញ្ជារ ស្លាបខាងក្រោយ និង កន្លែងរំសាយខ្យល់នៅបាតខាងក្រោយនៃរថយន្ត អាចបង្កើននូវកម្លាំងសង្កត់នៃខ្យល់បានយ៉ាងច្រើនសម្រាប់ការបត់បែននៅក្នុងល្បឿនលឿន ប៉ុន្តែការបញ្ជារទាំងនេះ គឺត្រូវបានរក្សាទុកយ៉ាងតឹងរឹងសម្រាប់តែលើផ្លូវប្រណាំងប៉ុណ្ណោះ ដែលនៅទីនោះ រថយន្ត 911 GT3 អាចបញ្ចេញនូវគ្រប់សមត្ថភាពទាំងអស់ដែលខ្លួនមាន។ នៅលើផ្លូវប្រណាំង Nürburgring’s Nordschleife ដែលតាមទំនៀមទំលាប់ គឺជាកន្លែងដែលគ្រប់រថយន្តស្ព័រ ទាំងអស់របស់ Porsche ធ្វើការសាកល្បងបញ្ចាក់ពីគុណភាពស្តង់ដា ហើយដែលរថយន្ត 911 GT3 នេះបានបំបែកឯកត្តកម្ម ជារថយន្តផលិតកម្មដំបូងគេដែលមិនប្រើប្រាស់ម៉ាស៊ីន Turbo ដែលបានបញ្ចប់ជុំរបស់ផ្លូវប្រណាំងនេះក្នុងថេរៈវេលាតិចជាង ៧ នាទី។​ លោក Lars Kern ជាអ្នកអភិវឌ្ឍន៍ខាងផ្នែកបើកបរបានឆ្លងកាត់ខ្សែបន្ទាត់ផ្តាច់ព្រ័ត្រនៃផ្លូវប្រណាំង ២០,៨ គឺឡូម៉ែត្រ ដោយប្រើប្រាស់ពេលវេលាត្រឹមតែ ៦:៥៩.៩២៧ នាទីប៉ុណ្ណោះ។ ផ្លូវប្រណាំងដែលមានចំងាយខ្លីជាងនេះបន្តិច ២០,៦ គីឡូម៉ែត្រ ដែលកាលពីមុន គេប្រើប្រាស់វាជាទីសម្រាប់សាកល្បងគុណភាពស្តង់ដារនោះ គឺបានបញ្ចប់ដោយរថយន្ត 911 GT3 ក្នុងពេលវេលាត្រឹមតែ ៦:៥៥.២ នាទី។ ដោយប្រើប្រាស់សំបកកង់ Michelin Pilot Sport Cup 2 R រថយន្តស៊េរីថ្មីនេះបានផ្តល់ជូននូវលទ្ធផលដូចៗគ្នាជាច្រើនជុំ ដោយនៅពីក្រោយស្នាដៃរបស់ឯកអគ្គរាជទូតសុច្ឆន្ទៈរបស់ Porsche គឺលោក Jörg Bergmeister​។ ចំពោះលោក Bergmeister លោកថាវាគឺជារថយន្ត ផលិតកម្មដែលល្អបំផុត ដែលអ្នកឯកទេសបើកបរមានបទពិសោធន៍មិនធ្លាប់បានបើកបរពីមុនមកនៅ Green Hell។

ក្រៅពីទទឹងខ្លួន និង កង់ទាំងបួនធំជាងមុន ព្រមទាំង លក្ខណៈបច្ចេកទេសពិសេសៗបន្ថែមទៀត ទំងន់នៃរថយន្ត GT3 ថ្មីនេះគឺនៅតែអាចប្រៀបធៀបបានជាមួយនឹងស៊េរីមុន។ ជាមួយនឹងចង្កិះលេខដៃ វាមានទំងន់ ១ ៤១៨ គីឡូក្រាម ហើយសម្រាប់ចង្កិះលេខ PDK វាមានទំងន់ ១ ៤៣៥ គីឡូក្រាម។ គម្របខាងមុខផលិតឡើងពី carbon fibre-reinforced plastic (CFRP) រួមទាំងកញ្ចក់ស្រាល ឌីសហ្រ្វាំងដែលបានបង្កើនប្រសិទ្ធភាពជាងមុន និង យ៉ាន់កង់ដែលបានបង្កើតឡើងពីលោហៈស្រាលដែលធានាបាននូវទំងន់ដែលសមស្របតាមក្បួន ដូចទៅនឹងគម្រប់ប្រអប់កៅអីខាងក្រោយដែរ។ ប្រព័ន្ធបំពង់ស៊ីម៉ាំងស្ព័របែបស្រាលបានកាត់បន្ថយទំងន់មិនតិចជាង ១០ គីឡូក្រាមទេ។ ជាមួយនឹងស្លាបបិទបើកបំពង់ស៊ីម៉ាំង វាបានធ្វើអោយស៊ីសង្វាក់គ្នាជាមួយនឹងសម្លេងដែលប្រកបដោយមនោសញ្ចេតនាដែលសមស្របទៅនឹង Euro 6d ISC FCM (EU6 AP) ស្តង់ដានៃការបញ្ចេញឧស្ម័ន។ កម្រិតស៊ីសាំងជាមធ្យមរបស់រថយន្ត 911 GT3 គី ១៣,៣ លីត្រ ក្នុង ១០០ គីឡូម៉ែត្រ ១២,៤ លីត្រសម្រាប់ចង្កិះលេខ PDK។

ហ្សែនប្រណាំងរបស់រថយន្តនេះត្រូវបានបង្ហាញទាំងស្រុងនៅលើចំនុចលម្អិតទាំងអស់នៃរថយន្ត 911 GT3 ស៊េរីថ្មី។ កន្លែងបញ្ជាកណ្តាលគឺអាចប្រៀបធៀបគ្នាបានជាមួយនឹងម៉ូដែលរថយន្ត911​ ជំនាន់ក្រោយនេះដែរ។ លក្ខណៈពិសេសថ្មីនោះគឺជាអេក្រង់សម្រាប់ផ្លូវប្រណាំង ដោយគ្រាន់តែចុចប៉ូតុងមួយប៉ុណ្ណោះ វានឹងកាត់បន្ថយរូបភាបឌីជីថលនៅលើអេក្រង់អោយខិតទៅខាង ឆ្វេង និង ស្តាំ នៃកុងទ័ររង្វិលជុំម៉ាស៊ីននៅកណ្តាល ដែលកុងទ័ររង្វិលជុំនេះអាចបង្ហាញកំរិតវិលជុំរហូតដល់ ១០ ០០០ ហើយវាក៏នឹងបង្ហាញពីព័ត៌មានផ្សេងៗទៀត ដែលមានដូចជា សំពាធខ្យល់របស់កង់រថយន្ត សំពាធប្រេង សីតុណ្ហភាពប្រេង កម្រឹតប្រេងសាំង និង សីតុណ្ហភាពទឹក ដែលជាព័ត៌មានសំខាន់នៅពេលបើកបរលើផ្លូវប្រណាំង។ វាក៏មានរួមបញ្ចូលទាំង ជំនួយការតម្លើងលេខរថយន្តផងដែរ ដែលវាបង្ហាញជាបន្ទាត់ពណ៌ឆ្នូតៗ នៅខាងឆ្វេង និងស្តាំ នៃកុងទ័ររង្វិលជុំ ហើយនិងសញ្ញាភ្លើងសម្រាប់ដាក់លេខដែលបានមកពី Motorsport។

អតិថិជនបានចាប់ផ្តើមសំណូមពរជាសំភារៈដែលអាចប្តូរតាមចិត្តបានជាច្រើនជាពិសេសសម្រាប់ម៉ូដែលរថយន្ត Porsche GT។ ហេតុផលនេះហើយបានជាសំភារៈពី Porsche Exclusive Manufaktur ក៏បានត្រូវដាក់អោយអតិថិជនអាចជ្រើសរើសបានសម្រាប់រថយន្ត 911 GT3 ស៊េរីថ្មី ហើយវាក៏មាន option បន្ថែមទៀតដែលផលិតឡើងសម្រាប់តែរថយន្ត GT3 តែមួយគត់គឺ ដំបូលស្រាលដែលផលិតឡើងពីសរសៃកាបូន។ Options ផ្សេងទៀតរួមមាន ផ្នែកខាងលើនៃកញ្ចក់ចំហៀងផលិតឡើងពីកាបូន ចង្កៀងខាងមុខពណ៌ខ្មៅ ត្រូវគ្នាជាមួយនឹង Exclusive design ស្តុបខាងក្រោយដែលបានបំបាត់ពណ៌ក្រហមចេញទាំងអស់។ រង្វង់ជុំវិញយ៉ាន់កង់ពណ៌ Guards Red ឬ Shark Blue កាន់តែបន្ថែមភាពស្រស់ស្អាតដល់យ៉ាន់កង់ពណ៌ខ្មៅ។ នៅផ្នែកខាងក្នុងចំនុចលម្អិតនៃសំភារៈជាច្រើនដែលមានដូចជា ទ្រនិចនៃកុងទ័ររង្វិលជុំ និង នាឡិកាកំនត់នាទី Sport Chrono ខ្សែក្រវាត់ និង ស្នាមថ្នេរដូចទៅនឹងពណ៌រថយន្ត ឬ ពណ៌ផ្សេងទៀតតាមតម្រូវការដែលបង្ហាញពីប្រណីតភាព។

ដែលមានភាពវិសេសវិសាលផ្តាច់មុខដូចជារថយន្ត 911 GT3 នេះឯង គឺជាឧបករណ៍កំនត់ពេលវេលាសម្រាប់បុគ្គលដែល Porsche Design ផ្តល់ជូនផ្តាច់មុខសម្រាប់តែអតិថិជនដែលចូលចិត្តរថយន្តស្ព័រដែលមានសមត្ថភាពខ្ពស់។ ប្រៀបបានដូចទៅនឹងរថយន្តរបស់វាដែរ ឧបករណ៍កំនត់ពេលវេលានេះផ្តោតសំខាន់ទៅលើការរចនាបែបឌីណាម៉ិច សមត្ថភាពដែលមិនផ្លាស់ប្តូរ និង ស្នាដៃការងារដ៏មានគុណភាពខ្ពស់។ សំបកខាងក្រៅរបស់វាបានបង្ហាញពីហ្សែន Motorsport។ ប្រៀបដូចជាដែកដែលភ្ចាប់ទៅនឹងម៉ាស៊ីនរបស់រថយន្ត GT3 នេះដែរ ដែលវាផ្សំឡើងពីសារធាតុទីតានីញ៉ូម ធន់ ហើយស្រាល។ ឧបករណ៍កំនត់ពេលវេលា នេះបានទទួលថាមពល មកពីរង្វិលជុំរបស់ម៉ូទ័រតូចៗដែលប្រដូចបានទៅនឹង កង់នៃរថយន្ត 911 GT3 ផងដែរ។ រង្វង់ជុំវិញនៃផ្ទៃនាឡិកានេះអាចធ្វើការផ្លាស់ប្តូរពណ៌បានតាមចំនូលចិត្តដូចទៅនឹងពណ៌របស់រថយន្ត 911 GT3 ផ្ទាល់តែម្តង។

*សំភារៈ Options និង តម្លៃអាចមានការផ្លាស់ប្តូរទៅតាមការផ្លាស់ប្តូរនៃឆ្នាំរបស់រថយន្ត។

សម្រាប់ព័ត៌មានបន្ថែម វីដេអូ និង រូបភាព លោកអ្នកអាចទាញយកបាននៅ Porsche Newsroom តាមរយៈតំណរភ្ចាប់នេះ៖ newsroom.porsche.com

កម្រិតស៊ីសាំង និង ការបញ្ចេញឧស្ម័ន គឺត្រូវបានកំណត់តាមរយៈ Worldwide Harmonized Light Vehicle Test Procedure (WLTP) ថ្មី។ តួរលេខ NEDC ដែលបានទាញយកមកពី នេះគួតែបន្តបញ្ចាក់អោយច្បាស់សម្រាប់ពេលបច្ចុប្បន្ន។ តួរលេខទាំងនេះមិនអាចប្រៀបធៀបបានទៅនឹងតួរលេខដែលត្រូវបានកំណត់តាមរយៈ ការវាស់វែងរបស់​ NEDC បានទេរហូតមកដល់ពេលនេះ។

សម្រាប់ព័ត៌មានបន្ថែមទៅលើកម្រិតស៊ីសាំង និង កម្រិតបញ្ចេញឧស្ម័នផ្លូវការនៃរថយន្តដឹកអ្នកដំណើរថ្មី អាចរកបាននៅក្នុងឯកសារសារធារណៈដែលមានចំនងជើងថា “ Guidelines on fuel consumption, CO2 emissions and power consumption of new passenger cars” ដែលអាចរកបានដោយមិនគិតថ្លៃនៅគ្រប់បញ្ជរលក់ទាំងអស់ និង ពី Deutsche Automobil Treuhand GmbH (DAT).

អំពី​មជ្ឈមណ្ឌល​ Porsche ភ្នំពេញ

មជ្ឈមណ្ឌល​ Porsche ភ្នំពេញ ជាភ្នាក់ងារលក់របស់ក្រុមហ៊ុន ព្រីស៊ីហ្សិន ខាស៍ (ខេមបូឌា) លីមីធីត ដែលជាក្រុមហ៊ុននាំចូលស្របច្បាប់ និងចែកចាយផ្តាច់មុខ នូវរថយន្ត និងគ្រឿងបន្លាស់សុទ្ធម៉ាក Porsche បានមានវត្តមានក្នុងព្រះរាជាណាចក្រកម្ពុជាចាប់តាំងពីឆ្នាំ ២០១៣។ ដោយមាន​ទីតាំង​ តាមបណ្តោយមហាវិថីសម្តេច ហ៊ុន សែន កែងនឹងមហាវិថី ឧកញ៉ា ហ៊ុន នាង មជ្ឈមណ្ឌល​ Porsche ភ្នំពេញបម្រើ​ការជា​ទីតាំង​ផ្តល់​សេវា​ច្រើនមុខ ​ដែល​មានចាប់ពី​ការលក់​ សេវាកម្ម​ក្រោយការលក់​​ សម្ភារៈតុបតែងនិងលម្អបន្ថែម​ សម្ភារៈតុបតែងរបស់​អ្នកបើកបរ​Porsche​) នៅក្នុង​កន្លែង​តែមួយ​ ដោយផ្តល់​នូវ​កម្រិត​សេវាកម្ម​ខ្ពស់​ដល់​អតិថិជន​របស់​ Porsche ​នៅក្នុង​ប្រទេស​កម្ពុជា​។ ​មជ្ឈ​មណ្ឌល​ Porsche ភ្នំពេញ​​​ ផ្តល់ជូនអតិថិជន នូវគ្រប់ម៉ូដែលនៃរថយន្តPorsche ព្រមទាំងការរចនាបន្ថែមទៅតាមចំណូលចិត្តអតិថិជន ដើម្បីអោយរថយន្តកាន់តែមានលក្ខណៈពិសេសដែលអតិថិជនទាំងអស់អាចស្វែងយល់បន្ថែមបាននៅទីនេះ https://dealer.porsche.com/cambodia/virtual-showroom។ លើសពីនេះទៅទៀត គ្រប់រថយន្តដែលមានលក់នៅមជ្ឈ​មណ្ឌល​ Porsche ភ្នំពេញ​​​ បានបំពាក់ជាមួយកញ្ចប់សេវាកម្មថែទាំ និងធានាពីរោងចក្ររយៈពេលរហូតទៅដល់ 4ឆ្នាំ ដែលធ្វើអោយរថយន្ត Porsche កាន់តែមានភាពលេចធ្លោ និងពិសេសលើសពីរថយន្តផ្សេងទៀតដែលនាំចូលមកព្រះរាជាណាចក្រកម្ពុជា។

មជ្ឈមណ្ឌល​ Porsche ភ្នំពេញ

ផ្នែកទំនាក់ទំនង​សាធារណៈ​ និង​ប្រព័ន្ធ​ផ្សព្វផ្សាយ​

អ្នកនាង ងួន​ កែវ្វត្តី

ទូរសព្ទ​៖ (+855)-11-888-976

អ៊ីមែល​៖ [email protected]

ផ្ទាំងផ្សាយពាណិជ្ជកម្ម