លក្ខណៈពិសេសរវាងរថយន្ត MG Marvel R និង Toyota BZ4X

September 29, 2023

ប្រទេសកម្ពុជានឹងមានវត្តមានរថយន្តអគ្គិសនី SUV ២ ម៉ូឌែលសម្រាប់អ្នកទិញអាចជ្រើសរើសបាន។ ឆ្នាំនេះ MG បានបើកបង្ហាញពីរថយន្តអគ្គិសនីម៉ូឌែលថ្មី MG Marvel R ដែលជាប្រភេទរថយន្តដ៏ប្រណិតនិងប្រើអគ្គិសនីសុទ្ធ ជាមួយការផ្តល់នូវមុខងារប្រើប្រាស់ដ៏ទំនើបនិងមានតម្លៃសមរម្យ។ Toyota វិញក៏បានបង្ហាញនូវម៉ូឌែល BZ4X ដែលជាប្រភេទរថយន្តអគ្គិសនី crossover ដោយផ្តល់ទៅកាន់អតិថិជននូវជម្រើសដ៏សន្សំសំចៃ។

ក្នុងលក្ខខ័ណ្ឌនៃការរចនា, រថយន្តទាំងពីរម៉ូឌែល MG Marvel R និង Toyota BZ4X គឺផ្តល់នូវរូបរាងទាន់សម័យនិងមានភាពលេចធ្លោ។ រថយន្ត MG Marvel R គឺមានការរចនាយ៉ាងមានអំណាចបែបអនាគតជាមួយគំនិតដ៏ច្នៃប្រឌិតនៃឌីណាមិចឌីស្សាញ អមជាមួយខ្សែបន្ទាត់នៃអំពូលLED ដែលផ្តល់នូវភាពទាក់ទាញយ៉ាងទាន់សម័យ។ ចំណែករថយន្ត Toyota BZ4X បានបង្ហាញពីរូបរាងបែបជ្រុងៗជាមួយផ្នែកខាងមុខឌីស្សាញយ៉ាងលយ អមនឹងរូបរាងចំហៀងនៃខ្សែបន្ទាត់ជ្រុងៗតាមតួរថយន្ត។រថយន្តទាំងពីរនេះគឺសង្កត់ធ្ងន់លើការរចនាបែបអនាគតនៃធម្មជាតិរបស់រថយន្តអគ្គិសនីដោយឆ្លងកាន់ការរចនាវត្តុធាតុដើមដ៏ប្រណិត។

រថយន្តអគ្គិសនី MG Marvel R បានបំពាក់ជាមួយបច្ចេកវិទ្យាថ្មីៗទំនើបជាច្រើនដូចជា ADAS ដែលជាប្រព័ន្ធជំនួយដល់អ្នកបើកបរ និងផ្តល់អទិភាពខ្ពស់នៃប្រព័ន្ធសុវត្ថិភាព និងភាពងាយស្រួល។ វាបានផ្តល់នូវមុខងារបន្ថែមដូចជា: ប្រព័ន្ធកំណត់ល្បឿនថេរ, ប្រព័ន្ធជំនួយពេលបើកបរខុសគន្លង, ប្រព័ន្ធផ្តល់ដំណឹងពេលមានរថយន្តចង់វារជែង, និងប្រព័ន្ធចាប់ហ្វ្រាំងអូតូពេលមានឧបសគ្គ។ ប្រព័ន្ធសុវត្ថិភាពទាំងនេះនឹងធ្វើការរួមគ្នាដើម្បីបង្កើននូវទំនុកចិត្តនៃការបើកបរ ដ៏ដូចជាការធានាបានថារថយន្ត MG Marvel R គឺមានសុវត្ថិភាពកម្រិតខ្ពស់នៅលើដងផ្លូវ។

លើសពីនេះទៀត, MG Marvel R គឺអែមត្រង់ភាពធំទូលាយ និងប្រណិតភាពនៃផ្នែកខាងក្នុង។ វាបានផ្តល់នូវកៅអីពូកស្បែកដែលមានផាសុកភាពខ្ពស់សម្រាប់អ្នកបើកបរ និងអ្នករួមដំណើរទៀតចំនួន៥នាក់ ជាមួយកន្លែងដាក់ជើងនិងលំហនៃទំហំផ្នែកខាងលើគឺទូលាយល្អមែនទែន។ ចំណែកផ្នែកតាប់ឡូវិញគឺបានបំពាក់នូវអេក្រង់កម្សាន្តដ៏ធំដែលផ្តល់នូវដំណើរការយ៉ាងរលូនក្នុងការបញ្ផាប្រព័ន្ធកម្សាន្ត និងការភ្ផាប់ជាមួយមុខងារផ្សេងទៀតជាច្រើន។ បន្ថែមពីនេះ រថយន្ត MG Marvel R ក៏បានផ្តល់នូវដំបូលលើបិទបើកពីមុខដល់ក្រោយយ៉ាងធំ ដែលបង្កើតនូវបរិយាកាសដ៏រីករាយជាមួយពន្លឺពីខាងលើនិងអាចទទួលបានខ្យល់អាកាសបរិសុទ្ធចូលមកក្នុងរថយន្តផងដែរ។

ខណៈដែររថយន្ត Toyota BZ4X ក៏បានបំពាក់ដោយមុខងារគួរឱ្យចាប់អារម្មណ៏ជាច្រើនដូចជា បច្ចេកវិទ្យានៃប្រព័ន្ធសុវត្ថិភាពនិងមុខងារដែលផ្តល់ភាពងាយស្រួលក្នុងការប្រើប្រាស់ ហើយប្រណិតភាពនៃផ្នែកខាងក្នុងរបស់ MG Marvel R ក៏មានបច្ចេកវិទ្យាទំនើបៗដែលផ្តល់នូវគុណសម្បត្តិជាច្រើនសម្រាប់ការប្រៀបធៀបរវាងរថយន្តទាំងពីរនេះ។

រថយន្តអគ្គិសនី MG Marvel R គឺបំពាក់មកជាមួយកម្លាំងខ្លាំងពីម៉ូទ័រអគ្គិសនីដែលផ្តល់នូវកម្លាំងដ៏អស្ចារ្យរហូតដល់ ២៨៨ សេះ ។ កម្លាំងនេះគឺធ្វើឱ្យរថយន្ត MG Marvel R មានសំទុះខ្លាំងពី ០ ដល់ ១០០ គីឡូម៉ែត្រក្នុងមួយម៉ោង ចំណាយពេលត្រឹមតែ ៤,៩ វិនាទីប៉ុណ្ណោះ ដែលផ្តល់នូវបទពិសោធន៏នៃការបើកបរដ៏អស្ចារ្យ។ រថយន្ត MG Marvel R ក៏ផ្តល់នូវការគ្រប់គ្រងយ៉ាងច្បាស់លាល់ ក៏ដូចជាការឆ្លើយតបទៅនឹងតម្រូវការប្រើប្រាស់ទាន់សម័យកាលដូចជាប្រព័ន្ធគ្រឿងក្រោមដ៏រឹងមាំ និងចង្កូតអេឡិចត្រូនិចដែលធូរងាយស្រួលបត់បែន។ បើនិយាយអំពីភាពស្ព័រវិញ គ្រឿងក្រោមរបស់វាបានផ្តល់នូវការទប់លំនឹងបានល្អដែលធ្វើឱ្យអ្នកបើកបរនិងអ្នករួមដំណើរទទួលបានផាសុកភាពខ្ពស់ និងស័ក្តសមសម្រាប់ស្ថានភាពផ្លូវក្នុងប្រទេសកម្ពុជា។ ពិសេសជាងនេះ រថយន្ត MG Marvel R គឺជារថយន្តមានគុណភាពកម្រិតខ្ពស់ដ៏ប្រណិត និងជាជម្រើសដ៏ល្អ។

ចំណែករថយន្ត Toyota BZ4X គឺបានបំពាក់នូវម៉ូទ័រអគ្គិសនីស្រដៀងគ្នាដែលផ្តល់កម្លាំងប្រហែលជា ២១៥សេះ) ដែលកម្លាំងនេះតូចជាងរថយន្ត MG Marvel R។ ជាលទ្ធផល រថយន្ត Toyota BZ4X មានរយៈពេលនៃសំទុះយឺតជាងដែលចំណាយពេលប្រមាណ ៦,២ វិនាទីដើម្បីឈានទៅកាន់រង្វិលជុំពី ០ ទៅ ១០០ គីឡូម៉ែត្រក្នុងមួយម៉ោង ។ ខណៈដែលភាពរហ័សរហួនរបស់រថយន្ត BZ4X គឺមិនស៊ីគ្នានឹងដំណើរការនៃរថយន្ត MG Marvel R ទេ។

ទោះជាយ៉ាងណាក៏ដោយ ភាពខ្វះខាតរបស់ Toyota គឺកម្លាំងរថយន្ត ព្រោះវាបានបង្កើតឡើងសម្រាប់ថ្នាក់លក្ខខណ្ឌនៃរយៈចម្ងាយបើកបរ។ ខណៈដែររថយន្ត MG Marvel R គឺបំពាក់ជាមួយអាគុយទំហំ ៧០ គីឡូវ៉ាត់ម៉ោង ហើយ Toyota BZ4X គឺមានអាគុយទំហំ ៦៦,៧ គីឡូវ៉ាត់ម៉ោង ដែលអាចផ្តល់ការបើកបរបានរហូតដល់ ៥០០ គីឡូម៉ែត្រ ច្រើនជាងរថយន្ត MG Marvel R ដែលការតេស្តអាចបើកបរបាន ៤៥០ គីឡូម៉ែត្រ ។

រថយន្ត MG Marvel R ផ្តល់នូវលទ្ធភាពនៃការសាកល្បឿនលឿនដែលអនុញ្ញាត្តិឱ្យម្ចាស់រថយន្តចំនាយពេលតិចក្នុងការសាកថ្ម។ វាអាចសាកថ្មរហូតដល់ ៨០% ក្នុងរយៈពេលត្រឹមតែ ៣០ នាទីប៉ុណ្ណោះ ជាមួយឆ្នាំងសាកល្បឿនលឿន DC fast-charger ដែលពិតជាផ្តល់ភាពងាយស្រួលនិងអាចបត់បែនបានគ្រប់កាលៈទេសៈ។ ចំណែករថយន្ត Toyota BZ4X គឺគេរំពឹងថានឹងមានលទ្ធភាពនៃការសាកល្បឿនល្បឿន ក៏ប៉ុន្តែមកដល់ពេលនេះគឺមិនទាន់មានពត៌មានជាក់លាក់ណាមួយបានបញ្ផាក់អំពីចំណុចនេះទេ។

ចំពោះដំណើរការម៉ូទ័ររបស់រថយន្ត MG Marvel R គឺខ្លាំងលើសគេក្នុងផ្នែកនៃកម្លាំងនិងដំណើរការបើកបរ។ ជាមួយកម្លាំងសេះខ្លាំង, សំទុះលឿន, និងគ្រឿងក្រោមដ៏រឹងមាំ ធ្វើឱ្យរថយន្ត MG Marvel R ផ្តល់ដំណើរការខ្លាំងខ្លាដែលផ្តល់នូវអ្វីដែលជាតម្រូវការរបស់អ្នកប្រើប្រាស់និងការតម្រង់ទិសដល់អ្នកបើកបរឱ្យកាន់តែចំណេញនិងស័ក្តសមសម្រាប់ម្ចាស់រថយន្តលំដាប់ VIP។ ទោះជាយ៉ាងណាក៏រថយន្ត Toyota BZ4X អាចផ្តល់រយៈចម្ងាយបើកបរបានឆ្ងាយជាមួយតម្លៃសមរម្យ។

ក៏ប៉ុន្តែ នៅពេលប្រៀបធៀបជាមួយការរចនារូបរាង, មុខងារប្រើប្រាស់ និងដំណើរការបើករបររវាងរថយន្ត MG Marvel R និង Toyota BZ4X នោះរថយន្ត MG Marvel R គឺផ្តល់នូវគុណសម្បត្តិលើសគេ។ វាមានការរចនាដ៏មានអំណាចនិងផ្តល់នូវភាពទាក់ទាញតាំងពីឃើញលើកដំបូង អមជាមួយបច្ចេកវិទ្យានៃប្រព័ន្ធជំនួយការបើករប និងប្រណិតភាពនៃផ្នែកខាងក្នុង បានធ្វើឱ្យវាក្លាយជាជម្រើសដ៏គួរឱ្យទាក់ទាញសម្រាប់អ្នកចូលចិត្តរថយន្តអគ្គិសនីលំដាប់ថ្នាក់ខ្ពស់។ រថយន្ត MG ដែលផ្តល់កម្លាំងខ្លាំង, សំទុះលឿន, និងភាពរឹងមាំនៃគ្រឿងក្រោម ដែលជាជម្រើសដ៏ស័ក្តសមសម្រាប់អ្នកដែលកំពុងស្វែងរករថយន្តអគ្គិសនីដែលអាចផ្តល់នូវបទពិសោធន៏បើកបរដ៏ល្អ និងដំណើរការម៉ូទ័រខ្លាំង។ ខណៈដែលរថយន្ត Toyota ផ្តល់ការបើកបរបានឆ្ងាយនិងតម្លៃសមរម្យដែលបង្កើតភាពទាក់ទាញសម្រាប់អ្នកប្រើប្រាស់ដែលចង់សន្សំសំចៃលើកញ្ចក់ថវិការ ៕

ផ្ទាំងផ្សាយពាណិជ្ជកម្ម

ម៉ូដែលពិសេស Toyota Tundra 1794 Limited Edition ផលិតក្នុងចំនួនមានកំណត់ សម្រាប់ទីផ្សារសហរដ្ឋអាមេរិក

September 29, 2023

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅភីកអាបខ្នាតធំ Toyota Tundra 1794 Limited Edition ដែលជាផ្តល់កិត្តិយសដល់កសិដ្ឋានចំណាស់ជាងគេបំផុតរបស់រដ្ឋតិចសាស់ ដែលបានបង្កើតឡើងក្នុងឆ្នាំ ១៧៩៤ នៅសហរដ្ឋអាមេរិក ។

ដោយក្នុងនោះ Toyota បានចាប់ដៃគូជាមួយក្រុមហ៊ុនផលិតស្បែក Saddleback Leather Company ដើម្បីបំពាក់ផ្នែកខាងក្នុងផ្តាច់មុខជាមួយស្បែកដ៏ប្រណិតរបស់ក្រុមហ៊ុននេះទៅលើ តាប្លូ កៅអីបែប messenger bag-style និងមួយចំនួនទៀតរួមមាន ប្រអប់សោរ កាបូប និងច្រើនទៀតផងដែរ ។

ចំពោះនៅខាងក្រៅ ទទួលបានប៉ាណាមួយផ្ទាំងធំតុបតែងដោយក្រូម៉េ និងឡូហ្គោអក្សរ 1794 Limited Edition នៅផ្នែកខាងក្រោយជាដើម ។ បន្ថែមពីលើការធ្វើឲ្យប្រសើរទាំងនេះ Tundra 1794 Limited Edition ក៏ទទួលបាននៅការអាប់ដេតនៅប្រព័ន្ធទប់លំនឹង FOX suspension 2.5 ដែលមានកំពស់ខ្ពស់ជាងមុន ១,១ អ៉ីញ និងថាសកង់ស្រោបដោយសំបកកង់ប្រភេទ Off-Road ។

ទាក់ទងទៅនឹងផ្នែកម៉ាស៊ិនវិញ ភីកអាប់នេះ ដំណើរការដោយ i-force max hybrid ចំណុះ ៣,៤ លីត្រ twin-turbo V6 ផ្គួបជាមួយម៉ូទ័រអគ្គិសនី មានកម្លាំង ៤៣៧ សេះ និងកម្លាំងរមួល ៧៩០ ញ៉ូតុនម៉ែត្រ ម៉ាស៊ីនទាំង ២ នេះ ភ្ជាប់ប្រអប់លេខអូតូ ១០ វគ្គ ប្រភេទបើកប៉ុង ២ ។

គួរបញ្ជាក់ផងដែរថា ភីកអាប់នេះ ផលិតត្រឹមតែ ១៥០០ គ្រឿបប៉ុណ្ណោះ ហើយរថយន្តនីមួយៗនឹងភ្ជាប់មកជាមួយគ្រឿងស្បែកដែលរចនាយ៉ាងពិសេស ដែលផលិតឡើងស្របតាមផ្នែកខាងក្នុង សម្រាប់នៅទីផ្សារសហរដ្ឋអាមេរិក ជាមួយតម្លៃដែលរំពឹងថាលើសពីនេះ ៦៤ ៣១០ ដុល្លារ ៕

ផ្ទាំងផ្សាយពាណិជ្ជកម្ម

Genesis GV80 Coupe ស៊េរីឆ្នាំ ២០២៥ ដ៏ប្រណិត បង្ហាញខ្លួនជាផ្លូវការ

September 28, 2023

[បរទេស] បន្ទាប់ពីបានបង្ហាញខ្លួនជាគំរូរថយន្តនៅក្នុងខែមេសា ឆ្នាំ ២០២៣ នៅឯពិរព័រណ៌ New York Auto Show នាពេលកន្លងមក ពេលនេះ ក្រុមហ៊ុនផលិតរថយន្ត Genesis បានធ្វើការដាក់បង្ហាញចេញនៅរូបរាងរថយន្ត Genesis GV80 Coupe ស៊េរីឆ្នាំ ២០២៥ គ្រោងនឹងចេញលក់នៅប្រទេសកូរ៉េខាងត្បូងនៅក្នុងឆ្នាំ ២០២៤ មុនពេលចេញលក់នៅសហរដ្ឋអាមេរិក ។

រថយន្ត GV80 Coupe មានប្រវែងតួខ្លួនសរុប ៤ ៩៦៥ ម.ម ទទឹង ១ ៩៧៥ ម.ម កំពស់ ១ ៧១០ ម.ម និងប្រវែងគន្លាតកង់មុខ-ក្រោយ ២ ៩៥៥ ម.ម ។ សម្រាប់នៅផ្នែកខាងក្រៅ មានប៉ាណារាងជា shield-shaped អបសងខាងដោយចង្កៀង Twin-line headlights ព្រមទាំងប្រើប្រាស់នៅថាសកង់ទំហំ ២០ អ៉ីញ និង ២២ អ៉ីញមានតែលើនៅលើម៉ូដែលនេះប៉ុណ្ណោះ ។

ចំពោះនៅផ្នែកខាងក្នុង មានកុងទ័របង្ហាញព័ត៌មានឌីជីថល និងអេក្រង់កំសាន្តរួមបញ្ចូលគ្នាជាអេក្រង់ភ្លោះ ទំហំដល់ទៅ ២៧ អ៉ីញ និងប្រអប់លេខអេឡិចត្រូនិច ខណះនៅផ្នែកអ្នកដំណើរនៅកៅអីខាងក្រោយទទួលបានអេក្រង់ទំហំ ១៤,៦ អ៉ីញផងដែរ ។

បើនិយាយអំពីផ្នែកម៉ាស៊ីនវិញ រថយន្តនេះ ទទួលបានម៉ាស៊ីនចំនួន ៣ រួមមាន៖

ម៉ាស៊ីនសាំងចំណុះ ២,៥ លីត្រ turbocharged ទំហំ ៤ ស៊ីលាំង អាចផលិតកម្លាំងបាន ៣០០ សេះ និងកម្លាំងរមួល ៤២២ ញ៉ូតុនម៉ែត្រ
ម៉ាស៊ីនសាំងចំណុះ ៣,៥ លីត្រ Twin-turbo V6 ដែលផលិតកម្លាំងបាន ៣៧៥ សេះ និងកម្លាំងរមួល ៥៣០ ញ៉ូតុនម៉ែត្រ
ម៉ាស៊ីនសាំងចំណុះ ៣,៥ លីត្រ e- supercharger V6 អាចផលិតកម្លាំងបាន ៤០៩ សេះ និងកម្លាំងរមួល ៥៤៩ ញ៉ូតុនម៉ែត្រ ៕

ផ្ទាំងផ្សាយពាណិជ្ជកម្ម

Mazda2 ឆ្នាំ ២០២៤ ប្រភេទ hybrid កែមុខមាត់ ជិះ ១០០ គីឡូម៉ែត្រស៊ីសាំងអត់ដល់ ៤លីត្រ

September 28, 2023

[បរទេស] ក្រុមហ៊ុនផលិតរថយន្ត Mazda បានធ្វើការដាក់បង្ហាញចេញនៅរថយន្ត Mazda2 ស៊េរីឆ្នាំ ២០២៤ ប្រភេទកូនកាត់ hybrid ដែលទទួលបានការកែមុខមាត់ថ្មី ជាមួយនឹងការរចនាផ្នែកខាងក្រៅឡើងវិញ និងការធ្វើឲ្យប្រសើរផ្នែកបច្ចេកវិទ្យាមួយចំនួនទៀតសម្រាប់ទីផ្សារអឺរ៉ុប។

សម្រាប់រថយន្តនេះ ក្រុមអ្នកឌីស្សាញរបស់ក្រុមហ៊ុន Mazda នៅតំបន់អឺរ៉ុប បានរចនាដោយផ្អែកលើ Toyota Yaris ស្ទើរតែទាំងស្រុង ក្រៅពីទទួលបានប៉ាណាមុខ និងកាងមុខថ្មី ព្រមទាំងប្រើប្រាស់នៅថាសកង់ស្ព័រទំហំ១៧ អ៉ីញ ដែលផ្តល់នៅភាពកាន់តែស្ព័រជាងមុន ។

ចំពោះនៅផ្នែកខាងក្នុងវិញ ក៏ទទួលបានការឌីស្សាញមួយចំនួនចេញពី Toyota Yaris មុខមាត់ថ្មីផងដែរ ដោយនៅលើតាប្លូបំពាក់កុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១០,៥ អ៉ីញ ភ្ជាប់ដោយមុខងារ Apple CarPlay និង Android Auto ក៏ដូចជាអេក្រង់បង្ហាញលើកញ្ចក់ផងដែរ ។ លើសពីនេះ ក៏ទទួលបាន ដំបូលកញ្ចក់ panoramic sunroof ប្រព័ន្ធម៉ាស៊ីនត្រជាក់ ២ តំបន់ និងឧបករណ៍បំពងសំលេង ៤ ចំនុច ។

ទាក់ទងទៅនឹងផ្នែកម៉ាស៊ីន រថយន្តនេះ ដំណើរការដោយ hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ ស៊ីឡាំង ផ្គួបជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១១៤ សេះ និងកម្លាំងរមួល ១៦៩ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT ជាមួយកម្រិតស៊ីប្រេងត្រឹមតែ ៣,៨ លីត្រក្នុងរយៈចម្ងាយ ១០០ គីឡូម៉ែត្រ ៕

ផ្ទាំងផ្សាយពាណិជ្ជកម្ម

Huawei និង Chery ចាប់ដៃគ្នាផលិតរថយន្តអគ្គិសនីសុទ្ធ Luxeed S7 គ្រោងនឹងបង្ហាញខ្លួននៅចុងឆ្នាំនេះ

September 28, 2023

[បរទេស] ក្រុមហ៊ុនផលិតរថយន្ត Chery ធ្វើការរួមគ្នាជមួយក្រុមហ៊ុនបច្ចេកវិទ្យាយក្យចិន Huawei ក្នុងការផលិតនៅរថយន្តអគ្គិសនីសុទ្ធ Luxeed S7 និងបានអះអាងគឺជាដៃគូប្រកួតប្រជែងរបស់ Tesla Model S គ្រោងនឹងបង្ហាញខ្លួនជាផ្លូវការនៅខែវិច្ឆិកា ឆ្នាំ ២០២៣ ។

សម្រាប់ Luxeed S7 ត្រូវបានផលិតឡើងនៅលើគ្រោងឆ្អឹង Chery E0X platform ហើយវាត្រូវបានរំពឹងថានឹងមានបំពាក់ជាមួយម៉ូទ័រអគ្គិសនីចំនួន ២ ។ ក្នុងនោះ ប្រធានផ្នែករថយន្តរបស់ក្រុមហ៊ុន Huawei លោក Richard Yu Chengdong មិនទាន់បានបញ្ជាក់ថា S7 នឹងត្រូវចំណាយអស់ប៉ុន្មាននោះទេ ហើយក៏មិនច្បាស់ថាវាមានលក្ខណៈពិសេសយ៉ាងណាដែរ ប៉ុន្តែលោកបានបន្តថា៖ រថយន្តនេះនឹងបង្ហាញខ្លួនជាលើកដំបូងនៅចុងខែវិច្ឆិកា នឹងមានភាពប្រសើរជាងម៉ូដែល S របស់ក្រុមហ៊ុន Tesla ក្នុងទិដ្ឋភាពផ្សេងៗ ។

យោងតាមអ្នកវិភាគ Gao Shen ដែលមានមូលដ្ឋាននៅទីក្រុងសៀងហៃបាននិយាយថា “Chery គឺជាមហាអំណាចរថយន្តមួយ ហើយជាដៃគូខ្លាំងបំផុតរបស់ Huawei ក្នុងការអភិវឌ្ឍន៍រថយន្តឆ្លាតវៃរហូតមកដល់ពេលនេះ”។ “ក្តីសង្ឃឹមខ្ពស់ត្រូវបានខ្ទាស់លើ Luxeed ដោយសារតែរវាងភាពខ្លាំងខាងបច្ចេកវិទ្យារបស់ក្រុមហ៊ុន Huawei និងការផលិតរបស់ Chery” ។

Luxeed S7 គ្រោងនឹងបង្ហាញខ្លួនជាលើកដំបូងជាមួយនឹងកម្មវិធី HarmonyOS 4 ថ្មីរបស់ក្រុមហ៊ុន Huawei ហើយនឹងមានលក្ខណៈស្តង់ដារជាមួយនឹងមុខងារភ្ជាប់ជាច្រើនផងដែរ នឹងប្រើស្ថាបត្យកម្ម E0X architecture របស់ Chery ត្រូវបានគេរំពឹងថានឹងមានកញ្ចប់អាគុយដែលមានប្រភពមកពី CATL ដែលអាចបើកបរបានដល់ ៧០០ គីឡូម៉ែត្រ។ លើសពីនេះ រួមបញ្ចូលប្រព័ន្ធបើកបរឆ្លាតវៃ Huawei ADS 2.0 ចុងក្រោយបង្អស់ ជាមួយនឹងប្រព័ន្ធរ៉ាដា LiDAR , ultrasonic ចំនួន ១២ , កាមេរ៉ាកម្រិតខ្ពស់ចំនួន ១១ ទីតាំង និងបច្ចេកវិទ្យាមួយចំនួនទៀតផងដែរ ៕

ផ្ទាំងផ្សាយពាណិជ្ជកម្ម

ផ្លូវការ! ក្រុមហ៊ុន Mitsubishi សម្រេចដកខ្លួនចេញពីទីផ្សាររថយន្តនៅក្នុងប្រទេសចិន ដោយសារហេតុនេះ

September 28, 2023

[ទីផ្សារបរទេស] ក្រុមហ៊ុន Mitsubishi Motors បានសម្រេចចិត្តដកខ្លួនជាផ្លូវការពីការផលិតរថយន្តនៅក្នុងប្រទេសចិន ដោយបានក្រុមបានចរចាចុងក្រោយជាមួយក្រុមហ៊ុន GAC របស់ប្រទេសចិន ដែលជាក្រុមហ៊ុនផលិតរថយន្តដ៏ធំមួយ នឹងជាក្រុមហ៊ុនបណ្តាក់ទុនរួមគ្នា នេះបើយោកតាមគេហទំព័រ Asia.nikkei ។

ការសម្រេចចិត្តបែបនេះ គឺដោយសាការលក់របស់ក្រុមហ៊ុន Mitsubishi នៅក្នុងប្រទេសចិនបានធ្លាក់ចុះដោយសារតែប្រជាប្រិយភាពនៃរថយន្តអគ្គិសនី និងការកើនឡើងនៃម៉ាកយីហោក្នុងស្រុក។ ក្នុងនោះ ក្រុមហ៊ុនផលិតរថយន្តជប៉ុនផ្សេងទៀត ក៏កំពុងប្រឈមមុខនឹងបញ្ហា ហើយអាចនឹងពិចារណាឡើងវិញនៅយុទ្ធសាស្រ្តរបស់ពួកគេនៅក្នុងប្រទេសនេះផងដែរ។

គួរឲ្យដឹងថា ក្រុមហ៊ុន GAC Mitsubishi Motors មានរោងចក្រនៅក្នុងខេត្ត Hunan គឺជារោងចក្រតែមួយគត់របស់ក្រុមហ៊ុន Mitsubishi នៅក្នុងប្រទេសចិនក្រុមហ៊ុនបានបញ្ឈប់ការផលិតចាប់តាំងពីខែមីនា ដោយនឹងមិនបន្តប្រតិបត្តិការម្តងទៀតទេ។

នៅឆ្នាំ ២០២២ ក្រុមហ៊ុន Mitsubishi បានលក់រថយន្តចំនួន ៣៨ ៥៥០ គ្រឿងនៅក្នុងប្រទេសចិន ធ្លាក់ចុះប្រហែល ៦០% ធៀបនឹងឆ្នាំមុន។ គួរបញ្ជាក់ផងដែរដា នៅពេលដកខ្លួនចេញពីប្រទេសចិន Mitsubishi នឹងផ្តោតសំខាន់មកកាន់ទីផ្សារអាស៊ីអាគ្នេយ៍ និងអូសេអានី ដែលជាតំបន់ដែលមានចំនួនប្រហែលមួយភាគបីនៃការលក់សរុបរបស់ក្រុមហ៊ុន Mitsubishi ៕

ផ្ទាំងផ្សាយពាណិជ្ជកម្ម

Jetour Traveller ប្រភេទ SUV Off-Road ចេញលក់ជាផ្លូវការ ឯតម្លៃអត់ដល់ ២មុឺនដុល្លារ នៅប្រទេសចិន

September 28, 2023

[ទីផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា Chery-Jetour បានធ្វើការដាក់ចេញលក់ជាផ្លូវការនៅរថយន្ត Jetour Traveller ប្រភេទ SUV ផ្តោតលើផ្លូវលំបាក ឬ Off-Road ជាមួយនឹងតម្លៃលក់ចាប់ពី ១៩ ១៣៩ ដុល្លារ ដល់ ២៥ ២៩៥ ដុល្លារ នៅក្នុងទីផ្សារប្រទេសចិន ។

រថយន្តប្រភេទ SUV ផ្តោតលើបើកបរលើផ្លូវពិបាកៗ ជាមួយរូបរាងបែបជាប្រអប់ជ្រុងជាមួយទំហំតួខ្លួនធំជាងរថយន្ត Toyota Fortuner Legender ជាមួយប្រវែងសរុប ៤ ៧៨៥ ម.ម ទទឹង ២ ០០៦ ម.ម កំពស់ ១ ៨៨០ ម.ម និងប្រវែងគន្លាតកង់មុខ-ក្រោយ ២ ៨០០ ម.ម ។ សម្រាប់ការរចនានៅផ្នែកក្រៅ Jetour Traveler មានការរចនាបែប Off-road ជាមួយនឹងប៉ាណាខាងមុខដែលបំពាក់ដោយឡូហ្គោអក្សរ “JETOUR” និងប្រើប្រាស់ចង្កៀងមុខ-ក្រោយប្រភេទ LED ព្រមទាំងបំពាក់កង់ទំហំធំ និងទា្វក្រោយបើក-បិទដោយថាមពលអគ្គិសនី។ លើសពីនេះ ក៏បានប្រើប្រាស់ប្រព័ន្វទប់លំនឹងប្រភេទ Independent ដាច់ដោយឡែកពីគ្នា ដោយនៅផ្នែកខាងប្រើជាមួយ McPherson suspension និងផ្នែកខាងក្រោប្រើជាមួយ multilink suspension ។

ចំពោះនៅផ្នែកខាងក្នុងវិញ ផ្តល់នៅជម្រើស ៥ កៅអី និង ៧ កៅអី ដោយនៅលើតាប្លូមានបំពាក់កុងទ័របង្ហាញព័ត៌មានទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ គាំទ្រដោយឈីប Qualcomm 8155 platform ។ លក្ខណៈពិេសសផ្សេងទៀតរួមមាន ប្រព័ន្ធម៉ាស៊ីនត្រជាក់ស្វ័យប្រវត្តិ កន្លែងសាកថ្មឥតប្រើខ្សែកម្លាំង ៥០ វ៉ាត់ ដំបូលកញ្ចក់ Panoramic sunroof ឧបករណ៍បំពងសំឡេងម៉ាក Sony ចំនួន ១២ ចំនុច និងកាម៉េរា ៣៦០ ដឹក្រេផងដែរ ។

ទាក់ទងទៅនឹងផ្នែកម៉ាស៊ិនវិញ រថយន្តនេះ ទទួលបានជម្រើសម៉ាស៊ីនចំនួន ២ រួមមាន៖

ម៉ាស៊ីនសាំងចំណុះ ១,៥ លីត្រ Turbo ទំហំ ៤ ស៊ីឡាំង អាចផលិតកម្លាំងបាន ១៨១ សេះ និងកម្លាំងរមួល ២៩០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គ ប្រភេទបើកបរប៉ុង ១
ម៉ាស៊ីនសាំងចំណុះ ២,០ លីត្រ Turbo ទំហំ ៤ ស៊ីឡាំង អាចផលិតកម្លាំងបាន ២៥០ សេះ និងកម្លាំងរមួល ៣៩០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គ ប្រភេទបើកបរប៉ុង២ ៕

ផ្ទាំងផ្សាយពាណិជ្ជកម្ម

Nissan បញ្ចេញគំរូរថយន្ត Concept 20-23 Micra ប្រើអគ្គិសនីសុទ្ធ នៅទីផ្សារតំបន់អឺរ៉ុប

September 27, 2023

[បរទេស] ក្រុមហ៊ុនផលិតរថយន្ត Nissan ប្រចាំនៅអឺរ៉ុប បានបង្ហាញចេញនៅគំរូរថយន្តអគ្គិសនី Concept 20-23 Micra ដើម្បីអបអរខួបលើកទី ២០ នៃ Nissan Design Europe (NDE) ជាមួយនឹងការរចនាយ៉ាងពិសេសម្រាប់ប្រើប្រាស់នៅទីក្រុងនៅទីផ្សារតំបន់អឺរ៉ុបនៅឆ្នាំ ២០៣០ ។

លោក Alfonso Albaisa អនុប្រធានជាន់ខ្ពស់ផ្នែកឌីហ្សាញសកលនៅ Nissan បាននិយាយថា “ក្រុមនៅ NDE បានផ្តល់គំរូការរចនារថយន្តអគ្គិសនីជាប្រភេទ hatchback ជាមួួយរូបរាងបែបស្ព័រ ដែលតំណាងឲ្យនៃការរស់នៅក្នុងទីក្រុងដ៏ទំនើប និងការបើកបរគ្មានការបញ្ចេញផ្សែងពុល។ ត្រឹមតែប៉ុណ្ណោះ ក្រុមហ៊ុនផលិតរថយន្ត Nissan នឹងប្តូរទៅជារថយន្តអគ្គិសនីពេញលេញនៅឆ្នាំ ២០៣០ នៅអឺរ៉ុបផងដែរ ។

គួរឲ្យរថយន្ត នៅក្រោមគោលជំហរ Nissan Ambition 2030 ក្នុងនោះក្រុមហ៊ុន Nissan នឹងបញ្ចេញរថយន្តអគ្គិសនីចំនួន ២៧ គ្រឿងម៉ូដែល លើសពីនេះ Nissan ក៏កំពុងដាក់បង្ហាញនូវបច្ចេកវិជ្ជាគ្មានសារធាតុ cobalt ដើម្បីកាត់បន្ថយថ្លៃថ្មរថយន្តអគ្គិសនីចំនួន ៦៥% ត្រឹមឆ្នាំសារពើពន្ធ ២០២៨។បន្ថែមពីនេះ Nissan ក៏មានបំណងដាក់លក់រថយន្តអគ្គិសនីជាមួយនឹងអាគុយថ្មីរបស់ខ្លួនផងដែរ។

ផ្ទាំងផ្សាយពាណិជ្ជកម្ម

Honda នឹងបង្ហាញគំរូរថយន្តអគ្គិសនី ដែលផលិតឡើងពីវត្តុកែច្នៃឡើងវិញ នៅក្នុងកម្មវិធី Japan Mobility Show 2023

September 27, 2023

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅគំរូរថយន្តអគ្គិសនី ម៉ូតូអគ្គិសនី យន្តហោះ និងផលិតផលផ្សេងទៀត រួមទាំងបច្ចេកវិទ្យា និងបច្ចេកវិទ្យាផ្សេងទៀតដែលនឹងត្រូវបានបង្ហាញនៅក្នុងពិព័រណ៍ Japan Mobility Show 2023 ដែលបានធ្វើឡើងចន្លោះថ្ងៃទី២៧ ខែតុលា ដល់ថ្ងៃទី៥ ខែវិច្ឆិកា ឆ្នាំ២០២៣។

សម្រាប់គំរូទាំងអស់នេះ បានឆ្លុះបញ្ចាំងពីគំនិតនៃរថយន្តអគ្គិសនី និងម៉ូតូអគ្គិសនី និងបច្ចេកវិទ្យាដែលបានផលិតឡើងតាមរយៈការប្រើប្រាស់វត្តុកកើតឡើងវិញ វាត្រូវបានផលិតចេញពីជ័រអាគ្រីលីកដែលបានកែច្នៃ និងប្រើឡើងវិញ ដើម្បីឆ្លើយតបនឹងបញ្ហាបរិស្ថានទៅថ្ងៃអនាគត។ មិនត្រឹមប៉ុណ្ណោះក៏មានបច្ចេកវិទ្យាមួយចំនួនច្រើនទៀតដែលធ្វើវត្តុកែច្នៃឡើងវិញ ក៏ត្រូវបានបង្ហាញនៅក្នុងពិរព័ណ៌នេះផងដែរ ។

គួរបញ្ជាក់ផងដែរថា ក្នុងកម្មវិធី Japan Mobility Show 2023 គោលបំណងរបស់ Honda ដើម្បីឆ្លុះបញ្ចាំងពីអនាគតដែលពោរពេញទៅដោយក្តីស្រមៃដ៏សម្បូរបែបរបស់មនុស្ស ហើយនឹងបន្តពង្រីកតាមរយៈផលិតផល និងសេវាកម្មចល័តដែលកើតចេញពីក្តីស្រមៃរបស់ Honda ដែលនឹងត្រូវបានបង្ហាញដើម្បីឆ្លុះបញ្ចាំងពីក្តីស្រមៃ និងគំនិតផ្តួចផ្តើមទាំងនោះ ដែលផ្តោតលើការជួយអតិថិជនឲ្យយល់ពីក្តីសុបិន្តរបស់ពួកគេ និងសង្គមនាពេលអនាគតដែល Honda ចង់ក្លាយជាការពិត ៕

ផ្ទាំងផ្សាយពាណិជ្ជកម្ម

Mercedes-Benz EQE ប្រើអគ្គិសនីសុទ្ធ អាចជិះបានជាង ៥០០ គីឡូម៉ែត្រ ឯតម្លៃជាង ១៥ មុឺនដុល្លារ

September 27, 2023

[ទីផ្សារបរទេស] ក្រុមហ៊ុនផលិតរថយន្ត Mercedes-Benz បានធ្វើការបង្ហាញចេញជាផ្លូវការនៅរថយន្តអគ្គិសនីដ៏ប្រណិត Mercedes-Benz EQE 350 4Matic ប្រភេទ SUV ដែលអាចបើកបរបានចម្ងាយ ៥០០ គីឡូម៉ែត្រជាង ជាមួយតម្លៃលក់ចាប់ពី ១៥៤ ៨៦៦ ដុល្លារ នៅក្នុងទីផ្សារប្រទេសថៃ ។

សម្រាប់ការឌីស្សាញនៅផ្នែកខាងក្រៅ ត្រូវបានតុបតែងដោយកញ្ចប់ផ្នែកខាងក្រៅរបស់ AMG ជាមួយនឹងប៉ាណាមុខលំនាំ Mercedes-Benz pattern ជាប់សងខាងដោយចង្កៀងមុខ DIGITAL LIGHT កម្រិតខ្ពស់ ១,៣ ភីកសែល មុខងារទម្លើង-ទម្លាក់ដោយស្វ័យប្រវត្តិ ULTRA RANGE Highbeam បាញ់ពន្លឺភ្លឺបានរហូតដល់ ៦៥០ ម៉ែត្រ ព្រមទាំងប្រើប្រាស់នៅថាសកង់ស្ព័រ AMG Multi-spoke ទំហំ ២១ អ៉ីញ និងចង្កៀងក្រោយប្រភេទ 3D Helix ។ លើសពីនេះ ក៏បានបំពាក់ក់ដោយប្រព័ន្ធ AIRMATIC air suspension អាចទម្លើង-ទម្លាក់បូមបានផងដែរ ។

ចំពោះនៅផ្នែខាងក្នុងត្រូវបានតុបតែងតាមរចនាបែប AMG Line Interior បំពាក់ដោយកៅអីស្ព័រអាចលៃតម្រូវតាមរយៈថាមពលអគ្គិសនី ជាមួយអង្គចងចាំ និងនៅលើតាប្លូមានបំបាក់អេក្រង់ទំហំដល់ទៅ ៥៦ អ៉ីញ ដែលរួមបញ្ចូលគ្នានៅអេក្រង់ចំនួន ៣ ។ លក្ខណៈផ្សេងទៀតរួមមាន ដំបូលកញ្ចក់បែប Panoramic sunroof និងប្រព័ន្ធបន្សុទ្ធខ្យល់ជាដើម ។ លើសពីនេះបានបំពាក់ដោយ ប្រព័ន្ធស្កែនក្រយៅដៃ និង Face ID, ភ្លើងលម្អ ៦៤ ពណ៌ និងឧបករណ៍បំពងសំលេងម៉ក Burmester® 3D surround sound ចំនួន ១៥ ចំនុច ។

ទាក់ទងទៅនឹងថាមពលវិញ ដំណើរការដោយម៉ូទ័រអគ្គិសនីចំនួន ២ មានកម្លាំងសរុប ២៩២ សេះ និងកម្លាំងរមួល ៧៦៥ ញ៉ូតុនម៉ែត្រ ផ្គួបជាមួយអាគុយទំហំ ៨៩ គីឡូវ៉ាត់ម៉ោង អាចបើកបរបានចម្ងាយ ៥៥៨ គីឡូម៉ែត្រក្នុងការសាកថ្មពេញម្តងជាមួយរបៀបបើកបរប្រភេទ Dynamic Selected ដែលមាន ៥ របៀប គាំទ្រដោយឆ្នាំងសាកល្បឿនលឿន អាចសាកបានពី ៣០% ទៅ ៨០% ប្រើរយៈពេល ៣១ នាទី ៕