ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 213

Lexus LBX ស៊េរីឆ្នាំ២០២៤ ចេញលក់នៅម៉ាឡេសុី តម្លៃខ្ទង់ ៥មុឺនដុល្លារ ប្រើ Hybrid

[ទីផ្សារបរទេស] ក្រុមហ៊ុន Lexus បានធ្វើការដាក់ចេញលក់ជាផ្លូវការនៅរថយន្ត Lexus LBX ស៊េរីឆ្នាំ២០២៤ នៅក្នុងទីផ្សារប្រទេសម៉ាឡេសុី ផ្តល់ជូន ២ជម្រើស Premium និិង Luxury ជាមួយតម្លៃលក់ចាប់ពី ៥០ ៦០០ ដុល្លារ ដល់ ៥៧ ០០០ ដុល្លារ។

រថយន្ត Lexus LBX ស៊េរីឆ្នាំ២០២៤ ផលិតឡើងនៅលើគ្រោងឆ្អឹង TNGA-B ឫ GA-B platform មានប្រវែងតួខ្លួនសរុប ៤ ១៩០ ម.ម ទទឹង ១ ៨២៥ ម.ម កម្ពស់ ១ ៥៦០ និងប្រវែងគម្លាតកង់មុខ-ក្រោយ ២ ៥៨០ ម.ម ដំណើរការដោយម៉ាស៊ីនកូនកាត់ Hybrid ដំណើរការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង ផ្កួបជាមួយម៉ូទ័រអគ្គិសនីចំនួន១ និងអាគុយ nickel-metal hydride (NiMH) ផលិតកម្លាំងសរុបបានចំនួន ១៣៦ សេះ និងកម្លាំងរមួល ១៨៥ ញ៉ូតុបម៉ែត្រ ភ្ជាប់ប្រអប់លេខអូតូ E-CVT និងប្រព័ន្ធបើកបរប៉ុង១ FWD ជាមួយកម្រិតស៊ីសាំងចន្លោះពី ៤-៥ លីត្រក្នុងរយៈចម្ងាយ ១០០ គីឡូម៉ែត្រ។

សម្រាប់ការឌីស្សាញរបស់រថយន្តនេះ ដោយផ្នែកខាងមុខមានបំពាក់ប៉ាណារាងជាសំបុកឃ្មុំគ្មានស៊ុម ដែលជំនួយដល់ប្រព័ន្ធ aerodynamic យ៉ាងមានប្រសិទ្ធភាព ចង្កៀងមុខ bi-beam LED ប្រើប្រាស់នូវថាសកង់ស្ព័រទំហំ ១៧ និង ១៨ អ៊ីញ និងចង្កៀងក្រោយរចនាជាខ្សែរបន្ទាត់អូសកាត់ពីផ្នែកម្ខាងទៅផ្នែកម្ខាង។

ចំពោះនៅផ្នែកខាងក្នុង នៅលើតាឡូមានកុងទ័របង្ហាញព័ត៌មានឌីជីថលទំហំ ៧អ៉ីញ និងអេក្រង់កំសាន្ត touchscreen ទំហំ ៩,៨ អ៉ីញ អាចប្រើបានជាមួយ Apple CarPlay/Android Auto ក៏ដូចជាអេក្រង់បង្ហាញលើកញ្ចក់ទំហំ ១២,៣អ៊ីញ ឧបករណ៍បំពងសំលេងម៉ាក Mark Levinson ចំនួន ១៣ចំនុច និងម៉ាសុីនត្រជាក់ចំនួន ២ចំនុច។ លើសពីនេះ ក៏មានមកជាមួយប្រព័ន្ធសុវត្ថិភាព Lexus Safety System+ ជាស្តង់ដារផងដែរ៕

ផ្ទាំងផ្សាយពាណិជ្ជកម្ម

Chery Tiggo 9 ប្រើ Hybrid តម្លៃខ្ទង់ ២មុឺនដុល្លារ បើកបាន ១ ៤០០គ.ម

[ទីផ្សារចិន] កាលពីពេលថ្មីៗនេះ ក្រុមហ៊ុនផលិតរថយន្ត Chery បានធ្វើការដាក់បង្ហាញចេញនូវរថយន្ត Chery Tiggo 9 C-DM ប្រភេទ SUV លក្ខណៈគ្រួសារ ផ្តល់ជូនទាំងជម្រើស ៥កៅអី និង​ ៧កៅអី ជាមួយតម្លៃលក់ចាប់ពី ២២ ០០០ដុល្លារ ដល់ ២៤ ០០០​​ដុល្លារ នៅក្នុងទីផ្សារប្រទេសចិន។

រថយន្តនេះ មានប្រវែងតួខ្លួនសរុប ៤ ៨២០ ម.ម ទទឹង ១ ៩៣០ ម.ម កម្ពស់ ១ ៧១២ ម.ម និងប្រវែងគម្លាតកង់មុខ-ក្រោយ ២ ៨២០ ម.ម ដំណើរការដោយម៉ាស៊ីនកូនកាត់ Hybrid C-DM ធ្វើការរួមគ្នារវាងម៉ាសុីនសាំងចំណុះ ១,៥ លីត្រ ទំហំ ១៥៤សេះ និងកម្លាំងរមួល ២២០ញ៉ូតុនម៉ែត្រ និងម៉ូទ័រអគ្គិសនីចំនួន១ ទំហំ ២២១សេះ​ និងកម្លាំងរមួល ៣៩០ញ៉ូតុនម៉ែត្រ ផ្គួបជាមួយអាគុយទំហំ ១៩,៤៣ គីឡូវ៉ាត់ម៉ោង អាចបើកបរបានចម្ងាយ ១០៦គីឡូម៉ែត្រ ដោយប្រើអគ្គិសនីសុទ្ធ និងបើកបរសរុបបានចម្ងាយ ១ ៤០០គីឡូម៉ែត្រ ភ្ជាប់ដោយប្រអប់លេខ DHT (Dedicated Hybrid Transmission) ៣វគ្គ និងប្រព័ន្ធបើកបរប៉ុង១ FWD។

សម្រាប់ការឌីស្សាញនៅផ្នែកខាងក្រៅរបស់រថយន្តនេះ មានបំពាក់ជាមួយប៉ាណាមុខមួយផ្ទាំងធំតុបតែងជាមួយក្រូម៉េអបនឹងចង្កៀងមុខ-ក្រោយ LED សម្រាប់ផ្នែកចំហៀងវិញ ប្រើដៃទ្វារអគ្គិសនី ថាសកង់ស្ព័រទំហំ ១៨​ ដល់ ២០អ៊ីញ និងដំបូលកញ្ចក់ ជាដើម។ ចំពោះនៅផ្នែកខាងក្នុងវិញ មិនទាន់មានរបាយការណ៏នៅឡើយទេ៕
ផ្ទាំងផ្សាយពាណិជ្ជកម្ម

បែកធ្លាយរូបភាពឡានអគ្គិសនីសុទ្ធរបស់ Wuling Hongguang MiNi ជំនាន់ថ្មី

[បរទេស] កាលពីថ្ងៃទី ១៣ ខែកញ្ញា ឆ្នាំ​២០២៤ ក្រសួងឧស្សាហកម្ម និងបច្ចេកវិទ្យាព័ត៌មានចិន (MIIT) បានធ្វើការដាក់បង្ហាញនៅរូបភាបរថយន្តអគ្គិសនីសុទ្ធ Wuling Hongguang Mini EV ជំនានើថ្មី ដែលទទួលបានការឌីស្សាញថ្មី ។

Wuling Hongguang Mini EV ថ្មីនេះ មានប្រវែងតួខ្លួនសរុប ៣ ២៥៦ ម.ម ទទឹង ១ ៥១០ ម.ម កំពស់ ១ ៥៧៨ ម.ម និងប្រវែងគន្លាតកង់មុខ-ក្រោយ ២ ១៩០ ម.ម ដោយទទួលបានរូបរាងថ្មីជាមួយឌីស្សាញរាងមូលជាងមុន ចង្កៀងមុខ-ក្រោយប្រភេទ LED ក៏ដូចជាថាសកង់ថ្មីជាដើម ។

ទាក់ទងទៅនឹងផ្នែកថាមពលវិញ បំពាក់ម៉ូទ័រអគ្គិសនីចំនួន ១ អាចផលិតកម្លាំងបាន ៤០ សេះ ផ្គួបជាមួយអាគុយប្រភេទលីចូម ខណៈចម្ងាយនៃការបើកបរនៅមិនទាន់បង្ហាញនៅឡើយនោះទេ ៕

ផ្ទាំងផ្សាយពាណិជ្ជកម្ម

Toyota ចេញឡានថ្មីតម្លៃក្រោម ៣មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា FAW និង Toyota បានធ្វើការដាក់បង្ហាញចេញនៅរថយន្ត Toyota HARRIER ស៊េរីឆ្នាំ ២០២៤ សម្រាប់លក់នៅទីផ្សារប្រទេសចិន ជាមួយតម្លៃលក់ចាប់ពី ២៧ ០៣៨ ដុល្លារ ដល់ ៣៨ ៧៦៧ ដុល្លារ ។

Toyota HARRIER ផលិតឡើងនៅលើគ្រោងឆ្អឹង TNGA platform ដំណើរការដោយម៉ាស៊ីន៖

  • ម៉ាស៊ីនសាំងចំណុះ ២,០ លីត្រ ទំហំ ៤ស៊ីឡាំង អាចផលិតកម្លាំងបាន ១៧១ សេះ និងកម្លាំងរមួល ២០៦ ញ៉ូតុនម៉ែត្រ  ភ្ជាប់ដោយប្រអប់លេខអូតូ CVT
  • ប្រព័ន្ធ Hybrid ធ្វើការជាមួយម៉ាស៊ីនសាំងចំណុះ ២,៥ លីត្រ និងម៉ូទ័រអគ្គិសនីចំនួន ២ អាចផលិតកម្លាំងបានសរុប ២១៤ សេះ និងកម្លាំងរមួល ៣២១ ញ៉ូតុនម៉ែត្រ  ភ្ជាប់ដោយប្រអប់លេខអូតូ e-CVT និងមានកម្រិតស៊ីប្រេងខ្ទង់ ៤លីត្រ/១០០ គីឡូម៉ែត្រ ។

សម្រាប់ផ្នែកខាងក្រៅមានបំពាក់ប៉ាណាមុខទំហំធំ អបសងខាងដោយចង្កៀង LED រាងជាអក្សរ L ព្រមទាំងថាសកង់ស្ព័រទំហំ ២០អ៉ីញ និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាង ។

ចំពោះនៅផ្នែកខាងក្នុងមានកុងទ័របង្ហាញព័ត៌មានឌីជីថលទំហំ ៧អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ ក៏ដូចជាហ្វ្រាំងដៃអេឡិចត្រូនិច ជាមួយមុខងារ Auto Hold និងឧបករណ៍បំពងសំឡេងម៉ាក JBL ៩ចំនុច ។ លើសពីនេះ ក៏បានភ្ជាប់មកជាមួយប្រព័ន្ធជំនួយការអ្នកបើកបរ Toyota Safety Sense 2.0 ផងដែរ ៕

 

ផ្ទាំងផ្សាយពាណិជ្ជកម្ម

Dongfeng និង Nissan ចាប់ដៃគ្នាក្នុងការផលិតរថយន្តភីកអាប់ថ្មី

[បរទេស] ក្រុមហ៊ុនផលិតរថយន្តបណ្តាក់ទុនរួមគ្នា Dongfeng-Nissan បានធ្វើការដាក់បង្ហាញចេញនៅរថយន្តភីកអាប់ Nissan Yuanye Z9 ដែលមានទំហំធំ Nissan Navara គ្រោងនឹងចេញលក់នៅចុងឆ្នាំ ២០២៤ នេះ ។

Nissan Yuanye Z9 ផ្តល់នៅជម្រើសម៉ាស៊ីនចំនួន ២ រួមមាន៖

  • ម៉ាស៊ីនសាំងចំណុះ ២,០លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ២៥៤ សេះ
  • ម៉ាស៊ីនម៉ាស៊ូតចំណុះ ៣,០លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ១៩៨ សេះ ។ លើសពីនេះ ពេលខាងមុខ ក៏នឹងបង្ហាញនូវប្រភេទ Plug-in Hybrid ផងដែរ។

រថយន្តនេះមានប្រវែងតួខ្លួនសរុប ៥ ៥២០ ម.ម ទទឹង ១ ៩៦០ ម.ម កំពស់ ១ ៩៥០ ម.ម និងប្រវែងគន្លាតកង់មុខ-ក្រោយ ៣ ៣០០ ម.ម ។ សម្រាប់ការឌីស្សាញផ្នែកខាងក្រៅមានលក្ខណៈស្រដៀងគ្នាទៅនឹងភីកអាប់ BYD Shark ជាមួយប៉ាណាមុខទំហំធំ ចង្កៀងមុខ-ក្រោយ LED ព្រមទាំងថាសកង់ស្ព័រទំហំ ១៨អ៉ីញ ។ ខណៈផ្នែកខាងក្នុងនៅមិនទាន់មានព័ត៌មានលម្អិតនៅឡើយទេ ៕

ផ្ទាំងផ្សាយពាណិជ្ជកម្ម

ត្រៀមលុយ! Toyota អាចនឹងចេញលក់រថយន្តអគ្គិសនីទី៣ របស់ខ្លួនក្នុងពេលឆាប់ៗនេះ

កាលពីពេលថ្មីៗនេះ មានព៌ត័មានបែកធ្លាយថា កំណែ​​រថយន្ត Toyota bZ3C អគ្គិសនីសុទ្ធ​ត្រូវបានប្រកាសចុះ​អាជ្ញាប័ណ្ណ​សម្រាប់ផលិត និងលក់នៅ​ក្នុង​ប្រទេស​ចិនហើយ ដែលផលិតកម្មនឹងត្រូវចាប់ផ្តើមនៅចុងឆ្នាំ២០២៤ នេះ នៅក្នុងរោងចក្ររបស់ក្រុមហ៊ុនបណ្តាក់ទុនរួមគ្នា FAW-Toyota នៅក្នុងទីក្រុងធានជីន ប្រទេសចិន។

គួរបញ្ជាក់ថា Toyota bZ3C គឺជារថយន្តអគ្គិសនីទី៣ របស់ក្រុមហ៊ុន Toyota ដែលជាប្រភេទរថយន្ត SUV ៥កៅអី និងមានរូបរាងដូចរថយន្ត Toyota Prius ដែលមានប្រវែងតួខ្លួនសរុប ៤ ៧៨០ ម.ម ទទឹង ១ ៨៦៦ ម.ម កម្ពស់ ១ ៥១០ ម.ម ទម្ងន់ ១ ៩២០ គ.ក និងប្រវែងគម្លាតកង់មុខ-ក្រោយ ២ ៨៨០ និងផ្តល់នូវជម្រើសថាសកង់ ១៨អ៊ីញ និង ២១អ៊ីញ។

សម្រាប់ Toyota bZ3C ត្រូវបានរំពឹងថានឹងដំណើរការដោយម៉ូទ័រអគ្គិសនីចំនួន១ អាចផលិតកម្លាំងបាន ២៦៨សេះ ផ្គួបជាមួយអាគុយលីចូម (LFP) អាចបើកបរបានចម្ងាយផ្លូវខ្ទង់ពី ៥០០ ទៅ ៦០០ គីឡូម៉ែត្រ នៅពេលសាកថ្មពេញម្តង និងមានល្បឿនអតិបរមា ១៦០គីឡូម៉ែត្រក្នុងមួយម៉ោង។

គួរបញ្ជាក់ថា រថយន្តអគ្គិសនី Toyota bZ3C ត្រូវបានដាក់បង្ហាញកាលពីដើមឆ្នាំនេះនៅក្នុងពិព័រណ៍រថយន្តក្រុងប៉េកាំងក្នុងខែមេសា។ ក្នុងនោះក្រុមហ៊ុន Toyota បានចេញលក់រថយន្តអគ្គិសនីចំនួន២ រួចមកហើយនៅក្នុងប្រទេសចិនគឺ bZ4X SUV និង bZ3 sedan ហើយគ្រោងប្រកាសចេញលក់ bZ4C ថ្មី​​នៅ​ចុង​ឆ្នាំ​នេះ៕

ផ្ទាំងផ្សាយពាណិជ្ជកម្ម

Toyota RAV4 ស៊េរីឆ្នាំ ២០២៥ ផ្តល់ទាំងជម្រើស Hybrid មានលក់តែនៅទីផ្សារប្រទេសចិនប៉ុណ្ណោះ

[ទីផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា FAW និង Toyota បានធ្វើការដាក់បង្ហាញចេញជាផ្លូវការនៅរថយន្ត Toyota RAV4 ស៊េរីថ្មីចុងក្រោយ ជាមួយតម្លៃលក់ចាប់ពី ២៣ ៩២៩ ដុល្លារ ដល់ ៤១ ៩៦៨ ដុល្លារសម្រាប់តែនៅទីផ្សារប្រទេសចិនប៉ុណ្ណោះ ។

Toyota RAV4 ស៊េរីថ្មីចុងក្រោយ ផលិតឡើងនៅលើគ្រោងឆ្អឹង TNGA platform មានជម្រើសម៉ាស៊ីនចំនួន ៣ រួមមាន៖

  • ម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង អាចផលិតកម្លាំងបាន ១៧១ សេះ និងកម្លាំងរមួល ២០៦ ញ៉ូតុនម៉ែត្រ ភ្ជាប់ប្រអប់លេខអូតូ CVT
  • ប្រព័ន្ធ Hybrid ធ្វើការជាមួយម៉ាស៊ីនសាំងចំណុះ ២,៥លីត្រ និងម៉ូទ័រអគ្គិសនីអាចផលិតកម្លាំងបានសរុប ២១៤ សេះ និងកម្លាំងរមួល ៣២៣ ញ៉ូតុនម៉ែត្រ ភ្ជាប់ប្រអប់លេខអូតូ CVT មានកម្រិតស៊ីប្រេងខ្ទង់ ៣-៤លីត្រ/១០០ គីឡូម៉ែត្រ
  • ប្រព័ន្ធ Plug-in Hybrid ធ្វើការជាមួយម៉ាស៊ីនសាំងចំណុះ ២,៥លីត្រ និងម៉ូទ័រអគ្គិសនីចំនួន ២ អាចផលិតកម្លាំងបានសរុប ៣០៦ សេះ ភ្ជាប់ប្រអប់លេខអូតូ CVT មានកម្រិត ផ្គួបជាមួយអាគុយ អាចបើករបានចម្ងាយ ៩៥គីឡូម៉ែត្រ និងបើករបានចម្ងាយ ១៣០០គីឡូម៉ែត្រនៅចាក់សាំងពេញ ។

សម្រាប់គ្រឿងបរិក្ខាជាស្តង់ដាដែលបានបំពាក់នៅលើរថយន្តនេះមាន ចង្កៀងមុខ-ក្រោយ LED ក៏ដូចជាថាសកង់ស្ព័រ កុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំ ១០,២៥អ៉ីញ អាចប្រើមុខងារ Apple CarPlay/Android Auto ព្រមទាំងឧបករណ៍បំពងសំឡេង JBL និងប្រព័ន្ធជំនួយការអ្នកបើកបរដ៏ឆ្លាតវៃ T-Pilot DAS ផងដេរ ៕

ផ្ទាំងផ្សាយពាណិជ្ជកម្ម

Honda Civic ឆ្នាំ ២០២៥ ប្រើ Hybrid ចេញលក់នៅទីផ្សារសហរដ្ឋអាមេរិកជាមួយតម្លៃក្រោម ៣មុឺនដុល្លារ

[បរទេស] ក្រុមហ៊ុនផលិតរថយន្ត Honda ប្រចាំនៅទីផ្សារសហរដ្ឋអាមេរិក បានធ្វើការដាក់ចេញលក់ជាផ្លូវការនៅរថយន្ត Honda Civic ស៊េរីឆ្នាំ ២០២៥ មុខមាត់ថ្មី ប្រភេទ Hatchback រួមទាំងបន្ថែមនៅម៉ាស៊ីនកូនកាត់ Hybrid ជាមួយតម្លៃលក់ចាប់ពី ២៧ ៤០០ ដុល្លារឡើងទៅ។

Honda Civic មុខមាត់ថ្មីនេះ ដំណើរការដោយ ៖

  • ម៉ាស៊ីនសាំងចំណុះ ២,០ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ១៥៨ សេះ និងកម្លាំងរមួល ១៨៧ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT ។
  • ម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ២,០លីត្រ និងម៉ូទ័រអគ្គិសនីចំនួន ២ អាចផលិតកម្លាំងបាន ២០០ សេះ និងកម្លាំងរមួល ៣១៤ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT និងមានកម្រិតស៊ីប្រេងខ្ទង់ ៤-៥លីត្រ/១០០ គីឡូម៉ែត្រ ។

ការរចនារូបរាងរបស់ Honda Civic ត្រូវបានបំផុសគំនិតដោយម៉ូដែល Civic Type R ដែលមានប៉ាណា និងរន្ធខ្យល់រាងជាសំបុកឃ្មុំ ចង្កៀងមុខ-ក្រោយ LED ព្រមទាំងថាសកង់ទំហំ ១៨អ៉ីញធ្វើពីអាលុយមីញ៉ូមជាដើម ។

ចំពោះនៅផ្នែខាងក្នុងវិញ ក៏ត្រូវបានធ្វើឲ្យប្រសើរឡើង រួមមានអេក្រង់កំសាន្ត touchscreen ទំហំ ៩អ៉ីញ អាចភ្ជាប់មុខងារ Apple CarPlay និង Android Auto ឥតខ្សែ ព្រមទាំងប្រព័ន្ធ Google Built-in ឧបករណ៍បំពងសំលេងម៉ាក BOSE ១២ ចំនុច និងដំបូលកញ្ចក់ Sunroof ជាដើម ។ លើសពីនេះ ក៏បានភ្ជាប់មកជាមួយប្រព័ន្ធសុវត្ថិភាព Honda Sensing ជំនាន់ចុងក្រោយផងដែរ ៕

ផ្ទាំងផ្សាយពាណិជ្ជកម្ម

Nissan ថា ពួកគេនឹងកាត់បន្ថយការផលិតរថយន្តចំនួន ២ម៉ូឌែល

កាលពីពេលថ្មីៗនេះ ក្រុុមហ៊ុនផលិតរថយន្ត Nissan បានប្រកាសថា ពួកគេនឹងកាត់បន្ថយការផលិតរថយន្ត Nissan Rogue និងរថយន្តភីកអាប់ Nissan Frontier ចំនួន ៤មុឺនគ្រឿង នៅក្នុងខែកញ្ញា និងខែតុលា ដើម្បីត្រួតពិនិត្យមើលស្តុករថយន្តដែលមានចំនួនលើស និងឆ្លើយតបទៅនឹងបញ្ហារបស់អ្នកចែកចាយរបស់ពួកគេដែលកំពុងប្រឈមមុខជាមួយនឹងការលក់មានការធ្លាក់ចុះ។

គួរឲដឹងថា រថយន្ត Nissan Rogue គឺរថយន្ត SUV ដែលលក់ដាច់បំផុតរបស់ក្រុមហ៊ុន Nissan ប៉ុន្តែការលក់របស់វាបានធ្លាក់ចុះ ៤,៥ភាគរយ នៅក្នុងរយៈពេល ៥ខែដំបូងនៃឆ្នាំ២០២៤នេះ ចំណែកការលក់រថយន្តភីកអាប់ Frontier វិញបានកើនឡើង ១៧,១ភាគរយ ប៉ុន្តែស្ថានភាពនៃការគ្រប់គ្រង់តម្រូវការសព្វថ្ងៃកំពុងមានបញ្ហាទើបធ្វើឲក្រុមហ៊ុនមួយនេះសម្រេចចិត្តបន្តផលិតកម្មរបស់ខ្លួនសិន។

ក្រុមហ៊ុនមួយនេះ បាននិយាយបន្ថែមទៀតថា ការផលិតរថយន្តទាំង២ម៉ូឌែលនេះ នឹងផ្អាកការផលិតនៅក្នុងរោងចក្រ Smyrna ក្នុងរដ្ឋ Tennessee និងរោងចក្រ Canton ក្នុងរដ្ឋ Mississippi សហរដ្ឋអាមេរិក។ ចំពោះការផលិតរថយន្ត SUV Nissan Rogue នឹងត្រូវបានកាត់បន្ថយការផលិតពីចំនួន ៥ថ្ងៃក្នុងមួយសប្តាហ៍ ទៅ ៤ថ្ងៃក្នុងមួយសប្តាហ៍វិញ ហើយការផលិតរថយន្តភីកអាប់ Frontier ក៏នឹងត្រូវបានកាត់បន្ថយចំនួន ១ថ្ងៃផងដែរ៕

ផ្ទាំងផ្សាយពាណិជ្ជកម្ម

Rivian R1T ជាភីកអាប់អគ្គិសនីសុទ្ធដំបូងគេមានសុវត្ថិភាពខ្ពស់បំផុត ៣ឆ្នាំជាប់គ្នា

[បរទេស] កាលពីពេលថ្មីៗនេះ រថយន្ត Rivian R1T ជាភីកអាប់អគ្គិសនីសុទ្ធដំបូងគេ ទទួលបានការវាយតម្លៃសុវត្ថិភាពខ្ពស់បំផុត Top Safety Pick+ ពីវិទ្យាស្ថានធានារ៉ាប់រងសម្រាប់សុវត្ថិភាពផ្លូវហាយវេ (IIHS) ជាងរថយន្តភីកអាប់ដ៏ទៃ។

Rivian R1T បានរក្សាការវាយតម្លៃសុវត្ថិភាពខ្ពស់បំផុតដែលផ្តល់ដោយ IIHS សម្រាប់រយៈពេល ៣ឆ្នាំចុងក្រោយនេះ ដោយក្នុងនោះ ទទួលបានពិន្ទុខ្ពស់បំផុតនៅក្នុងការធ្វើតេស្តបុកប៉ះពីផ្នែកខាងមុខ ជាពិសេសការពារពីអ្នកដំណើរមកពីផ្នែកខាងមុខ ។

សម្រាប់ភីកអាប់អគ្គិសនីសុទ្ធនេះ ក៏ត្រូវបានបំពាក់ដោយមុខងារសុវត្ថិភាពកម្រិតខ្ពស់មួយចំនួនផងដែរ ដូចជាការប្រព័ន្ធផ្តល់សញ្ញាគ្រោះថា្នក់មកពីផ្នែកចំហៀង និងជំនួយការផ្លូវហាយវេ។ លើសពីនេះ Rivian ក៏គ្រោងនឹងបន្ថែមមុខងារជាច្រើនទៀត ដូចជាមុខងារផ្លាស់ប្តូរគន្លងដោយស្វ័យប្រវត្តិ និងប្រព័ន្ធទម្លើង-ទម្លាក់ហ្វាកូតដោយស្វ័យប្រវត្តដែលហៅថាមុខងារ Adaptive Drive Beam ៕

ផ្ទាំងផ្សាយពាណិជ្ជកម្ម
1...212213214...1,082ទំព័រ 213 នៃ 1,082

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com