ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 204

Suzuki SWIFT ជំនាន់ថ្មី ទទួលបានចំណាត់ថ្នាក់ត្រឹមតែផ្កាយ ៤ ក្នុងការធ្វើតេស្តសុវត្តិភាពពីប្រទេសជប៉ុន JNCAP

[បរទេស] កាលពីពេលថ្មីៗនេះ រថយន្ត All-new Suzuki SWIFT ជំនាន់ថ្មី ស៊េរីឆ្នាំ ២០២៤ បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំប្រទេសជប៉ុន Japan NCAP ដោយទទួលបានចំណាត់ថ្នាក់ផ្កាយ ៤ ។

Japan New Car Assessment Program ឬ JNCAP បានបង្ហាញពីលទ្ធផលតេស្តសុវត្ថិភាពនៃការធ្លាក់នៃ All-new Suzuki Swift ជំនាន់ទី ៤ ដែលបានដាក់បង្ហាញក្នុងប្រទេសជប៉ុនក្នុងឆ្នាំ ២០២៣ ដោយឃើញថា ពិន្ទុវាយតម្លៃសុវត្ថិភាពសរុបត្រឹមតែផ្កាយ ៤ ក្នុងចំណោមផ្កាយ ៥ គិតជាពន្ទុស្មើនឹង ៨១,១០ លើ ១០០ ពិន្ទុ ។

លទ្ធផលតេស្តរបស់ JNCAP ចែកចេញជាបីផ្នែកធំៗរួមមាន៖ ការការពារពីឧបសគ្គ និងជំនួយសុវត្ថិភាពដល់អ្នកបើករ Preventive Safety , ការការពារការបុកប៉ះ និងប្រព័ន្ធផ្តល់សញ្ញាគ្រោះថ្នាក់បន្ទាន់ និងការពារសុវត្ថិភាពបុកប៉ះនៅផ្នែកខាងមុខ ដែលត្រូវបានចាត់ទុកថាស្ថិតក្នុងកម្រិតល្អណាស់មួយ ៕

ផ្ទាំងផ្សាយពាណិជ្ជកម្ម

Honda Vezel ឆ្នាំ២០២៤ អាប់ដេតថ្មី ប្រើ Hybrid ជិះ ១០០គីឡូម៉ែត្រស៊ីសាំងតែ ៤លីត្រ

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅរថយន្ត Honda Vezel ស៊េរីឆ្នាំ ២០២៤ ដែលទទួលបានការធ្វើឲ្យប្រសើរ ជាមួយការកែមុខថ្មី ដែលមានតម្លៃលក់ចាប់ពី ១៧ ០២៣ ដុល្លារ ដល់ ២៤ ២៦៩ ដុល្លារនៅទីផ្សារប្រទេសជប៉ុន។

Honda Vezel ស៊េរីឆ្នាំ ២០២៤ ផ្តល់ជូនទាំងជម្រើសម៉ាស៊ីនសាំង និងម៉ាស៊ីនកូនកាត់ Hybrid ៖

  • ម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង អាចផលិតកម្លាំងបាន ១៣១ សេះ និងកម្លាំងរមួល ១៥៥ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT
  • ម៉ាស៊ីនកូនកាត់ Hybrid ធ្វើការរួមគ្នជាមួយម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង និងម៉ូទ័រអគ្គិសនីចំនួន ២ អាចផលិតកម្លាំងបានសរុប ២០០ សេះ និងកម្លាំងរមួល ៣៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ e-CVT ជាមួយកម្រិតស៊ីប្រេងខ្ទង់ ៤លីត្រក្នុងរយៈចម្ងាយ ១០០ គីឡូម៉ែត្រ

សម្រាប់ការឌីស្សាញនៅផ្នែកខាងក្រៅ ទទួលបានប៉ាណា និងកាងមុខឌីស្សាញថ្មី ចង្កៀងមុខ-ក្រោយប្រភេទ Full-LED ព្រមទាំងថាសកង់អាលុយមីញ៉ូមទំហំ ១៦ អ៉ីញ​ ក៏ដូចត្រឡោកកញ្ចក់មុខងារក្តោបអូតូជាដើម។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ក៏ដូចជាកន្លែងសាកថ្មឥតប្រើខ្សែ ដំបូលកញ្ចក់ Panoramic roof រួមទាំងប្រព័ន្ធសុវត្ថិភាព Honda Sensing system ផងដែរ ៕

ផ្ទាំងផ្សាយពាណិជ្ជកម្ម

Roll-Royce Cullinan មុខមាត់ថ្មី បង្ហាញខ្លួនជាផ្លូវការ ឯតម្លៃក្រុមហ៊ុនសុំមិនបញ្ចេញ

[បរទេស] ក្រុមហ៊ុនផលិតរថយន្តដ៏ប្រណិតរបស់ចក្រភពអង់គ្លេសបាន Roll-Royce បានធ្វើការដាក់បង្ហាញចេញនៅរថយន្ត Roll-Royce Cullinan Series II ទទួលបានការកែមុខមាត់ថ្មី ជាមួយការអាប់ដេតបន្ថែម ខណៈតម្លៃលក់ត្រូវបានក្រុមហ៊ុនមិនបង្ហាញនោះទេ ។

រថយន្តនេះត្រូវបានបំពាក់ជាមួយម៉ាស៊ីន V12 ចំណុះ ៦,៧ លីត្រ Twin-turbo អាចផលិតកម្លាំងបាន ៥៩១ សេះ និងកម្លាំងរមួល ៩០០ ញ៉ូតុនម៉ែត្រ ។

Roll-Royce Cullinan Series II ការ​រចនា​ថ្មីយកលំនាំចេញពីរថយន្តអគ្គិសនីសុទ្ធ Spectre ​រួម​មាន​ចង្កៀងបំភ្លឺពេលថ្ងៃ​រាង​អក្សរ L ត្រូវបានប្តូរទីតាំងថ្មី រន្ធខ្យល់ផ្នែកខាងមុខថ្មី រួមទាំងប៉ាណាមុខធ្វើពីអាលុយម៉ីញូមត្រូវបានប្តូររូបរាងថ្មីផងដែរ ។ លើសពីនេះ ថាសកង់ស្ព័រទំហំ ២៣ អ៉ីញពណ៌ថ្មី ក៏ដូចជាបំពងស៊ីមាំងផ្នែកខាងក្រោយស្រោបដោយក្រូម៉េជាដើម ។

ចំពោះនៅផ្នែកខាងក្នុងវិញ ក៏បានធ្វើឲ្យប្រសើរឡើងផ្តល់នៅភាពប្រណិតជាងមុន ដោយនៅលើតាប្លូមានអេក្រង់លាតសន្ទឹងដូចទៅនឹងរថយន្តអគ្គិសនីសុទ្ធ Spectre ដែលរួមបញ្ចូលនៅកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen  ហើយត្រូវបានតុបតែងដោយកាបូនដល់ទៅ ២៣ ទីតាំង ក៏ដូចជាសម្ភារៈធ្វើការដើមឬស្សី រួមទាំងឈឺដ៏ប្រណិតផងដែរ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធខ្នាតតូចរបស់ VinFast ចេញលក់ជាផ្លូវការ ឯតម្លៃចាប់ផ្តើមអត់ដល់ ១មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្ត VinFast បានធ្វើការដាក់បង្ហាញចេញ និងលក់ជាផ្លូវការនៅរថយន្តអគ្គិសនីសុទ្ធខ្នាតតូច VinFast VF3 ជាមួយតម្លៃលក់ចាប់ពី ៩២៤១ ដុល្លារ ដល់ ១២ ៣៨៧ ដុល្លារ នៅក្នុងទីផ្សារប្រទេសវៀតណាម ។

រថយន្តនេះ មានប្រវែងតួខ្លួនសរុប ៣ ១៩០ ម.ម ទទឹង ១ ៦៧៩ ម.ម កំពស់ ១ ៦២២ ម.ម ដោយផ្នែកខាងមុខមានចង្កៀង LED រួមជាមួយរបាអូសកាត់ជាអក្សរ V ព្រមទាំងកាងទំហំធំ ក៏ដូចជាប្រើប្រាស់នៅថាសកង់ទំហំ ១៦អ៉ីញ និងចង្កៀងក្រោយក៏ជាប្រភេទ LED ។ លើសពីនេះ VF3 Gacបើកបរបានចម្ងាយ ២១០ គីឡូម៉ែត្រនៅពេលសាកថ្មពេញម្តង ខណៈទំហំអាគុយ និងម៉ូទ័រក្រុមហ៊ុនមិនទាន់បង្ហាញនៅឡើយទេ។

ចំពោះនៅផ្នែកខាងក្នុងរបស់ VF 3 គឺធំទូលាយណាស់បើប្រៀបធៀបទៅនឹងផ្នែករថយន្តខ្នាតតូចដូចជា ជាពិសេសកៅអីខាងក្រោយត្រូវបានបត់រាបស្មើអាចផ្ទុកបានដល់ ៥៥០លីត្រ ដែលស្មើនឹងទំហំនៅខាងក្នុងរថយន្ត hatchback 4 ទ្វារ។ លើសពីនេះ មានបំពាក់កុងទ័របង្ហាញព័ត៌មាន និងអេក្រង់កំសាន្ត touchscreen ជាអេក្រង់ភ្លោះទំហំ ១០អ៉ីញ អាចភ្ជាប់មុខងារ Apple CarPlay និង Android Auto ព្រមទាំងហ្វ្រាំងដៃអេឡិចត្រូនិចផងដែរ ៕

ផ្ទាំងផ្សាយពាណិជ្ជកម្ម

លឺថា Geely Coolray 2024 ទទួលបានការគាំទ្រខ្លាំង រករថយន្តប្រគល់អោយអតិថិនមិនទាន់ ស្តុកមកដល់អស់ មកដល់អស់តែម្តង

ក្រោយពីមានវត្តមានលក់ជាផ្លូវការនៅទីផ្សារស្រុកយើង យើងឃើញថា All-new Geely Coolray 2024 ទទួលបានគាំទ្រហក់ឡើងខ្លាំងមែនទែន ដែលសឹងតែរករថយន្តផ្តល់ជូនពុំទាន់ ស្តុកមកដល់អស់ មកដល់អស់តែម្តង។ តើ All-new Coolray 2024 មានចំណុចពិសេសអ្វី ទើបទាក់ចិត្តអតិថិជនបានច្រើនលើសលប់បែបនេះ? ទាំងនេះជាចំណុចពិសេស ២០ចំណុចដែលធ្វើអោយរថយន្តមួយនេះទទួលបានការគាំទ្រខ្លាំងបែបនេះ 

  • តម្លៃពិសេស: នេះគឺអ្វីដែលពិសេសបំផុតមួយដែលធ្វើអោយ Coolray 2024 ទាក់ចិត្តអតិថិជនខ្លាំងបំផុត គឺមានតម្លៃពិសេសត្រឹមតែ 27,500ដុល្លារប៉ុណ្ណោះ ដែលនេះជាការផ្តល់ជូនពិសេសមួយពី Geely Cambodia សម្រាប់ការគាំទ្រពីសំណាក់អតិថិជន ក៏ដូចជាការទទូចចង់បានពីអតិថិជនមកកាន់ Geely ផងដែរ។
  • ការរចនារូបរាង: នេះក៏ជាចំណុចដែលទាក់ចិត្តអតិថិជនរបស់ Coolray បន្ថែមទៀតផងដែរ គឺការរចនារូបរាងគឹបែបស្ព័រ និងអំណាចតែម្តង ជាពិសេសគឺប៉ាណាមួយផ្ទាំងធំ អមសងខាងដោយចង្កៀងសងគឺជាប្រភេទ LED និងផ្នែកខាងក្រោយមាន Spoiler ជួយអោយកាន់តែស្ព័របន្ថែមទៀត អេមៗ

  • ទំហំ: និយាយពីទំហំរថយន្តគឺថា ធំ ទូលាយតែម្តង ដោយមានប្រវែងសរុប ៤ ៣៨០មម ទទឹង ១ ៨១០មម និងកម្ពស់ ១ ៦១៥មម អាចនិយាយបានថាជាទំហំមួយដែលលើសគេតែម្តង

  • ថាមពលកម្លាំងម៉ាស៊ីន: ម៉ាស៊ីនជំនាន់ថ្មី ដំណើរការស្មូត និងស្ទុះល្អ ទំហំ ១,៥លីត្រ ៤ស៊ីឡាំង ផលិតកម្លាំងបាន ១៧១សេះ និងកម្លាំងរមួល ២៩០ញ៉ូតុនម៉ែត្រ។ រថយន្តនេះអាចរត់ស្ទុះពីល្បឿន 0-១០០គ.ម/ម៉ប្រើពេល ៧,៦វិនាទី និងមានកម្រិតស៊ីប្រេងខ្ទង់ ៥,៨លីត្រសម្រាប់ការបើកបរចម្ងាយ ១០០គ.ម។
  • ចង្កឹះលេខអេឡិចត្រូនិច: ងាយស្រួលដល់ការផ្លាស់ប្តូរលេខ ដោយប្រអប់លេខជាប្រភេទ អេឡេចត្រូនិច ៧វគ្គស្វ័យប្រវត្តិ 
  • សោវៃឆ្លាត​: អាចធ្វើការ Lock/Unlock និងបញ្ជាបញ្ឆេះរថយន្តពីចំងាយតាមរយ:សោវៃឆ្លាត
  • ឃ្លុបក្រោយបើកបិទអូតូ: ងាយស្រួលក្នុងការដាក់ ឬយកឥវ៉ាន់ផ្សេង

  • អេក្រង់ភ្លោះ: ការរចនាផ្នែកខាងក្នុងយ៉ាងទាន់សម័យ ជាពិសេសបានបំពាក់មកជាមួយអេក្រង់ភ្លោះ ដែលមានអេក្រង់បង្ហាញព័ត៌មានទំហំ ១០,២៥អ៊ីញ និងអេក្រង់កម្សាន្តទំហំ ១២,៣អ៊ីញ ដែលភ្ជាប់មកជាមួយមុខងារ Apple Carplay
  • កន្លែងសាកថ្មឥតប្រើខ្សែ: ផ្តល់នូវភាពងាយស្រួលបើទោះបីជាភ្លេចខ្សែម្តងម្កាល់ គឺនៅលើ All-new Coolray បានបំពាក់មកជាមួយកន្លែងសាកថ្មឥតប្រើខ្សែ

  • ម៉ាស៊ីនត្រជាក់ផ្នែកខាងក្រោយ: ផ្តល់នូវផាសុកភាពទាំងអ្នកផ្នែកខាងមុខ និងខាងក្រោយ
  • ភ្លើងលម្អ Ambient Lighting: ដែលអាចផ្លាស់ប្តូរច្រើនជម្រើសពណ៌ 
  • កាំម៉េរ៉ា ៥៤០ដឺក្រេ: បង្ហាញរូបភាពតាមរយ:អេក្រង់កម្សាន្ត និងមានខ្សែបន្ទាត់រ៉េតាមចង្កូត 
  • ដំបូលកញ្ចក់ប្រភេទ Panoramic Sunroof : ដំបូលធំ អាចបើកយកពន្លឺ និងខ្យល់អាកាសបាន 
  • ជម្រើសនៃ Drive Mode: មានរហូតដល់ ៤
  • មុខងារជំនួយពេលឈប់ Auto Stop/Start
  • ពោងការពារសុវត្ថិភាពចំនួន ៦ចំណុច
  • មុខងារផ្តល់ដំណឹងនៅផ្នែកជំហៀង: ជួយផ្តល់ដំណឹងអោយយើងបានពីដំណឹងនៅពេលមានយានយន្តមកជិត ឬវ៉ាជែង
  • ប្រព័ន្ធចូលចតដោយស្វ័យប្រវត្តិ: ដែលយើងអាចកំណត់អោយរថយន្តធ្វើការចូលចតបាន ៣របៀប ទៅតាមស្ថានភាពជាក់ស្តែង ព្រមជាមួយការបង្ហាញរូបភាពនៅលើអេក្រង់បង្ហាញអោយយើងបានឃើញបានច្បាស់។
  • ប្រព័ន្ធចេញពីចំណតដោយស្វ័យប្រវត្តិ: ក្រៅពីអាចចូលចតដោយស្វ័យ All-new Geely Coolray ក៏មានមុខងារចេញពីចំណតដោយស្វ័យប្រវត្តិដូចគ្នាដែរ ដែលយើងអាចធ្វើការកំណត់បញ្ជានៅលើអេក្រង់កណ្តាលផងដែរ។
  • ការធានា: រាល់ការទិញរថយន្ត Geely Coolray ឬម៉ូឌែលណាមួយពី Geely Cambodia បងប្អូននឹងទទួលបានការធានារយៈពេល ៥ឆ្នាំ ឬ ១៥ម៉ឺនគីឡូម៉ែត្រ។

តើយល់យ៉ាងណាដែរ ចំពោះលក្ខណ:ពិសេសទាំង ២០ចំណុចនេះ? កំពុងតែចាប់អារម្មណ៍ហើយមែនទេ ប្រញាប់ឡើងកក់មុនបានមុន ជាពិសេសទទួលបានតម្លៃពិសេសទៀតត្រឹម ២៧ ៥០០ដុល្លាររកណាបាន? សម្រាប់ព័ត៌មានលំអិត និងទទួលបានប្រូម៉ូសិនពិសេស សូមទំនាក់ទំនងទៅកាន់ Geely Cambodia ឬលេខទូរស័ព្ទ៖ 077 505 659 / 015 505 659៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Geely ចេញលក់សម្រាប់ទីផ្សារសកលជាមួយខ្ទង់ ២មុឺនដុល្លារឡើងទៅ

[ទីផ្សារបរទេស] ក្រុមហ៊ុនផលិតរថយន្ត Geely បានធ្វើការដាក់បង្ហាញចេញ និងលក់ជាផ្លូវការនៅរថយន្តអគ្គិសនីសុទ្ធ Geely Galaxy E5 ស៊េរីឆ្នាំ ២០២៤ ដែលអភិវឌ្ឍឡើងសម្រាប់ទីផ្សារសកលលោក ជាមួយតម្លៃលក់ចាប់ពី ២០ ៧៦៤ ដុល្លារ ដល់ ២៧ ៦៨៥ ដុល្លារ ។

Geely Galaxy E5 ត្រូវបានផលិតឡើងនៅលើគ្រោងឆ្អឹង GEA’s global intelligent archtitecture ដំណើរការដោយម៉ូទ័រអគ្គិសនីចំនួន ១ អាចផលិតកម្លាំងបាន ២១៨ សេះ ផ្គួបជាមួយអាគុយដែលអាចបើកបរបានចម្ងាយជាង ៥០០ គីឡូម៉ែត្រនៅពេលសាកថ្មពេញម្តង ។

សម្រាប់ការឌីស្សាញនៅផ្នែកខាងក្រៅមានប៉ាណាមុខបិទជិតប្រភេទ Matix light close-grille ចង្កៀងមុខ-ក្រោយប្រភេទ LED ព្រមទាំងប្រើប្រាស់នៅថាសកង់ស្ព័រទំហំ ១៩អ៉ីញជាដើម ។

ចំពោះនៅផ្នែកខាងក្នុងវិញ ភ្ជាប់មកជាមួយអេក្រង់កំសាន្ត touchscreen ទំហំធំសម្រាប់បញ្ជាមុខងារសំខាន់ ក៏ដូចជាកន្លែងសាកថ្មឥតប្រើខ្សែ ឧបករណ៍បំពងសំលេងដល់ទៅ ១៦ ចំនុចផងដែរ ៕

ផ្ទាំងផ្សាយពាណិជ្ជកម្ម

រថយន្តប្រភេទ MPV ប្រើថាមពលអគ្គិសនីសុទ្ធរបស់ Nissan បង្ហាញខ្លួនជាផ្លូវការ

[បរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញនៅរថយន្ត Nissan Townstar Evalia ប្រភេទ MPV ផ្តល់ជូនទាំងជម្រើសថាមពលអគ្គិសនីសុទ្ធ និងម៉ាស៊ីនចំហេះក្នុងនៅទីផ្សារតំបន់អឹរ៉ុបគ្រោងនឹងចេញលក់ជាផ្លូវការឆ្នាប់នៅក្នុងឆ្នាំ ២០២៤ នេះ ។

Nissan Townstar Evalia ដំណើរការដោយ ម៉ូទ័រអគ្គិសនីចំនួន ១ អាចផលិតកម្លាំងបាន ១២០ សេះ និងកម្លាំងរមួល ២៤៥ ញ៉ូតុនម៉ែត្រ ផ្គួបជាមួយអាគុយទំហំ ៤៥ គីឡូវ៉ាត់ម៉ោង អាចបើកបរបានចម្ងាយ ២៦៥ គីឡូម៉ែត្រនៅពេលសាកថ្មពេញម្តង ខណៈម៉ាស៊ីនសាំងចំណុះ ១,៣ លីត្រ Turbocharged អាចផលិតកម្លាំងបាន ១២៨ សេះ ។

រថយន្តនេះមានប្រវែងគន្លាតកងមុខ-ក្រោយដល់ទៅ ៣ ១០០ ម.ម ដោយការឌីស្សាញរូបរាងផ្នែកខាងក្រៅផ្អែកនៅលើរថយន្ត Townstar LCV ដែលឲ្យឈ្មោះថា L2 bodystyle និងបានបន្ថែមនៅទំហំធំទូលាយនៅខាងក្នុងសម្រាប់ទាំងអ្នកដំណើរ និងរបស់របរប្រើប្រាស់ ជាមួយជម្រើស ៥កៅអី ដល់ ៧រកៅអី ខណៈកៅអីជួរទី២ និងទី៣ អាចបត់ និងស្លាយបាន អាចផ្ទុកទំនិញបានរហូតដល់ ៣ ៧៥០ លីត្រឯណ្ណោះ ។

មិនត្រឹមតែប៉ុណ្ណោះ Nissan Townstar Evalia ក៏បានភ្ជាប់មកជាមួយប្រព័ន្ធជំនួយការអ្នកបើកបរ ADAS ដែលរួមបញ្ចូលនៅមុខងារប្រព័ន្ធសុវត្ថិភាពដល់ទៅ ១៤មុខងារផងដែរ ៕

ផ្ទាំងផ្សាយពាណិជ្ជកម្ម

សហរដ្ឋ​អាមេរិក​ទម្លាក់​ប្រាក់​ប្រមាណ ១០០លាន​ដុល្លារ​ដើម្បី​ជំរុញ​ការ​ផលិត​គ្រឿង​បន្លាស់រថយន្តអគ្គិសនីក្នុង​ស្រុក

[បរទេស] កាលពីពេលថ្មីៗនេះ អនុប្រធានាធិបតី Kamala Harris បានធ្វើការប្រកាសផ្តល់មូលនិធិចំនួន ១០០ លានដុល្លារ ដើម្បីជួយអ្នកផ្គត់ផ្គង់រៀបចំផលិតគ្រឿងបន្លាស់សម្រាប់រថយន្តអគ្គិសនី (EV) នៅក្នុងទីផ្សារសហរដ្ឋអាមេរិក ដែលការប្រកាសពីកម្មវិធីនេះធ្វើឡើងនៅទីក្រុង Detroit សហរដ្ឋអាមេរិកដើម្បីបញ្ចុះបញ្ចូលកម្មកររថយន្តនៅមុនការបោះឆ្នោតនៅឆ្នាំនេះ។

ក្នុងនោះ សម្រាប់ថវិកាពាក់កណ្តាលនឹងបានមកពីនាយកដ្ឋានថាមពលដើម្បីជួយអ្នកផ្គត់ផ្គង់ផ្លាស់ប្តូរពីការផលិតគ្រឿងបន្លាស់សម្រាប់រថយន្តប្រើម៉ាស៊ីនចំហេខាងក្នុងទៅជារថយន្តអគ្គិសនីសុទ្ធ ខណៈថវិកាពាក់កណ្តាលផ្សេងទៀតបានមកពីនាយកដ្ឋាន departure Implementation Grandts ដើម្បីជួយអ្នកផ្គត់ផ្គង់ធ្វើពិពិធកម្មការផលិត និងគម្រោងបំប្លែង។

ជាមួយគ្នានេះ សេតវិមាន White House បាននិយាយថា ប្រាក់នេះនឹងគាំទ្រដល់ “ការកែសំរួលឡើងវិញ ដើម្បីរក្សាការងារល្អ ប្រាក់ខែល្អ និងការងារសហជីពនៅក្នុងសហគមន៍ដូចគ្នាជាមួយក្រុមហ៊ុនផលិតរថយន្ត និងអ្នកផ្គត់ផ្គង់រថយន្ត ផ្លាស់ប្តូរទៅរកការផលិតរថយន្តអគ្គិសនីនៅសហេដ្ឋអាមេរិក ៕

ផ្ទាំងផ្សាយពាណិជ្ជកម្ម

គំរូឡានអគ្គិសនីសុទ្ធ Kia EV3 concept ត្រៀមបង្ហាញខ្លួនជាផ្លូវការនៅចុងខែនេះ

[បរទេស] ក្រុមហ៊ុនផលិតរថយន្ត Kia បានធ្វើការដាក់បង្ហាញចេញរូបភាព Teaser របស់គំរូរថយន្តអគ្គិសនីសុទ្ធ Kia EV3 concept គ្រោងនឹងដាក់បង្ហាញចេញជាផ្លូវការនៅថ្ងៃទី ២៣ ខែឧសភា ឆ្នាំ ២០២៤ នៅសហរដ្ឋអាមេរិក ។ នៅក្នុងឆ្នាំ ២០២៥ ដែលរឹពឹងមានតម្លៃលក់ចាប់ពី ៣២ ០០០ ដុល្លារឡើងទៅ ។

EV3 នឹងត្រូវផលិតឡើងនៅលើគ្រោងឆ្អឹង E-GMP platform រួមទាំងប្រើប្រាស់ប្រព័ន្ធ 400-volt architecture ផ្តល់ជូនទាំងជម្រើសម៉ូទ័រអគ្គិសនីចំនួន ១ និងចំនួន ២ ក៏ដូចជាកញ្ចប់អាគុយទំហំ ៥៨ គីឡូវ៉ាត់ម៉ោង ដល់ ៧៧,៤ គីឡូវ៉ាត់ម៉ោង ។

ទាក់ទងទៅនឹងរូបរាងផ្នែកខាងក្រៅ មានលក្ខណៈស្រដៀងគ្នាទៅនឹង Kia EV9 និង EV5 ជាមួយភាសាការរចនាឲ្យឈ្មោះថា Opposite United ដោយផ្នែកខាងមុខមានចង្កៀងរាងស្លីមប្រភេទ LED ថាសកង់ស្ព័រឌីស្សាញថ្មី និងចង្កៀងក្រោយ LED រាងជាអក្សរ T ។

ការផ្លាស់ប្តូរសំខាន់ៗជាច្រើនទៀតអាចត្រូវបានគេរំពឹងទុកនៅក្នុង ដោយគំរូរថយន្តនេះ ប្រើប្រាស់ដៃ​ចង្កូត​រាង​រាង​ពងក្រពើ ខណៈនៅលើតាប្លូមានអេក្រង់ភ្លោះឌីស្សាញថ្មីផងដែរ ។

គួរបញ្ជាក់ផងដែរថា សម្រាប់គំរូរថយន្តអគ្គិសនីសុទ្ធ Kia EV3 concept នឹងធ្វើការចេញលក់ជាផ្លូវការជាមួយរថយន្ត Kia EV4 នៅក្នុងឆ្នាំ ២០២៥ ដែលរឹពឹងមានតម្លៃលក់ចាប់ពី ៣២ ០០០ ដុល្លារឡើងទៅ ៕

ផ្ទាំងផ្សាយពាណិជ្ជកម្ម

ញាក់សាច់! ថ្លៃជួសជុលផ្នែកខាងក្រោយរបស់ភីកអាប់ Rivian R1T តម្លៃស្មើ Kia Soul ឆ្នាំ២០២៤

[បរទេស] កាលពីពេលថ្មីៗកន្លងទៅនេះ ភីកអាប់អគ្គិសនីសុទ្ធ Rivian R1T ដែលរងការខូចខាតនៅទីតាំងផ្នែកខាងក្រោយ បណ្តាលមកពីរម៉កបុកក្រោយ ដែលតម្រូវឲ្យម្ចាស់ភីកអាប់នេះត្រូវចំនាយប្រាក់ដល់ទៅ ២១ ១៤៩ ដុល្លារដើម្បីជួសជល់ ដែលជាតម្លៃស្មើនឹងរថយន្ត Kia Soul ដែលមានតម្លៃ ២០ ១៩០ ដុល្លារ ។

ក្នុងនោះ គេនៅ​មិន​ច្បាស់​ថា​គ្រោះថ្នាក់​នេះ​កើត​ឡើង​ដោយ​របៀប​ណា ឬ​កន្លែង​ណា​នោះ​ទេ ប៉ុន្តែ​ការ​ខូច​ខាត​ផ្នែក​ខាង​ក្រោយនេះ ​គឺ​រួម​បញ្ចូល​ទាំង​ចង្កៀងក្រោយ ស្នាម​ឆ្កូត និងកំពិតទំហំធំ​នៅ​ចំហៀង​ឃ្លុបក្រោយ ស្នាម​ប្រេះ​នៅ​ផ្នែកចំហៀងនៃតួខ្លួន ។

ក្នុង​ករណី​ដែលថ្លៃជួសជល់មានតម្លៃថ្លៃ ខាង​ហាង​ជួសជុល​បាន​បញ្ជាក់​ប្រាប់​ម្ចាស់​ថា ពួក​គេ​បាន​កាត់​បន្ទះ​នោះ​ចេញ រួច​យក​មក​ជួសជុល​ដោយ​ពាក់​កណ្តាល​ក្រោយ​ថ្មី ព្រមទាំងបានបញ្ជូនបច្ចេកវិទ្យារបស់ខ្លួនទៅកាន់រោងចក្ររបស់ Rivian សម្រាប់ការបណ្តុះបណ្តាលមួយសប្តាហ៍ផងដែរ ។ លើសពីនេះ ប្រហែល​ជា​ការ​ជួស​ជុល​បែប​នេះ​ជា​ផ្នែក​មួយ​ដែល​ធ្វើឲ្យ​តម្លៃ​ធានា​រ៉ាប់រង​ឡើង​ថ្លៃ​សម្រាប់​មនុស្ស​ជា​ច្រើន​នៅ​ទូទាំង​ប្រទេសទៀតផង ។

ផ្ទាំងផ្សាយពាណិជ្ជកម្ម
1...203204205...1,008ទំព័រ 204 នៃ 1,008

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com