ក្រុមហ៊ុនឡានអគ្គិសនីចិន ចាប់ផ្ដើមវាយលុយទីផ្សារអឺរ៉ុបតាមប្រទេសន័រវែស

December 18, 2020

ក្រុមហ៊ុនផលិតរថយន្តអគ្គិសនីចិន Xpeng បានចាប់ផ្ដើមការវាយលុកលើទីផ្សារអឺរ៉ុប ដោយកំពុងដឹកជញ្ជូនរថយន្ត G3 ចំនួន ១០០គ្រឿង ដល់អតិថិជននៅក្នុងប្រទេសន័រវែស។

ក្រុមហ៊ុនដែលមូលដ្ឋាននៅទីក្រុង Guangzhou មួយនេះមានគម្រោងនឹងចូលទៅកាន់ទីផ្សារប្រទេសដទៃទៀតក្នុងតំបន់អឺរ៉ុបដែរ ហើយនឹងចំណាយពេល ១២ខែបន្ទាប់ទៀតដើម្បីសិក្សាមើលថាគួរតែជ្រើសរើសយកប្រទេសណាជាបន្ត។

Xpeng បានជ្រើសរើសវាយលុកចូលទីផ្សារអឺរ៉ុបតាមរយៈប្រទេសន័រវែសក៏ដោយសារគោលការណ៍គាំទ្ររបស់រដ្ឋាភិបាលន័រវែស ហើយប្រទេសនេះក៏មានហេដ្ឋារចនាសម្ពន្ធនៃស្ថានីយសាកភ្លើងដ៏ទំនើប និងមានប្រជាជនដែលយល់ដឹងអំពីរថយន្តអគ្គិសនីច្រើន។

ត្បិតថាន័រវែសជាប្រទេសតូចមួយមែន ប៉ុន្តែ ៨០% នៃរថយន្តដែលលក់ចេញនៅប្រទេសនេះក្នុងត្រីមាសទី៣ ឆ្នាំ ២០២០ គឺជាប្រភេទដែលអាចសាកភ្លើងបាន។ នេះបើតាមការចុះផ្សាយរបស់ Autonews Europe៕

ផ្ទាំងផ្សាយពាណិជ្ជកម្ម

Tesla ចាប់ផ្ដើមផលិតឡានមួយម៉ូដែលទៀតនៅរោងចក្រចិន

December 18, 2020

Tesla បានចាប់ផ្ដើមការផលិតរថយន្ត Model Y នៅរោងចក្រ Gigafactory របស់ខ្លួនដែលមានទីតាំងស្ថិតនៅក្បែរទីក្រុងសៀងហៃ ប្រទេសចិន។

ត្បិតថា Tesla មិនទាន់បានបញ្ជាក់អំពីដំណឹងនេះ ប៉ុន្តែតាមរយៈវីដេអូថតពីលើអាកាសគេឃើញរថយន្ត Model Y ថ្មីៗស្រស់ៗជាច្រើនគ្រឿងនៅរោងចក្រទីតាំងខាងលើ។ វីដេអូនេះលេចចេញក្រោយពី Tesla បានបង្ហើបផែនការចាប់ផ្ដើមការផលិតរថយន្ត Model Y នៅសៀងហៃក្នុងដើមឆ្នាំ ២០២១ ខាងមុខ។

វិបសាយ Electrek បាននិយាយថារថយន្ត Model Y ដែលផលិតឡើងដំបូងៗនៅរោងចក្រខាងលើ នឹងត្រូវដឹកជញ្ជូនទៅឲ្យបុគ្គលិក Tesla ក្នុងស្រុក ដើម្បីឲ្យបុគ្គលិកសាកល្បងប្រើប្រាស់ មុននឹងបញ្ចេញលក់លើទីផ្សារជាផ្លូវការ។

រថយន្ត Model Y ត្រូវបានរំពឹងទុកថានឹងជារថយន្តលក់ដាច់ជាងគេរបស់ Tesla នៅក្នុងប្រទេសចិន។ មានអ្នកវិភាគម្នាក់បានប៉ាន់ស្មានថា Tesla អាចនឹងលក់រថយន្តនេះបានច្រើនដល់ ៣ម៉ឺនគ្រឿងក្នុងមួយខែ៕

ផ្ទាំងផ្សាយពាណិជ្ជកម្ម

Mercedes S-Class ឆ្នាំ២០២១ ចេញតម្លៃលក់ផ្លូវការ ចាប់ពីខ្ទង់ ១០ម៉ឺនដុល្លារ

December 18, 2020

ក្រុមហ៊ុន Mercedes បានប្រកាសចេញនូវតម្លៃនៃរថយន្ត S-Class ស៊េរីឆ្នាំ២០២១ របស់ខ្លួនជាផ្លូវការ គឺចាប់ពី ១០៩ ៨០០ដុល្លារ សម្រាប់ទីផ្សារសហរដ្ឋអាមេរិក ហើយវានឹងចេញលក់នៅឆ្នាំក្រោយនេះតែម្តង។

ចំពោះទីផ្សារខាងលើ Mercedes S-Class ចែកចេញជា ២ ម៉ូដែល គឺ S 500 4MATIC Luxury Line និង S 580 4MATIC Luxury Line ហើយវាក៏មានជាប្រភេទ AMG ដែរ គឺ S 500 4MATIC និង S 580 4MATIC។

S 500 4MATIC Luxury Line បំពាក់ម៉ាស៊ីន turbocharged ចំណុះ ៣,០លីត្រ ទំហំ ៦ស៊ីឡាំង មានកម្លាំង ៤២៩សេះ ដំណើរការជាមួយប្រព័ន្ធ EQ Boost ជួយបាន ២១សេះទៀត។ ចំណែកឯ S 580 4MATIC Luxury Line វិញ មានតម្លៃចាប់ពី ១១៦ ៣០០ដុល្លារ បំពាក់ម៉ាស៊ីន twin-turbo ចំណុះ ៤,០លីត្រ V8 មានកម្លាំង ៤៩៦សេះ ហើយក៏មានប្រព័ន្ធ EQ Boost ផងដែរ។

សម្រាប់ម៉ូដែល S 500 4MATIC នឹងមានតម្លៃចាប់ពី ១១៤ ១០០ដុល្លារ និង ១២០ ៦០០ដុល្លារ សម្រាប់ម៉ូដែល S 580 4MATIC។

បើនិយាយពីមុខងារសុវត្ថិភាពវិញ វាមានបំពាក់ Option “Driver Assistance Package” មកស្តង់ដារ ដោយក្នុងនោះរួមមានដូចជា Active Distance Assist DISTRONIC with Route-Based Speed Adaptation, Active Stop-and-Go Assist, Active Steering Assist with Active Emergency Stop Assist, Active Lane Change Assist Functions, Active Brake Assist with a cross-traffic function, Active Speed Limit Assist with Traffic Sign Assist, Active Blind Spot Assist with Exit Warning, Active Lane Keeping Assist, Active Parking Assist ជាដើម៕

ផ្ទាំងផ្សាយពាណិជ្ជកម្ម

Mazda CX-9 ឆ្នាំ២០២១ ប្រភេទពិសេសមួយ ផលិតតែ ១១០គ្រឿងគត់

December 18, 2020

ក្រុមហ៊ុន Mazda បានចាប់ផ្តើមចេញលក់រថយន្ត CX-9 ស៊េរីឆ្នាំ២០២១ នៅក្នុងប្រទេសអូស្ត្រាលី ដោយចែកចេញជា ៥ម៉ូដែល គឺ Sport, Touring, GT, Azami និង 100th Anniversary Edition។

រថយន្ត Mazda CX-9 ប្រភេទពិសេស 100th Anniversary Edition នេះ នឹងត្រូវផលិតត្រឹមតែ ១១០គ្រឿងប៉ុណ្ណោះ សម្រាប់ទីផ្សារប្រទេសអូស្ត្រាលី។

SUV ខ្នាតធំមានបំពាក់កៅអី ៣ជួរនេះ នឹងប្រើម៉ាស៊ីនសាំង SkyActiv-G ចំណុះ ២,៥លីត្រ turbocharged ទំហំ ៤ស៊ីឡាំង មានកម្លាំង ២២៨សេះ ដំណើរការដោយប្រអប់លេខអូតូ ៦វគ្គ និងប៉ុងមួយវិលកង់មុខមកស្តង់ដារ ខណៈប៉ុងពីរជា Option។

រថយន្តនេះត្រូវបានដាក់លក់ក្នុងតម្លៃចាប់ពី ៤៥ ៩៩០ដុល្លារអូស្ត្រាលី ឬ ៣៤ ៧៨០ដុល្លារអាមេរិក សម្រាប់ម៉ូដែល Base Model និងឡើងរហូតដល់ ៧២ ៥៧៥ដុល្លារអូស្ត្រាលី ឬ ៥៤ ៨៨០ដុល្លារអាមេរិក សម្រាប់ម៉ូដែល 100th Anniversary Edition។

រថយន្តនេះមានបំពាក់ប្រព័ន្ធសុវត្ថិភាពស្តង់ដារ ដូចជា radar cruise control, lane departure warning, lane keeping assist, smart brake support, traffic sign recognition, blind spot monitoring, rear cross traffic alert, driver attention alert, smart city brake support និង high beam control ផងដែរ៕

ផ្ទាំងផ្សាយពាណិជ្ជកម្ម

មិនគួរអោយជឿ! ទិញឡានបង់រំលស់ មានក្រុមហ៊ុនរ៉ាប់រងចេញការប្រាក់អោយ

December 18, 2020

កុំភ្លេចអានអោយដល់ចប់ណាបងប្អូន ធានាថាពិសេស!!!! បងប្អូនទាំងអស់គ្នាប្រាកដជាមានចម្ងល់ជាក់ជាមិនខានឡើយ នៅពេលដែលបានឃើញចំណងជើងសរសេរ ទិញឡានបង់រំលស់ មានក្រុមហ៊ុនរ៉ាប់រងចេញការប្រាក់អោយ ប៉ុន្តែនេះជាការពិតមួយ មិនធ្លាប់មានពីមុនមក។ ក្រុមហ៊ុន BYD Cambodia ដែលជាក្រុមហ៊ុនផ្លូវការនៅកម្ពុជា នៃក្រុមហ៊ុន BYD ដ៏ធំនៅប្រទេសចិន បានធ្វើការផ្តល់ជូនកាដូរបំណាច់ឆ្នាំ មហាពិសេសជូនដល់អតិថិជនរបស់ខ្លួន សម្រាប់អបអរសាទរពិធីចូលឆ្នាំសកល ២០២១ខាងមុននេះ។ ការផ្តល់ជូនដ៏មហាពិសេសនោះ ដោយគ្រាន់តែមានប្រាក់ចាប់ពី $5,790 លោកអ្នកអាចទទួលយករថយន្តដ៏ថ្មីសន្លាងរបស់ BYD ដ៏ទំនើប ហើយធ្វើការបង់រំលស់តែថ្លៃដើម ដោយគ្មានការប្រាក់ ព្រោះក្រុមហ៊ុន BYD Cambodia ជាអ្នករ៉ាប់រងរាល់ការចំណាយនៃការប្រាក់ជូនលោកអ្នក។

កុំអោយខានពេល យើងខ្ញុំសូមធ្វើការសង្ខេបនៅការផ្តល់ជូនរួមមាន៖

1. បង់រំលស់គ្មានការប្រាក់ ដោយគ្រាន់តែធ្វើការបង់ប្រាក់មុន សម្រាប់រថយន្ត

F3 បង់មុនត្រឹមតែ $5,790
Song Pro បង់មុនត្រឹមតែ $11,370
Tang បង់មុនត្រឹមតែ $16,080

2. មានឱកាសគោះស៊ុតនាំសំណាង ទទួលបានរង្វាន់ភ្លាមៗ ដែលមានរង្វាន់ធំគឺទូរទស្សន៌ 55 អ៊ីញ។

អ្វីដែល BYD Cambodia តែងតែមានផ្តល់ជូនទៀតនោះគឺការធានាលើសគេរហូតដល់ 4ឆ្នាំ ឬ 10ម៉ឺនគ.ម ប្តូរប្រេងម៉ាស៊ីនរយៈពេល 3ឆ្នាំដោយឥតគិតថ្លៃ និងផ្តល់ជូនបច្ចេកវិទ្យាទំនើបចុងក្រោយ សន្សំសំចៃខ្ពស់។

សម្រាប់ព័ត៌មានបន្ថែម ទាក់ទងមកយើងខ្ញុំ 023 886 687 / 017 555 824 ឬអាគារតាំងបង្ហាញ (ផែនទី ចុចទីនេះ!) ឬ Facebook: BYD Cambodia

ផ្ទាំងផ្សាយពាណិជ្ជកម្ម

Bentley កំពុងតេស្តឡានតម្លៃ ២លានដុល្លារ ដែលផលិតត្រឹម១២គ្រឿងគត់

December 17, 2020

Bentley បានបង្ហាញចេញនូវផលិតផលគំរូនៃរថយន្ត Mulliner Bacalar ដែលនឹងត្រូវប្រើប្រាស់សម្រាប់ការធ្វើតេស្តភាពធន់ និងការតេស្តជាច្រើនប្រភេទទៀតមុននឹងចាប់ផ្ដើមការផលិតជាផ្លូវការ។

ដើមឡើយរថយន្ត Mulliner Bacalar ប្រភេទគំរូគឺត្រូវបង្ហាញវត្តមាននៅក្នុងកម្មវិធី Geneva Motor Show ឆ្នាំ ២០២០ កាលពីខែមីនា។ យ៉ាងណាក្ដីដោយសារកម្មវិធីត្រូវរំសាយចោលព្រោះជំងឺកូវីដ១៩ ទើបវាត្រូវបង្ហាញខ្លួនយឺតពេល។

គួរដឹងថារថយន្ត Mulliner Bacalar នេះក្រុមហ៊ុនគ្រោងនឹងផលិតត្រឹម ១២គ្រឿងប៉ុណ្ណោះ ដែលរថយន្តទាំងអស់ត្រូវបានអតិថិជនទិញយកទាំងមុនពេលវាបង្ហាញវត្តមានជាផ្លូវការទៅទៀត ទោះបីជារថយន្តមួយគ្រឿងៗមានតម្លៃដល់ខ្ទង់ ២លានដុល្លារក្ដី។

រថយន្តនេះមានបំពាក់នូវម៉ាស៊ីន Twin-Turbo ចំណុះ ៦,០លីត្រ ១២ស៊ីឡាំង ដែលអាចផលិតកម្លាំង ៦៥០សេះ ភ្ជាប់នឹងប្រអប់លេខស្វ័យប្រវត្តិ៨វគ្គ និងប្រព័ន្ធបើកបរប៉ុងពីរ ហើយវាមានល្បឿនអតិបរមា ៣២២គ.ម/ម៉៕

ផ្ទាំងផ្សាយពាណិជ្ជកម្ម

ឡានចិនឌីហ្សាញដោយអតីតបុគ្គលិក Rolls-Royce ចាប់ផ្ដើមបង្ហាញវត្តមានក្រៅស្រុក

December 17, 2020

កាលពីថ្មីៗកន្លងនេះម៉ាករថយន្ត Hongqi ដែលជាម៉ាករថយន្តប្រណីតមួយរបស់ចិន បានដាក់លក់រថយន្ត Hongqi H9 របស់ខ្លួនក្នុងទីក្រុងឌុយបៃ នៃសហភាពអារ៉ាប់រួមជាផ្លូវការ។

នៅទីក្រុងឌុយបៃរថយន្ត Hongqi H9 មានដាក់លក់ក្នុងតម្លៃប្រមាណ ៦២ ៥៩៣ដុល្លារ ដល់ប្រមាណ ៨៤ ៣៧៤ដុល្លារ ដែលតម្លៃនេះហាក់ខ្ពស់ជាងតម្លៃលក់នៅប្រទេសចិនបន្តិចបន្តួច។ រថយន្ត Hongqi H9 បានបង្ហាញវត្តមានជាផ្លូវការនៅប្រទេសចិនកាលពីខែមករាឆ្នាំ ២០២០ ប៉ុន្តែដល់ខែសីហា ទើបគេដឹងអំពីតម្លៃរបស់វា។

រថយន្តម៉ូដែល H9 នេះតាមពិតទៅគឺបានឌីហ្សាញឡើងដោយអ្នកឌីហ្សាញឈ្មោះ Giles Taylor ដែលជាអតីតបុគ្គលិករបស់ក្រុមហ៊ុនរថយន្តអង់គ្លេស Rolls-Royce។ ដូចនេះហើយ រូបរាងរបស់វាមើលទៅហាក់ស្រដៀងនឹងរថយន្ត Rolls-Royce អ៊ីចឹងដែរ។

រថយន្តដែលលក់នៅឌុយបៃគឺមានបំពាក់ម៉ាស៊ីនដូចនៅប្រទេសចិនដែរ ដោយមានជម្រើសម៉ាស៊ីន Turbocharged ចំណុះ ២,០លីត្រ ៤ស៊ីឡាំង និងជម្រើសម៉ាស៊ីន Supercharged ចំណុះ ៣,០លីត្រ ៦ស៊ីឡាំង៕

ផ្ទាំងផ្សាយពាណិជ្ជកម្ម

ឡានប្រើអ៊ីដ្រូហ្សែន Toyota Mirai ២០២១ តម្លៃចាប់ពី ៥ម៉ឺនដុល្លារ

December 17, 2020

ក្រុមហ៊ុន Toyota បានប្រកាសតម្លៃនៃរថយន្តប្រើអ៊ីដ្រូហ្សែន Mirai ស៊េរីឆ្នាំ២០២១ ជាផ្លូវការ គឺចាប់ពី ៤៩ ៥០០ដុល្លារ សម្រាប់ទីផ្សារសហរដ្ឋអាមេរិក។

Toyota Mirai ឆ្នាំ២០២១ ទទួលបានការអាប់ដេតច្រើន បើប្រៀបធៀបទៅនឹងស៊េរីមុន ដោយលើកនេះមានបំពាក់ចង្កៀង LED និងយ៉ាន់ ១៩អ៊ីញមកស្តង់ដារ។ ជាមួយគ្នានេះដែរ វាក៏បំពាក់កុងទ័រឌីជីថល ៨អ៊ីញ និងអេក្រង់កម្សាន្ត ១២,៣អ៊ីញ អាចភ្ជាប់មុខងារ Android Auto, Apple CarPlay និង Amazon Alexa ព្រមទាំងប្រព័ន្ធសំឡេង JBL ១៤គ្រាប់ទៀតផង។

បើនិយាយពីសុវត្ថិភាពវិញ Mirai ឆ្នាំ២០២១ មានបំពាក់មុខងារដូចជា auto high beam headlights, blind spot monitor with rear cross-traffic alert, pre-collision system with pedestrian detection, lane departure alert with steering assist, road sign assist, lane tracing assist និង full-speed range dynamic radar cruise control។

រថយន្តនេះមានកម្លាំង ១៨០សេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៩,២វិនាទី ហើយអាចបើកបរបានចម្ងាយ ៦៤៧គីឡូម៉ែត្រ នៅពេលចាក់អ៊ីដ្រូហ្សែនមួយពេញ៕

ផ្ទាំងផ្សាយពាណិជ្ជកម្ម

Nissan Murano ឆ្នាំ២០២១ ចេញតម្លៃជាផ្លូវការ តែជាង៣ម៉ឺនដុល្លារ

December 17, 2020

ក្រុមហ៊ុន Nissan បានប្រកាសអំពីព័ត៌មានលម្អិត និងលក្ខណៈពិសេសរបស់រថយន្ត Murano ស៊េរីឆ្នាំ២០២១ ជាផ្លូវការ ដោយលើកនេះបានអាប់ដេតច្រើនលើប្រព័ន្ធសុវត្ថិភាព ក៏ដូចជាបន្ថែមជម្រើសពណ៌ថ្មីចំនួន ៣ ទៀតផង។

សម្រាប់ស៊េរីឆ្នាំ២០២១ រថយន្ត Murano ឥឡូវនេះមានបំពាក់បច្ចេកវិទ្យា Nissan’s Safety Shield 360 មកស្តង់ដារតែម្តង។ បើទោះបីជាមានបន្ថែមមុខងារស្តង់ដារមកច្រើនជាងមុន ប៉ុន្តែរថយន្ត Murano ថ្មីនេះមានតម្លៃចាប់ពី ៣២ ៥១០ដុល្លារ នៅលើទីផ្សារសហរដ្ឋអាមេរិក។

SUV របស់ជប៉ុននេះមានបំពាក់ម៉ាស៊ីនចំណុះ ៣,៥លីត្រ V6 មានកម្លាំង ២៦០សេះ ដំណើរការដោយប្រអប់លេខអូតូ Xtronic CVT និងប៉ុងមួយវិលកង់មុខមកស្តង់ដារ ខណៈប៉ុងពីរ AWD ជា Option។ Murano មានចែកចេញជា ៤ ម៉ូដែល គឺ S, SV, SL និង Platinum។

ក្នុងនោះ Nissan បានផ្តល់នូវ Option ថ្មីហៅថា Special Edition Package មានតម្លៃ ២ ៥៣០ដុល្លារ ដោយបន្ថែមដំបូល Dual Panel Moonroof, មុខងារ Intelligent Around View Monitor, មុខងារកម្តៅកៅអីមុខ, យ៉ាន់ Alloy ២០អ៊ីញ។ ដោយឡែក អេក្រង់កម្សាន្ត ៨អ៊ីញ អាចភ្ជាប់មុខងារ Android Auto និង Apple CarPlay មានបំពាក់មកស្តង់ដារ៕

ផ្ទាំងផ្សាយពាណិជ្ជកម្ម

Lamborghini បង្ហាញចេញឡានថ្មីមួយ មានលុយចង់ទិញក៏មិនបាន

December 16, 2020

ក្រុមហ៊ុន Lamborghini បានបង្ហាញនូវរូបរាងរថយន្តថ្មីមួយ បង្កើតចេញពីគម្រោងការ Squadra Corsa ដែលជារថយន្តម៉ូដែល SC20 ហើយវាមានតែមួយគ្រឿងគត់លើលោក ហើយវាត្រូវបានផលិតឡើងតាមរថយន្ត Lamborghini Roadster។

រថយន្តពិសេសនេះត្រូវបានផលិតឡើងនៅ Lamborghini Centro Stile ដើម្បីបំពេញតាមការចង់បានរបស់អតិថិជនម្នាក់ ដែលអតិថិជននោះបានចូលរួមក្នុងគម្រោងការផលិតតាំងពីពេលចាប់ផ្ដើម រហូតដល់ពេលបញ្ចប់។

រថយន្ត Lamborghini SC20 គឺមានបំពាក់ដោយម៉ាស៊ីនចំណុះ ៦,៥លីត្រ ១២ស៊ីឡាំង ដែលវាអាចផលិតកម្លាំងបាន ៧៦០សេះ។ តួខ្លួនរបស់រថយន្តធ្វើឡើងអំពីសរសៃកាបូន ដែលធ្វើឲ្យវាមានទម្ងន់ស្រាលអាចស្ទុះលឿន ហើយវាបើកបរជ្រែកខ្យល់បានយ៉ាងល្អផងដែរ៕