ក្តៅៗ! ម៉ូដែលថ្មីស្រឡាង Lexus LBX ប្រភេទ Crossover ដ៏ប្រណិត បង្ហាញខ្លួនជាផ្លូវការ

June 6, 2023

[បរទេស] ក្រុមហ៊ុនផលិតរថយន្ត Lexus បានធ្វើការដាក់បង្ហាញចេញជាផ្លូវការនៅរថយន្តម៉ូដែលថ្មីគឺ Lexus LBX ប្រភេទ Crossover ប្រើប្រាស់នៅម៉ាស៊ីនកូនកាត់ hybrid គ្រោងនឹងធ្វើការចេញសម្រាប់ទីផ្សារអឺរ៉ុប ជប៉ុន និងទីផ្សារដ៏ទៃទៀត នៅចុងឆ្នាំ ២០២៣ នេះ ។

រថយន្តប្រភេទ B-segment SUV នេះ ផលិតឡើងនៅលើគ្រោងឆ្អឹង GA-B platform មានប្រវែងតួខ្លួនសរុប ៤ ១៩០ ម.ម ទទឹង ១ ៨២៥ ម.ម កពស់ ១ ៥៤៥ ម.ម និងប្រវែងគន្លាតកង់មុខក្រោយ ២ ៥៨០ ម.ម ។ សម្រាប់ការរចនានៅផ្នែកខាងក្រៅ រថយន្តត្រូវបានឌីស្សាញក្រោមភាសារចនាឲ្យឈ្មោះថា Unified Spindle ដែលជាការវិវត្តនៃការរចនាយុគសម័យថ្មីរបស់ Lexus ដោយផ្នែកខាងមុខមានបំពាក់ប៉ាណារាងជាសំបុកឃ្មុំគ្មានស៊ុម ដែលជំនួយដល់ប្រព័ន្ធ aerodynamic យ៉ាងមានប្រសិទ្ធភាព ចង្កៀងមុខ bi-beam LED រាងស្រួចនៅគែមគម្របម៉ាស៊ីន ប្រើប្រាស់នៅថាសកង់ស្ព័រទំហំ ១៨ អ៉ីញ កាង spoiler ជាប់ដំបូលលយចេញក្រៅ និងចង្កៀងក្រោយរចនាជាខ្សែរបន្ទាត់អូសកាត់ពីផ្នែកម្ខាងទៅផ្នែកម្ខាង ។

ចំពោះនៅផ្នែកខាងក្នុង តុបតែងកាន់ប្រណិត និងពោរពេញដោយបច្ចេកវិទ្យា មានបំពាក់នៅគ្រឿងបិរក្ខាគុណភាពខ្ពស់ ដោយ នៅលើតាឡូមានកុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ៩,៨ អ៉ីញស្របទៅនឹងកុងស៊ូលកណ្តាល ភ្ជាប់ដោយប្រព័ន្ធ Lexus Link Connect ដែលអាចប្រើបានជាមួយ Apple CarPlay/Android Auto និងប្រព័ន្ធ OTA ក៏ដូចជាអេក្រង់បង្ហាញលើកញ្ចក់ និងឧបករណ៍បំពងសំលេងម៉ាក Mark Levinson ចំនួន ១៣ ចំនុច។ លើសពីនេះ ក៏មានមកជាមួយប្រព័ន្ធសុវត្ថិភាព Lexus Safety System+ ជាស្តង់ដារផងដែរ ។

ទាក់ទឹងនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនកូនកាត់ Hybrid ដំណើរការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ ស៊ីឡាំង ផ្កួបជាមួយម៉ូទ័រអគ្គិសនីមានកម្លាំង ១៣៤ សេស និងកម្លាំងរមួល ១៨៥ ញ៉ូតុបម៉ែត្រ ភ្ជាប់ប្រអប់លេខអូតូ E-CVT និងទទួលបានប្រព័ន្ធទប់លំនឹង MacPherson នៅផ្នែកខាងមុខ ខណះនៅផ្នែកខាងក្រោយទទួលបានប៉ូម Torison beam សម្រាប់ម៉ូដែលប៉ុង១ និង Double Wispon សម្រាប់ម៉ូដែលប៉ុង២ ៕

ផ្ទាំងផ្សាយពាណិជ្ជកម្ម

លេចលឺថា Ford Ranger នឹងទទួលបានម៉ាស៊ីនកូនកាត់ “Plug-in Hybrid” នៅឆ្នាំក្រោយ

June 5, 2023

[ទីផ្សារបរទេស] កាលពីពេលថ្មីៗនេះក្រុមហ៊ុន Ford បានប្រកាសចេញនូវរថយន្ត Ford Ranger ជំនាន់ថ្មី សម្រាប់ទីផ្សារសហរដ្ឋអាមេរិក ហើយក៏មានព័ត៌មានលេចលឺថារថយន្តនេះគ្រោងនឹងទទួលបាននៅជម្រើសកូនកាត់ Plug-in Hybrid នៅក្នុងរយៈពេល ១២ខែខាងមុខនេះ នេះបើយោងតាម Australia’s Drive ហើយក៏បានអះអាងថាជាផែនការ “សម្ងាត់បំផុត” របស់ក្រុមហ៊ុន Ford ក្នុងការផលិតរថយន្ត Ranger អគ្គិសនី។

ជាក់ស្តែងព័ត៌មានដែលស្រង់ចេញពី Drive បាននិយាយថាសម្រាប់កំណែលើរថយន្តភីកអាប់អគ្គិសនីធុនមធ្យមនេះ នឹងមកដល់ក្នុងប្រទេសអូស្ត្រាលីនិងសហរដ្ឋអាមេរិកនៅក្នុងឆ្នាំ ២០២៤នេះ ហើយមកជាមួយម៉ាស៊ីនសាំងជាប្រភេទ EcoBoost មានចំណុះ ២,៣លីត្រ ព្រមទាំងប្រើប្រាស់ម៉ូទ័រអគ្គីសនីមួយឬ ពីរ។ ប៉ុន្តែក្រុមហ៊ុន Ford មិនទាន់បានបញ្ជាក់អំពីព័ត៌មាននេះឲ្យលម្អិតនៅឡើងទេ។

តួយ៉ាងសម្រាប់ ទិន្នផលថាមពលម៉ាស៊ីនសរុប ហើយរយៈពេលក្នុងការបើកបររថយន្តអគ្គសនីនេះក៏មិនទាន់លេចឮនៅឡើយទេ។ ប៉ុន្តែសម្រាប់ម៉ាស៊ីនស្តង់ដារប្រើប្រាស់ម៉ាស៊ីន ៤ស៊ីឡាំង មានចំណុះ ២,៣លីត្រ ជំនួយដោយប្រពន្ធ័ Turbochanged អាចផលិតកម្លាំងបាន ២៧០សេះនឹងមានកម្លាំងរមួល ៤២០ញ៉ូតុនម៉ែត្រ នៅក្នុងទីផ្សារប្រទេសអាមេរិក។

បន្ថែមពីនេះ ព័ត៌មានចេញដោយ CarBuzz ពីមុនបាននិយាយថារថយន្ត Ford Ranger អគ្គិសនីនេះ ត្រូវបានគេរំពឹងថាបង្កើនថាមពលដែលអាចផលិតកម្លាំងបាន ៣៦២សេះ និងកម្លាំងរមួល ៦៩១ញ៉ុតុនម៉ែត្រហើយតួលេខនេះមិនទាន់បញ្ជាក់នៅឡើយទេ។ម៉្យាងទៀតបើយើងត្រលប់ទៅមើលក្នុងខែមេសាឆ្នាំ២០២២វិញ លោកប្រធានវិស្វករសកលរបស់ក្រុមហ៊ុន Ford មានឈ្មោះ Ian Foston បាននិយាយថា Ford មានលទ្ធភាពក្នុងការផ្តល់ជូនរថយន្ត Ford Ranger អគ្គិសនី។ លោកបានបន្តទៀតថាម៉ាកយីហោ Blue Oval នឹងពិចារណាក្នុងការផលិតរថយន្ត Hybrid និង Ranger អគ្គសនីឡើង បើសិនជាមានការគាំទ្រក្នុងទីផ្សារច្រើន៕

ផ្ទាំងផ្សាយពាណិជ្ជកម្ម

ដឹងពេល Hyundai Palisade ជំនាន់ថ្មី បង្ហាញខ្លួនហើយ ដោយអាចទាំងនាំម៉ាស៊ីនកូនកាត់មកជាមួយទៀត

June 5, 2023

[របាយការណ៍] ក្រុមហ៊ុន Hyundai បានធ្វើការបញ្ចេញនូវរថយន្ត Palisade តាំងពីឆ្នាំ២០១៨ មកម្លេះ ក្នុងពិពណ៌រថយន្ត Los Angeles Auto Show និងបញ្ចេញនូវម៉ូឌែលកំណែប្រែថ្មី(Facelifted) នៅឆ្នាំ២០២២។ ជាក់ស្តែង បើយោងតាមការរាយការណ៍ថ្មីពី ETNews បានបង្ហាញថារថយន្តជំនាន់ទី២នឹងត្រូវបង្ហាញខ្លួននៅក្នុងខែ មករា ឆ្នាំ២០២៥ ដោយស្ថិតក្រោមវិស្វកម្ម ដែលមានកូដឈ្មោះ”LX3”។

ជាមួយការផលិតឡើងដោយប្រើប្រាស់នូវកូដ “LX3” ថ្មីនេះ គេជឿជាក់ថា រថយន្ត Palisade នឹងត្រូវផលិតឡើងនៅលើគ្រោងឆ្អឹងថ្មី ដែលនឹងផ្តល់អោយនូវប្រវែងនៃគម្លាតកង់វែងជាងម៉ូឌែលបច្ចុប្បន្ន ដែលមានប្រវែង ៤ ៩៩៥មីលីម៉ែត្រ ហើយបន្ថែមពីនេះ Hyudai ក៏នឹងអាចផ្តល់អោយនូវជម្រើសម៉ាស៊ីនប្រភេទកូនកាត់ ២,៥លីត្រ ផងដែរ។

ក្នុងនោះ ETNews ក៏បានលើកឡើងដែរថា Hyundai មានបំណងបោះបង់ចោលនូវម៉ាស៊ីន Natural Aspirated ៣,៨លីត្រ V6 ដោយចង់ផ្តោតនូវម៉ាស៊ីន Turbocharged ៣,៥លីត្រវិញ ដោយជួយអោយកាន់តែសន្សំសំចៃ និងថាមពលច្រើនជាងមុន ដែលអាចលើសពី ២៩១សេះ។

បន្ថែមពីនេះ បើយោងតាមប្រភពដដែលបានបន្ថែមថា Hyundai មានបំណងចង់ផ្តល់អោយ Palisade ជំនាន់ថ្មីនេះ នូវប្រព័ន្ធជំនួយការបើកបរដោយខ្លួនឯង Level 3 ផងដែរ៕

ផ្ទាំងផ្សាយពាណិជ្ជកម្ម

Bugatti ធ្វើតេស្តល្បឿន ៤០០ គីឡូម៉ែត្រក្នុងមួយម៉ោងរបស់ Chiron នៅសហរដ្ឋអាមេរិក (មានវីដេអូ)

June 3, 2023

[បរទេស] Bugatti បានរៀបចំកម្មវិធីបទពិសោធន៍ Bugatti 400 Drive នៅមជ្ឈមណ្ឌល Kennedy Space Center សហរដ្ឋអាមេរិក ដោយបានអញ្ចើញអតិថិជនរបស់ខ្លួនចំនួន ១៨ នាក់ ត្រូវបានបណ្តុះបណ្តាលជាមួយអ្នកជំនាញ Pilote Officiel ដើម្បីទទួលបាទពិសោធន៍អាចឈានដល់ល្បឿនលើសពី ៤០០ គីឡូម៉ែត្រក្នុងមួយម៉ោង។

ទន្ទឹមនឹងនេះ លោក Christophe Piochon ប្រធានក្រុមហ៊ុន Bugatti Automobiles បាននិយាយថា “កាលពីប៉ុន្មានឆ្នាំមុនការសម្រេចបាន ៤០០ គីឡូម៉ែត្រក្នុងមួយម៉ោងតម្រូវឲ្យមានការរៀបចំយ៉ាងប្រុងប្រយ័ត្នបំផុត។ ប៉ុន្តែបច្ចុប្បន្ន នៅក្នុងពិភពនៃរថយន្តស្ព័រទំនើប Bugatti ដែលត្រូវបានផលិតឡើងដោយវិស្វកម្ម និងរចនាយ៉ាងល្អិតល្អន់របស់យើង យើងបានបើកដំណើរការនេះដល់អតិថិជនរបស់យើងដោយសុវត្ថិភាពទាំងស្រុង និងអនុញ្ញាតឲ្យពួកគេនៅអ្វីមួយដែលមនុស្សតិចតួចបំផុតមិនធ្លាប់មាន ។

ដើម្បីឈានទៅដល់ល្បឿនរបស់ Chiron អ្នកបើកបរត្រូវប្រើប្រាស់ត្រូវភ្ជាប់ជាមួយ Top Speed Key នៅពេលនោះ រថយន្តនឹងបន្ទាបកំពស់ទៅដី និងកាង spoiler បើកឡើងដោយស្វ័យប្រវត្តិ ដើម្បីកាត់បន្ថយភាពធន់នៃខ្យល់ និងកាត់បន្ថយសម្ពាធលើប៉ុងសខាងមុខ ដោយផ្លាស់ប្តូរទីតាំងនៃស្លាបទាំងពីរនៅកង់ខាងមុខ។

គួរឲ្យដឹងថា ទោះបីជា Bugatti Chiron ប្រើពេលត្រឹមតែ ១១ វិនាទី អាចរត់បានចម្ងាយ ៣០០ គីឡូម៉ែត្រក្នុងមួយម៉ោង និងឈានឡើងដល់ ៤០២ គីឡូម៉ែត្រក្នុងមួយម៉ោង ប៉ុន្តែរថយន្តមានសមត្ថភាពលើសពីនេះទៀតផងដែរ ៕

ផ្ទាំងផ្សាយពាណិជ្ជកម្ម

ការជ្រើសរើសម៉ូតូ Scooter 150cc ដែលសាកសមបំផុតសម្រាប់អ្នក

June 3, 2023

ប្រសិនបើអ្នកកំពុងស្វែងរកម៉ូតូ Scooter ដែលមានកម្លាំង 150cc អ្នកប្រាកដជាចូលចិត្តជាមួយម៉ូតូដែលមានការរចនាយ៉ាងល្អ ស្ទាយប្លែកពីគេ គុណភាពល្អ និងតម្លៃសមរម្យ។ នេះជាឱកាសដ៏ល្អមួយប្រសិនបើលោកអ្នកចង់បានម៉ូតូថ្មីព្រោះ Peugeot Django & Vespa Primavera គីជាជម្រើសម៉ូតូ Scooter ដ៏ល្អបំផុតដែលអ្នកអាចពិចារណាបាន។

Peugeot Django គឺជាម៉ូតូ Scooter ថ្មីដែលទទួលបានជោគជ័យយ៉ាងខ្លាំងនៅក្នុងប្រទេសកម្ពុជាសម្រាប់ស្តុកដំបូងរបស់ខ្លួននៅក្នុងខែកុម្ភៈ ឆ្នាំ ២០២៣។ អរគុណចំពោះការរចនាក្នុងទំរង់ជាសិល្បះកេរ្តិ៍តំណែលរបស់ប្រទេសបារាំងដែលអនុញ្ញាតឱ្យ Peugeot Django ទទួលបានការគាំទ្រយ៉ាងឆាប់រហ័សនៅក្នុងប្រទេសកម្ពុជា។ ជាមួយនឹងស្តុកទីពីរនៅចុងខែឧសភា ម៉ូតូ Peugeot Django នឹងអាចបំពេញតម្រូវក្នុងការបញ្ជាទិញរបស់អតិថិជនជាមួយនឹងពណ៌យ៉ាងស្រស់ស្អាតទាំង ៦ ។ Peugeot មានវិធីក្នុងការបង្ហាញនិងការធ្វើផ្ទាល់ខ្លួន ភស្តុតាងត្រូវបង្ហាញរបស់ Django 150 បានបំផុសគំនិតដោយការឃើញមានការប្រើប្រាស់នៅលើដងវិថីនៃ ទីក្រុងប៉ារីសក្នុងទសវត្សរ៍ឆ្នាំ ១៩៥០ ។ ទោះបីជាមានការបំផុសគំនិតបែបអតីតកាលក៏ដោយ Peugeot Django នៅតែជាម៉ូតូដែលទំនើប តួខ្លួនជាប្រភេទផ្លាស្ទិចជ័រជំនួសដោយលោហៈងាយស្រួលថែរទាំ ជាម៉ាស៊ីនដែលដំណើរការដោយប្រព័ន្ធប៊ិចសាំងផងដែរ ប៉ុន្តែអ្វីដែលពិសេសបំផុតនោះគឺ រូបរាងស្បែកកែបដ៏ទាក់ទាញនិង ស្រស់ស្អាតធំទូលាយ។ ការរចនាមានលក្ខណៈប្លែកពីគេ Django មានរូបរាងស្ទាយបែប Classic នៃប្រទេសបារាំង ទាន់សម័យ។

និយាយពីម៉ាស៊ីន និងដំណើរការវិញ Peugeot Django ត្រូវបានបំពាក់ដោយមុខងារសុវត្ថិភាពដូចជា ហ្វ្រាំងឌីស ប្រព័ន្ធABS កម្រិតខ្ពស់ និងភ្លើង LED ដែលជួយធានាបាននូវការធ្វើដំណើរប្រកបដោយសុវត្ថិភាព ភ្លើងដឺមីខាងមុខនិង semi-digital dashboard ផ្ទាំងគ្រប់គ្រងពាក់កណ្តាលឌីជីថល, អាចចាក់សោសុវត្តិភាពបាន និងរន្ធដោត USB។ អ្នកក៏អាចស្វែងរក Django ជាមួយនឹងជម្រើសជាច្រើននៃពណ៌ដូចជា Adventure green, Deep ocean blue, Dragon red, Milky white, Matte black និង Racing green។ ម៉ូតូបង្ហាញពីរបៀបរស់នៅដែលលើសពីមធ្យោបាយធ្វើដំណើរ។

Vespa គឺជាប្រេនរបស់ប្រទេសអ៊ីតាលីទើបតែចេញម៉ូតូម៉ូឌែល Primavera 150cc ថ្មីរបស់ខ្លួនក្នុងខែមេសា ឆ្នាំ ២០២៣ ជាមួយនឹងតម្លៃប្រហាក់ប្រហែល ៤ ៣០០ ដុល្លារ (4,300$) ។ Vespa Primavera ជាម៉ូឌែលដ៏ល្បីច្រើនឆ្នាំមកហើយដែលបំពេញសេចក្តីត្រូវការសម្រាប់អ្នកចូលចិត្តម៉ូតូប្រភេទ Scooter The limited-edition Color Vibe របស់ Vespa នាំយកការរចនាបែបបុរាណទៅកម្រិតបន្ទាប់ជាមួយនឹងពណ៌មានភាពរស់រវើកនិង ភាពរំភើបញាប់ញ័ររបស់វា។

Vespa Primavera 150 ត្រូវបានបំពាក់ដោយម៉ាស៊ីន 150 cc ដែលបំពាក់ដោយប្រព័ន្ធអេឡិចត្រូនិចស្វ័យប្រវត្តិ និងតួខ្លួនបំពាក់ដោយលោហ មិនត្រឹមតែបង្កើនប្រសិទ្ធភាពការប្រើប្រាស់ប្រេងប៉ុណ្ណោះទេ ប៉ុន្តែថែមទាំងធ្វើឱ្យមានភាពខុសប្លែកយ៉ាងមានប្រសិទ្ធភាពនៅពេលនិយាយអំពីការកាត់បន្ថយការបំពុលពីផ្សែងឥន្ទនៈ។ Vespa Primavera មកជាមួយ I-get (Italian Green Experience Technology) ទំហំ ៤ ស៊ីឡាំង , 3-valve per cylinder, ប្រព័ន្ធប៊ិចសាំងនិង air-cooled. សម្រាប់កែបរបស់ Vespa ការរចនាជាមួយនឹងទំហំរាងតូចជាង បើធៀបទៅនឹង Peugeot Django 150cc ។ បើប្រៀបធៀបទៅនឹងតម្លៃ អ្នកអាចសន្សំបានជិត ១ ០០០ ដុល្លារ (1,000$) ប្រសិនបើការជ្រើសរើសម៉ូតូរបស់អ្នកនោះគឺ Peugeot Django 150 ។

ផ្ទាំងផ្សាយពាណិជ្ជកម្ម

KG Mobility Tivoli ទទួលបានការកែកុនថ្មី មានតម្លៃលក់ខ្ទង់ ១ មុឺនដុល្លារជាង នៅប្រទេសកំណើត

June 2, 2023

[ទីផ្សារបរទេស] ក្រុមហ៊ុនផលិត KG Mobility ដែលបានទិញយក និងបានប្តូរឈ្មោះពីក្រុមហ៊ុន SsangYong បានធ្វើការកែមុខមាត់ថ្មីទៅលើរថយន្ត Tivoli នឹងបានបន្ថែមម៉ូដែលចំនួន ២ គឺ Tivoli Air និង Tivoli XLV ជាមួយតម្លៃលក់ចាប់ពី ១៣ ៦៥២ ដុល្លារ នៅទីផ្សារប្រទេសកូរ៉េខាងត្បូង ។

SsangYong Tivoli មានតាំងពីឆ្នាំ ២០១៥ ហើយទទួលបានការកែមុខមាត់ថ្មីនៅក្នុងឆ្នាំ ២០១៩ ។ សម្រាប់ការកែមុខមាត់ថ្មីនៅក្នុងឆ្នាំ ២០២៣ មានភាពទូលំទូលាយជាងមុន ដែលផ្តល់ឲ្យរថយន្ត SUV ខ្នាតតូចនេះ ទទួលបានការរចនាឡើងវិញ រួមមានប៉ាណាមុខ ជាមួយអក្សរ Tivoli និងកាងបឹតខ្យល់ទំហំធំស្រោបដោយអាលុយមីញ៉ូម ថាសកង់ទំហំ ១៨ អ៉ីញរចនាថ្មី បន្ទះដែកការពារចំហៀង-ខាងក្រោយរចនាថ្មី និងឡូហ្កោ SsangYong ត្រូវបានដកចេញ ជំនួសមកចេញនៅឡូហ្គោ KG Mobility នៅផ្នែកខាងក្រោយ ។

ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថលទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ៩ អ៉ីញ ភ្ជាប់ដោយប្រព័ន្ធ Infoconn ។ លើសពីនេះ ក៏មានការរចនាថ្មីទៅលើប្រព័ន្ធម៉ាស៊ីនត្រជាក់ជាមួយ touch-sensitive កៅអីស្បែកថ្មីជាដើម។ សម្រាប់ ប្រព័ន្ធសុវត្ថិភាពរួមមានពោងសុវត្ថិភាពចំនួន ៧ ចំនុច និងប្រព៏ន្ធជំនួយការអ្នកបើកបរ ADAS ចំនួន ១៤ មុខងារ ។

ទាក់ទងនឹងផ្នែកម៉ាស៊ីន រថយន្តនេះ ដំណើរការដោយម៉ាស៊ីន ២ ជម្រើសរួមមាន៖

ម៉ាស៊ីន naturally-aspirated ចំណុះ ១,៦ លីត្រ អាចផលិតកម្លាំងបាន ១២៤ សេស និងកម្លាំងរមួល ១៥៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦ វគ្គ ប្រភេទបើកបរប៉ុង ១ និងប៉ុង ២
ម៉ាស៊ីនចំណុះ ១,៥ លីត្រ Turbocharged អាចផលិតកម្លាំងបាន ១៦១ សេស និងកម្លាំងរមួល ២៦០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦ វគ្គ ប្រភេទបើកបរប៉ុង ១ និងប៉ុង ២ ៕

ផ្ទាំងផ្សាយពាណិជ្ជកម្ម

Range Rover Sport SV ស៊េរីឆ្នាំ ២០២៤ ខ្ចីម៉ាស៊ីនកូនកាត់ពី BMW មានកម្លាំងរហូតដល់ទៅ ៦២៦ សេស

June 2, 2023

[បរទេស] ក្រុមហ៊ុនផលិតរថយន្ត Land Rover បានធ្វើការដាក់បង្ហាញចេញនៅរថយន្ត Range Rover Sport SV ស៊េរីឆ្នាំ ២០២៤ ប្រភេទកូនកាត់ mild-hybrid ប្រភេទ high-performance SUV ដោយជំនួសរថយន្ត Range Rover Sport SVR ដែលបានបញ្ចប់ការផលិត ។

រថយន្តនេះ បានដកម៉ាស៊ីនចំណុះ ៥,០ លីត្រ Supercharge V8 ដែលផលិតដោយក្រុមហ៊ុន Jaguar Land Rover ចេញ ជំនួសមកវិញនៅម៉ាស៊ីនកូនកាត់ mild-hybrid របស់ BMW ចំណុះ ៤,៤ លីត្រ twin-tubor អាចផលិតកម្លាំងបាន ៦២៦ សេស និងកម្លាំងរមួល ៨០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ ជាមួយរបៀបបើកបរ Dynamic Launch Mode អាចផលិតកម្លាំងបានដល់ ៧៥០ សេស អាចរត់ស្ទុះពីកុងទ័រ ០-១០០ គីឡូម៉ែត្រ ប្រើរយះពេល ៣,៦ វិនាទី និងមាន top speed ២៩០ គីឡូម៉ែត្រក្នុងមួយម៉ោង ។

រថយន្តនេះ បានបំពាក់នៅថាសកង់ធ្វើការពី Carbon fiber ទំហំ ២៣ អ៉ីញ អាចកាត់បន្ថាយទម្ងន់បាន ៣៦ គីឡូក្រាម និងមានជម្រើសបំពាក់ដុំហ្វ្រាំងធ្វើពី carbon ceramic អាចកាត់បន្ថយទម្ងន់ ៣៤ គីឡូក្រាម និងកម្របម៉ាស៊ីនធ្វើពីកាបូន អាចកាត់បន្ថយទម្ងន់បានដល់ ៧៦ គីឡូក្រាមផងដែរ ។ លើសពីនេះ ក៏បានធ្វើឲ្យប្រសើឡើងនៅប្រព័ន្ធជើងក្រោមជាមួយប្រព័ន្ធ new 6D Dynamics suspension system ថ្មីរបស់ Land Rover ដែលមានបំពាក់នៅប៉ូម air-spring និងប៉ូម hydraulically cross-linked damper ដែលអាចទម្លាក់-ទម្លាក់ឲ្យសមស្របតាមស្ថានភាពផ្លូវបានយ៉ាងល្អ ។

ចំពោះ នៅផ្នែកខាងក្នុង មានភាពស្រដៀងគ្នាទៅនឹងម៉ូដែល Sport ធម្មតាដែលបានបង្ហាញខ្លួនកាលពីឆ្នាំមុន មានបំពាក់កៅអីបែបស្ពរប្រភេទ BASS ដែលមានកម្មវិធីតាមដានសុខភាពដូចជាចង្វាក់បេះដូងជាដើមសម្រាប់នៅផ្នែកខាងមុខ ។ លើសពីនេះ កៅអីផ្នែកខាងមុខក៏បានបំពាក់ជាមួយប្រព័ន្ធបំពងសំឡេងពី SUBPAC ដែលធ្វើការរួមគ្នាជាមួយឧបករណ៍បំពងសំលេងម៉ាក Meridian Signature sound system ២៩ ចំនុច ដែលអាចឲ្យកៅអីមានចរនាតាមភ្លេងផងដែរ ។

គួរបញ្ជាក់ផងដែរថា សម្រាប់រថយន្ត Range Rover Sport SV ស៊េរីឆ្នាំ ២០២៤ ក្រុមហ៊ុនមិនទាន់បញ្ចេញតម្លៃលក់នៅឡើយទេ ប៉ុន្តែរំពឺងថាមានតម្លៃ ១៤០ ០០០ ដុល្លារ ។ ចំពោះ អ្នកចង់បានរថយន្តនេះ ទាល់តែជាអតិថិជន VIP របស់ក្រុមហ៊ុន Land Rover ៕

ផ្ទាំងផ្សាយពាណិជ្ជកម្ម

អីយ៉ាស់មកហើយ! ក្រុមហ៊ុន តូយ៉ូតា (ខេមបូឌា) បើកទទួលការកក់រថយន្ត Yaris Cross សម្រាប់ទីផ្សារកម្ពុជា ដោយតម្លៃខ្ទង់ ៣ម៉ឺនដុល្លារ

June 1, 2023

[ទីផ្សារក្នុងស្រុក] ក្តៅក្តៅ! យោងតាមទំព័រផ្លូវការក្រុមហ៊ុន តូយ៉ូតា (ខេមបូឌា) បានបង្ហាញថាក្រុមហ៊ុនតូយ៉ូតាកំពុងតែនាំយករថយន្ត Crossover មួយម៉ូឌែលទៀតមកកាន់ទីផ្សារកម្ពុជា ជាមួយការបើកទទួលការកក់ទុកមុននៃរថយន្ត All New Toyota Yaris Cross ឆ្នាំ២០២៤ សម្រាប់ទីផ្សារប្រទេសកម្ពុជា ជាមួយតម្លៃខ្ទង់ ៣ម៉ឺនដុល្លារ។

ទាក់ទងទៅនឹងរថយន្ត All New Toyota Yaris Cross កាលពីពេលកន្លងទៅនេះ ខេមបូអូតូ ក៏ធ្លាប់បានធ្វើការចេញផ្សាយនូវព័ត៌មាននៃរថយន្តនេះផងដែរ ដែលជារថយន្ត Crossover ម៉ូឌែលថ្មី ដែលទើបតែបង្ហាញខ្លួនដំបូងកាលពីថ្មីៗនេះនៅក្នុងប្រទេសឥណ្ឌូនេស៊ី ជាមួយការទទួលបាននូវការចាប់អារម្មណ៍យ៉ាងខ្លាំងផងដែរ។

រូបភាពនៃបង្ហាញខ្លួននៅទីផ្សារប្រទេសឥណ្ឌូនេស៊ី

ចំពោះលក្ខណ:បច្ចេកទេសមួយចំនួននៃរថយន្តនេះវិញគឺត្រូវបានផលិតឡើងដោយប្រើប្រាស់នៅគ្រោងឆ្អឹង DNGA platform ដែលមានប្រវែងសរុប ៤ ៣១០ មីលីម៉ែត្រ, ទទឹង ១ ៧៧០ មីលីម៉ែត្រ, កម្ពស់ ១ ៦១៥ មីលីម៉ែត្រ, ប្រវែងគម្លាតកង់មុខក្រោយ ២ ៦២០ មីលីម៉ែត្រ និងកម្ពស់ពីបាតដី ២១០ មីលីម៉ែត្រ។

ចំណែកឯម៉ាស៊ីន រថយន្ត The All-New Toyota Yaris Cross ត្រូវបានបំពាក់ដោយម៉ាស៊ីនសាំងចំណុះ ១,៥ លីត្រ ទំហំ ៤ ស៊ីឡាំង ប្រភេទ Dual VVT-I អាចផលិតកម្លាំងបាន ១០៥ សេះ និងកម្លាំងរមួល ១៣៨ ញ៉ូតុនម៉ែត្រ ភ្ជាប់ជាមួយប្រអប់លេខ CVT ៥វគ្គ។

ការរចនានៃរថយន្តថ្មីនេះគឺផ្តោតទៅលើភាពស៊ីវីល័យ និងទាន់សម័យ ជាមួយការបំពាក់នូវប៉ាណាមួយផ្ទាំងធំ អមដោយសំណុះចង្កៀង LED និងប្រើប្រាស់នូវថាសកង់ទំហំកង់ ១៨ អ៉ីញ។

សំរាប់ផ្នែកខាងក្នុងវិញមានការរចនាតាប្លូស្លីមស្រោបដោយស្បែកទន់ផ្តល់នូវលក្ខណះស្ព័រ និង ប្រណិតភាព បន្ថែមជាមួយភ្លើងលំអនៅលើដៃទ្វារក៏ដូចជាកុងសូល (Console) កណ្តាលដ៏ស្រស់ស្អាត, កុងទ័រឌីជីថលទំហំ ៧ អ៉ីញ និងអេក្រង់កំសាន្តទំហំ ១០,១ អ៉ីញ ដែលអាចប្រើប្រាស់នូវមុខងារ Apple Carplay & Android Auto ដោយមិនចាំបាច់ប្រើខ្សែរ។

យ៉ាងណាមិញសម្រាប់ព័ត៌មានបន្ថែម បងប្អូនអាចទំនាក់ទំនងសាកសួរក្រុមហ៊ុនដោយផ្ទាល់បានតាមរយៈទំព័រ Facebook: Toyota Cambodia និងទីស្នាក់ការលក់គ្រប់សាខារបស់តូយ៉ូតាផងដែរ។

ក្នុងនោះ បើក្រឡេកមើលរថយន្តដែលកំពុងទទួលបាននូវការចាប់អារម្មណ៍មួយនេះកំពុងត្រៀមមកកាន់ទីផ្សារកម្ពុជា យើងឃើញថាក៏មានម៉ូឌែលមួយម៉ូឌែលទៀតផងដែរ គឺរថយន្ត Toyota Agya ដែលជារថយន្តប្រភេទ A-Hatchback ដែលទទួលបាននូវការគាំទ្រខ្លាំងផងដែរនៅលើទីផ្សារប្រទេសឥណ្ឌូនេស៊ីផងដែរ ដូច្នេះតើអាចដែរទេថារថយន្តមួយម៉ូឌែលនេះក៏នឹងមានវត្តមាននៅកម្ពុជាក្នុងពេលឆាប់ៗដូចគ្នាដែរ៕

ផ្ទាំងផ្សាយពាណិជ្ជកម្ម

ភីកអាប់ Chevrolet Colorado ZR2 Bison ស៊េរីឆ្នាំ ២០២៤ សមត្ថិភាពខ្លាំងមិនគួរឲ្យជឿ

June 1, 2023

[បរទេស] ក្រុមហ៊ុនផលិតរថយន្ត Chevrolet បានធ្វើការដាក់បង្ហាញចេញនៅភីកអាប់ខ្នាតកណ្តាល Chevrolet Colorado ZR2 Bison ដែលផ្តោតលើផ្លូវលំបាកៗ ឬ Off-Road ជាមួយសមត្ថិភាពខ្លាំងជាងភីកអាប់ខ្នាតដូចគ្នា ដែលមានមូលដ្ឋាននៅលើភីកអាប់ Chevrolet Colorado ZR2 គ្រោងនឹងធ្វើការចេញលក់នៅចុងឆ្នាំ ២០២៣ នេះ ។

ភីកអាប់នេះ ត្រូវបានផលិតដោយផ្អែកនៅលើគ្រោងឆ្អឹងដូចទៅនឹងភីកអាប់ ZR2 មានកម្ពស់ពីបាត ៣១០ មម ហើយទទួលបានកញ្ចប់គ្រឿងបន្លាស់ពីក្រុមហ៊ុន American Expedition Vehicles ដែលជាអ្នកជំនាញខាងផ្នែក Off-Road ផ្តល់ឲ្យភីកអាប់កាន់តែមានសមត្ថិភាពខ្លាំងជាងមុនដែលមានដូចជា ថាសកង់ទំហំ ១៧ អ៉ីញ ស្រោបដោយសំបកក្រាស់ទំហំ ៣៥ អ៉ីញប្រភេទ Off-Road និងកង់សាគួរចំនួន១ ក៏ដូចជាកាងការពារមុខ-ក្រោយដ័រឹងមាំ, របាំងការពារភុក និងបន្ធះដែកការពារបាតក្រោមជំនួន ៥ ទីតាំង។

លើសពីនេះ ក៏បានធ្វើឲ្យប្រសើរឡើងនៅប្រព័ន្ធទប់លំនឹងជើងក្រោម ដោយមានបំពាក់ប៉ូម Multimatic jounce control dampers, Shock absorber Multimatic DSSV និងប្រព័ន្ធចាក់សោរប៉ុងមុខ-ក្រោយអគ្គិសនី ធ្វើឲ្យការបើកបរគ្រប់ស្ថានភាពផ្លូវកាន់តែរលូត ។

ចំពោះនៅផ្នែកខាងក្នុងវិញ មើលទៅស្ទើរតែដូចគ្នាទៅនឹង ZR2 ធម្មតា ដោយភាពខុសគ្នាគឺបពាក់កៅអីស្បែកដែលមានឡូហ្គោ AEV ។ ភីកអាប់ទាំងពីរមានបំពាក់កុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំ ១១,៣ អ៉ីញ ភ្ជាប់មុខងារ Apple CarPlay និង Android Auto ។

ទាក់ទងនឹងផ្នែកម៉ាស៊ីនវិញ ភីកអាប់នេះ ទទួលបានម៉ាស៊ីនដូចគ្នាទៅនឹងភីកអាប់ ZR2 ពោលគឺម៉ាស៊ីនចំណុះ ២,៧ លីត្រ Turbocharged អាចផលិតកម្លាំងបាន ៣១០ សេស និងកម្លាំងរមួល ៥៨៣ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ ប្រភេទបើកបរប៉ុង២ ជាមួយរបៀបបើកបរចំនួន ៥ គឺ Normal. Tow/Haul, Off-Road, Terrain និង Baja នឹងមានសមតិ្ថភាពអូសសណ្តោង ២៤៩៤ គីឡូក្រាម ។

ផ្ទាំងផ្សាយពាណិជ្ជកម្ម

ទាំងនេះជាក្រុមហ៊ុនរថយន្តផ្លូវការកំពុងមានប្រូម៉ូសិនពិសេសយ៉ាងសន្ធឹកសន្ធាប់នៅកម្ពុជា

June 1, 2023

[ទីផ្សារក្នុងស្រុក] សម្រាប់បងប្អូនដែលកំពុងពិចារណាក្នុងការទិញរថយន្តថ្មីយកទៅប្រើប្រាស់ នេះជាឪកាសពិសេស ជាមួយការឈានចូលដល់ពាក់កណ្តាលនៃឆ្នាំ ២០២៣ ក្នុងនោះក្រុមហ៊ុននាំចូលរថយន្តផ្លូវការជាច្រើនបានធ្វើការបញ្ចុះតម្លៃ ក៏ដូចជាប្រូម៉ូសិនពិសេសយ៉ាងសន្ធឹកសន្ធាប់ ។ ខាងក្រោមនេះជាក្រុមហ៊ុនកំពុងធ្វើការបញ្ចុះតម្លៃ ៖

Kia Cambodia មានការបញ្ជុះតម្លៃទៅលើរថយន្តរបស់ខ្លួនចំនួន ៤ម៉ូឌែលដោយក្នុងមាន៖

Kia picato ដែលតម្លៃពេញ ២២ ៩៩៩ ដុល្លារ ចុះមកនៅ ១៩ ៥០០ ដុល្លារ
Kia Sonet ដែលតម្លៃពេញ ៣៨ ៩៩៩ ដុល្លារ ចុះមកនៅ ៣២ ៩០០ ដុល្លារ
Kia Seltos ដែលតម្លៃពេញ ៤៥ ៩៩៩ ដុល្លារ ចុះមកនៅ ៣៧ ៩០០ ដុល្លារ
Kia Sorento ដែលតម្លៃពេញ ៧៧ ៩៩៩ ដុល្លារ ចុះមកនៅ ៦៧ ៩០០ ដុល្លារ

Toyota Cambodia ដោយក្នុងដើម្បីអបអរសាទរដល់ខួប ៣០ឆ្នាំ Toyota បានផ្តល់ជូនពិសេសសម្រាប់អតិថិជនរបស់ខ្លួន និងការថែមជូនខ្សែកមានដែលអាចមានទម្ងន់ ៥ជី រហូតទៅដល់ ១តម្លឹង និងប័ណ្ណចាក់សាំងស្មើនឹងតម្លៃរហូតដល់ ៥៥៥ ដុល្លារ នៅពេលដែលបងប្អូនទិញរថយន្ត៖

TOYOTA HILUX REVO RALLY
TOYOTA HILUX PREMIUM PLUS
TOYOTA HILUX V-EDITION
TOYOTA COROLLA CROSS
TOYOTA FORTUNER
TOYOTA FORTUNER LEGENDER
TOYOTA RUSH
TOYOTA RUSH TA
TOYOTA RUSH GR

ចំណែកការទិញរថយន្ត Toyota Raize នឹងទទួលបាននៅកាតចាក់សាំងចំនួន ៣៣៣ ដុល្លារ ។

Ford Cambodia គឺផ្តល់ជូននៅការបញ្ជុះតម្លៃទៅលើរថយន្ត៖

Ford Ranger Wildtrak ស៊េរីឆ្នាំ ២០២៣ តម្លៃពេញ ៥៨ ៥០០ ដុល្លារ ចុះនៅសល់ ៥៥ ៩០០ ដុល្លារ ។
Ford Everest ស៊េរីឆ្នាំ ២០២៣ តម្លៃពេញ ៧៩ ៩០០ ដុល្លារ ចុះនៅសល់ ៧៥ ៩០០ ដុល្លារ ។

MG Cambodia ជាមួយការផ្តល់ជូនពិសេសទៅលើម៉ូឌែល៖

MG GT ចុះតម្លៃនៅត្រឹម ៣២ ៩៩៩ ដុល្លារ សម្រាប់ចំនួន ១២គ្រឿង
MG RX8 GT ចុះតម្លៃនៅត្រឹម ៥០ ៩៩៩ ដុល្លារ សម្រាប់ចំនួន ៣គ្រឿង
MG HS ចុះតម្លៃនៅត្រឹម ៣៥ ៩៩៩ ដុល្លារ សម្រាប់ចំនួន ១៨គ្រឿង
MG6 ចុះតម្លៃនៅត្រឹម ២៨ ៩៩៩ ដុល្លារ សម្រាប់ចំនួន ១៥គ្រឿង
MG ZS ចុះតម្លៃនៅត្រឹម ២៨ ៩៩៩ ដុល្លារ សម្រាប់ចំនួន ២៥គ្រឿង
ម៉ូឌែលអគ្គិសនី MG Marvel R គឺមានការថែមជូននាឡិការដៃម៉ាក Mont Blanc ។

Mitsubishi Motor Cambodia បានធ្វើការបញ្ចុះតម្លៃទៅលើម៉ូដែល ៖

Mitsubishi Triton GLS 2023 តម្លៃពេញ ៤០ ៩០០ ដុល្លារ ចុះនៅសល់ ៣៦ ៥០០ ដុល្លារ ។
Mitsubishi Triton GLS Plus 2023 តម្លៃពេញ ៤៤ ៥០០ ដុល្លារ ចុះនៅសល់ ៤១ ៥០០ ដុល្លារ ។

Mazda Cambodia បានធ្វើការបញ្ចុះតម្លៃទៅលើម៉ូដែល ៖

Mazda CX-3 ស៊េរថ្មីចុងក្រោយ តម្លៃពេញ ៣៥ ៩០០ ដុល្លារ ចុះនៅសល់ ២៩៩០០ ដុល្លារ ។
Mazda CX-60 ស៊េរថ្មីចុងក្រោយ តម្លៃពេញ ៦៩ ៩០០ ដុល្លារ ចុះនៅសល់ ៦៥ ០០០ ដុល្លារ ។
Mazda BT-50 Kensho តម្លៃពេញ ៤៨ ៩០០ ដុល្លារ ចុះនៅសល់ ៤២ ០០០ ដុល្លារ ។
Mazda BT-50 Thunder Pro តម្លៃពេញ ៥១ ៩០០ ដុល្លារ ចុះនៅសល់ ៤២ ០០០ ដុល្លារ ។

Hyundai Cambodia បានធ្វើការបញ្ចុះតម្លៃទៅលើម៉ូដែល ៖

Hyundai Santa Fe 2023 SUV 7 seat តម្លៃពេញ ៦១ ៥០០ ដុល្លារ ចុះនៅសល់ ៥៨ ៥០០ ដុល្លារ ។
Hyundai Venue 2023 SUV 5 seat តម្លៃពេញ ៣០ ០០០ ដុល្លារ ចុះនៅសល់ ២៧ ៥០០ ដុល្លារ ។
Hyundai Palisade Premium SUV 7 seat តម្លៃពេញ ៨២ ៩០០ ដុល្លារ ចុះនៅសល់ ៧៩ ៩០០ ដុល្លារ ។
Hyundai Tucson 2023 តម្លៃពេញ ៥២ ០០០ ដុល្លារ ចុះនៅសល់ ៤៧ ៥០០ ដុល្លារ ។

Ssangyong Cambodia បានធ្វើការប្រមូសិនពិសេសសម្រាប់ Midyear sale promotion ទៅលើរថយន្ត

SsangYong Torres ស៊េរីថ្មីចុងក្រោយ តម្លៃពេញ ៤៤ ៩០០ ដុល្លារ ចុះនៅសល់ ៤៣ ៩០០ ដុល្លារ ។
SsangYong Tivoli 2023 តម្លៃពេញ ៣៣ ៩០០ ដុល្លារ ចុះនៅសល់ ២៩ ៩០០ ដុល្លារ ។

Geely Cambodia បានធ្វើការបញ្ចុះតម្លៃទៅលើម៉ូដែល៖

Geely GX3 PRO ស៊េរីថ្មីចុងក្រោយ តម្លៃពេញ ២២ ៩០០ ដុល្លារ ចុះនៅសល់ ២១ ៩០០ ដុល្លារ ។
Geely Okavango ស៊េរីថ្មីចុងក្រោយ តម្លៃពេញ ៤៦ ៩០០ ដុល្លារ ចុះនៅសល់ ៤៣ ៩០០ ដុល្លារ ។
Geely Coolray GF+ ស៊េរីថ្មីចុងក្រោយ តម្លៃពេញ ៣៣ ០០០ ដុល្លារ ចុះនៅសល់ ៣២ ០០០ ដុល្លារ ។
Geely Coolray GC ស៊េរីថ្មីចុងក្រោយ តម្លៃពេញ ៣០ ៥០០ ដុល្លារ ចុះនៅសល់ ២៨ ០០០ ដុល្លារ ។

Changan Cambodia បានធ្វើការប្រមូសិនពិសេសសម្រាប់រថយន្ត៖

Changan CS75 Plus គឺនឹងទទួលបានការថែមម៉ូតូ Honda Dream សេរ៊ីឆ្នាំ២០២៣ ភ្លាមៗ
Changan CS55 Plus គឺនឹងទទួលបាននូវការបញ្ជុះតម្លៃនៅសល់ត្រឹម ៣៦ ៩០០ ដុល្លារ

GAC Motor Cambodia បានធ្វើការបញ្ចុះតម្លៃទៅលើម៉ូដែល ៖

GAC GS8 ស៊េរីឆ្នាំ ២០២៣ តម្លៃពេញ ៦២ ៥០០ ដុល្លារ ចុះនៅសល់ ៥៩ ៩៩៩ ដុល្លារ ។
GAC GS5 ស៊េរីឆ្នាំ ២០២៣ តម្លៃពេញ ៤២ ៥០០ ដុល្លារ ចុះនៅសល់ ៣៨ ៩៩៩ ដុល្លារ ។

Ram Trunk Cambodia បានធ្វើការបញ្ចុះតម្លៃទៅលើម៉ូដែល ៖

RAM 1500 Rebel Crew Cab តម្លៃពេញ ៩៩ ៩០០ ដុល្លារ ចុះនៅសល់ ៧៧ ០០០ ដុល្លារ ។
RAM 1500 Limited Longhorn Crew Cab តម្លៃពេញ ១២០ ០០០ ដុល្លារ ចុះនៅសល់ ៨៨ ០០០ ដុល្លារ ។
RAM 1500 TRX Crew Cab តម្លៃពេញ ១៨០ ០០០ ដុល្លារ ចុះនៅសល់ ១៥០ ០០០ ដុល្លារ ។
RAM 1500 TRX Sandblast Edition តម្លៃពេញ ១៩៩ ៩០០ ដុល្លារ ចុះនៅសល់ ១៧០ ០០០ ដុល្លារ ។

Jaguar Land Rover Cambodia

Land Rover Defender 130 S ស៊េរីឆ្នាំ ២០២៣ តម្លៃពេញ ២៥០ ០០០ ដុល្លារ ចុះនៅសល់ ២៣០ ០០០ ដុល្លារ ។

Isuzu Cambodia សម្រាប់ការទិញរថយន្តម៉ូឌែលណាមួយរបស់ ISUZU នឹងទទួលបាននៅកញ្ចប់ពិសេសភ្លាមៗដូចជា: កញ្ចប់ទឹកប្រាក់បងពន្ធផ្លូវរហូតដល់ទៅ ៥ ឆ្នាំ, កាំមេរ៉ា Record មុខ ក្រោយមួយឆុត, ស្ទីកគ័របិតកញ្ចក់ការពារកំដៅមួយជុំរថយន្ត, ស្លាកលេខវែង ។

Subaru Cambodia ដោយនៅពេលទិញរថយន្ត Subaru Forester ស៊េរីឆ្នាំ ២០២៣ និងទទួលបានប្រូម៉ូសិនពិសេស ថែមជូន ៥ មុខ ក្នុងកញ្ចប់តែមួយសម្រាប់ខែ មិថុនា ២០២៣ ផ្តល់ជូនការធានា ៥ ឆ្នាំ និងសេវាថែទាំរយៈពេល ៥ ឆ្នាំដោយឥតគិតថ្លៃ រួមទាំងអត្ថប្រយោជន៍ជាច្រើនទៀតដូចខាងក្រោម៖

ថែម កម្រាលជើង ដោយឥតគិតថ្លៃ
ថែម ផ្លាកលេខវែង
ថែម ស្ទីគ័រការពារកំដៅថ្ងៃ និងការពារឆ្គូត
ធានាការរ៉ាប់រង ៥ ឆ្នាំ ឬ ១០០ ០០០ គីឡូម៉ែត្រ
ថែមជូនសេវាប្តូរប្រេងម៉ាស៊ីន និងតម្រង់ប្រេង ៥ ឆ្នាំ ឬ ១០ ដង ព្រមទាំងមានការត្រួតពិនិត្យលក្ខណៈពិសេស ប្រព័ន្ធសុវត្ថិភាព ១០០ មុខងារថែមទៀតផង។

គួរបញ្ជាក់ផងដែរ ក្រៅពីការបញ្ចុះតម្លៃហើយ ក្រុមហ៊ុនក៏មានការផ្តល់ជូនសេវាកម្មផ្សេងៗទៀតផងដែរ ។ លើសពីនេះ ក៏មានក្រុមហ៊ុននាំចូលរថយន្តផ្លូវការជាច្រើនទៀតកំពុងធ្វើការ Promotion ពិសេសជាច្រើនទៀតដែរ ។ ដូច្នេះសម្រាប់ព័ត៌មានផ្សេងៗអំពីការផ្តល់ជូនពិសេសនេះ បងប្អូនអាចទំនាក់ទំនងទៅកាន់ក្រុមហ៊ុនផ្លូវការ៕

ផ្ទាំងផ្សាយពាណិជ្ជកម្ម