ទីក្រុងម៉ូដេណា ថ្ងៃទី 11 ខែធ្នូ ឆ្នាំ 2020 – Maserati ប្រកាសអំពីការបើកសម្ភោធទីផ្សារថ្មីនៅអាស៊ីប៉ាស៊ីហ្វិចក្នុងខណៈដែលម៉ាករបស់ខ្លួនបានចូលក្នុងប្រទេសកម្ពុជា និងបង្ហាញអំពីគោលដៅរបស់ខ្លួនក្នុងការក្លាយជាតួអង្គមួយពិតៗក្នុងវិស័យរថយន្ដទូទាំងពិភពលោក។
ក្នុងប្រទេសកម្ពុជា Maserati ត្រូវបានតំណាងដោយ HGB Group ដែលជាប្រតិបតិ្តករវិស័យរថយន្ដដ៏រឹងមាំមួយដែលមានវត្តមានក្នុងទីផ្សារតាំងពីឆ្នាំ 2010។ HGB Group នឹងធ្វើការលក់ចែកចាយប្រភេទរថយន្ដ Maserati ដ៏ទំនើបទាំងអស់ដែលបានឌីហ្សាញ និងផលិតដោយអ៊ីតាលី ដើម្បីបំពេញតម្រូវការអតិថិជនឲ្យបាន 360°។
សាលតាំងបង្ហាញរបស់ HGB Group ស្ថិតនៅក្នុងតំបន់ដ៏ស្រស់ស្អាត និងលេចធ្លោបំផុតក្នុងរាជធានីភ្នំពេញនៃប្រទេសកម្ពុជា និងបានត្រៀមរួចរាល់សម្រាប់ស្វាគមន៍អតិថិជន Maserati នៅក្នុងបរិស្ថានមួយប្រកបដោយភាពផ្តាច់មុខ ស្រស់ស្រាយ និងប្រណិតភាព។ ការបើកសម្ភោធសាលតាំងបង្ហាញនេះត្រូវបានប្រកាសដោយឧកញ៉ា ង៉ូវ លាងហួត ប្រធានក្រមហ៊ុន HGB Group តាមរយៈការផ្សាយបន្តផ្ទាល់ដល់អ្នកទស្សនានៅទូទាំងពិភពលោក។ អគារទាំងមូលរួមមាន សាលតាំងបង្ហាញដែលមានផ្ទៃក្រឡា 610 ម៉ែត្រការ៉េ សម្រាប់តាំងបង្ហាញខ្សែសង្វាក់ផលិតផល Maserati និងយានដ្ឋានដែលមានផ្ទៃក្រឡា 1,760 ម៉ែត្រការ៉េ បំពាក់ទៅដោយរោងជាងចំនួន 3។
Luca Delfino ប្រធាន Maserati APAC w/o China បានមានប្រសាសន៍ថា ‘’Maserati ត្រូវកសាងវត្តមានរបស់ខ្លួនយ៉ាងសកម្មនៅក្នុងតំបន់អាស៊ីអាគ្នេយ៍នាឆ្នាំថ្មីៗនេះ។ យើងខ្ញុំមានដៃគូរួចហើយនៅក្នុងប្រទេសសិង្ហបុរី ប្រទេសម៉ាឡេស៊ី ប្រទេសថៃ ប្រទេសវៀតណាម និងប្រទេសឥណ្ឌូណេស៊ី។ ប្រទេសកម្ពុជា គឺជាទីផ្សារប្រកបដោយសក្ដានុពលមួយសម្រាប់ Maserati រីកចម្រើនលូតលាស់នៅក្នុងតំបន់អាស៊ីអាគ្នេយ៍ ហើយយើងខ្ញុំមានសេចក្ដីសោមនស្សរីករាយជាខ្លាំងដែលមាន HGB Group ជាដៃគូក្នុងការពង្រឹងតួនាទីរបស់យើងខ្ញុំក្នុងនាមជាម៉ាករថយន្ដប្រណិតមួយ។’’
“HGB Group មានមោទនភាព និងក្ដីរំភើបជាខ្លាំងក្នុងការចាប់ផ្ដើមម៉ាកជានិមិត្តរូប Maserati ក្នុងប្រទេសកម្ពុជា។
Maserati ដែលចាប់បានកំណើតនៅលើផ្លូវប្រណាំង មានប្រវត្តិយ៉ាងល្បីល្បាញរយៈពេលជាង 100 ឆ្នាំមកហើយ។ DNA ជារថយន្ដប្រណាំងដ៏អស្ចារ្យរបស់ខ្លួនគឺអាចមើលឃើញយ៉ាងច្បាស់នៅក្នុងប្រវត្តិជោគជ័យរបស់ Maserati ក្នុងការប្រណាំងនៅលើប្រភេទផ្លូវជាច្រើននៅទូទាំងពិភពលោក ដោយមានចាប់ពី Indianapolis 500 ដល់ Formula 1។
គ្រប់គ្នាដែលបើកបរ Maserati នឹងយល់បានភ្លាមៗអំពីថាមពល សមត្ថភាព និងប្រណិតភាពដែលជានិមិ្មតរូបនៃភាពឥតខ្ចោះរបស់អ៊ីតាលី។ យើងខ្ញុំនាំមកជូនប្រទេសកម្ពុជានូវប្រភេទរថយន្ត Maserati ប្រណិតដែលនឹងផ្ដល់នូវឧត្តមភាព និងភាពរីករាយដល់អតិថិជនរបស់យើងខ្ញុំ។ បានមានប្រសាសន៍ ឧកញ៉ា ង៉ូវ លាងហួត ប្រធានក្រុមហ៊ុន HGB Group ក្នុងប្រទេសកម្ពុជា “ក្ដីស្រឡាញ់ និងការពេញចិត្តរបស់យើងខ្ញុំចំពោះម៉ាក Maserati គឺច្បាស់លាស់ណាស់ ហើយយើងខ្ញុំប្ដេជ្ញាធ្វើឲ្យ Maserati ក្លាយជាម៉ាករថយន្ដប្រណិតដែលទទួលបានជោគជ័យ និងការពេញនិយមបំផុតនៅក្នុងប្រទេសកម្ពុជា។”
ឧកញ៉ា ង៉ូវ លាងហួត ប្រធានក្រុមហ៊ុន HGB Group (រូបទី៣ រាប់ពីស្តាំទៅឆ្វេង) ជាមួយនឹងប្រភេទពេញលេញរបស់ខ្លួន Maserati កំណត់នូវនិយមន័យថ្មីសម្រាប់រថយន្ដស្ព័រអ៊ីតាលីទាក់ទិននឹងម៉ូតឌីហ្សាញ សមត្ថភាព ផាសុកភាព ភាពសង្ហារ និងសុវត្ថិភាព ហើយពេលនេះ បន្ថែមលើទីផ្សារជាង ៧០ នៅទូទាំងពិភពលោក វាក៏មានវត្តមាននៅក្នុងប្រទេសកម្ពុជាផងដែរ។
ប្រទេសកម្ពុជាគឺជាទីផ្សារមួយប្រកបដោយសក្ដានុពលភាពខ្ពស់សម្រាប់ Maserati ក្នុងខណៈដែលទីផ្សាររថយន្ដប្រណិតត្រូវបានប៉ាន់ប្រមាណនឹងមានកំណើនក្នុងអត្រាកំណើនសមាសប្រចាំឆ្នាំ (Compound Annual Growth Rate) 14% ពីឆ្នាំ 2017 ដល់ 2020។ ប្រទេសកម្ពុជាមានកំណើត GDP មធ្យមប្រចាំឆ្នាំ 7% នៅចន្លោះរវាង 2014 និង 2018 និងរហូតដល់ 6% យ៉ាងយូរនៅឆ្នាំ 2024។ ឧស្សាហកម្មចម្បងៗរបស់ខ្លួន (វិស័យកាត់ដេរ កសិកម្ម ទេសចរណ៍ និងល្បែកកម្សាន្ដ និងអចលនទ្រព្យ) បានទាក់ទាញវិនិយោគផ្ទាល់ពីបរទេសក្នុងទឹកប្រាក់ចំនួន USD 2.2 ពាន់លាន ក្នុងឆ្នាំ 2016 ជាមួយនឹងកំណើនមធ្យមប្រចាំឆ្នាំ 12% ក្នុងឆ្នាំ 2014-2016 និងរហូតដល់ USD 6 ពាន់លានយ៉ាងយូរនៅឆ្នាំ 2024។ អ្វីដែលសំខាន់បំផុតនោះ ចំនួនប្រជាជនកម្ពុជាដែលមានទ្រព្យសកម្មសុទ្ធជាង $30 លានបានកើនឡើង 170% ក្នុងទសវត្សកន្លងទៅ ហើយវានឹងកើនឡើង 56% បន្ថែមទៀតនៅក្នុងទសវត្សក្រោយ។
ផ្នែកខាងក្រៅរថយន្ត Levante ផ្នែកខាងក្នុងរថយន្ត Levante Maserati ផលិតរថយន្តពិសេសល្អឯកគ្មានពីរ ដែលមានលក្ខណៈអស្ចារ្យ និងត្រូវបានទទួលស្គាល់ភ្លាមៗនៅគ្រប់ទិសទី។ ជាមួយនឹងម៉ូត បច្ចេកវិទ្យា និងលក្ខណៈពិសេសគ្មានពីររបស់ពួកវា ពួកវាផ្ដល់នូវរសជាតិពិសេសអស្ចារ្យបំផុត ហើយជានិច្ចកាលគឺជាគំរូនៅក្នុងវិស័យរថយន្ដទូទាំងពិភពលោក។ ប្រពៃណីនៃរថយន្ដប្រកបដោយជោគជ័យ ដែលនីមួយៗបានកំណត់ជាថ្មីតើរថយន្ដបែបណាគឺជារថយន្ដស្ព័ររបស់អ៊ីតាលីទាក់ទិនទៅនឹងម៉ូតរចនា សមត្ថភាព ផាសុកភាព ភាពស្រស់ស្អាត និងសុវត្ថិភាព ដែលបច្ចុប្បន្នមាននៅក្នុងទីផ្សារអន្តរជាតិជាងចិតសិប។
ផ្នែកខាងក្រៅរថយន្ត Ghibli ផ្នែកខាងក្នុងរថយន្ត Ghibli ទូតនៃមរត៌កនេះគឺ Quattroporte រថយន្ដសឺដង់ស្ព័រ Ghibli ពេលនេះក៏មានជាប្រភេទហៃប្រីត រថយន្ដអគ្គិសនីដំបូងរបស់ម៉ាក Trident និង Levante ដែលជា Maserati SUV ដំបូង ដែលគ្រប់ម៉ូដែលទាំងអស់ត្រូវបានផលិតឡើងដោយប្រើប្រាស់សម្ភារៈ និងបច្ចេកទេសដ៏ឯកសម្រាប់ភាពឥតខ្ចោះគ្មានពីរ។ ប្រភេទទាំងអស់ រាប់បញ្ចូលទាំង V6 និង V8 ប្រេងសាំង ហៃប្រីតស៊ីឡាំង 4 ហៃប្រីត និង V6 ម៉ាស៊ូត បើកបរដោយកង់ក្រោយ និងបើកបរដោយកង់ទាំងបួន។
នាពេលថ្មីៗនេះ កិត្តិនាមរបស់រថយន្ដក៏រឹតតែត្រូវបានបង្កើនបន្ថែមទៀតតាមរយៈការបញ្ចូលនូវរថយន្ដប្រភេទ Trofeo Collection ថ្មី ដែលមាន Ghibli, Quattroporte និង Levante បំពាក់ដោយម៉ាស៊ីន 580 hp V8 ដ៏ខ្លាំងក្លា។ រថយន្ដលំដាប់ខ្ពស់បំផុតគឺរថយន្ដស្ព័រដ៏ទំនើប MC20 ថ្មី បំពាក់ដោយម៉ាស៊ីនបច្ចេកវិទ្យាថ្មី Nettuno V6 ដែលបានរួមបញ្ចូលនូវបច្ចេកវិទ្យា F1 ពេលនេះមាននៅផ្នែកផលិតរថយន្ដស្ដង់ដារជាលើកដំបូង។ បច្ចុប្បន្ន ប្រភេទ Maserati ត្រូវបានផលិតឡើងនៅរោងចក្រចំនួនបីគឺ: Ghibli និង Quattroporte ត្រូវបានផលិតនៅរោងចក្រ Avvocato Giovanni Agnelli (AGAP) នៅក្នុង Grugliasco (Turin) និង Levante នៅរោងចក្រ Mirafiori នៅក្នុង Turin។ រថយន្ដទំនើប MC20 ថ្មី ត្រូវបានផលិតក្នុងក្រុង Modena នៅរោងចក្រជាប្រវត្តិសាស្ត្រ VialeCiro Menotti។
សម្រាប់ព័ត៌មានបន្ថែម:
MASERATI
Maria Conti – ប្រធានផ្នែកទំនាក់ទំនង Maserati – [email protected] [email protected] [email protected]
