Toyota GR Yaris ឆ្នាំ២០២១ តម្លៃជិត៩ម៉ឺនដុល្លារ នៅប្រទេសថៃ

December 7, 2020

រថយន្ត Toyota GR Yaris ស៊េរីឆ្នាំ ២០២១ បានបង្ហាញវត្តមានជាលើកដំបូងក្នុងប្រទេសថៃតាមរយៈកម្មវិធីតាំងបង្ហាញរថយន្ត Motor Expo ឆ្នាំ ២០២០ ដែលបានរៀបចំឡើងនៅទីក្រុងបាងកកជាលក្ខណៈអនឡាញ។

រថយន្តខាងលើនេះមានកំណត់ចំនួនលក់ត្រឹម ៧០គ្រឿងប៉ុណ្ណោះ នៅប្រទេសថៃ ជាមួយតម្លៃជិត ៩ម៉ឺនដុល្លារឯណោះ។ រថយន្តនេះមានប្រើប្រាស់នូវម៉ាស៊ីន Turbocharged ចំណុះ ១,៦លីត្រ ៣ស៊ីឡាំង ដែលអាចផលិតកម្លាំងបាន ២៥៧សេះ និងប្រើប្រព័ន្ធបើកបរវិលកង់ទាំងបួន ជាមួយលេខដៃ៦វគ្គ។

រថយន្តស្ព័រដ៏តូចច្រឡឹងនេះក៏មានបំពាក់ភ្លើង LED ប្រភេទ LED, ប្រើប្រាស់កៅអីប្រណាំងដែលស្រោបស្បែល Ultrasuede, មានអេក្រង់កម្សាន្តទំហំ ៨អ៊ីញ អាចភ្ជាប់ជាមួយ Apple CarPlay និង Android Auto, មានម៉ាស៊ីនត្រជាក់ពីរតំបន់, ផ្លិតទឹកអូតូ និងមុខងារជំនួយការបើកបរជាច្រើនផងដែរ៕

ផ្ទាំងផ្សាយពាណិជ្ជកម្ម

Mercedes ផលិតឡាន G-Class បាន ៤០ម៉ឺនគ្រឿងហើយ

December 5, 2020

Mercedes-Benz បានធ្វើការអបអរសាទរសមិទ្ធផលដ៏សំខាន់ថ្មីមួយសម្រាប់រថយន្ត G-Class ដោយក្រុមហ៊ុនអាចផលិតរថយន្ត Off-Road នេះបានចំនួន ៤០ម៉ឺនគ្រឿងហើយ។

រថយន្ត G-Class ទី៤០ម៉ឺនគ្រឿង គឺជាម៉ូដែល G400d ពណ៌ក្រហម ដែលមានបំពាក់ម៉ាស៊ីន Turbodiesel ចំណុះ ៣,០លីត្រ ៦ស៊ីឡាំង ផលិតកម្លាំងបាន ៣២៥សេះ។ រថយន្តនេះនឹងត្រូវដឹកទៅជូនអតិថិជនម្នាក់រស់នៅប្រទេសអាល្លឺម៉ង់ ដែលអតិថិជនរូបនោះមានកាន់កាប់រថយន្ត G-Class ប្រមាណ ២០ម៉ូដែលមកហើយ។

រថយន្ត G-Class មានប្រវត្តិដំបូងតាំងពីឆ្នាំ ១៩៧២ មកម្ល៉េះ ហើយសម្រាប់រថយន្ត G-Class ជំនាន់ថ្មីគឺត្រូវបានផលិតតាំងពីឆ្នាំ ២០១៨ មក។ ប៉ុន្មានខែមុននេះ Mercedes-Benz បានផ្ដល់ការអាប់ដេតថ្មីលើរថយន្ត G-Class ដោយមានបន្ថែមគ្រឿងតុបតែងជាច្រើនផងដែរ៕

ផ្ទាំងផ្សាយពាណិជ្ជកម្ម

Audi ចំណាយរាប់ពាន់លានដុល្លារដើម្បីដេញតាម Tesla

December 5, 2020

Audi បានក្លាយជាក្រុមហ៊ុនឈានមុខគេរបស់ Volkswagen Group ដែលនឹងដឹកនាំខាងការអភិវឌ្ឍន៍បច្ចេកវិទ្យា និងគ្រោងឆ្អឹងរថយន្តអគ្គិសនីថ្មី។

ក្នុងនោះដែរ Audi កំពុងតែសិក្សាលើគម្រោងការមួយឈ្មោះថា Project Artemis ជាគម្រោងការផលិតរថយន្តអគ្គិសនីដ៏ទំនើប និងពោរពេញដោយការសម្ងាត់បំផុត ដែលគ្រោងនឹងបង្ហាញចេញនៅត្រឹមឆ្នាំ ២០២៤ ខាងមុខ។ ដើម្បីឲ្យគម្រោងការនេះសម្រេចបានដូចការគ្រោងទុក Audi បានធ្វើការដាក់ចេញផែនការនៃការចំណាយរហូតដល់ឆ្នាំ ២០២៥ ជាមួយការបណ្ដាក់ទុនជាទឹកប្រាក់ ១២ពាន់លានដុល្លារ។

Audi ក៏គ្រោងនឹងបង្ហាញចេញរថយន្តអគ្គិសនីថ្មីជាច្រើនក្នុងនោះរួមមានម៉ូដែល Audi Q4 e-tron និងរថយន្ត e-tron GT ដែលអាចនឹងចេញនៅឆ្នាំ ២០២១។ បន្ថែមពីនេះនៅត្រឹមឆ្នាំ ២០២៥ ក្រុមហ៊ុននឹងពង្រីកសែស្រឡាយរថយន្តអគ្គិសនីរបស់ខ្លួនឲ្យបានប្រមាណ ៣០ម៉ូដែល៕

ផ្ទាំងផ្សាយពាណិជ្ជកម្ម

Subaru Crosstrek Hybrid ឆ្នាំ២០២១ ចេញផ្លូវការ ជាមួយតម្លៃជាង ៣ម៉ឺនដុល្លារ

December 5, 2020

(ទីផ្សារបរទេស) ក្រុមហ៊ុន Subaru បានប្រកាសអំពីព័ត៌មានលម្អិតនៃតម្លៃរបស់រថយន្ត Subaru Crosstrek Hybrid ឆ្នាំ២០២១ សម្រាប់ទីផ្សារសហរដ្ឋអាមេរិកជាផ្លូវការ ជាមួយនឹងការទទួលបានការអាប់ដេតលើផ្នែករូបរាងមួយចំនួន រួមទាំងបំពាក់ថ្មីជាមួយកាងមុខ, អំពូលកាត់អ័ព្ទ និងប៉ាណាខាងមុខ។

សម្រាប់ទីផ្សារសហរដ្ឋអាមេរិក រថយន្ត Subaru Crosstrek Hybrid មានតម្លៃចាប់ផ្តើមពី ៣៥,៣៤៥ ដុល្លារដែលមានតម្លៃថ្លៃជាងម៉ូដែលឆ្នាំ ២០២០ ចំនួន២០០ ដុល្លារ។

រថយន្ត Crosstrek Hybrid បានបំពាក់ជាមួយម៉ាស៊ីនចំណុះ ២,០លីត្រ និងបច្ចេកវិទ្យា Subaru’s StarDrive ដែលមានម៉ូទ័រអគ្គិសនីចំនួន ២ ដែលមួយមានមុខងារជាអ្នកចាប់ផ្តើមដំណើរការម៉ាស៊ីន និងមួយទៀតជាអ្នកផ្តល់កម្លាំងជំនួយដល់ការបើកបរ។ ហើយម៉ូទ័រអគ្គិសនីទាំង ២អាចសាកភ្លើងនៅពេលរថយន្តកំពុងបើកបរ។

បន្ថែមពីនេះ វាក៏បានបំពាក់ជាមួយមុខងារជំនួយការបើកដោយមានឈ្មោះថា Subaru’s Eyesight Driver Assist Technology ដែលមានមុខងារដូចជា Automatic Pre-Collision Braking and Throttle Management, Lane Keep Assist, Lane Departure and Sway Warning, Lead Vehicle Start Alert, Reverse Automatic Braking, High Beam Assist, Blind Spot Detection with Lane Change Assist, Cross Traffic Alert និងPedestrian Alert System៕

ផ្ទាំងផ្សាយពាណិជ្ជកម្ម

Honda ប្រកាសចេញរថយន្ត CR-V Hybrid ឆ្នាំ២០២១ ជាមួយតម្លៃចាប់ពី ៤ម៉ឺនដុល្លារ

December 5, 2020

(ទីផ្សារបរទេស) ក្រុមហ៊ុន Honda បានធ្វើការប្រកាសចេញនូវរថយន្ត CR-V ប្រភេទ Hybrid សេរ៊ីឆ្នាំ២០២១ ជាផ្លូវការ ជាមួយការអាប់ដេតយ៉ាងទាន់សម័យ សម្រាប់ម៉ូឌែលអេឡិចត្រូនិចចុងក្រោយនេះ។

រថយន្ត CR-V ប្រភេទ Hybrid ស៊េរីឆ្នាំ ២០២១នេះ នឹងមានលក់តែនៅលើទីផ្សារចក្រភពអង់គ្លេសប៉ុណ្ណោះ ដោយចាប់ផ្តើមពីខែធ្នូនេះ ជាមួយតម្លៃចាប់ពី ៣០ ១៨០ផោន ប្រហែល ៤០ ៥០០ដុល្លារ។ បន្ថែមពីនេះ ម៉ូឌែលឆ្នាំ ២០២១នេះ បានបំពាក់នូវអក្សរ H ពណ័ខៀវ និងឡូហ្គូ e:HEV សម្រាប់សម្គាល់ម៉ូឌែលអេឡិចត្រូនិច នៅផ្នែកម៉ាស៊ីនខាងមុខ។ ផ្នែកដែលបានធ្វើការអាប់ដេតមានដូចជាថាសកង់ទំហំ ១៨អ៊ីញ, បំពាក់ជាស្តង់ដារសម្រាប់ កញ្ចក់ប្រភេទឯកជន (Privacy glass) ចាប់ពីប្រភេទ SE និងប្រភេទខ្ពស់ EX មានបំពាក់ជាមួយប្រព័ន្ធសាកថ្មទូរស័ព្ទឥតខ្សែ។

សម្រាប់រថយន្ត CR-V ប្រភេទ Hybridនេះ បានបំពាក់ជាមួយម៉ាស៊ីនសាំងចំណុះ ២,០លីត្រ i-VTEC ដំណើរជាមួយអាគុយ Atkinson និងម៉ូទ័រអគ្គិសនីចំនួន២ អាចបង្កើតកម្លាំងបានចំនួន ១៨១សេះ។ ព្រមទាំងអាចរត់ស្ទុះពីកុងទ័រ ០-១០០គ.ម/ម៉ ប្រើពេល ៨,៨វិនាទី សម្រាប់ប្រភេទប៉ុងមួយ(FWD) និងប្រើពេល ៩,២វិនាទី សម្រាប់ប្រភេតប៉ុងពីរ(AWD) ហើយមានល្បឿនអតិបរមា ១៨០គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

ទីបំផុត Mercedes-AMG GT Black Series ឆ្នាំ២០២១ ចេញតម្លៃលក់នៅអាមេរិកហើយ

December 5, 2020

រថយន្ត Mercedes-AMG GT Black Series ស៊េរីឆ្នាំ២០២១ នឹងមានលក់នៅលើទីផ្សារសហរដ្ឋអាមេរិក នាដើមឆ្នាំក្រោយ ហើយក្រុមហ៊ុននេះក៏បានប្រកាសពីតម្លៃលក់ផ្លូវការរបស់វាដែរ ដោយនឹងចាប់ពី ៣២៥ ០០០ដុល្លារឯណោះ។

តម្លៃស្ទើរទិញបានរថយន្ត Mercedes-AMG GT R ចំនួន ២គ្រឿង ប៉ុន្តែ GT Black Series ត្រូវបានគេឲ្យរហ័ស្សនាមថា “Incomparable Flagship” ដែលមានការឌីហ្សាញកាចខ្លាំង ជាមួយនឹងប្រព័ន្ធ Aerodynamics និង ម៉ាស៊ីន AMG V8 មានកម្លាំងខ្លាំងបំផុតមិនធ្លាប់មានទៀតផង។

GT Black Series មានបំពាក់ម៉ាស៊ីន twin-turbo ចំណុះ ៤,០លីត្រ V8 មានកម្លាំងរហូតដល់ទៅ ៧២០សេះ ដំណើរការដោយប្រអប់លេខអូតូ ៧វគ្គ ប្រភេទ dual-clutch និងប៉ុងមួយវិលកង់ក្រោយ។ រថយន្តនេះអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,២វិនាទី ហើយអាចរត់ដល់ល្បឿនអតិបរមា ៣២៥គីឡូម៉ែត្រក្នុងមួយម៉ោងឯណោះ។

ក្រៅពីមានកម្លាំងខ្លាំង GT Black Series នេះមានការឌីហ្សាញកាត់តាមរថយន្តប្រណាំង Motorsport ដោយបំពាក់កាងកាត់ខ្យល់មុខ Carbon Fiber, ថ្ពាល់មុខ Carbon Fiber, រន្ធបញ្ចេញខ្យល់លើគម្របម៉ាស៊ីន Carbon Fiber, ប៉ាណាមុខធំ, ដំបូល Carbon Fiber, កាងកន្ទុយត្រីខាងក្រោយ Carbon Fiber និងយ៉ាន់ ១៩អ៊ីញខាងមុខ ហើយ ២០អ៊ីញនៅខាងក្រោយ៕

ផ្ទាំងផ្សាយពាណិជ្ជកម្ម

Jaguar F-Pace SVR ឆ្នាំ២០២១ លឿនជាងមុន ហើយកាន់តែទំនើប

December 5, 2020

បន្ទាប់ពីបានដាក់បង្ហាញម៉ូដែល F-Pace ថ្មីរួចមក ឥឡូវនេះ Jaguar បានប្រកាសចេញម៉ូដែល F-Pace SVR ស៊េរីឆ្នាំ២០២១ ថ្មី ដែលជាប្រភេទមានកម្លាំងខ្លាំងបំផុតនៃត្រកូលនេះ។

រថយន្ត SUV នេះមានបំពាក់ម៉ាស៊ីនចំណុះ ៥,០លីត្រ supercharged V8 មានកម្លាំងរហូតដល៉ទៅ ៥៤២សេះ ដំណើរការដោយប្រអប់លេខអូតូ ៨វគ្គ ប្រភេទ ZF និងប៉ុងពីរ AWD ដែលអនុញ្ញាតឲ្យវាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,៨វិនាទី ហើយមានល្បឿនអតិបរមាដល់ ២៨៦គីឡូម៉ែត្រក្នុងមួយម៉ោង។

ជាមួយគ្នានេះដែរ វិស្វករនៅ Jaguar នៅអាប់ដេតលើប្រព័ន្ធ Dynamic Driving Mode ដែលជួយសម្រួលដល់ការឆ្លើយតបរបស់ហ្គែរ, អាប់ដេតប្រព័ន្ធជើងក្រោមរឹងជាងមុន, សម្រួលដល់ទម្ងន់ដៃចង្កូត និងប្រព័ន្ធស៊ីម៉ាំង ផងដែរ។ ក្រៅពីនោះ វាក៏បានអាប់ដេតលើប្រព័ន្ធហ្វ្រាំង ដែលអាចឲ្យវាឆាប់ត្រជាក់ និងស៊ីខ្លាំងជាងមុនទៀតផង។

ចំណែកឯផ្នែកខាងក្នុងកាប៊ីនវិញ វាបំពាក់កុងទ័រឌីជីថលទំហំ ១២,៣អ៊ីញ និងអេក្រង់កម្សាន្តកោងទំហំ ១១,៤អ៊ីញ ដែលដំណើរការដោយប្រព័ន្ធ Pivi Pro ជំនាន់ចុងក្រោយបង្អស់របស់ Jaguar៕

ផ្ទាំងផ្សាយពាណិជ្ជកម្ម

មកដឹងកម្រិតស៊ីប្រេង ឡាន Chevrolet Tahoe ឆ្នាំ២០២១

December 4, 2020

Chevrolet Tahoe ស៊េរីឆ្នាំ២០២១ ទទួលបានការអាប់ដេតជាច្រើន ប៉ុន្តែអ្វីដែលគួរឲ្យចាប់អារម្មណ៍បំផុត ក្រៅពីប្រព័ន្ធបូម independent rear suspension ថ្មីរបស់វា គឺការផ្តល់នូវជម្រើសម៉ាស៊ីន turbodiesel ថ្មី។

ឥឡូវនេះ Tahoe ឆ្នាំ២០២១ មានជម្រើសម៉ាស៊ីនម៉ាស៊ូតចំណុះ ៣,០លីត្រ Duramix ទំហំ ៦ស៊ីឡាំង មានកម្លាំង ២៧៧សេះ ដែលក្រុមហ៊ុន Chevrolet អះអាងថា ផ្តល់នូវដំណើរការស្រដៀងទៅនឹងប្រភេទម៉ាស៊ីន ៨ស៊ីឡាំងរបស់ពួកគេ។

ជាមួយគ្នានេះដែរ Chevrolet បានបញ្ជាក់ថា Tahoe ប្រើម៉ាស៊ីនម៉ាស៊ូត មានកម្រិតស៊ីប្រេងតិចជាងគេបំផុត បើប្រៀបធៀបជាមួយគូប្រជែង គឺ ១១,២លីត្រ/ក្នុងក្រុង ៨,៤លីត្រ/ក្រៅក្រុង និង ៩,៨លីត្រ/ជាមធ្យម សម្រាប់ការប្រើប្រាស់ចម្ងាយ ១០០គីឡូម៉ែត្រ ដោយតួលេខជាសម្រាប់ប្រភេទប៉ុងមួយ RWD។

ដោយឡែក ចំពោះម៉ូដែលប្រើប៉ុងពីរ 4WD វិញ គឺ ១១,៧លីត្រ/ក្នុងក្រុង ៩លីត្រ/ក្រៅក្រុង និង ១០,៦លីត្រ/ជាមធ្យម៕

ផ្ទាំងផ្សាយពាណិជ្ជកម្ម

Honda ឈប់ផលិតឡានប្រើសាំង និងម៉ាស៊ូត នៅឆ្នាំ២០២៣

December 4, 2020

យោងតាមប្រភពព័ត៌មានបានឲ្យដឹងថា ក្រុមហ៊ុន Honda ចង់បញ្ចប់ជីវិតរថយន្តប្រើម៉ាស៊ីនសាំង និងម៉ាស៊ូត ចេញពីទីផ្សារអឺរ៉ុប នៅត្រឹមឆ្នាំ២០២៣ ខាងមុខនេះ។

“វានឹងមានតែរថយន្តអគ្គិសនីសុទ្ធ និង Hybrid ប៉ុណ្ណោះ ហើយបន្ទាប់មកទៀតគឺនឹងបោះបង់ចោល Hybrid ទៀត”។ នេះបើតាមការបញ្ជាក់ពីក្រុមហ៊ុន Honda។

ជាមួយគ្នានេះដែរ ក្រុមហ៊ុនផលិតរថយន្តជប៉ុនខាងលើ ក៏ជឿជាក់ដែរថា អនាគតទៅបច្ចេកវិទ្យានឹងកាន់តែឈានមុខ ហើយពួកគេអាចនឹងសម្រេចចិត្តប្រើឥន្ធនៈជំនួស ដូចជា អ៊ីដ្រូហ្សែន ជាដើម។

គួរឲ្យដឹងថា បច្ចុប្បន្ននេះ Honda មានទាំងរថយន្ត Hybrid, Plug-in Hybrid និង រថយន្តអគ្គិសនីសុទ្ធ៕

ផ្ទាំងផ្សាយពាណិជ្ជកម្ម

មេ Tesla ជឿជាក់ថានឹងអាចដាក់ដំណើរការប្រព័ន្ធបើកបរស្វ័យប្រវត្តិឆ្នាំក្រោយ

December 4, 2020

លោក Elon Musk នាយកប្រតិបត្តិក្រុមហ៊ុន Tesla បានធ្វើការអះអាងយ៉ាងជឿជាក់ថាក្រុមហ៊ុននឹងអាចដាក់ដំណើរការប្រព័ន្ធបើកបរស្វ័យប្រវត្តិដល់អតិថិជននៅក្នុងឆ្នាំ ២០២១ ខាងមុខ។

អំឡុងពេលទទួលយករង្វាន់ Axel Springer កាលពីថ្មីៗនេះនៅអាល្លឺម៉ង់ លោក Elon Musk បាននិយាយដូចនេះថា ៖ “ខ្ញុំពិតជាមានជំនឿជាក់ខ្លាំងក្នុងការបញ្ចេញប្រព័ន្ធបើកបរស្វ័យប្រវត្តិជូនដល់អតិថិជនរបស់ Tesla នៅឆ្នាំក្រោយនេះ។”

គួររំលឹកថាកាលពីពាក់កណ្ដាលឆ្នាំ លោកនាយកប្រតិបត្តិរូបនេះធ្លាប់និយាយម្ដងរួចមកហើយថាក្រុមហ៊ុននឹងដាក់ដំណើរការប្រព័ន្ធបើកបរស្វ័យប្រវត្តិនៅដំណាច់ឆ្នាំ ២០២០ នេះ។

កាលពីឆ្នាំ ២០១៩ លោក Elon Musk បានអះអាងថាអាចនឹងមានរថយន្តតាក់ស៊ី Tesla បើកបរស្វ័យប្រវត្តិទាំងស្រុងចំនួន ១លានគ្រឿង ដំណើរការលើដងផ្លូវនៅឆ្នាំ ២០២០ ប៉ុន្តែមកទល់ពេលនេះមិនទាន់ឃើញលទ្ធផលជាក់ស្ដែងនោះទេ៕

ផ្ទាំងផ្សាយពាណិជ្ជកម្ម