Suzuki Swift ឆ្នាំ ២០២៤ ប្រើ Hybrid ចេញតម្លៃលក់ជាផ្លូវត្រឹមតែ ១មុឺនដុល្លារជាង

December 7, 2023

[ទីផ្សារបរទេស] ក្រុមហ៊ុនផលិតរថយន្ត Suzuki បានធ្វើការដាក់បញ្ចេញតម្លៃលក់ជាផ្លូវការរបស់រថយន្ត Suzuki Swift ស៊េរីឆ្នាំ ២០២៤ ប្រើប្រាស់ម៉ាស៊ីនកូនកាត់ Mild-Hybrid ដែលមាន ៦ ម៉ូដែលសម្រាប់ទីផ្សារប្រទេសជប៉ុន ដោយតម្លៃលក់ចាប់ពី៖

ម៉ូដែល XG ប៉ុង ១ មានតម្លៃលក់ ១១ ៧៦២ ដុល្លារ
ម៉ូដែល XG ប៉ុង ២ មានតម្លៃលក់ ១៣ ៤៩៩ ដុល្លារ
ម៉ូដែល Hybrid MX ប៉ុង ១ មានតម្លៃលក់ ១៣ ០៩៦ ដុល្លារ
ម៉ូដែល Hybrid MX ប៉ុង ២ មានតម្លៃលក់ ១៤ ២២០ ដុល្លារ
ម៉ូដែល Hybrid MZ ប៉ុង ១ មានតម្លៃលក់ ១៤ ៧៥៩ ដុល្លារ
ម៉ូដែល Hybrid MZ ប៉ុង ២ មានតម្លៃលក់ ១៤ ៨៨៣ ដុល្លារ

រថយន្ត Suzuki Swift ស៊េរីឆ្នាំ ២០២៤ ផលិតឡើងនៅលើគ្រោងឆ្អឹង HEARTECT platform ដំណើរការដោយម៉ាស៊ីនកូនកាត់ Mild-Hybrid ធ្វើការការួមគ្នាជាមួយម៉ាស៊ីនសាំងចំណុះ ១,២ លីត្រ ទំហំ ៤ ស៊ីឡាំង អាចផលិតកម្លាំងបាន ៨២ សេះ និងម៉ូទ័រអគ្គិសនីមានកម្លាំង ៣១ សេះ ភ្ជាប់ដោយប្រអប់លេខអូតូ CVT ជាមួយកម្រិតស៊ីប្រេងចន្លោះពី ៤-៥ លីត្រក្នុងរយៈចម្ងាយ ១០០ គីឡូម៉ែត្រ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ IM LS6 ផលិតឡើងដោយ SAIC និង Alibaba បង្ហាញខ្លួននៅ Motor Expo 2023 ប្រទេសថៃ

December 6, 2023

[បរទេស] ក្រុមហ៊ុនផលិតរថយន្ត SAIC Motor បានសហការគ្នាជាមួយក្រុមហ៊ុន Alibaba ក្នុងការផលិតរថយន្តអគ្គិសនីសុទ្ធ IM LS6 ដោយបានដាក់បង្ហាញចេញជាលើកដំបូងនៅពិពរណ៏រថយន្ត Motor Expo 2023 នៅឯប្រទេសថៃ ។

រថយន្តនេះ មានប្រវែងតួខ្លួនសរុប ៤ ៩០០ ម.ម និងប្រវែងគន្លាតកងមុខ-ក្រោយ ២ ៩៥០ ម.ម បំពាក់ដោយម៉ូទ័រអគ្គិសនីចំនួន ២ មានកម្លាំងសរុប ៧៧៦ សេះ និងកម្លាំងរមួល ៨០០ ញ៉ូតុនម៉ែត្រ អាចរត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោងប្រើរយៈពេល ៣,៤៨ វានាទី ។ ខណៈទំហំអាគុយក្រុមហ៊ុនមិនទាន់បង្ហាញនៅឡើយទេ ។

IM LS6 ត្រូវបានផលិតឡើងក្រោមការបណ្តាក់ទុនរួមគ្នារវាង SAIC Motor, Alibaba និង Shanghai Zhangjiang Hi-Tech ជាមួយការរចនាផ្នែកខាងក្រៅរបស់វាគឺផ្អែកលើគោលគំនិតដោយសង្កត់ធ្ងន់លើភាពរលូន និងភាពទំនើប នឹងបច្ចេកវិទ្យា Ai Cabin ដែលជាបច្ចេកវិទ្យាថ្មីពី SAIC Motor។

ទោះជាយ៉ាងណាក៏ដោយ រថយន្តអគ្គិសនីសុទ្ធ IM LS6 ដែលកំពុងដាក់តាំងបង្ហាញនៅពិពរណ៍របស់ប្រទេសដៃក៏ដោយ ក៏មិនមានគម្រោងដាក់លក់សម្រាប់ទីផ្សារក្នុងប្រទេសថៃនោះទេ ៕

ផ្ទាំងផ្សាយពាណិជ្ជកម្ម

All-New Chevrolet Bolt ប្រើប្រាស់ថាមពលអគ្គិសនីសុទ្ធ នឹងមកដល់នៅឆ្នាំ ២០២៥

December 6, 2023

[បរទេស] ក្រុមហ៊ុនផលិតរថយន្ត GM បានធ្វើការប្រកាសជាផ្លូវការទាកទងទៅនឹងរថយន្ត Chevrolet Bolt ជំនាន់ថ្មី ប្រើប្រាស់នៅថាមពលអគ្គិសនីសុទ្ធ ជាមួយរូបរាងថ្មីទាំងស្រុង នឹងបង្ហាញខ្លួនជាផ្លូវការនៅក្នុងឆ្នាំ ២០២៥ ។

ក្នុងនោះ នាយកប្រតិបត្តិក្រុមហ៊ុន GM បាននិយាយថា សម្រាប់ជំនាន់ក្រោយ រថយន្តនេះនឹងត្រូវបានផលិតឡើងលើស្ថាបត្យកម្ម Ultium architecture របស់ GM ដែលប្រើប្រាស់នៅអាគុយប្រភេទលីចូមដែកផូស្វាត ។ យោងតាមគេហទំព័រ Autonews រថយន្ត Chevrolet Bolt នឹងជារថយន្តប្រើអគ្គិសនីសុទ្ធ EV ដែលមានមូលដ្ឋាននៅអាមេរិកខាងជើងដំបូងគេក្នុងការរួមបញ្ចូលបច្ចេកវិទ្យានេះ។

គួរបញ្ជាក់ផងដែរថា សម្រាប់រថយន្ត Chevrolet Bolt ម៉ូដែលបច្ចុប្បន្ននឹងត្រូវបានឈប់ផលិតនៅចុងឆ្នាំ ២០២៣ នេះហើយ ។ ជាមួយគ្នា ចំពោះរថយន្តអគ្គិសនីសុទ្ធ Chevrolet Bolt EV ក្រុមហ៊ុន GM មិនទាន់បង្ហាញព័ត៌មានលម្អិតអ្វីច្រើននៅឡើយទេ ៕

ផ្ទាំងផ្សាយពាណិជ្ជកម្ម

Chery Discovery 06 ទំនើបមិនចាញ់ Land Rover ឯតម្លៃលក់អត់ដល់ ២មុឺនដុល្លារ

December 6, 2023

[បរទេស] ក្រុមហ៊ុនផលិតរថយន្ត Chery Auto បានធ្វើការដាក់បង្ហាញចេញនៅជាផ្លូវការនៅរថយន្ត Chery Discovery 06 ដែលមានតម្លៃលកចាប់ពី ១៦ ៤៧២ ដុល្លារ ដល់ ១៩ ៧១៣ ដុល្លារនៅទីផ្សារប្រទេសចិន ។

រថយន្តនេះ ជាប្រភេទ SUV ខ្នាតធំដែលមានការឌីស្សាញស្រដៀងគ្នាទៅនឹងរថយន្ត Land Rover ដោយប្រវែងតួខ្លួនសរុប ៤ ៥៣៨ ម.ម ទទឹង ១ ៨៩៨ ម.ម កំពស់ ១ ៦៨០ ម.ម ប្រវែងគន្លាតកង់មុខ-ក្រោយ ២ ៦៧២ ម.ម និងកំពស់ពីដីទៅបាត ២០០ ម.ម ។ សម្រាប់ការឌីស្សាញផ្នែកខាងក្រៅមានប៉ាណាមុខមួយផ្ទាំងធំ ចង្កៀងមុខ-ក្រោយ LED ពនិងត្រឡោកកញ្ចក់ចំហៀងមុខងារក្តោបអូតូ ព្រមទាំងថាសកស់ស្ព័រទំហំ ១៩ អ៉ីញជាដើម ។

ចំពោះនៅផ្នែកខាងក្នុងវិញ ឌីស្សាញផ្តោតលើប្រណិតភាព និងពោរពេញទៅដោយបច្ចកវិទ្យា ដោយនៅលើតាប្លូមានបំពាក់អេក្រង់កំសាន្ត touchscreen ទំហំ ១៣,២ អ៉ីញ គាំទ្រដោយឈីប Qualcomm Snapdragon 8155 កន្លែងសាកថ្មឥតប្រើខ្សែ ដំបូលកញ្ចក់ Panoramic Sunroof ឧបករណ៍បំពងសំឡេងម៉ាក SONY ៨ ចំនុច និងកាម៉េរា ៥៤០ ដឹក្រេផងដែរ ។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនសាំងចំណុះ ១,៦ លីត្រ Turbo អាចផលិតកម្លាំងបាន ១៩៤ សេះ និងកម្លាំងរមួល ១៩៤ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧វគ្គ និងមានជម្រើសប៉ុង ១ និងប៉ុង ២ ៕

ផ្ទាំងផ្សាយពាណិជ្ជកម្ម

គំរូរថយន្តអគ្គិសនីសុទ្ធរបស់ Toyota ផលិតរួមគ្នាជាមួយ BYD បង្ហាញខ្លួននៅអឺរ៉ុប

December 6, 2023

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅគំរូរថយន្ត Toyota Sport Crossover Concept ប្រើប្រាស់ថាមពលអគ្គិសនីសុទ្ធ គ្រោងនឹងធ្វើការចេញលក់នៅក្នុងឆ្នាំ ២០២៥ នៅទីផ្សារអឺរ៉ុប ។

គំររថយន្ត Sport Crossover គឺជាលទ្ធផលនៃគម្រោងរួមគ្នារវាង Toyota និង BYD Toyota គិតថារថយន្ត Coupe នឹងជារថយន្តមួយរចនាដ៏ទំនើបនៃរថយន្តអគ្គិសនីសុទ្ធ EV ថ្មីក្នុងចំណោមចំនួន ៦ ម៉ូដែល ដែលខ្លួនគ្រោងនឹងចេញលក់នៅអឺរ៉ុបនៅឆ្នាំ ២០២៦ ។

Sport Crossover ដោយមានការរចនាស្រដៀងទៅនឹងរថយន្ត Toyota Prius ស៊េរីថ្មីចុងក្រោយ ដែលជំនួយទៅដល់ការជ្រែកខ្យល់ aerodynamic បានយ៉ាងល្អប្រសើរ និងផ្នែកខាងក្រោយដ៏ទាក់ទាញ។ ជាមួយគ្នានេះ ក្រុមហ៊ុន Toyota មិនទាន់ធ្វើការបង្ហាញចេញនៅព័ត៌មានលម្អិតទាក់ទងទៅនឹងផ្នែកថាមពលនៅឡើយទេ ៕

ផ្ទាំងផ្សាយពាណិជ្ជកម្ម

ឡានទាំង ១០ម៉ូដែល ដែលមិនធ្វើឲ្យម្ចាស់ឈឺក្បាលច្រើន ដោយ Toyota មាន ៧ម៉ូដែល

December 5, 2023

[បរទេស] យោងតាមការស្ទង់មតិប្រចាំឆ្នាំរបស់គេហទំព័រ Consumer Reports (CR) ទៅលើរថយន្តទាំង ១០ ម៉ូដែលដែលជារថយន្តដែលមានបញ្ហាតិចបំផុតក្នុងពេលប្រើប្រាស់ ដោយទិន្នន័យឆ្នាំនេះគឺផ្អែកលើរថយន្តជាង ៣០០ ០០០ គ្រឿង រួមទាំងម៉ូដែលឆ្នាំ ២០០០-២០២៣ និងម៉ូដែលដើមឆ្នាំ ២០២៤ មួយចំនួនផងដែរ៖

១) Toyota 4Runner ទទួលបានពិន្ទុ ៨៧/១០០

២) Toyota Camry Hybrid ទទួលបានពិន្ទុ ៨៧/១០០

៣) Toyota Camry Hybrid ទទួលបានពិន្ទុ ៨៦/១០០

៤) Toyota Rav4 Prime ទទួលបានពិន្ទុ ៨៤/១០០

៥) BMW X5 ទទួលបានពិន្ទុ ៨២/១០០

៦) Subaru Forester ទទួលបានពិន្ទុ ៨២/១០០

៧) Toyota RAV4 ទទួលបានពិន្ទុ ៨០/១០០

៨) Acura RDX ទទួលបានពិន្ទុ ៨០/១០០

៩) Toyota Corolla ទទួលបានពិន្ទុ ៨៧៧/១០០

១០) Toyota Highlander Hybrid ទទួលបានពិន្ទុ ៧៥/១០០

ផ្ទាំងផ្សាយពាណិជ្ជកម្ម

Tesla Model 3 មុខមាត់ថ្មី ក៏មានវត្តមាននៅពិពរណ៍ Motor Expo 2023 ដែរ

December 5, 2023

[បរទេស] ក្រុមហ៊ុន Tesla ប្រចាំនៅប្រទេសថៃ បាននាំយករថយន្ត Tesla Model 3 មុខមាត់ថ្មី ទៅដាក់បង្ហាញនៅឯពិពរណ៍ Motor Expo 2023 ដែលមានតម្លៃលក់ចាប់ពី ៤៥ ៤០៤ ដុល្លារ ដល់ ៥៣ ៩២២ ដុល្លារសម្រាប់ទីផ្សាររបស់ខ្លួន ។

សម្រាប់ Tesla Model 3 មុខមាត់ថ្មីនេះ ដំណើរការដោយថាមពល ២ ជម្រើសរួមមាន៖

បំពាក់ដោយម៉ូទ័រអគ្គិសនីចំនួន ១ និងអាគុយ អាចបើកបរបាន ៥១៣ គីឡូម៉ែត្រក្នុងការសាកថ្មពេញម្តង ។
បំពាក់ម៉ូទ័រអគ្គិសនីចំនួន ២ និងអាគុយ អាចបើកបរបាន ៦២៩ គីឡូម៉ែត្រក្នុងការសាកថ្មពេញម្តង ។

Tesla Model 3 មុខមាត់ថ្មីនេះ នៅតែប្រើប្រាស់ការឌីស្សាញឲ្យឈ្មោះថា Minimalistic ដដែល ជាមួយការឌីស្សាញថ្មីដែលជួយដល់ប្រព័ន្ធ aerodynamic ជាមួយផ្នែកខាងក្រៅទទួលបានផ្នែកខាងមុខថ្មី រួមទាំងរូបរាងចង្កៀងមុខ-ក្រោយថ្មីរាងស្លីមជាងមុន LED ។ លើសពីនេះ បានធ្វើឲ្យប្រសើរឡើងនៅឧបករណ៍បំពងសំឡេងចំនួនដល់ទៅ ១៧ ចំនុច អេក្រង់កំសាន្ត touchscreen ទំហំ ១៥,៤ អ៉ីញ សម្រាប់បញ្ជាមុខងារទាំងមូល និងមានអេក្រង់ផ្នែកខាងក្រោយទំហំ ៨ អ៉ីញថ្មីសម្រាប់បញ្ជាប្រព័ន្ធម៉ាស៊ីនត្រជាក់ កន្លែងសាកថ្មឥតខ្សែរចំនួន ២ ៕

ផ្ទាំងផ្សាយពាណិជ្ជកម្ម

តោះមកស្គាល់ ឡានប្រើអគ្គិសនីសុទ្ធដែលមានតម្លៃថ្លៃជាងគេនៅលើពិភពលោកទាំង ១០ ម៉ូដែល

December 5, 2023

[បរទេស] ខាងក្រោមនេះជា ម៉ូដែលរថយន្តអគ្គិសនីដែលមានតម្លៃថ្លៃបំផុតនៅលើពិភពលោក ក្នុងចំណោមរថយន្តអគ្គិសនីទាំង ១០ ម៉ូដែលដែលមានតម្លៃខ្ពស់បំផុត ៣,៥៦ លានដុល្លារ មានមួយម៉ូដែលមកពីប្រទេសជប៉ុន ៖

Aspark Owl ជារថយន្តអគ្គិសនីសុទ្ធរបស់ប្រទេសជប៉ុន ដែលផលិតតែ ៥០គ្រឿងប៉ុណ្ណោះនៅលើពិភពលោកដែលមានតម្លៃលក់ ៣,៥៦ លានដុល្លារ

Lotus Evija ជារថយន្តអគ្គិសនីសុទ្ធរបស់ប្រទេសអង់គ្លេស ដែលផលិតតែ ១៣០ គ្រឿងប៉ុណ្ណោះនៅលើពិភពលោកដែលមានតម្លៃលក់ ២,៥ លានដុល្លារ

Pininfarina Battista រថយន្តអគ្គិសនីនេះ មានតម្លៃលក់ ២,២ លានដុល្លារ

Rimac Nevera រថយន្តនេះផលិតតែ ១៥០ គ្រឿងប៉ុណ្ណោះនៅលើពិភពលោក ដែលមានតម្លៃលក់ ២,២ លានដុល្លារ

Hispano Suiza Carmen Boulogne រថយន្តអគ្គិសនីនេះ មានតម្លៃលក់ ១,៨ លានដុល្លារ

Rolls-Royce Specter រថយន្តអគ្គិសនីនេះ មានតម្លៃលក់ ៤១៣ ០០០ លានដុល្លារ

Faraday Future FF01 91 រថយន្តអគ្គិសនីនេះ មានតម្លៃលក់ ៣០៩ ០០០ លានដុល្លារ

Cadillac Celestiq រថយន្តអគ្គិសនីនេះ មានតម្លៃលក់ ៣០០ ០០០ លានដុល្លារ

Lucid Air Sapphire រថយន្តអគ្គិសនីនេះ មានតម្លៃលក់ ២៤៩ ០០០ លានដុល្លារ

Meserati GranTurismo Folgore រថយន្តអគ្គិសនីនេះ មានតម្លៃលក់ ២១៥ ០០០ លានដុល្លារ

ផ្ទាំងផ្សាយពាណិជ្ជកម្ម

គំរូរថយន្តអគ្គិសនីសុទ្ធថ្មីរបស់ Toyota ជាគូប្រជែង Volvo EX30 នឹងចេញលក់ក្នុងឆ្នាំក្រោយ

December 5, 2023

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅគំរូរថយន្ត Toyota Urban SUV ប្រើប្រាស់ថាមពលអគ្គិសនីសុទ្ធ ជាមួយរូបរាងស្រដៀងគ្នាទៅនឹង Yaris Cross Hybrid គ្រោងនឹងធ្វើការចេញលក់ពាកកណ្តាលឆ្នាំ ២០២៤ ជាមួយតម្លៃរំពឹងខ្ទង់ ៣៥ ០០០ ដុល្លារ ដល់ ៣៨ ០០០ ដុល្លារនៅទីផ្សារអឺរ៉ុប ។

រថយន្តនេះមានទំហំធំជាង Yaris Cross ពោលមានប្រវែងតួខ្លួនសរុប ៤ ៣០០ ម.ម ទទឹង ១ ៨២០ ម.ម កំពស់ ១ ៦២០ ខណៈ Yaris Cross មានប្រវែងសរុប ៤ ១៨០ ម.ម ទទឹង ១ ៧៦៥ ម.ម និងកំពស់ ១ ៥៩០ ម.ម ។

ក្រុមហ៊ុន Toyota មិនទាន់បង្ហាញព័ត៌មានលម្អិតនៅឡើយទេ ប៉ុន្តែរំពឹងថា គំរូរថយន្តនេះ នឹងត្រូវបានផលិតឡើងនៅលើគ្រោងឆ្អឹង e-TNGA platform ដែលប្រើនៅលើរថយន្ត bZ4X ព្រមទាំងផ្តល់នៅជម្រើសប៉ុង ១ និងប៉ុង ២ ជាមួយអាគុយដែលអាចបើកបរបានចម្ងាយ ៤០២ គីឡូម៉ែត្រនៅពេលសាកថ្មពេញម្តង ៕

ផ្ទាំងផ្សាយពាណិជ្ជកម្ម

Toyota Hilux នៅទីផ្សារអឺរ៉ុប បន្ថែមម៉ូដែលថ្មីបំពាក់ជាមួយម៉ាស៊ីនកូនកាត់ Hybrid ថ្មី

December 4, 2023

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅភីកអាប់ Toyota Hilux បន្ថែមជាមួយម៉ាស៊ីន 48V hybrid ដែលផ្តល់នៅការបើកបរកាន់តែរលូតទាំងផ្លូវធម្មតា និង Off-Road នៅទីផ្សារតំបន់អឺរ៉ុប ។

ដោយភីកអាប់នេះ មានប្រវែងតួខ្លួនសរុប ៥ ៣២៥ ម.ម ទទឹង ១ ៩០០ ម.ម កំពស់ ១ ៨១៥ ម.ម និងប្រវែងគន្លាតកង់មុខ-ក្រោយ ៣ ០៨៥ ម.ម ដំណើរការដោយម៉ាស៊ីនកូនកាតថ្មី 48V hybrid system ធ្វើការរួមគ្នាជាមួយម៉ាស៊ីនម៉ាស៊ូតចំណុះ ២,៨ លីត្រដែលមានទម្ងន់ត្រឹមតែ ៧,៦ គីឡូក្រាមដែលអាចផលិតកម្លាំងបាន ២០៤ សេះ និងកម្លាំងរមួល ៥០០ ញ៉ូតុនម៉ែត្រ ។ មិនត្រឹមតែប៉ុណ្ណោះ ម៉ាស៊ីនថ្មីមានបំពាក់មកជាមួយ waterproof ដែលអាចបើកបរនៅក្នុងជម្រៅទឹក ៧០០ ម.ម និងជាលើកដំបូងបានបំពាក់ជាមួយប្រព័ន្ធ Multi-Terrain Select System ផងដែរ ។

ចំពោះនៅផ្នែកខាងក្នុងវិញ ត្រូវបានអេក្រង់កំសាន្តទំហំ ៨,០ អ៉ីញ ភ្ជាប់ដោយមុខងារ Apple CarPlay និង Android Auto ជាដើម ។ លើសពីនេះ ក៏បានភ្ជាប់មកជាមួយប្រព័ន្ធសុវត្ថិភាព Toyota Safety Sense ជំនាន់ចុងក្រោយផងដែរ ៕