GMW បើកទទួលកក់ម៉ូដែលឆ្នាំ ២០២៤ ត្រឹមតែ ៩៩យ៉ន់ ស្មើនឹង ១៤ដុល្លារប៉ុណ្ណោះនៅប្រទេសចិន

June 1, 2024

[ទីផ្សារបរទេស] ក្រុមហ៊ុនផលិតរថយន្ត Great Wall Motor បានធ្វើការដាក់បង្ហាញចេញជាផ្លូវការនៅរថយន្ត Haval H6 ស៊េរីឆ្នាំ ២០២៤ ប្រភេទ Crossover ជាមួយការកក់មុនត្រឹមតែ ៩៩ យន់ ស្មើនឹង ១៤ ដុល្លារនៅទីផ្សាប្រទេសចិន ។

រថយន្តនេះ ត្រូវបានផលិតឡើងនៅលើគ្រោងឆ្អឹង Lemon Platform ដំណើរការដោយម៉ាស៊ីនសាំងចំនួន ២ ជម្រើស រួមមាន៖

ម៉ាស៊ីនសាំងចំណុះ ១,៥លីត្រ អាចផលិតកម្លាំងបាន ១៨១ សេះ និងកម្លាំងរមួល ២៧៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧វគ្គ ។
ម៉ាស៊ីនសាំងចំណុះ ២,០លីត្រ អាចផលិតកម្លាំងបាន ២៣៤ សេះ និងកម្លាំងរមួល ៣៨៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៩វគ្គ ។

Haval H6 ស៊េរីឆ្នាំ ២០២៤ ត្រូវបានឌីស្សាញផ្តល់នៅរូបរាងបែបស្ព័រ ជាមួយប៉ាណាមុខមួយផ្ទាំងធំ អបសងខាងដោយចង្កៀងមុខ LED រចនាថ្មី ក៏ដូចជាថាសកង់ស្ព័រពណ៌ខ្មៅ កាង spoiler ជាប់ដំបូលលយចេញមកក្រៅ និងចង្កៀងក្រោយ LED ។

ចំពោះនៅផ្នែកខាងក្នុងវិញ នៅលើតាប្លូមានកុងទ័របង្ហាញព័ត៌មានឌីជីថលទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១៤,៦ អ៉ីញ គាំទ្រដោយប្រព័ន្ធប្រតិបត្តិការឈីប Qualcomm Snapdragon 8155 រួមទាំងកន្លែងសាកថ្មឥតប្រើខ្សែជាដើម ។ លើសពីនេះភ្ជាប់មកជាមួយប្រព័ន្ធជំនួយការអ្នកបើកបរកម្រិត២ រួមបញ្ចូលដល់ ២០មុខងារឯណ្ណោះ ៕

ផ្ទាំងផ្សាយពាណិជ្ជកម្ម

Chevrolet Equinox EV ស៊េរីឆ្នាំ២០២៤ គ្រោងចេញលក់នៅចុងឆ្នាំនេះជាមួយតម្លៃ៣មុឺនដុល្លារជាងនៅអាមេរិក

June 1, 2024

[បរទេស] កាលពីពេលថ្មីៗនេះ ក្រុមហ៊ុនផលិតរថយន្ត Chevrolet បានធ្វើការដាក់បង្ហាញចេញនូវរថយន្ត Chevrolet Equinox ស៊េរីឆ្នាំ ២០២៤ ប្រើប្រាស់អគ្គិសនីសុទ្ធ ហើយគ្រោងនឹងចេញលក់នៅចុងឆ្នាំ ២០២៤ នេះជាមួយតម្លៃលក់ចាប់ពី ៣៤,៩៩៥ដុល្លារ ដល់ ៤៣,២៩៥ដុល្លារ នៅទីផ្សារសហរដ្ឋអាមេរិក។

គួរបញ្ជាក់ផងដែលថារថយន្តនេះមាន២ម៉ូដែលគឺ 1TL និង 2TL ផលិតឡើងលើគ្រោងឆ្អឹង Ultium battery-electric platform ដែលមានប្រវែងតួខ្លួនសរុប ៤,៨៤០ ម.ម ទទឹង ១,៩៥៤ ម.ម កម្ពស់ ១,៦៤៦ ម.ម និងប្រវែងគន្លាតកង់មុខ-ក្រោយ ២,៩០០ ម.ម និងដំណើរការដោយម៉ូទ័រអគ្គិសនីសុទ្ធអាចបើកបរបានចម្ងាយចាប់ពី ៤៨២ ទៅ ៥១៣គីឡូម៉ែត្រនៅពេលសាកថ្មពេញម្តង និងប្រើប្រាស់ FWD និង AWD ជាស្តង់ដា។

សម្រាប់ការរចនារូបរាងខាងក្រៅរថយន្តនេះមានរូបរាងហាប់ណែន ដោយមានប៉ាណាមុខបិតជិត ចង្កៀងមុខ-ក្រោយ ប្រភេទ LED ព្រមទាំងប្រើប្រាស់ថាសកង់អាលុយមីញ៉ូមទំហំ ១៧ និង ២១អ៊ីញ និងដំបូល Roof rails និង Panoramic sunroof ។

ខណៈនៅផ្នែកខាងក្នុង ទទួលបានកុងទ័របង្ហាញព័ត៌មានឌីជីថលទំហំ ១១ អ៉ីញ និងអេក្រង់កំសាន្ត touchscreen ទំហំ ១៧,៧ អ៊ីញ ភ្ជាប់ដោយប្រព័ន្ធប្រតិបត្តការរបស់ Google Biult-in ដូចជា Google Assistant, Google Maps, Google Play និងកន្លែងសាកថ្មឥតប្រើខ្សែ កៅអីម៉ាស្សា កៅអីកម្តៅ-ត្រជាក់ ម៉ាសុីនត្រជាក់អូតូ ព្រមទាំងប្រើប្រាស់មុខងារជំនួយការបើកបរកម្រិតខ្ពស់ដែលមានសមត្ថភាពការចុះចតដោយស្វ័យប្រវត្តិ, ចាប់សញ្ញា, ចាប់ហ្វ្រាំងអូតូ, កាម៉េរ៉ា ៣៦០ដឺក្រេ, ជំនួយពេលឡើង-ចុះចំណោត និងមុខងារផ្សេងៗទៀតជាដើម។

ផ្ទាំងផ្សាយពាណិជ្ជកម្ម

GAC M8 Master ស៊េរីឆ្នាំ ២០២៤ ប្រើ Hybrid បង្ហាញខ្លួនជាផ្លូវការនៅប្រទេសចិនតម្លៃក្រោម ៤មុឺនដុល្លារ

June 1, 2024

[បរទេស] ក្រុមហ៊ុនផលិតរថយន្ត GAC បានធ្វើការដាក់បង្ហាញចេញជាផ្លូវការនៅរថយន្ត GAC M8 Master ស៊េរីឆ្នាំ ២០២៤ ប្រភេទ MPV ប្រើ Hybrid នៅទីផ្សារប្រទេសចិន ជាមួយតម្លៃលក់ចាប់ពី ៣៧ ៥៤៨ ដុល្លារ ។

GAC M8 Master ដំណើរការដោយប្រព័ន្ធ Hybrid ធ្វើការរួមគ្នាជាមួយម៉ាស៊ីនសាំងចំណុះ ២,០លីត្រ Turbo ទំហំ ៤ស៊ីឡាំង អាចផលិតកម្លាំងបាន ២៥២ សេះ និងកម្លាំងរមួល ៣៩០ ញ៉ូតុនម៉ែត្រ ភ្ជាប់ដោយប្រអប់លេខអូតូ ។

រថយន្តនេះ មានប្រវែងតួខ្លួនសរុប ៥ ០៩៨ ម.ម ទទឹង ១ ៨៨៤ ម.ម កំពស់ ១ ៨២២ ម.ម និងប្រវែងគន្លាតកង់មុខ-ក្រោយ ៣ ០០០ ម.ម ដោយបានភ្ជាប់មកជាមួយការឌីស្សាញដ៏ប្រណិត ដែលមានប៉ាណាទំហំធំស្រោបដោយក្រូម៉េ ចង្កៀងមុខ-ក្រោយ LED ក៏ដូចជាទ្វារូតសងខាងបើក-បិទដោយថាមពលអគ្គិសនី ព្រមទាំងថាសកង់ស្ព័រទំហំ ១៨អ៉ីញ ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៤,៦ អ៉ីញ គាំទ្រដោយប្រព័ន្ធប្រតិបត្តិការ built-in ADiGO 4.0 រួមទាំងឈីប Qualcomm Snapdragon 8155 អេក្រង់កំសាន្តសម្រាប់អ្នកដំណើរខាងក្រោយ ឧបករណ៍បំពងឡេងម៉ាក YAMAHA ១៦ចំនុច និងហ្វ្រាំងដៃអេឡិចត្រូនិច ជាមួយមុខងារ Auto Hold ផងដែរ ៕

ផ្ទាំងផ្សាយពាណិជ្ជកម្ម

ស្ងាត់ៗ! BYD គ្រោងបង្ហាញរថយន្តប្រើប្រាស់អគ្គិសនីសុទ្ធមួយទៀតក្នុងត្រកូល Seal របស់ខ្លួន

June 1, 2024

[បរទេស] បន្ទាប់ពីធ្វើការបង្ហាញរថយន្ត BYD Seal 06 ជាផ្លូវការរួចមក ពេលនេះក្រុមហ៊ុនផលិតរថយន្ត BYD ក៏បានត្រៀមបញ្ជេញនូវរថយន្ត BYD Seal 07 មួយទៀតប៉ុន្តែប្រើប្រាស់អគ្គិសនីសុទ្ធវិញហើយក៏មានមកជាមួយមុខងារជំនួយការបើកបរថ្មីផងដែល។

រថយន្តនេះមានប្រវែងតួខ្លួនសរុប ៤ ៨០០ ម.ម ទទឹង ១ ៨៧៥ ម.ម កំពស់ ១ ៤៦០ ម.ម និងប្រវែងគន្លាតកង់មុខ-ក្រោយ ២ ៩២០ ម.ម ដំណើរការដោយម៉ូទ័រអគ្គិសនី ២ ប្រភេទគឺប្រភេទម៉ូទ័រអគ្គិសនី១ ផ្គួបជាមួយអាគុយទំហំ ៦១,៤ គីឡូវ៉ាត់ម៉ោង អាចផលិតកម្លាំងបានសរុបចន្លោះពី ១៥០ ទៅ ២៣០គីឡូវ៉ាត់ និងកម្លាំងរមួលចន្លោះពី ៣១០ ទៅ ៣៦០ ញ៉ូតុនម៉ែត្រ ប្រើប្រាស់ប៉ុងមួយ Rear-wheel drive និងប្រភេទម៉ូទ័រអគ្គិសនី២ មុខ-ក្រោយ ផ្គួបជាមួយអាគុយទំហំ ៨២,៥ គីឡូវ៉ាត់ម៉ោង អាចផលិតកម្លាំងសរុបបានចំនួន ៣៩០គីឡូវ៉ាត់ ប្រើប្រាស់ប៉ុងពីរ All-wheel drive និងអាចបើកបរបានចម្ងាយពី ៥៥០ គីឡូម៉ែត្រ ទៅ ៧០០ គីឡូម៉ែត្រ នៅពេលសាកថ្មពេញម្តង។

សម្រាប់ការរចនាផ្នែកខាងក្រៅរថយន្តនេះបំពាក់ដោយប៉ាណាមុខបិតជិតមានសភាពប្រណិតនិងរឹងមាំុ អមដោយចង្កៀងមុខ-ក្រោយ ដំណក់ទឹកដ៏ស្លីមប្រភេទ LED ជាមួយនិងភ្លឺង (DRLs) និងដំបូលដែលបំពាក់ដោយរ៉ាដា ព្រមទាំងប្រើប្រាស់មុខងារជំនួយការបើកបរកម្រិតខ្ពស់ផងដែល។

ផ្ទាំងផ្សាយពាណិជ្ជកម្ម

Jeep គ្រោងនឹងផលិតរថយន្តអគ្គិសនីសុទ្ធតម្លៃត្រឹមតែ ២មុឺនដុល្លារជាងប៉ុណ្ណោះ

May 31, 2024

[បរទេស] យោងតាមគេហទំព័រ CNBC បានឲ្យដឹងថានាយកប្រតិបត្តិក្រុមហ៊ុន Stellantis លោក Carlos Tavares បានបញ្ជាក់ថា ក្រុមហ៊ុន Jeep គ្រោងនឹងផលិតរថយន្តអគ្គិសនីសុទ្ធដែលមានតម្លៃ ២៥ ០០០ ដុល្លារនៅក្នុងសហរដ្ឋអាមេរិក ឆាប់ៗនេះ ។

ក្នុងនោះ លោកមិនបានចែករំលែកច្រើនទាក់ទងនឹងរថយន្តអគ្គិសនីថ្មីនេះទេ ប៉ុន្តែកត់សម្គាល់ថាវានឹងមានតម្លៃប្រហាក់ប្រហែលនឹងរថយន្តអគ្គិសនីសុទ្ធ Citroën e-C3 SUV ដែលមានតម្លៃលក់ ២៥ ២០០ ដុល្លារនៅទីផ្សារប្រទេសប៉ារាំង ។

ជាមួយគ្នានេះ រថយន្តអគ្គិសនីសុទ្ធរបស់ Jeep នេះ រំពឹងថាអាចនឹងបំពាក់ម៉ូទ័រអគ្គិសនីដែលអាចផលិតកម្លាំងបាន ១១១ សេះ និងអាគុយទំហំ ៤៤គីឡូវ៉ាត់ម៉ោង អាចបើកបរបានចម្ងាយ ៣២០ គីឡូម៉ែត្រនៅពេលសាកថ្មពេញម្តង ។ សម្រាប់ព័ត៌មានលម្អិតបន្ថែមទាក់ទងទៅនឹងរថយន្តនេះ ក្រុមហ៊ុនមិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

Hyundai Accent ជំនាន់ថ្មី ចេញលក់នៅប្រទេសវៀតណាមតម្លៃចាប់ផ្តើមក្រោម ២មុឺនដុល្លារ

May 31, 2024

ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញជាផ្លូវការនៅរថយន្ត Hyundai Accent ជំនាន់ថ្មី ស៊េរីឆ្នាំ ២០២៤ នៅទីផ្សារប្រទេសវៀតណាម ជាមួយតម្លៃលក់ថ្លៃជាងឆ្នាំមុន ពោលគឺមានតម្លៃលក់ចាប់ពី ១៧ ២៤៧ ដុល្លារ ដល់ ២២ ៣៥៥ ដុល្លារ ។

Hyundai Accent ដំណើរការដោយម៉ាស៊ីនសាំងចំណុះ ១,៥ លីត្រ អាចផលិតកម្លាំងបាន ១១៥ សេះ និងកម្លាំងរមួល ១៤៤ ញ៉ូតុនម៉ែត្រ ភ្ជាប់ដោយប្រអប់លេខអូតូ iVT និងលេខដៃ ៦វគ្គ ដោយកម្លាំងរមួលរបស់ម៉ូដែលឆ្នាំ ២០២៤ ខ្លាំងជាងឆ្នាំមុន ១២ ញ៉ូតុនម៉ែត្រ ។

រថយន្តប្រភេទ sedan មានការឌីស្សាញបែបស្ព័រដោយផ្នែកខាងមុខមានប៉ាណាទំហំធំ ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង ព្រមទាំងថាសកង់ស្ព័រទំហំ ១៦អ៉ិញជាដើម ។

ចំពោះនៅផ្នែកខាងក្នុងវិញ ទទួលបានការអាប់ដេតបន្ថែមដោយបំពាក់កុងទ័របង្ហាញព័ត៌មានឌីជីថលទំហំ ១០,២៥អ៉ីញ និងអេក្រង់កំសាន្ត touchscreen ទំហំ ៨អ៉ីញ អាចភ្ជាប់មុខងារ Apple CarPlay និង Android Auto ក៏ដូចជាហ្វ្រាំងដៃអេឡិចត្រូនិច និងមុខងារ Auto Hold ខណៈដំបូលកញ្ចក់ Panoramic Sunroof ត្រូវបានដកចេញ ៕

ផ្ទាំងផ្សាយពាណិជ្ជកម្ម

Toyota បញ្ចេញម៉ូដែលថ្មីត្រកូល Crown សម្រាប់តែទីផ្សារប្រទេសចិន តម្លៃជិត ៤មុឺនដុល្លារ

May 31, 2024

[ទីផ្សារបរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារប្រទេសចិន បានធ្វើការដាក់បង្ហាញចេញជាផ្លូវការនៅម៉ូដែលថ្មីរថយន្ត Toyota Crown ដែលមានតម្លៃលក់ចាប់ពី ៣៩ ៣៦៩ ដុល្លារ ដល់ ៤៦ ០០៤ ដុល្លារ សម្រាប់តែទីផ្សារប្រទេសចិនប៉ុណ្ណោះ ។

សម្រាប់ Toyota Crown Kluger ទទួលបានជម្រើសម៉ាស៊ីនចំនួន ២ រួមមាន៖

ម៉ាស៊ីនសាំងចំណុះ ២,០ លីត្រ Turbo ទំហំ ៤ស៊ីឡាំង អាចផលិតកម្លាំងបាន ១៨៩ សេះ និងកម្លាំងរមួល ២៣៦ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ ប្រភេទបើកបរប៉ុង ២
ម៉ាស៊ីន Hybrid ធ្វើការជាមួយម៉ាស៊ីនចំណុះ ២,៥ លីត្រ ទំហំ ៤ស៊ីឡាំង ផ្គួបជាមួយម៉ូទ័រអគ្គិសនីចំនួន ២ អាចផលិតកម្លាំងបាន ២៤៦ សេះ និងកម្លាំងរមួល ៣៨០ ញ៉ូតុនម៉ែត្រ ភ្ជាប់ដោយប្រអប់លេខអូតូ E-CVT ប្រភេទបើកបរប៉ុង ២ ។

ទាក់ទងទៅនឹងរួបរាងផ្នែកខាងក្រៅវិញ ទទូលបានប៉ាណា និងរន្ធខ្យល់រចនាថ្មី ចង្កៀងមុខ-ក្រោយ LED ក៏ឌីស្សាញថ្មី ព្រមទាំងថាសកង់ស្ព័រទំហំ ២០អ៉ីញ ។ ចំពោះនៅផ្នែកខាងក្នុងជាប្រភេទកាប៊ីន ៣ជួរ ៧កៅអី បំពាក់កុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំ ១២,៣ អ៉ីញ គាំទ្រដោយឈីប Qualcomm 8155 ក៏ដូចជាប្រព័ន្ធបញ្ជាដោយសំឡេងជាដើម ។ លើសពីនេះ ក៏ភ្ជាប់មកជាមួយប្រព័ន្ធជំនួយការអ្នកបើកបរដ៏ឆ្លាតវៃកម្រិតខ្ពស់ Toyota Pilot ផងដែរ ៕

ផ្ទាំងផ្សាយពាណិជ្ជកម្ម

VW ចាប់ដៃគ្នាជាមួយ Ford ផលិតរថយន្ត Van សេរ៊ីថ្មីហើយគ្រោងចេញលក់នៅលើទីផ្សារនៅឆ្នាំក្រោយ

May 30, 2024

[បរទេស] កាលពីពេលថ្មីៗនេះ ក្រុមហ៊ុនផលិតរថយន្ត Volkswagen បានធ្វើការដាក់បង្ហាញចេញនូវរូបភាពមួយចំនួននៃរថយន្ត Volkswagen Transporter T7 សេរ៊ីឆ្នាំ២០២៥ របស់ខ្លួនហើយគ្រោងចេញលក់នៅលើទីផ្សារនៅក្នុងត្រីមាសទី១ នៅឆ្នាំក្រោយ។

គួរបញ្ជាក់ផងដែលថាក្រុមហ៊ុន Volkswagen បានចាប់ផ្តើមលក់រថយន្ត Transporter T7 នេះរួចហើយនៅអឺរ៉ុប ជាមួយនឹងតម្លៃលក់ចាប់ពី ៣៣,៩៤២ដុល្លារសហរដ្ឋអាមេរិក ហើយរថយន្តនេះនឹងធ្វើការផលិតឡើងជាបន្តបន្ទាប់ទៀតដើម្បីផ្គត់ផ្គង់ទីផ្សាររបស់ពិភពលោកនៅឯរោងចក្រ Ford Otosan ក្នុងប្រទេសទួរគីដែលរួមសហការណ៍ជាមួយក្រុមហ៊ុន Ford Transit/Tourneo Custom ដើម្បីជំនួសកន្លែងរបស់រថយន្តវេនដ៏ពេញនិយមគឺ Volkswagen Transporter T6.1។

រថយន្តនេះត្រូវបានរំពឹងថានឹងមានប្រវែងតួខ្លួនសរុប ៥,០៥០ ម.ម ដល់ ៥,៤៥០ ម.ម ទទឹង ៣,១០០ ម.ម និងប្រវែងគន្លាតកង់មុខ-ក្រោយ ៣,៥០០ ម.ម ដែលដំណើរការដោយម៉ាស៊ូត, Hybrid និងអគ្គិសនីសុទ្ធ។ ចំពោះការប្រើប្រាស់ម៉ូទ័រអគ្គិសនីសុទ្ធអាចផលិតកម្លាំងសរុបបានចំនួន ១០៨សេះ ទៅ ២១៨សេះ។

សម្រាប់ការរចនានៅផ្នែកខាងក្រៅរថយន្តនេះនឹងទទួលបានការរចនាយ៉ាន់កង់ស្ព័រថ្មីដែលមានទំហំចាប់ពី ១៦អ៊ីញ ដល់ ១៩អ៊ីញ ភ្លឺរលោងចាំងផ្លេក។ ចំពោះផ្នែកខាងក្រោយវានឹងទទួលបានចង្កៀងរាងស្លីមប្រភេទ LED ទាំងសងខាង ជាមួយគ្លប់ទ្វារក្រោយ ១ ឫក៏ ២ ដូចទៅនឹងរថយន្តវេនផ្សេងៗទៀតដែល។

ផ្ទាំងផ្សាយពាណិជ្ជកម្ម

BYD និង Geely តឹងសរសៃកដាក់គ្នាដោយសាររឿងមួយនេះ

May 30, 2024

[បរទេស] កាលពីថ្ងៃទី ២៨ ខែឧសភា ឆ្នាំ ២០២៤ ក្រុមហ៊ុនផលិតរថយន្ត BYD បានដាក់បញ្ចេញជាផ្លូវការនៅរថយន្ត BYD Qin L ប្រើបច្ចេកវិទ្យា DM-o Plug-in hybrid ជំនាន់ទី ៥ ជាមួយកម្រិតស៊ីប្រេង ២,៩លីត្រ/១០០ គីឡូម៉ែត្រ បើកបរបានចម្ងាយ ២១០០ គីឡូម៉ែត្រនៅពេលចាក់ និងសាកថ្មពេញ ជាពិសេសម៉ាស៊ីនកំដៅដែលមានប្រសិទ្ធភាពបំផុតរបស់ពិភពលោក ៤៦,០៦% ។

ក្នុងនោះ ក្រុមហ៊ុន Geely បានឆ្លើយតបថានេះមិនមែនជាការពិតទេ ហើយថាម៉ាស៊ីនដែលមានប្រសិទ្ធភាពបំផុតគឺ ៤៦,១% ។ លើសពីនេះ Geely ថែមទាំងបានបង្ហាញពីវិញ្ញាបនបត្រជាភាសាចិន និងភាសាអង់គ្លេសពីមជ្ឈមណ្ឌលស្រាវជ្រាវ និងបច្ចេកវិទ្យារថយន្តចិន CATARC ដើម្បីបញ្ជាក់តួលេខ។

សម្រាប់វិញ្ញាបនបត្រអំពីម៉ាស៊ីន BHE15 Plus ដែលមានប្រសិទ្ធភាពកម្ដៅ ៤៤.២៦% បង្ហាញពីកាល នៅខែកក្កដា ឆ្នាំ ២០២៣ ប៉ុន្តែបច្ចុប្បន្នម៉ាស៊ីនមិនត្រូវបានប្រើទេ ដោយជាផ្នែកនៃការអភិវឌ្ឍនៃប្រព័ន្ធ NordThor PHEV ជំនាន់ថ្មីដែលនឹងចេញនៅឆ្នាំក្រោយ។

Li Yunfei GM នៃនាយកដ្ឋាន BYD Group PR ក៏បានធ្វើការឆ្លើយតបទៅវិញថា នេះគឺជា “ផលិតកម្មដ៏ធំ ផលិតកម្មទ្រង់ទ្រាយធំ ដែលមានបញ្ចេញជាសាធារណៈ បន្ថែមពីនេះ ញ្ញាបនបត្រ CATARC មជ្ឈមណ្ឌលស្រាវជ្រាវ និងបច្ចេកវិទ្យារថយន្តចិន បានបង្ហាញថា ម៉ាស៊ីនរបស់ BYD ពិតជាមានប្រសិទ្ធភាពបំផុតរបស់ពិភពលោក ៤៦,០៦% ពិតមែន ៕

ផ្ទាំងផ្សាយពាណិជ្ជកម្ម

Cadillac Optiq សេរ៊ីឆ្នាំ២០២៥ ប្រើអគ្គិសនីសុទ្ធឯតម្លៃ៥មុឺនដុល្លារជាងនៅសហរដ្ឋអាមេរិក

May 30, 2024

[បរទេស] កាលពីពេលថ្មីៗនេះ ក្រុមហ៊ុនផលិតរថយន្ត Cadillac បានធ្វើការដាក់បង្ហាញចេញនូវរថយន្ត Cadillac Optiq សេរ៊ីឆ្នាំ២០២៥ ប្រើអគ្គិសនីសុទ្ធ ហើយគ្រោងបង្ហាញជាផ្លូវការនៅចុងឆ្នាំនេះជាមួយតម្លៃលក់ប្រមាណ ៥៤,០០០ ដុល្លារនៅសហរដ្ឋអាមេរិក។

រថយន្តសេរ៊ីថ្មីនេះត្រូវបានផលិតនៅលើគ្រោងឆ្អឹង Ultium platform ដែលប្រវែងតួខ្លួនសរុប ៤ ៨២០ ម.ម ទទឹង ២ ១២៦ ម.ម កំពស់ ១ ៦៤៤ ម.ម និងប្រវែងគន្លាតកង់មុខ-ក្រោយ ២ ៩៥៤ ម.ម ដំណើរការដោយម៉ូទ័រអគ្គិសនីចំនួន ២ ប្រភេទ ផ្គួបជាមួយអាគុយទំហំ ៨៥គីឡូវ៉ាត់ម៉ោង អាចផលិតកម្លាំងសរុបបានចំនួន ៣០០ សេះ និងកម្លាំងរមួល ៤៧៩ញ៉ូតុនម៉ែត្រ ប្រើប្រាស់ប៉ុងពីរជាស្តង់ដា All-wheel drive អាចបើកបរបានចម្ងាយពី ៤៨៣គីឡូម៉ែត្រ នៅពេលសាកថ្មពេញ។

សម្រាប់ការរចនានៅផ្នែកខាងក្រៅរបស់រថយន្តនេះមានលក្ខណៈទាន់សម័យដូចគ្នានិង Lyriq ដែលដោយមានប៉ាណាមុខពណ៌ខ្មៅ ដំបូល Panoramic ព្រមទាំងប្រើប្រាស់ទ្វារដៃប្រភេទ flush-mounted ជាដើម។

សម្រាប់កាប៊ីនខាងក្នុងវិញមានបំពាក់ទៅដោយគ្រឿងសម្ភារៈបរិក្ខារដែលធ្វើឡើងពីស្បែក អេក្រង់បញ្ជាព័ត៌មានទំហំ ៣៣អ៊ីញ និងប្រព័ន្ធប្រព័ន្ធអូឌីយ៉ូ AKG ១៩ចំនុច និងប្រព័ន្ធជំនួយអ្នកបើកបរផ្សេងទៀតដែលមានសមត្ថភាព កំណត់ល្បឿនអូតូ ចាប់សញ្ញា ជូនដំណឹង និងគ្រប់គ្រងការបើកបរជាដើម។

ផ្ទាំងផ្សាយពាណិជ្ជកម្ម