មកដឹងតម្លៃរថយន្ត Camry ២០២០ នៅប្រទេសអាស៊ានទាំង១០

July 29, 2020

បើយើងនិយាយពីរថយន្ត Toyota Camry វិញ ម្នាក់ៗគឺស្គាល់ច្បាស់តែម្តង ហើយបើនិយាយពីតម្លៃវិញក៏ដូចគ្នា យើងម្នាក់ៗតែងគិតថាកម្ពុជា ជាប្រទេសដែលមានតម្លៃថ្លៃជាងគេ។ តោះ! ចឹងថ្ងៃនេះយើងនឹងធ្វើការស្រង់តម្លៃផ្លូវការរបស់រថយន្ត Toyota Camry ២,៥លីត្រ ទៅតាមប្រទេសនៃសមាជិកអាស៊ានទាំង ១០ ដែលមានតម្លៃដូចខាងក្រោម៖

ប្រទេស កម្ពុជា មានតម្លៃ ៦៦ ៩០០ ដុល្លារ
ប្រទេស សឹង្ហបុរី មានតម្លៃ ១១៤ ០០០ ដុល្លារ
ប្រទេស ព្រុយនេ មានតម្លៃ ៤២ ៦០០ ដុល្លារ
ប្រទេស ហ្វីលីពីន មានតម្លៃ ៤១ ៥០០ ដុល្លារ
ប្រទេស វៀតណាម មានតម្លៃ ៥៣ ៣០០ ដុល្លារ
ប្រទេស ថៃ មានតម្លៃ ៥០ ៧០០ ដុល្លារ
ប្រទេស ឡាវ មានតម្លៃ ៥០ ៩០០ ដុល្លារ
ប្រទេស មីយ៉ាន់ម៉ា មានតម្លៃ ៥៩ ២០០ ដុល្លារ
ប្រទេស ឥណ្ឌូនេស៊ី មានតម្លៃ ៤៤ ២០០ ដុល្លារ
ប្រទេស ម៉ាឡេស៊ី មានតម្លៃ ៤៤ ៥០០ ដុល្លារ

*តម្លៃខាងលើ គឺជាតម្លៃប្រហាក់ប្រហែលប៉ុណ្ណោះ សូមទាក់ទងក្រុមហ៊ុនលក់ផ្លូវការដើម្បីទទួលបានតម្លៃជាក់លាក់។

ផ្ទាំងផ្សាយពាណិជ្ជកម្ម

ផ្លូវការហើយ BMW 5 Series នឹងមានប្រភេទប្រើអគ្គិសនីសុទ្ធ

July 28, 2020

កាលពីប៉ុន្មានសប្ដាហ៍មុន BMW បានបង្ហាញចេញរថយន្ត iX3 ដែលជារថយន្ត SUV អគ្គិសនីដំបូងរបស់ខ្លួន។ នាពេលនេះ BMW បានប្រកាសថារថយន្ត 5 Series ជំនាន់បន្ទាប់ និងរថយន្ត X1 នឹងមានជាប្រភេទប្រើប្រាស់ថាមពលអគ្គិសនីសុទ្ធផងដែរ។

កន្លងមកគេធ្លាប់លេចឮដំណឹងអំពីរថយន្តអគ្គិសនីទាំងពីរដែរ ប៉ុន្តែនេះជាលើកដំបូងដែល BMW បាននិយាយអំពីរថយន្តដែលប្រើប្រាស់ថាមពលអគ្គិសនីសុទ្ធទាំងពីរនេះ។ យ៉ាងណាក្ដី BMW មិនបានបញ្ចេញព័ត៌មានអ្វីច្រើន ក្រៅតែពីការបញ្ជាក់ជាផ្លូវការនេះទេ។

គេរំពឹងថារថយន្តទាំងពីរដែលមានរៀបចំប្រព័ន្ធអគ្គិសនីស្រដៀងនឹងរថយន្ត iX3 ដែរ ដែលមានម៉ូទ័រអគ្គិសនីចំនួនមួយ អាចបញ្ជូនកម្លាំង ២៨២សេះ ទៅកាន់កង់ក្រោយរថយន្ត និងជិះបានចម្ងាយ ៤៥៨គ.ម ពេលសាកភ្លើងពេញ។

គួរដឹងដែរថា BMW ក៏បានប្រកាសជាមួយគ្នាដែរ អំពីផែនការកាត់បន្ថយការសាយភាយឧស្ម័នកាបូនិចលើរថយន្តនីមួយៗរបស់ខ្លួនឲ្យបាន ១ភាគ៣ នៅត្រឹមឆ្នាំ ២០៣០ខាងមុខ៕

ផ្ទាំងផ្សាយពាណិជ្ជកម្ម

ឡាន SUV អគ្គិសនីចិនបង្ហាញមុខមាត់ជាផ្លូវការហើយ

July 28, 2020

រថយន្ត SUV អគ្គិសនីខ្នាតធំរបស់ក្រុមហ៊ុនរថយន្តចិន Hongqi ម៉ូដែល E-HS9 បានបង្ហាញរូបរាងជាផ្លូវការក្នុងកម្មវិធីរបស់ក្រុមហ៊ុនរថយន្ត FAW ដែលជាក្រុមហ៊ុនមេរបស់ Hongqi។

រថយន្តនេះមានរូបរាងធំខ្លាំងដោយវាមានប្រវែង ៥២០៩ម.ម, ទទឹង ២០១០ម.ម និងកម្ពស់ ១៧៣១ម.ម ហើយមានប្រវែងពីកង់មុខទៅកង់ក្រោយ ៣១១០ម.ម។ រថយន្តនេះមានបំពាក់ដោយយ៉ាន់កង់ទំហំ ២១អ៊ីញ មកជាស្តង់ដារ ហើយក៏មានជម្រើសយ៉ាន់កង់ទំហំ ២២អ៊ីញផងដែរ។ វាមាននូវជម្រើសកៅអីអង្គុយ ៧កៅអី ឬកៅអីអង្គុយចំនួន ៤។

Hong E-HS9 នឹងមានជម្រើសពីរប្រភេទ ដែលអាចផលិតកម្លាំង ២១៨សេះ និងកម្លាំង ៣៣៣សេះ។ អាគុយរបស់វាមានទមហំ ៩២,៤kWh ដូចគ្នា និងមានរយៈចម្ងាយបើកបរបាន ៥០០គ.ម ពេលសាកភ្លើងពេញ។

ការដឹកជញ្ជូនរថយន្តនេះជូនអតិថិជននឹងចាប់ផ្ដើមនាក្នុងខែកញ្ញាខាងមុខ ហើយតម្លៃមិនទាន់បង្ហាញចេញនៅឡើយទេ ប៉ុន្តែទំនងជាមានតម្លៃថ្លៃ៕

ផ្ទាំងផ្សាយពាណិជ្ជកម្ម

ឡាន Mercedes-Benz យ៉ាងហោច ៧ម៉ូដែល នឹងលែងមានលក់នៅអាមេរិក

July 28, 2020

យោងតាមប្រភពព័ត៌មានឲ្យដឹងថា ក្រុមហ៊ុន Mercedes-Benz កំពុងមានគម្រោងឈប់លក់រថយន្តរបស់ខ្លួនយ៉ាងហោចណាស់ ៧ម៉ូដែល នៅក្នុងសហរដ្ឋអាមេរិក។

ប្រធានក្រុមហ៊ុន Mercedes-Benz USA លោក Nicholas Speeks បានបញ្ជាក់កាលពីខែមិថុនាថា ម៉ូដែលមួយចំនួននឹងត្រូវកាត់ចេញ។ ថ្វីបើលោក Speeks មិនបានបញ្ជាក់ច្បាស់ថាម៉ូដែលណា ប្រភពព័ត៌មាន Auto News បង្ហើបថា រថយន្តប្រភេទ Coupe និងបើកដំបូល ម៉ូដែល C-Class, E-Class និង S-Class ព្រមទាំង AMG GT និង CLS Coupe នឹងត្រូវកាត់ចេញពីទីផ្សារសហរដ្ឋអាមេរិក។

លោក Sam Fiorani អនុប្រធានក្រុមហ៊ុន AutoForecast Solutions បានឲ្យដឹងថា ការឌីហ្សាញថ្មីកាន់តែស្ព័រជាងមុននៃរថយន្ត Sedan ថ្មី ធ្វើឲ្យគេលែងត្រូវការរថយន្ត Coupe តែម្តង។

ទោះជាយ៉ាងណាក៏ដោយ ក្រុមហ៊ុន Mercedes-Benz USA មិនទាន់បានបញ្ជាក់ឡើយថា ម៉ូដែលណាខ្លះ នឹងត្រូវឈប់លក់លើទីផ្សារសហរដ្ឋអាមេរិកតទៀត៕

ផ្ទាំងផ្សាយពាណិជ្ជកម្ម

ញាក់សាច់! តម្លៃឡាន Mercedes-AMG GT Black Series អាចទិញបាន AMG GT R ២គ្រឿង

July 28, 2020

កាលពីសប្តាហ៍មុន ក្រុមហ៊ុន Mercedes-AMG បានប្រកាសចេញរថយន្ត GT Black Series ស៊េរីឆ្នាំ២០២១ ហើយក៏បានបើកឲ្យធ្វើការកុម្ម៉ង់នៅអឺរ៉ុបផងដែរ។

អ្វីដែលគួរឲ្យភ្ញាក់ផ្អើលនោះគឺ រថយន្ត Mercedes-AMG GT Black Series ថ្មីនេះមានតម្លៃចាប់ពីខ្ទង់ ៣៨៩ ១៥០ដុល្លារ នៅក្នុងប្រទេសអាល្លឺម៉ង់ ខណៈតម្លៃសម្រាប់ទីផ្សារសហរដ្ឋអាមេរិក មិនទាន់ត្រូវបានប្រកាសនៅឡើយទេ។ បើប្រៀបធៀបទៅ GT Black Series ថ្លៃស្មើម៉ូដែល AMG GT R (តម្លៃ ១៩៤០០០ដុល្លារ/គ្រឿង) ដល់ទៅ ២គ្រឿងឯណោះ។

រថយន្ត Mercedes-AMG GT Black Series នេះបំពាក់ម៉ាស៊ីនចំណុះ ៤,០លីត្រ twin-turbo V8 មានកម្លាំងសរុប ៧២០សេះ ប្រើប្រអប់លេខអូតូ ៧វគ្គ ប្រភេទ AMG Speedshift DCT 7G dual-clutch ដែលអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,២វិនាទី ហើយមានល្បឿនអតិបរមាដល់ ៣២៥គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

មើលឡាន Toyota RAV4 តួវែង មានតែមួយក្នុងលោក

July 27, 2020

ក្រុមការងាររបស់ Toyota ផលិតបាននូវរថយន្ត Toyota RAV4 តួវែងដែលមានតែមួយគ្រឿងក្នុងលោក និងជាស្នាដៃរបស់ក្រុមបុគ្គលិកចំនួន ២០០នាក់ ធ្វើនៅពេលទំនេរពីម៉ោងការងារ។

ការផលិតរថយន្ត RAV4 តួវែងនេះមិនមែនងាយនោះទេ ដោយគេត្រូវប្រើប្រាស់ពេលវេលាច្រើនក្នុងការកែច្នៃតួខ្លួនរថយន្ត SUV នេះ ដើម្បីប្រាកដថារថយន្តនេះអាចដំណើរការបានពេញលេញ មិនមែនសម្រាប់តែបង្ហាញនោះទេ។ រថយន្តនេះមានប្រវែងសរុបដល់ ៧,៩ម៉ែត្រ ដែលមើលទៅរូបរាងរបស់ហាក់ប្លែកខ្លាំង។

នៅផ្នែកខាងក្នុងនៃរថយន្តមិនមានកៅអីច្រើនលើសពីធម្មតានោះទេ ប៉ុន្តែនៅត្រង់ផ្នែកអ្នកដំណើរខាងក្រោយគឺមានទីធ្លាធំខ្លាំងសម្រាប់ដាក់ជើង និងអាចដាក់តុកាហ្វេបានមួយទៀតផងដែរ។ គួរបញ្ជាក់ថាបុគ្គលិក Toyota ដែលបានចូលរួមផលិតរថយន្តនេះ និយាយថាធ្វើឡើងសម្រាប់ជា Challenge (ការប្រកួតប្រជែង) មួយ មិនមានគោលបំណងថានឹងផលិតលក់លើទីផ្សារនោះទេ៕

ផ្ទាំងផ្សាយពាណិជ្ជកម្ម

Rolls-Royce ចាប់ផ្ដើមបញ្ចេញ Teaser រថយន្ត Ghost ជំនាន់ថ្មីហើយ

July 27, 2020

ត្បិតថាមានការផ្ទុះនូវជំងឺកូវីដ១៩មែនពិត ប៉ុន្តែ Rolls-Royce នៅតែបន្តការអភិវឌ្ឍន៍រថយន្តម៉ូដែល Ghost ជំនាន់ថ្មីរបស់ខ្លួន ដែលគ្រោងនឹងប្រកាសចេញនៅអំឡុងចុងឆ្នាំ ២០២០ នេះ។

ពេលនេះដែរ Rolls-Royce បានបញ្ចេញនូវរូបភាព Teaser ដំបូងនៃរថយន្ត Ghost ដែលមានបង្ហាញអំពីរូបរាងមើលពីចំហៀងរបស់រថយន្ត។ រថយន្ត Ghost ចាប់តាំងពីបានប្រកាសចេញតាំងពីឆ្នាំ ២០០៩ មក ទទួលបាននូវជោគជ័យខ្លាំង ដែលបានក្លាយជាម៉ូដែលជោគជ័យជាងគេក្នុងប្រវត្តិសាស្ត្រ ១១៦ឆ្នាំ របស់ Rolls-Royce ដូចនេះរថយន្តជំនាន់ថ្មីមានការរំពឹងទុកខ្ពស់ថាវានឹងអស្ចារ្យលើសមុន។

រូបរាងរថយន្ត Rolls-Royce Ghost ជំនាន់ថ្មីដែលគេថតបានពេលបើកសាកល្បង

Rolls-Royce បាននិយាយថាក្នុងរយៈពេលប៉ុន្មានសប្ដាហ៍ខាងមុខទៀត ក្រុមហ៊ុននឹងបញ្ចេញវីដេអូចលនាខ្លីៗចំនួន ៤ ដែលបង្ហាញបន្តិចៗអំពីរថយន្ត Rolls-Royce ជំនាន់ថ្មី៕

ផ្ទាំងផ្សាយពាណិជ្ជកម្ម

ឡានអគ្គិសនី Porsche Taycan បន្ថែមពណ៌ថ្មី ឡើង Cute!

July 27, 2020

ការវាយប្រហាររបស់វីរុសកូវីដ-១៩ បានធ្វើឲ្យកម្មវិធីពិព័រណ៌រថយន្តជាច្រើនត្រូវលុបចោល ប៉ុន្តែនៅតែមិនអាចបញ្ឈប់កម្មវិធី Chengdu Motor Show ឲ្យបន្តដំណើរការរបស់ខ្លួនបាន។

ស្របពេលដែលកម្មវិធីនេះមិនសូវជាសំខាន់ប៉ុន្មាន ក្រុមហ៊ុន Porsche បានដាក់បង្ហាញរថយន្ត Taycan ប្រភេទ Base Model ដែលមានពណ៌ផ្កាឈូកស្រាល (Frozen Berry Metallic) មើលទៅពិតជាគួរឲ្យទាក់ទាញមែនទែន។ ជាមួយគ្នានេះដែរ រថយន្តអគ្គិសនីខាងលើបានបំពាក់យ៉ាន់ Alloy ៥កាំដ៏ស្រស់ស្អាត ជាមួយនឹងកាប៊ីនខាងក្នុងពណ៌ស្វាយ លាយប្រផេះ ដែលមើលទៅពិតជាប្លែកម្យ៉ាង។

រថយន្ត Porsche Taycan ប្រភេទ Base Model មានបំពាក់ម៉ូទ័រអគ្គិសនីមួយនៅកង់ខាងក្រោយ បង្កើតកម្លាំងបានសរុប ៤០២សេះ។ វាដំណើរការដោយអាគុយអគ្គិសនីកម្លាំង ៧៩,២គីឡូវ៉ាត់ម៉ោងមួយ ដែលអនុញ្ញាតឲ្យវាអាចបើកបរបានចម្ងាយដល់ ៤១៤គីឡូម៉ែត្រ នៅពេលសាកភ្លើងពេញម្តង។ មិនតែប៉ុណ្ណោះ វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ៥,៤វិនាទី ហើយមានល្បឿនអតិបរមាដល់ ២៣០គីឡូម៉ែត្រក្នុងមួយម៉ោង។

រថយន្តនេះកំពុងត្រូវបានដាក់លក់ក្នុងប្រទេសចិន ជាមួយនឹងតម្លៃចាប់ពី ៨៨៨ ០០០យ័ន ឬស្មើនឹងខ្ទង់ ១២៦ ៥០០ដុល្លារ៕

ផ្ទាំងផ្សាយពាណិជ្ជកម្ម

មិនធម្មតា! ចំនួនលក់ឡានប្រភេទសាកភ្លើងរបស់ Volvo កើនឡើង ៨០% ក្នុងឆ្នាំនេះ

July 27, 2020

យោងតាមប្រភពព័ត៌មានឲ្យដឹងថា ចំនួនលក់រថយន្តប្រភេទ Plug-in Hybrid ជាសកលរបស់ក្រុមហ៊ុន Volvo Cars បានកើនឡើងរហូតដល់ទៅ ៨០% ក្នុងរយៈពេលពាក់កណ្តាលឆ្នាំ២០២០ នេះ ដោយសារតែតម្រូវការខ្ពស់នៅអឺរ៉ុប។

នៅអឺរ៉ុប Volvo បានលក់រថយន្តសរុបចំនួន ១២៣ ១៩៨គ្រឿង ក្នុងរយៈពេល ៦ខែដំបូងនៃឆ្នាំ២០២០។ ក្នុងនោះ រថយន្តចំនួន ២៩ ៩១៨គ្រឿង គឺជាប្រភេទសាកភ្លើង Plug-in Hybrid។ បើប្រៀបធៀបទៅនឹងឆ្នាំ២០១៩ Volvo លក់រថយន្តប្រភេទ Plug-in Hybrid បានត្រឹមតែ ១៥ ៦៤៣គ្រឿងប៉ុណ្ណោះ។

បើគិតជារួមវិញ Volvo បានលក់រថយន្ត Plug-in Hybrid នៅទូទាំងពិភពលោក សរុប ៣៧ ៧៧៥គ្រឿង ក្នុងរយៈពេលដដែលខាងលើ ច្រើនជាងកាលពីឆ្នាំ២០១៩ ដែលបានត្រឹម ២១ ០១៥គ្រឿងប៉ុណ្ណោះ។ រថយន្តប្រភេទសាកភ្លើងរបស់ Volvo ដែលកំពុងពេញនិយមខ្លាំងបំផុត មានដូចជាម៉ូដែល V60 PHEV និង XC40 PHEV៕

ផ្ទាំងផ្សាយពាណិជ្ជកម្ម

មកមើលរថយន្ត Rolls-Royce Cullinan Black Badge តម្លៃជាង ១លានដុល្លារ មានតែ១នៅខ្មែរ ទើបលក់ចេញក្តៅ!

July 27, 2020

ព្រឹកមិញនេះមានការភ្ញាក់ផ្អើលយ៉ាងខ្លាំង ជាមួយហ្នឹងរថយន្ត Rolls-Royce Cullinan Black Badge ដែលមានតម្លៃជាង ១លានដុល្លារ និងមានតែមួយគត់នៅកម្ពុជាត្រូវបានគេចែចូវបាត់ទៅហើយ។ ម្ចាស់រថយន្តនេះ បានទិញពីក្រុមហ៊ុនផ្លូវការផ្ទាល់តែម្តង។ រថយន្តនេះបំពាក់ជាមួយម៉ាស៊ីន ទ័រប៊ូភ្លោះ (Twin-Turbocharged) ៦,៧លីត្រ ស៊ីឡាំង V12 ផ្តល់ថាមពល ៦០០hp និង កំលាំងរមួល ៦៦៤ Pound-Feet អាចជាន់ល្បឿនពី ០ – ១០០គ.ម/ម ប្រើរយះពេល ៥,១វិនាទី។ អស់រយះពេល ១១៦ឆ្នាំនេះក្រុមហ៊ុន Rolls-Royce នៅតែមិនទាន់មានគួរប្រកួតប្រជែងនៅឡើយទៀត ពិតជាកំពូលរថយន្តប្រណិតលំដាប់ពិភពលោកមែន។