កូនឡានអគ្គិសនីសុទ្ធរបស់ Geely សាកភ្លើងម្តងជិះបាន ២០០ គីឡូម៉ែត្រ ឯតម្លៃតែជាង ៥ពាន់ដុល្លារ

March 5, 2024

[ទីផ្សារបរទេស] ក្រុមហ៊ុនផលិតរថយន្ត Geely បានធ្វើការដាក់បង្ហាញចេញនៅរថយន្ត Geely Panda ប្រភេទអគ្គិសនិខ្នាតតូច ស៊េរីឆ្នាំ ២០២៤ ដែលទទួលបានការធ្វើឲ្យប្រសើរជាងមុន បើកបរបានចម្ងាយឆ្ងាយជាងមុន និងតម្លៃទាបជាងមុនដល់ទៅ ២៧០០ ដុល្លារ ពោលគឺមានតម្លៃ ៥៥០០ ដុល្លារ នៅប្រទេសចិន ។

រថយន្តប្រភេទ Mini នេះ មានប្រវែងតួខ្លួនសរុប ៣ ០៦៥ ម.ម ទទឹង ១ ៥២២ ម.ម កំពស់ ១ ៦០០ ម.ម និងប្រវែងគន្លាតកង់មុខ-ក្រោយ ២ ០១៥ មម បំពាក់ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ៤០ សេះ ផ្គួបជាមួយអាគុយទំហំ ១៧គីឡូវ៉ាត់ម៉ោង អាចបើកបរបានចម្ងាយ ២០០គីឡូម៉ែត្រនៅពេលសាកថ្មពេញម្តង អាចបសាកថ្មបានពី ៣០% ដល់ ៨០% ប្រើរយៈពេល ៦៨នាទី ។

សម្រាប់ការរចនានៅផ្នែកខាងក្រៅផ្តោតទៅលើអតិថិជនមនុស្សស្រី ជាមួយចង្កៀងមុខ-ក្រោយរាងមូល ប្រើប្រាស់នៅទ្វារចំនួន ២ ព្រមទាំថថាសកង់ឌីស្សាញជារូប Panda ជាដើម ។ ខណៈនៅផ្នែកខាងក្នុង មានបំពាក់កៅអីស្រោបដោយស្បែក ព្រមទាំងកុងទ័របង្ហាញព័ត៌មានទំហំ ៩,២ អ៉ីញ និងអេក្រង់កំសាន្ត touchscreen ទំហំ ៨ អ៉ីញ ប្រអប់លេខអេឡិចត្រូនិច ប្រព័ន្ធបញ្ជាពីចម្ងាយ App remote control car និងអាចផ្ទុកបានដល់ទៅ ៨០០ លីត្រឯណ្ណោះ ៕

ផ្ទាំងផ្សាយពាណិជ្ជកម្ម

Lexus NX ស៊េរីឆ្នាំ ២០២៤ ទទួលបានម៉ូដែលថ្មី ផ្តោតលើផ្លូវ Off-Road នៅប្រទេសកំណើត

March 5, 2024

[ទីផ្សារបរទេស] ក្រុមហ៊ុនផលិតរថយន្ត Lexus បានធ្វើការបន្ថែមនៅម៉ូដែលថ្មីរបស់រថយន្ត Lexus NX ស៊េរីឆ្នាំ ២០២៤ ម៉ូដែល Overtrail ដែលផ្តោតលើផ្លូវការពិបាកៗ ឬ Off-Road ជាមួយតម្លៃលក់ចាប់ពី ៥១ ៣០០ ដុល្លារ នៅក្នុងទីផ្សារប្រទេសជប៉ុន ។

Lexus NX Overtrail ថ្មីនេះ ត្រូវបានក្រុមហ៊ុន Lexus បានធ្វើឲ្យប្រសើរឡើងនៅនៅតួគ្រោង ព្រមទាំងប្រព័ន្ធដៃចង្កូតថ្មី ក៏ដូចប្រព័ន្ធជើងក្រោមបានអាប់ដេតថ្មីផងដែរ ។ លើសពីនេះ ម៉ូដែលនេះមានកំពស់ពីដីទៅបាតរថយន្តខ្ពស់ជាងម៉ូដែលស្តង់ដារ ១៥ មម រួមទាំងបានបំពាក់ជាមួយថាសកង់ទំហំ ១៨អ៉ីញ ស្រោបដោយសំបងកង់ប្រភេទ Off-Road និងប៉ាណាមុខមួយផ្ទាំងធំជាដើម ។

ចំពោះនៅផ្នែកខាងក្នុងវិញ ទទួលបានអេក្រង់កំសាន្ត touchscreen ទំហំ ១៤ អ៊ីញ ដោយជំនួសអេក្រង់ចាស់ទំហំ ៩,៨ អ៉ីញ ព្រមទាំងដំបូលកញ្ចក់ Panoramic ថ្មី ផងដែរ ។

ទាក់ទងទៅនឹងផ្នែកម៉ាស៊ីនវិញ Lexus NX Overtrail ទទួលបានជម្រើសម៉ាស៊ីនថ្មីរួមមាន៖ ម៉ាស៊ីនសាំងចំណុះ ២,៤ លីត្រ, ម៉ាស៊ីនកូនកាត់ hybrid និង plug-in hybrid ធ្វើការជាមួយម៉ាស៊ីនសាំងចំណុះ ២,៥ លីត្រ ៕

ផ្ទាំងផ្សាយពាណិជ្ជកម្ម

BYD Yuan Plus ឆ្នាំ ២០២៤ តម្លៃលក់តែជាង ១មុឺនដុល្លារ សាកភ្លើង ៣០នាទី ជិះបាន ៥១០គីឡូម៉ែត្រ

March 5, 2024

[ទីផ្សារបរទេស] ក្រុមហ៊ុនផលិតរថយន្ត BYD បានធ្វើការដាក់បង្ហាញចេញជាផ្លូវការនៅរថយន្តអគ្គិសនីសុទ្ធ BYD Yuan Plus ស៊េរីឆ្នាំ ២០២៤ ជាមួយតម្លៃលក់ធូរជាងម៉ូដែលឆ្នាំមុនដល់ទៅ ២ ២០០ដុល្លារ ពោលគឺំមានតម្លៃលកចាប់ពី ១៦ ៦៥០ ដុល្លារនៅទីផ្សារប្រទេសចិន ។

BYD Yuan Plus ស៊េរីឆ្នាំ ២០២៤ មានប្រវែងតួខ្លួនសរុប ៤ ៤៥៥ ម.ម ទទឹង ១ ៨៧៥ ម.ម កំពស់ ១ ៦១៥ ម.ម និងប្រវែងគន្លាតកង់មុខ-ក្រោយ ២ ៧២០ ម.ម បំពាក់ជាមួយម៉ួទ័រអគ្គិសនីចំនួន ១ អាចផលិតកម្លាំងបាន ២០១ សេះ និងកម្លាំងរមួល ៣១០ ញ៉ូតុនម៉ែត្រ ផ្គួបជាមួយអាគុយទំហំ ៦០,៤៨ គីឡូវ៉ាត់ម៉ោង អាចបើកបរបានចម្ងាយ ៥១០ គីឡូម៉ែត្រនៅពេលសាកថ្មពេញម្តង គាំទ្រដោយឆ្នាំងសាកល្បឿនលឿន អាចសាកពី ១០% ដល់ ៨០% ប្រើរយពេល ៣០នាទី ។

សម្រាប់រថយន្តនេះ ត្រូវបានបំពាក់មកជាមួយប៉ាណាមុខបិទជិតតុបតែងជាក្រូម៉េ ចង្កៀងមុខ-ក្រោយ LED ថាសកង់ស្ព័រទំហំ ១៨អ៉ីញ អេក្រង់កំសាន្ត touchscreen ទំហំ ១៥,៦ អ៉ីញ គាំទ្រដោយប្រព័ន្ធប្រតិបត្តិការណ៍ DiLink 4.0 intelligent system និងប្រព័ន្ធបញ្ជាដោយសំឡេងផងដែរ ៕

ផ្ទាំងផ្សាយពាណិជ្ជកម្ម

ភីកអាប់ Toyota Hilux GR Sport ត្រៀមនឹងបង្ហាញខ្លួននៅប្រទេសជាប់កម្ពុជាក្នុងខែនេះ

March 4, 2024

[ទីផ្សារបរទេស] ក្រុមហ៊ុនផលិតរថយន្ត Toyota ប្រចាំនៅទីផ្សារប្រទេសថៃ គ្រោងនឹងធ្វើដាក់បង្ហាញចេញនៅភីកអាប់ Toyota Hilux GR Sport នៅថ្ងៃទី ២០ ខែមិនា ឆ្នាំ ២០២៤ ដែលមានលក្ខណៈពិសេស (Spec) ដូចគ្នាទៅនឹងម៉ូដែលរបស់ប្រទេសអូស្រ្តាលី ជាមួយតម្លៃលក់ចាប់ពី ៣៩ ០៧៦ ដុល្លារ ។

សម្រាប់ភីកអាប់នៅប្រទេសអូស្រ្តាលីផលិតឡើងនៅលើគ្រោងឆ្អឹង widetrack platform មានប្រវែងតួខ្លួនសរុប ៥៣២០ មម ទទឹង ២០២០ មម កំពស់ ១៨៨០ មម និងប្រវែងគន្លាតកង់មុខ-ក្រោយ ៣០៨៥ មម និងបំពាក់ជាមួយម៉ាស៊ីនម៉ាស៊ូតចំណុះ ២,៨ លីត្រ Turbo ទំហំ ៤ស៊ីឡាំង អាចផលិតកម្លាំងបាន ២២៤ សេះ និងកម្លាំងរមួល ៥៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦វគ្គ ប្រភេទបើកបរប៉ុង ២ ។

Toyota Hilux GR Sport មានភ្ជាប់មកជាមួយប៉ាណា និងកាងមុខរចនាថ្មី ប្រើប្រាស់នៅថាសកង់ស្ព័រទំហំ ១៧អ៉ីញ ចង្កៀងមុខ-ក្រោយ LED កៅអីស្រោបដោយស្បែកជាមួយឡូហ្គោអក្សរ GR ក៏ដូចជាដៃចង្កូត និងចង្កឹះលេខស្រោបដោយស្បែកជាមួយឡូហ្គោ GR យកលំនាំ Rally-style ជាដើម ៕

ផ្ទាំងផ្សាយពាណិជ្ជកម្ម

១ម៉ោងបន្ទាប់ពីចេញតម្លៃលក់ រថយន្តរបស់ Toyota នេះទទួលបានការកក់ដល់ទៅ ៥ពាន់គ្រឿង

March 4, 2024

[បរទេស] កាលពីខែកុម្ភៈ ឆ្នាំ២០២៤ កន្លងទៅនេះ ក្រុមហ៊ុនបណ្តាក់ទុនរួមគ្នា FAW-Toyota បានបញ្ចេញតម្លៃលក់ជាផ្លូវការរបស់រថយន្ត Toyota Land Cruiser Prado ស៊េរីឆ្នាំ ២០២៤ ដែលមានតម្លៃលក់ចាប់ពី ៦៥ ២៨៩ ដុល្លារ ដោយត្រឹមរយៈពេល ១ម៉ោងប៉ុណ្ណោះបន្ទាប់ពីការបញ្ចេញនេះ ទទួលបានការកក់ទុកមុនដល់ទៅ ៥ ០០០ គ្រឿងនៅប្រទេសចិន ។

សម្រាប់ Toyota Land Cruiser Prado របស់ប្រទេសចិន ត្រូវបានបំពាក់ជាមួយម៉ាស៊ីនកូនកាត់ i-Force Max Hybrid ធ្វើការរួមគ្នាជាមួយម៉ាស៊ីនសាំងចំណុះ ២,៤លីត្រ Turbo ទំហំ ៤ស៊ីឡាំង អាចផលិតកម្លាំងបាន ៣២៦ សេះ និងកម្លាំងរមួល ៦៣០ ញ៉តុនម៉ែត្រ ភ្ជាប់ដោយប្រអប់លេខអូតូ ៨វគ្ក និងអាគុយទំហំ ១,៨៧គីឡូវ៉ាត់ម៉ោង ប្រភេទបើកបរប៉ុង ២ Full-time 4-wheel drive ។ លើសពីនេះ ក៏ទទួលបានកញ្ចប់ប្រព័ន្ធសុវត្ថិភាព Toyota Safety Sense 3.0 ផងដែរ ។

Toyota Land Cruiser ស៊េរីឆ្នាំ ២០២៤ ត្រូវបានផលិតឡើងនៅលើគ្រោងឆ្អឹង TNGA platform ភ្ជាប់មកជាមួយ ប៉ាណាមុខថ្មីរចនារាងសំណាញ់ ចង្កៀងមុខ-ក្រោយ LED ដំបូល roof-rack ថាសកង់ស្ព័រទំហំ ១៧អ៉ីញ ក៏ដូចជាទ្វារឃ្លុបក្រោយបើក-បិទដោយថាមពលអគ្គិសនី ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញឌីជីថល ៧អ៉ីញ និងអេក្រង់កំសាន្ត touchscreen ទំហំចាប់ពី ៨-១២,៣ អ៉ីញ អាចភ្ជាប់មុខងារ Apple CarPlay និង Android Auto ក៏ដូចជាឧបករណ៍បំពងសំឡេងម៉ាក JBL ១៤ ចំនុច អេក្រង់បង្ហាញលើកញ្ចក់ HUD និងមួយចំនួនច្រើនទៀតផងដែរ ៕

ផ្ទាំងផ្សាយពាណិជ្ជកម្ម

អត់ទាន់ចេញលក់ទេ តែ Toyota Camry ជំនាន់ថ្មី ទទួលបានការកក់ទុកមុនជិត ១មុឺនគ្រឿងបាត់ហើយ

March 4, 2024

[ទីផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា GAC-Toyota បានធ្វើការប្រកាសថា ក្រុមហ៊ុនទទួលបានការបញ្ជារទិញទុកមុននៅរថយន្ត Toyota Camry ជំនាន់ថ្មី ស៊េរីឆ្នាំ ២០២៤ ដែលមានតម្លៃលក់ចាប់ពី ២៤ ១៤៣ ដុល្លារ ដល់ ២៩ ០០៥ ដុល្លារ ដល់ទៅ ៨ ០៤៩គ្រឿង ខណៈការចេញលក់ជាផ្លូវការ គ្រោងនឹងធ្វើឡើងនៅថ្ងៃទី ៦ ខែមិនា ឆ្នាំ ២០២៤ នៅក្នុងទីផ្សារប្រទេសចិន ។

រថយន្តនេះ ត្រូវបានផលិតឡើងនៅលើគ្រោងឆ្អឹង TNGA-K platform សម្រាប់ម៉ូដែលកូនកាត់ Hybrid និងម៉ូដែលចំហេះក្នុង ដំណើរការដោយម៉ាស៊ីនសាំងចំណុះ ២,០ លីត្រដូចគ្នា ខណះម៉ូដែល Hybrid ចំណុះ ២,៥ លីត្រនឹងបង្ហាញខ្លួននៅពេលក្រោយផងដែរ ។

សម្រាប់ Toyota Camry ស៊េរីឆ្នាំ ២០២៤ របស់ប្រទេសចិនមានការឌីស្សាញនៅផ្នែកខាងក្រៅដូចគ្នាទាំងស្រុងទៅនឹងម៉ូដែលរបស់ទីផ្សារសហរដ្ឋអាមេរិក ប៉ុន្តែនៅផ្នែកខាងក្នុងមានការរចនាថ្មីទាំងស្រុងដោយមានកុងទ័របង្ហាញព័ត៌មានទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ គាំទ្រដោយបន្ទះឈីប Qualcomm Snapdragon 8155 ក៏ដូចជាបានភ្ជាប់មកជាមួយប្រព័ន្ធស្កេនសម្គាល់មុខជាដើម។ លើសពីនេះ ក៏ទទួលបានកញ្ចប់ប្រព័ន្ធសុវត្ថិភាព Toyota Safety Sense 3.0 ចុងក្រោយបង្អស់ទៀតផង៕

ផ្ទាំងផ្សាយពាណិជ្ជកម្ម

មកស្គាល់កំពូលរថយន្តប្រភេទ SUV ទាំង១០ មានតម្លៃថ្លៃបំផុតនៅលើពិភពលោក

March 4, 2024

[បរទេស] បច្ចុប្បន្នរថយន្តប្រភេទ SUV គ្រប់គ្រងការលក់ជាបណ្តើរៗនៅក្នុងទីផ្សាររថយន្តពិភពលោក ដោយក្នុងក្រុមហ៊ុនផលិតរថយន្តទំនើប ជាច្រើនបានដាក់បង្ហាញនៅរថយន្ត SUV ដ៏ប្រណិតដែលមានតម្លៃថ្លៃ ។ ខាងក្រោមនេះ ជាកំពូលរថយន្ត SUV កំពូលទាំង ១០ ដែលមានតម្លៃខ្ពស់បំផុតនៅលើពិភពលោក៖

១០) Aston Martin DBX707 រថយន្តបំពាក់ជាមួយម៉ាស៊ីន V8 ចំណុះ ៤,០ លីត្រ Bi-turbo អាចផលិតកម្លាំងបាន ៩០០ សេះ មានតម្លៃលក់ ២៣៩ ០៨៦ ដុល្លារ ។

៩) Lamborghini Urus Performante រថយន្តបំពាក់ជាមួយម៉ាស៊ីន V8 ចំណុះ ៤,០ លីត្រ Bi-turbo អាចផលិតកម្លាំងបាន ៦៦៦ សេះ និងកម្លាំងរមួល ៨៥០ ញ៉ូតុនម៉ែត្រ មានតម្លៃលក់ ២៧៣ ៨៨០ ដុល្លារ ។

៨) Faraday Future FF 91 ជារថយន្តប្រភេទអគ្គីសនីសុទ្ធ បំពាក់ម៉ូទ័រអគ្គិសនីចំនួន ៣ អាចផលិតកម្លាំងបានសរុប ១០៥០ សេះ ផ្គួបជាមួយអាគុយទំហំ ១៣០ គីឡូវ៉ាត់ អាចបើកបរបានចម្ងាយ ៦១៣ គីឡូម៉ែត្រនៅពេលសាកថ្មពេញម្តង មានតម្លៃលក់ ៣០៩ ០០០ ដុល្លារ ។

៧) Bentley Bentayga EWB Mulliner រថយន្តបំពាក់ជាមួយម៉ាស៊ីន V8 Bi-turbo អាចផលិតកម្លាំងបាន ៥៥០ សេះ និងកម្លាំងរមួល ៧៧០ ញ៉ូតុនម៉ែត្រ មានតម្លៃលក់ ៣៣៩ ១៥០ ដុល្លារ ។

៦) Mercedes-AMG G 63 4×4 រថយន្តបំពាក់ជាមួយម៉ាស៊ីន V8 Bi-turbo អាចផលិតកម្លាំងបាន ៥៨៥ សេះ មានតម្លៃលក់ ៣៥០ ០៥០ ដុល្លារ ។

៥) Rolls-Royce Cullinan រថយន្តបំពាក់ជាមួយម៉ាស៊ីន V12 Twin-turbo អាចផលិតកម្លាំងបាន ៥៧១ សេះ និងកម្លាំងរមួល ៨៥០ ញ៉ូតុនម៉ែត្រ មានតម្លៃលក់ ៣៧៦ ៧៥០ ដុល្លារ ។

៤) Ferrari Purosangue រថយន្តបំពាក់ជាមួយម៉ាស៊ីន V12 ចំណុះ ៦,៥ លីត្រ អាចផលិតកម្លាំងបាន ៧២៥ សេះ និងកម្លាំងរមួល ៧១៦ ញ៉ូតុនម៉ែត្រ មានតម្លៃលក់ ៤០២ ០៥០ ដុល្លារ ។

៣) Rolls-Royce Cullinan Black Badge រថយន្តបំពាក់ជាមួយម៉ាស៊ីន V12 Twin-turbo អាចផលិតកម្លាំងបាន ៦០០ សេះ និងកម្លាំងរមួល ៩០០ ញ៉ូតុនម៉ែត្រ មានតម្លៃលក់ ៤៥៣ ២៥០ ដុល្លារ។

២) Mercedes-Benz G63 AMG 6×6 រថយន្តនេះផ្អែកនៅលើរថយន្ត G63 ប្រភេទ SUV បំពាក់ជាមួយម៉ាស៊ីន V8 ចំណុះ ៥,៥ លីត្រ Bi-turbo អាចផលិតកម្លាំងបាន ៥៤៤ សេះ និងកម្លាំងរមួល ១០០០ ញ៉ូតុនម៉ែត្រ មានតម្លៃលក់ ៥៤៤ ៣៧៨ ដុល្លារ។

១) Mercedes-Maybach G650 Landaulet រថយន្តដ៏ប្រណិតនេះ ផលិតតែចំនួន ៩៩គ្រឿងប៉ុណ្ណោះនៅលើពិភពលោក បំពាក់ជាមួយម៉ាស៊ីន V12 ចំណុះ ៤,០ លីត្រ Bi-turbo អាចផលិតកម្លាំងបាន ៦៣០ សេះ មានតម្លៃលក់ ៧៥៤ ២០០ ដុល្លារ ៕

ផ្ទាំងផ្សាយពាណិជ្ជកម្ម

BYD មិនចង់យករថយន្តទៅលក់នៅទីផ្សារសហរដ្ឋអាមេរិកដោយសារហេតុមួយ

March 2, 2024

[បរទេស] ក្រុមហ៊ុនផលិតរថយន្តអគ្គិសនីឈានមុខគេរបស់ពិភពលោក BYD បានធ្វើការបញ្ជាក់ថា ក្រុមហ៊ុនមិនមានបំណងចង់នាំយករថយន្តរបស់ខ្លួននៅកាន់ទីផ្សារសហរដ្ឋអាមេរិកនោះទេ បើទោះពីជាក្រុមហ៊ុនមានរោងចក្រដ៏ធំនៅប្រទេសមិកសិកកូក៏ដោយ ។

ជាមួយគ្នានេះ យោងតាមប្រធានក្រុមហ៊ុន BYD ប្រចាំនៅប្រទេសមិកសិកូបានឲ្យដឹងថា រោងចក្រផលិតរថយន្តអគ្គិសនីរបស់ BYD នៅប្រទេសម៉ិកស៊ិកកូ គឺផលិតរថយន្តសម្រាប់តែលក់នៅក្នុងទីផ្សារមួយនេះប៉ុណ្ណោះ ដោយសារការលក់នៅក្នុងទីផ្សារសហរដ្ឋអាមេរិកមានភាពស្មុគស្មាញខ្លាំងពេក ។

គួរឲ្យដឹងថា ទោះបី BYD មិនមានផែនការលក់រថយន្តទោកាន់ទីផ្សារសហរដ្ឋអាមេរិកក៏ដោយ ក៏ក្រុមហ៊ុនផលិតរថយន្តយក្យរបស់ប្រទេសចិនមួយនេះ កំពុងត្រៀមខ្លួនរួចជាស្រេចសម្រាប់ការវៃលុកទីផ្សារអាមេរិកខាងជើង ៕

ផ្ទាំងផ្សាយពាណិជ្ជកម្ម

Hyundai MUFASA IX35 ស៊េរីឆ្នាំ ២០២៤ ចេញលក់ជាផ្លូវការ ជាមួយតម្លៃអត់ដល់ ២មុឺនដុល្លារ

March 2, 2024

[ទីផ្សារបរទេស] ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញនៅរថយន្ត Hyundai MUFASA IX35 ស៊េរីឆ្នាំ ២០២៤ ដែលមានតម្លៃលក់ចាប់ពី ១៧ ១៣៨ ដុល្លារឡើងទៅ នៅទីផ្សារប្រទេសចិន ។

Hyundai MUFASA IX35 ផលិតឡើងនៅលើគ្រោងឆ្អឹង i-GMP platform ដំណើរការដោយម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង អាចផលិតកម្លាំងបាន ១៦០ សេះ និងកម្លាំងរមួល ១៩៣ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦វគ្គ ។

សម្រាប់រូបរាងនៅផ្នែកខាងក្រៅមានបំពាក់មកជាមួយប៉ាណាមុខពណ៌ខ្មៅទំហំធំ អបសងខាងដោយចង្កៀងមុខប្រភេទ LED ប្រើប្រាស់នៅថាសកង់ស្ព័រទំហំ ២០អ៉ីញ និងចង្កៀងក្រោយ LED រចនាជារង្វង់អូសកាត់ពីផ្នែកម្ខាងទៅផ្នែកម្ខាង ព្រមទាំងទ្វារក្រោយបើក-បិទដោយថាមពលអគ្គិសនី។

ចំពោះនៅផ្នែកខាងក្នុងវិញ មានភ្ចាប់មកជាមួយកុងទ័របង្ហាញព័ត៌មាន និងអេក្រង់កំសាន្ត touchscreen ទំហំ ១២,៣អ៉ីញ រួមបញ្ចូលគ្នាជាអេក្រង់ភ្លោះ គាំទ្រដោយប្រព័ន្ធប្រតិបត្តិការណ៍ intelligent network connection system 4.0 ក៏ដូចជាអេក្រង់កំសាន្តសម្រាប់អ្នកដំណើរខាងក្រោយ, កន្លែងកសាកថ្មឥតប្រើខ្សែ និងឧបករណ៍បំពងសំឡេង ៦ ចំនុច ជាដើម ៕

ផ្ទាំងផ្សាយពាណិជ្ជកម្ម

Changan បញ្ចេញភីកអាប់ប្រភេទអគ្គិសនី (EREV) ដំបូងគេបង្អស់នៅលើពិភពលោក ឯតម្លៃខ្ទង់ ២មុឺនដុល្លារឡើងទៅ

March 2, 2024

[ទីផ្សារបរទេស] ក្រុមហ៊ុនផលិតរថយន្ត Changan បានធ្វើការដាក់បង្ហាញចេញជាផ្លូវការនៅភីកអាប់ Changan Hunter ស៊េរីឆ្នាំ ២០២៤ ដែលជាភីកអាប់ប្រើអគ្គិសនីជាមួយម៉ាស៊ីនចំហេះក្នុង (EREV) ដំបូងគេនៅលើពីភពលោក មាន ៨ម៉ូដែលសម្រាប់ជ្រើសរើស ជាមួយតម្លៃលក់ចាប់ពី ១៩ ៤៥០ ដុល្លារ ដល់ ៣១ ១៥០ ដុល្លារនៅទីផ្សារប្រទេសចិន ។

រថយន្តនេះដំណើរការដោយម៉ាស៊ីនចំណុះ ២,០ លីត្រ ផ្គួបជាមួយម៉ូទ័រអគ្គិសនីចំនួន១ អាចផលិតកម្លាំងបានសរុប ២៦៨ សេះ និងបំពាក់អាគុយទំហំ ៣១,១៨ គីឡូវ៉ាត់ម៉ោង អាចបើកបរបានចម្ងាយ ១ ០៣១ គីឡូម៉ែត្រ ។

Changan Hunter មានប្រវែងតួខ្លួនសរុប ៥ ៦៣០ ម.ម ទទឹង ១ ៩៣០ ម.ម កំពស់ ១ ៨៨៥ ម.ម និងប្រវែងគន្លាតកង់មុខ-ក្រោយ ៣ ៤៣០ ម.ម ។ សម្រាប់ការឌីស្សាញនៅផ្នែកខាងក្រៅ មានប៉ាណាមុខមួយផ្ទាំងធំ ចង្កៀងមុខ-ក្រោយ LED ថាសកង់ស្ព័រ និងរន្ធភ្លើងនៅឃ្លុបក្រោយកម្លាំង ៣,៣ គីឡូវ៉ាត់ជាដើម ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានទំហំ ៧,៥ អ៉ីញ និងអេក្រង់កំសាន្ត touchscreen ទំហំ ១២ អ៉ីញ ក៏ដូចជាកន្លែងសាកថ្មឥតប្រើខ្សែ ផ្លិតទឹកអូតូ និងកៅអីស្រោបដោយស្បែកមុខងារកំដៅផងដែរ ៕