[បរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារតំបន់អាមេរិកខាងជើង បានធ្វើបង្ហាញចេញនៅទិន្នន័យនៃការលក់រថយន្តរបស់ខ្លួននៅក្នុងខែមិនា ឆ្នាំ ២០២៤ ដោយលក់បានសរុបដល់ទៅ​ ១៨៤ ១២៣ គ្រឿង កើនឡើង ២២,៧% ខណៈការលក់សរុបនៅក្នុងត្រីមាសទី ១ បានចំនួន ៤៨៦ ៦២៧ គ្រឿងកើនឡើង ២១,៣ % ។

ជាមួយគ្នានេះ ការលក់រថយន្តអគ្គិសនីនៅក្នុងខែមិនាបានចំនួន ៦៦ ៤៩២ គ្រឿង ជាចំនួនកើនឡើង ៥៧% និងការលក់រថយន្តអគ្គិសនីនៅក្នុងត្រីមាសទី ១ បានចំនួន ១៧៧ ៧៧៨ គ្រឿងកើនឡើង ៧៦,៤% ។

គួរឲ្យដឹងថា សម្រាប់រថយន្តដែលបានច្រើនជាងគេរបស់ក្រុមហ៊ុនផលិតរថយន្តជប៉ុននៅក្នុងខែមិនាគឺ Toyota RAV4 ស៊េរីថ្មីចុងក្រោយ ដែលលក់បានដល់ទៅ ៤៥ ៣៤០ គ្រឿង តាមពីក្រោយដោយ Toyota Camry លក់បាន ៣០ ៣២៣ គ្រឿង និង Toyota Corolla លក់បានចំនួន ២២ ៣២៨ គ្រឿង ។

ផ្ទាំងផ្សាយពាណិជ្ជកម្ម

[បរទេស] ក្រុមហ៊ុនផលិតរថយន្ត Toyota ប្រចាំនៅប្រទេសឥណ្ឌា បានធ្វើការដាក់បង្ហាញចេញនៅរូបភាព Teaser នៃរថយន្តម៉ូដេលថ្មីស្រឡាងដែលមានឈ្មោះថា Urban Cruiser Taisor ប្រភេទ Crossover នឹងគ្រោងបង្ហាញខ្លួនជាផ្លូវការនៅថ្ងៃទី ៣ ខែមេសា ឆ្នាំ ២០២៤ ជាមួយតម្លៃលក់រំពឹងចាប់ពី ១០ ១១៥ ដុល្លារឡើងទៅប៉ុណ្ណោះ ។

តាមរូបភាព Teaser បានបង្ហាញនេះ ម៉ូដែលថ្មីនេះ មានរូបរាងស្រដៀងគ្នាទៅនឹងម៉ូដែល Toyota Yaris Cross ដោយនៅផ្នែកខាងមុខមានប៉ាណាជាងជាសំបុកឃ្មុំមួយផ្ទាំងធំ អបសងខាងដោយសណុំចង្កៀងមុខរចនាជ ២ឆ្នូត និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាង ។

គួរបញ្ជាក់ផងដែរថា សម្រាប់ព័ត៌មានលម្អិតបន្ថែមទាក់ទងទៅនឹងផ្នែកខាងក្នុង ផ្នែកថាមពលម៉ាស៊ីន ក្រុមហ៊ុន Toyota មិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

[បរទេស] ពិព័រណ៍យានយន្ត Bangkok International Motor Show 2024 ដែលជាលើកទី ៤៥ ដែលបានកំពុងធ្វើឡើងនៅក្នុងប្រទេសថៃចាប់ពីថ្ងៃទី ២៧ ខែមិនា ដល់ថ្ងៃទី ៥ ខែមេសា ឆ្នាំ ២០២៤ ដោយក្នុងនោះក្រុមហ៊ុន Toyota ឈរលើកំពូលតារាងក្នុងនាមជាក្រុមហ៊ុនទទួលបានការកក់រថយន្តបានច្រើនជាងគេ ។

សម្រាប់ពិព័រណ៍នេះ ទទួលការកក់រថយន្តចំនួនសរុបដល់ទៅ ១៤ ១១០ គ្រឿងគិតចាប់ពីថ្ងៃទី ២៥ ដល់ថ្ងៃទី ៣០ ខែមិនា ឆ្នាំ ២០២៤ ។ ខាងក្រោមនេះ ជាក្រុមហ៊ុនទទួលបានការកក់ច្រើនជាងគេទាំង ១០ ៖

• ១)  ក្រុមហ៊ុន Toyota ទទួលបានការកក់រថយន្តដល់ទៅ ២៨៣៦  គ្រឿង
• ២) ក្រុមហ៊ុន Honda ទទួលបានការកក់រថយន្តដល់ទៅ ១៣៤៧ គ្រឿង
• ៣) ក្រុមហ៊ុន MG ទទួលបានការកក់រថយន្តដល់ទៅ ១១៦៧ គ្រឿង
• ៤) ក្រុមហ៊ុន Isuzu ទទួលបានការកក់រថយន្តដល់ទៅ ៨០៧ គ្រឿង
• ៥) ក្រុមហ៊ុន Mitsubishi ទទួលបានការកក់រថយន្តដល់ទៅ ៧៦៤ គ្រឿង
• ៦)ក្រុមហ៊ុន GWM ទទួលបានការកក់រថយន្តដល់ទៅ ៧៣១ គ្រឿង
• ៧)ក្រុមហ៊ុន Changan ទទួលបានការកក់រថយន្តដល់ទៅ ៣២៧ គ្រឿង
• ៨) ក្រុមហ៊ុន NETA ទទួលបានការកក់រថយន្តដល់ទៅ ៦៩២ គ្រឿង
• ៩) ក្រុមហ៊ុន Nissan ទទួលបានការកក់រថយន្តដល់ទៅ ៦៧៦ គ្រឿង
• ១០) ក្រុមហ៊ុន FORD ទទួលបានការកក់រថយន្តដល់ទៅ ៦៥៤ គ្រឿង

ផ្ទាំងផ្សាយពាណិជ្ជកម្ម