[បរទេស] កាលពីពេលថ្មីៗ កន្លងទៅនេះ យោងតាមរបាយការណ៍ជាច្រើនបានឲ្យដឹងថា ពិព័រណ៍ Beijing Auto Show 2022 នៅទីក្រុងប៉េកាំង ដែលគ្រោងនឹងចាប់ផ្តើមនៅថ្ងៃទី ២១ ខែមេសា ទំនងជានឹងត្រូវពន្យារពេលដោយសារតែការរីករាលដាលនៃករណី Covid-19 នៅទូទាំងប្រទេស។ ខណៈ សារព័ត៌មាន Auto News China បាននិយាយថា កម្មវិធីនេះអាចនឹងត្រូវបានត្រឡប់ទៅខែមិថុនា។

បច្ចុប្បន្នប្រទេសចិនកំពុងជួបប្រទះរលកផ្ទុះឡើងវិញនៃ Covid-19 ចាប់តាំងពីជំងឺរាតត្បាតបានចាប់ផ្តើមនៅដើមឆ្នាំ ២០២០។ ខណៈ ទីក្រុងជាច្រើននិងអ្នកស្រុក ១០ លាននាក់កំពុងបិទខ្ទប់ ដែលធ្វើឲ្យអ្នករៀបចំកម្មវិធី Beijing Auto Show ចាប់ផ្តើមពិភាក្សាអំពីការពន្យារពេលនៃកម្មវិធី។

ក្នុងនោះ ក្រុមហ៊ុន​ផលិត​រថយន្ត​ជាច្រើន​បាន​ប្រកាស​រួច​ហើយ​នៅផែនការ​ក្នុង​ការ​បង្ហាញ​រថយន្ត​ម៉ូដែល​ថ្មី​របស់ខ្លួននៅទីនោះ ដូចជា ក្រុមហ៊ុន Mercedes-Benz គ្រោងនឹងបង្ហាញរថយន្តអគ្គិសនីសុទ្ធ EQS SUV  ខណៈ BMW ក៏គ្រោងនឹងបង្ហាញរថយន្ត 7-Series ជំនាន់ចុងក្រោយបង្អស់ រួមជាមួយនឹងរថយន្តអគ្គិសនី i7 ផងដែរ។

ជាមួយគ្នានេះ គំរូ Sphere ទី ៣ របស់ Audi ក៏ត្រូវបានបញ្ជាក់ផងដែរសម្រាប់ការចាប់ផ្តើមរបស់ខ្លួននៅក្នុងព្រឹត្តិការណ៍នេះ ក៏ដូចជាគំរូ ID Aero15 របស់ក្រុមហ៊ុន Volkswagen ដែលជាម៉ូដែលចុងក្រោយបង្អស់នៅក្នុង I.D. ជាទម្រង់នៃរថយន្ត aerodynamic sedan ដែលមានចម្ងាយរហូតដល់ ៧០០ គីឡូម៉ែត្រ ។

គួរឲ្យដឹងថា ប្រទេសចិនបានបន្តគោលនយោបាយ ‘គ្មានកូវីដ’ ជាយូរណាស់មកហើយ ខណៈពេលដែល Omicron បានរីករាលដាលយ៉ាងខ្លាំងក្នុងការពិបាកបញ្ឈប់ជាមួយនឹងចំនួនករណីឆ្លងដ៏ច្រើនត្រូវបានរាយការណ៍ជារៀងរាល់ថ្ងៃ៕

ផ្ទាំងផ្សាយពាណិជ្ជកម្ម

[ទីផ្សារក្នុងស្រុក] យោងតាមទំព័រផ្លូវការនៃក្រុមហ៊ុន Ford Cambodia បានធ្វើការប្រកាសអំពីការបើកទទួលការកក់ជាផ្លូវការនៃរថយន្ត SUV ខ្នាតកណ្តាលរបស់ខ្លួននោះគឺរថយន្ត Ford Everest ឆ្នាំ២០២៣ សម្រាប់ទីផ្សារប្រទេសកម្ពុជាផ្ទាល់។

សម្រាប់រថយន្ត​ Ford Everest ឆ្នាំ២០២៣ ត្រូវបានបង្ហាញខ្លួនជាផ្លូវការកាលពីថ្ងៃទី១ ខែមីនានេះកន្លងទៅ ជាមួយការផ្លាស់ប្តូររូបរាងឆ្នាំទាំងស្រុង និងបានទទួលធ្វើការអភិវឌ្ឍន៍អោយកាន់តែប្រសើទៅលើប្រណិត និងសម្ថភាពផងដែរ។

ជាមួយនឹងម៉ូឌែលជំនាន់ថ្មីនេះ Ford មិនភ្លេចជាមួយនឹងការរចនាផ្អែកតាម DNA ថ្មីរបស់ Ford នោះគឺចង្កៀងមុខប្រភេទ C-Clamp រចនាចេញជារាងអក្សរ C និងប៉ាណាផ្ទាំងធំចំកណ្តាលដ៏រឹងមាំ រីឯប្រវែងទទឹង និងបណ្តោយក៏ត្រូវបានបន្ថែម ៥០mm។

ផ្នែកខាងក្នុងក៏រចនាយ៉ាងពិសេស ដោយបានផ្ចិតផ្ចង់រចនាផ្នែកខាងក្នុងឲ្យកាន់តែប្រសើរជាងមុន ដោយគ្រប់ឧបករណ៍ដែលបានបំពាក់សុទ្ធតែជាប្រភេទស្បែកប្រណិត ឧបករណ៍ទំនើបៗ ដូចជាកុងទ័រឌីជីថលទំហំ ៨អ៊ីញ ឬ ១២,៤អ៊ីញ, អេក្រង់កំសាន្តធំបញ្ឈរចំកណ្តាលទំហំ ១០,១អ៊ីញ ឬ ១២អ៊ីញ, ប្រព័ន្ធកាំមេរ៉ា ៣៦០ដឺក្រេកម្រិតខ្ពស់, ប្រព័ន្ធប្រត្តិបត្តិការ SYNC 4A អាចភ្ជាប់ជាមួយនឹង Apple CarPlay និង Android Auto ដោយពុំចាំបាច់ប្រើខ្សែ ថែមទាំងអាចភ្ជាប់ជាមួយនឹង FordPass^TM App សម្រាប់បញ្ជាតាមទូរស័ព្ទដៃ បូករួមជាមួយនឹងភ្លើងពណ៍លម្អផ្នែកខាងក្នុង (Ambient Lighting) ដែលកាន់តែផ្តល់ជូនផាសុកភាព និងស្រស់ស្រាយពេលធ្វើដំណើរ។

ចំណែកឯសម្ថភាព រថយន្ត Ford Everest មានសមត្ថភាពអាចចុះជម្រៅទឹកបាន ៨០០មម ការអូសសណ្តោងបានរហូតដល់ទៅ​ ៣ ៥០០គីឡូក្រាម ដំបូលផ្នែកខាងលើអាចផ្ទុកអីវ៉ាន់បានចន្លោះពី ១០០គីឡូក្រាម ទៅ ៣៥០គីឡូក្រាម។ ក្រៅពីនេះ Ford Everest ជំនាន់ថ្មីនៅមានប្រព័ន្ធសុវត្ថិភាព និងបច្ចេកវិទ្យាជាច្រើនបន្ថែមទៀតផងដែរ។

គួរបញ្ជាក់ផងដែរ ជាមួយការប្រកាសបើកការកក់នេះ យើងពុំទាន់ដឹងថាតម្លៃនៃរថយន្តនេះមានតម្លៃពិតប្រាកដប៉ុន្មាននោះឡើយ ប៉ុន្តែបើតាមការបង្ហាញចេញពីទំព័រនៃទីប្រឹក្សាផ្នែកលក់នៃក្រុមហ៊ុន Ford បានបង្ហាញថាក្រុមហ៊ុននឹងធ្វើការយកជម្រើសម៉ូឌែលចំនួន ២ប្រភេទមកកាន់ទីផ្សារកម្ពុជាដែលរួមមាន៖

• ម៉ូឌែល Ford Everest ប្រភេទ Titanium មានតម្លៃប្រហែល ៧៩ xxxដុល្លារ
• ម៉ូឌែល Ford Everest ប្រភេទ Sport មានតម្លៃប្រហែល ៦៩ xxxដុល្លារ

ចំណែកឯជម្រើសម៉ាស៊ីននៃរថយន្តទាំង ២ម៉ូឌែលនេះ បើនៅលើទីផ្សារប្រទេសថៃដែលទើបតែបើកការលក់នាពេលថ្មីៗនេះ​ Ford Everest ជំនាន់ថ្មីនឹងនឹងបំពាក់ជាមួយម៉ាស៊ីន ២,០លីត្រ Bi-Turbo ផលិតកម្លាំងបាន ២១០ សេះ កម្លាំងរមួល ៥០០ ញូ៉តុនម៉ែត្រ បញ្ជូនដោយប្រអប់លេខអូតូ ១០វគ្គ។

ដូច្នេះសម្រាប់ព័ត៌មានលម្អិតអំពីតម្លៃ​ និងលក្ខណៈពិសេសបន្ថែមទៀតអំពីរថយន្តសេរ៊ីថ្មីនេះ បងប្អូនអាចធ្វើការទាក់ទងទៅកាន់ផ្នែកលក់តាមរយៈលេខទូរស័ព្ទ 078 333 748 | 016 333 785 ឬតាមរយៈគណនី Telegram ៕ អរគុណ

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Honda បានធ្វើការបង្ហាញចេញជាផ្លូវការនូវរថយន្ត HR-V សម្រាប់ទីផ្សារប្រទេសឥណ្ឌូនេស៊ី ជាមួយការប្រើប្រាស់ម៉ាស៊ីន Turbo។

លើទីផ្សារនៅអាស៊ី រថយន្ត HR-V ទទួលបាននូវជម្រើសចំនួន ៤ប្រភេទគឺ S, E, SE និង RS។ ដោយប្រភេទខ្ពស់បំផុត RS នឹងបំពាក់ជាមួយម៉ាស៊ីនសាំងប្រភេទ Turbo ចំណុះ ១,៥លីត្រ អាចផលិតកម្លាំងបាន ១៧៥សេះ និងកម្លាំងរមួល ២៤០ញ៉ូតុនម៉ែត្រ រូមជាមួយប្រអប់លេខប្រភេទ CVT។

នៅលើទីផ្សារប្រទេសឥណ្ឌូនេស៊ី Honda HR-V ទទួលបាននូវការឌីស្សាញមានភាពប្លែកពីម៉ូឌែលដែលមានវត្តមាននៅលើទីផ្សារផ្សេងៗ ដោយមានភាពស្ព័រជាង និងមានភាពស្រដៀងគ្នាទៅនឹងម៉ូឌែល RS e:HEV លក់ក្នុងប្រទេសថៃដូចគ្នាដែរ។

ចំណែកប្រទេសដែលនឹងទទួលបាននូវម៉ាស៊ីន Turbo នេះ គឺទីផ្សារប្រទេសហ្វីលីពីន ដែលត្រៀមបង្ហាញខ្លួននៅថ្ងៃទី ១៩ ខែមេសានេះ។

សម្រាប់តម្លៃនៃរថយន្ត SUV នេះរួមមាន៖

• ម៉ូឌែល S មានតម្លៃចាប់ពី ៣៥៥ ៩០០ ០០០រ៉ូពី ឬ ២៤ ៧៧០ដុល្លារ
• ម៉ូឌែល E មានតម្លៃចាប់ពី ៣៧៩ ៩០០ ០០០រ៉ូពី ឬ ២៦ ៤៤០ដុល្លារ
• ម៉ូឌែល SE មានតម្លៃចាប់ពី ៣៩៩ ៩០០ ០០០រ៉ូពី ឬ ២៧ ៨៣៣ដុល្លារ
• ម៉ូឌែល RS មានតម្លៃចាប់ពី ៤៩៩ ៩០០ ០០០រ៉ូពី ឬ ៣៤ ៧៩០ដុល្លារ៕

ផ្ទាំងផ្សាយពាណិជ្ជកម្ម