BMW 5-SERIES ស៊េរីឆ្នាំ ២០២៤ ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពី ASEAN NCAP (មានវីដេអូ)

December 7, 2023

[បរទេស] កាលពីខែវិឆ្និកា ឆ្នាំ ២០២៣ កន្លងទៅនេះ រថយន្ត BMW 5 Series ស៊េរីថ្មី បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំតំបន់អាស៊ាន ASEAN NCAP ដោយទទួលបានចំណាត់ថ្នាក់ផ្កាយ ៥ ។

សម្រាប់ការធ្វើតេស្តសុវត្ថិភាពនេះដែរ BMW 5 Series បានធ្វើតេស្តទៅលើការ៖

ការពរអ្នកដំណើរពេញវ័យចំនួន ៨៩ ភាគរយ
ការការពារអ្នកដំណើរវ័យក្មេង ៨៧ ភាគរយ
មុខងារជំនួយការបើកបរ និងសុវត្ថិភាព ៨១ ភាគរយ
ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៨៦ ភាគរយ

គួរបញ្ជាក់ផងដែរថា សម្រាប់ BMW 5 Series ជាប្រភេទ sedan ដ៏ប្រណិតដែលផ្តល់ជូនទាំងជម្រើសម៉ាស៊ីនសាំង និង plug-in hybrid ផងដែរ ៕

ផ្ទាំងផ្សាយពាណិជ្ជកម្ម

Mitsubishi Triton ស៊េរីឆ្នាំ ២០២៤ ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពី ASEAN NCAP (មានវីដេអូ)

December 7, 2023

[បរទេស] កាលពីថ្ងៃទី ៤ ខែធ្នូ ឆ្នាំ ២០២៣ កន្លងទៅនេះ ភីកអាប់ Mitsubishi Triton ស៊េរីថ្មីចុងក្រោយ បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំតំបន់អាស៊ាន ASEAN NCAP ដោយទទួលបានចំណាត់ថ្នាក់ផ្កាយ ៥ ។

សម្រាប់ការធ្វើតេស្តសុវត្ថិភាពនេះដែរ ភីកអាប់ Mitsubishi Triton បានទទួលពិន្ទុសរុប ៧៤,៧១ ទៅលើការ៖

ការពារអ្នកដំណើរពេញវ័យចំនួន ៣២,៥ ពិន្ទុ
ការពារអ្នកដំណើរវ័យក្មេង ១៧,៥៤ ពិន្ទុ
មុខងារជំនួយការបើកបរ និងសុវត្ថិភាព ១៤,៤៤ ពិន្ទុ
ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ១០,២២ ពិន្ទុ

ភីកអាប់ Mitsubishi Triton ស៊េរីថ្មីចុងក្រោយ ផលិតឡើងនៅលើគ្រោងឆ្អឹង MEGA frame platform បំពាក់ដោយម៉ាស៊ីនម៉ាស៊ូតចំណុះ ២,៤ លីត្រ Twin-turbo ទំហំ ៤ ស៊ីឡាំង អាចផលិតកម្លាំងបាន ២០៤ សេះ និងកម្លាំងរមួល ៤៧០ ញ៉ូតុនម៉ែត្រ ប្រភេទបើកបរប៉ុង ២ Super Select Full-time 4WD II ៕

ផ្ទាំងផ្សាយពាណិជ្ជកម្ម

ឡាន MPV លំដាប់ខ្ពស់របស់ Volkswagen តម្លៃ ៨មុឺនដុល្លារជាង ត្រៀមចេញលក់នៅក្នុងខែនេះ

December 7, 2023

[ទីផ្សារបរទេស] ក្រុមហ៊ុនផលិតរថយន្ត Volkswagen បានធ្វើការដាក់បង្ហាញចេញនៅរថយន្ត Viloran ប្រភេទ MPV លំដាប់ខ្ពស់ដែលអាចប្រើបែប Business និងដំណើរកកម្សាន្តក៏បាន គ្រោងនឹងចេញលក់ជាផ្លូវការនៅក្នុងខែធ្នូ ឆ្នាំ ២០២៣ ដែលមានតម្លៃលក់ ៨១ ២៩៧ ដុល្លារឡើងទៅ។

រថយន្តប្រភេទ MPV នេះផលិតឡើងនៅលើគ្រោងឆ្អឹង MQB platform ដូចគ្នាទៅនឹងរថយន្ត Audi Q3 មានប្រវែងតួខ្លួនសរុប ៥ ៣៤៦ ម.ម ទទឹង ១ ៩៧៦ ម.ម កំពស់ ១ ៧៨១ ម.ម និងប្រវែងគន្លាតកង់មុខ-ក្រោយ ៣ ១៨០ ម.ម ដែលមានទំហំធំជាង Kia Carnival ក្នុងប្រវែងសរុប និងប្រវែងគន្លាតកង់មុខ-ក្រោយ ព្រមទាំងត្រូវបានបំពាក់ដោយទ្វាររូតចំហៀងសងខាង ថាសកង់ស្ព័រទំហំ ២០ អ៊ីញ ។

ចំពោះនៅផ្នែកខាងក្នុងវិញ កៅអីទាំង ៣ ជួរស្រោបដោយស្បែកទាំងអស់ ដោយកៅអីនៅជួរទី ២ ជាប្រភេទកៅអីដាច់ដោយឡែកបែប Business-style ជាមួយមុខងារម៉ាស្សាចំនួន ៣ របៀបព្រមទាំងកន្លែងសាកថ្ម កន្លែងផ្ទុកឯកសារសំខាន់ៗជាដើម ។

គួរបញ្ជាក់ផងដែរថា សម្រាប់ Volkswagen Viloran ប្រភេទ MPV ទាក់ទងទៅនឹងផ្នែកម៉ាស៊ីននៅមិនទាន់បង្ហាញនៅឡើយទេ ត្រូវរងចាំដល់រថយន្តនេះចេញលក់ជាផ្លូវការ ៕

ផ្ទាំងផ្សាយពាណិជ្ជកម្ម

Hyundai Sonata ស៊េរីឆ្នាំ ២០២៤ មុខមាត់ថ្មី តម្លៃចាប់ពីជិត ៣ មុឺនដុល្លារ នឹងដាក់លក់នៅឆ្នាំក្រោយ

December 7, 2023

[ទីផ្សារបរទេស] ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញជាផ្លូវការនៅតម្លៃលក់រថយន្ត Hyundai Sonata ស៊េរីឆ្នាំ ២០២៤ មុខមាត់ថ្មី មាន ៦ ម៉ូដែលដែលមានតម្លៃលក់ចាប់ពី ២៧ ៥០០ ដុល្លារ ដល់ ៣៧ ២០០ ដុល្លាររួមបញ្ចូលនៅតម្លៃដឹកជញ្ចូន ១ ១១៥ ដុល្លារ នៅទីផ្សារសហរដ្ឋអាមេរិក ។

ទាក់ទងទៅនឹងផ្នែកម៉ាស៊ីនវិញ រថយន្តនេទទួលបានជម្រើសម៉ាស៊ីនចំនួន ៣ រួមមាន៖

សម្រាប់ម៉ូដែល SEL, SEL AWD និង SEL Convenience ដំណើរការដោយម៉ាស៊ីនសាំងចំណុះ ២,៥ លីត្រ GDI ទំហំ ៤ ស៊ីឡាំង អាចផលិតកម្លាំងបាន ១៩១ សេះ និងកម្លាំងរមួល ២៤៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ
សម្រាប់ម៉ូដែល N Line ដំណើរការដោយម៉ាស៊ីនសាំងចំណុះ ២,៥ លីត្រ GDI Turbo ទំហំ ៤ ស៊ីឡាំង អាចផលិតកម្លាំងបាន ២៩០ សេះ និងកម្លាំងរមួល ៤២១ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ
សម្រាប់ម៉ូដែលកូនកាត់ SEL និង Limited ដំណើរការដោយម៉ាស៊ីនកូនកាត់ Hybrid ជាមួយម៉ាស៊ីនសាំងចំណុះ ២,០ លីត្រ GDI Turbo ទំហំ ៤ ស៊ីឡាំង ភ្ជាប់ដោយប្រអប់លេខអូតូ ៦ វគ្គ ។

គួរបញ្ជាក់ផងដែរថា សម្រាប់រថយន្ត Hyundai Sonata ស៊េរីឆ្នាំ ២០២៤ មុខមាត់ថ្មីនេះ គ្រោងនឹងធ្វើការចេញលក់ជាផ្លូវការនៅត្រីមាសទី ១ ឆ្នាំ ២០២៤ ៕

ផ្ទាំងផ្សាយពាណិជ្ជកម្ម

Suzuki Swift ឆ្នាំ ២០២៤ ប្រើ Hybrid ចេញតម្លៃលក់ជាផ្លូវត្រឹមតែ ១មុឺនដុល្លារជាង

December 7, 2023

[ទីផ្សារបរទេស] ក្រុមហ៊ុនផលិតរថយន្ត Suzuki បានធ្វើការដាក់បញ្ចេញតម្លៃលក់ជាផ្លូវការរបស់រថយន្ត Suzuki Swift ស៊េរីឆ្នាំ ២០២៤ ប្រើប្រាស់ម៉ាស៊ីនកូនកាត់ Mild-Hybrid ដែលមាន ៦ ម៉ូដែលសម្រាប់ទីផ្សារប្រទេសជប៉ុន ដោយតម្លៃលក់ចាប់ពី៖

ម៉ូដែល XG ប៉ុង ១ មានតម្លៃលក់ ១១ ៧៦២ ដុល្លារ
ម៉ូដែល XG ប៉ុង ២ មានតម្លៃលក់ ១៣ ៤៩៩ ដុល្លារ
ម៉ូដែល Hybrid MX ប៉ុង ១ មានតម្លៃលក់ ១៣ ០៩៦ ដុល្លារ
ម៉ូដែល Hybrid MX ប៉ុង ២ មានតម្លៃលក់ ១៤ ២២០ ដុល្លារ
ម៉ូដែល Hybrid MZ ប៉ុង ១ មានតម្លៃលក់ ១៤ ៧៥៩ ដុល្លារ
ម៉ូដែល Hybrid MZ ប៉ុង ២ មានតម្លៃលក់ ១៤ ៨៨៣ ដុល្លារ

រថយន្ត Suzuki Swift ស៊េរីឆ្នាំ ២០២៤ ផលិតឡើងនៅលើគ្រោងឆ្អឹង HEARTECT platform ដំណើរការដោយម៉ាស៊ីនកូនកាត់ Mild-Hybrid ធ្វើការការួមគ្នាជាមួយម៉ាស៊ីនសាំងចំណុះ ១,២ លីត្រ ទំហំ ៤ ស៊ីឡាំង អាចផលិតកម្លាំងបាន ៨២ សេះ និងម៉ូទ័រអគ្គិសនីមានកម្លាំង ៣១ សេះ ភ្ជាប់ដោយប្រអប់លេខអូតូ CVT ជាមួយកម្រិតស៊ីប្រេងចន្លោះពី ៤-៥ លីត្រក្នុងរយៈចម្ងាយ ១០០ គីឡូម៉ែត្រ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ IM LS6 ផលិតឡើងដោយ SAIC និង Alibaba បង្ហាញខ្លួននៅ Motor Expo 2023 ប្រទេសថៃ

December 6, 2023

[បរទេស] ក្រុមហ៊ុនផលិតរថយន្ត SAIC Motor បានសហការគ្នាជាមួយក្រុមហ៊ុន Alibaba ក្នុងការផលិតរថយន្តអគ្គិសនីសុទ្ធ IM LS6 ដោយបានដាក់បង្ហាញចេញជាលើកដំបូងនៅពិពរណ៏រថយន្ត Motor Expo 2023 នៅឯប្រទេសថៃ ។

រថយន្តនេះ មានប្រវែងតួខ្លួនសរុប ៤ ៩០០ ម.ម និងប្រវែងគន្លាតកងមុខ-ក្រោយ ២ ៩៥០ ម.ម បំពាក់ដោយម៉ូទ័រអគ្គិសនីចំនួន ២ មានកម្លាំងសរុប ៧៧៦ សេះ និងកម្លាំងរមួល ៨០០ ញ៉ូតុនម៉ែត្រ អាចរត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោងប្រើរយៈពេល ៣,៤៨ វានាទី ។ ខណៈទំហំអាគុយក្រុមហ៊ុនមិនទាន់បង្ហាញនៅឡើយទេ ។

IM LS6 ត្រូវបានផលិតឡើងក្រោមការបណ្តាក់ទុនរួមគ្នារវាង SAIC Motor, Alibaba និង Shanghai Zhangjiang Hi-Tech ជាមួយការរចនាផ្នែកខាងក្រៅរបស់វាគឺផ្អែកលើគោលគំនិតដោយសង្កត់ធ្ងន់លើភាពរលូន និងភាពទំនើប នឹងបច្ចេកវិទ្យា Ai Cabin ដែលជាបច្ចេកវិទ្យាថ្មីពី SAIC Motor។

ទោះជាយ៉ាងណាក៏ដោយ រថយន្តអគ្គិសនីសុទ្ធ IM LS6 ដែលកំពុងដាក់តាំងបង្ហាញនៅពិពរណ៍របស់ប្រទេសដៃក៏ដោយ ក៏មិនមានគម្រោងដាក់លក់សម្រាប់ទីផ្សារក្នុងប្រទេសថៃនោះទេ ៕

ផ្ទាំងផ្សាយពាណិជ្ជកម្ម

All-New Chevrolet Bolt ប្រើប្រាស់ថាមពលអគ្គិសនីសុទ្ធ នឹងមកដល់នៅឆ្នាំ ២០២៥

December 6, 2023

[បរទេស] ក្រុមហ៊ុនផលិតរថយន្ត GM បានធ្វើការប្រកាសជាផ្លូវការទាកទងទៅនឹងរថយន្ត Chevrolet Bolt ជំនាន់ថ្មី ប្រើប្រាស់នៅថាមពលអគ្គិសនីសុទ្ធ ជាមួយរូបរាងថ្មីទាំងស្រុង នឹងបង្ហាញខ្លួនជាផ្លូវការនៅក្នុងឆ្នាំ ២០២៥ ។

ក្នុងនោះ នាយកប្រតិបត្តិក្រុមហ៊ុន GM បាននិយាយថា សម្រាប់ជំនាន់ក្រោយ រថយន្តនេះនឹងត្រូវបានផលិតឡើងលើស្ថាបត្យកម្ម Ultium architecture របស់ GM ដែលប្រើប្រាស់នៅអាគុយប្រភេទលីចូមដែកផូស្វាត ។ យោងតាមគេហទំព័រ Autonews រថយន្ត Chevrolet Bolt នឹងជារថយន្តប្រើអគ្គិសនីសុទ្ធ EV ដែលមានមូលដ្ឋាននៅអាមេរិកខាងជើងដំបូងគេក្នុងការរួមបញ្ចូលបច្ចេកវិទ្យានេះ។

គួរបញ្ជាក់ផងដែរថា សម្រាប់រថយន្ត Chevrolet Bolt ម៉ូដែលបច្ចុប្បន្ននឹងត្រូវបានឈប់ផលិតនៅចុងឆ្នាំ ២០២៣ នេះហើយ ។ ជាមួយគ្នា ចំពោះរថយន្តអគ្គិសនីសុទ្ធ Chevrolet Bolt EV ក្រុមហ៊ុន GM មិនទាន់បង្ហាញព័ត៌មានលម្អិតអ្វីច្រើននៅឡើយទេ ៕

ផ្ទាំងផ្សាយពាណិជ្ជកម្ម

Chery Discovery 06 ទំនើបមិនចាញ់ Land Rover ឯតម្លៃលក់អត់ដល់ ២មុឺនដុល្លារ

December 6, 2023

[បរទេស] ក្រុមហ៊ុនផលិតរថយន្ត Chery Auto បានធ្វើការដាក់បង្ហាញចេញនៅជាផ្លូវការនៅរថយន្ត Chery Discovery 06 ដែលមានតម្លៃលកចាប់ពី ១៦ ៤៧២ ដុល្លារ ដល់ ១៩ ៧១៣ ដុល្លារនៅទីផ្សារប្រទេសចិន ។

រថយន្តនេះ ជាប្រភេទ SUV ខ្នាតធំដែលមានការឌីស្សាញស្រដៀងគ្នាទៅនឹងរថយន្ត Land Rover ដោយប្រវែងតួខ្លួនសរុប ៤ ៥៣៨ ម.ម ទទឹង ១ ៨៩៨ ម.ម កំពស់ ១ ៦៨០ ម.ម ប្រវែងគន្លាតកង់មុខ-ក្រោយ ២ ៦៧២ ម.ម និងកំពស់ពីដីទៅបាត ២០០ ម.ម ។ សម្រាប់ការឌីស្សាញផ្នែកខាងក្រៅមានប៉ាណាមុខមួយផ្ទាំងធំ ចង្កៀងមុខ-ក្រោយ LED ពនិងត្រឡោកកញ្ចក់ចំហៀងមុខងារក្តោបអូតូ ព្រមទាំងថាសកស់ស្ព័រទំហំ ១៩ អ៉ីញជាដើម ។

ចំពោះនៅផ្នែកខាងក្នុងវិញ ឌីស្សាញផ្តោតលើប្រណិតភាព និងពោរពេញទៅដោយបច្ចកវិទ្យា ដោយនៅលើតាប្លូមានបំពាក់អេក្រង់កំសាន្ត touchscreen ទំហំ ១៣,២ អ៉ីញ គាំទ្រដោយឈីប Qualcomm Snapdragon 8155 កន្លែងសាកថ្មឥតប្រើខ្សែ ដំបូលកញ្ចក់ Panoramic Sunroof ឧបករណ៍បំពងសំឡេងម៉ាក SONY ៨ ចំនុច និងកាម៉េរា ៥៤០ ដឹក្រេផងដែរ ។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនសាំងចំណុះ ១,៦ លីត្រ Turbo អាចផលិតកម្លាំងបាន ១៩៤ សេះ និងកម្លាំងរមួល ១៩៤ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧វគ្គ និងមានជម្រើសប៉ុង ១ និងប៉ុង ២ ៕

ផ្ទាំងផ្សាយពាណិជ្ជកម្ម

គំរូរថយន្តអគ្គិសនីសុទ្ធរបស់ Toyota ផលិតរួមគ្នាជាមួយ BYD បង្ហាញខ្លួននៅអឺរ៉ុប

December 6, 2023

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅគំរូរថយន្ត Toyota Sport Crossover Concept ប្រើប្រាស់ថាមពលអគ្គិសនីសុទ្ធ គ្រោងនឹងធ្វើការចេញលក់នៅក្នុងឆ្នាំ ២០២៥ នៅទីផ្សារអឺរ៉ុប ។

គំររថយន្ត Sport Crossover គឺជាលទ្ធផលនៃគម្រោងរួមគ្នារវាង Toyota និង BYD Toyota គិតថារថយន្ត Coupe នឹងជារថយន្តមួយរចនាដ៏ទំនើបនៃរថយន្តអគ្គិសនីសុទ្ធ EV ថ្មីក្នុងចំណោមចំនួន ៦ ម៉ូដែល ដែលខ្លួនគ្រោងនឹងចេញលក់នៅអឺរ៉ុបនៅឆ្នាំ ២០២៦ ។

Sport Crossover ដោយមានការរចនាស្រដៀងទៅនឹងរថយន្ត Toyota Prius ស៊េរីថ្មីចុងក្រោយ ដែលជំនួយទៅដល់ការជ្រែកខ្យល់ aerodynamic បានយ៉ាងល្អប្រសើរ និងផ្នែកខាងក្រោយដ៏ទាក់ទាញ។ ជាមួយគ្នានេះ ក្រុមហ៊ុន Toyota មិនទាន់ធ្វើការបង្ហាញចេញនៅព័ត៌មានលម្អិតទាក់ទងទៅនឹងផ្នែកថាមពលនៅឡើយទេ ៕

ផ្ទាំងផ្សាយពាណិជ្ជកម្ម

ឡានទាំង ១០ម៉ូដែល ដែលមិនធ្វើឲ្យម្ចាស់ឈឺក្បាលច្រើន ដោយ Toyota មាន ៧ម៉ូដែល

December 5, 2023

[បរទេស] យោងតាមការស្ទង់មតិប្រចាំឆ្នាំរបស់គេហទំព័រ Consumer Reports (CR) ទៅលើរថយន្តទាំង ១០ ម៉ូដែលដែលជារថយន្តដែលមានបញ្ហាតិចបំផុតក្នុងពេលប្រើប្រាស់ ដោយទិន្នន័យឆ្នាំនេះគឺផ្អែកលើរថយន្តជាង ៣០០ ០០០ គ្រឿង រួមទាំងម៉ូដែលឆ្នាំ ២០០០-២០២៣ និងម៉ូដែលដើមឆ្នាំ ២០២៤ មួយចំនួនផងដែរ៖