ត្រៀមៗ! Mazda នឹងបង្ហាញជាផ្លូវការភីកអាប់ BT-50 ឆ្នាំ ២០២៥ រូបរាងថ្មី នៅសប្តាហ៍ក្រោយនេះហើយ

October 11, 2024

[ទីផ្សារបរទេស] ក្រុមហ៊ុនផលិតរថយន្ត Mazda ប្រចាំនៅទីផ្សារប្រទេសអូស្រ្តាលី បានធ្វើការដាក់បង្ហាញចេញវីដេអូ Teaser របស់ភីកអាប់ Mazda BT-50 ស៊េរីឆ្នាំ ២០២៥ ដែលទទួលបានការផ្លាស់ប្តូរថ្មីជាច្រើន គ្រោងដាក់បង្ហាញជាផ្លូវការនៅថ្ងៃទី ១៨ ខែតុលា ឆ្នាំ ២០២៤ នៅលើទីផ្សារសកលលោក ។

តាមវីដេអូ teaser ដែលបានបង្ហាញនេះ ទាក់ទងទៅនឹងផ្នែកខាងមុខ រួមមានឡូហ្គោ Mazda ទំហំធំ ចង្កៀងមុខ LED ទទួលបានការឌីស្សាញថ្មី ដូចគ្នាទៅនឹងម៉ូដែល CX-5 ជាដើម ។ ខណៈផ្នែកខាងក្រោយ និងផ្នែកខាងក្នុងមិនមានរូបភាពបង្ហាញឡើយ ។

គួរបញ្ជាក់ផងដែរថា សម្រាប់ភីកអាប់ Mazda BT-50 ស៊េរីថ្មីនេះ ត្រូវបានគេរំពឹងថា អាចនៅតែប្រើប្រាស់ម៉ាស៊ីនម៉ាស៊ូតចំណុះ ៣,០ លីត្រ Turbocharged ទំហំ ៤ស៊ីឡាំងដដែល តែទោះយ៉ាងណាក៏ដោយ ត្រូវចាំរថយន្តនេះបង្ហាញខ្លួនជាផ្លូវការសិន ៕

ផ្ទាំងផ្សាយពាណិជ្ជកម្ម

ក្រុមហ៊ុនផលិតរថយន្តអាមេរិកលក់រថយន្តអគ្គិសនីបានច្រើនជាងរថយន្តប្រើសាំងនៅប្រទេសចិនជាលើកដំបូង

October 11, 2024

[បរទេស] ក្រុមហ៊ុនផលិតរថយន្ត GM បានធ្វើការប្រកាសថា ក្រុមហ៊ុនលក់រថយន្តប្រភេទអគ្គិសនីសុទ្ធ EV និង Plug-in hybrid បានច្រើនជាងរថយន្តប្រើម៉ាស៊ីនចំហេះក្នុងជាលើកដំបូងក្នុងប្រទេសចិននៅក្នុងត្រីមាសទី ៣ ឆ្នាំ ២០២៤ កើនឡើងដល់ទៅ ៥៣% ។

ក្នុងនោះ ក្រុមហ៊ុនផលិតរថយន្តរបស់សហរដ្ឋអាមេរិក និងក្រុមហ៊ុនបណ្តាក់រួមគ្នារួមមាន SAIC-GM-Wuling បានលក់រថយន្តបានចំនួនសរុប ៤២៦ ០០០ គ្រឿង នៅក្នុងប្រទេសចិនក្នុងរយៈពេល ៣ ខែចុងក្រោយនេះ កើនឡើង ១៤% ធៀបនឹងត្រីមាសទី ២ ។ ក្នុងចំណោមនោះ មានជាង ២២៤ ០០០ គ្រឿងជារថយន្តអគ្គិសនីសុទ្ធ EV និង PHEV ។

ទោះជាយ៉ាងណាក៏ដោយ ការលក់សរុបរបស់ក្រុមហ៊ុន GM នៅតែធ្លាក់ចុះ ២១% បើធៀបពីឆ្នាំ ២០២៣ ដោយសារតែការធ្លាក់ចុះនៃប្រជាប្រិយភាពរបស់រថយន្តប្រើសាំងនៅក្នុងទីផ្សារប្រទេសប្រទេសចិន ៕

ផ្ទាំងផ្សាយពាណិជ្ជកម្ម

ចេញហើយ! Tesla Cybercab ឡានអគ្គិសនីបើកបរស្វ័យប្រវត្តិ

October 11, 2024

កាលពីពេលថ្មីៗនេះ ក្រុមហ៊ុនផលិតរថយន្តអគ្គិសនី Tesla បានធ្វើការប្រកាសដាក់បង្ហាញចេញនូវរថយន្ត Robotaxi ដែលអ្នកទាំងអស់គ្នាទន្ទឹងរង់ចាំជាយូរមកហើយមានឈ្មោះថា Cybercab ។

ចំពោះរថយន្តនេះ ត្រូវបានបំពាក់ដោយបច្ចេកវិទ្យា បើកបរស្វ័យប្រវត្តិ ហើយត្រូវបានរចនាដោយមិនមានដៃចង្កូត និងឈ្នាន់។ ហើយក្រុមហ៊ុន Tesla គ្រោងចាប់ផ្តើមផលិតនៅឆ្នាំ២០២៦ ហើយមានតម្លៃលក់ក្រោម ៣០ ០០០ ដុល្លារ នៅក្នុងទីផ្សារសហរដ្ឋអាមេរិក។

សម្រាប់លក្ខណៈពិសេសរបស់ Cybercab មានដូចជា៖

រចនាដោយមិនមានដៃចង្កូត ឬឈ្នាន់ ដោយសារតែការបើកបរស្វ័យប្រវត្តិ។
ផ្ទៃខាងក្នុងមានលក្ខណៈទំនើប សម្រាប់អ្នកដំណើរចំនួន ២នាក់ និងមានអេក្រង់ព័ត៌មានកម្សាន្តធំ។
រចនាការជាមួយនឹងរបារភ្លើង LED ដែលផ្តល់នូវរូបរាងជារថយន្តបែបនាពេលអនាគត។
បំពាក់ជាមួយទ្វារស្លាបមេអំបៅ ដើម្បីចេញចូលស្រួល ។ល។
បំពាក់ជាមួយថាសកង់ប្រភេទ Solid-Aero Cover ដែលជួយបង្កើនថាមពលឌីណាមិករបស់រថយន្ត និងជួយឲការបើកបរមានប្រសិទ្ធភាពឡើង។

គួរបញ្ជាក់ថា Tesla មិនបានបញ្ចេញព័ត៌មានលម្អិតអំពី ចម្ងាយសាក ឬ ថាមពល របស់រថយន្តនេះជាផ្លូវការទេ៕

ផ្ទាំងផ្សាយពាណិជ្ជកម្ម

Aito M7 ប្រើ Plug-in hybrid ចាក់សាំងពេញ ជិះបានលើស ១ពាន់គីឡូម៉ែត្រ លេចវត្តមាននៅទីផ្សារអារ៉ាប់

October 11, 2024

[ទីផ្សារបរទេស] ក្រុមហ៊ុនផលិតរថយន្ត Aito ប្រចាំនៅទីផ្សារប្រទេសអារ៉ាប់រួម UAE បានធ្វើការដាក់បង្ហាញចេញលក់នៅរថយន្ត Aito M7 ស៊េរីថ្មីចុងក្រោយ ជាមួយតម្លៃលក់ចាប់ពី ៥៧ ២០០ ដុល្លារ ដល់ ៧០ ៨០០ ដុល្លារ ។

Aito M7 នៅទីផ្សារប្រទេសអារ៉ាប់ដាក់ឈ្មោះថា Aito Seres 7 ដំណើរការដោយថាមពល Plug-in hybrid ធ្វើការជាមួយម៉ាស៊ីនសាំងចំណុះ ១,៥លីត្រ និងម៉ូទ័រអគ្គិសនីអាចផលិតកម្លាំងបានសរុប ៤៣៣ សេះ និងកម្លាំងរមួល ៦៥៤ ញ៉ូតុនម៉ែត្រ ផ្គួបដោយអាគុយទំហំ ៤០គីឡូវ៉ាត់ម៉ោង និងចាក់សាំងពេញចំណុះ ៦០លីត្រ អាចបើកបរបានចម្ងាយ ១១៥០ គីឡូម៉ែត្រ ។

រថយន្តនេះមានប្រវែងតួខ្លួនសរុប ៥ ០២០ ម.ម ទទឹង ១ ៩៤៥ ម.ម កំពស់ ១ ៧៦០ ម.ម និងប្រវែងគម្លាតកង់មុខ-ក្រោយ ២ ៨២០ ម.ម និងបានភ្ជាប់មកជាមួយខ្លួនឌីស្សាញបែបស្ព័រ ជាមួយប៉ាណាបិទជិត ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង ព្រមទាំងថាសកង់ស្ព័រប្រភេទ alloy-wheels ជាដើម ។

ចំពោះនៅផ្នែកខាងក្នុងមានកុងទ័របង្ហាញព័ត៌មានឌីជីថលទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ អាចប្រើមុខងារ Apple CarPlay រួមទាំងកន្លែងសាកថ្មឥតប្រើខ្សែ និងឧកបរណ៍បំពងសំឡេង ១១ ចំណុចផងដែរ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធម៉ូដែលថ្មីស្រឡាងរបស់ BYD បង្ហាញរូបរាងជាផ្លូវការ

October 11, 2024

[បរទេស] ក្រុមហ៊ុនផលិតរថយន្ត BYD បានធ្វើការដាក់បង្ហាញចេញនៅរូបភាពរថយន្តអគ្គិសនីសុទ្ធ BYD Denza N9 ប្រភេទ SUV ខ្នាតធំ សម្រាប់នៅទីផ្សារចក្រភពអង់គ្លេស គ្រោងនឹងចេញលក់នៅចុងឆ្នាំ ២០២៤ នេះ ។

BYD Denza N9 ផលិតឡើងនៅលើគ្រោងឆ្អឹង BYD e-Platform 3.0 បំពាក់ម៉ូទ័រអគ្គិសនីចំនួន ៣ អាចផលិតកម្លាំងបានសរុប ៣២២ សេះ ខណៈទំហំអាគុយ រួមទាំងចម្ងាយបើកបរក្រុមហ៊ុនមិនទាន់បង្ហាញនៅឡើយទេ ។ លើសពីនេះ ក៏មានជម្រើសថាមពល Plug-in hybrid ផងដែរ ។

ទាក់ទងទៅនឹងរូបរាងនិងការឌីស្សាញផ្នែកខាងក្រៅផ្តល់នៅភាព Luxury ដោយមានប៉ាណាមុខបិទជិត អបដោយសណុំចង្កៀងមុខប្រភេទគុជ LED ចំនួន ៣គ្រាប់ ព្រមទាំងថាសកង់ស្ព័រ Alloy-Wheels ថ្មី និងចង្កៀងក្រោយ LED ផងដែរ ។ មិនមានរូបភាព ឬព័ត៌មាននៅផ្នែកខាងក្នុងទេ ៕

ផ្ទាំងផ្សាយពាណិជ្ជកម្ម

ស្ងាត់ៗ! រោងចក្រផលិតទូរសព្ទអោយ Apple បញ្ចេញរថយន្តគំរូអគ្គិសនីថ្មីសាកម្តងបើកបរបានរយៈចម្ងាយ ៦៦០គ.ម

October 11, 2024

[បរទេស] កាលពីពេលថ្មីៗនេះ ក្រុមហ៊ុន Foxtron ដែលជាក្រុមហ៊ុនផលិតរថយន្តរបស់ក្រុមហ៊ុនបច្ចេកវិទ្យាយក្ស Foxconn (ក្រុមហ៊ុនដូចគ្នាដែលល្បីខាងផលិតផលិតផល Apple រួមទាំង iPhone) បានធ្វើការដាក់បង្ហាញចេញនូវរថយន្តអគ្គិសនីសុទ្ធ Model D ប្រភេទ ៧កៅអី។ ចំពោះរថយន្តនេះដែរ ត្រូវបានរចនាឡើងដោយសហការជាមួយក្រុមហ៊ុន Pininfarina ។

រថយន្តនេះ ត្រូវបានផលិតឡើងនៅលើគ្រោងឆ្អឹង ZF Chassis Modules មានប្រវែងតួខ្លួនសរុប ៥ ១៩៥ ម.ម ទទឹង ១ ៩៩៥ ម.ម កម្ពស់ ១ ៧៨៥ ម.ម ដំណើរការដោយម៉ូទ័រអគ្គិសនីចំនួន ១ ឫ ២ ផ្គួបដោយអាគុយប្រភេទ lithium-iron-phosphate battery ទំហំពី ១០០ ទៅ ១២០ គីឡូវ៉ាត់ម៉ោង អាចបើកបរបានចម្ងាយ ៦៦០ គីឡូម៉ែត្រ នៅពេលសាកថ្មពេញម្តង។

ចំពោះការរចនារបស់ Model D មានការរចនាបែបជ្រុងៗ និងមានភាពស្ព័រ ដោយមានបំពាក់ជាមួយប៉ាណាបិតជិត អបជាមួយ ចង្កៀងមុខ-ក្រោយ អូសកាត់ពីម្ខាងទៅម្ខាង រួមជាមួយថាសកង់ស្ព័រទំហំ ១៩ ដល់ ២១ អ៊ីញ និងទ្វារបើក-បិទដោយថាមពលអគ្គិសនី។

ចំពោះនៅផ្នែកខាងក្នុងវិញ បានភ្ជាប់មកជាមួយកុងទ័របង្ហាញព័ត៌មានឌីជីថល អេក្រង់បញ្ជា touchscreen និង អេក្រង់កំសាន្ត touchscreen ទំហំធំ ជាប្រភេទអេក្រង់ភ្លោះ ក៏ដូចជាអេក្រង់បង្ហាញលើកញ្ចក់ AR-HUD អេក្រង់កម្សាន្តសម្រាប់អ្នកដំណើរផ្នែកខាងក្រោយ និងបំពាក់ជាមួយប្រព័ន្ធបច្ចេកវិទ្យាពិសេសៗ រួមមានកន្លែងសាកថ្មឥតខ្សែរបស់ទូរស័ព្ទដៃ iPhone ជាដើម៕

ផ្ទាំងផ្សាយពាណិជ្ជកម្ម

Subaru Crosstrek ស៊េរីឆ្នាំ ២០២៥ ទទួលបានម៉ាស៊ីនថ្មី ឯតម្លៃលក់ថ្លៃជាងឆ្នាំមុន

October 11, 2024

[ទីផ្សារបរទេស] ក្រុមហ៊ុនផលិតរថយន្ត Subaru បានធ្វើការដាក់បង្ហាញចេញនៅរថយន្ត Subaru Crosstrek ស៊េរីឆ្នាំ ២០២៥ ទទួលបានការអាប់ដេតបន្ថែម ដែលមានតម្លៃលក់ចាប់ពី ២៧ ១១៥ ដុល្លារ ដល់ ៣៣ ៩១៥ ដុល្លារ ជាតម្លៃលក់ថ្លៃជាងឆ្នាំមុនខ្ទង់ ៥០០ ដុល្លារ ។

សម្រាប់Subaru Crosstrek ស៊េរីឆ្នាំ ២០២៥ បំពាក់ម៉ាស៊ីនប្រភេទ Boxer ចំណុះ ២,០ លីត្រ ទំហំ ៤ស៊ីឡាំង ព្រមទាំងបន្ថែមម៉ាស៊ីនសាំងប្រភេទ Boxer ចំណុះ ២,៥ លីត្រ ទំហំ ៤ស៊ីឡាំងថ្មី អាចផលិតកម្លាំងបាន ១៨២ សេះ និងកម្លាំងរមួល ២៤១ ញ៉ូតុនម៉ែត្រ ភ្ជាប់ដោយប្រអប់លេខអូតូ ប្រភេទបើកបរប៉ុង ២ រួមទាំងរបៀបបើកបរថ្មី X-Mode system ទៀតផង ។

រថយន្តនេះត្រូវបានឌីស្សាញផ្តល់នៅលក្ខណៈបែបស្ព័រជាងមុន ជាមួយប៉ាណាមុខ និងចង្កៀងមុខ LED ត្រូវបានរចនាថ្មី ថាសកង់ស្ព័រទំហំ ១៨ អ៉ីញ និងចង្កៀងក្រោយរចនារាងអក្សរ C ។ លើសពីនេះ ក៏ទទួលប្រព័ន្ធចាប់ហ្វ្រាំងដោយស្វ័យប្រវត្តិ Automatic Emergency ធ្វើការជាមួយប្រព័ន្ធ EyeSight ជាស្តង់ដារផងដែរ ៕

ផ្ទាំងផ្សាយពាណិជ្ជកម្ម

GM ថា អនាគត សហរដ្ឋអាមេរិក អាចទម្លាក់ចិនដែលជាស្តេចអាគុយ EV បានដោយសារខ្លួន

October 11, 2024

កាលពីពេលថ្មីៗនេះ ក្រុមហ៊ុន GM បានប្រកាសថា ពួកគេនឹងចូលខ្លួនទៅក្នុងការផលិតអាគុយ lithium-iron-phosphate batteries (LFP) ដោយមានគោលបំណងបង្កើនការផលិតក្នុងស្រុក និងក្លាយជាអ្នកដឹកនាំពិភពលោកក្នុងវិស័យ EV។

ការសន្ទនានេះ ត្រូវបានធ្វើឡើងនៅកម្មវិធី The Battery Show ក្នុងទីក្រុង Detroit ។

ក្នុងនោះ ក្រុមហ៊ុន GM មានគោលដៅផលិតថ្ម LFP ក្នុងស្រុករបស់ខ្លួនដើម្បីកាត់បន្ថយការនាំចូលពីសំណាក់ក្រុមហ៊ុននៅតំបន់អាសុី ជាពិសេសក្រុមហ៊ុនរបស់ប្រទេសសចិន។ លើសពីនេេះទៅទៀត ពួកគេបាននិយាយថា សហរដ្ឋអាមេរិក នឹងអាចទទួលបានភាពរីកចម្រើនជាខ្លាំងនៅក្នុងវិស័យ EV នាពេលអនាគត ដោយសារមានការគាំទ្រពីរដ្ឋាភិបាល និងអតិថិជនក្នុងស្រុករបស់ពួកគេ។

គួរឲដឹងថា បច្ចុប្បន្ន ចិន ជាប្រទេសទី១ ដែលកំពុងនាំមុខគេក្នុងវិស័យអាគុយ EV ជាពិសេសថ្ម LFP និងសម្ភារៈស្នូលសំខាន់ៗជាច្រើនក្នុងការផលិតថ្ម LFP៕

ផ្ទាំងផ្សាយពាណិជ្ជកម្ម

Toyota Camry ជំនាន់ថ្មី ប្រភេទ Hybrid ចេញលក់ជាផ្លូវការនៅទីផ្សារផ្ទះលេខ ២ ឯតម្លៃចាប់ពីខ្ទង់ ៤មុឺនដុល្លារ

October 10, 2024

[ទីផ្សារបរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារប្រទេសថៃ បានធ្វើការដាក់ចេញលក់ជាផ្លូវការនៅរថយន្ត Toyota Camry HEV ស៊េរីឆ្នាំ ២០២៤ ជាមួយតម្លៃលក់ចាប់ពី ៤៣ ៣០២ ដុល្លារ ដល់ ៥៣ ៨៣៧ ដុល្លារ ។

Toyota Camry ជាជំនាន់ទី ៩ ត្រូវបានផលិតឡើងនៅលើគ្រោងឆ្អឹង TNGA-Platform ដំណើរការដោយម៉ាស៉ីនកូនកាត់ Toyota Hybrid System II ធ្វើការរួមគ្នារវាងម៉ាស៊ីនសាំងចំណុះ ២,៥ លីត្រ ទំហំ ៤ ស៉ីឡាំង និងម៉ូទ័រអគ្គិសនីចំនួន ១ ផលិតកម្លាំងបានសរុបខ្ទង់ពី ២២៧ សេះ ភ្ជាប់ដោយប្រអប់លេខ E-CVT ប្រភេទបើកបរប៉ុង ១ FWD និងមានកម្រិតស៊ីប្រេងខ្ទង់ ៤លីត្រ/១០០គីឡូម៉ែត្រ ។

រថយន្តនេះ មានប្រវែងតួខ្លួនសរុប ៤ ៩២០ ម.ម ទទឹង ១ ៨៤០ ម.ម កម្ពស់ ១ ៤៤៥ ម.ម និងប្រវែងគម្លាតកង់មុខ-ក្រោយ ២ ៨២៥ ម.ម ។ សម្រាប់ការរចនានៅផ្នែកខាងក្រៅ មានភាពស្ព័រខ្លាំងបំពាក់ជាមួយប៉ាណាមុខទំហំធំអបជាមួយចង្កៀងមុខ-ក្រោយ LED ព្រមទាំងប្រើប្រាស់នៅថាសកង់ស្ព័រទំហំ ១៨ អ៉ី និងដៃទ្វារប្រភេទ Flush-door ជាដើម ។

ចំពោះផ្នែកខាងក្នុង មានកុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កម្សាន្ត touchscreen ទំហំ ១២,៣ អ៉ីញ អាចភ្ជាប់មុខងារ Apple CarPlay/Android Auto ក៏ដូចជាកន្លែងសាកថ្មឥតខ្សែ, ដំបូលកញ្ជក់ panoramic sunroof, ឧបករណ៍បំពងសម្លេងម៉ាក JBL ។ លើសពីនេះ ប្រព័ន្ធជំនួយការបើកបរ និងប្រព័ន្ធសុវត្ថិភាព Toyota Safety Sense 3.0 ផងដែរ ៕

ផ្ទាំងផ្សាយពាណិជ្ជកម្ម

ទីបំផុត! Lexus បញ្ចេញម៉ូដែល LX 700h ជំនាន់ទី ៤ ប្រភេទកូនកាត់ Hybrid ដែលគ្រោងដាក់លក់នៅចុងឆ្នាំនេះ

October 10, 2024

[បរទេស] ក្រុមហ៊ុនផលិតរថយន្ត Lexus បានធ្វើការដាក់បង្ហាញចេញនៅរថយន្ត Lexus LX 700h ជំនាន់ទី ៤ ប្រភេទ SUV ខ្នាតធំ ប្រើប្រាស់ថាមពលកូនកាត់ Hybrid គ្រោងនឹងលក់ជាផ្លូវការនៅចុងឆ្នាំ ២០២៤ នេះ នៅទីផ្សារសហរដ្ឋអាមេរិក ។

Lexus LX 700h ថ្មីនេះ ដំណើរការដោយថាមពល parallel Hybrid ធ្វើការជាមួយម៉ាស៊ីនសាំងចំណុះ ៣,៤ លីត្រ V6 ជំនួយពីTwin-turbo ភ្ជាប់ដោយប្រអប់លេខអូតូ ១០វគ្គ ខណៈកម្លាំងក្រុមហ៊ុននៅមិនទាន់បង្ហាញនៅឡើយទេ ។

ដើម្បីប្រាកដថា LX នៅតែជារថយន្តផ្តោតទៅលើការបើកបរ Off-road ក្នុងនោះ Lexus បានបង្កើតរចនាសម្ព័ន្ធមិនជ្រាបទឹកដើម្បីការពារថ្មអាគុយ ក៏ដូចជាប្រព័ន្ធអគ្គិសនី ផ្តល់នៅសមត្ថិភាពបើកបរក្នុងជម្រៅទឹក ៧០០ ម.ម ។ លើសពីនេះ ក៏ទទួលបាននៅប្រព័ន្ធចាក់សោរប៉ុងផ្នែកខាងមុខ-ក្រោយជាស្តង់ដារ រួមទាំងថាសកង់ស្ព័រទំហំ ១៨អ៉ីញ ប្រភេទ off-road អាចបើកបរបានគ្រប់ស្ថានភាពផ្លូវផងដែរ។

ចំពោះនៅផ្នែកខាងក្នុងវិញ ទទួលបានកុងទ័របង្ហាញព័ត៌មានឌីជីថលទំហំ ១២,៣ អ៉ីញថ្មី ក៏ដូចជាកៅអីខាងមុខឌីស្សាញថ្មី កន្លែកងសាកថ្មឥតប្រើខ្សែ ព្រមទាំងប្រអប់លេខថ្មីប្រភេទ Electro-Shiftmatic system ជាលើកដំបូងផងដែរ ៕