Aston Martin ប្រកាសជំហរបន្តលក់ឡានប្រើម៉ាស៊ីនរហូតដល់ឆ្នាំ ២០៣០

December 11, 2020

ត្បិតថាឧស្សាហកម្មយានយន្តបានដើរឆ្ពោះទៅកាន់ប្រព័ន្ធអគ្គិសនី រួមនិងការរឹតត្បិតនៅប្រទេសមួយចំនួនក្ដី ប៉ុន្តែ Aston Martin មិនមានផែនការបោះបង់រថយន្តប្រើម៉ាស៊ីនដំណើរការដោយប្រេងឥន្ធនៈទាំងស្រុងនោះទេ។

លោក Lawrence Stroll អ្នកដឹកនាំនៅ Aston Martin បាននិយាយដូចនេះថា ៖ នៅត្រឹមឆ្នាំ ២០៣០ នឹងមាន ៥% នៃអាជីវកម្មនៅតែជាប្រភេទរថយន្តដំណើរការដោយប្រេងឥន្ធនៈ។ ខ្ញុំមិនរំពឹងថារថយន្តប្រភេទនេះនឹងបាត់បង់ពីពិភពលោកទាំងស្រុងនោះទេ។”

ការប្រកាសជំហរចំពោះការបន្តការផលិតរថយន្តដំណើរការដោយប្រេងឥន្ធនៈសម្រាប់រយៈពេលច្រើនឆ្នាំបន្តបន្ទាប់ទៀតនោះ គឺស្របពេលដែលចក្រភពអង់គ្លេសបានប្រកាសហាមឃាត់មិនឲ្យមានរថយន្តដំណើរការដោយប្រេងឥន្ធនៈថ្មីៗលក់លើទីផ្សារចាប់ពីឆ្នាំ ២០៣០។ ទោះយ៉ាងណាក្ដី Aston Martin ក៏នៅមានជម្រើសទីផ្សារផ្សេងក្រៅពីចក្រភពអង់គ្លេសផងដែរ៕

ផ្ទាំងផ្សាយពាណិជ្ជកម្ម

ឡូយរបស់គេនេះ!! ស្ងាត់ស្ងាត់ Land Rover Defender ទទួលបានចំណាត់ថ្នាក់ផ្កាយ៥ ធ្វើព្រងើយ

December 11, 2020

អស់ស្ទះ! អស់ស្ទះ! អធិរាជរថយន្ត Off-Road Defender ដែលជារថយន្តទំនើប ធន់ម៉ាំបំផុតនោះ ទើបតែទទួលបានចំណាត់ថ្នាក់ ផ្កាយ៥ ឯណោះ សម្រាប់សុវត្ថិភាពរបស់រថយន្តពី Euro NCAP បើនិយាយពីការធ្វើតេស្តវិញ គឺថាបុកសាហាវតែម្តងគ្រាន់មើលការពិសោធន៍ក៏ញាក់សាច់ដែរ ប៉ុន្តែសម្រាប់ Defender នៅតែទប់ជាប់ និងផ្តល់សុវត្ថិភាពខ្ពស់ហួសពីការស្មាន សម្រាប់អ្នកដំណើរ។

Defender ទទួលបានពិន្ទុរហូតដល់ទៅ ៨៥ភាគរយ ក្នុងការការពារមនុស្សពេញវ័យ និងកូនក្មេង, ៧៩ភាគរយ លើប្រព័ន្ធជំនួយសុវតិ្ថភាព និង ៧១ភាគរយ ក្នុងការពារហានិភ័យទៅលើអ្នកដំណើរថ្មើរជើង ដូចនេះហើយបានធ្វើអោយរថយន្ត Defender បានទទួលលំដាប់ខ្ពស់ដាច់គេក្នុងចំណាត់ថ្នាក់ប្រព័ន្ធសុវត្ថិភាពនេះផងដែរ បន្ថែមពីនេះបូករួមជាមួយនឹងចំណាត់ថ្នាក់នេះដែរ Defender បានឈ្នះពានរង្វាន់លំដាប់ថ្នាក់អន្តរជាតិបានរហូតដល់ទៅ ២៨ ហើយ។

មិនធម្មតា Land Rover Defender បានបន្ថែមនូវពោងការពារគ្រោះថ្នាក់រហូតដល់ទៅ ៦ ជាមួយនឹងប្រព័ន្ធការពារ ISOFIX ដែលជាប្រព័ន្ធកាត់បន្ថយរំញោចកៅអីរបស់អ្នក នៅពេលមានគ្រោះថ្នាក់ណាមួយកើតឡើង។បើនិយាយពីតួរថយន្តរបស់ Land Rover Defender វិញនោះអស់ស្ទះតែម្តង គឺត្រូវបានធ្វើឡើងយ៉ាងរឹងមាំបំផុត សម្រាប់ត្រៀមខ្លួនក្នុងការពុះពារគ្រប់ឧបសគ្គនិងកាលៈទេសៈទាំងអស់ ជាពិសេសនោះគឺ ដើម្បីធានាពីសុវត្ថិភាពរបស់អ្នកប្រើប្រាស់ផងដែរ។

Land Rover Defender កំពុងល្បីរន្ទឺពេញពិភពលោក និងទីផ្សារកម្ពុជារហូតមកដល់សព្វថ្ងៃនេះ ដោយសារផ្អែកលើ ចំណុចល្អៗជាងរថយន្តដទៃ ដូចជាការបំពាក់នូវបច្ចេកវិទ្យាជំនួយជាច្រើនទៀត ការគ្រប់គ្រងហ្រ្វាំងក្នុងគ្រាអាសន្ន, ប្រព័ន្ធជំនួយសម្រាប់កន្លែងមើលមិនឃើញ, កាមេរ៉ា 3D នៅលើអេក្រង់ក្នុងរថយន្ត PIVI PRO Display, ប្រព័ន្ធស្មានជម្រៅទឹក និងប្រព័ន្ធជាច្រើនទៀតលើសពី ការរំពឹងទុក។

ដើម្បីទទួលព័ត៍មានបន្ថែម លោកអ្នកអាចមកអគារតាំងលក់ និងថែទាំជួសជុលរបស់រថយន្ដ Jaguar និង Land Rover ផ្ទាល់ ដើម្បីសាកសួរពត៏មានបន្ថែម ដែលស្ថិតនៅតាមបណ្ដោយមហាវិថី សហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ ឬទំនាក់ទំនងតាម:

លេខទូរស័ព្ទ៖ ០៨៩ ៦៦៦ ២៤០ និង ០៧០ ៩៩៩ ១១១
ទំព័រហ្វេសបុកផ្លូវការ: Land Rover Cambodia និង Jaguar Cambodia
ទំព័រអុីនស្តាក្រាម: Land Rover Cambo និង Jaguar Cambodia
និងគេហទំព័រ: Land Rover Cambodia និង Jaguar Cambodia

ផ្ទាំងផ្សាយពាណិជ្ជកម្ម

Nissan Kicks សេរ៊ីឆ្នាំ២០២១ ចេញផ្លូវការ ជាមួយរូបរាងយ៉ាងហំ

December 11, 2020

ក្រុមហ៊ុន Nissan បានប្រកាសចេញរថយន្ត Nissan Kicks សេរ៊ីឆ្នាំ២០២១ របស់ខ្លួនជាផ្លូវការសម្រាប់ទីផ្សារសហរដ្ឋអាមេរិច ។

ជាមួយរូបរាងខាងក្រៅរបស់រថយន្ត Kicks សេរ៊ីឆ្នាំ២០២១ បានបំពាក់ថ្មីជាមួយ ប៉ាណាខាងមុខជារាងអក្សរ V ត្រួតស៊ីគ្នា( Double V-motion) នឹងទទួលការអាប់ដេតទៅលើ ចង្កៀងមុខ-ក្រោយ ប្រភេទ LED, អំពូលកាត់អ័ព្ទ ប្រភេទ LED Fog Lights, កាងក្រោយ និង ស្ទាយកង់ផងដែរ។

ចូលដល់ខាងក្នុងកាប៊ីន បានបំពាក់ជាមួយ អេក្រង់បង្ហាញព័ត៍មានទំហំ ៧អ៊ីញ, រន្ធ USB Type-C, អេក្រង់កម្សាន្ត ទំហំ ៨អ៊ីញ ដែលមានមុខងារ Android Auto និង Apple CarPlay, Intelligent Around View Monitor និងប្រព័ន្ធស្តាប់តន្រ្តី ប្រភេទ Bose។

សម្រាប់រថយន្ត Kicks បានបំពាក់ជាមួយម៉ាស៊ីនចំណុះ ១,៦លីត្រ ចំនួន ៤ស៊ីឡាំង បង្កើតកម្លាំងបាន ១២២សេះ កម្លាំងរមួល ១៥៥ញ៉ូតុនម៉ែត្រ ប្រើប្រាស់ប្រអប់លេខ Xtronic CVT បញ្ចូនកម្លាំងទៅកាន់កង់មុខ។ បន្ថែមពីនេះ វានិងមានវត្តមាននៅលើទីផ្សារ នាខែកុម្ភះ ចំណែកតម្លៃនឹងប្រកាសនៅពេលជិតចេញលក់៕

ផ្ទាំងផ្សាយពាណិជ្ជកម្ម

Volvo ចាយលុយ ៨២លានដុល្លារ ដើម្បីផលិតម៉ូទ័រអគ្គិសនីឡានខ្លួនឯង

December 10, 2020

ក្រុមហ៊ុន Volvo ទើបតែបានប្រកាសថា ខ្លួននឹងចាប់ផ្តើមផលិតម៉ូទ័រអគ្គិសនី នៅឯរោងចក្រផលិតម៉ាស៊ីនរបស់ខ្លួន ក្នុងទីក្រុង Skövde ប្រទេសស៊ុយអែត ស្របពេលដែលវាកំពុងខិតទៅរកការផលិតតែរថយន្តអគ្គិសនីសុទ្ធ។

ក្រុមហ៊ុនផលិតរថយន្តខាងលើនឹងវិនិយោគលើទំហំទឹកប្រាក់ចំនួន ៨២,៥លានដុល្លារ ដើម្បីបង្កើតផលិតកម្មម៉ូទ័រអគ្គិសនីក្នុងផ្ទះ។ នៅក្នុងដំណាក់កាលដំបូង រោងចក្រ Skövde នឹងគ្រាន់តែដំឡើងម៉ូទ័រអគ្គិសនីធម្មតា ខណៈដំណាក់កាលចុងក្រោយ វានឹងចាប់ផ្តើមដំណើរការផលិតពេញលេញទាំងស្រុងនៅក្នុងផ្ទះតែម្តង។

លោក Javier Varela អនុប្រធានជាន់ខ្ពស់ផ្នែកប្រតិបត្តិការឧស្សាហកម្ម និងគុណភាពនៅក្រុមហ៊ុន Volvo បានមានប្រសាសន៍ថា “រថយន្ត Volvo ដំបូងបង្អស់ពីឆ្នាំ ១៩២៧ ត្រូវបានបំពាក់ដោយម៉ាស៊ីនមួយ ដែលបានផលិតនៅរោងចក្រ Sköde”។ លោកបន្តថា “ក្រុមការងារនេះមានជំនាញខ្ពស់ និងប្តេជ្ញាធ្វើតាមស្តង់ដារគុណភាពខ្ពស់បំផុត។ ដូច្នេះវាសមហេតុផល ដែលពួកគេនឹងក្លាយជាផ្នែកមួយ នៃអនាគតដ៏រំភើបរបស់យើង”។

ការរចនា និងការអភិវឌ្ឍម៉ូទ័រអគ្គិសនីដែលបច្ចុប្បន្នត្រូវបានប្រើដោយ Volvo ធ្វើឡើងនៅទីក្រុង Gothenburg ប្រទេសស៊ុយអែត និង ទីក្រុងសៀងហៃ ប្រទេសចិន។ នៅពេលដែលការផលិតម៉ូទ័រអគ្គិសនីនៅឯរោងចក្រ Skövde ចាប់ផ្តើមការផលិតម៉ាស៊ីនចំហេះខាងក្នុង នឹងត្រូវផ្ទេរទៅឲ្យក្រុមហ៊ុនបុត្រសម្ព័ន្ធដាច់ដោយឡែករបស់ក្រុមហ៊ុន Volvo គឺ Powertrain Engineering Sweden ដែលនឹងត្រូវរួមបញ្ចូលគ្នាជាមួយប្រតិបត្ដិការម៉ាស៊ីនចំហេះរបស់ក្រុមហ៊ុន Geely នាពេលក្រោយ។

គួរឲ្យដឹងថា ក្រុមហ៊ុន Volvo ចង់ឲ្យពាក់កណ្តាលនៃការលក់ជាសកលរបស់ខ្លួន ក្លាយជារថយន្តអគ្គិសនីទាំងអស់ នៅត្រឹមឆ្នាំ ២០២៥ ខណៈសល់ប៉ុន្មានគឺរថយន្ត Hybrid៕

ផ្ទាំងផ្សាយពាណិជ្ជកម្ម

Acura ថាគ្មានគម្រោងផលិត SUV ថ្មីប្រើ Hybrid ទេ

December 10, 2020

បន្ទាប់ពីបានប្រកាសចេញរថយន្ត MDX ស៊េរីឆ្នាំ២០២២ រួចមក ក្រុមហ៊ុន Acura បាននិយាយថា ខ្លួនគ្មានគម្រោងដើម្បីផលិតរថយន្ត MDX ប្រភេទ Hybird ឡើយ។

គួរឲ្យដឹងថា MDX ជំនាន់មុន ត្រូវបានដាក់លក់រថយន្តប្រភេទ Flagship របស់ខ្លួន ជាម៉ូដែល MDX Sport Hybrid ដោយបំពាក់ម៉ាស៊ីនចំណុះ ៣,០លីត្រ V6 មានកម្លាំង ២៥៧សេះ ដំណើរការជាមួយម៉ូទ័រអគ្គិសនី៣ ធ្វើឲ្យវាមានកម្លាំងសរុបដល់ ៣២១សេះឯណោះ។

ទោះជាយ៉ាងណា នៅក្នុងកិច្ចសម្ភាសន៍ជាមួយគេហទំព័រ Autoblog ក្រុមហ៊ុនរថយន្តជប៉ុនមួយនេះបានបញ្ជាក់ថា មិនទាន់មានគម្រោងផលិតរថយន្ត MDX Hybrid ថ្មីឡើយ ដោយសារតែខ្លួនកំពុងត្រៀមចេញម៉ូដែល MDX Type S ដែលមានបំពាក់ម៉ាស៊ីន turbocharged ចំណុះ ៣,០លីត្រ V6 មានកម្លាំង ៣៥៥សេះ។

សូមបញ្ជាក់ថា ប្រព័ន្ធ Hybrid នៅលើរថយន្ត Acura MDX Sport Hybrid ជំនាន់មុន គឺប្រើម៉ូទ័រអគ្គិសនីមួយនៅក្នុងប្រអប់លេខ ៧វគ្គ dual-clutch និង ម៉ូទ័រ២ទៀតប្រើនៅលើកង់ក្រោយ។ វាមានកម្រិតស៊ីសាំងជាមធ្យម ៨,៧លីត្រ/១០០គីឡូម៉ែត្រ៕

ផ្ទាំងផ្សាយពាណិជ្ជកម្ម

Porsche ផលិតឡាន Cayenne បាន១លានគ្រឿងហើយ

December 10, 2020

ដើមឡើយ Porsche គឺជាម៉ាកយីហោមួយដែលផ្ដោតតែលើរថយន្តស្ព័រដូចជាម៉ូដែល 911 និងម៉ូដែល Cayman តែប៉ុណ្ណោះ។ ប៉ុន្តែម៉ាកមួយនេះបានផ្លាស់ប្ដូរទៅតាមទំនោរពេញនិយមរបស់អតិថិជនដើម្បីអាចមានដង្ហើមដកតទៀតបាន។

ភាពពេញនិយមនៃរថយន្ត SUV បានធ្វើឲ្យ Porsche អភិវឌ្ឍន៍រថយន្តថ្មីមួយទៀតបន្ថែមពីលើរថយន្តស្ព័រ ដែលវាជារថយន្តដែលបានជួយសង្គ្រោះឲ្យ Porsche គេចចេញពីវិបត្តិបាន នោះគឺរថយន្ត Porsche Cayenne។

រថយន្ត Porsche Cayenne ជំនាន់ដំបូងបានចេញលក់នៅឆ្នាំ ២០០២ ហើយក្នុងរយៈពេលដ៏ខ្លីវាបានក្លាយជារថយន្តលក់ដាច់ជាងគេរបស់ Porsche រហូតមកដល់បច្ចុប្បន្ននេះ Porsche ផលិតវាបានចំនួន ១លានគ្រឿងហើយ ដែលជាសមិទ្ធផលដ៏អស្ចារ្យមួយ៕

ផ្ទាំងផ្សាយពាណិជ្ជកម្ម

ឡាន SUV ទំនងជាកាន់កាប់ចំណែក ៧៥% នៃចំនួនលក់សរុបរបស់ Volvo

December 10, 2020

Volvo បានបង្ហាញក្ដីរំពឹងថារថយន្ត SUV នឹងកាន់កាប់ចំណែកធំក្នុងចំនួនលក់សរុបរបស់ខ្លួនលើទីផ្សារសកល ក្រោយពីខ្លួនបានបន្ថែមរថយន្ត SUV ថ្មីមួយម៉ូដែលទៀត ដែលស្ថិតនៅក្រោមរថយន្ត CX40។

Volvo រំពឹងថាចំនួនលក់ SUV នឹងមានចំណែករហូតដល់ ៧៥%។ ត្បិតថា Volvo មិនបញ្ជាក់អំពីកាលបរិច្ឆេទនៃរថយន្ត SUV ក្ដោបក្ដាប់ចំនួនលក់ច្រើនដូចនេះ ប៉ុន្តែគួរដឹងថាក្នុងពេល ១១ខែនៃឆ្នាំ ២០២០ នេះ ចំនួនរថយន្ត SUV ដែលលក់ចេញគឺស្មើនឹង ៧១% នៃចំនួនលក់សរុបរបស់ Volvo ដែលកើនឡើងពីចំនួន ៦៣% កាលពីឆ្នាំមុន។

រថយន្តដែល Volvo អាចលក់ដាច់បានច្រើនជាងគេនៅឆ្នាំនេះគឺម៉ូដែល CX60 ដែលមានចំនួនលក់សរុប ១៦៩ ៤៤៥គ្រឿង នៅទូទាំងសកលលោក៕

ផ្ទាំងផ្សាយពាណិជ្ជកម្ម

មកមើលឡាន Tesla Model 3 បើកវ៉ាឡានសំរាម ដោយស្វ័យប្រវត្តិ (មានវីដេអូ)

December 9, 2020

កាលពីខែតុលាកន្លងទៅនេះ ក្រុមហ៊ុន Tesla បានបញ្ចេញនូវមុខងារបើកស្វ័យប្រវត្តិពេញលេញសាកល្បង Full Self-Driving Beta របស់ខ្លួន ទៅឲ្យម្ចាស់រថយន្ត Tesla មួយចំនួនតូច ដើម្បីសាកល្បងមុខងារនេះ ហើយវីដេអូខាងក្រោមនេះ នឹងបង្ហាញនូវអ្វីដែលប្រព័ន្ធនេះអាចធ្វើបាន។

មុខងារបើកស្វ័យប្រវត្តិពេញលេញ Full Self-Driving គឺជាបច្ចេកវិទ្យាដែលកំពុងខិតជិតស្វ័យភាពពេញលេញបំផុត ដូច្នេះវាគួរឲ្យចាប់អារម្មណ៍ខ្លាំងណាស់ ក្នុងការមើលពីរបៀបដែលវាដំណើរការនៅក្នុងពិភពលោកជាក់ស្តែង។

នៅក្នុងវីដេអូឃ្លីបនោះ រថយន្ត Tesla Model 3 ដែលមានបំពាក់មុខងារបើកស្វ័យប្រវត្តិពេញលេញ បានបើកខិតទៅជិតរថយន្តដឹកសំរាមដែលកំពុងតែធ្វើដំណើរយឺតៗ ហើយរថយន្ត Tesla ក៏បន្ថយល្បឿនញឹកញាប់ដែរ។ ភ្លាមៗនោះ ប្រព័ន្ធរបស់រថយន្តបានសម្រេចចិត្តថា សកម្មភាពល្អបំផុតក្នុងកាលៈទេសៈនោះ គឺវ៉ារថយន្តដឹកសំរាប់តែម្តង៕

ចង់ដឹងថាវាដំណើរការយ៉ាងណា សូមទស្សនាវីដេអូខាងក្រោម៖

ផ្ទាំងផ្សាយពាណិជ្ជកម្ម

Jaguar ចេញឡាន F-Type Heritage 60 Edition ថ្មី ផលិតតែ ៦០គ្រឿងគត់

December 9, 2020

ក្រុមហ៊ុន Jaguar បានអបអរសាទរគំរប់ខួបលើកទី ៦០ឆ្នាំ នៃម៉ូដែល E-Type ដោយបានបញ្ចេញរថយន្ត F-Type Heritage 60 Edition ដែលផលិតមានចំនួនកំណត់ត្រឹមតែ ៦០គ្រឿងប៉ុណ្ណោះនៅទូទាំងពិភពលោក ហើយមានទាំងប្រភេទតួខ្លួន Coupe និង បើកដំបូល។

រថយន្ត F-Type Heritage 60 Edition ថ្មីនេះ មានភាពលេចធ្លោខុសប្លែកពីម៉ូដែល F-Type ធម្មតា ដោយការប្រើប្រាស់ពណ៌ខ្លួនបៃតងចាស់ Sherwood Green ដែលឈប់ផ្តល់ជូនលើរថយន្ត Jaguar ថ្មី តាំងពីអំឡុងឆ្នាំ១៩៦០។

បន្ថែមពីនេះវាក៏មានបំពាក់យ៉ាន់ Forged Alloy ទំហំ២០អ៊ីញ ពណ៌ខ្មៅរលោង, ដុំហ្វ្រាំងពណ៌ខ្មៅ និង ឡូហ្គូដ៏ពិសេស ទៀតផង។

រថយន្តថ្មីនេះត្រូវបានផលិតផ្អែកតាមម៉ូដែល F-Type R ដែលមានន័យថា វាបំពាក់ម៉ាស៊ីនចំណុះ ៥,០លីត្រ Supercharged V8 មានកម្លាំងរហូតដល់ទៅ ៥៦៧សេះឯណោះ។ ចំពោះតម្លៃរបស់វាវិញ គឺចាប់ពី ១២២ ៥០០ផោន ឬប្រហែលខ្ទង់ ១៦៣ ៩០០ដុល្លារ នៅលើទីផ្សារចក្រភពអង់គ្លេស៕

ផ្ទាំងផ្សាយពាណិជ្ជកម្ម

Mazda CX-8 ឆ្នាំ២០២១ ចេញលក់នៅស្រុកកំណើតតម្លៃជាង ២ម៉ឺនដុល្លារ

December 9, 2020

Mazda នៃប្រទេសជប៉ុនទើបបានបង្ហាញចេញជាផ្លូវការនូវរថយន្ត Mazda CX-8 ស៊េរីឆ្នាំ ២០២១ ដែលមានការផ្លាស់ប្ដូរមុខមាត់ថ្មី រួមទាំងមានផ្លាស់ប្ដូរការឌីហ្សាញផ្នែកក្នុង និងជម្រើសម៉ាស៊ីនផងដែរ។

រថយន្ត Mazda CX-8 ស៊េរីថ្មីមានជម្រើសម៉ាស៊ីនបីប្រភេទដែលក្នុងនោះមានម៉ាស៊ីនសាំង ២,៥លីត្រ ចំនួនពីរប្រភេទ និងម៉ាស៊ីនម៉ាស៊ូត ២,២លីត្រ។ ប្រភេទម៉ាស៊ីនសាំងមាន SkyActiv-G 2.5 និង SkyActive-G 2.5T ដែលភ្ជាប់នឹងប្រអប់លេខស្វ័យប្រវត្តិ៦វគ្គ ដែលមួយមានកម្លាំង ១៩០សេះ និងមួយមានកម្លាំង ២៣០សេះ។ ចំណែកម៉ាស៊ីនម៉ាស៊ីន SkyActiv-D 2.2 អាចផលិតកម្លាំងបាន ២០០សេះ និងប្រើលេខអូតូ៦វគ្គ។

Mazda CX-8 ស៊េរីថ្មីដែលនឹងដាក់លក់នៅជប៉ុនចាប់ពីថ្ងៃទី១៧ ខែធ្នូ នឹងមានដាក់លក់តម្លៃចាប់ពីប្រមាណ ៣២ ៤២៩ដុល្លារ សម្រាប់ SkyActive-D 2.2 និង SkyActiv-G 2.5 តម្លៃចាប់ពីប្រមាណ ២៨ ៧៥៧ដុល្លារ ហើយ SkyActiv-G 2.5T មានតម្លៃចាប់ពីប្រមាណ ៤៥ ៧៣៨ដុល្លារ៕

ផ្ទាំងផ្សាយពាណិជ្ជកម្ម