GAC Trumpchi GS8 ស៊េរីឆ្នាំ២០២៤ ប្រភេទ៥កៅអី អាប់ឌែតថ្មីបង្ហាញខ្លួនជាផ្លូវការជាមួយតម្លៃ២មុឺនជាងក្នុងប្រទេសចិន

May 28, 2024

[ទីផ្សារបរទេស] នៅក្នុងថ្ងៃទី ២៨ ខែឧសភា ឆ្នាំ២០២៤ នេះ ក្រុមហ៊ុនផលិតរថយន្ត GAC បានធ្វើការដាក់បង្ហាញចេញនូវរថយន្ត GAC Trumpchi GS8 ស៊េរីឆ្នាំ ២០២៤ ជាប្រភេទរថយន្ត៥កៅអី អាប់ឌែតថ្មី ជាមួយតម្លៃលក់ចាប់ពី ២៦,០០០ ដល់ ៣៤,២០០ ដុល្លារសហរដ្ធអាមេរិកនៅក្នុងទីផ្សារប្រទេសចិន ។

GAC Trumpchi GS8 ស៊េរីឆ្នាំ ២០២៤ ត្រូវបានដំណើរការដោយ៖

ម៉ាស៊ីនសាំងចំណុះ ១.៥ លីត្រ GDI Turbocharged អាចផលិតកម្លាំងសរុបបានចំនួន ២៥២សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ដោយប្រអប់លេខអូតូ៨វគ្គ ប្រើប្រាស់ប៉ុងពីរ Four-wheel drive។
ម៉ាស៊ីនកូនកាត់ Toyota Hybrid System ធ្វើការរួមគ្នាជាមួយម៉ាស៊ីនសាំងចំណុះ 2.0 លីត្រ Turbocharged និងម៉ូទ័រអគ្គិសនីចំនួន១ អាចផលិតកម្លាំងសរុបបានចំនួន ៣៧២សេះ ភ្ជាប់ជាមួយប្រអប់លេខ E-CVT ។

ទាក់ទងនឹងផ្នែកខាងក្រៅ រថយន្ត Trumpchi GS8 ឆ្នាំ ២០២៤ ថ្មីនេះមានរូបរាងសុីវិល័យដែលមានប្រវែងតួខ្លួនសរុប ៥,០១៥ ម.ម ទទឹង ១,៩៥០ ម.ម កំពស់ ១,៧៨០ ម.ម និងប្រវែងគន្លាតកង់មុខ-ក្រោយ ២,៩២០ ម.ម និងបានភ្ជាប់មកជាមួយប៉ាណាមុខមួយផ្ទាំងធំអមដោយឡូហ្គូល GAC នៅចំកណ្តាល ចង្កៀងមុខ-ក្រោយប្រភេទ LED ដៃទ្វារប្រភេទ flush-door ព្រមទាំងប្រើប្រាស់ថាសកង់ស្ព័រជាដើម ។

ចំពោះនៅផ្នែកខាងក្នុងវិញ មានបំពាក់កុងទ័រល្បឿនឌីជីថលទំហំ 12.3 អ៊ីញ អេក្រង់កំសាន្ត touchscreen ទំហំ ១៤,៦ អ៊ីញ រួមទាំងមុខងារម៉ាស្សានិងមុខងារជំនួយចង្កេះបួនបែបសម្រាប់អ្នកបើកបរនិងកៅអីអ្នកដំណើរខាងមុខនិងកៅអីកម្តៅសម្រាប់អ្នកដំណើរខាងក្រោយនិងប្រើប្រាស់មុខងារជំនួយការបើកបរកម្រិតខ្ពស់ដែលមានសមត្ថភាពការចុះចតដោយស្វ័យប្រវត្តិ, ចាប់សញ្ញា, ចាប់ហ្វ្រាំងអូតូ, កាម៉េរ៉ា ៣៦០ដឺក្រេ និងមុខងារផ្សេងៗទៀត។ ។

ផ្ទាំងផ្សាយពាណិជ្ជកម្ម

Maxus បញ្ចេញម៉ូដែល MPV ថ្មី ប្រើ Plug-in hybrid តម្លៃលក់ចាប់ពី ៤មុឺនដុល្លារឡើងទៅ

May 28, 2024

[ទីផ្សារបរទេស] ក្រុមហ៊ុនផលិតរថយន្ត SAIC Maxus បានធ្វើការដាក់បង្ហាញចេញនៅរថយន្ត ស៊េរីឆ្នាំ ២០២៤ ប្រភេទ MPV កៅអី ៣ជួរ ប្រើ Plug-in hybrid ជាមួយតម្លៃលក់ចាប់ពី ៤១ ៤០០ ដុល្លារ ដល់ ៤២ ៨០០ ដុល្លារនៅទីផ្សារប្រទេសចិន ។

Maxus Dijia 9 ដំណើរការដោយប្រព័ន្ធ Plug-in hybrid ធ្វើការជាមួយម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនី ផលិតកម្លាំងបានសរុប ២៣៦ សេះ និងកម្លាំងរមួល ៣៩០ ញ៉ូតុនម៉ែត្រ ផ្គួបជាមួយអាគុយទំហំ ៣៩,៧ គីឡូវ៉ាត់ម៉ោងអាចបើកបរបានចម្ងាយ ២៥៥ គីឡូម៉ែត្រពីថាមពលអគ្គិសនី ។

រថយន្តនេះ មានប្រវែងតួខ្លួនសរុប ៥ ២៧០ ម.ម ទទឹង ២ ០០០ ម.ម កំពស់ ១ ៨៤៨ ម.ម និងប្រវែងគន្លាតកង់មុខ-ក្រោយ ៣ ២០០ ម.ម ព្រមទាំងមានបំពាកើប៉ាណាមុខបិទជិត ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង ក៏ដូចជាទ្វាររូតសងខាងដើរដោយថាមពលអគ្គិសនី និងថាកសង់ស្ព័រទំហំ ១៩អ៉ីញ ។

ចំពោះនៅផ្នែកខាងក្នុងវិញ ដោយនៅលើតាប្លូមានកុងទ័របង្ហាញព័ត៌មានទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ រួមទាំងអេក្រង់សម្រាប់អ្នកដំណើរខាងមុខទំហំ ១២,៣ អ៉ីញ ។ លក្ខណៈពិសេសផ្សេងទៀតរួមមាន ឧបករណ៍បំពងសំឡេងម៉ាក JBL ១២ចំនុច និងប្រព័ន្ធជំនួយការអ្នកបើកបរកម្រិត២ ទៀតផង ៕

ផ្ទាំងផ្សាយពាណិជ្ជកម្ម

Jeep Avenger 4xe ស៊េរីឆ្នាំ២០២៤ អាប់ឌែតថ្មីលើប្រព័ន្ធជើងក្រោម ប្រើប្រាស់ប៉ុងពីរ

May 28, 2024

[បរទេស] កាលពីប៉ុន្មានថ្ងៃមុននេះ ក្រុមហ៊ុនផលិតរថយន្ត Jeep បានធ្វើការអាប់ឌែតថ្មីទៅលើរថយន្ត Jeep Avenger 4xe ស៊េរីឆ្នាំ ២០២៤ ប្រភេទ Mild Hybrid Electric Vehicle (MHEV) ដែលគ្រោងបង្ហាញខ្លួននៅទីផ្សារអឺរ៉ុបក្នុងត្រីមាសទី៤នេះជាមួយតម្លៃថ្លៃជាងម៉ូដែលមុនៗ។

រថយន្តថ្មីនេះប្រើប្រាស់ម៉ាស៊ីនកូនកាត់ Mild Hybrid ធ្វើការរួមគ្នាជាមួយម៉ាស៊ីនសាំងចំណុះ ១,២ លីត្រ turbocharged ៣សុីឡាំង ផ្គួបជាមួយម៉ូទ័រអគ្គិសនីចំនួន ២ អាចផលិតកម្លាំងបានសរុប ១៦២ សេះ ភ្ជាប់ដោយប្រអប់លេខអូតូ ៦វគ្គ ប៉ុងពីរ all-wheel drive អាចបើកបរពី ០ ទៅ ១០០គីឡូម៉ែត្រចំណាយពេលត្រឹមតែ ៩,៥ វិនាទី និងសាំុង ៣-៤លីត្រ ប៉ុណ្ណោះ។

លើសពីនេះទៅទៀតរថយន្តនេះទទួលបានការអាប់ឌែតថ្មីទៅលើប្រព័ន្ធជើងក្រោមធ្វើឲវាមានកម្ពស់បាតក្រោមខ្ពស់ជាងមុន ចង្កៀងនិងកាងក៏ខ្ពស់ជាងមុន ធន់ជាងមុន ជាមួយយាន់កង់ស្ព័រនិងសំបកកងថ្មី ដំបូលដែក និងគ្រឿងសម្ភារៈបរិក្ខារដែលអាចលាងសម្អាតបានចំពោះផ្នែកខាងក្នុង។

ផ្ទាំងផ្សាយពាណិជ្ជកម្ម

លើកដំបូង! ម៉ាឡេស៊ីវ៉ាដាច់ថៃក្លាយជាប្រទេសមានទីផ្សាររថយន្តធំជាងគេទី ២ ក្នុងតំបន់អាស៊ាន

May 28, 2024

[បរទេស] យោងតាមសារព័ត៌មាន Nikkei Asia ដែលបានប្រមូលទិន្នន័យលក់រថយន្តក្នុងតំបន់អាស៊ានបានឲ្យដឹងថា ប្រទេសម៉ាឡេស៊ីបានវ៉ាដាច់ប្រទេសថៃក្លាយជាប្រទេសដែលមានទីផ្សាររថយន្តធំជាងគេទី ២ ជាលើកដំបូងនៅក្នុងតំបន់អាស៊ានបន្ទាប់ពីប្រទេសឥណ្ឌូនេស៊ី ក្នុងត្រីមាសទី១ ឆ្នាំ ២០២៤ ។

ក្នុងនោះ សហព័ន្ធក្រុមហ៊ុនផលិតរថយន្តម៉ាឡេស៊ី (Malaysian Automotive Assiciation) បាននិយាយថា ការលក់រថយន្តនៅក្នុងប្រទេសបានកើនឡើង ៥% នៅក្នុងត្រីមាសទី ១ ឆ្នាំ ២០២៤ បើធៀបនឹងរយៈពេលដូចគ្នាកាលពីឆ្នាំមុន ជាមួយនឹងការលក់សរុបចំនួន ២០២ ២៤៥ គ្រឿង ។

ការលក់កើនឡើងនេះ មកពីការលើកលែងពន្ធលើការលក់សម្រាប់រថយន្តដែលផលិតក្នុងស្រុក ដែលត្រូវបានដាក់ដំណើរតាំងពីឆ្នាំ ២០២០ គឺជាវិធានការដ៏សំខាន់មួយដោយរដ្ឋាភិបាលម៉ាឡេស៊ី ដើម្បីគាំទ្រដល់ឧស្សាហកម្មរថយន្តក្នុងស្រុក ជាលទ្ធផល យីហោក្នុងស្រុកដូចជា Proton និង Perodua មានចំណែកទីផ្សារសរុបរហូតដល់ ៦០% ទោះបីជាវិធានការបែបនេះបានបញ្ចប់នៅពាក់កណ្តាលឆ្នាំ ២០២២ ក៏ដោយ ។

ម្យ៉ាងវិញទៀត ទីផ្សាររថយន្តថៃ បានបន្តធ្លាក់ចុះចាប់តាំងពីពាក់កណ្តាលឆ្នាំ ២០២៣ នេះគឺជាលទ្ធផលនៃស្ថានភាពបំណុលអាក្រក់កើនឡើង ជាពិសេសបំណុលនៅក្នុងក្រុមកម្ចីរថយន្ត និងស្ថានភាពសេដ្ឋកិច្ចធ្លាក់ចុះស្ទើរតែគ្រប់វិស័យ ទោះបីជាទីផ្សាររថយន្តអគ្គិសនីសុទ្ធ EV របស់ចិនកំពុងរីកចម្រើនយ៉ាងឆាប់រហ័សក៏ដោយ។ ខណៈដែលឥណ្ឌូណេស៊ីនៅតែកាន់កាប់ទីផ្សាររថយន្តលេខ១ក្នុងតំបន់អាស៊ាន ប៉ុន្តែវាកំពុងប្រឈមនឹងស្ថានភាពនៃការដំឡើងអត្រាការប្រាក់។ជាលទ្ធផល ការលក់រថយន្តបានធ្លាក់ចុះ ២៤% បើធៀបនឹងឆ្នាំ ២០២៣ ៕

ផ្ទាំងផ្សាយពាណិជ្ជកម្ម

ស្ងាត់ៗ! BMW Concept Skytop លេចមុខក្នុងប្រទេសអ៊ីតាលីបាត់

May 28, 2024

[បរទេស] កាលពីពេលថ្មីៗនេះក្រុមហ៊ុនផលិតរថយន្ត BMW បានដាក់តាំងបង្ហាញគំរូរថយន្ត ឈ្មោះថា BMW Concept Skytop នៅលើឆ្នេរមួយក្នុងប្រទេសអ៊ីតាលី ដែល inspired ពីម៉ូដែលរថយន្ត Z8, M8 និង 503 Roadster ជាដើម។

Concept Skytop គឺជារថយន្តស្ព័រប្រភេទទ្វារពីរ កៅអីពីរ ដែលបានបំពាក់ប៉ាណាមុខយ៉ាងធំអមជាមួយច្រមុះត្រីឆ្លាម ចង្កៀងមុខ-ក្រោយដ៏ស្លីមនិងដំបូល targa ដែលដំណើរការដោយម៉ាស៊ីន twin-turbo V8 ដែលអាចផលិតកម្លាំងសរុបបានចំនួន ៦១៧សេះ របស់ M8 ។

បើក្រឡេកទៅមើលផ្នែកខាងក្នុងវិញ BMW Concept Skytop ត្រូវបានរចនាស្រដៀងទៅនឹង BMW 8 Series អីចឹងដោយមានបំពាក់ស្បែកសុទ្ធពណ៌ (reddish-brown) ផ្ទាំងគ្រប់គ្រង និងឧបករណ៍បច្ចេកវិទ្យារួមទាំងប្រព័ន្ធព័ត៌មាន iDrive ចុងក្រោយបង្អស់របស់ BMW ។

ផ្ទាំងផ្សាយពាណិជ្ជកម្ម

Tata Safari ស៊េរីឆ្នាំ ២០២៤ មុខមាត់ថ្មី ចេញលក់ជាផ្លូវការនៅប្រទេសឥណ្ឌាតម្លៃក្រោម ២មុឺនដុល្លារ

May 28, 2024

[ទីផ្សារបរទេស] ក្រុមហ៊ុនផលិតរថយន្ត TATA Motor បានធ្វើការដាក់បង្ហាញចេញនៅតម្លៃលក់ជាផ្លូវការរបស់រថយន្ត Tata Safari ស៊េរីឆ្នាំ ២០២៤ មុខមាត់ថ្មី ប្រភេទ Crossover នៅទីផ្សារប្រទេសឥណ្ឌា ជាមួយតម្លៃលក់ចាប់ពី ១៩ ៤៩៦ ដុល្លារ ។

Tata Safari ត្រូវបានផលិតឡើងនៅលើគ្រោងឆ្អឹង D8 platform របស់ Land Rover ដំណើរការដោយម៉ាស៊ីនម៉ាស៊ូតចំណុះ ២,០ លីត្រ Turbo ទំហំ ៤ ស៊ីឡាំង អាចផលិតកម្លាំងបាន ១៧០ សេះ និងកម្លាំងរមួល ៣៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦ វគ្គ និងលេខដៃ ៦ វគ្គ ។

សម្រាប់ការរចនានៅផ្នែកខាងក្រៅ មានប៉ាណាទំហំធំឌីស្សាញថ្មី អបសងខាងដោយចង្កៀងប្រភេទ Bi-LED projector មុខងារទម្លើងទម្លាក់ដោយស្វ័យប្រវត្តិ ព្រមទាំងថាសក់ងស្ពួរទំហំ ១៩ អ៉ីញ ខណៈផ្នែកខាងក្រោយបំពាក់ចង្កៀង LED រចនាជាខ្សែបន្ទាត់អូសកាត់ពីផ្នែកម្ខាងទៅផ្នែកម្ខាង និងទ្វាក្រោយបើក-បិទដោយថាមពលអគ្គិសនី ឬការគ្រវាសជើង ។

ចំពោះនៅផ្នែកខាងក្នុងវិញ មានកុងទ័របង្ហាញApple CarPlay និង Android Auto កៅអីអ្នកបើកបរអាចលៃម្រូវបាន ៦ របៀបជាមួយអង្គចងចាំ ។ លក្ខណៈពិសេសផ្សេងទៀតរួមមាន ហ្វ្រាំងដៃអេឡិចត្រូនិចជាមួយមុខងារ Auto Hold កាម៉េរា ៣៦០ ដឺក្រេ ប្រព័ន្ធម៉ាស៊ីនត្រជាក់អូតូ ២ តំបន់ និងដំបូលកញ្ចក់ panoramic sunroof បើក-បិទដោយការបញ្ជាដោយសំលេង ។ មិនត្រឹមតែប៉ណ្ណោះ ក៏ភ្ជាប់មកជាមួយប្រព័ន្ធសុវត្ថភាព និងជំនួយការអ្នកបើកបរច្រើនជាង ១៧ មុខងារឯណ្ណោះ ៕

ផ្ទាំងផ្សាយពាណិជ្ជកម្ម

រថយន្ត BYD MPV M6 សេរ៊ីថ្មីក្នុងត្រកូល Song Max លេចចេញនូវរូបរាងជាផ្លូវការ

May 27, 2024

[បរទេស] កាលពីពេលថ្មីៗនេះ រូបភាពរបស់រថយន្ត M6 MPV សេរ៊ីថ្មីរបស់ក្រុមហ៊ុន BYD បានបែបធ្លាយនៅលើប្រព័ន្ធអ៊ីនធឺណិត។ គួបញ្ជក់ផងដែលថាសម្រាប់ម៉ូដែល M6 MPV ថ្មីនេះគឺស្ថិតនៅក្នុងត្រកូល Song Max ដែលដំណើរការអគ្គិសនីសុទ្ធ មិនមែនជាម៉ូដែលដែលចេញលក់កាលពីឆ្នាំ២០១៧នោះទេ។

ចំពោះការរចនាផ្នែកខាងក្រៅរបស់រថយន្តថ្មីនេះមានលក្ខណៈស្តង់ដាររបស់ Song Max ច្រើនរួមទាំងប៉ាណាខាងមុខបិតជិត និងចង្កៀងមុខ-ក្រោយប្រភេទ LED តុបតែងដោយក្រូម៉េអូសកាត់ពីចង្កៀងម្ខាងទៅចង្កៀងម្ខាងដែលមានឡូហ្គោរបស់ BYDនៅចំកណ្តាលអមជាមួយប្រវែងតួខ្លួនសរុប ៤,៧១០ ម.ម ទទឹង ១,៨១០ ម.ម កំពស់ ១,៨៨០ ម.ម និងប្រវែងគន្លាតកង់មុខ-ក្រោយ ២,៧៨៥ ម.ម ធំជាង Song Max បន្តិចដើម្បីបំពេញភាពសាកសមសម្រាប់កៅអីបីរជួររបស់រថយន្តនេះ។ សម្រាប់ព័ត៌មានផ្នែកខាងក្នុងនិងទំហំ-ប្រភេទម៉ាសុីនខាងក្រុមហ៊ុនមិនទាន់បង្ហាញជាផ្លូវការនៅឡើយទេ។

ផ្ទាំងផ្សាយពាណិជ្ជកម្ម

Toyota ចេញលក់ Land Cruiser Prado ឆ្នាំ២០២៤ រូបរាងថ្មីទាំងស្រុងនៅអូស្រ្តាលីតម្លៃចាប់ពី ៧មុឺនដុល្លារជាង

May 27, 2024

[ទីផ្សារបរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារអូស្រ្តាលី បានធ្វើការដាក់បង្ហាញចេញតម្លៃលក់ជាផ្លូវការរបស់រថយន្ត Toyota Land Cruiser Prado ស៊េរីឆ្នាំ ២០២៤ ដែលមាន ៥ម៉ូដែល ជាមួយតម្លៃលក់ចាប់ពី ៧២ ៥០០ ដុល្លារ ដល់ ៩៩ ៩៩០ ដុល្លារ ។

Toyota Land Cruiser Prado ផលិតឡើងនៅលើគ្រោងឆ្អឹង GA-F platform ត្រូវបានបំពាក់ជាមួយម៉ាស៊ីនកូនកាត់ 48-V Mild-Hybrid ធ្វើការរួមគ្នាជាមួយម៉ាស៊ីនម៉ាស៊ូតចំណុះ ២,៨លីត្រ Turbo ទំហំ ៤ស៊ីឡាំង អាចផលិតកម្លាំងបាន ២០៤ សេះ និងកម្លាំងរមួល ៥០០ ញ៉តុនម៉ែត្រ ភ្ជាប់ដោយប្រអប់លេខអូតូ ៨វគ្ក ប្រភេទបើកបរប៉ុង ២ Full-time 4-wheel drive ។ លើសពីនេះ ក៏ទទួលបានកញ្ចប់ប្រព័ន្ធសុវត្ថិភាព Toyota Safety Sense 3.0 ផងដែរ ។

រថយន្តនេះ ត្រូវបានភ្ជាប់មកជាមួយ ប៉ាណាមុខថ្មីរចនារាងសំណាញ់ ចង្កៀងមុខ-ក្រោយ LED ដំបូល roof-rack ថាសកង់ស្ព័រទំហំ ១៨-២០ អ៉ីញ ក៏ដូចជាទ្វារឃ្លុបក្រោយបើក-បិទដោយថាមពលអគ្គិសនី ។ កុងទ័របង្ហាញឌីជីថល ១២,៣អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ អាចភ្ជាប់មុខងារ Apple CarPlay និង Android Auto ក៏ដូចជាឧបករណ៍បំពងសំឡេងម៉ាក JBL ចំនួន ១៤ចំនុច អេក្រង់បង្ហាញលើកញ្ចក់ HUD និងមួយចំនួនច្រើនទៀតផងដែរ ៕

ផ្ទាំងផ្សាយពាណិជ្ជកម្ម

ឡានប្រើ Hybrid របស់ Toyota នេះ ជិះ ១០០គីឡូម៉ែត្រស៊ីសាំងតិចជាង ៣លីត្រ ឯតម្លៃអត់ដល់ ២មុឺនដុល្លារ

May 27, 2024

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅរថយន្ត Toyota Aqua ស៊េរីឆ្នាំ ២០២៤ ប្រភេទកូនកាត hybrid ដែលមានតម្លៃលក់ចាប់ពី ១៧ ០១៦ ដុល្លារ ដល់ ១៨ ១០១ ដុល្លារនៅទីផ្សារប្រទេសជប៉ុន ។

Toyota Aqua ស៊េរីឆ្នាំ ២០២៤ ផលិតឡើងនៅលើគ្រោងឆ្អឹង GA-B platform ដំណើរការដោយម៉ាស៊ីន Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង និងម៉ូទ័រអគ្គិសនីចំនួន ២ អាចផលិតកម្លាំងបាន ៩១ សេះ និងកម្លាំងរមួល ១២០ ញ៉ូតុនម៉ែត្រ ផ្តល់ជូនទាំងជម្រើសប៉ុង ១ និងប៉ុង ២ ជាមួយកម្រិតស៊ីប្រេងចន្លោះពី ២-៣លីត្រក្នុងរយៈចម្ងាយ ១០០ គីឡូម៉ែត្រ ។

សម្រាប់ករថយន្តនេះ មានបំពាក់ប៉ាណាមុខទំហំធំរាងជាអក្សរ U-shaped ចង្កៀងមុខ-ក្រោយប្រភេទ LED រួមទាំងថាសកង់ស្ព័រទំហំ ១៦អ៉ីញ ក៏ដូចជាកាង Spoiler ជាប់ដំបូលលយចេញមកក្រៅ អេក្រង់កម្សាន្ត Touchscreen ទំហំ ១០,៥ អ៉ីញ និងកញ្ចប់សុវត្តិភាព TSS ផងដែរ ។

ផ្ទាំងផ្សាយពាណិជ្ជកម្ម

NETA L ស៊េរីឆ្នាំ ២០២៤ ប្រភេទ SUV ប្រើអគ្គិសនីសុទ្ធបើកកក់ជាមួយតម្លៃ១មុឺន៩ពាន់ដុល្លារប៉ុណ្ណោះក្នុងប្រទេសចិន

May 27, 2024

[ទីផ្សារចិន] កាលពីម្សិលមិញនេះ ក្រុមហ៊ុនផលិតរថយន្ត Neta បានធ្វើបើកកក់នៅរថយន្ត NETA L ស៊េរីឆ្នាំ ២០២៤ ប្រភេទ SUV ប្រើអគ្គិសនីសុទ្ធ ដែលមានតម្លៃ ១៩,៧០០ ដុល្លារសហរដ្ធអាមេរិកនៅក្នុងប្រទេសចិន ។

រថយន្តនេះផលិតឡើងនៅលើគ្រោងឆ្អឹង Shanhai 2.0 platform មានប្រវែងតួខ្លួនសរុប ៤,៧៧០ ម.ម ទទឹង ១,៩០០ ម.ម កំពស់ ១,៦៦០ ម.ម និងប្រវែងគន្លាតកង់មុខ-ក្រោយ ២,៨១០ ម.ម ដំណើរការដោយម៉ូទ័រអគ្គិសនីសុទ្ធចំនួន ១ អាចផលិតកម្លាំងសរុបបានចំនួន ២២៨ សេះ និងកម្លាំងរមួល ៣១០ញ៉ូតុនម៉ែត្រ ប្រើប្រាស់កញ្ចប់ថ្ម Shenxing ៦៨គីឡូវ៉ាត់ម៉ោងរបស់ CATL ដែលអាចរត់បានចម្ងាយ ៥១០ គីឡូម៉ែត្រ នៅពេលសាកថ្មពេញម្តង។

ទាក់ទងទៅនឹងការឌីស្សាញនៅផ្នែកខាងក្រៅ មានភ្ជាប់មកជាមួយប៉ាណាមុខបិទជិតច្រមុះខ្លា ចង្កៀងមុខប្រភេទ LED រាងអក្សរ X នៅពេលផ្គុំចូលគ្នា ទ្វារដៃប្រភេទ Flush-door ព្រមទាំងប្រើប្រាស់នូវថាសកង់ស្ព័រទំហំ ១៩អ៊ីញនិងចង្កៀងក្រោយប្រភេទ LED អូសកាត់ពីម្ខាងទៅម្ខាង។

ចំពោះផ្នែកខាងក្នុងវិញមានពីរពណ៌គឺពណ៌ទឹកក្រូចនិងពណ៌ស និងមានបំពាក់អេក្រង់បញ្ជានិងអេក្រង់កំសាន្ត touchscreen ទំហំ ១៥,៦អ៊ីញជាប្រភេទអេក្រង់ភ្លោះដំណើរការដោយបន្ទះឈីប Qualcomm Snapdragon 8155 និងមានទូទឹកកកមួយ មុខងារកៅអីម៉ាស្សា ៨ ចំណុច កៅអីក្តៅ-ត្រជាក់ កន្លែងសាកថ្មឥតប្រើខ្សែ ប្រព័ន្ធសម្លេង ១៦កន្លែង និងប្រើប្រាស់មុខងារជំនួយការបើកបរកម្រិតខ្ពស់និងប្រព័ន្ធវៃឆ្លាតAI ដែលត្រូវបានបំពាក់ដោយបន្ទះឈីបឆ្លាតវៃ Horizon Robotics Journey 3 ចំនួនពីរ ដែលមានសមត្ថភាពការចុះចតដោយស្វ័យប្រវត្តិ ចាប់សញ្ញា និងចាប់ហ្វ្រាំងអូតូជាដើម ។

ផ្ទាំងផ្សាយពាណិជ្ជកម្ម