Volkswagen ចេញឡាន Touareg Last Edition ដើម្បីលាម៉ាស៊ីន V8

August 10, 2020

Volkswagen នឹងឈប់ប្រើម៉ាស៊ីន V8 TDI លើរថយន្ត Touareg តទៅទៀត ដូច្នេះក្រុមហ៊ុនរថយន្តអាល្លឺម៉ង់មួយនេះ បានបញ្ចេញម៉ូដែលពិសេសមួយ ហៅថា Touareg V8 Last Edition។

ទោះជាយ៉ាងណា រថយន្ត SUV នេះនឹងត្រូវផលិតមានកំណត់ត្រឹមតែ ៤០០គ្រឿង និងសម្រាប់តែទីផ្សារប្រទេសអាល្លឺម៉ង់ប៉ុណ្ណោះ ដោយក្នុងមួយគ្រឿងមានតម្លសចាប់ពី ១២២ ៩០០ដុល្លារ ហើយនឹងមានលក់ចាប់ពីថ្ងៃទី១៧ ខែសីហា ឆ្នាំ២០២០ តទៅ។

រថយន្ត Touareg V8 Last Edition មានជម្រើសចំនួន ៦ពណ៌ គឺ Pure White, Malbec Red, Silicon Gray, Antimony Silver, Deep Black Pearl និង Oryx White Pearl។ វាបំពាក់ម៉ាស៊ីនម៉ាស៊ូតចំណុះ ៤,០លីត្រ twin-turbo V8 មានកម្លាំង ៤១៥សេះ ប្រើប្រអប់លេខអូតូ ៨វគ្គ និងប៉ុងពីរ 4Motion AWD។

SUV នេះអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៩វិនាទី ហើយមានល្បឿនអតិបរមា រហូតដល់ទៅ ២៥០គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

មើលឡាន Ford Bronco ២០២១ ថ្មីបើក Off-road ទើបដឹងខ្លាំងប៉ុណ្ណា (មានវីដេអូ)

August 10, 2020

បន្ទាប់ពីបានបង្ហាញរថយន្ត Bronco ឆ្នាំ២០២១ ជាផ្លូវការរួចមក ក្រុមហ៊ុន Ford បានបញ្ចេញវីដេអូមួយ បង្ហាញឲ្យឃើញក្រុមវិស្វកររបស់ខ្លួន យករថយន្ត SUV នេះទៅបើក Off-road តាមជួរភ្នំ ក្នុងទីក្រុង Moab នៃរដ្ឋ Utah សហរដ្ឋអាមេរិក។

វីដេអូដែលបង្ហោះដោយ Channel ឈ្មោះ The Bronco Nation លើគេហទំព័រនោះ បង្ហាញឲ្យឃើញ រថយន្ត Bronco ត្រូវបានគេយកទៅបើកតាមផ្លូវភ្នំពិបាកៗខ្លាំងមែនទែន។

ក្នុងវីដេអូនោះ គេក៏សង្កេតឃើញរថយន្ត Bronco ខាងលើ បានកោសផ្នែកមួយចំនួនផងដែរ ប៉ុន្តែវាគឺជារឿងធម្មតាទៅហើយ នៅពេលដែលយើងយករថយន្តទៅបើក Off-road បែបនេះ៕

ចង់ដឹងយ៉ាងណាសូមទស្សនាវីដេអូខាងក្រោម៖

ផ្ទាំងផ្សាយពាណិជ្ជកម្ម

វៀតណាមមាន Rolls-Royce Cullinan ជិះប៉ុន្មានគ្រឿងហើយ?

August 10, 2020

រថយន្ត Cullinan ដែលជាប្រភេទរថយន្ត SUV ដំបូងរបស់ក្រុមហ៊ុន Rolls-Royce ទទួលបានការពេញនិយមខ្លាំងពីបណ្ដាអ្នកមានប្រាក់នៅជុំវិញពិភពលោក ដោយសារតែប្រណីតភាពដ៏អស្ចារ្យរបស់វា។

នៅប្រទេសវៀតណាមឯណោះ រថយន្ត Rolls-Royce Cullinan ក៏ទទួលបានការចាប់ចិត្តខ្លាំងណាស់ដែរ ហើយបើតាមវិបសាយរថយន្តវៀតណាម Xehay បានឲ្យដឹងថានៅទឹកដីវៀតណាម មានរថយន្ត Cullinan សរុប ១១គ្រឿងមកហើយ ដែលមានបើកបរលើដងផ្លូវ ទាំងតាមការនាំចូលពីក្រុមហ៊ុនផ្លូវការ និងហាងលក់រថយន្តឯកជន។ នៅវៀតណាមរថយន្ត Cullinan នេះគឺមានតម្លៃខុសៗគ្នាទៅតាមការកុម្ម៉ង់របស់អតិថិជន ដែលមានតម្លៃចន្លោះពី ៣២ ទៅ ៤៦ ពាន់លានដុង ដែលស្មើប្រមាណ ១,៣៨លានដុល្លារ ទៅប្រមាណ ១,៩៨លានដុល្លារ។

រថយន្ត Cullinan មានប្រើប្រាស់ម៉ាស៊ីនសាំង ៦,៧៥លីត្រ ១២ស៊ីឡាំង ជាប្រភេទ Twin-Turbocharged ដែលវាអាចផលិតកម្លាំងបាន ៥៦៣សេះ និងមានល្បឿនអតិបរមា ២៥០គ.ម/ម៉៕

ផ្ទាំងផ្សាយពាណិជ្ជកម្ម

បង់មួយខែត្រឹមតែ ៦៤៦ ដុល្លារ បានជិះរថយន្តស្ព័រជំនាន់ចុងក្រោយ CAMARO របស់អាមេរិច ភ្លាមៗ

August 10, 2020

អតិថិជនបានស្គាល់ និងដឹងរួចមកហើយថារថយន្តម៉ាក Chevrolet គឺជារថយន្តផលិតនៅសហរដ្ឋអាមេរិច ដែលមានការទទួលស្គាល់លំដាប់អន្តរជាតិ ទាំងគុណភាព បច្ចេកវិទ្យា ប្រព័ន្ធសុវត្ថិភាព ការរចនារូបរាងដ៏ល្អប្រណីត និងទទួលបានពានរង្វាន់ឯកផ្នែកប្រភេទរថយន្ត ស៊ីដាន ភីកអាប់ SUV និងប្រភេទរថយន្តស្ព័រផងដែរ។

ក្រុមហ៊ុន Chevrolet Cambodia ក៏បាននាំចូលរថយន្តស្ព័រទំនើបៗស៊េរីឆ្នាំ២០២០ ដែលជាជំនាន់ចុងក្រោយ មានច្រើនពណ៌ ច្រើនជម្រើស សម្រាប់អតិថិជនដែលមានបំណងចង់ប្តូរពីរថយន្តធម្មតា មកជិះរថយន្តស្ព័រដែលមានតម្លៃសមរម្យ ត្រឹម8ម៉ឺនជាងប៉ុណ្ណោះ។

រថយន្តស្ព័រដែលក្រុមហ៊ុន Chevrolet Cambodia នាំចូលគឺម៉ូឌែល CAMARO ដែលមានការរចនាឌីហ្សាញយ៉ាងទំនើប ពោរពេញដោយភាពទាន់សម័យ ទាក់ទាញ ប្រណីតភាពទាំងរូបរាង និងប្រព័ន្ធបច្ចេកវិទ្យាខ្ពស់។ ម៉្យាងវិញទៀតរថយន្តម៉ូឌែលនេះក៏មានវត្តមានក្នុងរឿងហូលីវ៉ូត Transformer ដែលមានការពេញនិយមជុំវិញពិភពលោកផងដែរ។

រីឯលក្ខណៈពិសេសវិញ រថយន្តស្ព័រ CAMARO ក៏មានបំពាក់ដោយកម្លាំងម៉ាស៊ីន ២៧៥សេះ ខ្លាំងខ្លា មានសន្ទុះដ៍អស្ចារ្យ មានទំហំម៉ាស៊ីនសាំង ២,០លីត្រ ចំនួន ៤ ជាប្រភេទម៉ាស៊ីន Twin Turbo ដ៍ខ្លាំង មានប្រអប់លេខ ៨ លេខអូតូ និង ៨ លេខដៃ ខ្លាំង ស៊ីសាំងតិច ជាមួយបច្ចេកវិទ្យា RWD, មានប្រព័ន្ធកំណត់នៃការបើកបរ (Drive Mode: Tour / Sport / Snow) មានពោងសុវត្ថិភាព ៦គ្រាប់ សិនស័រជំនួយពេលចូលចត ជាមួយកាមេរ៉ា មើលក្រោយយ៉ាងច្បាស់ កន្ទុយត្រីបំពាក់ជាមួយកាមេរ៉ា Rear Spoiler Camera មើលកោយពេលបើកបរ ប្រព័ន្ធជំនួយអោយបើកក្នុងគន្លងផ្លូវត្រឹមត្រូវ ប្រព័ន្ធទប់លំនឹងរថយន្ត ប្រព័ន្ធសាកថ្មដោយមិនប្រើខ្សែ, ប្រព័ន្ធហ្រ្វាំង ABS+EBD ចង្គៀងគុជ LED និងភ្លើង LED បំភ្លឺពេលថ្ងៃ ប្រព័ន្ធបង្ហាញពីព័ត៌មានល្បឿននៅលើកញ្ចក់ផ្នែកខាងមុខ (Head Up Display) មានសេនស័រថ្លឹងសម្ពាធកង់ទាំង ៤គ្រាប់, សំបកកង់ពិសេស អាចបន្តរត់បានដល់ល្បឿន ៨០ គ.ម/ម៉ោង ក្នុងស្ថានភាពបែកកង់ (Run-Flat Tires) ប្រព័ន្ធប្រតិបត្តិការដោយប្រើប្រព័ន្ធហ្រ្វាំង Brembo ប្រព័ន្ធវាស់សម្ពាធកង់ TPMS និងពិសេសជាងនេះទៅទៀតមានតេលេបញ្ចេះសោពីចំងាយ (Smart Key) ផ្តល់ភាពត្រជាក់មុនចូលក្នុងរថយន្តផងដែរ។

សូមទស្សនាវិដែអូធ្វើបទបង្ហាញរថយន្តស្ព័រ CAMARO:

សម្រាប់ថ្ងៃឈប់សម្រាប់ខាងមុខនេះក្រុមហ៊ុនក៏មានការផ្តល់ជូនពិសេស បញ្ចុះតម្លៃរហូតដល់ ១០ ០០០ដុល្លារ ផងដែរ ឬលោកអ្នកអាចបង់រំលស់ត្រឹមតែ ៦៤៦ ដុល្លារក្នុងខែតែប៉ុណ្ណោះ ដែលលោកអ្នកអាចរំលស់ជាមួយក្រុមហ៊ុន ឬធនាគារជាដៃគូរដែលមានត្រឹមឯកសារងាយៗដូចជា៖

១. អត្តសញ្ញាណប័ណ្ណ
២. ប័ណ្ណបើកបរ
៣. សៀវភៅគ្រួសារ ឬ សៀវភៅស្នាក់នៅ
៤. លិខិតបញ្ជាក់ប្រាក់ខែ ឬ ឯកសារបញ្ចាក់ចំណូល

សម្រាប់ព័ត៌មានបន្ថែមបងអាចទំនាក់ទំនងមកទីតាំងក្រុមហ៊ុន Chevrolet ផ្ទាល់ អគារ #១១៥ មហាវិថីសហព័ន្ធរុស្សី ក្រុងភ្នំពេញ ឬតាមរយៈលេខទូរស័ព្ទ ☎️ ០៩៥ ៥៥៥ ៨៣២ | ០៩៣ ៨៨៩ ៨៨៨។

ឬតាមរយៈបណ្តាញសង្គម

Facebook: https://www.facebook.com/chevy.cambodia

Telegram: https://t.me/chevycambodia

Youtube: https://www.youtube.com/channel/UCl_CXe5Eu9q0d8XBUvGh5Mw

Instagram: https://www.instagram.com/chevroletcambodia/

ផ្ទាំងផ្សាយពាណិជ្ជកម្ម

មានលុយត្រឹមជាង ៦ម៉ឺនដុល្លារក៏អាចទិញឡានប្រណីត ៧កៅអី VIP ជិះបានដែរ

August 8, 2020

ក្រុមហ៊ុន GAC ជាក្រុមហ៊ុនដ៏ធំលំដាប់ខ្ពស់មួយនៅប្រទេសចិនដែលមានការសហការ Joint Venture ជាមួយក្រុមហ៊ុនធំៗជាច្រើន ក្នុងនោះមានដូចជា Toyota, Honda, Lexus និង Mitsubishi ជាដើម ក្នុងការផលិត និងផ្គត់ផ្គង់គ្រឿងបន្លាស់រថយន្តផងដែរ ។

ក្នុងពេលថ្មីៗនេះ ក្រុមហ៊ុន GAC ក៏បាននាំចូលរថយន្តស៊េរីថ្មី VIP ម៉ូដែល GAC GN8 ប្រភេទវ៉ែនដ៏ប្រណីត ៧កៅអី ដែលមានការពេញនិយមខ្លាំង ដោយសារវាមានទំហំធំទូលាយសម្រាប់តម្រូវការការងារប្រចាំថ្ងៃ និងងាយស្រួលក្នុងការធ្វើដំណើរកម្សាន្តជាលក្ខណៈគ្រួសារផងដែរ។

រថយន្តវ៉ែន GAC GN8 មានចំណុចលេចធ្លោ និងចំណុចទាក់ទាញច្រើន ខុសពីរថយន្តដ៏ទៃ ដែលមានការរចនាឌីហ្សាញឡើយយ៉ាងប្រណីត គុណភាព សុវត្ថិភាពខ្ពស់ រួមទាំងបំពាក់ដោយប្រព័ន្ធបច្ចេកវិទ្យាចុងក្រោយ និងគ្រឿងបរិក្ខារទំនើបៗ រីឯតម្លៃធូរថ្លៃបំផុតត្រឹម ខ្ទង់ ៦ម៉ឺនដុល្លារប៉ុណ្ណោះ។

ចំពោះលក្ខណៈពិសេសរថយន្តវ៉ែន GAC GN8 នេះរួមមាន៖ កៅអីអង្គុយចំនួន ៧ ដែលមានទំហំធំទូលាយផ្ដល់ផាសុកភាពខ្ពស់ដល់អ្នកធ្វើដំណើរ និងជាពិសេសសម្រាប់ការធ្វើដំណើរកម្សាន្តផ្លូវឆ្ងាយ នឹងមិនធ្វើឲ្យអ្នកដំណើរមានអារម្មណ៍នឿយហត់ ឬឈឺខ្លួនប្រាណនោះឡើយ។ ក្រៅពីមានទំហំធំទូលាយ នៅផ្នែកខាងក្នុងក៏មានគ្រឿងបរិក្ខារទំនើបៗជាច្រើនដូចជាមានអេក្រង់កម្សាន្តទំហំ ១០អ៊ីញ, មានអេក្រង់កម្សាន្តសម្រាប់អ្នកដំណើរជួរទីពីរ, មានដំបូលកញ្ចក់២ផ្នែក កៅអីជួរទីពីរជាប្រភេទកៅអីម៉ាស្សានិងមានខ្យល់ក្ដៅ/ត្រជាក់, មានទ្វារ Auto (ទ្វាចំហៀងនិងខាងក្រោយអាចបញ្ជាបិទ/បើកតាមសោបាន) មានភ្លើងបំភ្លឺនៅខាងក្នុងតាមទ្វារនិងដំបូងខាងក្នុង ហើយមានភ្លើងលើចង្កូតជាដើម។

បន្ថែមពីនេះដែរ វាក៏មានមុខងារទំនើបៗទាន់សម័យដទៃទៀត តួយ៉ាងដូចជាការប្រើនូវប្រភេទអំពូល Projector ជាមួយភ្លើង DRL សម្រាប់បំភ្លឺនាពេលថ្ងៃ, មាន Sensor ថ្លឹងកង់, កាមេរ៉ាអាចមើលជុំវិញ ៣៦០ ដឺក្រេ, មានប្រព័ន្ធ Sensor ៤គ្រាប់នៅខាងក្រោយ, មានប្រព័ន្ធ TCS រួមទាំងប្រព័ន្ធជំនួយពេលចុះចំណោទ និងប្រព័ន្ធពិសេសៗជាច្រើនទៀត។ ចូលដល់លក្ខណៈសម្បត្តិនៃម៉ាស៊ីនវិញ រថយន្តវ៉ែនប្រណីត GN8 នេះមានបំពាក់ដោយម៉ាស៊ីន ២,០ លីត្រ ៤ស៊ីឡាំង ដែលអាចផលិតកម្លាំងខ្លាំងបានដល់ ១៩៨ សេះ ហើយភ្ជាប់ជាមួយនឹងប្រអប់លេខស្វ័យប្រវត្តិ ៦ វគ្គ ដែលប្រើប្រព័ន្ធបើកបរវិលកង់ក្រោយ (FWD)។ ចំណែកកម្រិតស៊ីប្រេងគឺ ១០០ គ.ម ស៊ីប្រេងប្រហែល ៨,៩ លីត្រប៉ុណ្ណោះ។

អ្វីដែលកាន់តែអស្ចារ្យនោះគឺ ក្នុងឱកាសថ្ងៃបុណ្យឈប់សម្រាកខាងមុខនេះ ក្រុមហ៊ុន GAC ក៏មានការផ្តល់ជូនដ៏ពិសេសមិនធ្លាប់មានចំពោះរថយន្តវ៉ែនប្រណីត GAC GN8 គឺមានការបញ្ចុះតម្លៃយ៉ាងច្រើន ៥០០០ដុល្លារ ភ្លាមៗ។

សូមទស្សនាវិដេអូធ្វើបទបង្ហាញរថយន្តវ៉ែន GAC GN8:

https://youtu.be/iL2yHqFXB3U

ក្រៅពីរថយន្ត GAC GN8 ក្រុមហ៊ុនក៏បាននាំចូលរថយន្តប្រភេទ SUV ស៊េរីថ្មី២ម៉ូឌែលផ្សេងទៀតគឺ GAC GS5 និង GAC GS8 ផងដែរ។

សម្រាប់ព័ត៌មានលំអិត អាចទំនាក់ទំនងទៅកាន់លេខទូរសព្ទ៖ ០៩៥ ៩៩៩ ១៦៧ | ០៩៥ ៩៩៩ ០២៩ ឬអញ្ជើញទៅកាន់អាសយដ្ឋាន អគារ #១១០ មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ឬអាចទាក់ទងតាមបណ្តាញសង្គម៖

Facebook: https://www.facebook.com/gacmotorcambodia/
YouTube: bit.ly/2Yth5aZ
Telegram: https://t.me/GACCambodia

ផ្ទាំងផ្សាយពាណិជ្ជកម្ម

មើលឡានអគ្គិសនីតម្លៃថោកជាងគេបំផុតនៅអាមេរិក

August 8, 2020

រថយន្តអគ្គិសនីដែលមានតម្លៃធូរថ្លៃជាងគេនាពេលបច្ចុប្បន្ន នៅលើទីផ្សារសហរដ្ឋអាមេរិកមានដូចជាម៉ូដែល Nissan Leaf និងរថយន្ត Mini Cooper SE ដែលវាមានតម្លៃខ្ទង់ ៣ម៉ឺនដុល្លារ។

យ៉ាងណាក្ដីនាពេលខាងមុខនេះក្រុមហ៊ុនរថយន្ត Kandi America នឹងដាក់លក់រថយន្តអគ្គិសនី Model K27 ក្នុងតម្លៃត្រឹម ១៩ ៩៩៩ដុល្លារប៉ុណ្ណោះ ដែលនេះមិនទាន់គិតបញ្ចូលប្រាក់ឧបត្ថម្ភពីរដ្ឋាភិបាលសម្រាប់រថយន្តអគ្គិសនីផង បើគិតបញ្ចូលប្រាក់ឧបត្ថម្ភ ៧ពាន់ដុល្លារទៀត តម្លៃនៅសល់ត្រឹម ១២ ៩៩៩ដុល្លារប៉ុណ្ណោះ។

ក្រុមហ៊ុន Kandi មានមូលដ្ឋានក្នុងទីក្រុង Garland រដ្ឋ Texas ដែលបានផលិតរថយន្តអគ្គិសនីលក់ក្នុងប្រទេសចិនតាំងពីឆ្នាំ ២០១២។ ក្រៅពីរថយន្ត Model K27 នេះ ក្រុមហ៊ុនក៏មានរថយន្តមួយទៀតគឺ Model K23 ដែលមានតម្លៃចាប់ពី ២៩ ៩៩៩ដុល្លារ។

រថយន្ត Model K27 មានកម្លាំងត្រឹម ២៧សេះ ប៉ុណ្ណោះ ដែលមានល្បឿនអតិបរមា ១០១ គ.ម/ម៉។ វាមានបំពាក់អាគុយទំហំ ១៧,៦៩ kWh ដែលចំណាយពេល ៧ម៉ោងក្នុងការសាក ហើយពេលសាកពេញអាចជិះបានចម្ងាយ ១៦០ គីឡូម៉ែត្រ៕

ផ្ទាំងផ្សាយពាណិជ្ជកម្ម

Ferrari ពន្យាពេលផលិតឡាន Hybrid

August 8, 2020

សង្វាក់ផលិតកម្មនៃរថយន្ត Ferrari SF90 Stradale ត្រូវបានពន្យាពេល ដោយសារតែវីរុសកូរ៉ូណា។

ក្រុមហ៊ុនរថយន្តអ៊ីតាលីខាងលើមានបំណងចង់ដឹករថយន្តឲ្យអតិថិជន SF90 Stradale នៅដើមពាក់កណ្តាលឆ្នាំ២០២០ នេះ។ ផ្ទុយទៅវិញ Ferrari បានបញ្ជាក់ម្តងទៀតថា ការដឹករថយន្តឲ្យអតិថិជននៅអឺរ៉ុប នឹងត្រូវចាប់ផ្តើមនៅចុងឆ្នាំនេះ ខណៈសហរដ្ឋអាមេរិក ចាំយូរជាង ២ខែទៀត។

Ferrari SF90 Stradale គឺជារថយន្តប្រភេទ Plug-in Hybrid ដែលមានបំពាក់ម៉ាស៊ីនចំណុះ ៤,០លីត្រ twin-turbocharged V8 ជាមួយម៉ូទ័រអគ្គិសនីចំនួន៣ ដែលបង្កើតកម្លាំងបានសរុប ៩៨៦សេះ។ វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ២,៥វិនាទី ហើយមានល្បឿនអតិបរមារហូតដល់ទៅ ៣៤០គីឡូម៉ែត្រក្នុងមួយម៉ោងឯណោះ៕

ផ្ទាំងផ្សាយពាណិជ្ជកម្ម

ចុម! Tesla ឥឡូវមានសេវាបិតស្កុតឡានទៀត

August 8, 2020

ក្រុមហ៊ុន Tesla បានចាប់ផ្តើមផ្តល់សេវាកម្មបិតស្កុតរថយន្តនៅក្នុងប្រទេសចិន ទំនងជាដំណោះស្រាយមួយ ព្រោះខ្លួនផ្តល់ជម្រើសពណ៌រថយន្តមានកំណត់។

Tesla អះអាងថា សេវាកម្មបិតស្កុតរថយន្តរបស់ខ្លួននឹងចាប់ផ្តើមក្នុងទីក្រុងចំនួន ៥ គឺ Beijing, Shanghai, Guangzhou, Shenzhen និង Suzhou ហើយនឹងពង្រីកទៅទីក្រុងដទៃផ្សេងទៀតនៅពាក់កណ្តាលខែនេះ។

ទោះជាយ៉ាងណា Tesla មិនបានបញ្ជាក់ឡើយថា នឹងផ្តល់ជម្រើសពណ៌ស្កុតប៉ុន្មាន ប៉ុន្តែយើងដឹងហើយថា ការបិតស្កុតនេះគឺមានច្រើនពណ៌ច្រើនជម្រើសមែនទែន។ ជាមួយគ្នានេះដែរ Tesla ក៏មិនបានបង្ហាញតម្លៃនៃការបិតស្កុតរថយន្តមួយគ្រឿងប៉ុន្មានដែរ ប៉ុន្តែការបិតស្កុតដូរពណ៌រថយន្តនៅបរទេស ជាទូទៅត្រូវចំណាយខ្ទង់ពាន់ដុល្លារឯណោះ៕

ផ្ទាំងផ្សាយពាណិជ្ជកម្ម

ឡានភីកអាប់ទាំង ៦ មានម៉ាស៊ីនស្ទុះខ្លាំងជាងគេ

August 8, 2020

រថយន្តភីកអាប់ចំនួន ៦ ត្បិតថាមានទំហំធំ មានទម្ងន់ធ្ងន់មែន ប៉ុន្តែតាមរយៈការបំពាក់ម៉ាស៊ីនកម្លាំងខ្លាំង អាចឲ្យរថយន្តស្ទុះពី ០-១០០ គ.ម/ម៉ ដោយប្រើពេលមិនលើសពី ៥វិនាទីឡើយ។

៦. Ford F-150 Limited ឆ្នាំ ២០១៩ ៖ ៥វិនាទី

– ម៉ាស៊ីន ៣,៥លីត្រ ៦ស៊ីឡាំង

– កម្លាំង ៤៥០សេះ

៥. Ford F-150 Raptor SuperCrew ឆ្នាំ ២០១៧ ៖ ៤,៩វិនាទី

– ម៉ាស៊ីន ៣,៥លីត្រ ៦ស៊ីឡាំង

– កម្លាំង ៤៥០សេះ

៤. Dodge RAM SRT-10 ឆ្នាំ ២០០៤ ៖ ៤,៩វិនាទី

– ម៉ាស៊ីន ៨,៣លីត្រ ១០ស៊ីឡាំង

– កម្លាំង ៥០០សេះ

៣. GMC Syclone ឆ្នាំ ១៩៩១ ៖ ៤,៦វិនាទី

– ម៉ាស៊ីន Turbocharged ៤,៣លីត្រ ៦ស៊ីឡាំង

– កម្លាំង ២៨០សេះ

២. Toyota Tundra Supercharged ៖ ៤,៤វិនាទី

– ម៉ាស៊ីន Supercharged ចំណុះ ៥,៧លីត្រ ៨ស៊ីឡាំង

– កម្លាំង ៥០៤សេះ

១. Hennessey Venom 800 TT Ram SRT-10 ឆ្នាំ ២០០៥ ៖ ៤,៤វិនាទី

– ម៉ាស៊ីន Turbocharger ៨,៣លីត្រ ១០ស៊ីឡាំង

– កម្លាំង ៨០០សេះ

ផ្ទាំងផ្សាយពាណិជ្ជកម្ម

រថយន្ត Land Rover : Defender 2020 បានមកដល់កម្ពុជាជាផ្លូវការហើយ

August 8, 2020

ក្រុមហ៊ុន អ អិម អេ ខេមបូឌា ដែលជាតំណាងនាំចូល និងចែកចាយផ្តាច់មុខរថយន្ត Land Rover Defender នៅកម្ពុជា បានប្រារព្ធពិធីសម្ពោធជាផ្លូវការនៃរថយន្ត Land Rover Defender ស៊េរីថ្មី ២០២០ ដែលមានទីតាំងនៅការិយាល័យ Jaguar Land Rover Cambodia កាលពីថ្ងៃទី ៣១ ខែកក្កដា ឆ្នាំ ២០២០ ។ Land Rover : Defender ២០២០ បានបង្កើតឡើងដោយមានរួមបញ្ចូលជាមួយនឹងកម្លាំង Off-road, ការច្នៃប្រឌិតថ្មីនិងមានបំពាក់ដោយបច្ចេកវិទ្យាទំនើបចុងក្រោយបង្អស់ធ្វើឲ្យបទពិសោធន៍បើកបររបស់អ្នកកាន់តែមានភាពអស្ចារ្យមិនតែប៉ុណ្ណោះរថយន្តនេះនឹងក្លាយជាគូប្រកួតប្រជែងឈានមុខគេក្នុងទីផ្សាររថយន្ត Off-road ផងដែរ។

រថយន្តនេះត្រូវ បានផលិតឡើង និងបានធ្វើតេស្តយ៉ាងម៉ត់ចត់ដោយក្រុមវិស្វករ Land Rover ដើម្បីបង្កើតនូវរថយន្តមួយដែលអាចជំនះគ្រប់ឧបសគ្គកាន់តែពិសេសសម្រាប់អតិថិជនដែលចូលចិត្តបើកបរលើផ្លូវប្រភេទ Off-road។

Land Rover Defender ២០២០ ពោរពេញដោយសមត្ថភាពអស្ចារ្យជាមួយនឹងរូបរាងដែលទាក់ទាញភ្នែកបំផុតគ្រប់ផ្នែកពោរពេញដោយភាពទាក់ទាញសម្រាប់ដំណើរទៅគ្រប់កន្លែងជាមួយរថយន្តប្រភេទនេះ កាន់តែធ្វើអោយអ្នកមានទំនុកចិត្ត។ ចំណែកឯកាងខាងមុខត្រូវបានរចនាថ្មី រឹងមាំ ធន់នឹងការប៉ះទង្គិចល្អបំផុតសម្រាប់ការបើកបរលើផ្លូវលំបាក។ ចំណែកផ្នែកខាងក្នុងបានបំពាក់ទៅដោយពូកស្បែកមានគុណភាពខ្ពស់ធន់នឹងការប្រើប្រាស់ពេលបើកបរ Off-road ក៏ដូចជាប្រើប្រាស់ប្រចាំថ្ងៃផងដែរ។ កៅអីនីមួយៗបានរចនាដោយផ្ដល់ទាំងសុវត្ថិភាព និងផាសុកភាពដល់អ្នកបើកបរ។

Land Rover Defender ២០២០ ការរចនាម៉ូតលំដាប់ពិភពលោក ជាមួយនឹងលក្ខណៈជំនាញក្នុងការបើកបរ ផ្លូវលំបាក ដែលបំពាក់ជាមួយនឹងអំពូលមុខ LED ដែលផ្ដល់នូវភាពទាន់សម័យ រឹងមាំ រួមទាំងមានកង់មុខ ក្រោយដ៏ រឹងមាំដើម្បីបង្ហាញអំពីគោលបំណងរបស់រថយន្ដនេះសម្រាប់ការរត់កាត់លើផ្លូវដ៏អស្ចារ្យជាមួយនិងភាពភ្លឺថ្លា ទាំងខាងមុខនិងខាងក្រោយ។

ជាមួយសមត្ថភាពពិសេស ជាមួយកង់របស់ Land Rover Defender ២០២០ គ្មានភាពរអិលពេលបើកបរ ហើយបន្ថែមជំនួយនៅពេលដែលបត់បែនស្ថានភាពផ្លូវគ្រប់កាលៈទេសៈ បើទោះជាអ្នកជួបនូវផ្លូវជំរាលស្មុគស្មាញក៏ដោយ នោះ Land Rover Defender នឹងចាប់ដំណើរការប្រព័ន្ធជំនួយដំណើរការជាមួយនឹងប្រព័ន្ធគ្រប់គ្រងពេលចុះជំរាលដើម្បីប្រាកដថារថយន្ត មិនរអិលថយក្រោយ ឬជ្រុលទៅមុខលឿនពេក។

លោក ង៉ន សាំង អគ្គនាយកក្រុមហ៊ុនអ អិម អេ ខេមបូឌា បានមានប្រសាសន៍ថា៖ “ក្រុមហ៊ុន អ អិម អេ ខេមបូឌាសម្រេចចិត្តនាំចូលនូវប្រភេទរថយន្ត Off-Road មួយនេះមកកាន់ទីផ្សារកម្ពុជា គឺដើម្បីឆ្លើយតបទៅនឹងតម្រូវការរបស់អតិថិជន ក៏ដូចជាដើម្បីលើកទឹកចិត្តប្រជាជនកម្ពុជាឲ្យប្រើប្រាស់រថយន្តថ្មីផងដែរ។ ម៉្យាងទៀត យើងសង្កេតឃើញថា បច្ចុប្បន្ននេះរថយន្តប្រភេទ Off-Road ក៏ទទួលបានការពេញនិយមសម្រាប់អ្នកមានគ្រួសារ និងសម្រាប់ប្រើប្រាស់ក្នុងអាជីវកម្ម ដោយសាររថយន្តប្រភេទនេះអាចប្រើប្រាស់បាន គ្រប់កាលៈទេសៈ គ្រប់ស្ថានភាពផ្លូវ មិនថាសម្រាប់ធ្វើការ ឬដំណើរកម្សាន្តនោះទេ។”