Honda គ្រោងចេញរថយន្ត Honda ZR-V ប្រភេទ SUV ថ្មី ដែលជាគូប្រជែងថ្មីរបស់ Toyota Raize

April 18, 2022

[ទីផ្សារបរទេស] កាលពីពេលថ្មីៗ កន្លងទៅ ក្រុមហ៊ុនផលិតរថយន្ត Honda គ្រោងនឹងចេញម៉ូដែល SUV ប្រកួតប្រជែងជាមួយ Toyota Raize ដោយម៉ូដែល SUV ថ្មីនឹងត្រូវបានបង្កើតឡើងដោយផ្អែកលើគំរូរថយន្ត Honda SUV RS Concept ដែលបានដាក់បង្ហាញនៅពិព័រណ៍ GIIAS 2021។

ក្នុងនោះ ក្រុមហ៊ុន Honda មិនបានប្រកាសឈ្មោះម៉ូដែលថ្មីនោះទេ ប៉ុន្តែទំនងជាគេហៅថា ZR-V ដោយពីមុន ក្រុមហ៊ុនផលិតរថយន្តជប៉ុនធ្លាប់រក្សាសិទ្ធិក្នុងការចុះឈ្មោះ ZR-V នាពេលកន្លងមក។

ដោយផ្អែកលើការរចនានៃគំរូរថយន្ត Honda SUV RS Concept អាចមានផ្នែកខ្លះនៃរូបរាងរបស់ Honda ZR-V ប្រភេទ SUV នឹងមានរូបរាងដូចគ្នាទៅនឹងរថយន្ត Honda HR-V ដែលភ្ជាប់មកជាមួយយចង្កៀងមុខរាងស្លីម ភ្ជាប់ដោយរបារផ្តេកដែលស្រោបដោយក្រូម៉េធំ, ប៉ាណាមុខមានការរចនាម៉ូដ Honeycomb បែបស្ព័រ។ ខណៈនៅផ្នែកខាងក្រោយ Honda ZR-V មានចង្កៀងខាងក្រោយផ្ដេក LED ដូចទៅនឹង HR-V ដែលអូសកាត់ពីផ្នែកម្ខាងទៅផ្នែកម្ខាង ។

ចំពោះផ្នែកខាងក្នុង ការរចនាជាមួយពណ៌ខ្មៅ មានអេក្រង់កំសាន្ត touchscreen ទំហំធំ ចង្កោមម៉ាស៊ីនត្រជាក់មានទីតាំងនៅសងខាងនៃអេក្រង់។ ក្នុងនោះ រូបភាពក៏បង្ហាញថាម៉ូដែលនេះត្រូវបានបំពាក់ដោយប៊ូតុងបញ្ឆេះរថយន្ត, ដៃចង្កូតមានពណ៌ខ្មៅ ស្រោបដោយស្បែក។

ស្រដៀងគ្នាទៅនឹងនិន្នាការដែលក្រុមហ៊ុន Honda បានធ្វើមុនពេលចេញលក់ម៉ូដែល BR-V ជំនាន់ទី ២ នោះ គំរូរថយន្តមួយនឹងត្រូវបានដាក់បង្ហាញនៅក្នុងប្រទេសឥណ្ឌូនេស៊ី ដើម្បីទាក់ទាញចំណាប់អារម្មណ៍សាធារណៈ។ គួរបញ្ជាក់ផងដែរថា សម្រាប់ព័ត៌មានលម្អិតទាំងអស់អំពី Honda ZR-V បច្ចុប្បន្ននៅតែជាការរំពឹងទុក៕

ផ្ទាំងផ្សាយពាណិជ្ជកម្ម

VW គ្រោងនឹងផលិតរថយន្តភីកអាប់អគ្គិសនីខ្នាតធំ ដើម្បីប្រជែងនឹងរថយន្ត F-150 Lightning

April 18, 2022

[ទីផ្សារបរទេស] ក្រុមហ៊ុនផលិតរថយន្ត Volkswagen មានគម្រោងនឹងផលិតរថយន្តភីកអាប់អគ្គិសនីដើម្បីប្រជែងនឹងរថយន្ត F-150 Lightning របស់ក្រុមហ៊ុន Ford និងរថយន្ត Silverado EV របស់ Chevrolet នៅក្នុងទីផ្សារសហរដ្ឋអាមេរិក។

នៅក្នុងបទសម្ភាសន៍ជាមួយគេហទំព័រ Business Insider លោក Scott Keogh នាយកប្រតិបត្តិក្រុមហ៊ុន Volkswagen Group Of America បាននិយាយថាគាត់ចាប់អារម្មណ៍លើរថយន្តផ្នែកភីកអាប់អគ្គិសនី បើទោះបីជាបច្ចុប្បន្ន ក្រុមហ៊ុន VW លក់រថយន្ត Pickup តែមួយម៉ូដែលគឺ Amarok ដែលផលិតឡើងផ្អែកលើរថយន្ត Ford Ranger ក៏ដោយ។

ក្នុងនោះ លោក Scott Keogh បានលើកឡើងពីឱកាសផលិតរថយន្តភីកអាប់អគ្គិសនី ដោយលោកបានកត់សម្គាល់ថា អតិថិជនទិញរថយន្តភីកអាប់នឹងមានទំនុកចិត្តកាន់តែខ្លាំងក្នុងការប្តូរទៅប្រើរថយន្តអគ្គិសនី ហើយរថយន្តភីកអាប់អគ្គិសនីរបស់ក្រុមហ៊ុន VW នឹងមានតម្លៃសមរម្យ ហើយទំនងជានឹងអភិវឌ្ឍក្នុងរយៈពេលប៉ុន្មានឆ្នាំខាងមុខនេះ។

បច្ចុប្បន្ននៅក្នុងសហរដ្ឋអាមេរិក មានក្រុមហ៊ុនផលិតរថយន្តភីកអាប់អគ្គិសនីធំៗមួយចំនួនដូចជា Ford, General Motors និង Stellantis ដែលបានដាក់បង្ហាញរថយន្តភីកអាប់អគ្គិសនីខ្លួននៅចុងឆ្នាំនេះ។

គួរឲ្យដឹងថា ក្រុមហ៊ុន Volkswagen Group ដែលលក់រថយន្តនៅសហរដ្ឋអាមេរិកក្រោមម៉ាក Volkswagen, Porsche, Audi, Bentley, Lamborghini និង Bugatti កំពុងចំណាយប្រាក់រាប់ពាន់លានដុល្លារដើម្បីព្យាយាមអភិវឌ្ឍ និងផលិតរថយន្តអគ្គិសនី។ ទន្ទឹមនឹងនេះ នៅត្រឹមឆ្នាំ ២០៣០ ម៉ាកយីហោ Volkswagen មានបំណងលក់ ៥៥% នៅក្នុងទីផ្សារសហរដ្ឋអាមេរិកនឹងជាអគ្គិសនី៕

ផ្ទាំងផ្សាយពាណិជ្ជកម្ម

គូប្រជែង Toyota Alphard ថ្មី មកពីប្រទេសចិនមួយនេះ តម្លៃត្រឹម ៧ម៉ឺនដុល្លារប៉ុណ្ណោះ

April 18, 2022

[ប្រទេសចិន] យោងតាមគណនី Weibo របស់ក្រុមហ៊ុនផលិតរថយន្ត BYD បានធ្វើការប្រកាសអំពីតម្លៃដាក់លក់ផ្លូវការនៃរថយន្ត Denza ដែលជារថយន្ត MPV ដ៏ទំនើបរបស់ខ្លួន នៅក្នុងប្រទេសចិន ជាមួយតម្លៃដាក់លក់ចាប់ពី ៧០ ៦០០ដុល្លារ(៤៥០ ០០០យ៉េន)។

រថយន្ត BYD Denza គឺជារថយន្ត MPV លំដាប់ខ្ពស់ដំបូងគេរបស់ម៉ាកយីហោនេះ ហើយវាជាគូប្រជែងដ៏ធំជាមួយ Toyota Alphard ដែលផ្តោតលើភាពប្រណីត និងបច្ចេកវិទ្យាឆ្លាតវៃ។

ទោះបីជាព័ត៌មានពុំទាន់បញ្ចេញក៏ដោយ ប៉ុន្តែគេដឹងថារថយន្តនេះនឹងដំណើរការដោយប្រព័ន្ធ Super Hybrid EHS ជាមួយ Electronic Control System ដែលមានម៉ូទ័រអគ្គិសនីចំនួន ២ ដែលមានចម្ងាយរំពឹងថាអាចបើកបរបាន ១ពាន់គីឡូម៉ែត្រ ។

បើក្រឡេកទៅមើលការឌីស្សាញនៃរថយន្ត គឺមានការឌីស្សាញទាក់ទាញ និងស្រស់ស្អាត ដោយបានភ្ចាប់មកជាមួយប៉ាណាមួយផ្ទាំងធំ និងជាពិសេសចង្កៀងសងខាងប្រភេទ LED ដែលមានការឌីស្សាញរួមបញ្ចូលគ្នាយ៉ាងទាក់ទាញ។

គួររំលឹកផងដែរថារថយន្ត Denza ត្រូវបានបង្កើតឡើងក្នុងខែកុម្ភៈ ឆ្នាំ២០១១ ក្នុងនាមជារថយន្តដែលបង្កើតឡើងរួមគ្នារវាងក្រុមហ៊ុន BYD និង Daimler(Mercedes-Benz) ដែលម្នាក់កាន់ភាគហ៊ុនចំនួន ៥០ភាគរយ៕

ផ្ទាំងផ្សាយពាណិជ្ជកម្ម

ក្រុមហ៊ុន Changan Automobile ត្រៀមបោះជំហានចូលទីផ្សារអឺរ៉ុប និងអាមេរិកខាងជើង

April 18, 2022

[ទីផ្សារបរទេស] ក្រុមហ៊ុនផលិតរថយន្ត Changan Automobile បានធ្វើការប្រកាសថាខ្លួននឹងបង្កើតទីស្នាក់ការកណ្តាលរបស់ខ្លួននៅអឺរ៉ុប និងអាមេរិកខាងជើង ហើយកំពុងស្វែងរកពេលវេលាត្រឹមត្រូវមួយក្នុងការរៀបចំ។

នៅក្នុងសន្និសីទភាពដៃគូសកលនៃ Changan Automobile 2022 ប្រធានក្រុមហ៊ុន Changan Automobile លោក Zhu Huarong បានប្រកាសថា Changan Automobile គ្រោងនឹងសាងសង់មូលដ្ឋានផលិតកម្មនៅក្រៅប្រទេសពី ២ ទៅ ៣ នៅឆ្នាំ ២០២៥ នៅអឺរ៉ុប និងសហរដ្ឋអាមេរិកនៅពេលវេលាត្រឹមត្រូវមកដល់។

គួរឲ្យដឹងថា ក្រុមហ៊ុនផលិតរថយន្ត Changan Automobile ត្រូវបានបង្កើតឡើងនៅថ្ងៃទី ៣១ ខែតុលា ឆ្នាំ ១៩៩៦ ដោយលោក Zhu Huarong ដែលមានដើមទុនចុះបញ្ជីចំនួន ៧៥៣ ៦១២ ៧៩៣ ដុល្លារ ដោយអាជីវកម្មររួមមានការផលិត និងការលក់រថយន្ត, ការផលិតម៉ាស៊ីនរថយន្ត ការជួលរថយន្ត អភិបាលកិច្ច និងការគ្រប់គ្រងទ្រព្យសម្បត្តិរដ្ឋរបស់ក្រុមប្រឹក្សារដ្ឋ ក្រុមប្រឹក្សាភិបាលកាន់កាប់ភាគហ៊ុនដោយផ្ទាល់ ឬដោយប្រយោល ៣៨,៧៩% ក្នុងនោះក្រុមហ៊ុនមានសហគ្រិនវិនិយោគបរទេសចំនួន ១២០ នាក់។

ចាប់ពីខែមករាដល់ខែមីនាឆ្នាំ ២០២២ ក្រុមហ៊ុន Changan Automobile លក់បានរថយន្តចំនួន ៦៥១ ៥០០ គ្រឿង កើនឡើង ១,៦៣% និងការលក់ខែមីនាមានចំនួន ២២៦ ៦៧៥ គ្រឿង កើនឡើង ៩,២៨% បើធៀបនឹងឆ្នាំមុន។

សម្រាប់ប្រទេសថៃ ក្រុមហ៊ុន Changan Automobile នឹងចាប់ផ្តើមទីផ្សារក្នុងក្នុងឆ្នាំនេះ ដោយរំពឹងថានឹងឃើញរថយន្តថ្មីក្រោមម៉ាកនេះនៅចុងឆ្នាំ ២០២២ ។ លើសពីនេះ ក្រុមហ៊ុនរថយន្តចិនបានចាប់ផ្តើមដើរតួនាទីនៅក្នុងឧស្សាហកម្មរថយន្តនៅក្នុងប្រទេសថៃ និងអាស៊ីអាគ្នេយ៍ ជាមួយនឹងការចាប់ផ្តើមនៃក្រុមហ៊ុនរថយន្តដូចជា MG, HAVAL (GWM) ថ្មីៗនេះ NETA ត្រូវបានបង្ហាញនៅឯពិព័រណ៍ Motor show ឆ្នាំ ២០២២ ផងដែរ៕

ផ្ទាំងផ្សាយពាណិជ្ជកម្ម

Honda បញ្ចេញម៉ូតូចង្កះលេខ កាន់តែកាចជាមួយរូបរាង និងម៉ាស៊ីនខ្លាំង

April 18, 2022

[ទីផ្សារបរទេស] ក្រុមហ៊ុនផលិតម៉ូតូ Honda បានធ្វើការដាក់បង្ហាញនូវម៉ូឌែល RS-X 150 ស៊េរីឆ្នាំ ២០២២ ប្រភេទ Repsol Edtion ប្រើប្រាស់ចង្កឹះលេខ ជាមួយនឹងរូបរាងបែបស្ព័តកាន់តែកាច និងម៉ាស៊ីនខ្លាំង ។

ម៉ូតូចង្កះលេខ RS-X 150 ប្រើប្រាស់ម៉ាស៊ីនសាំង DOHC ចំណុះ ១៤៩សេសេ ទំហំ ១ ស៊ីទ្បាំង ប្រព័ន្ធស្អំប្រេង liquid-cooled ផលិតកម្លាំង ១៥,៨សេះ និងកម្លាំងរមួល ១៣,៦ញ៉ូតុនម៉ែត្ត ភ្ជាប់ជាមួយនឹងប្រអប់ចង្កះលេខ ៥ វគ្គ។ ហើយម៉ូតូចង្កះលេខ RS-X 150 ក៏បានបំពាក់នូវប្រព័ន្ធប៊ិច PMG-FI ដើម្បីជួយកាត់បន្ថយនៃការប្រើប្រាស់សាំងជាដើម។ ខណៈដែលម៉ូតូនេះមានទម្ងន់ ១២២ គីទ្បូក្រាម និងកម្ពស់កែប ៧៩៥ មម ព្រមទាំងធុងសាំងអាចផ្ទុកបានចំណុះរហូតដល់ ៤,៥ លីត្រ។

បន្ថែមពីនេះម៉ូតូចង្កះលេខ RS-X 150 បានបំពាក់មកជាមួយនឹងចង្កៀងប្រភេទ LED, កុងទ័រឌីជីថល និងអ្វីកាន់តែពិសេសនោះគឺប្រព័ន្ធហ្វាំ្រង ABS កម្រិតខ្ពស់ស្តង់ដាររបស់ Honda។

ម៉ូតូចង្កះលេខ Honda RS-X 150 មានជម្រើស ៣ ពណ៌ ទឹកក្រូច ក្រហម និងស តម្លៃចាប់ពី ២ ៣១៦ ដុល្លារ សម្រាប់ទីផ្សារនៅក្នុងប្រទេសម៉ាឡេស៊ី៕

ផ្ទាំងផ្សាយពាណិជ្ជកម្ម

ម៉ូតូ Scooter ស៊េរីថ្មីរបស់ Yamaha ស៊ីសាំងតិច ១,៨៧ លីត្រ អាចជិះបាន ១០០ គ.ម

April 18, 2022

[ទីផ្សារបរទេស] ក្រុមហ៊ុន Yamaha បានបញ្ចេញជាផ្លូវការនូវម៉ូតូអូតូ Janus ស៊េរីឆ្នាំ២០២២ នៅក្នុងប្រទេសវៀតណាម ដែលមានការឌីហ្សាញរូបរាងបែប Classic និងសន្សំចំចៃសាំងរហូតដល់ ១,៨៧ លីត្រ អាចជិះបាន ១០០ គ.ម ។

Yamaha Janus នេះទទួលបានការរចនាទ្បើងមើលទៅស្រដៀងគ្នានឹង Yamaha Grand Filano hybrid ដោយម៉ូតូ Scooter នេះបានបំពាក់ចង្កៀងមុខ Halogen រួមជាមួយនឹងអំពូលជួយបំភ្លឺពេលថ្ងៃ DRL និងប្រើប្រាស់ Smart-Key ដើម្បីជួយបញ្ជារសោរពីចម្ងាយ។

ខណៈដែលម៉ូតូ Yamaha Janus មានទម្ងន់ស្រាល ៩៧ គីទ្បូក្រាម បន្ថែមជាមួយការបំពាក់ដោយសំបកកង់មុខ ៨០/៨០ ក្រោយ ១០០/៧០, ថាសកង់មានទំហំ ១៤ អ៊ីញ និងប្រអប់ផ្ទុកឥវ៉ាន់ក្រោមកៅអីអាចដាក់បានមួកសុវត្ថិភាព ១ ផងដែរ។

Yamaha Janus បានប្រើប្រាស់ម៉ាស៊ីនសាំង Bure Core ចំណុះ ១២៥សេសេ ទំហំ ១ស៊ីទ្បាំង ប្រព័ន្ធស្អំប្រេង air-cooled ផលិតកម្លាំង ៩,៥សេះ និងកម្លាំងរមួល ៩,៦ញ៉ូតុនម៉ែត្រ។ ខណៈដែលកម្រិតនៃការប្រើប្រាស់សាំងរបស់ម៉ូតូ Scooter នេះ ក្នុង ១,៨៧ លីត្រ អាចជិះបាន ១០០ គ.ម ។

សម្រាប់ទីផ្សារនៅក្នុងប្រទេសវៀតណាម ម៉ូតូ Yamaha Janus ស៊េរីឆ្នាំ ២០២២ មានតម្លៃចាប់ពី ១ ២១៧ ដុល្លារតែប៉ុណ្ណោះ៕

ផ្ទាំងផ្សាយពាណិជ្ជកម្ម

រថយន្ត MG5 Core Plus ចេញលក់ក្នុងតម្លៃតែ ១មុឺនដុល្លារជាងប៉ុណ្ណោះ ក្នុងទីផ្សារប្រទេសហ្វីលីពីន

April 18, 2022

[ទីផ្សារបរទេស] ក្រុមហ៊ុន MG ប្រចាំប្រទេសហ្វីលីពីនបានធ្វើការដាក់បង្ហាញចេញនៅរថយន្ត MG5 Core Plus សេរ៊ីថ្មី ដែលជាម៉ូដែលផ្តោតលើអតិថិជនដែលកំពុងស្វែងរករថយន្តដែលមានតម្លៃសមរម្យជាចម្បងជាមួយនឹងតម្លៃលក់ត្រឹមតែ ១៤ ២៥៩ ដុល្លារ នៅក្នុងទីផ្សារប្រទេសនេះ។

សម្រាប់រថយន្ត MG5 របស់ហ្វីលីពីនត្រូវបានពង្រីកជម្រើសរបស់អតិថិជនជាមួយនឹងម៉ូដែល Core Plus ថ្មីបំផុតដែលជំនួសបួនម៉ូដែលមុនគឺ MT Core, CVT Core, CVT Style និង CVT Alpha ដោយ Core Plus ត្រូវបានដាក់នៅលំដាប់កណ្តាល ដោយមានភ្ជាប់ជាមួយនឹងឧបករណ៍ស្តង់ដារបន្ថែមទៀតដូចជា cruise control ប្រព័ន្ធត្រួតពិនិត្យសម្ពាធកង់រថយន្ត កាំមេរ៉ាមើលក្រោយ។ លើសពីនេះ ក៍មានអេក្រង់កំសាន្តទំហំ ១០ អ៊ីញ ភ្ជាប់មុខងារ Apple CarPlay និង Android Auto ។

ខណៈពេលដែលឧបករណ៍ស្តង់ដារផ្សេងទៀតនៃម៉ូដែល MG5 Core Plus រួមមានចង្កៀងមុខប្រភេទ halogen projector, ប្រព័ន្ធបើក-បិទភ្លើងមុខដោយស្វ័យប្រវត្តិ, កញ្ចក់ចំហៀងដែលអាចលៃតម្រូវបាន, ថាសកង់ទំហំ ១៥ អ៊ីញ, កៅអីស្បែក, កៅអីខាងក្រោយដែលអាចបត់រាបស្មើរ, សោបញ្ឆេះពីចម្ងាយ, ការគ្រប់គ្រងស្ថេរភាព ESC, ប្រព័ន្ធហ្វ្រាំង ABS/EBD/BA, ពោងសុវត្ថិភាពខាងមុខពីរ និងប្រព័ន្ធព្រមានខ្សែក្រវ៉ាត់សុវត្ថិភាពសម្រាប់កៅអីខាងមុខជាដើម។

បើនិយាយអំពីផ្នែកម៉ាស៊ីននៃរថយន្ត MG5 នៅក្នុងប្រទេសហ្វីលីពីននេះ ត្រូវបានបំពាក់ដោយម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង ដែលផលិតកម្លាំងបាន ១១៤ សេះ និងកម្លាំងរមួល ១៥០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ CVT ឬប្រអប់លេខដៃ ៥ វគ្គ៕

ផ្ទាំងផ្សាយពាណិជ្ជកម្ម

អីយ៉ាស់! គូរប្រជែង Cadillac Escalade មកពីប្រទេសចិនបង្ហាញខ្លួនផ្លូវការហើយ

April 17, 2022

[បរទេស] ក្រុមហ៊ុនផលិតរថយន្តដ៏ល្បីឈ្មោះរបស់ប្រទេសចិន Hongqi បានធ្វើការបញ្ចេញនូវរថយន្ត LS7 ប្រភេទ SUV ដ៏ទំនើបរបស់ខ្លួនជាផ្លូវការ។

ចាប់ផ្តើមជាមួយទំហំនៃរថយន្ត រថយន្ត Hongqi LS7 មានប្រវែងសរុប ៥ ៦៩៥មម, ទទឹង ២ ០៩៥មម, កម្ពស់ ១ ៩៨៥មម និងប្រវែងនៃគម្លាតកង់ ៣ ៣០៩មម។ ជាមួយតួរលេខនេះបានបង្ហាញថារថយន្តនេះមានប្រវែងវែងជាងរថយន្ត BMW X7 និង Mercedes-Maybach GLS ប៉ុន្តែវាមានប្រវែងនៃប្រវែងគម្លាតកង់ខ្លីជាងរថយន្ត Cadillac Escalade។

ចំពោះការរចនាអាចនិយាយបានថាវានៅតែរក្សានូវអត្តសញ្ញាណនៃម៉ាកសញ្ញារបស់ខ្លួនជាមួយប៉ាណាក្រូមមួយផ្ទាំងធំ ដែលមានរំលេចជាមួយពណ៌ក្រហមមួយឆ្នូតនៅចំកណ្តាល និងបានបំពាក់ជាមួយចង្កៀងមុខ-ក្រោយប្រភេទ Full LED ជំនាន់ចុងក្រោយផងដែរ។

ចំណែកផ្នែកខាងក្នុងនៃរថយន្ត វាគឺជាចំនុចដ៏គួរចាប់អារម្មណ៍បំផុត ដោយបានបំពាក់មកជាមួយដៃចង្កូតដែលមានការឌីស្សាញយកលំនាំតាមរថយន្ត Rolls-Royce និងបានប្រើប្រាស់នូវឈើ Mahogany នៅលើតាប្លូ, Console កណ្តាល និងទ្វា។

ការរចនាផ្នែកខាងក្នុងនេះគឺវាត្រូវបានឌីស្សាញបញ្ជូលគ្នារវាងពណ៌ទឹកមាស និងស្បែកកម្រិតខ្ពស់ ក្នុងការផ្តល់នូវអារម្មណ៍នៃប្រណិតភាព។ លើសពីនេះ ចំពោះគ្រឿងបរិក្ខានៃរថយន្តវាបានភ្ជាប់មកជាមួយម៉ាស៊ីនត្រជាក់អូតូ, អេក្រង់ភ្លោះនៅលើតាប្លូ និងអេក្រង់សម្រាប់អ្នកដំណើរផ្នែកខាងក្រោយផងដែរ។

រថយន្ត Hongqi LS7 ដំណើរការដោយម៉ាស៊ីនចំណុះ ៤,០លីត្រ V8 អាចផលិតកម្លាំងបាន ៣៦០សេះ និង ៥៥០ញ៉ូតុនម៉ែត្រ ព្រមទាំងមានល្បឿនអតិបរមា ២០០គ.ម/ម៉។

សម្រាប់ពេលវេលានៃការចេញលក់ជាផ្លូវការ រថយន្តនេះនឹងបង្ហាញវត្តមាននៅលើទីផ្សារនាត្រីមានទី៣ ឆ្នាំនេះ ជាមួយតម្លៃចាប់ពី ២៣៥ ០០០ដុល្លារ៕

ផ្ទាំងផ្សាយពាណិជ្ជកម្ម

ដឹងអត់ថា Lamborghini Urus មានតម្លៃផ្លូវការនៅលើទីផ្សារប្រទេសវៀតណាមប៉ុន្មានម៉ឺនដុល្លារ!

April 17, 2022

[ទីផ្សារបរទេស] កាលពីចុងខែមីនា កន្លងទៅនេះ បន្ទាប់ពីក្លាយជាអ្នកចែកចាយរថយន្ត Lamborghini ផ្លូវការថ្មីនៅក្នុងប្រទេសវៀតណាម ក្រុមហ៊ុន S&S Automotive ទើបតែបានប្រកាសតម្លៃលក់រថយន្ត Lamborghini Urus super SUV ជាមួយតម្លៃចាប់ពី ៥៧២ ០២៧ ដុល្លារ។ នេះក៏ជាលើកទីមួយដែរដែល Lamborghini Urus ត្រូវបានប្រកាសជាផ្លូវការនៅប្រទេសវៀតណាម ខណៈពេលពីមុនមានរថយន្ត Urus នាំចូលពិតចំនួន ៤ ម៉ូដែល ប៉ុន្តែអ្នកចែកចាយចាស់មិនបានប្រកាសតម្លៃលក់ទេ។

សម្រាប់រថយន្ត Lamborghini Urus មានការរចនាដែលរួមបញ្ចូលគ្នារវាង Aventador និង Huracan ក្នុងទម្រង់ជារថយន្តដែលមានកម្ពស់ខ្ពស់ ព្រមទាំងបានប្រើប្រាស់ភាសាការរចនាដ៏រឹងមាំផងដែរ។

ជាមួយនឹងការរចនានៃរថយន្តទំនើប Urus បានក្លាយជាការពេញនិយមយ៉ាងឆាប់រហ័សពីអ្នកលេងរថយន្តនៅក្នុងប្រទេសវៀតណាម។ ទន្ទឹមនឹងនេះ ម៉ូដែលខ្លះអាចត្រូវបានលក់ចេញក្នុងតម្លៃប្រហែល ៩៦០ ៦៥៦ ដុល្លារ ឬច្រើនជាងនេះ ដោយអាស្រ័យលើគ្រឿងបន្ថែម។

រថយន្ត Lamborghini Urus ត្រូវបានបំពាក់ដោយម៉ាស៊ីនចំណុះ ៤,០ លីត្រ twin-turbo V8 បង្កើតកម្លាំងបាន ៦៥០ សេះ និងកម្លាំងរមួល ៨៥០ ញ៉ូតុនម៉ែត្រ រថយន្តនេះមានសមត្ថភាពបង្កើនល្បឿនពី ០-១០០ គីឡូម៉ែត្រក្នុងមួយម៉ោងត្រឹមរយៈពេលតែ ៣,៦ វិនាទី និងពី ០-២០០ គីឡូម៉ែត្រក្នុងមួយម៉ោង ក្នុងរយៈពេល ១២,៨ វិនាទី មុនពេលឈានដល់ល្បឿនអតិបរមា ៣០៥ គីឡូម៉ែត្រក្នុងមួយម៉ោង ភ្ជាប់មកជាមួយប្រអប់លេខអូតូ ៨ វគ្គ៕

ផ្ទាំងផ្សាយពាណិជ្ជកម្ម

Lamborghini សាងកំណត់ត្រាលក់ថ្មីមួយ ប្រចាំត្រីមាសដំបូងនៃឆ្នាំ២០២២

April 16, 2022

[ទីផ្សារបរទេស] ក្រុមហ៊ុន Lamborghini បានប្រកាសអំពីការលក់រថយន្តបានសរុប ២ ៥៣៩គ្រឿង នៅជុំវិញពិភពលោក ក្នុងអំឡុងរយៈពេលបីខែដំបូងនៃឆ្នាំ២០២២នេះ ដែលតួលេខនេះធ្វើឲ្យត្រីមាសនេះក្លាយជាត្រីមាសដ៏ល្អបំផុតមួយមិនធ្លាប់មានក្នុងប្រវត្តិសាស្ត្រក្រុមហ៊ុន។

ចំនួនលក់នេះដែរ មានការកើនឡើង ៥% បើធៀបនឹងចំនួនលក់ដែលទទួលបានកាលពីត្រីមាសទីមួយនៃឆ្នាំ២០២១ ដោយឆ្នាំមុននេះគឺជាឆ្នាំដែល Lamborghini សាងបានកំណត់ត្រាលក់រថយន្តបានច្រើនមិនធ្លាប់មាន ដែលអាចលក់បានរហូតដល់ ៨ ៤០៥គ្រឿង គិតចាប់ពីខែមករា ដល់ខែធ្នូ។

ម៉ូដែលរថយន្តដែលទទួលបានការគាំទ្រខ្លាំងជាងគេគឺម៉ូដែល Lamborghini Urus ដែលវាមានចំណែករហូតដល់ ៦១% នៃចំនួនលក់ចេញសរុប។ ជាក់ស្ដែង Urus អាចលក់ចេញបាន ១ ៥៤៧គ្រឿង បន្ទាប់មកគឺរថយន្ត Huracán លក់ចេញបាន ៨៤៤គ្រឿង និងរថយន្ត Aventador អាចលក់ចេញបាន ១៤៨គ្រឿង។

ត្បិតថារថយន្ត Aventador មានចំនួនលក់តិចតួច ដោយសារអាយុកាលវាបានផុត ប៉ុន្តែ Lamborghini បានបង្ហាញអារម្មណ៍ត្រេកត្រអាលជាមួយរថយន្តដែលចូលមកជំនួស Aventador គឺរថយន្ត Supercar ប្រភេទ Hybrid ប្រើម៉ាស៊ីន១២ស៊ីឡាំង ដែលគ្រោងបង្ហាញវត្តមាននៅឆ្នាំ២០២៣។

នៅក្នុងឆ្នាំ២០២២នេះដែរ Lamborghini នឹងមានការប្រកាសចេញផលិតថ្មីចំនួនបីប្រភេទ ដែលក្នុងនោះមានរថយន្ត Urus ចំនួនពីរប្រភេទ និងមួយទៀតគឺសម្រាប់រថយន្ត Huracán ដែលអាចនឹងជួយបង្កើនចំនួនលក់បានមួយកម្រិតទៀត៕

ផ្ទាំងផ្សាយពាណិជ្ជកម្ម