ក្រុមហ៊ុន Aznom បានបង្ហាញរូបភាពជាច្រើនសន្លឹក ដែលបង្ហាញច្បាស់ពីរូបរាងរបស់រថយន្តម៉ូដែល Palladium ដែលវាគឺជារថយន្តដ៏ប្លែកពីគេមួយ ក្នុងចំណោមរថយន្តដែលបានចេញលក់ក្នុងឆ្នាំនេះ។
រថយន្ត Palladium គឺជាការរួមបញ្ចូលគ្នារវាងរថយន្តភីកអាប់ផង រថយន្ត SUV ផង និងរថយន្ត Sedan ផង។ វាផលិតឡើងដោយផ្អែកលើរថយន្តភីកអាប់ Ram 1500 និងមានបំពាក់ដោយម៉ាស៊ីន ៥,៧លីត្រ ៨ស៊ីឡាំង ដែលភ្ជាប់នឹងប្រអប់លេខស្វ័យប្រវត្តិ៨វគ្គ និងប្រើប្រព័ន្ធបើកបរប៉ុងពីរ។ វាអាចផលិតកម្លាំងបាន ៧០០សេះ អាចស្ទុះពី ០-១០០គ.ម/ម៉ ដោយប្រើពេលតែ ៤,៥វិនាទី និងមានល្បឿនអតិបរមា ២១០គ.ម/ម៉។
រថយន្ត Palldium នេះនឹងមានផលិតត្រឹម ១០គ្រឿងប៉ុណ្ណោះក្នុងលោក ដោយតម្លៃលក់នឹងត្រូវប្រកាសចេញនាពេលក្រោយ។ ក្រុមហ៊ុន Aznom រំពឹងថារថយន្តនេះនឹងអាចទាក់ទាញចំណាប់អារម្មណ៍អតិថិជនមកពីតំបន់មជ្ឈិមបូព៌ា, រុស្ស៊ី, ចិន និងសហរដ្ឋអាមេរិក៕
