[ទីផ្សារបរទេស] ម៉ូតូ Honda ADV 160 ស៊េរីថ្មី ប្រភេទ Scooter នឹងចេញលក់នៅឆ្នាំនេះសម្រាប់ទីផ្សារនៅក្នុងប្រទេសថៃ ជាមួយនឹងរូបរាងទាក់ទាញ ម៉ាស៊ីនសាំងស្រដៀងគ្នានឹង PCX ឬ Click 160 និងបំពាក់នូវប្រព័ន្ធសុវត្ថិភាពទំនើប នេះបើយោងតាមការចុះផ្សាយរបស់សារព័ត៌មាន greatbiker ។

ជាក់ស្តែងបើក្រទ្បែកមើលតាមរូបភាពរបស់ Honda ADV 160 ទទួលបានរចនាទ្បើងបែបស្ព័រដែលម៉ូតូនេះបានបំពាក់មកជាមួយនឹងចង្កៀងមុខ-ក្រោយ LED, កុងទ័រឌីជីថល LCD, រន្ធសាក USB ឬទូរស័ព្ទ ប្រអប់ដាក់ឥវ៉ាន់ក្រោមកៅអីមានទំហំធំអាចដាក់បានច្រើន និងប្រព័ន្ធសោរ Smart-Key ជាដើម។

ហើយអ្វីដែលពិសេសនោះម៉ូតូ Honda ADV 160 បានបំពាក់នូវបច្ចេកវិទ្យាសុវត្ថិភាពខ្ពស់ជាមួយនឹងប្រព័ន្ធ HSTC ដើម្បីការពារការលំនឹងកង់នៅពេលបើកបរ ជាមួយនឹងទំនុកចិត្តជាមួយឌីសហ្វ្រាំងខាងមុខ បន្ថែមជាមួយប្រព័ន្ធហ្រ្វាំង ABS ផងដែរ។

ម៉ូតូ Honda ADV 160 បានប្រើប្រាសម៉ាស៊ីនសាំង eSP+ ស្រដៀងគ្នាទៅនឹង PCX ឬ Click 160 ចំណុះ ១៥៧សេសេ ទំហំ ១ស៊ីទ្បាំង ប្រព័ន្ធស្អំប្រេង air-cooled ផលិតកម្លាំង ១៥,៨សេះ និងកម្លាំងរមួល ១៥ញ៉ូតុនម៉ែត្រ ហើយភ្ជាប់ជាមួយនឹងប្រអប់លេខអូតូ CVT ជាដើម។

សូមបញ្ជាក់ថាម៉ូតូ Honda ADV 160 ស៊េរីថ្មី មានជម្រើស ៣ ពណ៍ ក្រហម ខ្មៅ និងសរ។ ប៉ុន្តែចំពោះតម្លៃរបស់ម៉ូតូនេះមិនទាន់បានបង្ហាញចេញជាផ្លូវការនៅទ្បើយទេសម្រាប់ទីផ្សារនៅក្នុងប្រទេសថៃ៕

ផ្ទាំងផ្សាយពាណិជ្ជកម្ម

[ទីផ្សារបរទេស] ថ្មីៗនេះក្រុមហ៊ុនផលិតម៉ូតូជប៉ុន Honda បានធ្វើការបញ្ចេញនូវ ២ ម៉ូឌែលថ្មី គឺ CL250 និង CL500 ប្រភេទ Classic Scramble ដែលបរាងស្អាតបែប Classic, ម៉ាស៊ីនខ្លាំង និងងាយាស្រួលជិះធ្វើដំណើរតាមផ្លូវធម្មតា និង Off-Roads។

ម៉ូតូ Honda CL250 និង CL500 ទទួលបានការចចនាទ្បើងបែប Classic សម្រាប់អ្នកចូលចិត្តការធ្វើដំណើរ Off-Roads បែបផ្សងព្រេង បោះតង់ ស្ទួចត្រី និងជិះចូលព្រៃជាដើម។

ម៉ូតូចង្កឹះលេខ ២ ម៉ូឌែលនេះបានដែលមកជាមួយនឹងចង្កៀងមុខដែលនៅខាងក្នុងមានអំពូលតូច LED ៤ គ្រាប់រចនាទ្បើងរូបរាងមូលនៅចំកណ្តាលមុខ, កុងទ័រឌីជីថលសម្រាប់មើលព័ត៌មានពេលបើកបរ,ថាស់កង់ស្ព័រ ជាមួយនឹងសំបកកង់ធំៗ។

សម្រាប់ម៉ូតូចង្កឹះលេខ Honda CL250 ត្រូវបានគេរំពឹងថានឹងប្រើប្រាស់ម៉ាស៊ីនសាំងចំណុះ ២៥០សេសេ ទំហំ ១ស៊ីទ្បាំង ប្រព័ន្ធស្អំប្រេង air-cooled ផលិតកម្លាំង ១៧សេះ និងភ្ជាប់ជាមួយនឹងប្រអប់ចង្កឹះលេខ ៦ វគ្គ ដែលអាចបង្កើតល្បឿនកំពូល ១០៩ គីទ្បូម៉ែត្រក្នុងរយៈពេល ១ ម៉ោង។

ខណៈដែល Honda CL500 នឹងប្រើប្រាស់ម៉ាស៊ីនសាំងចំណុះ ៤៧១ សេសេ ផលិតកម្លាំង ៤៦,៩សេះ និងកម្លាំងរមួល ៤៣ ញ៉ូតុនម៉ែត្រ និងភ្ជាប់ជាមួយនឹងប្រអប់ចង្កឹះលេខ ៦ វគ្គផងដែរ។ យ៉ាងណាមិញចំពោះម៉ូតូ Honda CL250 និង CL500 មិនទាន់មានព័ត៌មានណាមួយបានបញ្ជាក់អំពីតម្លៃនៅទ្បើយទេ៕

ផ្ទាំងផ្សាយពាណិជ្ជកម្ម

[ទីផ្សាបរទេស] យោងតាមការចុះផ្សាយរបស់សារព័ត៌មាន greatbiker បានបង្ហាញថាក្រុមហ៊ុន Honda នឹងធ្វើការដាក់បង្ហាញនូវម៉ូតូ ៥ ម៉ូឌែល ស៊េរីឆ្នាំ ២០២២ ដែលមានម៉ូតូ Honda Click 160, Honda Dax 125, Honda ADV 350, Honda Lead និង Honda CB350។

ថ្ងៃនេះក្រុមការងារ ខេមបូអូតូ នឹងលើកមកបង្ហាញម៉ូតូទាំង ៥ ម៉ូឌែល ដែលគេរំពឹងថានឹងដាក់លក់ សម្រាប់ទីផ្សារក្នុងប្រទេសថៃ ខាងមុខនេះរួមមាន៖

១. Honda Click 160 ប្រភេទម៉ូតូ Scooter ដែលរូបរាងម៉ូតូ Honda Click 160 បានរចនាទ្បើងបែបស្ព័របំពាក់មកជាមួយនឹងគ្រោងឆ្អឹង eSAF, ចង្កៀងប្រភេទ LED, កុងទ័រឌីជីថលប្រភេទ LCD, រន្ធសាកប្រភេទ USB និង Smart key, កន្លែងផ្ទុកអីវ៉ាន់ក្រោមកៅអីទំហំ ១៨ លីត្រអាចផ្ទុកមួកសុវត្ថិភាព និងរបស់របរផ្សេងៗទៀត។ ខណៈដែលម៉ូតូនេះប្រើប្រាស់ម៉ាស៊ីនសាំង eSP + ចំណុះ ១៥៧ សេសេ ទំហំ ១ស៊ីទ្បាំង ផលិតកម្លាំង ១៥,៣ សេះ និងកម្លាំងរមួល ១៣,៨ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ V-Matic ដោយការបើកបរចម្ងាយ១០០គ.ម ស៊ីសាំងប្រហែល ២,១លីត្រ។ ហើយតម្លៃខ្ទង់ ២ពាន់ដុល្លារ។

២. Honda ADV 350 ប្រភេទ Scooter ខ្នាតធំដែលប្រើប្រាស់នូវម៉ាស៊ីន eSP + ចំណុះ ៣៣០ សេសេ ផលិតកម្លាំង ២៩សេះ និងកម្លាំងរមួល ៣១.៥ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT អាចបង្កើនល្បឿងបាន ១៣៧ គីទ្បូម៉ែត្រក្នុង ១ ម៉ោង ដោយកម្រិតនៃការប្រើប្រាស់សាំង ១ លីត្រ អាចបើកបរបានចម្ងាយ ២៩.៤ គីទ្បូម៉ែត្រ ។ ខណៈដែល រូបរាង AVD 350 ទទួលបានការរចនាទ្បើងបែបស្ព័រដោយបានបំពាក់នូវចង្កៀងមុខ-ក្រោយLED, កុងទ័រឌីជីថល LCD, រន្ធ USB, កន្លែងផ្ទុកឥវ៉ាន់ក្រោមកៅអីអាចដាក់មួកសុវត្ថិភាពបាន ២, ប្រព័ន្ធ HSTC anti-trolling និងការតភ្ជាប់ RoadSnyc ទៅកាន់ស្មាតហ្វូនក៏ត្រូវបានរួមបញ្ចូលផងដែរ។ ហើយតម្លៃរបស់ម៉ូតូនេះមានជម្រើស ២ ម៉ូឌែលតម្លៃចាប់ពី ៥ ៥២៧ ដល់ ៥ ៤៦៧ ដុល្លារ។

៣. Honda Dax 125 ប្រភេទចង្កះលេខម៉ូតូខ្នាតតូចដែលបានបំពាក់ដោយម៉ាស៊ីនសាំង SOHC2 ទំហំ ១ ស៊ីទ្បាំង ចំណុះ ១២៤សេសេ ផលិតកម្លាំង ៩,៣៨សេះ និងកម្លាំងរមួល ១០,៨ ញ៉ូតុនម៉ែត្រ ភ្ជាប់ជាមួយនឹងប្រអប់ចង្កឹះលេខ ៥ វគ្គ។ ខណៈដែលម៉ូតូនេះជួយសន្សំសំចៃសាំង និងប្រើបានយូរ ដំណើរការជាមួយនឹងប្រព័ន្ធប៊ិច fuel- injectors ដោយកម្រិតនៃការប្រើប្រាស់សាំងក្នុង ១ លីត្រ អាចជិះបានចម្ងាយ ៦៣,៧ គីទ្បូម៉ែត្រ ឬ ៣,៨ លីត្រ អាចជិះបានចម្ងាយ ២៤០ គីទ្បូម៉ែត្រ ដែលអាចបង្កើនល្បឿន ៩០ គីឡូម៉ែត្រក្នុងរយៈពេល ១ ម៉ោង។

៤. Honda Lead ប្រភេទម៉ូតូ Scooter ដែលប្រើប្រាស់ម៉ាស៊ីន ePS+ 4 valve SOHC ចំណុះ ១២៤,៨សេសេ ផលិតកម្លាំង ១១ សេះ និងកម្លាំងរមួល ១១,៥ញ៉ូតុនម៉ែត្រ ។ ហើយជាមួយតម្លៃ ១ ៦៦៣ ដុល្លារ។

៥. Honda CB350 ប្រភេទម៉ូតូចង្កះលេខបែប Classic ដែលប្រើប្រាស់ម៉ាស៊ីនសាំងចំណុះ ៣៤៨សេសេ ប្រព័ន្ធស្អំប្រេង air-cooled ផលិតកម្លាំង ២១សេះ និងភ្ជាប់ជាមួយនឹងប្រអប់ចង្កឹះលេខ ៥ វគ្គ៕

ផ្ទាំងផ្សាយពាណិជ្ជកម្ម