ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 210

Toyota C-HR ស៊េរីឆ្នាំ ២០២៤ ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពី Euro NCAP

[បរទេស] នៅថ្ងៃទី ១០ ខែមេសា ឆ្នាំ ២០២៤ កន្លងទៅ រថយន្ត All-new Toyota C-HR ស៊េរីឆ្នាំ ២០២៤ បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំតំបន់អឹរ៉ុប Euro NCAP ដោយទទួលបានចំណាត់ថ្នាក់ផ្កាយ ៥ ។

សម្រាប់ការធ្វើតេស្តសុវត្ថិភាពនេះដែរ រថយន្ត All-new Toyota C-HR ស៊េរីឆ្នាំ ២០២៤ បានទទួលពិន្ទុទៅលើការ៖

  • ការពរអ្នកដំណើរពេញវ័យចំនួន ៨៥ ភាគរយ
  • ការការពារអ្នកដំណើរវ័យក្មេង ៨៦ ភាគរយ
  • មុខងារជំនួយការបើកបរ និងសុវត្ថិភាព ៧៩ ភាគរយ
  • ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៨៦ ភាគរយ

សម្រាប់ការធ្វើតេស្តបុកប៉ះបានទទួលពិន្ទុទៅលើការ៖

  • ការធ្វើតេស្តបុកប៉ះផ្នែកខាងមុខ ៥០ភាគរយ ក្នុងល្បឿន ៥០ គីឡូម៉ែត្រក្នុងមួយម៉ោង
  • ការធ្វើតេស្តបុកប៉ះផ្នែកទទឹងខាងមុខក្នុងល្បឿន ៥០ គីឡូម៉ែត្រក្នុងមួយម៉ោង
  • ការធ្វើតេស្តបុកប៉ះនៅផ្នែកចំហៀងក្នុងល្បឿន ៦០ គីឡូម៉ែត្រក្នុងមួយម៉ោង
  • ការធ្វើតេស្តបុកជាមួយបង្គោលរឹងក្នុងល្បឿន ៣២ គីឡូម៉ែត្រក្នុងមួយម៉ោង

គួរឲ្យដឹងថា រថយន្ត All-new Toyota C-HR ស៊េរីឆ្នាំ ២០២៤ ត្រូវបានបំពាក់មកជាមួយកញ្ចប់ប្រព័ន្ធសុវត្ថិភាព Toyota Safety System ជំនាន់ចុងក្រោយ ដែលរួមបញ្ចូលនៅមុខងារប្រព័ន្ធជំនួយការអ្នកបើកបរជាច្រើនរួមមាន ប្រព័ន្ធផ្តល់សញ្ញាគ្រោះថា្នក់ នឹងចាប់ហ្វ្រាំងដោយស្វ័យប្រវត្តិ , ប្រព័ន្ធផ្តល់សញ្ញានៅផ្នែកចំហៀង, ប្រព័ន្ធទម្លើង-ទម្លាក់ហ្វាកូតដោយស្វ័យប្រវត្តិ ក៏ដូចជាប្រព័ន្ធកាមេរ៉ា ៣៦០ ដឺក្រេ និងមួយចំនួនច្រើនទៀតផងដែរ ៕

ផ្ទាំងផ្សាយពាណិជ្ជកម្ម

Toyota បន្ថែមម៉ូឌែលថ្មីនៃត្រកូល Corolla រូបរាងកាន់តែស្ព័រ សម្រាប់ទីផ្សារប្រទេសកំណើត

(បរទេស) រថយន្ត Toyota Corolla បានចេញផ្លូវការនៅក្នុងប្រទេសជប៉ុន ជាមួយការបន្ថែមជម្រើសម៉ូឌែលថ្មី Active Sport trim ថ្មី ដែលមានទាំងប្រភេទទាំងជម្រើសតួរខ្លួន​ប្រភេទ Sedan និង​ប្រភេទ​តួខ្លួន Touring Sports។

សម្រាប់ជម្រើសម៉ូឌែលថ្មីនេះគឺត្រូវបានឌីស្សាញបែបស្ព័រជាមួយកាងខាងមុខដែលបានរចនាឡើងវិញជាមួយនឹងរន្ធខ្យល់នៅសងខាងនៃផ្នែកកណ្តាលដ៏ធំ ដែលធ្វើត្រាប់(យកលំនាំ)តាមរថយន្ត GR Yaris ដែលបានបង្ហាញខ្លួនកាលពីពេលកន្លង។ វាមានភ្ជាប់មកជាមួយឡូហ្គូ Active Sport និងថាសកង់ស្ព័រទំហំ ១៧អ៊ីញ ខណ:នៅផ្នែកខាងក្នុងបានបន្ថែមកៅអីស្ព័រខាងមុខមួយគូ។

ចំពោះជម្រើសម៉ាស៊ីនវិញ រថយន្តនេះមាននូវជម្រើសម៉ាស៊ីន ២ជម្រើសគឺ ម៉ាស៊ីន Hybrid ចំណុះ 1.8លីត្រ ជាប្រភេទ 2WD និង AWD (E-Four) ដោយត្រូវបានបំពាក់ដោយម៉ាស៊ីន 2.0 លីត្រ ៤ស៊ីឡាំងដូចគ្នា ដែលផលិតកម្លាំង ១៦៩សេះ។

គួរបញ្ជាក់ផងដែរថា រថយន្ត Toyota Corolla Active Sport បានដាក់​ឱ្យ​កុម្ម៉ង់​រួច​ហើយ​នៅ​ប្រទេស​ជប៉ុន​
ដែល​មាន​តម្លៃ​ចាប់​ពី ២០ ៧០០ដុល្លារ សម្រាប់​ប្រភេទ 2WD sedan និង ២២ ៣០០ដុល្លារ សម្រាប់ E-Four Touring៕

ផ្ទាំងផ្សាយពាណិជ្ជកម្ម

មេធំ Stellantis ថា នឹងមិនលក់ក្រុមហ៊ុន Alfa Romeo ទៅឲ្យក្រុមហ៊ុនរបស់ប្រទេសចិនដាច់ខាន

[បរទេស] ក្នុងអំឡុងពេលនៃការបង្ហាញចេញនៅរថយន្ត Alfa Romeo Milano នាយកប្រតិបត្តិនៃក្រុមហ៊ុន Stellantis លោក Carlos Tavares បាននិយាយថា ក្រុមហ៊ុន Alfa Romeo គឺជាដំពេជ្រដ៏មានតម្លៃ នឹងបានបដិសេធការផ្តល់ជូនផ្សេងៗ ឬលក់ក្រុមហ៊ុនទៅឲ្យក្រុមហ៊ុនផ្សេងទៀតជាពិសេសក្រុមហ៊ុនដែលមានជនជាតិចិនកាន់កាប់នោះទេ ។

 

មិនត្រឹមតែប៉ុណ្ណោះ ក្រុមហ៊ុន Stellantis នឹងវិនិយោគទឹកប្រាក់ជាង ៥,៤ ពាន់លានដុល្លារនៅក្នុងប្រទេសអ៉ីតាលី រួមទាំងកសាងរោងចក្រផលិតអាគុយ gigafactory battery ក៏ដូចជាការផលិតម៉ូដែលថ្មីចំនួនដល់ទៅ ១៥ នៅក្នុងរោងចក្រក្នុងស្រុកបន្ថែមទៀតផងដែរ ។

ជាមួយគ្នានេះ នាយកប្រតិបត្តិ Alfa Romeo លោក Jean-Philippe Imparato ក៏បានគូសបញ្ជាក់ពីផែនការអនាគតរបស់ក្រុមហ៊ុនលោក ក្នុងនោះ ក្រុមហ៊ុននឹងធ្វើការចេញលក់រថយន្ត Alfa Romeo Stelvio ប្រភេទ SUV ជំនាន់ថ្មីនៅក្នុងពាក់កណ្តាលឆ្នាំ ២០២៥ បន្ទាប់មកគឺរថយន្ត Alfa Romeo Giulia ប្រភេទ sedan ក្នុងឆ្នាំ ២០២៦ ដោយម៉ូដែលទាំងពីរនឹងប្រើប្រាស់ស្ថាបត្យកម្ម STLA Large architecture ដូចគ្នាទៅនឹងរថយន្ត Dodge Charger Daytona ថ្មី ៕

ផ្ទាំងផ្សាយពាណិជ្ជកម្ម

Honda CR-V ស៊េរីថ្មីចុងក្រោយ ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពី Euro NCAP

[បរទេស] កាលពីពេលថ្មីៗកន្លងទៅនេះ រថយន្ត Honda CR-V ស៊េរីឆ្នាំ ២០២៣ ដែលបានបំពាក់ជាមួយ Honda Sensing 360 ថ្មី បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំតំបន់អឹរ៉ុប Euro NCAP ដោយទទួលបានចំណាត់ថ្នាក់ផ្កាយ ៥ ។

សម្រាប់ការធ្វើតេស្តសុវត្ថិភាពនេះដែរ រថយន្ត all-new Honda CR-V ស៊េរីឆ្នាំ ២០២៣ បានទទួលពិន្ទុទៅលើការ៖

  • ការពរអ្នកដំណើរពេញវ័យចំនួន ៨៥ ភាគរយ
  • ការការពារអ្នកដំណើរវ័យក្មេង ៨៦ ភាគរយ
  • មុខងារជំនួយការបើកបរ និងសុវត្ថិភាព ៧៩ ភាគរយ
  • ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៨០ ភាគរយ

សម្រាប់ការធ្វើតេស្តបុកប៉ះបានទទួលពិន្ទុទៅលើការ៖

  • ការធ្វើតេស្តបុកប៉ះផ្នែកខាងមុខ ៥០ភាគរយ ក្នុងល្បឿន ៥០ គីឡូម៉ែត្រក្នុងមួយម៉ោង
  • ការធ្វើតេស្តបុកប៉ះផ្នែកទទឹងខាងមុខក្នុងល្បឿន ៥០ គីឡូម៉ែត្រក្នុងមួយម៉ោង
  • ការធ្វើតេស្តបុកប៉ះនៅផ្នែកចំហៀងក្នុងល្បឿន ៦០ គីឡូម៉ែត្រក្នុងមួយម៉ោង
  • ការធ្វើតេស្តបុកជាមួយបង្គោលរឹងក្នុងល្បឿន ៣២ គីឡូម៉ែត្រក្នុងមួយម៉ោង

គួរឲ្យដឹងថា ប្រព័ន្ធសុវត្ថិភាព Honda Sensing 360 ថ្មីរបស់រថយន្ត CR-V នេះ រួមបញ្ចូលមុខងារជាច្រើនដូចជា កាមេរ៉ា ៩០ដឹក្រេថ្មី ប្រព័ន្ធរ៉ាដា ១២០ ដឹក្រេ ប្រព័ន្ធផ្តល់សញ្ជាគ្រោះថ្នាក់ និងចាប់ហ្វ្រាំងបន្ទាន់ពេលមានឧបសគ្គមកពីខាងមុខ ពោងសុវត្ថិភាព ១០ចំនុច និងមួយចំនួនច្រើនទៀតផងដែរ ៕

ផ្ទាំងផ្សាយពាណិជ្ជកម្ម

យុទ្ធសាស្រ្តលក់រថយន្តមានតម្លៃទាបរបស់ BYD គឺផ្តោតលើចំណែកទីផ្សារច្រើនជាងប្រាក់ចំណេញ

[បរទេស] យោងតាមស្ថិតិពី Late Finance BYD បានឲ្យដឹងថា BYD ចង់បានចំណែកទីផ្សារជាជាងប្រាក់ចំណេញ ដោយការលក់រថយន្តមួយគ្រផង ទទួលបានប្រាក់ចំណេញសុទ្ធជាមធ្យម ១ ២៥០ ដុល្លារ ខណៈ Tesla រកបានជាង ៨ ២៥០ ដុល្លារក្នុងមួយរថយន្ត ដោយផ្អែកលើប្រាក់ចំណេញសុទ្ធ ១៤,៩ ពាន់លានដុល្លារ និងការលក់រថយន្ត ១,៨១ លានគ្រឿងក្នុងឆ្នាំ ២០២៣ ។

BYD Seagull electric car on display at the 2023 Shanghai Auto Show.

ទោះបីជាកម្រិតប្រាក់ចំណេញនៅក្នុងឆ្នាំ ២០២៣ បានទាបក៏ដោយ ក៏ប៉ុន្តែបានកើនឡើងជាងឆ្នាំមុន ដោយនៅក្នុងឆ្នាំ ២០២២ ការលក់រថយន្តរបស់ BYD ក្នុងមួយគ្រឿងចំណេញបានតែ ៧៥០ ដុល្លារប៉ុណ្ណោះក្នុងមួយគ្រឿងនៅក្នុងឆ្នាំ ២០២២ ។

គួរឲ្យដឹងថា កាលពីឆ្នាំ ២០២៣ ក្រុមហ៊ុនយក្យរបស់ប្រទេសចិននេះ បានលក់រថយន្តប្រើថាមពលអគ្គិសនីសុទ្ធ (NEV) បានចំនួន ២ ៧០៦ ០៧៥ គ្រឿងនៅក្នុងប្រទេសចិនច្រើនជាងក្រុមហ៊ុន Tesla ដែលលក់បានចំនួន ៦០៣ ៦៦៤ គ្រឿង ៕

ផ្ទាំងផ្សាយពាណិជ្ជកម្ម

ភីកអាប់របស់ Toyota លក់បានច្រើនជាងគេក្នុងផ្នែកនៅទីផ្សារប្រទេសថៃ

[បរទេស] ការលក់រថយន្តនៅផ្នែកភីកអាប់ក្នុងទីផ្សារប្រទេសថៃគិតត្រឹមត្រីមាសទី ១ ឆ្នាំ ចាប់ពីខែមករា ដល់ខែមិនា ឆ្នាំ ២០២៤ លក់បានចំនួនសរុប ៤៨ ៧១៤ គ្រឿងមកពីក្រុមហ៊ុនចំនួន ៧ ក្នុងនោះភីកអាប់ Hilux របស់ក្រុមហ៊ុនផលិតរថយន្ត Toyota ឈរលើគេក្នុងនាមជាអ្នកលក់បានច្រើនជាងគេ ។

ខាងក្រោមនេះជាភីកអាប់លក់ដាច់ជាងគេនៅក្នុងទីផ្សារប្រទេសថៃ ៖

  • ១) Toyota Hilux លក់បានចំនួន ២១ ៦០០ គ្រឿង
  • ២) Isuzu D-Max លក់បានចំនួន ១៨ ៣១៣ គ្រឿង
  • ៣) Ford Ranger លក់បានចំនួន ៦ ១១២ គ្រឿង
  • ៤) Mitsubishi Triton លក់បានចំនួន ២ ៣៤៦ គ្រឿង
  • ៥) Nissan Navara លក់បានចំនួន ៧៤៥ គ្រឿង
  • ៦) Mazda BT-50 លក់បានចំនួន ១៤៧ គ្រឿង
  • ៧) MG Extender លក់បានចំនួន ១២២ គ្រឿង

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធក្រុមហ៊ុនចិនមួយនេះ សាកបានពីថាមពល ១០%-៨០% ប្រើរយៈពេល ១៥ នាទីប៉ុណ្ណោះ

[បរទេស] ក្រុមហ៊ុនផលិតរថយន្ត IM Motors ដែលជាក្រុមហ៊ុនបុត្រសម្ព័ន្ធរបស់ SAIC Motor Corp បានធ្វើការដាក់បង្ហាញចេញនៅរថយន្តអគ្គិសនីសុទ្ធ IM L6 ផ្តល់ជូននៅជម្រើស ៣ម៉ូដែល ជាមួយតម្លៃលក់ចាប់ពី ៣១ ៨០០ ដុល្លារ ៤៥ ៦៤០ ដុល្លារនៅទីផ្សារប្រទេសចិន ។

IM L6 ផលិតឡើងនៅលើគ្រោងឆ្អឹង Skink digital chassis ផ្តល់នៅសុវត្ថិភាពខ្ពស់ បំ​ពាក់ដោយម៉ូទ័រអគ្គិសនីចំនួន ២ អាចផលិតកម្លាំងបាន ៧៨៧ សេះ ផ្គួបជាមួយអាគុយទំហំ ១០០ គីឡូវ៉ាត់ម៉ោងអាចបើកបរបានចម្ងាយ ៧៨០ គីឡូម៉ែត្រ រួមទាំងជម្រើសអាគុយប្រភេទ Semi-solid state ទំហំ ១៣០គីឡូវ៉ាត់ម៉ោងអាចបើកបរបចម្ងាយ ១០០០ គីឡូម៉ែត្រនៅពេលសាកថ្មពេញម្តង ជាពិសេសគាំទ្រដោយឆ្នាំងសាកថ្មល្បឿនលឿន 900V អាចសាកបានពី ១០%-៨០% ប្រើរយៈពេល ១៥ នាទីប៉ុណ្ណោះ ។

សម្រាប់ការឌិស្សាញនៅផ្នែកខាងក្រៅរបស់រថយន្តអគ្គិសនីនេះមានលក្ខណៈស្ព័របែប Minimalistic ជាមួយប៉ាណាមុខបិទជិត ចង្កៀងមុខ-ក្រោយជាប្រភេទ LED ព្រមទាំងប្រើប្រាស់នៅថាសកង់ស្ព័រឌីស្សាញគួរឲ្យទាក់ទាញផងដែរ ។

ចំពោះនៅផ្នែខាងក្នុងវិញ ក៏ត្រូវបានឌីស្សាញបែប Minimalistic ដោយបានបំពាក់កុងទ័របង្ហាញព័ត៌មាន និងអេក្រង់កំសាន្ត touchscreen ទំហំធំ គាំទ្រដោយឈីប Qualcomm Snapdragon 8295 រួមទាំងអេក្រង់នៅកុងសូលកណ្តាលជាដើម ៕

ផ្ទាំងផ្សាយពាណិជ្ជកម្ម

Toyota Prius Prime ឆ្នាំ២០២៤ ប្រើ Hybrid ម៉ូដែលខ្ពស់ជាងគេ ដឹកដល់កម្ពុជាតម្លៃជិត ១០មុឺនដុល្លារ

[ក្នុងស្រុក] យោងតាមការបង្ហោះពីគេហទំព័រភ្នាក់ងារទិញរថយន្តពីបរទេសដែលមានឈ្មោះថា Auto US Direct Cambodia បានធ្វើការបង្ហាញចេញនៅតម្លៃលម្អិតនៃរថយន្ត Toyota Prius Prime ឆ្នាំ២០២៤ ជាមួយតម្លៃសរុប ៩៥ ០៥៦ ដុល្លារ សម្រាប់នៅទីផ្សារប្រទេសកម្ពុជា ។

រូបភាពពី Auto US Direct Cambodia
រូបភាពពី Auto US Direct Cambodia

សម្រាប់តម្លៃ ៩៥ ០៥៦ ដុល្លារ ដែលបានរួមបញ្ចូលនៅដូចជា៖

  • តម្លៃឡាន ៤៥ ៥៧៨ ដុល្លារ ($45,578)
  • តម្លៃពន្ធនាំចូល ៤២ ៧២៩ ដុល្លារ ($42,729)
  • តម្លៃដឹកជញ្ជូន ២៤៥០ ដុល្លារ ($2,450)
  • តម្លៃកាត់ឈ្មោះនៅអាមេរិក ៨៩៩ ដុល្លារ ($899)
  • តម្លៃឯកសារនៅខ្មែរ ៩០០ ដុល្លារ ($900)
  • តម្លៃសេវាកម្មរបស់ក្រុមហ៊ុននៅកម្ពុជា ៥០០ ដុល្លារ ($500)
  • តម្លៃសេវាកម្មរបស់ក្រុមហ៊ុននៅអាមេរិច ២ ០០០ ដុល្លារ ($2,000)
  • តម្លៃសរុបទាំងអស់ ៩៥ ០៥៦ ដុល្លារ ($95,056)

គួរបញ្ជាក់ផងដែរថា សម្រាប់រថយន្ត Toyota Prius Prime ស៊េរីឆ្នាំ ២០២៣ នេះ គឺជាម៉ូដែល XSE Premium ដំណើរការដោយម៉ាស៊ីនកូនកាត់ hybrid ។ សម្រាប់ព័ត៌មានលម្អិត បងប្អូនអាចទាក់ទងក្រុមហ៊ុនផ្ទាល់តាមគេហទំព័រ Auto US Direct Cambodia ឬតាមរយៈលេខទូរស័ព្ទ 077 288 687៕

រូបភាពពី Auto US Direct Cambodia
រូបភាពពី Auto US Direct Cambodia
ផ្ទាំងផ្សាយពាណិជ្ជកម្ម

មកហើយៗ! Toyota 4Runner ជំនាន់ថ្មី I-Force Max Hybrid រូបរាងថ្មីទាំងស្រុង បង្ហាញខ្លួនជាផ្លូវការ

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញជាផ្លូវការនៅរថយន្ត Toyota 4Runner ជំនាន់ទី៦ ស៊េរីឆ្នាំ ២០២៥ ផ្តល់ជូននៅជម្រើស ២ម៉ូដែលបន្ថែមរួមមាន Traihunter និង Platinum សរុបទាំងអស់ ៩ម៉ូដែល គ្រោងនឹងចេញលក់ជាផ្លូវការនៅចុងឆ្នាំនេះ ។

រថយន្តនេះ ត្រូវបានផលិតឡើងនៅលើគ្រោងឆ្អឹង TNGA-F platform ដោយម៉ាស៊ីន V6 ចំណុះ ៤,០ លីត្រត្រូវបានដកចេញ ជំនួសមកវិញនៅ

  • ម៉ាស៊ីនចំណុះ ២,៤ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ២៧៨ សេះ និងកម្លាំងរមួល ៤២៩ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ ។
  • ម៉ាស៊ីនកូនកាត់ I-Force Max Hybrid ធ្វើការជាមួយម៉ាស៊ីនសាំងចំណុះ ២,៤ លីត្រ អាចផលិតកម្លាំងបាន ៣២៦ សេះ និងកម្លាំងរមួល ៦២៩ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ ប្រភេទប៉ុង១ និងប៉ុង ២ ជាមួយប្រព័ន្ធចាក់សោរប៉ុងស្វ័យប្រវត្តិ ។ មិនត្រឹមតែប៉ុណ្ណោះ ក៏បានធ្វើឲ្យប្រសើរឡើងនៅប្រព័ន្ធជើងក្រោម =ដែលអាចលើកកំពស់បាន ២,០អ៉ីញផ្នែកខាងមុខ និង ១,៥អ៉ីញនៅផ្នែកខាងក្រោយដើម្បីផ្តល់នៅការបើកបរ Off-road កាន់តែមានភាពរលូតផងដែរ ។

Toyota 4Runner មានប្រវែងតួខ្លួនសរុប ៤ ៩៥០ ម.ម ទទឹង ១ ៩៧៦ ម.ម កំពស់ កំពស់ ១ ៧៩៨ ម.ម ប្រវែងគន្លាតកង់មុខ-ក្រោយ ២ ៨៤៤ ម.ម និងកំពស់ពីដីទៅបាតរថយន្ត ២៣៣ ម.ម និងមានរូបរាងហាប់ណែនជាងមុន ជាពិសេសបានបំពាក់ថាសកង់ស្រោបដោយសំបកប្រភេទ Off-Road ទំហំ ៣៣អ៉ីញ ចង្កៀងមុខ-ក្រោយ LED ព្រមទាំងទ្វារក្រោយបើក-បិទដោយថាមពលអគ្គិសនីជាដើម ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ៧អ៉ីញ ដល់ ១២,៣អ៉ីញ និងអេក្រង់កំសាន្ត touchscreen ទំហំ ៨អ៉ីញ​ ដល់ ១៤,០ អ៉ីញ អាចភ្ជាប់ដោយមុខងារ Apple CarPlay និង Android Auto ក៏ដូចជាកន្លែងសាកថ្មឥតប្រើខ្សែផងដែរ ។ មិនត្រឹមតែប៉ុណ្ណោះ ក៏មានមកជាមួយកញ្ចប់សុវត្ថិភាព Toyota Safety sense 3.0 ជាស្តង់ដារទៀតផង ៕

ផ្ទាំងផ្សាយពាណិជ្ជកម្ម

ភីកអាប់ Chevrolet Colorado ស៊េរីថ្មីចុងក្រោយ អាប់ដេតថ្មី បង្ហាញខ្លួនជាផ្លូវការ

[បរទេស] ក្រុមហ៊ុនផលិតរថយន្ត Chevrolet បានធ្វើការរដាក់បង្ហាញចេញជាផ្លូវការនៅភីកអាប់ Chevrolet Colorado ស៊េរីឆ្នាំ ២០២៤ អាប់ដេតថ្មីផ្តល់នៅភាពទំនើប និងប្រណិតជាងមុន នៅទីផ្សារប្រទេសប្រេស៊ីលជាមួយតម្លៃលក់ចាប់ពី ៤៩ ៣២២ ដុល្លារ ។

ភីកអាប់នេះ មានតែជម្រើសម៉ាស៊ីនចំនួនតែ ១ប៉ុណ្ណោះ ពោលគឺម៉ាស៊ីនម៉ាស៊ូតចំណុះ ២,៨ លីត្រ ប្រភេឬ Duramax ទំហំ ៤ស៊ីឡាំង អាចផលិតកម្លាំងបាន ២០៧ សេះ និងកម្លាំងរមួល ៥១០ ញ៉ូតុនម៉ែត្រ ខណៈប្រអប់លេខអូតូ ៦វគ្គដកចេញ ជំនួសវិញដោយប្រអប់លេខអូតូ ៩វគ្គ ប្រភេទបើកបរប៉ុង ២ ជាមួយប្រព័ន្ធចាក់សោរប៉ុងផ្នែកខាងក្រោយ ។

Chevrolet Colorado ឬ S10 នៅក្នុងទីផ្សារប្រទេសប្រេស៊ីល ដោយនៅផ្នែកខាងមុខ មក​ជាមួយប៉ាណាឌីស្សាញថ្មីទាំងស្រុង អបសងខាង​​ចង្កៀង​មុខ Full-LED ព្រមទាំងថាសកង់ស្ព័រទំហំ ១៨អ៉ីញក៏បានរចនាថ្មី និងចង្កៀងក្រោយ LED ជាដើម ។ លើសពីនេះ ក៏បានធ្វើឱ្យប្រសើរឡើងនៅប្រព័ន្ធជើងក្រោម រួមជាមួយនឹងប្រព័ន្ធជំនួយការបើកបរផ្សេងៗទៀតផង ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ខណៈពេលដែលមុខងារផ្សេងទៀតរួមមាន ប្រព័ន្ធចាប់ផ្តើមម៉ាស៊ីនព និងប្រព័ន្ធម៉ាស៊ីនត្រជាក់ពីចម្ងាយ កៅអីអ្នកបើកបរដែលអាចលៃតម្រូវបានតាមប្រព័ន្ធអេឡិចត្រូនិច កន្លែងសាកថ្មឥតប្រើខ្សែ និងពោងសុវត្ថិភាពចំនួន ៦ ទីតាំង ៕

ផ្ទាំងផ្សាយពាណិជ្ជកម្ម
1...209210211...1,007ទំព័រ 210 នៃ 1,007

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com