គំរូឡានអគ្គិសនីរបស់ MG អាចរត់ស្ទុះពី ០ ដល់ ១០០គីឡូម៉ែត្រក្នុងមួយម៉ោងចាយពេលអត់ដល់ ២វិនាទី

April 23, 2024

[បរទេស] ក្រុមហ៊ុនផលិតរថយន្ត MG បានធ្វើការដាក់បង្ហាញចេញនៅគំរូរថយន្តអគ្គិសនីសុទ្ធ MG EXE181 Concept ប្រភេទ hypercar នៅឯពិព័រណ៍រថយន្ត Beijing Auto Show 2024 ដែលកំពុងធ្វើឡើងនៅក្នុងប្រទេសចិន ។

គំរូរថយន្តនេះមានកៅអីតែមួយប៉ុណ្ណោះ ដែលមានការឌីស្សាញផ្តោតល្បឿន និងប្រព័ន្ធជ្រេកខ្យល់ aerodynamic ដោយត្រូវបានបំផុសគំនិតដោយរថយន្ត MG EX181 ម៉ូដែលឆ្នាំ ១៩៥៩ ក្នុងនោះ MG អះអាងថា EXE181 អាចស្ទុះពីកុងទ័រ ០-១០០ គីឡូម៉ែត្រក្នុងមួយម៉ោង ប្រើរយៈពេលតែ ១,៩ វិនាទីប៉ុណ្ណោះ ។

MG EXE181 អាចនឹងបំពាក់ជាមួយម៉ូទ័រអគ្គិសនីចំនួន ៤ ខណៈពេលដែលក្រុមហ៊ុនមិនទាន់បង្ហាញព័ត៌មានលម្អិតជាក់លាក់នៃកំលាំងរបស់គំរូរថយន្តនេះនៅឡើយទេ ។ លើសពីនេះ ក្រុមហ៊ុន MG ក៏មិនទាន់សម្រេចចិត្តក្នុងការផលិតរថយន្តនេះផងដែរ ៕

ផ្ទាំងផ្សាយពាណិជ្ជកម្ម

Tesla លក់ភីកអាប់ Cybertruck ក្នុងរយៈពេល ៤ខែបានច្រើនជាងភីកអាប់អគ្គិសនីរបស់ GMC លក់ពេញមួយឆ្នាំ

April 23, 2024

[បរទេស] កាលពីខែធ្នូ ឆ្នាំ ២០២៣ កន្លងទៅនេះ ក្រុមហ៊ុនផលិតរថយន្ត Tesla បានធ្វើការចេញលក់ជាផ្លូវការនៅភិកអាប់អគ្គិសនីសុទ្ធរបស់ខ្លួនគឺ Tesla Cybertruck ដោយលក់បានចំនួន ៣ ៨៧៨ គ្រឿងគិតនៅត្រឹមតែមេសា ឆ្នាំ ២០២៤ នៅទីផ្សារសហរដ្ឋអាមេរិក ។

សម្រាប់ចំនួននៃលក់របស់ Tesla Cybertrucks នេះ គឺជាចំនួនដែលលក់បានច្រើនជាងភីកអាប់អគ្គិសនីសុទ្ធ GMC Hummer EV ដែលលក់ពេញមួយឆ្នាំ ២០២៣ ដែលបានសរុបត្រឹមតែ ៣ ២៦០ គ្រឿងប៉ុណ្ណោះ ។

ជាមួយចំនួននៃការលក់របស់ភីកអាប់ Cybertruck នេះ ក៏ជាចំនួនច្រើនជាងភីកអាប់ Rivian R1T ដែលលក់បាន ២ ៣៩៩ គ្រឿង ប៉ុន្តែតាមពីក្រោយភីកអាប់អគ្គិសនីសុទ្ធរបស់ Ford គឺម៉ូដែល Ford F-150 Lightning ដែលលក់បានចំនួនសរុប ៧ ៧៤៣ គ្រឿងនៅក្នុងត្រីមាសទីមួយនៃឆ្នាំ ២០២៤ ព្រមទាំងបានកើនឡើង ៨០,៤% ពីឆ្នាំ ២០២៣ ផងដែរ ៕

ផ្ទាំងផ្សាយពាណិជ្ជកម្ម

ភីកអាប់របស់ BYD ប្រភេទ Plug-in hybrid នឹងបង្ហាញខ្លួនជាផ្លូវការនៅស្អែកនេះហើយ

April 23, 2024

[បរទេស] ក្រុមហ៊ុនផលិតរថយន្តឈានមុខគេរបស់ប្រទេសចិន BYD បានធ្វើការដាក់បង្ហាញចេញនៅរូបភាព Teaser រួមទាំងឈ្មោះផ្លូវការរបស់ភីកអាប់ខ្លួនគឺ BYD Shark គ្រោងនឹងបង្ហាញខ្លួនជាផ្លូវការនៅឯពិព័រណ៌រថយន្ត Beijing Auto Show នៅថ្ងៃទី ២៥ ខែមេសា ឆ្នាំ ២០២៤ នៅប្រទេសចិន ។

ភីកអាប់នេះត្រូវបានផលិតឡើងនៅលើគ្រោងឆ្អឹង DMO platform ដែលជាតួគ្រោងអភិវឌ្ឍឡើងសម្រាប់រថយន្តប្រភេទ Plug-in hybrid ផ្តោតលើការបើកបរបែប Off-Road ដោយទទួលបានជម្រើសម៉ាស៊ីនកូនកាត់ចំនួន ២ ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ និងចំណុះ ២,០ លីត្រ ព្រមទាំងអាចបើកបរបានចម្ងាយ ១២០០ គីឡូម៉ែត្រនៅពេលចាក់សាំង និងសាកថ្មពេញ ។

បើយោងតាមរូបភាពដែលប្រមាណ់បាននៅពេល BYD Shark កំពុងធ្វើការតេស្តបើកបរនៅប្រទេសមិកសិកកូ មានរូបរាងបែបជាជ្រុងៗ ដោយផ្នែកខាងមុខមានបាណាជាមួយអក្សរ BYD នៅចំកណ្តាល ចង្កៀងមុខ-ក្រោយ LED រាងជាអក្សរ C ស្រដៀងនៅនឹងភីកអាប់ Ford Ranger ជាដើម ។ ខណៈព័ត៌មានលម្អិតផ្សេងទៀត ក្រុមហ៊ុនមិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

ប្រទេសឡាវដាក់លក់ឡានអគ្គិសនីរបស់ GAC Aion ដែលមានប្រព័ន្ធ aerodynamic ល្អបំផុតនៅលើពិភពលោក

April 22, 2024

[បរទេស] កាលពីពេលថ្មីៗ កន្លងទៅនេះ ក្រុមហ៊ុននាំចូលរថយន្តរបស់ប្រទេសឡាវមានឈ្មោះថា Phaluay Motor បានធ្វើការនាំយករថយន្តអគ្គិសនីសុទ្ធ GAC AION Hyper GT ប្រភេទ sedan មកកាន់ទីផ្សារប្រទេសឡាវជាមួយតម្លៃលក់ចាប់ពី ២៧ ៩០០ ដុល្លារ ។

រថយន្តនេះត្រូវបានផ្អែកលើស្ថាបត្យកម្ម AEP3.0 EV-dedicated architecture ថ្មី ដំណើរការដោយម៉ូទ័រអអគ្គិសនី ១ អាចផលិតកម្លាំងបាន ២៤៥ សេះ និងកម្លាំងរមួល ៣៥៥ ញ៉ូតុនម៉ែត្រ ផ្គបជាមួយអាគុយទំហំ ៦០គីឡូវ៉ាត់ម៉ោង អាចបើកបរបានចម្ងាយ ៥៦០គីឡូម៉ែត្រនៅពេលសាកថ្មពេញម្តង នឹងអាចរត់ស្ទុះពី ០-១០០ គីឡូម៉ែត្រ/ម៉ោង ក្នុងរយៈពេល ៥,៦ វិនាទី។

Aion Hyper GT ត្រូវបានឌីស្សាញមកជាមួយកម្ពស់ទាប បំពាក់ជាមួយប៉ាណាមុខបិទជិត ខណៈប្រព័ន្ធ active aerodynamic ត្រូវបានបំពាក់នៅផ្នែកខាងក្រោយ ដែលបានពី Porsche Panamera rear wing, ចង្កៀងមុខ LED ប្រភេទ electrode headlights និងចង្កៀងក្រោយប្រភេទ red crystal taillights, ដៃទ្វារខាងមុខឲ្យឈ្មោះ Sky Door ដែលបើកឡើង រួមទាំងថាសកង់ស្ព័រទំហំ ១៩អ៉ីញ និងជារថយន្តដែលមានប្រព័ន្ធ aerodynamic ល្អខ្លាំងបំផុតក្នុងចំណោមរថយន្តផ្សេងទៀតនៅលើពិភពលោក។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ៨,៨អ៉ីញ និងអេក្រង់កំសាន្ត touchscreen ទំហំ ១៤,៦ អ៉ីញ ក៏ដូចជាភ្ជាប់មកជាមួយប្រព័ន្ធជំនួយការអ្នកបើកបរកម្រិតខ្ពស់ រួមទាំងប្រព័ន្ធ ADiGO Pilot ផងដែរ ៕

ផ្ទាំងផ្សាយពាណិជ្ជកម្ម

Kia Sonet ស៊េរីឆ្នាំ ២០២៤ អាប់ដេតថ្មី ចេញលក់នៅឥណ្ឌាតម្លៃចាប់ផ្តើមអត់ដល់ ១មុឺនដុល្លារ

April 22, 2024

[ទីផ្សារបរទេស] ក្រុមហ៊ុនផលិតរថយន្ត Kia បានធ្វើការដាក់បញ្ចេញ Kia Sonet ស៊េរីឆ្នាំ ២០២៤ លក់ជាផ្លូវការនៅទីផ្សារប្រទេសឥណ្ឌា ជាមួយនឹងភាសារចនាប័ទ្មថ្មី និងលក្ខណៈពិសេសបច្ចេកវិទ្យាថ្មី ជាមួយតម្លៃលក់ចាប់ពី ៩៥១៥ ដុល្លារ ដល់ ១៧ ៥៧១ ដុល្លារ ។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនចំនួន ៣ ជម្រើសរួមមាន៖

ម៉ាស៊ីនសាំងចំណុះ ១,០ លីត្រ ប្រភេទ T-GDI អាចផលិតកម្លាំងបាន ១១៨ សេះ ភ្ជាប់ដោយប្រអប់លេខអូតូ ៧វគ្គ និងលេខដៃ ៦វគ្គ
ម៉ាស៊ីនសាំងចំណុះ ១,២ លីត្រ ទំហំ ៤ស៊ីឡាំង អាចផលិតកម្លាំងបាន ៨២ សេះ និងកម្លាំងរមួល ១១៥ ញ៉ូតុនម៉ែត្រ ភ្ជាប់ដោយប្រអប់លេខដៃ ៥វគ្គ
ម៉ាស៊ីនសាំងចំណុះ ១,៥ លីត្រ ប្រភេទ CRDi អាចផលិតកម្លាំងបាន ១១៤ សេះ ភ្ជាប់ដោយប្រអប់លេខអូតូ និងលេខដៃ ៦វគ្គ ប្រភេទប៉ុង ១ ទាំងអស់

Kia Sonet ស៊េរីឆ្នាំ ២០២៤ នេះត្រូវទទួលបានការអាប់ដេតបន្ថែម គឺផ្តោតលើផ្នែកខាងមុខដែលបានរចនាឡើងវិញជាមួយនឹងចង្កៀងប្រភេទ LED រចនាប័ទ្មបែប Mahindra-style ជាប់ជាមួយប៉ាណារចនាបែបច្រមុះខ្លា (tiger-nose grille) ព្រមទាំងកាងការពារ ក៏ដូចជារន្ធខ្យល់បែបសំណាញ់ ថាសកង់ទំហំ ១៦អ៉ីញថ្មី និងចង្កៀងក្រោយអូសកាត់ពីផ្នែកម្ខាងទៅផ្នែកម្ខាង ។

ចំពោះនៅផ្នែកខាងក្នុង ផ្ទៃតាឡូនៅតែរក្សាការរចនាដដែល ដោយមានអេក្រង់ទំហំ ១០,២៥ អ៉ីញជាប្រភេទអេក្រង់ភ្លោះ អាចភ្ជាប់ដោយ Apple CarPlay និង Android Auto ប៉ុន្តែរន្ធម៉ាស៊ីនត្រជាក់ត្រូវបានរចនាថ្មី ។ លើសពីនេះ ក៏បានបំពាក់ឧបករណ៍បំពងសំលេងម៉ាក Bose ដំបូលកញ្ចក់បែប Panoramic sunroof និងពោងសុវត្ថិភាពចំនួន ៦ ជាស្តង់ដារ ព្រមទាំងប្រព័ន្ធជំនួយការអ្នកបើកបរ ADAS ថ្មីផងដែរ ៕

ផ្ទាំងផ្សាយពាណិជ្ជកម្ម

Lexus GX ស៊េរីឆ្នាំ២០២៤ រូបរាងថ្មីទាំងស្រុង ដឹកមកដល់ប្រទេសកម្ពុជាតម្លៃ ១៦មុឺនដុល្លារជាង

April 22, 2024

[ក្នុងស្រុក] យោងតាមការបង្ហោះពីគេហទំព័រភ្នាក់ងារទិញរថយន្តពីបរទេសដែលមានឈ្មោះថា Auto US Direct Cambodia បានធ្វើការបង្ហាញចេញនៅតម្លៃលម្អិតនៃរថយន្ត Lexus GX ស៊េរីឆ្នាំ២០២៤ ជាមួយតម្លៃសរុប ១៦៦ ២៥១ ដុល្លារ សម្រាប់នៅទីផ្សារប្រទេសកម្ពុជា ។

សម្រាប់តម្លៃ ១៦៦ ២៥១ ដុល្លារ ដែលបានរួមបញ្ចូលនៅដូចជា៖

តម្លៃឡាន ៨៥ ៨០០ ដុល្លារ ($85,800)
តម្លៃពន្ធនាំចូល ៧៥ ៥០២ ដុល្លារ ($75,502)
តម្លៃដឹកជញ្ជូន ២ ៤៥០ ដុល្លារ ($2,450)
តម្លៃកាត់ឈ្មោះនៅអាមេរិក ៨៩៩ ដុល្លារ ($899)
តម្លៃឯកសារនៅខ្មែរ ៩០០ ដុល្លារ ($900)
តម្លៃសេវាកម្មរបស់ក្រុមហ៊ុននៅកម្ពុជា ៥០០ ដុល្លារ ($500)
តម្លៃសេវាកម្មរបស់ក្រុមហ៊ុននៅអាមេរិច ៦ ៥០០ ដុល្លារ ($6,500)
តម្លៃសរុបទាំងអស់ ១៦៦ ២៥១ ដុល្លារ ($166,251)

គួរបញ្ជាក់ផងដែរថា សម្រាប់រថយន្ត Lexus GX ស៊េរីឆ្នាំ ២០២៤ នេះ គឺជាម៉ូដែល 505 Premium ដំណើរការដោយម៉ាស៊ីនចំណុះ ៣,៤ លីត្រ Twin-turbo V6 អាចផលិតកម្លាំងបាន ៣៤៩ សេះ និងកម្លាំងរមួល ៦៤៩ ញ៉ូតុនម៉ែត្រ ភ្ជាប់ដោយប្រអប់លេខអូតូ ១០វគ្គ និងបានបំពាក់ប្រព័ន្ធទប់លំនឹង double-wishbone នៅផ្នែកខាងមុខ និង Multi-link នៅផ្នែកខាងក្រោយ។ សម្រាប់ព័ត៌មានលម្អិត បងប្អូនអាចទាក់ទងក្រុមហ៊ុនផ្ទាល់តាមគេហទំព័រ Auto US Direct Cambodia ឬតាមរយៈលេខទូរស័ព្ទ 077 288 687៕

ផ្ទាំងផ្សាយពាណិជ្ជកម្ម

មកស្គាល់រថយន្តទាំង ១០ម៉ូដែល ដែលក់ដាច់ជាងគេនៅសហរដ្ឋអាមេរិកក្នុងឆ្នាំ ២០២៤

April 22, 2024

[បរទេស] យោងតាមគេហទំព័រ Motor1 បានធ្វើការបង្ហាញពីរថយន្តដែលលក់ដាច់បំផុតទាំង ១០ ម៉ូដែលនៅទីផ្សារសហរដ្ឋអាមេរិកនៅក្នុងត្រីមាសទី១ ឆ្នាំ ២០២៤ ។ ខាងក្រោមនេះ ជារថយន្ដដែលលក់ដាច់ជាងគេនៅសហរដ្ឋអាមេរិក ៖

១) Ford F-Series ស៊េរីថ្មីចុងក្រោយ លក់បានចំនួនសរុប ១៥២ ៩៤៣ គ្រឿង

២) Chevrolet Silverado ស៊េរីថ្មីចុងក្រោយលក់បានចំនួនសរុប ១២៧ ៥៦៣ គ្រឿង

៣) Toyota RAV4 ស៊េរីថ្មីចុងក្រោយ លក់បានចំនួនសរុប ១២៤ ៨២២ គ្រឿង

៤) Tesla Model Y ស៊េរីថ្មីចុងក្រោយ លក់បានចំនួនសរុប ១០៩ ០០០ គ្រឿង

៥) Honda CR-V ស៊េរីថ្មីចុងក្រោយ លក់បានចំនួនសរុប ៩៥ ០៣៨ គ្រឿង

៦) Nissan Rogue ស៊េរីថ្មីចុងក្រោយ លក់បានចំនួនសរុប ៨៩ ៤១៧ គ្រឿង

៧) Ram ស៊េរីថ្មីចុងក្រោយ លក់បានចំនួនសរុប ៧៨ ៣៣៧ គ្រឿង

៨) Toyota Camry ស៊េរីថ្មីចុងក្រោយ លក់បានចំនួនសរុប ៧៨ ៣៣៧ គ្រឿង

៩) GMC Sierra ស៊េរីថ្មីចុងក្រោយ លក់បានចំនួនសរុប ៦៨ ៥៩៧ គ្រឿង

១០) Honda Civic ស៊េរីថ្មីចុងក្រោយ លក់បានចំនួនសរុប ៦១ ៩២៩ គ្រឿង ៕

ផ្ទាំងផ្សាយពាណិជ្ជកម្ម

Toyota Fortuner ស៊េរីឆ្នាំ ២០២៥ ប្រើ hybrid សន្សំសំចៃជាងមុន បង្ហាញខ្លួនជាផ្លូវការ

April 20, 2024

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញជាផ្លូវការនៅរថយន្ត Toyota Fortuner ស៊េរីឆ្នាំ ២០២៥ ប្រភេទកូនកាត់ hybrid សន្សំសំចៃជាងមុនផ្តល់ជូនជម្រើស ៨ម៉ូដែល មានតម្លៃលក់ចាប់ពី ៤៣ ៧៣៨ ដុល្លារ ដល់ ៥០ ៨០១ ដុល្លារនៅទីផ្សារអាហ្វ្រិកខាងត្បូង ។

រថយន្តនេះ ដំណើរការដោយម៉ាស៊ីនកូនកាត់ mild-hybrid 48v ធ្វើការរួមគ្នាជាមួយម៉ាស៊ីនម៉ាស៊ូតចំណុះ ២,៨ លីត្រ Turbo ទំហំ ៤ស៊ីឡាំង និងម៉ូទ័រអគ្គិសនី អាចផលិតកម្លាំងបានសរុប ២២០ សេះ និងកម្លាំងរមួល ៥៦៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦វគ្ក ជាមួយកម្រិតស៊ីប្រេងតិចជាងមុន ១០% មានទាំងម៉ូដែលប្រើប៉ុង ១ និងប៉ុង ២ ។

ទាក់ទងទៅនឹងផ្នែកខាងក្រៅរបស់ Toyota Fortuner 48V ដូចគ្នាទាំងស្រុងទៅនឹងម៉ូដែលប្រើម៉ាស៊ីនចំហេះក្នុង គ្រាន់តែបានបន្ថែមនៅអក្សរឡូហ្គោ “48V” បន្ថែមនៅលើទ្វារខាងក្រោយប៉ុណ្ណោះ។ ខណៈនៅផ្នែកខាងក្នុងក៏មិនខុសពីម៉ូដែលចំហេះក្នុងផងដែរ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធដ៏ទំនើបបែបអនាគតរបស់ Chery ត្រៀមបង្ហាញខ្លួនជាផ្លូវការនៅសប្តាហ៍ក្រោយ

April 19, 2024

[បរទេស] ក្រុមហ៊ុនផលិតរថយន្ត Chery បានធ្វើការដាក់បង្ហាញចេញជាផ្លូវការនៅរូបភាពរបស់រថយន្ត Chery Exeed E08 ប្រើប្រាស់ថាមពលអគ្គិសនីសុទ្ធ គ្រោងនឹងបង្ហាញខ្លួននៅឯពិព័រណ៌រថយន្ត Beijing Auto Show នៅថ្ងៃទី ២៥ ខែមេសា ឆ្នាំ ២០២៤ ក្នុងប្រទេសចិន ។

Exeed 08 គឺជារថយន្តដំបូងគេដែលផលិតឡើងដោយក្រុមរចនាអឺរ៉ុប និងសៀងហៃរបស់ Exeed ហើយត្រូវបានផ្អែកលើភាសារចនា Wind Aesthetics 2.0 មានរូបរាងជាប្រអប់ជ្រុង ខណៈនៅផ្នែកខាងមុខមានប៉ាណាដែលឲ្យឈ្មោះថា cyber butterfly អបសងខាងដោយចង្កៀងមុខ LED រាងជាអក្សរ F ក៏ដូចជាថាសកសង់រចនាបែបអនាគត និងចង្កៀងក្រោយ LED រាងជាអក្សរ F ជាដើម ។ ខណៈផ្នែកខាងក្នុង ក្រុមហ៊ុនមិនទាន់បានបង្ហាញនៅឡើយទេ ។

គួរបញ្ជាក់ផងដែរថា Chery Exeed E08 ទំនើបបែបអនាគតនេះ ផលិតនៅលើគ្រោងឆ្អឹង E0X all-electric platform អាចនឹងចេញលក់នៅក្នុងឆ្នាំ ២០២៥ ដែលមានតម្លៃលក់រំពឹងចាប់ពី ៣៤ ៥០០ ដុល្លារឡើងទៅ ៕

ផ្ទាំងផ្សាយពាណិជ្ជកម្ម

Tesla ឡើងមកឈរនៅលើកំពូលតារាងវិញនៃការលក់នៅត្រីមាសទី ១ ក្នុងឆ្នាំនេះ

April 19, 2024

[បរទេស] យោងតាមគេហទំព័រ InsideEVs បានឲ្យដឹងថា ក្រុមហ៊ុនផលិតរថយន្តអគ្គិសនី Tesla បានត្រលប់មកឈរនៅលើកំពូលតារាងវិញក្នុងត្រីមាសទីមួយនៃឆ្នាំ ២០២៤ ក្នុងផ្នែករថយន្តអគ្គិសនីសុទ្ធ នឹងលក់នបានច្រើនជាងគូរប្រជែងរបស់ខ្លួនគឺ BYD ។

ជាក់ស្តែងក្នុងរយៈពេលគិតចាប់ពីពីខែមករា ដល់ខែមីនា ឆ្នាំ ២០២៤ ក្រុមហ៊ុនរថយន្តអគ្គិសនីរបស់អាមេរិកបានលក់ថយន្តអគ្គិសនីសុទ្ធចំនួន ៣៨៦ ៨១០ គ្រឿង ធ្លាក់ចុះ ៩% ធៀបនឹងរយៈពេលដូចគ្នាកាលពីឆ្នាំមុន ខណៈ BYD លក់បានចំនួន ៣០០ ១១៤ គ្រឿងកើនឡើង ១៣% ។

ជាមួយគ្នានេះ តាមគេហទំព័រ InsideEVs ដដែល បានធ្វើអត្ថាធិប្បាយថា Tesla និង BYD អាចបន្តប្រកួតប្រជែងក្នុងការលក់នៅក្នុងត្រីមាសទី ២ ក៏ដូចជានៅក្នុងឆ្នាំ ២០២៤ ផងដែរ។

គួរបញ្ជាក់ផងដែរថា កាលពីឆ្នាំមុន BYD បានផ្តួលក្រុមហ៊ុន Tesla ក្លាយជាក្រុមហ៊ុនរថយន្តអគ្គិសនីដែលលក់ដាច់បំផុតនៅក្នុងត្រីមាសទី ៤ ឆ្នាំ ២០២៣ ដោយក្នុងរយៈពេល ៣ ខែចុងក្រោយនៃឆ្នាំ ២០២៣ ការលក់រថយន្តអគ្គិសនីរបស់ BYD បានកើនឡើងដល់ ៥២៦ ៤០៩ គ្រឿង ខណៈដែល Tesla លក់បានបានចំនួន ៤៨៤ ៥០៧ គ្រឿង ៕

ផ្ទាំងផ្សាយពាណិជ្ជកម្ម