Lamborghini ហៅឡាន Aventador SVJ ទាំងអស់ចូលចូលរោងចក្រវិញ ក្រោយជួបបញ្ហារបើកគម្របម៉ាស៊ីនពេលកំពុងបើក

March 3, 2021

រដ្ឋបាលសុវត្ថិភាពចរាចរណ៍ជាតិអាមេរិក (NHTSA) បានចេញការប្រកាសហៅត្រឡប់មកវិញនៃរថយន្ត Lamborghini Aventador SVJ Coupe ដែលត្រូវបានផលិតនៅអំឡុងថ្ងៃទី ៤ ខែកក្កដាឆ្នាំ ២០១៨ ដល់ថ្ងៃទី ១៥ ខែមករាឆ្នាំ ២០២១ ។ រថយន្ត Aventador SVJ Coupe ចំនួន ២២១ ត្រូវបានហៅត្រឡប់មកវិញ ដែលស្មើនឹង ១០០% នៃរថយន្តដែលផលិតនៅក្នុងអំឡុងពេលនេះ។

មូលហេតុនៃបញ្ហាខាងលើ គឺផ្នែកជ័រប្លាស្ទិក( Hinge plastic)នៃគម្របម៉ាស៊ីន ខូចទ្រង់ទ្រាយនៅពេលប៉ះនឹងសីតុណ្ហភាពខ្ពស់ពេក ដែលជះឥទ្ធិពលដល់កម្លាំងរឹតរបស់វីសធ្វើអោយធូ ដែលជាហេតុនាំឱ្យមានបញ្ហារបើកគម្របម៉ាស៊ីនឡើង។ ម្ចាស់រថយន្តម៉ាក Aventador SVJ ដែលត្រូវបានហៅត្រឡប់ទៅវិញ នឹងត្រូវបានទាក់ទងដោយអ្នកចែកចាយ Lamborghini ដើម្បីផ្លាស់ប្តូរជ័រប្លាស្ទិកថ្មី នៅពាក់កណ្តាលខែមេសា រាល់ការជួសជុលនឹងត្រូវបង់ដោយ Lamborghini ។

រថយន្ត Lamborghini Aventador SVJ បំពាក់ដោយម៉ាស៊ីនចំណុះ ៦,៥លីត្រ V12 កម្លាំង ៧៧០ សេះនិងកម្លាំងបង្វិល ៧២០ Nm ដំណើរការដោយប្រអប់លេខ ISR ៧វគ្គ។ វាអាចស្ទុះពីល្បឿនកុងទ័រ ០-១០០ គ.ម / ម៉ ប្រើពេល ២,៩ វិនាទី និងមានល្បឿនអតិបរមា ៣៥០ គីឡូម៉ែត្រ / ម៉ោង៕

ផ្ទាំងផ្សាយពាណិជ្ជកម្ម

Volvo ប្រកាសចេញរថយន្តអគ្គិសនីសុទ្ធរបស់ខ្លួន រូបរាងស្អាតខ្លាំង ព្រមទាំងជិះបានចម្ងាយឆ្ងាយ

March 3, 2021

Volvo បានបង្ហាញចេញនូវរថយន្តថ្មី ប្រភេទអគ្គិសនីសុទ្ធរបស់ខ្លួនជាផ្លូវការ។ រថយន្ត C40 Recharge ផលិតឡើងដោយផ្អែកលើរថយន្ត XC40 ដែលជាប្រភេទ Coupe-Hybrid SUV។ ហើយ C40 ក៏ជារថយន្តដំបូងរបស់ Volvo ផងដែរ ដែលប្រើការឌីស្សាញរបស់ Volvo’s Pure Electricផ្ទាល់។

ចំពោះការឌីស្សាញទាំងមូល វាមានលក្ខណ:ស្រដៀងទៅនិងរថយន្ត XC40 ប៉ុន្តែ C40 នៅតែមានអត្តសញ្ញាណនៃការឌីស្សាញរបស់ខ្លួនឯងផ្ទាល់ តួយ៉ាងដូចជា ផ្ទាំងប៉ាណាខាង មុខបានផ្លាស់ប្តូរដោយអោយមានចន្លោះធំជាងមុន ដើម្បីអោយម៉ូទ័រអគ្គិសនីត្រជាក់។

បន្ថែមពីនេះវាក៏បានបំពាក់ជាមួយចង្កៀងមុខ ដែលអមនៅចំកណ្តាលដោយអំពូលបំភ្លឺពេលថ្ងៃរាងដូចញញួរ (Tor Hammer) និងអំពូលកាត់អ័ព្ទ, Roof-Rear Spoiler, ថាសកង់ទំហំ ២០អ៊ីញ និងប្រព័ន្ធកម្សាន្ត Android-Based។

Volvo C40 គឺបំពាក់ជាមួយម៉ូទ័រអគ្គិសនីចំនួន២ ដូចរថយន្ត XC40ដែរ ដែលអាចបង្កើតបានកម្លាំងសរុប ៤០២សេះ កម្លាំងរមួល ៦៦៩Nm។ អាចស្ទុះពីល្បឿនកុងទ័រ ០-១០០គ.ម\ម៉ ប្រើពេល ៥វិនាទី និងមានអតិបរមា ១៨០គ.ម\ម៉ោង។

សម្រាប់កញ្ចប់អាគុយទំហំ ៧៨kWh ដែលមានលើរថយន្តនេះ អាចឲ្យវាបើកបរដោយប្រើកម្លាំងអគ្គិសនីសុទ្ធបានចម្ងាយ ៤២០គីឡូម៉ែត្រ ហើយសម្រាប់ការសាកដោយប្រើឆ្នាំងសាកទំហំ ១១kW AC Type 2 វាចំណាយពេល ៧,៥ម៉ោង និង ១៥០ kW DC ចំណាយពេល ៥០នាទី ដើម្បីធ្វើការសាកពេញម្តង៕

ផ្ទាំងផ្សាយពាណិជ្ជកម្ម

Jeep Wrangler ចេញម៉ូដែលពិសេស 1941 Limited Edition រៀបខ្លួនម៉ាអេម សម្រាប់អ្នកចូលចិត្ត Off-road

March 3, 2021

ក្រុមហ៊ុន Jeep បានប្រកាសចេញរថយន្ត Wrangler ម៉ូដែលពិសេសថ្មី គឺ “1941 Limited Edition” សម្រាប់ទីផ្សារប្រទេសអង់គ្លេស ដោយដាក់លក់ក្នុងតម្លៃ ៨០ ៩០០ដុល្លារ ថ្លៃជាងប្រភេទធម្មតាដែលត្រឹម ៦៨ ១៤៥ដុល្លារប៉ុណ្ណោះ។

រថយន្ត Jeep Wrangler 1941 Limited Edition ត្រូវបានផលិតឡើងដើម្បីអបអរសាទរខួបលើកទី ៨០ឆ្នាំរបស់ម៉ាកយីហោនេះ។ វានឹងត្រូវផលិតមានចំនួនកំណត់ត្រឹមតែ ៤១គ្រឿងប៉ុណ្ណោះ ដោយទទួលបានការអាប់ដេតលើរូបរាង ក៏ដូចជាផ្នែកមេកានិច ដើម្បីជួយដល់ការបើកបរ Off-road ឲ្យកាន់តែប្រសើរទៀតផង។

លក្ខណៈពិសេសមួយចំនួនលើរថយន្តនេះមានដូចជា គ្រឿង Jeep Performance Parts and Mopar ដែលជួយលើកកម្ពស់បូម ២អ៊ីញ, របាំងភុកលាន, បន្ទះការពារបាតក្រោម, គម្របកន្លែងចាក់សាំង, តែម 1941 លើគម្របម៉ាស៊ីន និង ទ្រនាប់ជើងដែលប្រើបានគ្រប់រដូវកាល ជាដើម។

រថយន្តនេះមានបំពាក់ម៉ាស៊ីនម៉ាស៊ូតចំណុះ ២,២លីត្រ Multijet ទំហំ ៤ស៊ីឡាំង មានកម្លាំង ២០០សេះ ដំណើរការដោយប្រអប់លេខអូតូ និងប៉ុងពីរ ហើយមានកម្រិតស៊ីប្រេងជាមធ្យម ៩,៦លីត្រ/១០០គីឡូម៉ែត្រ។ វានឹងផ្តល់ជម្រើសពណ៌ដូចជា ក្រហម (Firecracker Red), ខ្មៅ (Brilliant Black), ប្រផេះ (Granite Crystal) និង ទឹកប្រាក់ (Billet Silver)៕

ផ្ទាំងផ្សាយពាណិជ្ជកម្ម

Toyota Yaris ជាប់ឈ្មោះជា “European Car Of The Year” ឆ្នាំ២០២១

March 3, 2021

យោងតាមប្រភពព័ត៌មានបានឲ្យដឹងថា រថយន្ត Toyota Yaris បានជាប់ឈ្មោះជា “European Car of the Year” ប្រចាំឆ្នាំ២០២១ នៅអឺរ៉ុប។

រថយន្ត Toyota Yaris ទទួលបានពិន្ទុសរុប ២៦៦ ពីអ្នកបោះឆ្នោត ៥៩នាក់ ដោយយកឈ្នះលើរថយន្ត Fiat 500 ដែលទទួលពិន្ទុត្រឹម ២៤០ពិន្ទុ។

បន្ទាប់មកទៀត លេខ៣ បានទៅលើរថយន្ត Cupra Formentor (២៣៩ពិន្ទុ), លេខ៤ Volkswagen ID.3 (២២៤ពិន្ទុ), លេខ៥ Skoda Octavia (១៩៩ពិន្ទុ), លេខ៦ Land Rover Defender (១៦៤ពិន្ទុ) និង លេខ៧ Citröen C4 (១៤៣ពិន្ទុ)។

មិនតែប៉ុណ្ណោះ រថយន្ត Toyota Yaris ក៏បានយកឈ្នះលើរថយន្តប្រណីតជាច្រើនម៉ូដែលទៀត ដូចជា Audi A3, BMW 4-Series និង Mercedes S-Class ជាដើម ដោយពួកវាមិនបានឈានជើងចូលដល់វគ្គចុងក្រោយឡើយ៕

ផ្ទាំងផ្សាយពាណិជ្ជកម្ម

ឡានអគ្គិសនីថ្មីរបស់ Hyundai ទទួលបានការចាប់ចិត្តមិនធ្លាប់មាននៅអឺរ៉ុប

March 2, 2021

ក្រុមហ៊ុន Hyundai បានប្រកាសឲ្យដឹងថារថយន្តអគ្គិសនីថ្មីម៉ូដែល Ioniq 5 របស់ខ្លួន ទទួលបានការចាប់អារម្មណ៍ខ្លាំងនៅអឺរ៉ុប ដោយចាប់តាំងពីពេលបង្ហាញវត្តមានមកមានការសួរនាំលម្អិតអំពីរថយន្តនេះពីសំណាក់អតិថិជនចំនួន ២៣៦ ០០០នាក់ ជាតួលេខខ្ពស់បំផុតមួយសម្រាប់រថយន្ត Hyundai ម៉ូដែលថ្មី។

Ioniq 5 គឺជារថយន្តដំបូងគេរបស់ Hyundai ដែលផលិតឡើងដោយប្រើប្រាស់គ្រោងឆ្អឹងដែលបង្កើតឡើងជាពិសេសសម្រាប់រថយន្តអគ្គិសនីផ្ទាល់ ហើយវាក៏ជាម៉ូដែលដំបូងនៃម៉ាកសាខា Ioniq របស់ Hyundai ផងដែរ។

Ioniq 5 នេះនឹងមានជម្រើសអាគុយចំនួនពីរប្រភេទគឺទំហំ ៥៨kWh និងទំហំ ៧២,៦kWh។ ប្រភេទដែលមានកម្លាំងខ្លាំងជាងគេអាចផលិតកម្លាំងបាន ៣០២សេះ ហើយស្ទុះពី ០ ដល់ ១០០គ.ម/ម៉ ដោយប្រើពេល ៥,២វិនាទី។ សម្រាប់ប្រភេទអាគុយ ៧២,៦kWh អាចបើកបរបានចម្ងាយប្រមាណពី ៤៧០ ទៅ ៤៨០គីឡូម៉ែត្រពេលសាកភ្លើងពេញ។

មុខងារលេចធ្លោមួយរបស់រថយន្តអគ្គិសនីថ្មីនេះគឺសមត្ថភាពសាកកម្លាំង ៨០០វ៉ុល ដោយពេលដែលដោតជាមួយដុំសាក ៣៥០kW អាចឲ្យរថយន្តនេះសាកបញ្ចូលភ្លើងពី ៥% ឡើងដល់ ៨០% ក្នុងពេលត្រឹម ១៨នាទី ហើយសាកថ្មតែ ៥នាទីអាចជិះបានចម្ងាយ ១០០គីឡូម៉ែត្រ៕

ផ្ទាំងផ្សាយពាណិជ្ជកម្ម

កូនឡាន SUV ថ្មីរបស់ Hyundai ចេញជាផ្លូវការ

March 2, 2021

ក្រុមហ៊ុនរថយន្តកូរ៉េខាងត្បូង Hyundai បានបង្ហាញចេញជាផ្លូវការនូវរថយន្ត SUV ខ្នាតតូចថ្មីរបស់ខ្លួន ដែលជាម៉ូដែល Bayon នឹងជាគូប្រជែងរបស់រថយន្ត Ford Puma, Volkswagen T-Cross និងរថយន្ត Nissan Juke ផងដែរ។

រថយន្ត Hyundai Bayon នេះមិនទាន់មានតម្លៃលក់នៅឡើយទេ ប៉ុន្តែរំពឹងថានឹងមានតម្លៃចាប់ពីប្រមាណ ២៣ ៥០០ដុល្លារ នៅលើទីផ្សារអឺរ៉ុប។

រថយន្ត Bayon នេះមានប្រវែង ៤១៨០ម.ម ទទឹង ១៧៧៥ម.ម និងប្រវែងពីកង់មុខទៅកង់ក្រោយគឺ ២៥៨០ម.ម។ ត្បិតថាមានរូបរាងតូចប៉ុន្តែផ្នែកខាងក្នុងរបស់រថយន្តមានទំហំទូលាយគួរសម ហើយមានកន្លែងផ្ទុកឥវ៉ាន់ទំហំ ៤១១លីត្រផងដែរ សម្រាប់ផ្នែកខាងក្រោយ។

អតិថិជនដែលទិញរថយន្ត Bayon នេះនៅអឺរ៉ុបនឹងមានជម្រើសម៉ាស៊ីនពីរប្រភេទ ដែលមានចំណុះ ១,០.លីត្រ ៣ស៊ីលាំង ប្រភេទ Turbocharged ដូចគ្នា ដោយមួយអាចផលិតកម្លាំងបាន ៩៨សេះ និងមួយទៀតអាចផលិតកម្លាំងបាន ១១៨សេះ។ ប្រព័ន្ធម៉ាស៊ីននេះមានភ្ជាប់នឹងប្រព័ន្ធ Hybrid ពាក់កណ្ដាល ហើយវាមានមកជាស្តង់ដារនូវប្រអប់លេខដៃ៦វគ្គ។ អតិថិជនក៏អាចជ្រើសយកប្រអប់លេខ DCT ៧វគ្គបានផងដែរ។

គួរដឹងថាប្រភេទកម្លាំង ៩៨សេះ អាចស្ទុះពី ០ ដល់ ១០០គ.ម/ម៉ ដោយប្រើពេល ១០,៧វិនាទី ខណៈប្រភេទកម្លាំង ១១៨សេះ ប្រើពេល ១០,៣វិនាទី៕

ផ្ទាំងផ្សាយពាណិជ្ជកម្ម

Mazda3 សេរ៊ីឆ្នាំ ២០២១ ទទួលបានជម្រើសម៉ាស៊ីនថ្មី កម្លាំងខ្លាំងជាងមុន

March 2, 2021

ក្រុមហ៊ុន Mazda បានធ្វើការប្រកាសចេញជាផ្លូវការនូវម៉ាស៊ីនប្រភេទថ្មី ២,០លីត្រ សម្រាប់បំពាក់លើរថយន្ត Mazda3 និង CX-30 ឆ្នាំ២០២១ ដែលម៉ាស៊ីនប្រភេទថ្មីនេះ មានកម្លាំងខ្លាំង និងប្រសិទ្ធភាពជាងមុន ក្នុងការកាត់បន្ថយផ្សែងពុល និងសន្សំសំចៃប្រេង។

ក្រុមហ៊ុន Mazda បានអោយឈ្មោះម៉ាស៊ីនថ្មីនេះថា e-SkyActiv X ដែលអាចបង្កើតកម្លាំងបានរហូតដល់ ១៨៣សេះ និងកម្លាំងរមួល ២៤០Nm ដែលមានកម្លាំងខ្លាំងជាងប្រភេទចាស់ ៦សេះ និង ១៦Nm។ បន្ថែមពីនេះ រថយន្ត Mazda3 និង CX-30 ក៏មានជម្រើសម៉ាស៊ីនប្រភេទ e-SkyActiv G កម្លាំង ១២០សេះផងដែរ

រថយន្ត Mazda3 មានជម្រើស ៤ប្រភេទគឺ SE-L Lux, Sport Lux, GT Sport និង GT Sport Tech។ ខណ:ពេលដែលទទួលបានម៉ាស៊ីនថ្មី ក្នុងនោះម៉ូឌែលប្រភេទ Sport Lux, GT Sport និង GT Sport Tech ក៏ទទួលបាននួវការបំពាក់ជាមួយដំបូលកញ្ចក់ Sunroof ផងដែរ។

ចំពោះម៉ូដែលថ្មី CX-30 ក្រុមហ៊ុន Mazda ក៏ផ្តល់ជូនអ្នកប្រើប្រាស់នូវជម្រើស ៤ ប្រភេទស្រដៀងនឹងរថយន្ត Mazda3 ផងដែរ។ GT Sport និង GT Sport Tech មានជម្រើសប៉ុងចំនួន ២ប្រភេទ គឺ AWD និង FWD។

រថយន្ត Mazda CX-30 ស៊េរីឆ្នាំ ២០២១ ត្រូវបានគេរំពឹងថានឹងចេញលក់នៅចក្រភពអង់គ្លេសក្នុងខែនេះ ខណៈពេលដែល Mazda3 ថ្មីនឹងចេញលក់ចាប់ពីថ្ងៃទី ១ ខែមេសា៕

ផ្ទាំងផ្សាយពាណិជ្ជកម្ម

Ford Everest Sport ចេញលក់នៅវៀតណាម តម្លៃជិត ៥ម៉ឺនដុល្លារ

March 2, 2021

ក្រុមហ៊ុន Ford ប្រចាំប្រទេសវៀតណាម បានប្រកាសចេញលក់នូវម៉ូឌែលថ្មីនៃរថយន្ត Ford Everest ដោយហៅថា Everest Sport ជាមួយតម្លៃចាប់ពី ៤៨ ៣១១ដុល្លារ។

ប្រសិនបើប្រៀបធៀបជាមួយប្រភេទធម្មតា Everest Sport មានលក្ខណះខុសគ្នាពីប្រភេទធម្មតា ដោយ Everest Sport បានរចនាឡើងជាលក្ខណ:បែបស្ព័រ ទាំងផ្នែកខាងក្រៅ និងខាងក្នុងផងដែរ។

ខុសប្លែកដំបូងគេនោះគឺ ប៉ាណាខាងមុខនៃរថយន្ត អមដោយពាក្យ Everest នៅខាងលើគម្របខាងមុខ, ដំបូល Roof Rack, កាងខាងមុខ-ខាងក្រោយ, ចង្កៀងមុខ, គម្របកញ្ចក់, ដៃទ្វា និងទ្វាបើកខាងក្រោយ ដែលមានភ្ជាប់ជាមួយពាក្យ Sport, ថាសកង់ទំហំ ២០អ៊ីញ, កោអី និងតាប្លូ ស្រោបដោយស្បែក និងមានពណ៌ខៀវក្រម៉ៅ, កៅអីខាងមុខ មានភ្ជាប់ជាមួយពាក្យ Sport, អេក្រង់កម្សាន្តទំហំ ៨អ៊ីញ ដែលអាចភ្ជាប់មុខងារ Apple Carplay, Android Auto និងប្រព័ន្ធកម្សាន្ត SYNC 3។

បន្ថែមពីនេះ វាក៏បានបំពាក់មុខងារសុវត្តិភាព ដែលរួមមាន Steep Departure Assistance system, Electronic Balance, Automatic Throttle និង ពោងសុវត្តិភាពចំនួន ៧ផងដែរ។

រថយន្ត Ford Everest Sport បំពាក់ជាមួយម៉ាស៊ីនចំណុះ ២,០លីត្រ កម្លាំង ១៧៧សេះ កម្លាំងបង្វិល ៤២០Nm។ ប្រសិនប្រៀបធៀបជាមួយ Everest Titanium ដែលបំពាក់ជាមួយម៉ាស៊ីនចំណុះ ២,០លីត្រ ប្រភេទប៉ុង២ វាមានកម្លាំងតិចជាង ៣២,៥សេះ និងកម្លាំងបង្វិល ៨០Nm៕

ផ្ទាំងផ្សាយពាណិជ្ជកម្ម

Mercedes-Benz ប្រកាសចេញបងប្អូនត្រកូល G-Class ជិះ ១០០គ.ម ស៊ីប្រេងប្រហែល ៩,៥លីត្រ

March 2, 2021

ក្រុមហ៊ុន Mercedes-Benz បានណែនាំសមាជិកទី ២ នៃ G-Class ជំនាន់ថ្មីបន្ទាប់ពី AMG G63 គឺ G400d ។

G400d បំពាក់ជាមួយម៉ាស៊ីនម៉ាស៊ូតចំណុះ ៣,០លីត្រ Turbocharging បង្កើតកម្លាំងបាន ៣២៦សេះ កម្លាំងបង្វិល ៧០០Nm ដំណើរការជាមួយប្រអប់លេខ ៩វគ្គ និងប៉ុងពីរ។ វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៦,៤វិនាទី។ ចំពោះកម្រិតស៊ីប្រេងរបស់ SUV នេះវិញ គឺ ៩,៥លីត្រ/១០០គីឡូម៉ែត្រ។

ជាមួយនឹងតម្លៃដែលបានណែនាំ រថយន្ត Mercedes-Benz G400d មានតម្លៃចាប់ពី ១៨០ ១០៨ដុល្លារ វាមានតម្លៃថោកជាង G63 ចំនួន ៤៣ ១២១ដុល្លារ ដោយរថយន្ត G63 បំពាក់ជាមួយម៉ាស៊ីនចំណុះ ៤,០លីត្រ twin-turbo កម្លាំង ៥៧៦សេះ និង កម្លាំងបង្វិល ៨៥០Nm។

សម្រាប់រថយន្ត G400d បានបំពាក់មកស្តង់ជាមួយ អេក្រង់កម្សាន្តទំហំ ១២,៣អ៊ីញ ដែលអាចភ្ជាប់មុខងារ Satellite Radio, Navigation, Android Auto និង Apple Carplay, កៅអីបញ្ជារទិសដៅ ដោយថាមពលអេឡិចត្រូនិច, ម៉ាស៊ីនត្រជាក់ ៣តំបន់, ចង្កូតស្រោបដោយស្បែក, កាំម៉េរា ៣៦០ដឺក្រ និងប្រព័ន្ធតន្ត្រី Burmester។

បន្ថែមពីនេះបានបំពាក់ជាមួយ ចង្កៀងមុខប្រភេទ MultiBeam LED, ដំបូលកញ្ចក់, ថាសកង់ស្ព័រទំហំ ១៩អ៊ីញ, កម្មវិធីទូរស័ព្ទ Mercedes me និងប្រព័ន្ធជំនួយការបើកបរ Active Distance Assist Distronic, ប្រព័ន្ធរក្សាគន្លងផ្លូវ, Blind Spot Assist, Pre-Safe និង ប្រព័ន្ធបង្ហាញផ្លាកសញ្ញាចរាចណ៍៕

ផ្ទាំងផ្សាយពាណិជ្ជកម្ម

Ford នឹងចាប់ផ្តើមផលិតឡាន Bronco ថ្មី នៅចុងខែនេះ

March 2, 2021

ក្រុមហ៊ុន Ford ត្រូវគេរំពឹងថានឹងចាប់ផ្តើមផលិតកម្មនៃរថយន្ត Bronco ម៉ូដែលទ្វារ២ និងទ្វារ៤ នៅថ្ងៃទី២៩ ខែមីនា ឆ្នាំ២០២១ នេះ នៅឯរោងចក្រ Michigan Assembly Plant របស់ខ្លួន។

យោងតាមប្រភពព័ត៌មានបានឲ្យដឹងថា Ford នឹងចាប់ផ្តើមដំណាក់កាល “Pre Mass Production” ដោយចាប់ផ្តើមផលិតរថយន្ត Bronco រយៈពេល ២សប្តាហ៍ បន្ទាប់មកទើបសម្រាករយៈពេល ២សប្តាហ៍សិន ដើម្បីត្រៀមខ្លួនសម្រាប់ដំណាក់កាល “Phase 1 Mass Production”។

មិនតែប៉ុណ្ណោះ មុនពេលរថយន្តធ្លាក់ដល់ដៃអតិថិជន ក្រុមហ៊ុន Ford ត្រូវគេរំពឹងថានឹងធ្វើការត្រួតពិនិត្យលើរថយន្ត ដើម្បីធានាថាអ្វីគ្រប់យ៉ាងត្រឹមត្រូវតាមស្តង់ដារ។

គួរឲ្យដឹងថា រថយន្ត Ford Bronco ស៊េរីឆ្នាំ២០២១ មានតម្លៃចាប់ពី ២៨ ៥០០ដុល្លារ សម្រាប់ទីផ្សារសហរដ្ឋអាមេរិក ប៉ុន្តែអតិថិជននឹងត្រូវចំណាយលុយលើសនេះ ដើម្បីទិញ Option ផ្សេងៗ៕

ផ្ទាំងផ្សាយពាណិជ្ជកម្ម