Genesis GV80 Coupe ស៊េរីឆ្នាំ២០២៥ ចេញលក់ក្នុងប្រទេសកាណាដាជាមួយតម្លៃខ្ទង់ ៧មុឺនដុល្លារជាង

June 11, 2024

[ទីផ្សារបរទេស] ទីបំផុត ក្រុមហ៊ុនផលិតរថយន្ត Genesis បានធ្វើការដាក់បង្ហាញចេញនូវតម្លៃរបស់រថយន្ត Genesis GV80 Coupe ស៊េរីឆ្នាំ ២០២៥ ក្នុងប្រទេសកាណាដា ហើយជាមួយតម្លៃលក់ខ្ទង់ ៧៥,៥០០ដុល្លារ និងទទួលបានការរចនាថ្មីជាច្រើន។

សម្រាប់ផ្នែកខាងក្រៅមានកញ្ជប់ពណ៌ក្រហមពិសេស និងបញ្ចប់ Matte ផ្សេងៗទៀតមានប៉ាណារាងជា shield-shaped អមដោយចង្កៀងមុខទាំងសងខាង ដែលរត់នៅលើថាសកង់ alloy ទំហំ ២០ អ៊ីញ៕

ចំពោះនៅផ្នែកខាងក្នុងទទួលបានជម្រើសពណ៏រួមមាន Sevilla Red, Ultramaine Blue និង Orange និងមានបំពាក់កុងទ័របង្ហាញព័ត៌មានឌីជីថល និងអេក្រង់កំសាន្តទំហំ ២៧អ៊ីញ ជាប្រភេទអេក្រង់ភ្លោះ និងប្រអប់លេខអេឡិចត្រូនិច ជាដើម៕

បើនិយាយអំពីផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនសាំងចំណុះ ៣,៥ លីត្រ Twin-turbo V6 ដែលអាចផលិតកម្លាំងសរុបបានចំនួន ៤០៩សេះ និងកម្លាំងរមួល ៥៥០ញ៉ូតុនម៉ែត្រ និងភ្ជាប់មកជាមួយដុំសាកអគ្គិសនី ៤៨វ៉ុល ផងដែរ ព្រមទាំងប្រើប្រាស់ប្រអប់លេខអូតូ ៧វគ្គ និងប៉ុងពីរ AWD ជាស្តង់ដារ។

ផ្ទាំងផ្សាយពាណិជ្ជកម្ម

Denza Z9 GT សេរ៊ីថ្មី របស់ BYD មានគម្រោងបង្ហាញខ្លួនជាផ្លូវការក្នុងប្រទេសចិនហើយ

June 11, 2024

[ទីផ្សារចិន] នាពេលថ្មីៗនេះ វត្តមានរបស់រថយន្ត Denza Z9 GT សេរ៊ីថ្មី របស់ BYD ត្រូវបានលេចរូបរាងអំឡុងពេលបើកបរសាកល្បងក្នុុងប្រទេសចិន ហើយរថយន្តនេះក៏គ្រោងនឹងបង្ហាញខ្លួនជាផ្លូវការក្នុងប្រទេសចិននៅក្នុងពេលឆាប់ៗនេះក្នុងឆ្នាំនេះចន្លោះ ខែកក្កដា ដល់ ខែធ្នូ និងមានគម្រោងនាំចេញទៅទីផ្សារអឺរ៉ុបនៅឆ្នាំក្រោយផងដែរ។

សម្រាប់រថយន្តត្រូវបានរំពឹងថានេះមានប្រវែងតួខ្លួនសរុប ៥,១៨០ ម.ម ទទឹង ១,៩៩០ ម.ម កំពស់ ១,៥០០ ម.ម និងប្រវែងគន្លាតកង់មុខ-ក្រោយ ៣,១២៥ ម.ម ដែលមានការរចនាខាងក្រៅបែបស្ព័រអមជាមួយពណ៌ខ្មៅដ៏ស្រស់ ភា្ជប់ដោយប៉ាណាមុុខបិតជិត ទ្វារដៃដកដាក់បាន ចង្កៀងមុខដ៏ស្លីម ប្រើកាមេរ៉ាជំនួសកញ្ជក់វិញ និង spoiler ខាងក្រោយដ៏ទាក់ទាញ។

រថយន្តថ្មីនេះមានជម្រើសម៉ាសុីនដំណើរការ ២ប្រភេទ រួមមាន៖

ប្រភេទប្រើប្រាស់អគ្គិសនីសុទ្ធ ដំណើរការដោយម៉ូទ័រអគ្គិសនីចំនួន ៣ អាចផលិតកម្លាំងសរុបបានចំនួន ៩៥២សេះ ដែលអាចរត់ស្ទុះពី ០ ទៅ ១០០គីឡូម៉ែត្រ ប្រើពេលក្រោម ៣វិនាទី។
ប្រភេទប្រើប្រាស់ hybrid ធ្វើការរួមគ្នារវាងម៉ាសុីនសាំុងចំណុះ ២,០លីត្រ និងម៉ូទ័រអគ្គិសនីចំនួន ៣ អាចផលិតកម្លាំងសរុបបានចំនួន ៨៥៨សេះ។

ចំពោះផ្នែកខាងក្នុងវិញ ប្រើប្រាស់ពណ៌ត្នោត brown-beige color និងបំពាក់ដោយអេក្រង់បញ្ជាព័ត៌មានទំហំធំ ចង្កូតបើកបររាងអក្សរ D និងចង្កឺះប្រអប់លេខដែលអាចដកដាក់បានជាដើម។

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធថ្មីរបស់ Hyundai តម្លៃខ្ទង់ ២មុឺនដុល្លារ ត្រៀមបង្ហាញខ្លួនជាផ្លូវការចុងខែនេះ

June 11, 2024

[បរទេស] ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញលើកដំបូងជាផ្លូវការនៅរូបភាព Teaser រថយន្តអគ្គិសនី Hyundai Inster EV ប្រើអគ្គិសនីសុទ្ធមានតម្លៃទាប សម្រាប់នៅទីផ្សារប្រទេសកូរ៉េខាងត្បូង ជាមួយតម្លៃលក់ចាប់ពី ២១ ៥០០ ដុល្លារ ។

តាមរូបភាព Teaser បានបង្ហាញពីរូបរាងជាប្រភេទអគ្គិសនីខ្នាតតូច ដោយផ្នែកខាងមុខមានចង្កៀងប្រភេទ LED រាងមូល ជាមួយអំពូលស៊ីញូដាច់ពីចេញពីគ្នា ព្រមទាំងចង្កៀងក្រោយត្រូវបានឌីស្សាញថ្មី ស្រដៀងគ្នាទៅនឹងរថយន្ត Hyundai Ioniq 5 ខណៈផ្នែកខាងក្នុង និងផ្នែកថាមពលក្រុមហ៊ុនមិនទាន់បង្ហាញនៅឡើយទេ ។

គួរបញ្ជាក់ផងដែរថា ក្រុមហ៊ុន Hyundai Motor នឹងធ្វើការដាក់បង្ហាញរថយន្តអគ្គិសនីសុទ្ធនេះ នៅឯពិព័រណ៍រថយន្ត Busan International Mobility Show 2024 ដែលធ្វើឡើងនៅថ្ងៃទី ២៧ ខែមិថុនា ឆ្នាំ ២០២៤ ៕

ផ្ទាំងផ្សាយពាណិជ្ជកម្ម

ហេតុផលមួយនេះ ធ្វើឲ្យប្រជាជនអាមេរិកមិនចាប់អារម្មណ៍ទិញឡានអគ្គិសនីសុទ្ធមកប្រើប្រាស់

June 10, 2024

[បរទេស] ការស្ទង់មតិថ្មីចេញពីមជ្ឈមណ្ឌលមួយរបស់សហរដ្ឋអាមេរិក បានបង្ហាញថា ប្រជាជនអាមេរិកភាគច្រើនមិនចាប់អារម្មណ៍ទិញរថយន្តអគ្គិសនីសុទ្ធមកប្រើប្រាស់ ព្រោះតែមានតម្លៃថ្លៃ រួមទាំងចម្ងាយនៃការបើកបរ ដោយមានតែ ៩% ប៉ុណ្ណោះ ក្នុងចំណោមមនុស្សពេញវ័យ ៦២៦៥ នាក់ដែលបានទិញរថយន្តអគ្គិសនីសុទ្ធមកប្រើប្រាស់ ។

បើទោះបីជារដ្ឋាភិបាលរបស់សហរដ្ឋអាមេរិក បានចំនាយទឹកប្រាក់រាប់ពាន់លានដុល្លារទៅក្នុងឧស្សាហកម្មរថយន្តក៏ដោយ ប៉ុន្តែឧបសគ្គសំខាន់ៗមួយចំនួននៅតែមាន ប្រសិនបើប្រទេសនេះចង់បំពេញអត្រារថយន្តអគ្គិសនី ៥៦% នៅក្នុងរចនាសម្ព័ន្ធលក់រថយន្តថ្មីទៅជារថយន្តអគ្គិសនីនៅត្រឹមឆ្នាំ ២០៣២ ។

ក្នុងនោះ អ្នកចូលរួមការស្ទង់មតិជាច្រើនបាននិយាយថា កង្វះស្ថានីយ៍សាកថ្មសាធារណៈនៅក្នុងតំបន់លំនៅដ្ឋានគឺជារបាំងដ៏ធំបំផុតដែលធ្វើឲ្យពួកគេមិនចាប់អារម្មណ៍លើរថយន្តអគ្គិសនីសុទ្ធ។ ប្រហែល ៥០% នៃប្រជាជនដែលរស់នៅក្នុងជនបទអាមេរិក រួមទាំង ៤០% នៃអ្នករស់នៅទីក្រុងបានលើកឡើងពីបញ្ហានេះ ។

គួរបញ្ជាក់ផងដែរថា សម្រាប់តម្លៃរថយន្តអគ្គិសនីសុទ្ធនៅទីផ្សារសហរដ្ឋអាមេរិក មានតម្លៃជាមធ្យម ៥២ ៣១៤ ដុល្លារ ឆ្លាក់ចុះ ១២,៨% ធៀបនឹងរយៈពេលដូចគ្នាកាលពីឆ្នាំមុន ប៉ុន្តែនៅតែខ្ពស់ដោយជាមធ្យមភាគមានតម្លៃ ៤៧ ២៤៤ ដុល្លារនៅក្នុងទីផ្សាររថយន្តសហរដ្ឋអាមេរិកទាំងមូល។

ផ្ទាំងផ្សាយពាណិជ្ជកម្ម

Hyundai Bayon ស៊េរីឆ្នាំ២០២៤ អាប់ឌែតថ្មី នៅចក្រភពអង់គ្លេស ជាមួយតម្លៃលក់ចេញខ្ទង់ជិត ៣មុឺនដុល្លារ

June 10, 2024

[ទីផ្សារបរទេស] កាលពីពេលថ្មីៗនេះ ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញជាផ្លូវការនៅរថយន្ត Hyundai Bayon ស៊េរីឆ្នាំ២០២៤ អាប់ឌែតថ្មី មាន ៣ ជម្រើសសម្រាប់ជ្រើសរើសរួមមាន Advance, Premium និង Ultimate ជាមួយតម្លៃលក់ចាប់ពី ២៨,៣០០ដុល្លារ ដល់ ៣១,៥០០ដុល្លារ នៅចក្រភពអង់គ្លេស។

ទាក់ទងទៅនឹងផ្នែកម៉ាស៊ីនវិញរថយន្តអាប់ឌែតថ្មីនេះដំណើរការដោយម៉ាស៊ីនសាំងចំណុះ ១,០លីត្រ turbocharged អាចផលិតកម្លាំងសរុបបានចំនួន ៖

៩៨សេះ និងកម្លាំងរមួល ១៧២ញ៉ូតុនម៉ែត្រ ភា្ជប់ដោយប្រអប់លេខដៃ ៦វគ្គ ។
៩៨សេះ និងកម្លាំងរមួល ១៩៩ញ៉ូតុនម៉ែត្រ ភា្ជប់ដោយប្រអប់លេខអូតូ ៧វគ្គ ។

សម្រាប់កញ្ចប់ខាងក្រៅទទួលបានជម្រើសពណ៌ថ្នាំជាច្រើន (សរុប ៩) ជាមួយការអាប់ឌែតប៉ាណាមុខថ្មី អមដោយចង្កៀងមុខប្រភេទ LED ថ្មី និងភ្លើង DRLs Hyundai Horizon ថ្មី, កាងមុខ-ក្រោយថ្មី, ដំបូលកញ្ជក់ និងប្រើប្រាស់យ៉ាន់កង់ស្ព័រថ្មីទំហំធំជាងមុខ៕

ចំពោះផ្នែកខាងក្នុងកាប៊ីនវិញ ទទួលបានអេក្រង់ infotainment ទំហំ ១០.២៥អ៊ីញ អាចភ្ជាប់មុខងារ Mapcare navigation system, Apple CarPlay និង Android Auto ឥតប្រើខ្សែ, រន្ធ USB មុខ-ក្រោយ, ប្រព័ន្ធសំឡេង Bose, កន្លែងសាកថ្មទូរស័ព្ទឥតខ្សែ, សោឆ្លាតវៃ, ប៊ូតុនបញ្ឈេះម៉ាស៊ីន និង មុខងារជំនួយការបើកបរកម្រិតខ្ពស់ជាច្រើនផងដែរ៕

ផ្ទាំងផ្សាយពាណិជ្ជកម្ម

ភីកអាប់ដើរដោយថាមពលចំហាយទឹក FCEV របស់ Toyota ផលិតក្នុងចំនួនមានកំណត់ត្រឹមតែ….

June 10, 2024

[បរទេស] ក្រុមហ៊ុនផលិតរថយន្ត Toyota នឹងធ្វើការផលិតរថយន្តភីកអាប់ Toyota Hilux ដើរដោយថាមពលចំហាយទឹក Hydrogen ឬហៅថា FCEV ក្នុងរោងចក្ររបស់ខ្លួននៅឯចក្រភពអង់គ្លេស ជាមួយចំនួននៃការផលិតត្រឹមតែ ១០គ្រឿងប៉ុណ្ណោះ ។

សម្រាប់ចំនួន ១០គ្រឿងនេះ ត្រូវបានចែកចេញជា ២ផ្នែក ដោយចំនួន ៥គ្រឿងត្រូវបានប្រើសម្រាប់ធ្វើការបើកបរធ្វើតេស្តសុវត្ថិភាព មុខងារ និងភាពធន់ក្នុងការប្រើប្រាស់ជាក់ស្តែង ចំណែក ៥គ្រឿងទៀតនឹងត្រូវប្រើដើម្បីបង្ហាញដល់អតិថិជន និងប្រព័ន្ធផ្សព្វផ្សាយ រួមទាំងការប្រកួតកីឡាអូឡាំពិកនៅទីក្រុងប៉ារីសប្រទេសបារាំង។

Toyota Hilux FCEV ត្រូវបានបង្កើតឡើងដោយផ្អែកលើគោលការណ៍នៃ QDR គុណភាព, ធន់ និងអាចទុកចិត្តបាន ដើម្បីគាំទ្រការបើកបរលើគ្រប់ស្ថានភាពផ្លូវ។ នេះគឺជាគំនិតមួយនៅក្នុងការអភិវឌ្ឍន៍ Hilux តាំងពីឆ្នាំ ១៩៦៨ ។

ទាក់ទងទៅនឹងផ្នែថាមពលវិញ Toyota Hilux FCEV ទាំង ១០គ្រឿងនេះ គឺយកចេញពីរថយន្ត Toyota Mirai FCEV ហើយភ្ជាប់មកជាមួយធុងផ្ទុកអ៉ីដ្រូសែនចំនួន ៣ ដែលមានសមត្ថភាពផ្ទុក ២,៦ គីឡូក្រាម សម្រាប់ចំណុះសរុប ៧,៨ គីឡូក្រាម ផ្គួបជាមួយម៉ូទ័រអគ្គិសនីដែលមានកម្លាំង ១៨២ សេះ និងកម្លាំងរម៉ួល ៣០០ ញូតុនម៉ែត្រ នឹងមិនមានការបញ្ចេញផ្សែងបំពុលនោះទេ គឺមានតែទឹកស្អាតប៉ុណ្ណោះដែលត្រូវបានបញ្ចេញ។

លើសពីនេះ Toyota Hilux FCEV ក៏ត្រូវបានបំពាក់ដោយអាគុយប្រភេទ lithium-ion 4 Ah ដើម្បីរក្សាទុកថាមពលអគ្គិសនីពីកោសិកាឥន្ធនៈ ដែល Toyota បញ្ជាក់ថា ប្រព័ន្ធបើកបរទាំងមូលនេះនឹងអនុញ្ញាតឲ្យរថយន្តធ្វើដំណើរបានចម្ងាយឆ្ងាយ រហូតដល់ ៦០០ គីឡូម៉ែត្រនៅពេលចាក់អ៉ីដ្រូសែនពេញ ៕

ផ្ទាំងផ្សាយពាណិជ្ជកម្ម

រថយន្ត Deepal S05 សេរ៊ីថ្មី របស់ក្រុមហ៊ុនផលិតរថយន្ត Changan លេចចេញនូវរូបរាងតាមដងផ្លូវក្នុងប្រទេសចិន

June 10, 2024

[ទីផ្សារចិន] នាពេលថ្មីៗនេះ រូបភាពរបស់រថយន្ត Deepal S05 សេរ៊ីថ្មី របស់ក្រុមហ៊ុនផលិតរថយន្ត Changan ត្រូវបានបែបធ្លាយនៅលើប្រព័ន្ធអ៊ីនធឺណិត ហើយរថយន្តនេះក៏គ្រោងនឹងបង្ហាញខ្លួនជាផ្លូវការក្នុងប្រទេសចិននៅក្នុងពេលឆាប់ៗនេះក្នុងឆ្នាំនេះជាមួយតម្លៃលក់ចាប់ពី ១៦,៥៥០ដុល្លារ ។

សម្រាប់រថយន្តត្រូវបានរំពឹងថានេះមានប្រវែងតួខ្លួនសរុប ៤,៦២០ ម.ម ទទឹង ១,៩០០ ម.ម កំពស់ ១,៦០០ ម.ម និងប្រវែងគន្លាតកង់មុខ-ក្រោយ ២,៨៨០ ម.ម ដែលមានការរចនាខាងក្រៅរាងមូលដោយមានប៉ាណាមុខបិទជិតអមដោយចង្កៀងមុខ-ក្រោយ ប្រភេទ LED, ទ្វារដៃបិតជិត, ដំបូល panoramic sunroof ព្រមទាំងប្រើប្រាស់ថាសកង់អាលុយមីញ៉ូម ជាដើម។ ខណៈផ្នែកខាងក្នុងមិនទាន់មានរបាយការណ៏នៅឡើយទេ។

រថយន្តថ្មីនេះមានជម្រើសម៉ាសុីនដំណើរការ ២ប្រភេទ រួមមាន៖

ប្រភេទ Extended Range Electric Vehicle (EREV) ដែលដំណើរការដោយម៉ាស៊ីនសាំងចំណុះ ១,៥លីត្រ និងម៉ូទ័រអគ្គិសនីចំនួន ១ អាចផលិតកម្លាំងសរុបបានចំនួន ១៦០គីឡូវ៉ាត់ ផ្គួបជាមួយអាគុយ ២ប្រភេទ ទំហំ ១៧គីឡូវ៉ាត់ម៉ោង និង ២៧គីឡូវ៉ាត់ម៉ោង ដែលអាចបើកបរបានចម្ងាយពី ១០០ ទៅ ១៥៥គីឡូម៉ែត្រ ដោយមិនចាំបាច់សាកភ្លើង និងមានកម្រិតសុីប្រេងចាប់ពី ៤,៩៥លីត្រ ទៅ ៥,០៥លីត្រ ក្នុងចម្ងាយ ១០០គីឡូម៉ែត្រ។
ប្រភេទប្រើប្រាស់ម៉ូទ័រអគ្គិសនីសុទ្ធ ចំនួន ១ ផ្គួមជាមួយអាគុយទំហំ ៥៦,១២គីឡូវ៉ាត់ម៉ោង អាចផលិតកម្លាំងសរុបបានចំនួន ១៧៥គីឡូវ៉ាត់ និងអាចបើកបរបានចម្ងាយ ៥១០គីឡូម៉ែត្រ នៅពេលសាកថ្មពេញម្តង។

ផ្ទាំងផ្សាយពាណិជ្ជកម្ម

ម៉ូដែលថ្មីរបស់ Toyota ប្រភេទ Minivan គ្រោងនឹងបង្ហាញខ្លួនជាផ្លូវការនៅឆ្នាំក្រោយ

June 10, 2024

[បរទេស] បន្ទាប់ពីបានបញ្ចេញគំរូរថយន្ត X-Van Gear Concept ប្រភេទ minivan នៅឯពិព័រណ៌រថយន្ត Japan Mobility Show 2023 និងរូបភាពប៉ាតង់កាលពីចុងឆ្នាំ ២០២៣ ខណៈពេលនេះ មានពាក្យចចាមអារ៉ាមថា ក្រុមហ៊ុនផលិតរថយន្ត Toyota នឹងធ្វើការដាក់បង្ហាញនេះជាផ្លូវការនៅក្នុងឆ្នាំ ២០២៥ ។

X-Van Gear ត្រូវបានរចនាឡើងដើម្បីជារថយន្តប្រភេទ minivan បែបផ្សងព្រេងជាមួយរូបរាងបែបប្រអប់ជ្រុងដូចទៅនឹង Toyota FJ Cruiser ប្រើប្រាស់ចង្កៀងមុខ-ក្រោយ LED ព្រមទាំងទ្វាររូតមុខ-ក្រោយ ជាមួយទំហំប្រហាក់ប្រហែលទៅនឹងរថយន្ត Toyota Noah និង Voxy ពោលគឺមានប្រវែងតួខ្លួនសរុប ៤ ៩៦៥ ម.ម ទទឹង ១ ៨២០ ម.ម កំពស់ ១ ៨៥៥ ម.ម ។

ចំពោះនៅផ្នែកខាងក្នុងវិញ បានផ្តល់នូវកៅអី ៣ជួរដែលត្រូវបានតំឡើងនៅលើដែកដែលអនុញ្ញាតឲ្យពួកគេអាចបង្វិលបាន និងបង្កើតកន្លែងធំទូលាយសម្រាប់ដាក់សម្ភារៈ ជាពិសេសសម្រាប់អ្នកចូលចិត្តផ្សងព្រេង។ ខណៈផ្នែកម៉ាស៊ីន Toyota មិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

Volkswagen Talagon ស៊េរីថ្មី តម្លៃខ្ទង់ ៣មុឺនដុល្លារជាង បង្ហាញខ្លួនជាផ្លូវការនៅក្នុងទីផ្សារសកល

June 10, 2024

[ទីផ្សារសកល] កាលពីប៉ុន្មានថ្ងៃមុននេះ ក្រុមហ៊ុនផលិតរថយន្ត FAW-Volkswagen បានប្រកាសដាក់លក់ជាផ្លូវការនូវរថយន្ត Volkswagen Talagon ប្រភេទរថយន្ត SUV ស៊េរីថ្មីរបស់ខ្លួន មាន ១២ជម្រើស ជាមួយនឹងតម្លៃចន្លោះពី ៣៦,១០០ដុល្លារ ទៅ ៤៩,៩០០ដុល្លារ ក្នុងទីផ្សារសកល។

រថយន្តថ្មីនេះជារថយន្តប្រភេទ SUV ៧កៅអី ដែលផ្តោតលើលក្ខណៈគ្រួសារហើយមានប្រវែងតួខ្លួនសរុប ៥,១៥២ ម.ម ទទឹង ២,០០២ ម.ម កំពស់ ១,៧៩៥ ម.ម និងប្រវែងគន្លាតកង់មុខ-ក្រោយ ២,៩៨០ ម.ម ដែលដំណើរការដោយម៉ាស៊ីនសាំុងបីប្រភេទផ្សេងគ្នារួមមាន៖

ម៉ាស៊ីនសាំុងចំណុះ ២,០លីត្រ អាចផលិតកម្លាំងសរុបបានចំនួន ១៨៣សេះ និងកម្លាំងរមួល ៣២០ញ៉ូតុនម៉ែត្រ។
ម៉ាស៊ីនសាំុងចំណុះ ២,០លីត្រ អាចផលិតកម្លាំងសរុបបានចំនួន ២១៧សេះ និងកម្លាំងរមួល ៣៥០ញ៉ូតុនម៉ែត្រ។
ម៉ាស៊ីនសាំុងចំណុះ ២,៥លីត្រ V6 អាចផលិតកម្លាំងសរុបបានចំនួន ២៩៥សេះ និងកម្លាំងរមួល ៥០០ញ៉ូតុនម៉ែត្រ។

គួរឲដឹងផងដែរថាជម្រើសម៉ាសុីនទាំងអស់ត្រូវបានភ្ជាប់ប្រអប់លេខអូតូ ៧វគ្គ ជាស្តង់ដារ និងជម្រើសប៉ុងពីរ 4WD ជាជម្រើស ដែលអាចរត់ពី ០ ដល់ ១០០គីឡូម៉ែត្រក្នុងមួយម៉ោងចំណាយពេល ១០.៨វិនាទី, ៩,២ វិនាទី និង ៨,២ វិនាទី។

សម្រាប់ការរចនាផ្នែកខាងក្នុងកាប៊ីនវិញ មានបំពាក់អេក្រង់កុងទ័របង្ហាញព័ត៌មានឌីជីថលទំហំ ១០,២៥អ៊ីញ និងអេក្រង់កំសាន្ត touchscreen ទំហំ ១២អ៊ីញ និងទទួលបានគ្រឿងសម្ភារៈធ្វើពីស្បែកនិងក្រណាត់, ភ្លើង DRLs ៣០ពណ៌, ប្រព័ន្ធសំឡេង Harman Kardon Speaker ១២ចំណុច, មុខងារកំដៅដៃចង្កូត និងមុខងារជំនួយការបើកបរកម្រិតខ្ពស់ជាច្រើនរួមមាន electric cruise control, adaptive cruise control, autosection braking, lane keep assist, driver fatigue monitoring, parking assist, rear traffic warning និង blind spot monitoring ជាដើម៕

ផ្ទាំងផ្សាយពាណិជ្ជកម្ម

Hyundai Grandeur ស៊េរីឆ្នាំ២០២៥ អាប់ឌែតថ្មី បង្ហាញខ្លួនជាមួយតម្លៃខ្ទង់ ២មុឺនដុល្លារ នៅស្រុកកំណើត

June 8, 2024

[ទីផ្សារបរទេស] ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញជាផ្លូវការនៅរថយន្ត Hyundai Grandeur ស៊េរីឆ្នាំ២០២៥ អាប់ឌែតថ្មី មាន ៣ ជម្រើសសម្រាប់ជ្រើសរើសរួមមាន Premium, Exclusive និង Calligraphy ជាមួយតម្លៃលក់ចាប់ពី ២៧,៦០០ដុល្លារ ដល់ ៣៨,៤០០ដុល្លារ នៅក្នុងប្រទេសកូរ៉េខាងត្បូង។

ទាក់ទងទៅនឹងផ្នែកម៉ាស៊ីនវិញ រថយន្តនេះទទួលបានជម្រើសចំនួន 3 រួមមាន៖

ម៉ាស៊ីនកូនកាត់ hybrid ធ្វើការរួមគ្នាជាមួយម៉ាសុីនសុាំងចំណុះ ១,៦ លីត្រ turbocharged ទំហំ ៤សុីឡាំង។
ម៉ាស៊ីនសាំងចំណុះ ២,៥លីត្រ ទំហំ ៤សុីឡាំង។
ម៉ាស៊ីនសាំងចំណុះ ៣,៥លីត្រ V6។

ខណៈតួលេខជាក់លាក់និងព័ត៌មានលម្អិតផ្សេងទៀតអំពីម៉ាសុីនរបស់រថយន្តនេះមិនទាន់ត្រូវបានបង្ហាញ។

សំខាន់ជាងនេះទៅទៀតនោះ កញ្ចប់ខាងក្រៅទទួលពណ៌ខ្មៅថ្មីបន្ថែម ជាមួយប៉ាណាមុខមួយផ្ទាំងធំរចនាដោយសំណាញ់ពណ៌ខ្មៅ អមដោយចង្កៀងមុខ-ក្រោយ ប្រភេទ LED ដែលរត់នៅលើយ៉ាន់កង់ alloy ទំហំ 20អ៊ីញ៕