រថយន្ត Ford Bronco Sport គឺកំពុងទទួលបានការលទ្ធផលយ៉ាងល្អនៅក្នុងខែកញ្ញា។ ក្នុងនោះដែរ យោងតាម CarsDirect ដែលទទួលបានទិន្នន័យពីការបញ្ជាទិញថ្មីបាននិយាយថារថយន្ត Bronco Sport ឆ្នាំ២០២២ ប្រភេទ Base Model នឹងមានតម្លៃចាប់ពី ២៨ ៧៦០ដុល្លារ (បន្ទាប់ពីគិតសេវាកម្មគោលដៅ ១ ៤៩៥ដុល្លារ) ថ្លៃជាងមុន ៥០ដុល្លារ និង Bronco Sport Big Bend មានតម្លៃចាប់ពី ៣០ ៣២០ដុល្លារ ដ្លៃជាងម៉ូឌែលឆ្នាំ២០២១ ចំនួន ១០៥ដុល្លារ
បន្ថែមជាមួយ Bronco Sport Outer Banks មានតម្លៃចាប់ពី ៣៤ ៥៧០ដុល្លារ ថ្លៃជាងម៉ូឌែលឆ្នាំមុន ២១៥ដុល្លារ។ ចំណែកឯម៉ូឌែលកប់បំផុត Bronco Sport Badlands មានតម្លៃចាប់ពី ៣៥ ៤៣០ដុល្លារ មានតម្លៃថ្លៃជាងម៉ូឌែលឆ្នាំ ២០២១ ចំនួន ១ ១១៥ដុល្លារ។
សម្រាប់ម៉ូឌែលឆ្នាំ២០២២ Bronco Sport នៅតែបន្តដំណើរការជាមួយម៉ាស៊ីនចំណុះ ១,៥លីត្រ Turbocharged កម្លាំង ១៨១សេះ និងកម្លាំងរមួល ២៥៩ញ៉ូតុនម៉ែត្រ ភ្ជាប់ជាមួយប្រអប់លេខ ៨វគ្គអូតូ៕
