ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 198

តោះមកស្គាល់រថយន្តទាំង ១០ម៉ូដែលប្រើ Hybrid ស៊ីសាំងតិចជាងគេក្នុងឆ្នាំ ២០២៤

[បរទេស] យោងតាមគេហទំព័រសារព័ត៌មាន Motor1.com បានធ្វើការបង្ហាញនៅរថយន្តប្រើម៉ាស៊ីនកូនកាត់ Hybrid ទាំង ១០ ម៉ូដែលមានការសន្សំសំចៃប្រេងឥន្ធនះល្អជាងគេនៅក្នុងឆ្នាំ ២០២៤ ។ ខាងក្រោមនេះ ជាម៉ូដែលឆ្នាំ ២០២៤ ទាំង ១០មានកម្រិតស៊ីប្រេងតិចជាងគេ៖

Toyota Prius
  • ១) Toyota Prius ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៤,១ លីត្រក្នុងរយៈចម្ងាយ ១០០ គីឡូម៉ែត្រ
  • ២) Hyundai Elantra ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៤,៣ លីត្រក្នុងរយៈចម្ងាយ ១០០ គីឡូម៉ែត្រ
  • ៣) Kia Niro ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៤,៤ លីត្រក្នុងរយៈចម្ងាយ ១០០ គីឡូម៉ែត្រ
  • ៤) Toyota Camry ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៤,៥ លីត្រក្នុងរយៈចម្ងាយ ១០០ គីឡូម៉ែត្រ
  • ៥) Toyota Corolla ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៤,៧ លីត្រក្នុងរយៈចម្ងាយ ១០០ គីឡូម៉ែត្រ
  • ៦) Honda Accord  ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៤,៩ លីត្រក្នុងរយៈចម្ងាយ ១០០ គីឡូម៉ែត្រ
  • ៧) Hyundai Sonata ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៥ លីត្រក្នុងរយៈចម្ងាយ ១០០ គីឡូម៉ែត្រ
  • ៨) Lexus ES 300h ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៥,៣ លីត្រក្នុងរយៈចម្ងាយ ១០០ គីឡូម៉ែត្រ
  • ៩) Kia Sportage ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៥,៤ លីត្រក្នុងរយៈចម្ងាយ ១០០ គីឡូម៉ែត្រ
  • ១០) Toyota Corolla Cross ស៊េរីឆ្នាំ ២០២៤ មានកម្រិតស៊ីប្រេងត្រឹមតែ ៥,៦ លីត្រក្នុងរយៈចម្ងាយ ១០០ គីឡូម៉ែត្រ ៕
Kia Niro
Toyota Corolla Hybrid
ផ្ទាំងផ្សាយពាណិជ្ជកម្ម

Toyota Land Cruiser Prado ស៊េរីឆ្នាំ ២០២៥ ទទួលបានមុខមាត់ថ្មី ចេញលក់នៅអូស្រ្តាលីតម្លៃខ្ទង់ ៦មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារប្រទេសអូស្រ្តាលី បានធ្វើការដាក់បង្ហាញចេញនៅរថយន្ត Toyota Land Cruiser Prado ស៊េរីឆ្នាំ ២០២៥ ទទួលបានមុខមាត់ថ្មី មានតម្លៃលក់ចាប់ពី ៦៦ ១៧៨ ដុល្លារ ។

Toyota Land Cruiser Prado ម៉ូដែល Kakadu ទទួលបានតែជម្រើសម៉ាស៊ីនកូនកាត់ V-Active mild-hybrid 48V system ធ្វើការរួមគ្នាជាមួយម៉ាស៊ីនម៉ាស៊ូតចំណុះ ២,៨ លីត្រ ទំហំ ៤ស៊ីឡាំង អាចផលិតកម្លាំងបាន ២០១ សេះ និងកម្លាំងរមួល ៥០០ ញ៉ូតុនម៉ែត្រ ប្រភេទបើកបរប៉ុង ២ ភ្ជាប់ដោយប្រអប់លេខអូតូ ៨វគ្គ ។

ទាក់ទងទៅនឹងរូបរាងផ្នែកខាងក្រៅវិញ ម៉ូដែលនេះទទួលបានប៉ាណាមុខថ្មីរចនាបែបបញ្ឈរ ជាមួយឡូហ្គោ Toyota នៅចំកណ្តាល អបសងខាងដោយចង្កៀងមុខ LED រាងស្លីមជាការយកលំនាំចេញពី Prado ជំនាន់មុន ព្រមទាំងថាសកង់ស្ព័រទំហំដល់ទៅ ២០អ៉ីញ ។

ចំពោះនៅផ្នែកខាងក្នុង អាប់ដេតទៅលើកុងទ័របង្ហាញព័ត៌មានឌីជីថលទំហំដល់ទៅ ១២,៣ អ៉ីញ និងអេក្រង់កំសាន្ត touchscreen ទំហំ ១២,៣អ៉ីញ ឧបករណ៍បំពងសំលេងម៉ាក JBL ចំនួន ១៤ចំនុច ដំបូលកញ្ចក់ Panoramic moonroof រួមទាំងកៅអីជំនួន ៧ ផងដែរ ៕

ផ្ទាំងផ្សាយពាណិជ្ជកម្ម

Nissan Note Autech អាប់ឌែតថ្មីគ្រោងវៃចេញនៅទីផ្សារជប៉ុនជាមួយតម្លៃក្រោម២មុឺនដុល្លារ​

[ទីផ្សារបរទេស] កាលពីពេលថ្មីៗនេះ ក្រុមហ៊ុនផលិតរថយន្ត Nissan បានធ្វើការការកែកុនថ្មីបន្ថែមសម្រាប់រថយន្ត Nissan Note Autech Crossover បន្ទាប់ពីបង្ហាញខ្លួនអស់រយៈពេល៣ឆ្នាំក្នុងប្រទេសជប៉ុន ហើយគ្រោងបង្ហាញជាផ្លូវការជាថ្មីនៅខែកញ្ញា ឆ្នាំ២០២៤ នេះ ជាមួយតម្លៃលក់ចាប់ពី ១៧,៥៤៤ ដល់ ១៩,៤៩៧ ដុល្លារសហរដ្ធអាមេរិកនៅក្នុងប្រទេសជប៉ុន ។

ចំពោះផ្នែកខាងមុខ រថយន្តនេះទទួលបានការអាប់ដេតថ្មីដោយមាន ប៉ាណាខាងមុខភ្ជាប់ដោយកាងខាងមុខធំជាងមុនចំណែកឯភ្លើង (DRLs) ពណ៌ខៀវត្រូវបានដាក់នៅខាងក្រោមភ្លើង LED fog lights វិញ។ សម្រាប់ផ្នែកខាងក្រោយនិងផ្នែកខាងក្រោមវិញទទួលបាន កាង​ កំបាំង និងស្តុំភ្លើងសញ្ញាថ្មី​ ព្រមទាំងប្រើប្រាស់ថាសកង់ទំហំ ១៦អ៊ីញ របស់ Autech​​ និងអាប់ឌែតបាតខាងក្រោមរបស់រថយន្តខ្ពស់ជាងមុន ២៥ មីលីម៉ែត្រ ផងដែល។ បើនិយាយពី​ពណ៌ខាងក្រៅវិញរថយន្តថ្មីនេះមកជាមួយនឹងពណ៌ទង់ដែងស្រស់ ពណ៌ស្រមោលទឹកប៊ិច និងពណ៌ខៀវជាដើម។​

ទាក់ទងនឹងផ្នែកម៉ាស៊ីនវិញរថយន្តនេះដំណើរការដោយ ៖

  • ម៉ាស៊ីនសាំងចំណុះ ១,២ លីត្រ និងម៉ូទ័រអគ្គិសនី១​ប្រភេទនៅផ្នែកខាងមុខ អាចផលិតកម្លាំងសរុបបានចំនួន ១១៦ សេះ ប្រើប្រាស់ប៉ុង១ 2WD។
  • ម៉ាស៊ីនសាំងចំណុះ ១,២ លីត្រ និងម៉ូទ័រអគ្គិសនី១​ប្រភេទនៅផ្នែកខាងក្រោយ អាចផលិតកម្លាំងសរុបបានចំនួន ១៨១ សេះ ប្រើប្រាស់ប៉ុង២ AWD។

សម្រាប់ផ្នែកខាងក្នុងកាប៊ីនវិញមានបំពាក់ប្រអប់តាបឡូនិងគ្លប់ក្រោយធំជាងមុន គ្រឿងសម្ភារៈដែលធ្វើឡើងពីស្បែកនិងប៉ាក់ដោយដៃ កុងទ័រឌីជីថលទំហំ 7 អ៊ីញ អេក្រង់ព័ត៌មានកម្សាន្តទំហំ 9 អ៊ីញ និងបន្ថែមនូវប្រព័ន្ធបើកបរសុវត្ថិភាពកម្រិតខ្ពស់ ADAS ជាច្រើនផងដែល។

ផ្ទាំងផ្សាយពាណិជ្ជកម្ម

ស្ងាត់ៗក្រុមហ៊ុន តូយ៉ូតា (ខេមបូឌា) សាខា​ខេត្តបាត់ដំបង ផ្លាស់ទីតាំងថ្មី ហើយធំជាងមុន

ការសម្ពោធជាផ្លូវការទីស្នាក់ការ​ សាខាខេត្តបាត់ដំបង បានប្រព្រឹត្តទៅនៅថ្ងៃទី ២៩ ខែឧសភា ឆ្នាំ ២០២៤ ដោយមានការចូលរួម ក្រោមអធិបតិភាពរបស់ឯកឧត្តម ផេង​ សិទ្ធិ អភិបាលរងខេត្តតំណាងដ៏ខ្ពង់ខ្ពស់ ឯកឧត្តម សុខ លូ  អភិបាលនៃគណៈអភិបាលខេត្តបាត់ដំបង លោកឧកញ៉ា គង់ នួន ប្រធានក្រុមហ៊ុន តូយ៉ូតា (ខេមបូឌា) ថ្នាក់ដឹងក្រុមហ៊ុនតូយ៉ូតា (ខេមបូឌា)​ និងភ្ញៀវកិត្តិយសជាច្រើនបានចូលរួមកម្មវិធីសម្ពោធន៍ជាផ្លូវការក្រុមហ៊ុន តូយ៉ូតា (ខេមបូឌា) សាខា​ខេត្តបាត់ដំបង។

យោងតាមប្រសាសន៍របស់លោកឧកញ៉ា គង់ នួន ប្រធានក្រុមហ៊ុន តូយ៉ូតា (ខេមបូឌា) បានអោយដឹងថា៖

“ ក្រុមហ៊ុន តូយ៉ូតា (ខេមបូឌា) បានចាប់ផ្តើមពង្រីកទីផ្សារ តាមរយៈការសាងសង់សាខាលក់រថយន្តថ្មីជាផ្លូវការនៅក្នុងខេត្តបាត់ដំបងចាប់តាំងពីឆ្នាំ ២០១១ ដោយសារការសង្កេតឃើញពីការគាំទ្ររបស់អតិថិជន រួមជាមួយសក្តានុពលសេដ្ឋកិច្ចនៃខេត្តបាត់ដំបង។ ក្នុងរយៈពេលជាង ១០ឆ្នាំ កន្លងមកនេះ ក្រុមហ៊ុន តូយ៉ូតា នៅតែបន្តអាជីវកម្មរបស់ខ្លួនយ៉ាងរឹងមាំ នៅក្នុងភូមិសាស្ត្រ ខេត្តបាត់ដំបង ជាមួយនឹងកំណើននៃការលក់រថយន្ត និងការគាំទ្រយ៉ាងខ្លាំងក្លាពីសំណាក់អតិថិជន។ លើសពីនេះទៅទៀតក្រុមហ៊ុន តូយ៉ូតា ក៏បានរួមចំណែកក្នុងការបង្កើតការងារសម្រាប់ប្រជាពលរដ្ឋក្នុងតំបន់ ដែលជាផ្នែកមួយនៃការបណ្តុះបណ្តាល ធនធានមនុស្ស ក្នុងវិស័យយានយន្តនៅក្នុងប្រទេសកម្ពុជា។

គួរបញ្ជាក់ផងដែរថា ទីតាំងថ្មីរបស់ក្រុមហ៊ុន តូយ៉ូតា​ (ខេមបូឌា) ​សាខា​ខេត្តបាត់ដំបង ត្រូវបានសាងសង់ឡើងដោយបំពាក់ជាមួយនឹងគ្រឿងបរិក្ខារថ្មីៗ កន្លែងតាំងបង្ហាញរថយន្តដ៏ធំទូលាយ ដែលនឹងផ្តល់នូវបទពិសោធន៍ថ្មី រួមជាមួយអារម្មណ៏​ស្រស់ស្រាយ និងផាសុកភាពជូនដល់អតិថិជន។

លើសពីនេះទៅទៀត បុគ្គលិកគ្រប់រូបក៏បានត្រៀមខ្លួនរួចរាល់ ក្នុងការប្រឹក្សារយោបល់អំពីរថយន្តថ្មី និងសេវាកម្មផ្សេងៗរបស់ក្រុមហ៊ុន តូយ៉ូតា (ខេមបូឌា)​ ​ជូនដល់អតិថិជនដែលនៅក្នុងខេត្តបាត់ដំបងផ្ទាល់ ក៏ដូចជាអតិជនដែលមកពីបណ្តាខេត្តមានព្រំប្រទល់ក្បែរខេត្តបាត់ដំបងផងដែរ។

ជាទីបញ្ចប់ តាងនាមឲ្យក្រុមហ៊ុន តូយ៉ូតា (ខេមបូឌា) ខ្ញុំបាទសូមថ្លែងអំណរគុណយ៉ាងជ្រាលជ្រៅ ចំពោះអតិថិជនតូយ៉ូតា ទាំងអស់ ដែលតែងតែគាំទ្រ និងជឿទុកចិត្ត ទៅលើគុណភាព ក៏ដូចជាសេវាកម្ម របស់ក្រុមហ៊ុន តូយ៉ូតា (ខេមបូឌា) ដែលរួមមានដូចជា៖

  • សេវាកម្មលក់រថយន្តថ្មី
  • សេវាកម្មជួសជុល និងប្តូរគ្រឿងបន្លាស់រថយន្តតូយ៉ូតា និង Lexus
  • សេវាកម្មបង់រំលោះពីក្រុមហ៊ុន តូយ៉ូតា ហ្វាយនែន
  • សេវាកម្មដោះដូររថយន្តចាស់យករថយន្តថ្មី
  • និង សេវាកម្មជួលរថយន្ត (Rent Plus)

គួរបញ្ចាក់ដែរថា អគារតាំងបង្ហាញរថយន្ត​​ក្រុមហ៊ុន តូយ៉ូតា (ខេមបូឌា) សាខាខេត្តបាត់ដំបង ដែលមានទីតាំងស្ថិតនៅតាមបណ្តោយផ្លូវជាតិលេខ​ ៥​ សង្កាត់រតនៈ ក្រុងបាត់ដំបង​ ខេត្តបាត់ដំបង សំរាប់ពត៌មានលម្អិត សូមទំនាក់ទំនង ០១៧ ៣៣៣ ២៤១ / ០១៧ ៣៣៣ ៤៤១ ៕

ផ្ទាំងផ្សាយពាណិជ្ជកម្ម

BYD Qin L សេរ៊ីឆ្នាំ២០២៤ បង្ហាញខ្លួននៅចិនតម្លៃអត់ដល់ ២មុឺនដុល្លារផង ប៉ុន្តែប្រើ Hybrid

[ទីផ្សារចិន] ជាមួយគ្នានិងការបង្ហាញរថយន្ត BYD Seal 06 ជាផ្លូវការ ក្រុមហ៊ុនផលិតរថយន្ត BYD ក៏បានបញ្ជេញនូវរថយន្ត BYD Qin L សេរ៊ីឆ្នាំ២០២៤ ប្រភេទ​​​ mid-size​ sedans ប្រើប្រាស់នូវម៉ាស៊ីនកូនកាត់ Plug-in Hybrid ជំនាន់ទី៥ ថ្មីរបស់ BYD ដែលអាចអោយរថយន្តរបស់ខ្លួនអាចបើកបានចម្ងាយ ២ ១០០km ដោយមិនចាំបាច់ឈប់ចាក់សាំង និងសាកថ្មនោះឡើយ។ 

សម្រាប់រថយន្ត BYD Qin L សេរ៊ីថ្មីនេះមានដល់ទៅ ០៦ជម្រើសឯណ្ណោះ ៖

  • DM-i Leading តម្លៃ ១៣​,៧៥០ដុល្លារសហរដ្ធអាមេរិក
  • DM-i Transcendence តម្លៃ ១៥,១៥០ដុល្លារសហរដ្ធអាមេរិក
  • DM-i Leading តម្លៃ ១៦,៥៥០ដុល្លារសហរដ្ធអាមេរិក
  • DDM-i Transcendence តម្លៃ ១៧,៩០០ដុល្លារសហរដ្ធអាមេរិក
  • DM-i Excellence តម្លៃ ១៩,៣០០ ដុល្លារសហរដ្ធអាមេរិក។

សម្រាប់រូបរាងខាងក្រៅរបស់រថយន្តនេះមានពីរជម្រើសគឺពណ៌​សនិងពណ៌​ប្រផេះ ដោយមានប៉ាណាមុខដ៏ធំដូចមាត់របស់សត្វនាគតុបតែងដោយរបាក្រូម៉េដាច់ៗ ចង្កៀងមុខ-ក្រោយរាងស្លីមប្រភេទ LED ព្រមទាំងថាសកង់ស្ព័រទំហំ ១៧អ៊ីញសម្រាប់ជម្រើស ៨០គីឡូម៉ែត្រ​ និង​ ១៨ អ៊ីញសម្រាប់ជម្រើស ១២០គីឡូម៉ែត្រ​​ និងទ្វារដៃប្រភេទ Flush-door ជាដើម។

ចំពោះផ្នែកខាងក្នុងនិងប្រព័ន្ធម៉ាសុីនដំណើរការវិញមានលក្ខណៈដូចគ្នាទាំងស្រុងទៅនិងរថយន្ត BYD Seal 06 ដែរ។

ផ្ទាំងផ្សាយពាណិជ្ជកម្ម

Avatr បញ្ចេញម៉ូដែលថ្មី មានតម្លៃលក់ក្រោម ៣មុឺនដុល្លារ ដើម្បីប្រជែងទីផ្សារពី Tesla Model Y

[បរទេស] ក្រុមហ៊ុន Avatr ដែលស្ថិតក្រោមក្រុមហ៊ុន Huawei បានធ្វើការដាក់បង្ហាញចេញនៅរថយន្តអគ្គិសនីសុទ្ធម៉ូដែល Avatr 07 ជាផលិតរួមគ្នាជាមួយក្រុមហ៊ុនផលិតរថយន្ត Changan និងក្រុមហ៊ុនអាគុយ CATL ជាគូប្រជែងនឹងរថយន្ត Tesla Model Y ដែលមានតម្លៃលក់រំពឹងថាចាប់ពី ២៨ ៩០០ ដុល្លារនៅទីផ្សារប្រទេសចិន ខណៈ Tesla Model Y មានតម្លៃចាប់ពី ៣៥ ១០០ ដុល្លារ ។

Avatr 07 ទទួលបានជម្រើសថាមពលអគ្គិសនីសុទ្ធ ចំនួន ២ម៉ូដែល និងអគ្គិសនី + សាំងចំនួន ២ម៉ូដែល រួមមាន៖

  • ម៉ូដែល BEV បំពាក់ម៉ូទ័រអគ្គិសនីចំនួន ១ អាចផលិតកម្លាំងបាន ៣៣៨ សេះ និងម៉ូទ័រអគ្គិសនីចំនួន ២ អាចផលិតកម្លាំងបានសរុប ៥៩០ សេះ ផ្គួបជាមួយអាគុយប្រភេទ LFP របស់ក្រុមហ៊ុន CATL
  • ម៉ូដែល EREV បំពាក់ម៉ាស៊ីនសាំងចំណុះ ១,៥ លីត្រ ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ៣១០ សេះ និងម៉ូទ័រអគ្គិសនីចំនួន ២ អាចផលិតកម្លាំងបាន ៤៨៥ សេះ ។

ទាក់ទងទៅនឹងការឌីស្សាញនៅផ្នែកខាងក្រៅមានលក្ខណៈស្រដៀងគ្នាទៅរថយន្ត Avatr 11 និង Avatr 12 ជាមួយការឌីស្សាញឲ្យឈ្មោះថា Avatr 2.0 design DNA  ដោយមានប៉ាណាមុខបិទជិត ចង្កៀងមុខ LED រាងជាអក្សរ C-shaped ព្រមទាំងថាសកង់ស្ព័រទំហំដល់ទៅ ២១អ៉ីញ និងចង្កៀងក្រោយ LED មួយឆ្នូតរាងស្លីម ។ ខណៈនៅផ្នែកខាងក្នុង ក្រុមហ៊ុនមិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

ត្រឹមរយៈពេលមួយឆ្នាំក្រុមហ៊ុន Geely លក់រថយន្ត Geely Galaxy L7 បានចំនួន១០មុឺនគ្រឿងនៅក្នុងស្រុកកំណើត

[ទីផ្សារចិន] យោងការប្រកាសរបស់ក្រុមហ៊ុនផលិតរថយន្ត Geely កាលពីម្សិលមិញនេះ (គិតត្រឹមខែឧសភា ឆ្នាំ២០២៤) ក្រុមហ៊ុនរបស់ចិនមួយនេះបានលក់រថយន្ត Geely Galaxy L7 បានសរុបចំនួន ១០០,០០០គ្រឿង នៅក្នុងប្រទេសកំណើតរបស់ខ្លួន។

គួរបញ្ជាក់ផងដែលថា L7 គឺជារថយន្តដំបូងគេដែលចេញលក់ក្នុងត្រកូល Galaxy និងជារថយន្ត SUV កម្រិតមធ្យមដែលបានប្រកាសចេញជាផ្លូវការកាលពីខែឧសភា ឆ្នាំ២០២៣​ ជាមួយតម្លៃលក់ចាប់ពី ១៩,៥០០ ដល់ ២១,២០០ដុល្លារសហរដ្ធអាមេរិក។

សម្រាប់រថយន្តនេះដំណើរការដោយ hybrid ធ្វើការរួមគ្នាជាមួយម៉ាសុីនសាំុងចំណុះ ១,៥លីត្រ ទំហំ ៤សុីឡាំងនិងម៉ូទ័រអគ្គិសនីចំនួន ២ប្រភេទ អាចបើកបរបានចម្ងាយសរុបចន្លោះពី ១,៣១០គីឡូម៉ែត្រ ទៅ ១,៣៧០គីឡូម៉ែត្រ។

ផ្ទាំងផ្សាយពាណិជ្ជកម្ម

GAC GS8 ស៊េរីឆ្នាំ២០២៤ មុខមាត់ថ្មី ប្រើបច្ចេកវិទ្យា Hybrid របស់ Toyota បង្ហាញខ្លួននៅប្រទេសកំណើត

[ទីផ្សារបរទេស] ក្រុមហ៊ុនផលិតរថយន្ត GAC បានធ្វើការដាក់បង្ហាញចេញនៅរថយន្ត GAC GS8 ស៊េរីឆ្នាំ ២០២៤ មុខមាត់ថ្មី ប្រភេទ Luxury SUV ប្រើប្រាស់បច្ចេកវិទ្យារបស់ Toyota ជាមួយតម្លៃលក់ចាប់ពី ២៦ ០០០ ដុល្លារ ដល់ ៣៤ ២០០ ដុល្លារ នៅទីផ្សារប្រទេសចិន ។

GAC GS8 ទទួលបានជម្រើសម៉ាស៊ីនចំនួន ២ រួមមាន៖

  • ម៉ាស៊ីនសាំងចំណុះ ២,០លីត្រ Turbocharged អាចផលិតកម្លាំងបាន ២៥២ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ ប្រភេទបើកបរប៉ុង ២
  • ម៉ាស៊ីនកូនកាត់ Hybrid របស់ Toyota ធ្វើការរួមគ្នាជាមួយម៉ាស៊ីនសាំងចំណុះ ២,០លីត្រ Turbocharged អាចផលិតកម្លាំងបាន ៣៧២ សេះ ភ្ជាប់ដោយប្រអប់លេខអូតូ E-CVT ។

រថយន្តនេះ មានប្រវែងតួខ្លួនសរុប ៥០១៥ មម ទទឹង ១៩៥០ មម កំពស់ ១៧៨០ មម និងប្រវែងគន្លាតកង់មុខ-ក្រោយ ២៩២០ មម ។ ទាក់ទងនឹងផ្នែកខាងក្រៅមានការរចនាឌីស្សាញបន្ថែមម្រាប់ប៉ាណា និងការផ្នែកខាងមុខថ្មី ចង្កៀងមុខ-ក្រោយ LED និងថាសកង់ស្ព័រផ្តល់នៅរូបរាងកាន់ប្រណិត ។

ចំពោះនៅផ្នែកខាងក្នុង មានបំពាក់កុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៤,៦ អ៉ីញ កៅអីផ្នែកខាងមុខមានមុខងារម៉ាស្សា និងខ្យល់-កំដៅសម្រាប់ជួរ ២ ក៏ដូចជាប្រព័ន្ធកាមេរ៉ា ៣៦០ ដឺក្រេមួយជុំរថយន្តផងដែរ ៕

ផ្ទាំងផ្សាយពាណិជ្ជកម្ម

Geely ជាក្រុមហ៊ុនរបស់ចិនដំបូងគេស្ថិតក្នុងក្រុមហ៊ុនទាំង ១០ ដែលលក់ដាច់ជាងគេលើពិភពលោក

[បរទេស] ក្រុមហ៊ុនផលិតរថយន្តរបស់ចិន Geely បានវ៉ាដាច់ក្រុមហ៊ុន Mercedes-Benz និង BMW ស្ថិតក្នុងក្រុមហ៊ុនផលិតរថយន្តកំពូលទាំង ១០ដែលមានការលក់ល្អបំផុតទូទាំងពិភពលោកនៅក្នុងត្រីមាសទីមួយនៃឆ្នាំ ២០២៤ ។

ក្នុងនោះ យោងតាមទិន្នន័យចេញពីគេហទំព័រ Nikkei Asia បង្ហាញថានៅក្នុងត្រីមាសទីមួយនៃឆ្នាំ ២០២៤ ក្រុមហ៊ុន Geely  របស់ប្រទេសចិនដែលជាម្ចាស់ក្រុមហ៊ុន Volvo, Louts រួមទាំង Polestar និង Zeekr លក់រថយន្តបានចំនួន ៧៣០ ០០០ គ្រឿងនៅទូទាំងពិភពលោក កើនឡើង ២៧% បើធៀបនឹងឆ្នាំមុន នឹងបានក្រុមហ៊ុនរថយន្តចិនដំបូងគេដែលជាប់នៅក្នុងបញ្ជីក្រុមហ៊ុនផលិតចំនួន ១០ដែលមានការលក់ល្អបំផុតនៅលើពិភពលោក។

មិនត្រឹមតែប៉ុណ្ណោះ បញ្ជីនៃក្រុមហ៊ុនផលិតរថយន្តធំជាងគេទាំង ២០ របស់ពិភពលោកនៅក្នុងត្រីមាសទីមួយនៃឆ្នាំនេះក៏បានកត់ត្រាការលេចឡើងនៃឈ្មោះជាច្រើនពីឧស្សាហកម្មរថយន្តរបស់ចិនដូចជា BYD, Changan, Chery និង SAIC ។ ក្រុមនៃក្រុមហ៊ុនផលិតរថយន្តកំពូលទាំង ៥ របស់ប្រទេសចិនសម្រេចបាននូវអត្រាកំណើនសរុប ២០% ខណៈដែលសន្ទុះនៃកំណើនសរុបនៃក្រុមហ៊ុនផលិតរថយន្តកំពូលទាំង ២០ បានឈប់ត្រឹមតែ ២% ប៉ុណ្ណោះ ៕

ផ្ទាំងផ្សាយពាណិជ្ជកម្ម

រថយន្ត​ BYD Seal 06 សេរ៊ីឆ្នាំ២០២៤ ប្រើHybrid បង្ហាញខ្លួនជាផ្លូវការជាមួយតម្លៃខ្ទង់១មុឺនដុល្លារស្តើងប៉ុណ្ណោះក្នុងទីផ្សារចិន

[ទីផ្សារចិន] កាលពី​យប់ម្សិលមិញនេះ ក្រុមហ៊ុនផលិតរថយន្ត BYD បានធ្វើការដាក់បង្ហាញនូវរថយន្ត BYD Seal 06 ជាផ្លូវការ ប្រភេទកូនកាត់ Plug-in Hybrid ជាមួយតម្លៃលក់ចន្លោះពី ១៣​,៧៥០ ដល់ ១៩,៣០០ ដុល្លារសហរដ្ធអាមេរិក នៅទីផ្សារប្រទេសចិន ។

ក្នុងនោះដែលរថយន្ត BYD Seal 06 សេរ៊ីថ្មីនេះមានដល់ទៅ ០៦ជម្រើសឯណ្ណោះ ៖

  • ប្រភេទ ៨០គីឡូម៉ែត្រ DM-i Deluxe តម្លៃ ១៣​,៧៥០ដុល្លារសហរដ្ធអាមេរិក
  • ប្រភេទ ៨០គីឡូម៉ែត្រ DM-i Prestige តម្លៃ ១៥,១៥០ដុល្លារសហរដ្ធអាមេរិក
  • ប្រភេទ ១២០គីឡូម៉ែត្រ DM-i Prestige តម្លៃ ១៦,៥៥០ដុល្លារសហរដ្ធអាមេរិក
  • ប្រភេទ ១២០គីឡូម៉ែត្រ DM-i Premium តម្លៃ ១៧,៩០០ដុល្លារសហរដ្ធអាមេរិក
  • ប្រភេទ ១២០គីឡូម៉ែត្រ DM-i Flagship តម្លៃ ១៩,៣០០ ដុល្លារសហរដ្ធអាមេរិក។

BYD Seal 06 មានប្រវែងតួខ្លួនសរុប ៤ ៨៣០ ម.ម ទទឹង ១ ៨៧៥ ម.ម កំពស់ ១ ៤៩៥ ម.ម និងប្រវែងគន្លាតកង់មុខ-ក្រោយ ២ ៧៩០ ម.ម បំពាក់ជាមួយម៉ាស៊ីន Plug-in hybrid (DM-i 5.0) ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនី ២​ ប្រភេទគឺប្រភេទ​ ១៦០ គីឡូវ៉ាត់ ផ្គួបជាមួយអាគុយទំហំ ១៥,៨៧៤ គីឡូវ៉ាត់ម៉ោង អាចផលិតកម្លាំងបានសរុប ៣១៤ សេះ និងប្រភេទ ១២០ គីឡូវ៉ាត់ ផ្គួបជាមួយអាគុយទំហំ ១០,០៨ គីឡូវ៉ាត់ម៉ោង អាចផលិតកម្លាំងបានសរុប ២៦៣ សេះ អាចបើកបរបានចម្ងាយពី ៨០ គីឡូម៉ែត្រ ទៅ​ ១២០ គីឡូម៉ែត្រ ដោយមិនប្រើសាំង ខណៈមានកម្រិតស៊ីប្រេងត្រឹមតែ ២,៩ លីត្រប៉ុណ្ណោះក្នុងរយៈចម្ងាយ ១០០គីឡូម៉ែត្រ ។

សម្រាប់ការរចនានៅផ្នែកខាងក្រៅរបស់រថយន្តនេះ នៅតែប្រើប្រាស់ការឌីស្សាញ BYD Ocean series ដោយមានប៉ាណាមុខបិទជិត ចង្កៀងមុខ-ក្រោយ LED ព្រមទាំងថាសកង់ស្ព័រទំហំ ១៧អ៊ីញសម្រាប់ជម្រើស ៨០គីឡូម៉ែត្រ​ និង​ ១៨ អ៊ីញសម្រាប់ជម្រើស ១២០គីឡូម៉ែត្រ​​ និងប្រើប្រាស់ដៃទ្វារប្រភេទ semi-hidden ជាដើម ។

ចំពោះផ្នែកខាងក្នុង បានរួមមកជាមួយគ្រឿងបរិក្ខាស្តង់ដារមួយចំនួនរួមមាន កុងទ័របង្ហាញព័ត៌មានឌីជីថលទំហំ ៨,៨ អ៉ីញ និងអេក្រង់បញ្ជាព័ត៌មាន touchscreen ទំហំ ១៥,៦ អ៊ីញ អាចភ្ជាប់មុខងារ Android Auto/Apple CarPlay, កន្លែងសាកថ្មឥតខ្សែ, ម៉ាស៊ីនត្រជាក់អូតូ, កៅអីក្តៅ-ត្រជាក់, ការ​កែប្រែកៅអីបើកបរ ៨​ ចំនុច និងប្រព័ន្ធជំនួយការបើកបរ ADAS ជាច្រើនផងដែររួមមាន ពោងសុវត្ថិភាពចំនួន ៦ ចំនុច, ប្រព័ន្ធកំណត់ល្បឿន, ប្រព័ន្ធជំនួយពេលឡើង-ចុះចំណោត,  និង កាមេរ៉ាមើលមួយជុំរថយន្ត ៣៦០ ដឺក្រេ ។

ផ្ទាំងផ្សាយពាណិជ្ជកម្ម
1...197198199...1,010ទំព័រ 198 នៃ 1,010

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com