Hyundai បានបង្ហាញរូបភាព និងព័ត៌មានជាច្រើនអំពីរថយន្ត Casper កាលពីពីរសប្ដាហ៍មុន ហើយនាពេលនេះក្រុមហ៊ុនបានបង្ហាញចេញរូបភាពខាងក្នុងរបស់រថយន្ត ខណៈដែលបានប្រកាសអំពីតម្លៃលក់របស់រថយន្តនេះនៅទីផ្សារប្រទេសកូរ៉េខាងត្បូងផងដែរ។

ត្បិតថាវាមានទំហំតូចត្រឹមប្រវែង ៣៥៩៥ម.ម ទទឹង ១៥៩៥ម.ម និងកម្ពស់ ១៥៧៥ម.ម ប៉ុន្តែនៅផ្នែកខាងក្នុងឃើញថាមានទំហំធំទូលាយគួរសមសម្រាប់មនុស្សបួននាក់ ហើយវាក៏មានគ្រឿងបរិក្ខារទំនើបៗមកជាមួយផងដែរ។ កៅអីជួរមុខ និងកៅអីជួរក្រោយសុទ្ធតែអាចបត់បាន ដែល​ឲ្យរថយន្តនេះប្រែក្លាយជាគ្រែដេកបានប្រសិនបើចាំបាច់។

នៅផ្នែកខាងក្នុងក៏មានអេក្រង់កម្សាន្តប្រភេទ Touch ទំហំ៨អ៊ីញ ជាមួយមុខងារនាំផ្លូវ, មានមុខងារចំណាំសំឡេង, Hyundai CarPlay, កុងទ័រឌីជីថលទំហំ ៤,២អ៊ីញ និងឧបករណ៍បំពងសំឡេងចំនួន៦ផងដែរ។

រថយន្តនេះមានដាក់លក់តម្លៃចាប់ពីប្រមាណ ១១ ៨៦០ដុល្លារ រហូតដល់ប្រមាណ ១៦ ០១០ដុល្លារ ដែលវាមានជម្រើសម៉ាស៊ីន ១,០លីត្រ កម្លាំង៧៥សេះ និងជម្រើសម៉ាស៊ីន Turbocharged ចំណុះ១,០លីត្រ កម្លាំង៩៩សេះ៕

ផ្ទាំងផ្សាយពាណិជ្ជកម្ម

ទិន្នន័យពី​ iSeeCars.com បានបង្ហាញថាការលក់ចេញរថយន្តថ្មីនៅខែសីហា ក្នុងទីផ្សារសហរដ្ឋអាមេរិកកាន់តែមានសន្ទុះលឿនជាងមុន ដោយជាមធ្យមប្រើពេល២៦ថ្ងៃអាចលក់ចេញឡានថ្មីមួយគ្រឿង ខណៈដែលកាលពីខែកក្កដាគឺប្រើពេលជាមធ្យម៣៥ថ្ងៃ។

ក្នុងនោះដែររថយន្ត Hyundai Santa Cruz បានក្លាយជារថយន្តថ្មីដែលលក់ដាច់បានលឿនជាងគេ ជាមួយរយៈពេលជាមធ្យមត្រឹម ៨ថ្ងៃ ដែលតាមពីក្រោយដោយរថយន្ត Chevrolet Corvette ដែលប្រើពេលជាមធ្យម ៨,៣ថ្ងៃ។

គួរដឹងថារថយន្តដទៃទៀតដែលស្ថិតនៅក្នុងតំណែងកំពូលទាំង១០ជារថយន្តថ្មីលក់ចេញបានលឿនជាងគេ គឺចំណាយពេលលក់ជាមធ្យមមិនដល់១០ថ្ងៃនោះទេ ដែលនិន្នាការនេះទំនងជានឹងបន្តកើតមាននៅខែបន្ទាប់។

iSeeCars.com ទទួលបានទិន្នន័យ តាមរយៈការដែលបានធ្វើការវិភាគលើរថយន្តថ្មីជាង១លានគ្រឿង ដែលបានលក់ចេញនីសហរដ្ឋអាមេរិកកាលពីខែសីហាកន្លងទៅ៕

ផ្ទាំងផ្សាយពាណិជ្ជកម្ម