Suzuki ប្រកាសចេញលក់នូវម៉ូតូ Saluto 125 ជាផ្លុវការ តម្លៃខ្ទង់ ២ ពាន់ដុល្លារ នៅលើទីផ្សារតៃវ៉ាន់

May 18, 2022

[ទីផ្សារបរទេស] ថ្មីៗនេះក្រុមហ៊ុន Suzuki បានដាក់លក់ម៉ូដែលម៉ូតូ Saluto 125 ស៊េរឆ្នាំ ២០២២ ប្រភេទ Scooter ជាមួយរូបរាងស្អាត សន្សំសំចៃសាំង និងកាន់តែទំនើបជាមួយគ្រឿងបំពាក់ នៅលើទីផ្សារតៃវ៉ាន់ ។

ម៉ូតូ Saluto 125 ត្រូវបានរចនាទ្បើងដោយជនជាតិអ៊ីតាលី Massimo Tartarini ដែលបានបំពាក់នូវចង្កៀងមុខ-ក្រោយ LED, សោរតេលេសុវត្ថិភាព,រន្ធ USB 5V 2A និងកុងទ័រឌីជីថល LCD ។

ដោយទ្បែកចំពោះកម្លាំងម៉ាស៊ីនរបស់ម៉ូតូ Saluto 125 ប្រើប្រាស់ម៉ាស៊ីនទំហំ ១ស៊ីទ្បាំង ជាមួយប្រព័ន្ធស្អំប្រេង Air-cooled ចំណុះ ១២៤ សេសេ ផលិតកម្លាំង ៩សេះ និងកម្លាំងរមួល ១០ ញ៉ូតុនម៉ែត្រ ដោយការចាក់សាំង ១ លីត្រ អាចជិះបានចម្ងាយ ៦២,២១ គីទ្បូម៉ែត្រ។ ខណៈដែលធុងសាំងអាចផ្ទុកបានចំណុះរហូតដល់ ៥,៥ លីត្រ។

យ៉ាងណាមិញចំពោះម៉ូតូ Suzuki Saluto 125 ស៊េរីឆ្នាំ ២០២២ មានតម្លៃចាប់ពី ២ ៨១០ ដុល្លារសហរដ្ឋអាមេរិក៕

ផ្ទាំងផ្សាយពាណិជ្ជកម្ម

លេចធ្លាយរូបភាពដំបូងរបស់រថយន្តភីកអាប់អគ្គិសនី Ford F-150 Lightning កំពុងធ្វើការដឹងជញ្ចូនទៅកាន់អ្នកចែកចាយនៅក្នុងសហរដ្ឋអាមេរិច

May 18, 2022

[បរទេស] កាលពីពេលថ្មីៗនេះ កន្លងទៅ រូបភាពដឹកជញ្ជូនដំបូងបង្អស់របស់រថយន្តភីកអាប់អគ្គិសនី Ford F-150 Lightning ត្រូវបានលេចធ្លាយ ដែលជារូបភាពលើកដំបូងនៃរថយន្តកំពុងធ្វើការដឹងជញ្ចូនទៅកាន់អ្នកចែកចាយនៅក្នុងសហរដ្ឋអាមេរិច។

គួរឲ្យដឹងថា ចាប់តាំងពីក្រុមហ៊ុន Ford បានដាក់បង្ហាញ F-150 Lightning ក្នុងខែឧសភា ឆ្នាំ ២០២១ មនុស្សបានរង់ចាំការចែកចាយ ហើយការផលិតជាផ្លូវការបានចាប់ផ្តើមកាលពីចុងខែមុន។ ដោយបច្ចុប្បន្ន F-150 Lightnings កំពុងធ្វើការដឹកជញ្ជូនទៅកាន់អ្នកចែកចាយពីមជ្ឈមណ្ឌលរថយន្ត Rouge Electric Vehicle (REVC) នៅ Dearborn រដ្ឋ Michigan ។

ទន្ទឹមនឹងនេះ លោក Jim Farley នាយកប្រតិបត្តិនៃក្រុមហ៊ុន Ford Motor បានធ្វើឲ្យការរង់ចាំក្លាយជាការពិត ពួកគេបានបង្ហាញវីដេអូអំពីការដឹកជញ្ជូនរថយន្តភីកអាប់អគ្គិសនីនៅលើរថយន្តដឹកជញ្ចូន ដែលធ្វើដំណើរទៅកាន់អាគារតាំងបង្ហាញ ដើម្បីឲ្យអតិថិជនទទួលបានបទពិសោធន៍ជាក់ស្តែង ហើយក៏ជាការដឹកជញ្ជូនលើកដំបូងដល់អតិថិជនផងដែរ។

ក្នុងនោះ ក្រុមហ៊ុនផលិតរថយន្ត Ford ត្រូវចំណាយពេលមួយឆ្នាំ រហូតដល់ការចែកចាយដំបូងដល់អតិថិជន។ ដែលជាពេលវេលាលឿនមួយសម្រាប់ការផ្លាស់ប្តូរខ្សែសង្វាក់ផលិតកម្មរថយន្តអគ្គិសនី ជាពិសេសរថយន្តអគ្គិសនីនៅក្នុងលក្ខខណ្ឌសេដ្ឋកិច្ចដ៏លំបាក ការរំខានដល់ខ្សែសង្វាក់ផ្គត់ផ្គង់ កង្វះខាតនបន្ទះឈីប និងតម្លៃនៃគ្រឿងបរិក្ខាខ្ពស់។

គួរបញ្ជាក់ផងដែរថា រថយន្តភីកអាប់អគ្គិសនី Ford F-150 Lightning ស៊េរីឆ្នាំ ២០២២ នៅសហរដ្ឋអាមេរិក បានបិទការបញ្ជាទិញ ជាមួយនឹងការទទួលបានការកក់រថយន្តទុកមុនច្រើនជាង ២០០ ០០០ គ្រឿង។

សម្រាប់រថយន្តភីកអាប់អគ្គិសនី Ford F-150 Lightning ភ្ជាប់មកជាមួយថាមពលដ៏ខ្លាំង និងមាន ៤ ម៉ូដែលសម្រាប់ជ្រើសរើសរួមមាន Pro trim, XLT, Lariat, Platinum ជាមួយនឹងតម្លៃចន្លោះពី ៤១ ៧៦៩ ដុល្លារ ដល់ ៩២ ៦៦៩ ដុល្លារ៕

ផ្ទាំងផ្សាយពាណិជ្ជកម្ម

ត្រៀមលុយ! Cadillac នឹងបើកឲ្យបញ្ជាទិញឡាន SUV អគ្គិសនីថ្មី ក្នុងតម្លៃចាប់ពី ៦២ ៩៩០ដុល្លារ

May 17, 2022

ក្រុមហ៊ុន Cadillac បានប្រកាសថា រថយន្តអគ្គិសនី Cadillac Lyriq ឆ្នាំ២០២៣ របស់ខ្លួន នឹងមានតម្លៃចាប់ពី ៦២ ៩៩០ដុល្លារ នៅពេលបើកឲ្យបញ្ជាទិញ នៅថ្ងៃទី១៩ ខែឧសភា ឆ្នាំ២០២២ ខាងមុខនេះតែម្តង។

រថយន្ត Cadillac Lyriq ឆ្នាំ២០២៣ មានបំពាក់កញ្ចប់អាគុយអគ្គិសនីទំហំ ១០០គីឡូវ៉ាត់ម៉ោង ក៏ដូចជា ម៉ូទ័រអគ្គិសនី មានកម្លាំង ៣៤០សេះ និងកម្លាំងរមួល ៤៤០ញ៉ូតុនម៉ែត្រ ដែលអនុញ្ញាតឲ្យវាអាចរត់បានចម្ងាយ ៥០២គីឡូម៉ែត្រក្នុងមួយម៉ោង នៅពេលសាកភ្លើងពេញម្តង។

ខណៈពេលដែល Lyriq ចេញលក់ដំបូងជាប្រភេទប៉ុងមួយ វាក៏នឹងមានជម្រើសប៉ុងពីរដែរ នៅដើមឆ្នាំ២០២៣ ជាមួយនឹងតម្លៃចាប់ពី ៦៤ ៩៩០ដុល្លារ ហើយក្រុមហ៊ុន Cadillac នឹងបញ្ចេញព័ត៌មានលម្អិត នៅពេលជិតចេញលក់តែម្តង។

ទោះបីជាយ៉ាងណាក៏ដោយ បើយោងតាមប្រភពព័ត៌មានបានឲ្យដឹងថា Cadillac Lyriq ឆ្នាំ២០២៣ ប្រភេទប៉ុងពីរ នឹងប្រើម៉ូទ័រអគ្គិសនីចំនួន ២ ហើយមានកម្លាំងសរុប ៥០០សេះ៕

ផ្ទាំងផ្សាយពាណិជ្ជកម្ម

ឡានចិន BAIC BJ60 រូបរាងដូច Jeep និង Land Cruiser បង្កាត់ចូលគ្នា

May 17, 2022

ក្រុមហ៊ុនផលិតរថយន្តចិន BAIC ទើបតែបានប្រកាសចេញរថយន្តម៉ូដែល BJ60 ថ្មីរបស់ខ្លួនជាផ្លូវការ ជាប្រភេទ SUV ប្រើម៉ាស៊ីន Hybrid។ ប៉ុន្តែអ្វីដែលគួរឲ្យចាប់អារម្មណ៍បំផុតនោះគឺ រូបរាងរបស់វាស្រដៀងទៅនឹងរថយន្ត Jeep កាត់ Land Cruiser ទៅវិញ។

រថយន្ត BAIC BJ60 មានប្រវែងខ្លួន ៥,០២ម៉ែត្រ ទទឹង ១,៩២ម៉ែត្រ និង កម្ពស់ ១,៩៥ម៉ែត្រ ហើយមានប្រវែងពីកង់មុខទៅកង់ក្រោយ ២,៨២ម៉ែត្រ។ បើប្រៀបធៀបទៅ វាមានប្រវែងវែងជាង Toyota Land Cruiser Series 300 បន្តិច។

ក្រៅពីមានមុខមាត់ដូច Jeep និង តួខ្លួនដូច Toyota Land Cruiser រថយន្ត BAIC BJ60 ក៏មានស្តុបក្រោយដូចទៅនឹង Ford Explorer ទៀតផង។

រថយន្ត SUV កៅអី ៣ជួរខាងលើ មានបំពាក់កុងទ័រប្រភេទឌីជីថល និងអេក្រង់កម្សាន្តទំហំ ១២អ៊ីញ ថែមទាំងមានកុងទ័របាញ់លើកញ្ចក់, ប្រព័ន្ធសំឡេង premium audio system, ប្រព័ន្ធភ្លើងក្នុងកាប៊ីន ambient lighting, មុខងារកម្តៅកៅអី និង ដំបូល panoramic roof ផងដែរ។

ទោះបីជាយ៉ាងណាក៏ដោយ ក្រុមហ៊ុន BAIC មិនទាន់បានលម្អិតអំពីម៉ាស៊ីនលើ BJ60 ក៏ដូចជាតម្លៃរបស់វានៅឡើយទេ ដូច្នេះយើងមានតែរង់ចាំមើលតទៅទៀតប៉ុណ្ណោះ៕

ផ្ទាំងផ្សាយពាណិជ្ជកម្ម

Lexus ប្ដេជ្ញាថាមិនបោះចោលឡាន Sedan និងឡាន Coupe

May 17, 2022

[ទីផ្សារបរទេស] មានក្រុមហ៊ុនរថយន្តជាច្រើនបានបោះបង់រថយន្តប្រភេទ Sedan និង Coupe ប៉ុន្តែអនាគតរថយន្តអគ្គិសនីរបស់ Lexus នឹងមានចម្រុះដោយរថយន្តច្រើនប្រភេទ បន្ថែមពីលើរថយន្តតួខ្ពស់ប្រភេទ SUV។

លោក Spiros Fotinos អ្នកចាត់ការប្រចាំក្រុមហ៊ុន Lexus Europe បាននិយាយថាក្រុមហ៊ុននឹងមិនបោះបង់រថយន្តប្រភេទណាមួយចេញពីសែស្រឡាយរថយន្តអនាគតនោះឡើយ។ នេះបើផ្អែកតាមការលើកឡើងរបស់លោកក្នុងកិច្ចសម្ភាសន៍ជាមួយ Autocar។

រថយន្តអគ្គិសនីដំបូងរបស់ Lexus គឺរថយន្តអគ្គិសនីនៃម៉ូដែល UX និងក្រោយមកមានជារថយន្ត RZ 450e ជាម៉ូដែលថ្មីទាំងស្រុងដែលផលិតផ្អែកលើគ្រោងឆ្អឹង e-TNGA របស់ Toyota។ ត្បិតថារថយន្តទាំងពីរសុទ្ធតែជាប្រភេទ SUV ប៉ុន្តែរថយន្តអគ្គិសនីអនាគត នឹងមានច្រើនជម្រើស មិនមានតែប្រភេទដែលពេញនិយមនោះទេ។

លោក Spiros ក៏បានរំលឹកដល់រថយន្ត concept ច្រើនប្រភេទដែលក្រុមហ៊ុនបានបង្ហាញចេញកាលពីខែធ្នូ ឆ្នាំ២០២១ ដែលជាការបង្ហាញអំពីប្រភេទរថយន្តអគ្គិសនីអនាគតរបស់ក្រុមហ៊ុន។ ក្នុងនោះមានតាំងពីរថយន្តតួទាប រថយន្តតួខ្ពស់ រថយន្តតួទាបបើកដំបូល រថយន្តស្ព័រ និងមានជារថយន្ត SUV ខ្នាតធំមួយផងដែរ។

គួរដឹងថា Lexus មានផែនការចង់ក្លាយជាម៉ាករថយន្តអគ្គិសនីសុទ្ធនៅអឺរ៉ុប នៅអាមេរិកខាងជើង និងនៅប្រទេសចិន ដែលចង់សម្រេចឲ្យបានត្រឹមឆ្នាំ២០៣០ ហើយនៅឆ្នាំ២០៣៥ ចង់សម្រេចផែនការនេះជាលក្ខណៈសកលលោកតែម្ដង៕

ផ្ទាំងផ្សាយពាណិជ្ជកម្ម

Lamborghini Urus ប្រភេទមិនប្រើសាំង ជារឿងមិនអាចជៀសផុត

May 17, 2022

[ទីផ្សារបរទេស] Lamborghini Urus ជារថយន្តមួយស្ថិតក្នុងចំណោមរថយន្ត SUV ប្រណីត និងមានកម្លាំងខ្លាំងដែលមានដាក់លក់បច្ចុប្បន្ន ហើយរថយន្តនេះក៏ទទួលបានប្រជាប្រិយភាពខ្លាំង និងតែងតែក្លាយជារថយន្តលក់ដាច់ជាងគេរបស់ក្រុមហ៊ុន។

ថ្មីៗនេះដែរ ប្រធានផ្នែកឌីហ្សាញរបស់ Lamborghini លោក Mitja Borkert បានជួបនិយាយជាមួយសារព័ត៌មានរថយន្តអូស្ត្រាលី Drive ដោយបានជជែកលើប្រធានបទជាច្រើន ក្នុងនោះមានការលើកឡើងទាក់ទងនឹងរថយន្ត Lamborghini Urus ប្រភេទប្រើថាមពលអគ្គិសនីសុទ្ធផងដែរ។

លោក Mitja បានលើកឡើងបែបនេះ ៖ “មិនយូរមិនឆាប់ រថយន្ត Urus នឹងប្រែក្លាយជារថយន្តអគ្គិសនី…និយាយតាមត្រង់ទៅ ការរឹតបន្តឹងលើច្បាប់ឧស្ម័នពុលលើពិភពលោក រួមទាំងការទទួលយកពីសង្គម ច្បាស់ណាស់ថារថយន្តអគ្គិសនីគឺជាទិន្នាការបន្ទាប់”។ យ៉ាងណាក្ដី លោកបានបញ្ជាក់ថា ៖ “ខ្ញុំមិននិយាយចាប់ពីឥឡូវទេថារថយន្ត Urus ជំនាន់ថ្មីនឹងជាប្រភេទអគ្គិសនីនោះ ប៉ុន្តែការប្រែក្លាយរថយន្តប្រភេទនេះ (ប្រភេទ SUV) ទៅជារថយន្តអគ្គិសនីគឺសមហេតុផលបំផុត។”

ត្រង់នេះ គេពិបាកសន្មត់ថាសម្ដីលោក Mitja មានន័យបែបណាណាស់ ប៉ុន្តែវាអាចបញ្ជាក់បានថា Lamborghini កំពុងគិតគូរលើរថយន្ត Urus ប្រភេទអគ្គិសនី ប៉ុន្តែវាអាចនឹងមិនបង្ហាញវត្តមាននៅជំនាន់បន្ទាប់ឡើយ។

បន្ថែមពីនេះដែរលោក Mitja បានបញ្ជាក់ថាក្រុមហ៊ុននឹងបន្តដាក់លក់រថយន្តប្រើម៉ាស៊ីនពីស្តុងតាមដែលអាចទៅរួច ដោយអាស្រ័យទៅលើច្បាប់ឧស្ម័នពុល ប៉ុន្តែការវិវត្តរថយន្តទៅប្រើថាមពលអគ្គិសនីនឹងជារឿងដែលមិនអាចជៀសផុតនោះឡើយ៕

ផ្ទាំងផ្សាយពាណិជ្ជកម្ម

ស្ងាត់ៗ! Yamaha បញ្ចេញម៉ូតូ Scooter ស៊េរីថ្មី ដើម្បីប្រកួតប្រជែងនឹង Click 160

May 17, 2022

[ទីផ្សារបរទេស] ក្រុមហ៊ុនYamaha បានធ្វើការបញ្ចេញម៉ូតូ Aerox 160 ស៊េរីឆ្នាំ ២០២២ ដែលរូបរាងស្អាត ម៉ាស៊ីនថ្មី និងបំពាក់នូវគ្រឿងទំនើបច្រើន សម្រាប់ទីផ្សារនៅក្នុងប្រទេសឥណ្ឌូានេស៊ី។

សម្រាប់ម៉ូតូ Yamaha Aerox 160 ត្រូវបានផលិតទ្បើងដើម្បប្រកួតប្រជែងជាមួយ Honda Click 160 ដែលទើបនឹងចេញលក់នៅក្នុងប្រទេសថៃកន្លងទៅនេះ។

ដោយទ្បែកចំពោះម៉ូតូ Yamaha Aerox 160 រចនាទ្បើងរូបរាងថ្មីកាន់តែស្ព័រ និងបានបំពាក់មកជាមួយនូវចង្កៀងប្រភេទ LED ជាមួយភ្លើងជួយបំភ្លឺពេលថ្ងៃ, កុងទ័រឌីជីថលប្រភេទ LCD អាចភ្ជាប់ជាមួយនឹងមុខងារ Y-Connect, រន្ធសាកថ្មទូរស័ព្ទ និង Smart key ព្រមទាំងបានបំពាក់ស្តង់ដាកមកនូវប្រព័ន្ធហ្វាំ្រង ABS និងហ្វ្រាំងឌីសនៅខាងមុខ និងខាងក្រោយផងដែរ។

ខណៈដែលម៉ូតូ Yamaha Aerox 160 ត្រូវបានគេរំពឹងថានឹងប្រើប្រាស់ម៉ាស៊ីនសាំងចំណុះ ១៥៧ សេសេ ប្រព័ន្ធស្អំប្រេង Liquid-cooled ផលិតកម្លាំង ១៥,៣សេះ និងកម្លាំងរមួល ១៣,៨ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT

ម៉ូតូ Yamaha Aerox 160 ស៊េរីឆ្នាំ ២០២២ មិនទាន់មានព័ត៌មានណាមួយទ្បើយបញ្ជាក់អំពីតម្លៃរបស់ម៉ូតូនេះទេ៕

ផ្ទាំងផ្សាយពាណិជ្ជកម្ម

Chevrolet បញ្ចេញវីដេអូ Teaser នៃរថយន្តអគ្គិសនីសុទ្ធ Chevrolet Equinox រំពឹងថាសាកថ្មម្តងជិះបានជិត ៥០០គីឡូម៉ែត្រ (មានវីដេអូ)

May 17, 2022

[ទីផ្សារបរទេស] កាលពីថ្មីៗនេះ ក្រុមហ៊ុនផលិតរថយន្ត Chevrolet បានធ្វើការដាក់បញ្ចេញនៅវីដេអូ teaser ជាផ្លូវការមួយសម្រាប់រថយន្តអគ្គិសនីសុទ្ធ Chevrolet Equinox ប្រភេទ Crossover ដែលបង្ហាញពីការរចនាផ្នែកខាងក្នុង ហើយរំពឹងថានឹងដាក់បង្ហាញក្នុងពេលឆាប់ៗនេះ ជាមួយតម្លៃចាប់ផ្តើមពី ៣០ ០០០ ដុល្លារ ក្នុងទីផ្សារសហរដ្ឋអាមេរិក។

តាមរូបភាព teaser បានបង្ហាញនៅផ្នែកខាងក្នុងរបស់រថយន្តសុទ្ធ Chevrolet Equinox ប្រភេទ Crossover ថ្មី តុបតែងដោយលោហៈ និងគ្រឿងបរិក្ខាដែលមានគុណភាពខ្ពស់ និងមានបំពាក់ជាមួយកុងទ័រព័ត៌មានឌីជីថលថ្មី និងអេក្រង់កម្សាន្តទំហំធំ និងភ្លើងលម្អនៅលើបាប្ល៊ូ និងបន្ទះទ្វារមានភាពប្រណិតខ្លាំង។ កន្លែងរន្ធម៉ាស៊ីនត្រជាក់បានរចនាឡើងវិញ, ប្រព័ន្ធបើកបរ Super Cruise semi-autonomous ដែលអនុញ្ញាតឲ្យបើកបរដោយមិនប្រើដៃនៅលើផ្លូវចម្ងាយ ៣២១ ៨៦៩ គីឡូម៉ែត្រក្នុងសហរដ្ឋអាមេរិក និងកាណាដា។

រីឯផ្នែកខាងក្រៅនៃរថយន្ត Chevrolet Equinox EV មានការរចនាបែបស្ព័រ ជាមួយនឹងចង្កៀងមុខ LED រាងស្លីមអូសកាត់ពីផ្នែកម្ខាងទៅផ្នែកម្ខាង, កាងខាងមុខពណ៌ខ្មៅបែបស្ព័រអបជាមួយអំពូល LED, ថាសកង់ពណ៌ខ្មៅ និងចង្កៀងខាងក្រោយរចនាលក្ខណៈអូសកាត់ពីផ្នែកម្ខាងទៅផ្នែកម្ខាង កាងខាងក្រោយបានបន្ថែមទំហំផងដែរ។

រថយន្តនេះ ត្រូវបានប្រើប្រាស់ជាមួយគ្រោងឆ្អឹង Ultium battery platform របស់ក្រុមហ៊ុន GM ។ ទន្ទឹមនឹងនេះ រថយន្តអគ្គិសនីសុទ្ធ Chevrolet Equinox ត្រូវបានគេរំពឹងថាអាចបើកបរបានចម្ងាយប្រហែលពី ៣៧៨ គីឡូម៉ែត្រ ដល់ ៤៨៣ គីឡូម៉ែត្រក្នុងការសាកថ្មម្តង។

គួរបញ្ជក់ផងដែរថា រថយន្ត Chevrolet Equinox EV នឹងចាប់ផ្តើមទទួលការបញ្ជាទិញជាមុនជាមួយនឹងរថយន្ត Chevrolet Silverado EV និង Chevrolet Blazer EV SUV នៅនិទាឃរដូវឆ្នាំ ២០២៣ ៕

ផ្ទាំងផ្សាយពាណិជ្ជកម្ម

Tesla ឈប់ទទួលការបញ្ជាទិញ Cybertruck ក្រៅតែពីទ្វីបអាមេរិកខាងជើង

May 17, 2022

[ទីផ្សារបរទេស] ក្រុមហ៊ុន Tesla បានប្រកាសថាខ្លួនបានឈប់ទទួលការបញ្ជាទិញសម្រាប់រថយន្តភីកអាប់ Cybertruck មកពីប្រទេសផ្សេងៗ ក្រៅពីទ្វីបអាមេរិកខាងជើង នេះបើយោងតាមគេហទំព័រផ្លូវការរបស់ខ្លួន។

ក្នុងនោះដែរគេហទំព័របានបញ្ជាក់ឱ្យដឹងថាក្រុមហ៊ុនផលិតរថយន្តអគ្គិសនីរបស់សហរដ្ឋអាមេរិក Telsa កំពុងទទួលការកក់ទុកសម្រាប់ Cybertruck នៅសហរដ្ឋអាមេរិក កាណាដា និងម៉ិកស៊ិកប៉ុណ្ណោះ។

ស្របពេលដែលលោក Elon Musk នាយកប្រតិបត្តិរបស់ក្រុមហ៊ុន Tesla បាននិយាយថានឹងចាប់ផ្តើមផលិត Cybertruck នៅឆ្នាំក្រោយនៅរោងចក្ររបស់ខ្លួននៅ Austin រដ្ឋ Texas ។

លោក Elon Musk បានបន្តទៀតថា យើងមានការបញ្ជាទិញរថយន្ត Cybertrucks ដំបូងច្រើនជាងអ្វីដែលយើងអាចបំពេញបានក្នុងរយៈពេល ៣ ឆ្នាំបន្ទាប់ពីការចាប់ផ្តើមផលិតកម្ម ហើយ ក្រុមហ៊ុន Tesla អាចបញ្ឈប់ការបញ្ជាទិញនៅពេលដែលតម្រូវការសម្រាប់រថយន្តមួយចំនួនរបស់ខ្លួនលើសពីការផលិតដល់កម្រិតគួរឱ្យភ្ញាក់ផ្អើលផងដែរ ។

សូមបញ្ជាក់ថាក្រុមហ៊ុន Tesla បានដាក់បង្ហាញរថយន្ត Cybertruck ក្នុងឆ្នាំ ២០១៩ មុនមានបំណងចាប់ផ្តើមផលិតនៅចុងឆ្នាំនេះ ប៉ុន្តែបានរុញផែនការទៅត្រីមាសទីមួយនៃឆ្នាំ ២០២៣ វិញ៕

ផ្ទាំងផ្សាយពាណិជ្ជកម្ម

ប្រកាសតម្លៃភ្លាម រថយន្តអគ្គិសនី BYD Denza D9 ទទួលបានការកក់ទុកមុនជាង ៣ពាន់គ្រឿងត្រឹមពេល ៣០នាទីប៉ុណ្ណោះ

May 17, 2022

[ទីផ្សារបរទេស] កាលពីថ្ងៃទី ១៦ ខែឧសភា ឆ្នាំ ២០២២ កន្លងទៅនេះ ក្រុមហ៊ុនផលិតរថយន្ត BYD បានធ្វើការប្រកាសអំពីតម្លៃនៃរថយន្តអញគិសនី Denza D9 ប្រភេទ MPV ៧កៅអីនៅក្នុងប្រទេសចិន ដោយចាប់ផ្តើមពី ៤៩ ៣៩៩ ដុល្លារ ដល់ ៩៧ ៣២៥ ដុល្លារ ដោយបច្ចុប្បន្នទទួលបានកក់ទុកមុនជិត ៣ ០០០ គ្រឿង ក្នុងរយៈពេល ៣០នាទីប៉ុណ្ណោះ។

សម្រាប់ការរចនានៅផ្នែកខាងក្រៅ រថយន្តដ៏ប្រណិតនេះ មានបំពាក់ជាមួយប៉ាណាមុខតុបតែងជាមួយក្រូម៉េដ៏ធំ ចង្កៀងមុខ LED, ទ្វារូតចំហៀងបិទបើកអូតូរំលេចជាមួយក្រូម៉េ ចង្កៀងក្រោយប្រភេទ LED អូសកាត់ពីផ្នែកម្ខាងទៅផ្នែកម្ខាឲ្យឈ្មោះថា “Into the Meteor Arrow” និងថាសកង់ស្ព័រទំហំ ១៩ អ៊ីញផងដែរ។

សម្រាប់ផ្នែកខាងក្នុងវិញ រថយន្តអគ្គិសនីប្រភេទ MPV ៧កៅអីនេះ បានប្រើប្រាស់គ្រឿងបរិក្ខាធ្វើពីឈើដ៏ប្រណិតនិងផាសុកភាព ដោយបានបំពាក់ដោយអេក្រង់កំសាន្តកណ្តាលទំហំ ១៥,៦ អ៊ីញ ប្រព័ន្ធអន្តរកម្មឆ្លាតវៃ Denza Link កុងទ័រព័ត៌មានប្រភេទ Full LCD ទំហំ ១០,២៥ អ៊ីញ និងប្រអប់លេខរចនាបែបគ្រីស្តាល់ និងគាំទ្រមុខងារការធ្វើឲ្យប្រសើរឡើងនៅប្រព័ន្ធ OTA ផងដែរ។

បន្ថែមពីនេះ កៅអីជួរខាងក្រោយ បំពាក់ដោយអេក្រង់ធំចំនួន ២ ជាមួយការបញ្ជានៅកន្លែងដាក់ដៃ។ អេក្រង់ធំផ្តល់នៅមុខងារកម្សាន្តពេញលេញ ឧបករណ៍បំពងសំឡេង Dynaudio និងបានបំពាក់ដោយប្រព័ន្ធគ្រប់គ្រងម៉ាស៊ីនត្រជាក់នៅជួរទី ២ និងទី ៣ ជាមួយនឹងដំបូលកញ្ចក់ dual sunroof និងគ្រឿងបរិកា្ខទំនើបៗផ្សេងទៀតផងដែរ។

សម្រាប់រថយន្តនេះ មានម៉ូដែល ២សម្រាប់ជ្រើសរើស រួមមាន ម៉ូដែលដើរដោយថាមពលអគ្គិសនី និង plug-in hybrid និងភ្ជាប់មកជាមួយនឹងអាគុយ BYD blade ហើយអាចបើកបរបានចម្ងាយដល់ទៅ ៨០០ គីឡូម៉ែត្រក្នុងការសាកថ្មម្តង៕

ផ្ទាំងផ្សាយពាណិជ្ជកម្ម