ហេតុផលដែល Ford សម្រេចចិត្តលុបចោលផែនការនេះ អាចដោយសារតែរថយន្តភីកអាប់នាពេលបច្ចុប្បន្នរបស់ Ford គឺនៅតែលក់ដាច់ខ្លាំងក្នុងចំណោមរថយន្តដទៃទៀត ដែលមិនចាំបាច់បន្ថែមរថយន្ត Bronco ប្រភេទភីកអាប់នោះទេ។
Ford បាននិយាយថាពួកគេនៅបន្តឃើញមានតម្រូវការខ្លាំងក្លាសម្រាប់រថយន្តភីកអាប់ និង SUV គ្រប់ម៉ូដែលរបស់ខ្លួន រួមទាំងរថយន្តម៉ូដែល Bronco និងរថយន្តត្រកូល F-Series ដែលលក់ដាច់ខ្លាំងបំផុត៕
ឥឡូវនេះ ក្រុមហ៊ុនផលិតរថយន្តអង់គ្លេស Aston Martin ក៏នឹងចូលរួមជាមួយគេដែរ ដោយរថយន្តអគ្គិសនីដំបូងបង្អស់របស់វា នឹងបង្ហាញខ្លួននៅក្នុងឆ្នាំ២០២៦ ខាងមុខ។
CEO ក្រុមហ៊ុន Aston Martin លោក Tobias Moers បានប្រាប់ទៅកាន់គេហទំព័ររថយន្ត MotorTrend ឲ្យដឹងថា រថយន្តអគ្គិសនីរបស់ខ្លួននឹងត្រូវរង់ចាំរហូតដល់ម៉ាក Aston Martin ត្រៀមខ្លួនរួចស្រេចក្នុងការបញ្ចេញរថយន្តស្ព័រជំនាន់ថ្មីរបស់ខ្លួន។
Aston Martin DBX
ថ្វីបើម៉ូដែល DBX គឺជារថយន្តដែលលក់ដាច់បំផុតរបស់ Aston Martin ក៏ដោយ ប៉ុន្តែវាទំនងជា មិនក្លាយជារថយន្តអគ្គិសនីដំបូងបង្អស់ក្រុមហ៊ុននេះឡើយ។ ផ្ទុយទៅវិញ គេរំពឹងថាម៉ូដែល DB11 នឹងទទួលរ៉ាប់រងនូវភារកិច្ចនេះ៕
[ប្រទេសថៃ] ក្រោយពីមានការបែកធ្លាយ ដោយមានការច្រលំថ្ងៃការសម្ពោធផ្លូវការកាលពីថ្ងៃទី២៤ កន្លងទៅនេះ ស្តីពីរថយន្ត Hilux GR Sport ឥឡូវអ្វីៗបានចេញជាផ្លូវការហើយ ដោយក្រុមហ៊ុនតូយ៉ូតា ប្រចាំប្រទេសថៃ បានបញ្ចេញនៅរថយន្ត ២ម៉ូដែលគឺ Hilux និង Fortuner ប្រភេទ GR Sport ដែលរចនាមកយ៉ាងទាក់ទាញបំផុត។ ប្រទេសថៃ ជាប្រទេសទីមួយហើយ ដែលបានធ្វើការបញ្ចេញម៉ូដែលពិសេសថ្មីនេះមុនគេ។
រូបភាពពីគេហទំព័រផ្លូវការរបស់ប្រទេសថៃ
ដូចដែលបានចេញផ្សាយកាលពីអត្ថបទមុនរួចមកហើយ សម្រាប់ម៉ូដែល Hilux GR Sport ត្រូវបានយកគំរូតាមលំនាំរថយន្ត LC300 GR Sport ដោយបានដាក់និមិត្តសញ្ញាក្បាលគោ ជំនួសដោយអក្សរ TOYOTA នៅចំកណ្តាលតែម្តង។ នៅផ្នែកចំហៀងវិញក៏បានលេងតែមឆ្នូត ដែលដំណាងអោយឡូហ្គូ GR Sport ពណ៌ខ្មៅ លាយក្រហម ហើយក៏មានបិតតែម GR Sport រួមជាយ៉ាន់កង់ស្ព័រថ្មី រំលេចដោយហ្វ្រាំងគៀប រំលេចដោយពណ៌ក្រហម និងអក្សរ GR Sport។ នៅផ្នែកខាងក្រោយក៏ដូចគ្នា គឺមានលេងតែមដូចនៅផ្នែកចំហៀងផងដែរគឺមានលេងតែម និងអក្សរ GR Sport។ អ្វីដែលពិសេសមួយទៀតនោះ គឺអង់តែនវិទ្យុលក្ខណៈព្រុយត្រីឆ្លាម Shark Fin។ ហើយកាន់តែពិសេសនោះគឺមានលក្ខណៈពិសេសសំខាន់ៗដូចជា កាំម៉េរា ៣៦០ដឺក្រេ ប្រព័ន្ធផ្តល់សញ្ញានៅកញ្ចក់ចំហៀងសងខាង Blind Spot Monitor និង ប្រព័ន្ធផ្តល់សញ្ញាពេលចេញពីចំណតនៅផ្នែកខាងក្រោយ Rear Cross Traffic Alert។
ចំពោះ Fortuner GR Sport ក៏មិនខុសពី Hilux ដែរគឺបន្ថែមអោយឃើញនៅឡូហ្គូបញ្ជាក់ពីប្រភេទពិសេស GR Sport ថ្មីនេះ។ ខុសត្រង់រូបរាងខាងក្រៅ មិនសូវជាមានការបន្ថែមខ្លាំង ដូចជាប្រភេទ ភីកអ៊ាប់នោះទេ។
រូបភាពពីគេហទំព័រផ្លូវការរបស់ប្រទេសថៃ
សម្រាប់ផ្នែកខាងក្នុងគឺមានបន្ថែមឡូហ្គូរបស់ GR Sport នៅលើកុងទ័រ ដៃចង្កូត កៅអីស្បែក ប៉ុតុងពន្លត់ និងបញ្ឆេះរថយន្ត កូនសោរ រួមជាមួយការលេងថ្នេរដេរក្រហម រំលេចអោយឃើញកាន់តែស្ព័រ។ អ្វីដែលចាប់អារម្មណ៌ខ្លាំងនោះគឺម៉ូដែល Hilux GR Sport មានការបន្ថែមច្រើន និងទំនើបខ្លាំងបន្ថែមទៀត។
