ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 530

Bentley Bentayga តួវែងថ្មី កៅអីក្រោយកាន់តែទំនើប និងប្រណីត ហើយរឹតតែទូលាយ

ក្រុមហ៊ុន Bentley បានបន្ថែមម៉ូដែលទី៥ ក្នុងត្រកូលរថយន្តប្រណីតរបស់ខ្លួន ដោយបានបញ្ចេញម៉ូដែល Bentayga Extended Wheelbase (តួវែង) ថ្មី។

រថយន្ត Bentley Bentayga Extended Wheelbase (EWB) នេះ បានបន្ថែមប្រវែងពីកង់មុខទៅកង់ក្រោយ ១៨០មីល្លីម៉ែត្រ ពី ២ ៩៩៥ម៉ែត្រ ទៅ ៣ ១៧៥មីល្លីម៉ែត្រ។ ប្រវែងតួវែងជាងមុននោះ គឺបានទៅលើកាប៊ីនខាងក្រោយទាំងអស់ ដែលធ្វើឲ្យកៅអីខាងក្រោយ កាន់តែទូលាយ ប្រណីត និងទំនើបជាងមុន។

ក្រុមហ៊ុន Bentley ក៏អះអាងថា កៅអី Bentley Airline Seat លើរថយន្តតួវែងរបស់ខ្លួន គឺ ជាកៅអីដែលទំនើបបំផុតលើរថយន្ត ព្រោះតែមាន option ច្រើនរាប់មិនអស់ ដែលអាចចុចបញ្ជាបានតាមរយៈ touchscreen ដោយក្នុងនោះរួមមានទាំង ការសារ៉េផ្តេក ៤០ដឺក្រេ អនុញ្ញាតឲ្យអ្នកអង្គុយក្រោយអាចដេកបាន ព្រមទាំងមានបច្ចេកវិទ្យាម៉ាស៊ីនត្រជាក់ថ្មី ហៅថា climate sensing technology ទៀតផង។

ក្រៅពីនោះ វាក៏មានមុខងារបញ្ចេញខ្យល់ក្តៅ-ត្រជាក់ ហើយវាថែមទាំងមានសេនស័រដើម្បីវាស់សម្ពាធ និងធ្វើការសារ៉េកៅអីតិចតួច ឲ្យត្រូវជាមួយនឹងការអង្គុយ ឲ្យកាន់តែមានផាសុកភាពទៀតផង។

រថយន្ត Bentley Bentayga Extended Wheelbase (EWB) នៅតែបំពាក់ម៉ាស៊ីនសាំងចំណុះ ៤,០លីត្រ V8 មានកម្លាំង ៥៤២សេះ និងកម្លាំងរមួល ៧៧០ញ៉ូតុនម៉ែត្រ ដែលអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ៤,៦វិនាទី ហើយមានល្បឿនអតិបរមាដល់ ២៩០គីឡូម៉ែត្រក្នុងមួយម៉ោង។

យ៉ាងណាមិញ តម្លៃនៃរថយន្ត Bentley Bentayga Extended Wheelbase (EWB) ថ្មីនេះ នឹងត្រូវប្រកាសនាពេលជិតចេញលក់ជាផ្លូវការ នាចុងឆ្នាំ២០២២ នេះតែម្តង៕

ផ្ទាំងផ្សាយពាណិជ្ជកម្ម

Lucid Air Dream Edition សាកភ្លើងម្តងជិះបាន ៩០០គ.ម នឹងដាក់លក់តម្លៃស្មើ Lexus 570 នៅខ្មែរ

ក្រុមហ៊ុន Lucid ទើបតែបានប្រកាសចេញផែនការផលិតផលរបស់ខ្លួន សម្រាប់ទីផ្សារអឺរ៉ុប ដោយខ្លួននឹងចេញលក់ម៉ូដែល Lucid Air Dream Edition ដំបូងបង្អស់ ទាំងប្រភេទ Range និង Performance។

រថយន្ត Lucid Air Dream Edition ប្រភេទ Euro-spec នឹងអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ២,៧វិនាទីប៉ុណ្ណោះ ហើយមានចម្ងាយបើកបរដល់ទៅ ៩០០គីឡូម៉ែត្រឯណោះ។

គួរឲ្យដឹងដែរថា ចំពោះទីផ្សារអឺរ៉ុប រថយន្ត Lucid Air Dream Edition នេះ នឹងត្រូវដាក់លក់ក្នុងចំនួនមានកំណត់ ជាមួយនឹងតម្លៃ៖

  • ចាប់ពីខ្ទង់ ២៣០ ១៣០ដុល្លារ នៅក្នុងប្រទេសអាល្លឺម៉ង់
  • ចាប់ពី ២៣៤ ៣៦០ដុល្លារ នៅក្នុងប្រទេសហូឡង់
  • ចាប់ពី ២០០ ៦០០ដុល្លារ នៅក្នុងប្រទេសស្វីស
  • ចាប់ពី ១៩០ ៧៧០ដុល្លារ នៅក្នុងប្រទេសន័រវែស

ទោះបីជាយ៉ាងណាក៏ដោយ ក្រុមហ៊ុន Lucid និយាយថា ខ្លួននឹងទទួលយកការកក់ពីអតិថិជននៅក្នុងប្រទេសផ្សេងទៀត ដូចជា អូទ្រីស, ប៊ែលហ្ស៊ិក, ដាណឺម៉ាក, ហ្វាំងឡង់, បារាំង, អាល្លឺម៉ង់, អ៊ីតាលី, ម៉ូណាកូ, អេស្ប៉ាញ, ស៊ុយអែត និង អង់គ្លេស ផងដែរ ដោយអតិថិជនត្រូវចំណាយត្រឹមត្រឹម ៣២០ដុល្លារប៉ុណ្ណោះ សម្រាប់ការកក់៕

ផ្ទាំងផ្សាយពាណិជ្ជកម្ម

Range Rover Sport ឆ្នាំ២០២៣ ឌីហ្សាញថ្មី ជម្រើសម៉ាស៊ីនច្រើន តែតម្លៃថ្លៃជាងមុន ខ្ទង់ ៨ម៉ឺនដុល្លារ ចេញពីរោងចក្រ

រថយន្ត Range Rover Sport ស៊េរីឆ្នាំ២០២៣ បានបង្ហាញខ្លួនជាផ្លូវការ ជាមួយនឹងការឌីហ្សាញថ្មី កាន់តែទាក់ទាញ ហើយអ្វីដែលគួរឲ្យចាប់អារម្មណ៍នោះគឺ វាជម្រើសម៉ាស៊ីនច្រើន រួមទាំងម៉ាស៊ីន V8 ខ្ចីពី BMW ទៀតផង។

ចុចអាន៖ លម្អិតជម្រើសម៉ាស៊ីន Range Rover Sport ឆ្នាំ២០២៣ ទើបចេញក្តៅៗ មានទាំងម៉ាស៊ីន V8 ខ្ចីពី BMW ទៀត!

យ៉ាងណាមិញ ជាមួយនឹងការអាប់ដេតថ្មីច្រើនបែបនេះ បើងាកមកមើលតម្លៃរបស់វាវិញ ក៏ថ្លៃជាងមុនដែរ ដោយរថយន្ត Range Rover Sport ស៊េរីឆ្នាំ២០២៣ ថ្មី ត្រូវបានដាក់លក់ក្នុងតម្លៃចាប់ពី ៩៧ ៧០០ដុល្លារ សម្រាប់ទីផ្សារអង់គ្លេស និង ចាប់ពី ៨៣ ០០០ដុល្លារ សម្រាប់ទីផ្សារសហរដ្ឋអាមេរិក។

បើប្រៀបធៀបជាមួយនឹង រថយន្ត Range Rover Sport ឆ្នាំ២០២២ ដែលដាក់លក់ចាប់ក្នុងតម្លៃចាប់ពី ៧០ ៩០០ដុល្លារ លើទីផ្សារសហរដ្ឋអាមេរិក គឺថ្លៃជាងដល់ទៅខ្ទង់ ១ម៉ឺនដុល្លារឯណោះ។

សូមបញ្ជាក់ថា រថយន្ត Range Rover Sport ឆ្នាំ២០២៣ ក៏នឹងមានជម្រើសម៉ូដែល P530 First Edition ដែរ ដោយវានឹងត្រូវដាក់លក់ក្នុងតម្លៃចាប់ពី ១២១ ៥០០ដុល្លារ។

រថយន្ត Range Rover Sport ឆ្នាំ២០២៣ ផ្តល់នូវជម្រើស Option ពិសេសៗជាច្រើន រួមទាំង កៅអីម៉ាស្សា អាចសារ៉េបាន ២២បែប, ប្រព័ន្ធបន្សុទ្ធខ្យល់កម្រិតខ្ពស់, ប្រព័ន្ធសំឡេង Meridian hifi កម្លាំង ១ ៤៣០វ៉ាត់ ចំនួន ២៩គ្រាប់, មុខងារទប់សំឡេងរំខាន ANC, កុងទ័រជីឌីថល ១៣,៧អ៊ីញ និង អេក្រង់កម្សាន្តកោង Touchscreen ទំហំ ១៣,១អ៊ីញ ទៀតផង។

Range Rover Sport ឆ្នាំ២០២៣ ប្រើគ្រោងឆ្អឹង MLA-Flex ហើយវាមានប្រវែងពីកង់មុខទៅកង់ក្រោយវែងជាងមុន ៥៤មីល្លីម៉ែត្រ សរុប ២ ៩៧៧មីល្លីម៉ែត្រ។ បង្ហាញខ្លួនដំបូង រថយន្ត Range Rover Sport ឆ្នាំ២០២៣ នឹងមានទាំងជម្រើសម៉ាស៊ីនសាំង, ម៉ាស៊ូត និង Plug-in Hybrid ជាមួយនឹងជម្រើសម៉ាស៊ីន V8 តាមក្រោយ។ វានឹងប្រើប្រអប់លេខអូតូ ៨វគ្គ ZF និងប៉ុងពីរ Intelligent All-Wheel Drive មកស្តង់ដារ៕

ផ្ទាំងផ្សាយពាណិជ្ជកម្ម

លម្អិតជម្រើសម៉ាស៊ីន Range Rover Sport ឆ្នាំ២០២៣ ទើបចេញក្តៅៗ មានទាំងម៉ាស៊ីន V8 ខ្ចីពី BMW ទៀត!

នៅទីបំផុត ក្រុមហ៊ុន Land Rover បានប្រកាសចេញរថយន្ត SUV ប្រណីតរបស់ខ្លួន គឺ Range Rover Sport ស៊េរីឆ្នាំ២០២៣ ជាផ្លូវការ ដោយក្នុងនោះក៏បង្ហើបថា វានឹងមានប្រភេទប្រើថាមពលអគ្គិសនីសុទ្ធ នៅក្នុងឆ្នាំ២០២៤ ទៀតផង។

ក្នុងនោះក្រុមហ៊ុន Land Rover បានប្រកាសថា រថយន្ត Range Rover Sport ឆ្នាំ២០២៣ ពេលចេញលក់ដំបូង នឹងមានទាំងជម្រើសម៉ាស៊ីនសាំង, ម៉ាស៊ូត និង Plug-in Hybrid ជាមួយនឹងជម្រើសម៉ាស៊ីន V8 តាមក្រោយ។ វានឹងប្រើប្រអប់លេខអូតូ ៨វគ្គ ZF និងប៉ុងពីរ Intelligent All-Wheel Drive មកស្តង់ដារ។

ចុចអាន៖ ចេញហើយ! Range Rover Sport ឆ្នាំ២០២៣ ផ្លាស់ប្តូរការឌីហ្សាញថ្មី កាន់តែកាច និង ប្រណីតជាងមុន

ខាងក្រោមនេះគឺជាជម្រើសម៉ាស៊ីនរបស់ រថយន្ត Range Rover Sport ឆ្នាំ២០២៣៖

ទីផ្សារអាមេរិកខាងជើង

  • P360 ម៉ាស៊ីនចំណុះ ៣,០លីត្រ ទំហំ ៦ស៊ីឡាំង turbo mild-hybrid មានកម្លាំង ៣៥៥សេះ និងកម្លាំងរមួល ៥០០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៥,៧វិនាទី
  • P400 ម៉ាស៊ីនចំណុះ ៣,០លីត្រ ទំហំ ៦ស៊ីឡាំង turbo mild-hybrid មានកម្លាំង ៣៩៥សេះ និងកម្លាំងរមួល ៥៥០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៥,៤វិនាទី
  • P440e ម៉ាស៊ីនចំណុះ ៣,០លីត្រ ទំហំ ៦ស៊ីឡាំង turbo PHEV មានកម្លាំង ៤៣៤សេះ និងកម្លាំងរមួល ៦២០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៥,៥វិនាទី
  • P530 ម៉ាស៊ីនចំណុះ ៤,៤លីត្រ ទំហំ ៨ស៊ីឡាំង turbo ខ្ចីពី BMW មានកម្លាំង ៥២៣សេះ និងកម្លាំងរមួល ៧៥០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៤,៣វិនាទី

ទីផ្សារអឺរ៉ុប

  • P400 ម៉ាស៊ីនចំណុះ ៣,០លីត្រ ទំហំ ៦ស៊ីឡាំង turbo mild-hybrid មានកម្លាំង ៣៩៥សេះ និងកម្លាំងរមួល ៥៥០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៥,៤វិនាទី
  • P530 ម៉ាស៊ីនចំណុះ ៤,៤លីត្រ ទំហំ ៨ស៊ីឡាំង turbo ខ្ចីពី BMW មានកម្លាំង ៥២៣សេះ និងកម្លាំងរមួល ៧៥០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៤,៣វិនាទី
  • P440e ម៉ាស៊ីនចំណុះ ៣,០លីត្រ ទំហំ ៦ស៊ីឡាំង turbo PHEV មានកម្លាំង ៤៣៤សេះ និងកម្លាំងរមួល ៦២០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៥,៥វិនាទី
  • P510e ម៉ាស៊ីនចំណុះ ៣,០លីត្រ ទំហំ ៦ស៊ីឡាំង turbo PHEV មានកម្លាំង ៥០៣សេះ និងកម្លាំងរមួល ៧០០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៥,២វិនាទី
  • D300 ម៉ាស៊ីនចំណុះ ៣,០លីត្រ ទំហំ ៦ស៊ីឡាំង ម៉ាស៊ូត mild-hybrid មានកម្លាំង ២៩៦សេះ និងកម្លាំងរមួល ៦៥០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៦,៣វិនាទី
  • D350 ម៉ាស៊ីនចំណុះ ៣,០លីត្រ ទំហំ ៦ស៊ីឡាំង ម៉ាស៊ូត mild-hybrid មានកម្លាំង ៣៤៥សេះ និងកម្លាំងរមួល ៧០០ញ៉ូតុនម៉ែត្រ ហើយល្បឿនពី ០-១០០គីឡូម៉ែត្រក្នុងមួយម៉ោង ប្រើពេល ៥,៦វិនាទី

ផ្ទាំងផ្សាយពាណិជ្ជកម្ម

ចេញហើយ! Range Rover Sport ឆ្នាំ២០២៣ ផ្លាស់ប្តូរការឌីហ្សាញថ្មី កាន់តែកាច និង ប្រណីតជាងមុន

ក្រុមហ៊ុន Land Rover បានបញ្ចេញរថយន្ត Range Rover Sport ស៊េរីឆ្នាំ២០២៣ ជាផ្លូវការ ហើយក៏បានប្រកាសថា គូប្រជែងរបស់ Porsche Cayenne មួយនេះ នឹងទទួលបានប្រភេទប្រើថាមពលអគ្គិសនីសុទ្ធ នៅក្នុងឆ្នាំ២០២៤ ហើយវាក៏នឹងក្លាយជារថយន្តអគ្គិសនីដំបូងបង្អស់របស់ Land Rover ផងដែរ។

រថយន្ត Range Rover Sport ឆ្នាំ២០២៣ ផ្តល់នូវជម្រើស Option ពិសេសៗជាច្រើន រួមទាំង កៅអីម៉ាស្សា អាចសារ៉េបាន ២២បែប, ប្រព័ន្ធបន្សុទ្ធខ្យល់កម្រិតខ្ពស់, ប្រព័ន្ធសំឡេង Meridian hifi កម្លាំង ១ ៤៣០វ៉ាត់ ចំនួន ២៩គ្រាប់, មុខងារទប់សំឡេងរំខាន ANC, កុងទ័រជីឌីថល ១៣,៧អ៊ីញ និង អេក្រង់កម្សាន្តកោង Touchscreen ទំហំ ១៣,១អ៊ីញ ទៀតផង។

Range Rover Sport ឆ្នាំ២០២៣ ប្រើគ្រោងឆ្អឹង MLA-Flex ហើយវាមានប្រវែងពីកង់មុខទៅកង់ក្រោយវែងជាងមុន ៥៤មីល្លីម៉ែត្រ សរុប ២ ៩៧៧មីល្លីម៉ែត្រ។

បង្ហាញខ្លួនដំបូង រថយន្ត Range Rover Sport ឆ្នាំ២០២៣ នឹងមានទាំងជម្រើសម៉ាស៊ីនសាំង, ម៉ាស៊ូត និង Plug-in Hybrid ជាមួយនឹងជម្រើសម៉ាស៊ីន V8 តាមក្រោយ។ វានឹងប្រើប្រអប់លេខអូតូ ៨វគ្គ ZF និងប៉ុងពីរ Intelligent All-Wheel Drive មកស្តង់ដារ៕

ផ្ទាំងផ្សាយពាណិជ្ជកម្ម

Honda Odyssey ឆ្នាំ២០២៣ ថែមម៉ូដែល Sport ថ្មី តែងខ្លួនខ្មៅក្រិប តម្លៃជាង ៤ម៉ឺនដុល្លារ ចេញពីរោងចក្រ

ស្របពេលដែលក្រុមហ៊ុន Kia និង Toyota កំពុងតែប្រកួតប្រជែងគ្នាខ្លាំងលើរថយន្តប្រភេទ minivan ក្រុមហ៊ុន Honda ក៏មិននៅស្ងៀម បានបន្ថែមម៉ូដែល Sport ថ្មីសម្រាប់រថយន្ត Odyssey ស៊េរីឆ្នាំ២០២៣ ។

រថយន្ត Honda Odyssey Sport ឆ្នាំ២០២៣ ថ្មី បានតុបតែងខ្លួនខ្មៅក្រិបតែម្តង ដូចជា ប៉ាណាមុខ, កញ្ចក់មើលចំហៀង, ចង្កៀងក្រោយ ព្រមទាំងយ៉ាន់កង់ទំហំ ១៩អ៊ីញ ជាប្រភេទ Alloy ពណ៌ខ្មៅរលោង ជាដើម។

ទោះបីជាយ៉ាងណាក៏ដោយ រថយន្ត Odyssey Sport ឆ្នាំ២០២៣ ដែលមានតម្លៃ ៤១ ២១០ដុល្លារ លើទីផ្សារសហរដ្ឋអាមេរិកនេះ ក៏មានជម្រើសតួខ្លួនពណ៌ស Platinum White Pearl និង ក្រហម Radiant Red Metallic ដែរ។

ក្រៅពីនោះ វាក៏មានបំពាក់ពូកស្បែកពណ៌ខ្មៅ រំលេចដោយថ្នេរដេរពណ៌ក្រហម, ដៃចង្កូតស្រោបស្បែក, កៅអីមុខចុច, ដំបូល Moonroof និង ទ្វារក្រោយចុច ផងដែរ។

សូមបញ្ជាក់ថា រថយន្តប្រភេទ minivan ម៉ូដែល Sport នេះនៅតែបំពាក់ម៉ាស៊ីនចំណុះ ៣,៥លីត្រ V6 មានកម្លាំង ២៨០សេះ និងកម្លាំងរមួល ៣៥៥ញ៉ូតុនម៉ែត្រ ហើយប្រើប្រអប់លេខអូតូ ១០វគ្គ និង ប៉ុងមុខ ដដែល។

គួរឲ្យដឹងថា ក្រៅពីម៉ូដែល Sport រថយន្ត Honda Odyssey ឆ្នាំ២០២៣ ក៏ផ្តល់ជម្រើសម៉ូដែលផ្សេងទៀត ដូចជា LX, EX, EX-L, Touring និង Elite ផងដែរ៕

ផ្ទាំងផ្សាយពាណិជ្ជកម្ម

ទីបំផុត Hyundai បញ្ជាក់ច្បាស់ៗ រឿងរោងចក្រថ្មីសម្រាប់ផលិតឡានអគ្គិសនី នៅអាមេរិក

ថ្មីៗនេះ ក្រុមហ៊ុន Hyundai បានប្រកាសពីគម្រោងសាងសង់រោងចក្រផលិតរថយន្តអគ្គិសនីថ្មីមួយកន្លែង នៅសហរដ្ឋអាមេរិក។

ព័ត៌មានលម្អិតនឹងត្រូវបានប្រកាសក្នុងពេលឆាប់ៗនេះ ប៉ុន្តែសារព័ត៌មាន Reuters ដែលទទួលបានដំណឹងពីប្រភព ៣ ផ្សេងគ្នា បានឲ្យដឹងថា ក្រុមហ៊ុនផលិតរថយន្តកូរ៉េខាងលើ បានពិភាក្សាជាមុនជាមួយមន្ត្រីរដ្ឋអាមេរិក ដើម្បីសាងសង់រោងចក្រផលិតរថយន្តអគ្គិសនី នៅរដ្ឋ Georgia។

ខណៈពេលដែលមិនទាន់មានពាក្យថា ក្រុមហ៊ុនផលិតរថយន្ត Hyundai អាចវិនិយោគបានប៉ុន្មាននៅក្នុងរោងចក្រនេះ ជាក់ស្តែងរោងចក្រនេះនឹងផលិតរថយន្តអគ្គិសនី Hyundai Ioniq 7 និង Kia EV9។ ម៉ូដែលទាំង ២ ត្រូវបានដាក់បង្ហាញរួចមកហើយ ជាគំរូរថយន្ត កាលពីឆ្នាំមុន និងជាប្រភេទ Crossover ទំហំធំ ដែលនឹងទាក់ទាញអ្នកប្រើប្រាស់ជនជាតិអាមេរិក។

គួរឲ្យដឹងដែរថា រថយន្តទាំង ២ ម៉ូដែលនោះ នឹងប្រើគ្រោងឆ្អឹង E-GMP ហើយគ្រោងនឹងផ្តល់កន្លែងអង្គុយ កៅអី ៣ជួរឯណោះ។ គំរូរថយន្តនោះក៏មានសមត្ថភាពសាកភ្លើងលឿន DC 350 kW និងចម្ងាយបើកបរយ៉ាងហោចណាស់ ៣០០ ម៉ាយ ឬប្រហែល ៤៨០ គីឡូម៉ែត្រ ផងដែរ។

យ៉ាងណាមិញ រោងចក្រថ្មីនោះ នឹងអាចបង្កើតការងារបាន ៨ ៥០០កន្លែង ឯណោះ៕

ផ្ទាំងផ្សាយពាណិជ្ជកម្ម

Honda ចេញឡានម៉ូដែលថ្មី ZR-V សម្រាប់ទីផ្សារចិន និងអឺរ៉ុប

ក្រុមហ៊ុន Honda ទើបតែបានប្រកាសចេញឡាន SUV ខ្នាតតូចថ្មី សម្រាប់ទីផ្សារប្រទេសចិន មានឈ្មោះថា Honda ZR-V ដែលនឹងផលិតដោយក្រុមហ៊ុនក្នុងស្រុក Guangqi Honda។

អ្វីដែលគួរឲ្យចាប់អារម្មណ៍នោះគឺ រថយន្ត Honda ZR-V ថ្មី ការពិតគឺជារថយន្ត Honda HR-V ដែលមាន spec អាមេរិកប៉ុណ្ណោះ។ ជាមួយគ្នានេះដែរ ក្រុមហ៊ុន Honda បានបញ្ជាក់ថា ខ្លួននឹងប្រើឈ្មោះ ZR-V នេះសម្រាប់ទីផ្សារអឺរ៉ុបដូចគ្នា។

រថយន្ត Honda ZR-V មានការឌីហ្សាញផ្នែកខាងក្រៅ ស្ទើរតែដូចទៅនឹងរថយន្ត HR-V អាមេរិក លើកលែងតែចំណុចមួយចំនួនតូចប៉ុណ្ណោះ។ វានឹងស្ថិតនៅចន្លោះរវាងម៉ូដែល HR-V អឺរ៉ុប និង CR-V។

ទោះបីជាយ៉ាងណាក៏ដោយ ZR-V មានភាពខុសប្លែកពី HR-V ដូចជា ដំបូល panoramic sunroof ដែលមានបន្ទះកញ្ចក់ភ្លោះ ព្រមទាំងការលេងក្រូមេនៅផ្នែកខងាក្រោយ និង បំពង់ស៊ីម៉ាំង ជាដើម។

យ៉ាងណាមិញ ក្រុមហ៊ុន Honda មិនទាន់បានបង្ហាញឲ្យដឹងលក្ខណៈពិសេសលម្អិតរបស់ ZR-V នៅឡើយទេ ប៉ុន្តែរថយន្ត SUV នេះ ត្រូវបានគេរំពឹងថា នឹងប្រើម៉ាស៊ីនស្រដៀងទៅនឹងរថយន្ត Honda Civic និង Honda Integra ពោលគឺម៉ាស៊ីនសាំងចំណុះ ១,៥លីត្រ turbocharged ទំហំ ៤ស៊ីឡាំង សម្រាប់ទីផ្សារប្រទេសចិន ខណៈទីផ្សារអឺរ៉ុប នឹងមានតែជម្រើសម៉ាស៊ីន Hybrid e:HEV ប៉ុណ្ណោះ៕

ផ្ទាំងផ្សាយពាណិជ្ជកម្ម

បង្ហាញខ្លួនបានមួយឆ្នាំ ឡានអគ្គិសនី Hyundai Ioniq 5 លក់ចេញបានជិត៩ម៉ឺនគ្រឿង

[ទីផ្សារបរទេស] ផ្អែកតាមការប្រកាសរបស់ Hyundai បើគិតត្រឹមខែមីនា ឆ្នាំ២០២២ នេះ ក្រុមហ៊ុនអាចលក់រថយន្ត Hyundai Ioniq 5 បានសរុប ៨៨ ៨៧១គ្រឿង ដែលក្នុងនោះមាន ៣៣ ២១២គ្រឿងលក់បាននៅប្រទេសកូរ៉េខាងត្បូង និងទីផ្សារបរទេសលក់​ចេញបាន ៥៥ ៦៥៨គ្រឿង។

នៅទឹកដីកំណើត Ioniq 5 បច្ចុប្បន្នបានក្លាយជារថយន្តអគ្គិសនីដែលពេញនិយមជាងគេ ដោយ​ការ​លក់​របស់​វា​កាល​ពី​ឆ្នាំមុន​គឺ​មាន​ចំណែក ៣១,៥៩% នៃការលក់រថយន្តអគ្គិសនីសរុបនៅកូរ៉េខាងត្បូង។ ជាងនេះទៅទៀត នៅទីផ្សារអាស៊ីអាគ្នេយ៍ក៏ឃើញថាទទួលបានការគាំទ្រខ្លាំងផងដែរ ដូចជានៅប្រទេសឥណ្ឌូណេស៊ីអាចលក់ចេញបាន ១ ៥៨៧គ្រឿង ក្នុងពេលមិនដល់មួយខែឡើយ។

Ioniq 5 បានប្រកាសចេញកាលពីខែមេសា ឆ្នាំ២០២១ និងបានក្លាយជារថយន្តដំបូងដែលប្រើប្រាស់គ្រោងឆ្អឹងដែល Hyundai ផលិតឡើងជាពិសេសសម្រាប់រថយន្តអគ្គិសនីគឺគ្រោងឆ្អឹង Electric Global Modular Platform។

Ioniq 5 គឺជារថយន្តដំបូងគេក្នុងលោកដែលមានបច្ចេកវិទ្យាសាកល្បឿនលឿន ៨០០វ៉ុល ដែលអាចសាកពី ១០% ឡើងដល់ ៨០% ក្នុងពេលត្រឹម ១៨នាទី។ ក្រោយសាកពេញ រថយន្តនេះអាចបើកបរបានចម្ងាយ ៤២៩គីឡូម៉ែត្រផងដែរ៕

ផ្ទាំងផ្សាយពាណិជ្ជកម្ម

ឡាន SUV ប្រណីតកម្លាំងខ្លាំងដាច់គេលើលោក រំកិលខ្លួនចេញពីរោងចក្រហើយ

[ទីផ្សារបរទេស] រថយន្ត Aston Martin DBX707 មួយគ្រឿងដំបូងបានរំកិលខ្លួនចេញពីរោងចក្រនៅតំបន់ St. Athan ហើយ​រដ្ឋាលេខាធិការនៃប្រទេសវេល បានបង្ហាញវត្តមានចូលរួមអបអរសាទរដល់ការផលិតបានសម្រេចនូវរថយន្តមួយគ្រឿងដំបូង​នេះ​ថែមទៀតផង។

ប្រើម៉ាស៊ីន Twin-Turbocharged ៨ស៊ីឡាំង កម្លាំង ៦៩៧សេះ រថយន្ត DBX707 នាពេលបច្ចុប្បន្នបានជាប់ឈ្មោះជារថយន្ត SUV ប្រណីតកម្លាំងខ្លាំងជាងគេលើលោក ហើយជាមួយការចូលរោងចក្រផលិតនេះមានន័យថាវានឹងត្រូវបានដឹក​ជញ្ជូន​ទៅ​កាន់​ទីផ្សារ​ជាង៥០នៅក្នុងពេលប៉ុន្មានខែខាងមុខទៀត។

Aston Martin និយាយថាខ្លួន​បាន​ជួល​អ្នកបច្ចេកទេស​ជំនាញថ្មីបន្ថែមចំនួន១០០នាក់ ដើម្បីជួយ​ដល់​ការ​បង្កើតទំហំផលិត​រថយន្ត DBX707 នេះ។ ជាមួយកម្លាំងដ៏ខ្លាំងក្លា DBX707 អាចស្ទុះពី ០ ដល់ ៩៦គ.ម/ម៉ ក្នុងពេលត្រឹម ៣,១វិនាទី និងមានល្បឿន​អតិបរមា ៣១០គ.ម/ម៉។

គួរដឹងដែរថាការដឹកជញ្ជូនរថយន្ត SUV នេះគ្រោងនឹងចាប់ផ្ដើមជាលើកដំបូងមុនដំណាច់ខែមិថុនា ជាមួយតម្លៃលក់ដែលមាន​ចាប់​ផ្ដើម​ពី ២៣២ ០០០ដុល្លារ លើទីផ្សារសហរដ្ឋអាមេរិក៕

ផ្ទាំងផ្សាយពាណិជ្ជកម្ម
1...529530531...1,086ទំព័រ 530 នៃ 1,086

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com