ម៉ូដែលថ្មីរបស់ BYD ត្រកូល Leopard កម្លាំងជិត ១ពាន់សេះ បង្ហាញខ្លួនជាផ្លូវការ

May 13, 2024

[បរទេស] ក្រុមហ៊ុនផលិតរថយន្ត BYD បានធ្វើការដាក់បង្ហាញចេញរូបរាងនៅរថយន្ត BYD Leopard 8 ប្រភេទ SUV ដែលជាម៉ូដែលមួយទី ២ បន្ទាប់ពីរថយន្ត Leopard 5 គ្រោងនឹងចេញលក់ជាផ្លូវការនៅទីផ្សារប្រទេសចិនក្នុងត្រីមាសទី៣ ឆ្នាំ ២០២៤ ជាមួយតម្លៃរំពឹងចាប់ពី ៧០ ០០០ ដុល្លារ ។

BYD Leopard 8 នឹងផលិតឡើងដោយប្រើប្រាស់នៅគ្រោងឆ្អឹង DMO platform ថ្មីរបស់ BYD សម្រាប់ផ្តោតនៅលើការបើកបរបែប Off-road ជាមួយនិងប្រព័ន្ធ Disus-P suspension system ។ លើសពីនេះ បំពាក់ជាមួយម៉ូទ័រអគ្គិសនីចំនួន ២ អាចផលិតកម្លាំងបានសរុបដល់ទៅ ៩៣៩ សេះ អាចរត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោងក្នុងរយៈពេល ៤,៨ វិនាទី ខណៈទំហំអាគុយនៅមិនទានបង្ហាញនៅឡើយទេ ។

ទាក់ទងទៅនឹងផ្នែកខាងក្រៅមានការឌីស្សាញមានលក្ខណៈហាប់ណែន ជាមួយប៉ាណាដែលមានរបាកាត់ចំនួន ៣ ស្រោបដោយក្រូម៉េ ចង្កៀងមុខ-ក្រោយប្រភេទ LED ព្រមទាំងប្រើប្រាស់នៅថាសកង់ស្ព័រទំហំ ២១អ៉ីញ ស្រោបដោយសំបកប្រភេទ Off-road ផងដែរ ។ ខណៈនៅផ្នែកខាងក្នុង ក្រុមហ៊ុនមុនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

រថយន្តរបស់ Hyundai មួយម៉ូដែលនេះ ត្រូវបានចោរលួចច្រើនជាងគេនៅសហរដ្ឋអាមេរិកឆ្នាំមុន

May 13, 2024

[បរទេស] ក្រុមហ៊ុនផលិតរថយន្តរបស់ប្រទេសកូរ៉េខាងត្បូងចំនួន ២ រួមមានក្រុមហ៊ុន Hyundai និង Kia បានឈរលើបញ្ជីរថយន្តដែលត្រូវបានគេលួចច្រើនបំផុតសម្រាប់នៅប្រទេសសហរដ្ឋអាមេរិកក្នុងឆ្នាំ ២០២៣ ដែលមានរថយន្តដល់ទៅ ៦ ម៉ូដែលក្នុងចំណោម ១០ម៉ូដែល ។

បើយោងតាមទិន្នន័យថ្មីពីការិយាល័យឧក្រិដ្ឋកម្មធានារ៉ាប់រងជាតិ (NICB) ក្រុមហ៊ុន Hyundai និង Kia ផលិតរថយន្តចំនួន ៦ ក្នុងចំណោមរថយន្តទាំង ១០ ដែលត្រូវបានចោរលួចច្រើនបំផុតនៅអាមេរិកក្នុងឆ្នាំ ២០២៣ ក្នុងនោះរថយន្តដែលត្រូវបានគេលួចច្រើនជាងគេបំផុតប្រចាំឆ្នាំចំនួន ៣ គឺ Hyundai Elantra ដែលជា Hyundai Sonata និង Kia Optima ។

ជាមួយគ្នានេះ គួរឲ្យដឹងថា រថយន្តភីកអាប់ដែលធ្លាប់ជារថយន្តដែលគេលួចច្រើនបំផុតបានធ្លាក់មកនៅលេខរៀងទី៤ ។ លើសពីនេះ ក៏មានការកើនឡើងសរុបបើប្រៀបធៀបទៅនឹងឆ្នាំ ២០២២ ដែលមានចំនួនដល់ទៅ ១ ០២០ ៧២៩ គ្រឿងដែលត្រូវបានចោរលួចនៅក្នុងឆ្នាំ ២០២៣ ៕

ផ្ទាំងផ្សាយពាណិជ្ជកម្ម

Tata Nexon ស៊េរីឆ្នាំ ២០២៤ មុខមាត់ថ្មី បង្ហាញខ្លួនជាផ្លូវការ ឯតម្លៃអត់ដល់ ១មុឺនដុល្លារ

May 13, 2024

[ទីផ្សារបរទេស] ក្រុមហ៊ុនផលិតរថយន្តរបស់ប្រទេសឥណ្ឌា Tata Motor បានធ្វើការដាក់បង្ហាញចេញជាផ្លូវការនៅរថយន្ត Tata Nexon ស៊េរីឆ្នាំ ២០២៤ មុខមាត់ថ្មី ដែលមានតម្លៃលក់ចាប់ពី ៩ ៥៣៦ ដុល្លារឡើងទៅ នៅទីផ្សារប្រទេសរបស់ខ្លួន។

រថយន្តនេះ ដំណើរការដោយម៉ាស៊ីនចំនួន ២ ជម្រើសរួមមាន៖

ម៉ាស៊ីនសាំងចំណុះ ១,២ លីត្រ Turbo ទំហំ ៤ស៊ីឡាំង អាចផលិតកម្លាំងបាន ១១៨ សេះ និងកម្លាំងរមួល ១៧០ ញ៉ូតុនម៉ែត្រ ភ្ជាប់ដោយប្រអប់លេខដៃ និងលេខអូតូ ។
ម៉ាស៊ីនម៉ាស៊ូតចំណុះ ១,៥ លីត្រ ទំហំ ៤ស៊ីឡាំង អាចផលិតកម្លាំងបាន ១១៣ សេះ និងកម្លាំងរមួល ២៦០ ញ៉ូតុនម៉ែត្រ ភ្ជាប់ដោយប្រអប់លេខដៃ និងលេខអូតូ ៦វគ្គ ជាមួយរបៀបបើកបរចំនួន ៣ Eco, City និង Sport ។

Tata Nexon ស៊េរីឆ្នាំ ២០២៤ បំពាក់ដោយចង្កៀងមុខ Bi-LED មុខងារទម្លើង-ទម្លាក់ដោយស្វ័យប្រវត្តិ រួមទាំងចង្កៀងក្រោយ LED ប្រភេទ X Factor មុខងារ welcome និង goodbye ថាសកង់ស្ព័រទំហំ ១៦អ៉ីញជាដើម ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ១០,២៤ អ៉ីញ និងអេក្រង់កំសាន្ត touchscreen ទំហំ ១០,២៤ អ៉ីញ អាចភ្ជាប់មុខងារ Apple CarPlay និង Android Auto ក៏ដូចកន្លែងសាកថ្មឥតប្រើខ្សែ ឧបករណ៍បំពងសំឡេងម៉ាក JBL ចំនួន ៩ចំនុច ព្រមទាំងកាមេរ៉ា ៣៦០ដឹក្រេផងដែរ ៕

ផ្ទាំងផ្សាយពាណិជ្ជកម្ម

សហរដ្ឋអាមេរិកគ្រោងនឹងដំឡើងពន្ធទៅលើរថយន្តអគ្គិសនីនាំចូលពីប្រទេសចិនដល់ទៅ ១០០ភាគរយ

May 11, 2024

[បរទេស] រដ្ឋបាលរបស់ប្រធានាធិបតីសហរដ្ឋអាមេរិក លោក Joe Biden កំពុងពិចារណាដំឡើងពន្ធទៅលើរថយន្តរបស់ប្រទេសចិនចាប់ពី ២៥% ទៅដល់ ១០០% ពន្ធថ្មីនេះទំនងជានឹងក្លាយទៅជាផ្លូវការនៅសប្តាហ៍ក្រោយនឹងអនុវត្តមិនត្រឹមតែចំពោះរថយន្ត EVs ប៉ុណ្ណោះទេ ប៉ុន្តែថែមទាំងចំពោះអាគុយ បន្ទះស្រូបពន្លឺព្រះអាទិត្យ Solar និងដែកថែបពីប្រទេសចិនផងដែរ។

ក្នុងនោះ លោក Biden បាននិយាយថា “អស់រយៈពេលជាយូរហើយ រដ្ឋាភិបាលចិនបានចាក់លុយរដ្ឋទៅក្នុងក្រុមហ៊ុនដែកថែបរបស់ចិន ដោយជំរុញឱ្យពួកគេផលិតដែកថែបឱ្យបានច្រើនតាមដែលអាចធ្វើទៅបាន ដោយទង្វើនេះ ពួកគេកំពុងបោកប្រាស់។

គួរបញ្ជាក់ផងដែរថា ពន្ធគយថ្មីទាំងនេះមិនអាចប៉ះពាល់ចន្លោះប្រហោងដ៏សំខាន់ដែលប្រទេសចិនអាចដើម្បីនាំយករថយន្តអគ្គិសនីរបស់ខ្លួនចូលសហរដ្ឋអាមេរិកនោះទេ ដោយក្នុងនោះ ទីផ្សារប្រទេសម៉ិកស៊ិកដែលជាប្រទេសដែលក្រុមហ៊ុនចិនមួយចំនួនអាចផលិតរថយន្តអគ្គិសនី EV របស់ពួកគេ។ ប្រសិនបើពួកគេធ្វើដូច្នេះ ពួកគេអាចជៀសវាងពន្ធនៅពេលនាំយករថយន្តទាំងនេះទៅកាន់ទីផ្សារសហរដ្ឋអាមេរិកបានផងដែរ ៕

ផ្ទាំងផ្សាយពាណិជ្ជកម្ម

All-new Honda Freed ជំនាន់ថ្មីប្រើ Hybrid បង្ហាញខ្លួនផ្លូវការជាលើកដំបូងនៅប្រទេសកំណើត

May 11, 2024

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញជាផ្លូវការជាលើកដំបូងនៃរថយន្ត All-new Honda Freed ជំនាន់ទី ៣ ស៊េរីឆ្នាំ ២០២៤ ប្រភេទកូនកាត់ Hybrid នៅក្នុងទីផ្សារប្រទេសជប៉ុន គ្រោងនឹងចេញលក់នៅខេមិថុនា ឆ្នាំ ២០២៤ ។

All-new Honda Freed ដំណើរការដោយម៉ាស៊ីនកូនកាត់ Hybrid ( e:HEV ) ផ្តល់ជូនទាំងជម្រើសប៉ុង ១ និងប៉ុង ២ រួមទាំងប្រព័ន្ធសុវត្ថិភាព Honda Sensing safety system ដែលបញ្ចូលនៅមុខងារប្រព័ន្ធផ្តល់សញ្ញាព្រមានពីផ្នែកចំហៀង BTS ផងដែរ ។

សម្រាប់ផ្នែកខាងក្រៅរបស់ Honda Freed មានភ្ជាប់មកជាមួយប៉ាណា រួមទាំងកាងមុខគ្មានស៊ុម ចង្កៀងមុខ-ក្រោយ LED ព្រមទាំងថាសកង់ ក៏ដូចជាទ្វាររូតសងខាងដើរដោយថាមពលអគ្គិសនីជាដើម ។

ចំពោះនៅផ្នែកខាងក្នុងនៃកាប៊ីនត្រូវបានរចនាឡើងផ្តល់នៅភាពទូលាយ កៅអីខាងមុខត្រូវបានរចនាឡើងដើម្បីងាយស្រួលចេញ-ចូល ខណៈពេលដែលកៅអីជួរទី ៣ ស្តើងជាងមុនសម្រាប់ភបត់នៅពេលមិនប្រើប្រាស់ បន្ថែមជាមួយប្រព័ន្ធម៉ាស៊ីនត្រជាក់ខាងក្រោយសម្រាប់ផាសុកភាពរបស់អ្នកដំណើរនៅជួរទី ២ និងទី ៣ ៕

ផ្ទាំងផ្សាយពាណិជ្ជកម្ម

Subaru គ្រោងផលិតភីកអាប់ខ្នាតកណ្តាលសម្រាប់អតិថិជនរបស់ខ្លួននៅប្រទេសអូស្រ្តាលី

May 10, 2024

[បរទេស] ក្រុមហ៊ុនផលិតរថយន្ត Subaru ប្រចាំនៅទីផ្សារប្រទេសអូស្ត្រាលី មានគម្រោងចង់ផលិតរថយន្តប្រភេទភីកអាប់ខ្នាតកណ្តាលផ្អែកនៅលើគ្រោងឆ្អឹង Subaru Global Platform សម្រាប់អតិថិជនរបស់ខ្លួននៅក្នុងប្រទេសអូស្រ្តាលី ក៏ដូចជាការចង់ប្រកួតប្រជែងជាមួយភីកអាប់ដ៏ទៃដូចជា Toyota Hilux Nissan Nivara និង Mitsubishi Trtion ជាដើម ។

គួរឲ្យដឹងថា ក្រុមហ៊ុន Subaru ក៏ធ្លាប់បានផលិតរថយន្តភីកអាប់ដែលមានឈ្មោះថា Subaru Brumby នៅចន្លោះពីឆ្នាំ ១៩៧៨ ជាភីកអាប់ខ្នាតតូច នឹងត្រូវបញ្ឈប់ការផលិតនៅក្នុងឆ្នាំ ២០០៦ ។

ខណៈពេលដែលថ្មីៗនេះយោងតាមគេហទំព័រ Cars Guide នាយកគ្រប់គ្រង Subaru Australia លោក Blair Read បានទទួលស្គាល់ថាគាត់ដឹងពីតម្រូវការសម្រាប់ Brumby ជំនាន់ថ្មី។

គួរបញ្ជាក់ផងដែរថា សម្រាប់ភីកអាប់ Subaru Brumby ធ្លាប់ទទួលបានជោគជ័យយ៉ាងខ្លាំងនៅទីផ្សារសហរដ្ឋអាមេរិកចន្លោះពីឆ្នាំ ១៩៧៨ ដល់ ១៩៩៤ ដែលលក់បានចំនួនដល់ទៅ ៥០០ ០០០គ្រឿង តែយ៉ាងណាក៏ដោយភីកអាប់នេះត្រូវបានធ្លាក់យ៉ាងខ្លាំងដោយសារតែមិនមានលក្ខណៈគ្រប់គ្រាន់ក្នុងធ្វើតេស្តសុវត្ថិភាពរបស់សហរដ្ឋអាមេរិក ៕

ផ្ទាំងផ្សាយពាណិជ្ជកម្ម

Toyota Yaris Cross ស៊េរីថ្មីចុងក្រោយឈរលេខ ១ ជាអ្នកលក់ដាច់ជាងគេនៅក្នុងស្រុក

May 10, 2024

[បរទេស] យោងតាមសហគមន៍អ្នកចែកចាយរថយន្តរបស់ប្រទេសជប៉ុន JADA បានធ្វើការប្រកាសពីទិន្នន័យនៃការលក់រថយន្តនៅក្នុងខែមេសា ឆ្នាំ ២០២៤ ដោយបានលក់បានសរុប ៧៩ ៦៨២ គ្រឿងនៅក្នុងស្រុក ក្នុងនោះរថយន្ត Toyota Yaris Cross ស៊េរីថ្មីចុងក្រោយឈរលេខ ១ ជាអ្នកលក់ដាច់ជាងគេ ។

ខាងក្រោមនេះ ជារថយន្តស៊េរីថ្មីចុងក្រោយទាំង ១០ម៉ូដែលលក់ដាច់ជាងគេក្នុងខែមេសា ឆ្នាំ២០២៤ នៅប្រទេសជប៉ុន ៖

១) Toyota Yaris Cross ស៊េរីថ្មីចុងក្រោយ លក់បានចំនួនសរុប ១៣ ៧៦៥ គ្រឿង
២) Toyota Corolla ស៊េរីថ្មីចុងក្រោយ លក់បានចំនួនសរុប ១២ ៩៦៩ គ្រឿង
៣) Toyota Sienta ស៊េរីថ្មីចុងក្រោយ លក់បានចំនួនសរុប ១០ ៣៣៧ គ្រឿង
៤) Honda Vezel ស៊េរីថ្មីចុងក្រោយ លក់បានចំនួនសរុប ៧ ៧៥២ គ្រឿង
៥) Toyota Alphard ស៊េរីថ្មីចុងក្រោយ លក់បានចំនួនសរុប ៦ ៧០៤ គ្រឿង
៦) Nissan Note ស៊េរីថ្មីចុងក្រោយ លក់បានចំនួនសរុប ៦ ០១៣ គ្រឿង
៧) Toyota VOXY ស៊េរីថ្មីចុងក្រោយ លក់បានចំនួនសរុប ៥ ៧១៦ គ្រឿង
៨) Nissan Serena ស៊េរីថ្មីចុងក្រោយ លក់បានចំនួនសរុប ៥ ៦៩៤ គ្រឿង
៩) Toyota NOAH ស៊េរីថ្មីចុងក្រោយ លក់បានចំនួនសរុប ៥ ៤៥៤ គ្រឿង
១០) Toyota Harrier ស៊េរីថ្មីចុងក្រោយ លក់បានចំនួនសរុប ៥ ២៧៨ គ្រឿង

ផ្ទាំងផ្សាយពាណិជ្ជកម្ម

Toyota Camry ស៊េរីឆ្នាំ២០២៤ ចេញតម្លៃលក់នៅទីផ្សារប្រទេសកម្ពុជាជិត ៧មុឺនដុល្លារ

May 10, 2024

[ក្នុងស្រុក] យោងតាមការបង្ហោះពីគេហទំព័រភ្នាក់ងារទិញរថយន្តពីបរទេសដែលមានឈ្មោះថា Auto US Direct Cambodia បានធ្វើការបង្ហាញចេញនៅតម្លៃលម្អិតនៃរថយន្ត Toyota Camry ស៊េរីឆ្នាំ២០២៤ ជាមួយតម្លៃសរុប ៦៩ ៣១៩ ដុល្លារ សម្រាប់នៅទីផ្សារប្រទេសកម្ពុជា ។

សម្រាប់តម្លៃ ៦៩ ៣១៩ ដុល្លារ ដែលបានរួមបញ្ចូលនៅដូចជា៖

តម្លៃឡាន ២៩ ៦០០ ដុល្លារ ($29,600)
តម្លៃពន្ធនាំចូល ៣៤ ៣៧០ ដុល្លារ ($34,370)
តម្លៃដឹកជញ្ជូន ១ ៧៥០ ដុល្លារ ($1,750)
តម្លៃកាត់ឈ្មោះនៅអាមេរិក ៨៩៩ ដុល្លារ ($899)
តម្លៃឯកសារនៅខ្មែរ ៩០០ ដុល្លារ ($900)
តម្លៃសេវាកម្មរបស់ក្រុមហ៊ុននៅកម្ពុជា ៥០០ ដុល្លារ ($500)
តម្លៃសេវាកម្មរបស់ក្រុមហ៊ុននៅអាមេរិច ១ ៥០០ ដុល្លារ ($1,500)
តម្លៃសរុបទាំងអស់ ៦៩ ៣១៩ ដុល្លារ ($69,319)

គួរបញ្ជាក់ផងដែរថា សម្រាប់រថយន្ត Toyota Camry ស៊េរីឆ្នាំ ២០២៤ នេះ គឺជាម៉ូដែល XSE ប្រភេទកូនកាត់ Hybrid ។ សម្រាប់ព័ត៌មានលម្អិត បងប្អូនអាចទាក់ទងក្រុមហ៊ុនផ្ទាល់តាមគេហទំព័រ Auto US Direct Cambodia ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធរបស់ Chery សាកភ្លើងម្តងអាចរត់បានជិត ៨០០គីឡូម៉ែត្រ តម្លៃចាប់ពីខ្ទថ់ ២មុឺនដុល្លារឡើងទៅ

May 10, 2024

[ទីផ្សារបរទេស] ក្រុមហ៊ុនផលិតរថយន្ត Chery បានធ្វើការដាក់បង្ហាញចេញនៅរថយន្តអគ្គិសនីសុទ្ធ Chery Exeed Sterra ET ស៊េរីថ្មី ឆ្នាំ ២០២៤ ជាមួយតម្លៃលក់ចាប់ពី ២៦ ៣០០ ដុល្លារ ដល់ ៤៤ ៣០០ ដុល្លារ ក្នុងទីផ្សារប្រទេសចិន ។

Chery Exeed Sterra ដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបាន ២៣០ និងកម្លាំងរមួល ៤២៥ ញ៉ូតុនម៉ែត្រ អាគុយទំហំ ១០០ គីឡូវ៉ាត់ម៉ោង អាចបើកបរបានចម្ងាយ ៧៦០ គីឡូម៉ែត្រនៅពេលសាកថ្មពេញម្តង និងគាំទ្រឆ្នាំងសាកល្បឿនលឿន ដោយសាកពី ៣០% ដល់ ៨០% ប្រើរយៈពេល ៩ នាទីប៉ុណ្ណោះ ។

យោងតាម Exeed បានឱ្យដឹងថា នៅរថយន្តទាំងមូលមានអំពូល LED រហូតដល់ ៩៦៥ គ្រាប់សម្រាប់បំភ្លឺ ។ រថយន្តនេះក៏ត្រូវបានបំពាក់ដោយប្រព័ន្ធចាប់សញ្ញា Lidar នៅលើដំបូល ដើម្បីដឹងពីសមត្ថភាពជំនួយក្នុងការបើកបរកម្រិតខ្ពស់ ដែល Chery បានសហការជាមួយ Bosch ។

ចំពោះនៅខាងក្នុងត្រូវបានផ្តល់ជូនកុងទ័របង្ហាញព័ត៌មានឌីជីថលទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១៥,៦ និងដៃចង្កូតរាងអក្សរ D ក៏ដូចជាប្រព័ន្ធបញ្ជាដោយសំឡេង AI ដំបូលកញ្ចក់ panoramic sunroof ប្រវែង ២,៣៨ ម៉ែត្រការ៉េ និងឧបករណ៍បំពងសំឡេង ២៣ ចំនុច ៕

ផ្ទាំងផ្សាយពាណិជ្ជកម្ម

Toyota គ្រោងផលិតម៉ូដែលថ្មីចំនួន ៣ ដែលប្រើប្រព័ន្ធ PHEV របស់ BYD សម្រាប់ទីផ្សារប្រទេសចិន

May 9, 2024

[បរទេស] យោងតាមសារព័ត៌មានមួយនៅក្នុងប្រទេសចិនបានឲ្យដឹងថា ក្រុមហ៊ុនផលិតរថយន្ត Toyota គ្រោងនឹងបង្ហាញម៉ូដែលប្រភេទ Plug-in Hybrid (PHEV) ថ្មីចំនួន ២ ឬ ៣ម៉ូ ដែលគ្រោងនឹងប្រើប្រាស់ប្រព័ន្ធ Plug-in hybrid DM-i របស់ BYD នៅក្នុងប្រទេសចិនក្នុងរយៈពេល ២ ទៅ ៣ ឆ្នាំខាងមុខទៀត ។

ក្នុងនោះក្រុមហ៊ុនរថយន្តយក្សរបស់ជប៉ុននឹងឈប់ប្រើប្រាស់ប្រព័ន្ធ THS (Toyota Hybrid System) សម្រាប់ម៉ូដែល HEV សម្រាប់រថយន្តដែលទើបនឹងចេញថ្មីក្នុងប្រទេសចិនទៀតហើយដោយសារតែមិនអាចទទួលបានការឧបត្ថម្ភធនដូចគ្នានឹង BEVs ឬ PHEVs ពីប្រទេសចិននោះទេរ។

គួរឲ្យដឹងថា DM PHEV Platform គឺជាគ្រោងឆ្អឹងសម្រាប់រថយន្តកូនកាត Hybrid របស់ BYD ដែលត្រូវបានដាក់បង្ហាញក្នុងឆ្នាំ ២០០៨ គិតមកដល់បច្ចុប្បន្នស្ថិតនៅជំនាន់ទី ៥ ដែលអនុញ្ញាតឲ្យរថយន្តអាចរបើកបរបានចម្ងាយ ២ពាន់គីឡូម៉ែត្រ ក៏ដូចជាកម្រិតស៊ីប្រេងត្រឹមតែ ២,៩ លីត្រក្នុងរយៈចម្ងាយ ១០០គីឡូម៉ែត្រ ៕