មកហើយ! GWM Tank 700 តម្លៃខ្ទង់ ១០មុឺនដុល្លារ ប្រើ PHEV សាកម្តងរត់បាន ១០០គ.ម

October 8, 2024

[ទីផ្សារចិន] ក្រុមហ៊ុនផលិតរថយន្ត Great Wall Motor (GWM) បានធ្វើការដាក់បង្ហាញចេញជាផ្លូវការនូវរូបភាពរបស់រថយន្ត GWM Tank 700 ប្រភេទ off-road SUV ផ្តល់ជូននូវជម្រើស Premium, Superior និង Edition ជាមួយតម្លៃលក់ចាប់ពី ៩៣ ៣០០ ដុល្លារ ដល់ ១២៥ ០០០ ដុល្លារ នៅក្នុងទីផ្សារចិន។

រថយន្តនេះ មានប្រវែងតួខ្លួនសរុប ៥ ០៩០ ម.ម ទទឹង ២ ០៦១ ម.ម កម្ពស់ ១ ៩៥២ ម.ម ប្រវែងគម្លាតកង់មុខ-ក្រោយ ៣ ០០០ ម.ម និងកម្ពស់ពីដីទៅបាតរថយន្ត ២៤៩ ម.ម ដំណើរការដោយ៖

ម៉ាសុីនកូនកាត់ plug-in hybrid ធ្វើការរួមគ្នាជាមួយម៉ាស៊ីនចំណុះ ៣,០ លីត្រ V6 Twin-Turbocharged ផ្គួបជាមួយម៉ូទ័រអគ្គិសនីចំនួន១ ផលិតកម្លាំងបានសរុបបានចំនួន ៤២២ សេះ និងកម្លាំងរមួល ៥៧១ ញ៉ូតុនម៉ែត្រ ផ្គួបជាមួយអាគុយទំហំ ៣៧,១ គីឡូវ៉ាត់ម៉ោង អាចបើកបរបានចម្ងាយ ១០០ គីឡូម៉ែត្រ នៅពេលសាកថ្មពេញម្តង និងមានភ្ជាប់ដោយប្រអប់លេខអូតូ ៩វគ្គ និងប្រព័ន្ធបើកបរប៉ុង២ Full-Time 4WD សម្រាប់ជម្រើស Edition។
ម៉ាស៊ីនសាំងចំណុះ ៣,០ លីត្រ V6 Twin-Turbocharged អាចផលិតកម្លាំងបានសរុប ៣៥៤ សេះ និងកម្លាំងរមួល ៥៦០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៩វគ្គ និងប្រព័ន្ធបើកបរប៉ុង២ Full-Time 4WD សម្រាប់ជម្រើស Premium និង Superior។

សម្រាប់ការឌីស្សាញរបស់ Tank 700 ត្រូវបានឌីស្សាញឡើងបែប Off-Road ដែលមើលទៅមានភាបហាប់ណែន និងអំណាច ជាមួយរូបរាងជ្រុងៗ បំពាក់ជាមួយចង្កៀងមុខ-ក្រោយ LED រួមនឹងថាសកង់ទំំហំ ១៨ ដល់ ២០ អ៊ីញ និង ២២អ៊ីញ។

ចំពោះនៅផ្នែកខាងក្នុងវិញ មានការរចនាបែបទំនើបជាមួយនឹងកុងទ័របង្ហាញព័ត៌មានទំហំ ១២,៣អ៊ីញ និងអេក្រង់កំសាន្ត touchscreen ទំហំ ១៦,២ អ៊ីញ ព្រមទាំងអេក្រង់បង្ហាញលើកញ្ចក់ Head-up Display កន្លែងសាកថ្មឥតប្រើខ្សែ កៅអីកម្តៅ-ត្រជាក់-ម៉ាស្សា និងប្រព័ន្ធ ADAS ផ្សេងៗជាដើម៕

ផ្ទាំងផ្សាយពាណិជ្ជកម្ម

ចេញហើយ! ភីកអាប់អគ្គិសនី Chevrolet Silverado ស៊េរីឆ្នាំ២០២៥ តម្លៃខ្ទង់ ១០មុឺនដុល្លារ សាកម្តងរត់បាន ៨០០គ.ម

October 8, 2024

[ទីផ្សារបរទេស] កាលពីពេលថ្មីៗនេះ ក្រុមហ៊ុនផលិតរថយន្ត Chevrolet បានធ្វើការរដាក់បង្ហាញចេញនូវតម្លៃជាផ្លូវការរបស់រថយន្តភីកអាប់អគ្គិសនី Chevrolet Silverado ស៊េរីឆ្នាំ២០២៥ ជាមួយតម្លៃលក់ចាប់ពី ៥៧ ០៩៥ ដុល្លារ ដល់ ៩៧ ៨៩៥ ដុល្លារ នៅក្នុងទីផ្សារសហរដ្ធអាមេរិក។ លើសពីនេះទៅទៀត រថយន្តមួយនេះ ក៏ទទួលបានជម្រើសម៉ូឌែល LT ផងដែរ។

រថយន្តនេះ ដំណើរការដោយម៉ូទ័រអគ្គិសនីចំនួន២ ប៉ុង២ អាចផលិតកម្លាំងសរុុបបានចំនួន ៦៤៥សេះ និងកម្លាំងរមួល ១ ០៣៦ ញ៉ូតុនម៉ែត្រ ផ្គួបជាមួយអាគុយអាចបើកបរបានចម្ងាយចាប់ពី ៦៥៧ ទៅ ៧៩២ គីឡូម៉ែត្រ នៅពេលសាកថ្មពេញម្តង ជាមួយសមត្ថភាពសណ្តោងបានដល់ទៅ ៥ ៦៧០គីឡូក្រាម។

សម្រាប់ការរចនារូបរាងខាងក្រៅវិញ មានលក្ខណៈហាប់ណែនដោយភ្ជាប់មកជាមួយប៉ាណាមុខបិតជិតអមដោយឡូហ្គូល Chevrolet នៅចំកណ្តាលនិងប្រព័ន្ធភ្លើង ambient lighting អូសកាត់ពីម្ខាងទៅម្ខាង, ចង្កៀងមុខ-ក្រោយ LED និងថាសកង់ទំហំ ២២ អ៊ីញ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ១១,៣អ៊ីញ, អេក្រង់កំសាន្ត touchscreen ទំហំ ១៧,៧ អ៊ីញ រួមជាមួយមុខងារ Google Assistant, Maps និងកៅអីក្តៅ-ត្រជាក់ជាដើម៕

ផ្ទាំងផ្សាយពាណិជ្ជកម្ម

Toyota និង Subaru កំពុងធ្វើការលើរថយន្តអគ្គិសនីសុទ្ធ EV ថ្មីមួយទៀត

October 7, 2024

[បរទេស] ក្រុមហ៊ុនផលិតរថយន្ត Toyota និងក្រុមហ៊ុនផលិតរថយន្ត Subaru កំពុងចាប់គ្នាក្នុងការអភិវឌ្ឍន៍រថយន្តអគ្គិសនីសុទ្ធថ្មីបន្ថែមបន្ទាប់ពីម៉ូដែល bZ4X និង Subaru Solterra ហើយការផលិតនោះត្រូវបានគេរំពឹងថានឹងចាប់ផ្តើមនៅក្នុងខែមករា ឆ្នាំ ២០២៦ នេះបើយោងតាមគេហទំព័រ Nikkei Asia ។

សម្រាប់រថយន្តនេះ ក្រុមហ៊ុនមិនទាន់បានបញ្ចេញឈ្មោះនៅឡើយទេ ហើយត្រូវបានគេរំពឹងថានឹងដាក់ផលិតនៅឯរោងចក្ររបស់ក្រុមហ៊ុន Subaru ក្នុងប្រទេសជប៉ុន ហើយមិនត្រូវបានផលិតឡើងនៅលើគ្រោងឆ្អឹងដូចគ្នាទៅនឹងម៉ូដែលមុននោះទេ ។

គួរបញ្ជាក់ផងដែរថា សម្រាប់រថយន្តអគ្គិសនីសុទ្ធថ្មីនេះ ក្រុមហ៊ុនផលិតរថយន្តរបស់ប្រទេសជប៉ុនទាំង ២ បានកំណត់គោលដៅក្នុងលក់ឲ្យបានចំនួនគឺចន្លោះពី ១៥ ០០០ គ្រឿង ទៅ ២០ ០០០ គ្រឿងក្នុងមួយខែ ដែលទៅលើទីផ្សារប្រទេសជប៉ុន អឺរ៉ុប រួមទាំងអាមេរិកខាងជើងផងដែរ ៕

ផ្ទាំងផ្សាយពាណិជ្ជកម្ម

Toyota លក់រថយន្ត Camry ស៊េរីឆ្នាំ ២០២៥ បានចំនួនជិត ១ពាន់គ្រឿងក្នុងមួយថ្ងៃ

October 7, 2024

[បរទេស] កាលពីពេលថ្មីកន្លងទៅនេះ ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅទិន្នន័យនៃការលក់រថយន្ត Toyota Camry ស៊េរីឆ្នាំ ២០២៥ នៅត្រីមាសទី ៣ ឆ្នាំ ២០២៤ ក្នុងទីផ្សារសហរដ្ឋអាមេរិក ដោយលក់បានចំនួនសរុបដល់ទៅ ២២៧ ៥៧៦ គ្រឿង កើនឡើង ៤,៤% ។

ទិន្នន័យនេះ ត្រូវបានគិតចាប់ពីថ្ងៃទី ១ ខែមករាដល់ថ្ងៃទី ៣០ ខែកញ្ញា ឆ្នាំ ២០២៤ នោះមានន័យថា Toyota លក់បានជាមធ្យម ៨៣៣ គ្រឿងក្នុងមួយថ្ងៃ។ មិនត្រឹមតែប៉ុណ្ណោះ ការលក់រថយន្ត Toyota Corolla គិតត្រឹមខែកញ្ញា បានធ្វើការនាំចេញកើនឡើងដល់ទៅ ៦,៩% ស្មើនឹងចំនួន ១៧៧ ០៩២ គ្រឿង។ នេះជាការលក់រថយន្តចំនួន ៦៤៨,៦ គ្រឿងក្នុងមួយថ្ងៃផងដែរ ៕

គួរឲ្យដឹងថា គ្រប់ម៉ូដែលទាំងអស់របស់ Toyota Camry ស៊េរីឆ្នាំ ២០២៥ ដំណើរការដោយម៉ាស៊ីនកូនកាត់ hybrid ជាស្តង់ដារ ធ្វើការរួមគ្នាជាមួយម៉ាស៊ីនសាំងចំណុះ ២,៥ លីត្រ ទំហំ ៤ស៊ីឡាំង និងម៉ូទ័រអគ្គិសនី អាចផលិតកម្លាំងបាន ២៣២ សេះ ភ្ជាប់ដោយប្រអប់លេខអូតូ e-CVT ផ្គួបជាមួយអាគុយប្រភេទលូចូម មានទាំងជម្រើសប៉ុង ១ និងប៉ុង ២ ដោយកម្រិតស៊ីប្រេងខ្ទង់ ៤លីត្រក្នុងរយៈចម្ងាយ ១០០គីឡូម៉ែត្រ ៕

ផ្ទាំងផ្សាយពាណិជ្ជកម្ម

Lexus LC500 ស៊េរីឆ្នាំ ២០២៥ អាប់ដេតបន្ថែម បង្ហាញខ្លួនជាផ្លូវការ

October 7, 2024

[បរទេស] ក្រុមហ៊ុនផលិតរថយន្ត Lexus បានធ្វើការដាក់បង្ហាញចេញនៅរថយន្ត Lexus LC500 ស៊េរីឆ្នាំ ២០២៥ ជាមួយនឹងការអាប់ដេតតិចតួច ដែលមានតម្លៃលក់ចាប់ពី ១០០ ៤២៥ ដុល្លារ ដល់ ១០៧ ៦២៥ ដុល្លារ នៅទីផ្សារសហរដ្ឋអាមេរិក ។

Lexus LC500 ស៊េរីឆ្នាំ ២០២៥ នៅតែប្រើប្រាស់ម៉ាស៊ីនដដែល ពោលគឺម៉ាស៊ីន V8 ចំណុះ ៥,០ លីត្រ អាចផលិតកម្លាំងបាន ៤៧១ សេះ និងកម្លាំងរមួល ៥៤០ ញ៉ូតុនម៉ែត្រ ភ្ជាប់ដោយប្រអបលេខអូតូ ១០វគ្គ ។ លើសពីនេះ ម៉ូដែល Hybrid ដំណើរការដោយម៉ាស៊ីនសាំងចំណុះ ៣,៥ លីត្រ V6 និងម៉ូទ័រអគ្គិសនី អាចផលិតកម្លាំងបាន ៣៥៤ សេះ ភ្ជាប់ដោយប្រអប់លេខអូតូ ។

មិនមានការផ្លាស់ប្តូរច្រើនចំពោះត្រកូល LC សម្រាប់ឆ្នាំ ២០២៥ នោះទេ ប៉ុន្តែមានការអាប់ដេតមួយចំនួនដែលគួរកត់សម្គាល់ រួមមានការបន្ថែមដ៏ធំបំផុតគឺដង្កៀបជើងក្រោមថ្មី ដែលបង្កើនភាពរឹងមាំជាងមុន រួមទាំងពណ៌តួខ្លួនថ្មី (Iridium Silver) ខណៈម៉ូដែលកូនកាត់ Hybrid ទទួលបានបន្ទះធ្វើពីកាបោនជាមួយនឹងកញ្ចប់ Sport package ផងដែរ ៕

ផ្ទាំងផ្សាយពាណិជ្ជកម្ម

ក្រុមហ៊ុនយក្សរបស់ប្រទេសអាល្លឺម៉ង់ថា ការដាក់ពន្ធរបស់សហភាពអឺរ៉ុបទៅលើរថយន្តអគ្គិសនីប្រទេសចិន គឺជាជំហានដ៏ខុសធំមួយ

October 7, 2024

[បរទេស] កាលពីថ្មីៗនេះ បណ្តាប្រទេសក្នុងសហភាពអឺរ៉ុបបានបោះឆ្នោតដាក់ពន្ធនាំចូលលើរថយន្តអគ្គិសនីពីប្រទេសចិន ដល់ទៅ ៤៥% ដែលមានរយៈពេល ៥ ឆ្នាំ ដោយចាប់ផ្តើមពីថ្ងៃទី ៣១ ខែតុលា ឆ្នាំ ២០២៤ តទៅ ។

ជាពិសេស អត្រាពន្ធដែលបានអនុវត្តចំពោះក្រុមហ៊ុនផលិតរថយន្តអគ្គិសនីរបស់ចិនគឺ ១៧% សម្រាប់ BYD, ១៨,៨%, ៣៥,៣% សម្រាប់ Geely និង ២០,៧% សម្រាប់ SAIC ខណៈសម្រាប់ក្រុមហ៊ុន Tesla ដែលផលិតនៅក្នុងប្រទេសចិនអត្រាពន្ធត្រឹមតែ ៧,៨% ប៉ុណ្ណោះ ។

ទោះជាយ៉ាងណាក៏ដោយ ក្រុមហ៊ុនផលិតរថយន្តឈានមុខគេនៅប្រទេសអាល្លឺម៉ង់រួមមាន BMW, Mercedes និង Volkswagen បានបោះឆ្នោតប្រឆាំងនឹងការយកពន្ធនេះ ហើយថាវាជា “ជាជំហានដ៏ខុសធំមួយ” ។ បន្ថែមពីនេះ ក្រមហ៊ុនចង់ដោយស្វែងរកការរក្សាទំនាក់ទំនងពាណិជ្ជកម្មដ៏ល្អជាមួយប្រទេសចិន ដែលជាទីផ្សាររថយន្តដ៏ធំបំផុតរបស់ពិភពលោក។

ក្នុងនោះ លោក Oliver Zipse នាយកប្រតិបត្តិនៃក្រុមហ៊ុន BMW បាននិយាយថា “ការបោះឆ្នោតគឺជាសញ្ញាដ៏គ្រោះថ្នាក់សម្រាប់ឧស្សាហកម្មរថយន្តនៅអឺរ៉ុប។ អ្វីដែលត្រូវការនៅពេលនេះ គឺជាដំណោះស្រាយរហ័សរវាងគណៈកម្មការអឺរ៉ុប និងប្រទេសចិន ដើម្បីទប់ស្កាត់ជម្លោះពាណិជ្ជកម្មដែលមិនផ្តល់ផលប្រយោជន៍ដល់នរណាម្នាក់” ៕

ផ្ទាំងផ្សាយពាណិជ្ជកម្ម

Kia ចេញឡានអគ្គិសនីថ្មី តម្លៃក្រោម ២មុឺនដុល្លារ សាកម្តងរត់បាន ២០០គ.ម ជាង

October 7, 2024

[ទីផ្សារបរទេស] ក្រុមហ៊ុនផលិតរថយន្ត Kia បានធ្វើការដាក់បង្ហាញចេញលក់ជាផ្លូវការនូវរថយន្តអគ្គិសនី Kia Ray សេរ៊ីឆ្នាំ២០២៥ ជាមួយតម្លៃលក់ក្រោម ២១ ០០០ដុល្លារ នៅក្នុងទីផ្សារប្រទេសកូរ៉េ។

រថយន្តអគ្គិសនី Kia Ray សេរ៊ីឆ្នាំ២០២៥ ដំណើរការដោយម៉ូទ័រអគ្គិសនីចំនួន១ អាចផលិតកម្លាំងបានចំនួន ៨៦ សេះ និងកម្លាំងរមួល ១៤៧ ញ៉ូតុនម៉ែត្រ ផ្គួបជាមួយអាគុយទំហំ ៣៥,២ គីឡូវ៉ាត់ម៉ោង អាចបើកបរបានចម្ងាយចាប់ពី ២០៥ ទៅ ២៣៣ គីឡូម៉ែត្រ នៅពេលសាកថ្មពេញម្តង។

សម្រាប់ផ្នែកខាងក្រៅរបស់រថយន្តនេះ មានរូបរាងបែបប្រអប់ជ្រុងៗ ដោយផ្នែកខាងមុខមានប៉ាណាជាប់បិតជិតអបជាមួយចង្កៀងមុខ-ក្រោយ LED រាងអក្សរ C រួមទាំងទ្វាររូតនៅផ្នែកចំហៀង និងថាសកង់ទំហំ ១៥អ៊ីញ។

ចំពោះនៅផ្នែកខាងក្នុងវិញ មានបំពាក់ដោយអេក្រង់កំសាន្ត touchscreen និងអេក្រង់បង្ហាញព៌ត័មានឌីជីថល និងប្រព័ន្ធសុវត្ថិភាព និងប្រព័ន្ធជំនួយការបើកបរមួយចំនួនជាដើម៕

ផ្ទាំងផ្សាយពាណិជ្ជកម្ម

MG3 ស៊េរីឆ្នាំ ២០២៤ រូបរាងថ្មីទាំងស្រុង ប្រភេទ Hybrid ចេញលក់នៅថៃតម្លៃក្រោម ២មុឺនដុល្លារ

October 7, 2024

[ទីផ្សារបរទេស] ក្រុមហ៊ុនផលិតរថយន្ត MG ប្រចាំនៅទីផ្សាប្រទេសថៃ បានធ្វើការដាក់បង្ហាញចេញ និងលក់ជាផ្លូវការនៅរថយន្ត MG3 ស៊េរីឆ្នាំ ២០២៤ រូបរាងថ្មីទាំងស្រុង ប្រភេទកូនកាត់ Hybrid ជាមួយតម្លៃលក់ចាប់ពី ១៦ ៧០៦ ដុល្លារ ដល់ ១៧ ៩០១ ដុល្លារ ។

All-new MG3 ស៊េរីឆ្នាំ ២០២៤ បំពាក់ជាមួយម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនី អាចផលិតកម្លាំងបានសរុប ១៩៤ សេះ និងកម្លាំងរមួល ៣៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៣វគ្គ នឹងមានកម្រិតស៊ីប្រេង ៤,៤ លីត្រក្នុងរយៈចម្ងាយ ១០០ គីឡូម៉ែត្រ ។

រថយន្តនេះមានប្រវែងតួខ្លួនសរុប ៤ ១១៣ ម.ម ទទឹង ១ ៧៩៧ ម.ម កំពស់ ១ ៥០២ ម.ម និងប្រវែងគម្លាតកង់មុខ-ក្រោយ ២ ៥៧០ ម.ម ។ សម្រាប់ការឌីស្សាញផ្នែកខាងក្រៅមានប៉ាណាមួយផ្ទាំងធម ចង្កៀងមុខ-ក្រោយប្រភេទ LED ដោយផ្នែកខាងមុខមានមុខងារទម្លើង-ទម្លាក់ដោយស្វ័យប្រវត្តិ ព្រមទាំងថាសកង់ស្ព័រទំហំ ១៦អ៉ីញ ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ៧អ៉ីញ និងអេក្រង់កំសាន្ត touchscreen ទំហំ ១០,២៥ អ៉ីញ អាចភ្ជាប់មុខងារ Apple CarPlay និង Android Auto ក៏ដូចជាកន្លែងសាកថ្មឥតប្រើខ្សែជាដើម។ លើសពីនេះ ក៏មានឧបករណ៍បំពងសំឡេង ៦ចំនុច ព្រមទាំងប្រព័ន្ធកាម៉េរា ៣៦០ដឺក្រេផងដែរ ៕

ផ្ទាំងផ្សាយពាណិជ្ជកម្ម

ញាក់សាច់! សហភាពអឺរ៉ុប (EU) ប្រកាសដាក់ពន្ធកម្រិតខ្ពស់រហូតដល់ ៤៥ភាគរយ លើរថយន្តអគ្គិសនីដែលនាំចូលពីប្រទេសចិន

October 7, 2024

កាលពីថ្ងៃសុក្រ សហភាពអឺរ៉ុប (EU) បានប្រកាសបោះឆ្នោតដើម្បីដាក់ពន្ធកម្រិតខ្ពស់រហូតដល់ ៤៥ភាគរយ លើរថយន្តអគ្គិសនីដែលនាំចូលពីប្រទេសចិន។

ក្នុងការបោះឆ្នោតដើម្បីដាក់ពន្ធកម្រិតខ្ពស់រហូតដល់ ៤៥ភាគរយ លើរថយន្តអគ្គិសនីដែលនាំចូលពីប្រទេសចិននេះ ត្រូវបានធ្វើឡើងដោយមានប្រទេសចំនួន ២៧ បានចូលរួម ក្នុងនោះប្រទេសចំនួន១០ បានប្រកាសគាំទ្រការបោះឆ្នោតនេះ ខណៈដែលប្រទេសអាល្លឺម៉ង់ និង ៤ប្រទេសផ្សេងទៀតបានបោះឆ្នោតប្រឆាំង ហើយចំនួន ១២ប្រទេសផ្សេងមានការអនុប្បវាទ។

គួរបញ្ជាក់ផងថា ចំពោះការសម្រេចចិត្តរបស់សហភាពអឺរ៉ុបធ្វើឡើងបន្ទាប់ពីការស៊ើបអង្កេតមួយបានរកឃើញថាប្រទេសចិនបានឧបត្ថម្ភធនឧស្សាហកម្មរបស់ខ្លួនដោយអយុត្តិធម៌។

ក្នុងនោះ ក្រុមហ៊ុនផលិតរថយន្តអគ្គិសនីរបស់ប្រទេសចិនជាច្រើនក៏បានប្រកាសពិចារណាក្នុងការបើករោងចក្រនៅអឺរ៉ុប ផងដែរដើម្បីគេចពីការបង់ពន្ធកម្រិតខ្ពស់នេះ៕

ផ្ទាំងផ្សាយពាណិជ្ជកម្ម

Geely ដាក់បង្ហាញឡាន SUV Off-Road ថ្មី គ្រោងចេញជាផ្លូវការក្នុងពេលឆាប់ៗនេះនៅទីផ្សារប្រទេសចិន!!!

October 7, 2024

[ទីផ្សារចិន] កាលពីពេលថ្មីៗនេះ ក្រុមហ៊ុនផលិតរថយន្ត Geely បានធ្វើការដាក់បង្ហាញចេញជាផ្លូវការនូវរូបភាពរបស់រថយន្ត Geely Icon ប្រភេទ SUV ហើយគ្រោងដាក់បង្ហាញចេញជាផ្លូវការក្នុងពេលឆាប់ៗនេះនៅក្នុងទីផ្សារប្រទេសចិន។

រថយន្ត Geely Icon ត្រូវបានផលិតឡើងនៅលើគ្រោងឆ្អឹង BMA architecture មានប្រវែងតួខ្លួនសរុប ៤ ៤៤២ ម.ម ទទឹង ១ ៨៦០ ម.ម កម្ពស់ ១ ៧៧០ ម.ម និងប្រវែងគម្លាតកង់មុខ-ក្រោយ ២ ៦៤០ ម.ម ដំណើរការដោយម៉ាសុីនសាំុងចំណុះ ១,៥លីត្រ Turbocharged ទំហំ ៤សុីឡាំង អាចផលិតកម្លាំងបាន ១៧៨សេះ និងកម្លាំងរមួល ២៩០ ញ៉ូតុនម៉ែត្រ ភ្ជាប់ដោយប្រអប់លេខអូតូចំនួន ៧វគ្គ និងប្រព័ន្ធបើកបរប៉ុង១ FWD។

សម្រាប់ការរចនាខាងក្រៅរបស់រថយន្តនេះ ទទួលបានការរចនាកាង និងថាសកង់ធំជាងមុខពោលគឺទំហំចាប់ពី ១៦ ដល់ ១៨អ៊ីញ រួមជាមួយប៉ាណាមួយផ្ទាំងធំរចនាជារបារក្រូម៉េ ចង្កៀងមុខ-ក្រោយ LED និងធ្នើរដាក់ឥវ៉ាន់លើដំបូល ជាដើម។

គួរបញ្ជាក់ថា ចំពោះនៅផ្នែកខាងក្នុង និងតម្លៃវិញខាងក្រុមហ៊ុនមោនទាន់ដាក់បង្ហាញចេញជាផ្លូវការនៅឡើយទេ៕

ផ្ទាំងផ្សាយពាណិជ្ជកម្ម