ក្រុមហ៊ុន Toyota កើនឡើងច្រើនជាង ៩% នៃការលក់ជាសាកលក្នុងខែសីហា ឆ្នាំ ២០២៣

October 3, 2023

[បរទេស] ក្រុមហ៊ុនផលិតរថយន្តជប៉ុនបង្ហាញតួលេខការលក់របស់ Toyota, Hino, និង Daihatsu រួមបញ្ចូលគ្នាលក់រថយន្តបានចំនួនសរុប ៩២៣ ១៨០ គ្រឿងក្នុងខែសីហា កើនឡើង ៩,៤% ធៀបនឹងខែសីហា នៅក្នុងឆ្នាំ ២០២២ ហើយរួមបញ្ចូលការលក់រថយន្តបានចំនួន ៧៥៧ ៦០២ គ្រឿងនៅក្រៅប្រទេសជប៉ុន។ ក្នុងនោះ Toyota បានលក់រថយន្តចំនួន ៨៥៣ ២៨៥ គ្រឿងក្នុងខែសីហា កើនឡើង ៩,៨% ហើយក្នុងចំណោមរថយន្តចំនួន ៧៣២ ៨៥៩ គ្រឿងត្រូវបានលក់នៅក្រៅទីផ្សារ។

ជាមួយគ្នានេះ ផលិតកម្មក៏បានកើនឡើងផងដែរនៅក្នុងខែសីហា ដោយ Toyota, Hino និង Daihatsu បានផលិតរថយន្តចំនួន ៩២៤ ៥០៩ គ្រឿងពេញមួយខែ។ ក្នុងចំណោមនោះ ៧៩៨ ៧៧១ គ្រឿងជារថយន្តរបស់ Toyota កើនឡើង ៤,១% ពីខែសីហា ឆ្នាំ ២០២២។ ប៉ុន្តែការផលិតរថយន្តរបស់ Toyota នៅក្រៅប្រទេសជប៉ុនបានធ្លាក់ចុះមកត្រឹម ៥៦០ ០៥២ គ្រឿង ខណៈផលិតកម្មនៅក្នុងប្រទេសជប៉ុនបានកើនឡើងគួរឱ្យកត់សម្គាល់ ២១,៨% ស្មើនឹង ២៣៨ ៧១៩ គ្រឿង។

គួរឲ្យដឹងថា ក្រុមហ៊ុន Toyota បានលក់រថយន្តបានចំនួនសរុបដល់ទៅ ៦ ៦៥០ ៤២៤ គ្រឿងក្នុងរយៈពេល ៨ខែដំបូងនៃឆ្នាំ ២០២៣ ដោយ Daihatsu លក់បានចំនួន ៥២១ ២៨៧ គ្រឿង និង Hino លក់បានចំនួន ៨៩ ៦៥៤ គ្រឿង។ ការលក់រថយន្តរបស់ Toyota នៅក្រៅប្រទេសជប៉ុនបានកើនឡើង ១,៥% ស្មើនឹង ៥ ៥១០ ៦០៦ គ្រឿង ខណៈដែលរថយន្តនៅក្នុងប្រទេសជប៉ុនបានកើនឡើង ៣៤,៦% ស្មើនឹង ១ ១៣៩ ៨១៩ គ្រឿង។ ការលក់ Toyota និង Lexus កើនឡើង ៣% នៅអឺរ៉ុប និង ៦៣%% នៅកូរ៉េខាងត្បូង ប៉ុន្តែធ្លាក់ចុះ ៤% នៅអាស៊ី និង ៦% នៅចិន។

គួរបញ្ជាក់ផងដែរថា ទោះបីកើនឡើងនៅចំនួនការលក់ក៏ដោយ សម្រាប់រថយន្តប្រើថាមពលអគ្គិសនីរបស់ Toyota នៅមានចំនួនតិច ដោយលក់រថយន្តអគ្គិសនី EV បានត្រឹមតែ ១១ ៨៨០ គ្រឿង និងរថយន្តអគ្គិសនី BEV លក់បាន ៦៥ ៤៦៧ គ្រឿង នៅក្នុងខែសីហា ឆ្នាំ ២០២៣ ៕

ផ្ទាំងផ្សាយពាណិជ្ជកម្ម

Mitsubishi Outlander Ralliart ប្រភេទ high-performance SUV គ្រោងនឹងចេញលក់នៅឆ្នាំក្រោយ

October 2, 2023

[បរទេស] កាលពីពេលថ្មីៗនេះ គេហទំព័រ Japanese magazine Best Car បានធ្វើការដាក់បង្ហាញចេញនៅរថយន្ត Mitsubishi Outlander Ralliart ប្រភេទ high-performance SUV បន្ទាប់ពីក្រុមហ៊ុន Mitsubishi បានបង្ហាញនៅរូបភាពគំរូនៅឯពិរព័ណ៌រថយន្ត Tokyo Auto Salon 2022 និងគ្រោងចេញលក់នៅក្នុងឆ្នាំ ២០២៤ នៅប្រទេសជប៉ុន។

រថយន្តប្រភេទ Plug-in hybrid នេះ សង្កត់ធ្ងន់លើការតុបតែងបែបស្ព័រក្រោមម៉ាក Ralliart និងទទួល DNA ដែលផ្តល់នៅភាពហាប់ណែន ដោយផ្នែកខាងក្រៅនៅតែប្រើប្រាស់ការឌីស្សាញ Dynamic Shield ជាមួយប៉ាណា Honeycomb និងឡូហ្គោ Ralliart ព្រមទាំងថាសកងទំហំដល់ទៅ ២២ អ៉ីញ នៅផ្នែកខាងក្រោយមានកាង spoiler ជាប់ដំបូលលយចេញមកក្រៅ ចង្កៀង LED ខាងក្រោយ និងកាងការពារទំហំធំជាមួយឡូហ្គោ Ralliart ។

សម្រាប់រថយន្តនេះ ត្រូវបានគេរំពឹងថា អាចមានប្រវែងតួខ្លួនសរុប ៤ ៨១០ ម.ម ទទឹង ១ ៨៨០ ម.ម កំពស់ ១ ៧៤៨ ម.ម ប្រវែងគន្លាតកង់មុខ-ក្រោយ ២ ៧០៥ ម.ម និងទំងន់ ២ ១៨០ គីឡូក្រាម ដំណើរការដោយ plug-in hybrid ជាមួយម៉ាស៊ីនសាំងចំណុះ ២,៤ លីត្រ ផ្គួបជាមួយម៉ូទ័រអគ្គិសនីមានកម្លាំងសរុប ២៩០ សេះ ៕

ផ្ទាំងផ្សាយពាណិជ្ជកម្ម

GWM ដាក់បញ្ចេញ Haval Raptor ប្រើ plug-in hybrid ជាមួយតម្លៃលក់ខ្ទង់ ២ មុឺនដុល្លារនៅប្រទេសកំណើត

October 2, 2023

[ទីផ្សារបរទេស] ក្រុមហ៊ុនផលិតរថយន្ត Great Wall Motor បានធ្វើការដាក់បញ្ចេញជាផ្លូវការនៅរថយន្ត Haval Raptor ប្រើ plug-in hybrid ប្រភេទ SUV ផ្តោតលើផ្លូវលំបាកៗ ឬ Off-Road ជាមួយតម្លៃលក់ចាប់ពី ២១ ៩០០ ដុល្លារនៅទីផ្សារប្រទេសចិន ។

រថយន្តនេះ មានប្រវែងតួខ្លួនសរុប ៤ ៨០០ ម.ម ទទឹង ១ ៩១៦ ម.ម កំពស់ ១ ៨២២ ម.ម និងប្រវេងគន្លាតកង់មុខ-ក្រោយ ២ ៧៣៨ ម.ម ។ Haval Raptor ស្ថិតនៅក្រោម Haval Dragon series ជាមួយការឌីស្សាញរូបជាងជាប្រអប់ជ្រុង ដោយផ្នែកខាងមុខមានប៉ាណារចនាជារបា ៣ ជាន់ ជាប់សងខាងដោយចង្កៀង LED រាងមូល ព្រមទាំងប្រើប្រាស់នៅថាសកង់ពណ៌ខ្មៅប្រភេទ multi-spoke និងផ្នែកខាងក្រោយមានចង្កៀង LED និងកង់សាគួរមួយ ។

ចំពោះនៅផ្នែកខាងក្នុងវិញ មានបំពាក់ជាមួយកុងទ័របង្ហាញព័ត៌មានទំហំ ១៣,២ អ៉ីញ និងអេក្រង់កំសាន្ត touchscreen ទំហំ ១៤,៦ អ៉ីញ ក៏ដូចជាអេក្រង់បង្ហាញលើកញ្ចក់ ប្រអប់លេខអេឡិចត្រូនិច និងដំបូលកញ្ចក់ panoramic sunroof ជាដើម ។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការផ្អែកទៅលើម៉ាស៊ីនរបស់ Great Wall Motor Hi4 ពោលគឺម៉ាស៊ីន plug-in hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ អាចផលិតកម្លាំងបាន ៣៧៨ សេះ និងកម្លាំងរមួល ៧៥០ ញ៉ូតុនម៉ែត្រ ផ្គួបជាមួយអាគុយទំហំ ២៧,៥៤ គីឡូវ៉ាត់ម៉ោង អាចបើកបរបានចម្ងាយ ១៤៥ គីឡូម៉ែត្រដោយឥតប្រើសាំង ៕

ផ្ទាំងផ្សាយពាណិជ្ជកម្ម

ម៉ូដែលពិសេស MG5 10th Anniversary Special Edition ចេញលក់ក្នុងប្រទេសថៃ ជាមួយតម្លៃខ្ទង់ ១មុឺនដុល្លារជាង

October 2, 2023

[ទីផ្សារបរទេស] ក្រុមហ៊ុនផលិតរថយន្ត MG ប្រចាំនៅប្រទេសថៃ បានធ្វើការដាក់បង្ហាញចេញនៅរថយន្ត MG5 10th Anniversary Special Edition ដែលភ្ជាប់មកជាមួយពណ៌តួខ្លួនពណ៌ប្រផេះថ្មី (Crayon Grey) ផ្តល់នៅភាពស្ព័រជាងមុន ជាមួយតម្លៃលក់ចាប់ពី ១៦ ០៥១ ដុល្លារ ។

រថយន្តនេះមានប្រវែងតួខ្លួនសរុប ៤ ៦៧៥ ម.ម ទទឹង ១ ៨៤២ ម.ម កំពស់ ១ ៤៨០ ម.ម និងប្រវែងគន្លាតកង់មុខ-ក្រោយ ២ ៦៨០ ម.ម ។ សម្រាប់ការរចនានៅផ្នែកខាងក្រៅ មានប៉ាណារាងជាសំណាញ់ទំហំធំពណ៌ខ្មៅ ប្រើប្រាស់នៅចង្កៀងមុខ LED មានមុខងារទម្លើង-ទម្លាក់ដោយស្វ័យប្រវត្តិ កញ្ចក់ចំហៀងក្តោបអូតូ ព្រមទាំងបំពាក់នៅថាសកង់ស្ព័រទំហំ ១៧ អ៉ីញ និងសំណុំចង្កៀងក្រោយ LED ជាមួយឡូហ្គោ 10th Anniversary ។

ចំពោះនៅផ្នែកខាងក្នុងវិញ ដោយនៅលើតាប្លូមានបំពាក់កុងទ័របង្ហាញព័ត៌មានឌីជីថលទំហំ ៧ អ៉ីញ និងអេក្រង់កំសាន្ត touchscreen ទំហំ ១០ អ៉ីញ ភ្ជាប់មុខងារ Apple CarPlay និង Android Auto កៅអីស្រោបដោយស្បែកអាចលៃតម្រូវបាន ៦ របៀបសម្រាប់អ្នកបើកបរ និង ៤ របៀបសម្រាប់អ្នកដំណើរ ក៏ដូចជាហ្វ្រាំងដៃអេឡិចត្រូនិច ជាមួយមុខងារ Auto Hold ផងដែរ ។

ទាក់ទឹងទៅនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនសាំងចណុះ ១,៥ លីត្រ ទំហំ ៤ ស៊ីឡាំង អាចផលិតកម្លាំងបាន ១១៤ សេះ និងកម្លាំងរមួល ១៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT ៨ វគ្គ ប្រភេទបើកបរប៉ុង ១ ៕

ផ្ទាំងផ្សាយពាណិជ្ជកម្ម

Toyota Land Hopper ប្រភេទ SUV តម្លៃធូរបំផុត គ្រោងនឹងបង្ហាញខ្លួនជាផ្លូវការក្នុងខែនេះ

October 2, 2023

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅរថយន្ត Toyota Land Hopper ជារថយន្តប្រភេទ SUV off-road ខ្នាតតូច ដែលមានតម្លៃទាបជាងគេ បើធៀបទៅនឹងរថយន្តប្រភេទ SUV របស់ក្រុមហ៊ុន Toyota គ្រោងនឹងបង្ហាញខ្លួនជាផ្លូវការនៅក្នុងខែនេះ។

យោងតាមរបាយការណ៍ថ្មីមួយពីប្រទេសជប៉ុនបានអះអាងថាក្រុមហ៊ុន Toyota កំពុងរៀបចំដាក់បង្ហាញរថយន្តប្រភេទ Off-Road ថ្មីដោយផ្អែកលើគំរូ Compact Cruiser EV ដែលបានបង្ហាញនៅឆ្នាំ ២០២១។ លើសពីនេះបើយោងតាមគេហទំព័រ Best Car និង Mag-X រាយការណ៍ថា Land Cruiser Mini នឹងផលិតនៅលើគ្រោងឆ្អឹងដូចជាគ្នាទៅនឹង Toyota Hilux និង Fortuner មកជាមួយម៉ាស៊ីនសាំងចំណុះ ២,៧ លីត្រ ឬម៉ាស៊ូតចំណុះ ២,៨ លីត្រ នៅក្នុងទីផ្សារមួយចំនួន ។

អ្វីដែលគួរឱ្យចាប់អារម្មណ៍ជាងនេះទៅទៀតគឺតម្លៃពាក្យចចាមអារ៉ាមសម្រាប់រថយន្តផ្តោតលើផ្លូវ Off-Road ខ្នាតតូចមួយនេះ ដែលអាចមានតម្លៃចាប់ផ្តើមត្រូវបានគេរំពឹងថានឹងក្នុងចន្លោះពី ២០ ១០០ ដុល្លារ ដល់ ២៥ ៥០០ ដុល្លារនៅក្នុងទីផ្សារក្នុងប្រទេសជប៉ុន ។

គួរបញ្ជាក់ផងដែរថា ក្នុងនោះបើយោងតាមគេហទំព័រ Best Car Web បានឲ្យដឹងថា ឈ្មោះ Land Hopper ត្រូវបានចុះបញ្ជីជាពាណិជ្ជសញ្ញា ជាមួយការិយាល័យប៉ាតង់ជប៉ុនតាំងពីនៅថ្ងៃទី ៨ ខែសីហា ឆ្នាំ ២០២៣ ៕

ផ្ទាំងផ្សាយពាណិជ្ជកម្ម

តោះមកដឹងតម្លៃលក់ផ្លូវការរបស់ Lexus TX ស៊េរីឆ្នាំ ២០២៤ ទាំង ៨ ម៉ូដែល

October 2, 2023

[ទិផ្សារបរទេស] ក្រុមហ៊ុនផលិតរថយន្ត Lexus ប្រចាំនៅសហរដ្ឋអាមេរិក បានធ្វើការប្រកាសបញ្ចេញតម្លៃលក់ជាផ្លូវការនៅរថយន្ត Lexus TX ជំនាន់ទី ១ ស៊េរីឆ្នាំ ២០២៤ មានរហូតទៅដល់ ៨ ម៉ូដែល ជាមួយតម្លៃលក់ចាប់ពី ៥៥ ០៥០ ដុល្លារ ដល់ ៧២ ៦៥០ ដុល្លារ បូករួមជាមួយតម្លៃដឹកជញ្ចូន ដែលមានតម្លៃចាប់ផ្តើមថ្លៃជាង Toyota Grand Highlander ជាង ១១ ០០០ ដុល្លារ ដែលមានតម្លៃ ៤៤ ៤៦៥ ដុល្លារ ។

Lexus TX គឺជារថយន្តប្រភេទ SUV កាប៊ីន ៣ ជួរ ចុងក្រោយបង្អស់ដែលផលិតឡើងនៅលើគ្រោងឆ្អឹង GA-K platform មានប្រវែងតួខ្លួនសរុប ៥ ១៥៩ ម.ម ទទឹង ១ ៩៨៩ ម.ម កំពស់ ១ ៧៨១ ម.ម និងប្រវែងគន្លាតកង់មុខ-ក្រោយ ២ ៩៤៩ ម.ម ។ លើសពីនេះ ក៏មានបំពាក់មកជាមួយជំនួយការអ្នកបើកបរ Lexus Safety system+ 3.0 ជាស្តង់ដារតែម្តង ។

ទាក់ទងនឹងផ្នែកម៉ាស៊ីនវិញ Lexus TX ស៊េរីឆ្នាំ ២០២៤ ទទួលបានជម្រើសម៉ាស៊ីនហូតដល់ទៅ ៣ ជម្រើសរួមមាន ៖

ម៉ាស៊ីនសាំងចំណុះ ២,៤ លីត្រ Turbo អាចផលិតកម្លាំងបាន ២៧៥ សេស និងកម្លាំងរមួល ៤២៩ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ ប្រភេទបើកបរប៉ុង ១ និងប៉ុង ២ ជាមួយកម្រិតស៊ីប្រេង ១១ លីត្រ/១០០ គីឡូម៉ែត្រ
ម៉ាស៊ីនកូនកាត់ Hybrid ចំណុះ ២,៤ លីត្រ Turbo អាចផលិតកម្លាំងបាន ៣៦៦ សេស និងកម្លាំងរមួល ៥៥៤ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦ វគ្គ ប្រភេទបើកបរប៉ុង ២ Direct4 AWD ជាមួយកម្រិតស៊ីប្រេងចន្លោះ ៩ ទៅ ១០ លីត្រ/១០០ គីឡូម៉ែត្រ
ម៉ាស៊ីន Plug-in hybrid ៣,៥ លីត្រ V6 អាចផលិតកម្លាំងបាន ៤០៦ សេស ភ្ជាប់ដោយប្រអប់លេខអូតូប្រភេទ CVT ប្រភេទបើកបរប៉ុង ២ Direct4 AWD ជាមួយកម្រិតស៊ីប្រេងចន្លោះ ៧ លីត្រ/១០០ គីឡូម៉ែត្រ នឹងអាចបើកបរបានចម្ងាយ ៥៣ គីឡូម៉ែត្រដោយប្រើប្រាស់ថាមពលអគ្គិសនី ៕

ផ្ទាំងផ្សាយពាណិជ្ជកម្ម

BYD Seal DM-i ប្រភេទ Plug-in hybrid អត់ប្រើសាំងជិះបាន ២០០ គីឡូម៉ែត្រ តម្លៃតែខ្ទង់ ២មុឺនដុល្លារ

October 1, 2023

[ទីផ្សារបរទេស] ក្រុមហ៊ុនផលិតរថយន្ត BYD បានធ្វើការដាក់បញ្ចេញជាផ្លូវការនៅរថយន្ត BYD Seal DM-i ស៊េរីឆ្នាំ ២០២៤ ប្រភេទ Plug-in hybrid មានរហូតដល់ទៅ ៦ ម៉ូដែល ជាមួយតម្លៃលក់ចាប់ពី ២២ ២៣០ ដុល្លារ ដល់ ៣២ ០២៩ ដុល្លារនៅទីផ្សារប្រទេសចិន ។

រថយន្តនេះមានប្រវែងសរុប ៤ ៩៨០ មម ទទឹង ១ ៨៩០ ម.ម កំពស់ ១ ៤៩៥ ម.ម និងប្រវែងគន្លាតកង់មុខ-ក្រោយ ២ ៩០០ ម.ម ។ សម្រាប់ការរចនានៅផ្នែកខាងក្រៅដោយនៅផ្នែកខាងមុខបំពាក់ប៉ាណាគ្មានស៊ុម ប្រើប្រាស់នៅចង្កៀងមុខ-ក្រោយប្រភេទ LED និងអំពូលបំភ្លឺពេលថ្ងៃក៏ជាប្រភេទ LED ព្រមទាំងថាសកង់ស្ព័រប្រភេទ alloy wheels ទំហំ ១៨ អ៉ីញ និងបានឌីស្សាញដៃទ្វាបែប flash-door ។

ចំពោះនៅផ្នែកខាងក្នុងវិញ ដោយនៅតាប្លូមានបំពាក់កុងទ័របង្ហាញព័ត៌មានទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១២,៨ អ៉ីញ អាចភ្ជាប់មុខងារដ៏សំបូរបែប, ប៉ូតុង Start/Stop ប្រើជាមួយ Smart-key កៅអីស្រោបដោយស្បែកមុខងារខ្យល់-កំដៅអាចលៃតម្រូវបាន ៦ របៀបសម្រាប់អ្នកបើកបរ ។ លក្ខណៈពិសេសផ្សេងទៀត ប្រព័ន្ធបញ្ជាដោយសំលេង កន្លែងសាកថ្មឥតប្រើខ្សែ ឧបករណ៍បំពងសំលេង ១២ ចំណុច និងមួយចំនួនច្រើនទៀត។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការដោយ plug-in hybrid ជាមួយម៉ាស៊ីនសាំងចំណុះ ១,៥ លីត្រ ទំហំ ៤ ស៊ីឡាំង មានកម្លាំង ១៣៦ សេះ និងថាមពលពីម៉ូទ័រអគ្គិសនីកម្លាំង ២១៤ សេះ និងកម្លាំងរមួល ៣២៥ ញ៉ូតុនម៉ែត្រ ផ្គួបជាមួយអាគុយ Blade Battery ទំហំ ៣០,៧ គីឡូវ៉ាត់ម៉ោង អាចបើកបរបានចម្ងាយ ២០០ គីឡូម៉ែត្រ ជាមួយកម្រិតស៊ីសាំងចន្លោះពី ៤-៥ លីត្រក្នុងរយៈចម្ងាយ ១០០ គីឡូម៉ែត្រ មានរបៀបបើករចចំនួន ៦ គឺ EV, HEV, Sport, Eco, Normal និង Snow ។

ផ្ទាំងផ្សាយពាណិជ្ជកម្ម

Toyota ជាក្រុមហ៊ុនលក់ដាច់បំផុតទី ១ របស់ពិភពលោកក្នុងខែសីហា ខណៈ BYD ឈរលើ Ford

September 30, 2023

[បរទេស] កាលពីពេលថ្មីៗ កន្លងទៅនេះ យោងតាមស្ថិតិពីគេហទំព័រ TrendForce ការលក់រថយន្តសរុបទូទាំងពិភពលោកនៅទូទាំងទីផ្សារធំៗចំនួន ៣៧ ក្នុងខែសីហាបានកើនដល់ ៥,៥៥ លានគ្រឿង ។ ក្នុងចំណោមទីផ្សារដ៏មានថាមពលនេះ ម៉ាកលក់រថយន្តកំពូលទាំង ១០ ប្រចាំខែគឺ Toyota, Volkswagen, Honda, BYD, Hyundai, Ford, Chevrolet, Suzuki, Kia និង Nissan។

ដោយក្នុងនោះ ក្រុមហ៊ុនផលិតរថយន្តរបស់ចិន BYD បានលក់រថយន្តបានច្រើនជាងក្រុមហ៊ុន Ford និងបានដណ្តើមតំណែងម៉ាករថយន្តធំជាងគេទីបួនរបស់ពិភពលោកនៅក្នុងការលក់រថយន្តនៅក្នុងខែសីហា។ គួរកត់សម្គាល់ថា ដំណើរការការលក់របស់ BYD នៅតែរឹងមាំ បើទោះបីជាតម្រូវការធ្លាក់ចុះនៅក្នុងទីផ្សាររថយន្តរបស់ប្រទេសចិនក៏ដោយ។ នៅក្នុងខែសីហា BYD បានរាយការណ៍ពីការកើនឡើង ៥% ពីមួយខែទៅមួយខែក្នុងការលក់រថយន្ត។ ចំណែកទីផ្សាររបស់ក្រុមហ៊ុនបានតាមពីក្រោយក្រុមហ៊ុន Honda លំដាប់ទីបីត្រឹមតែ ០,១ ភាគរយប៉ុណ្ណោះ។

គួរឲ្យដឹងថា សម្រាប់ការលក់រថយន្តនៅលើទីផ្សារសកលសម្រាប់ខែសីហាបានបង្ហាញរូបភាពចម្រុះ ខណៈពេលដែលការលក់រថយន្តរបស់ BYD កំពុងតែកើនឡើងនោះ ក្រុមហ៊ុន Ford បានជួបប្រទះនឹងការធ្លាក់ចុះនៃការលក់ ៦,៧% ពីមួយខែទៅមួយខែ ដែលបណ្តាលឲ្យក្រុមហ៊ុនផលិតរថយន្តរបស់អាមេរិកធ្លាក់ចុះមកចំណាត់ថ្នាក់ទី ៦ ៕

ផ្ទាំងផ្សាយពាណិជ្ជកម្ម

BYD Seal EV ស៊េរីឆ្នាំ ២០២៤ ចេញលក់ជាផ្លូវការនៅប្រទេសថៃ ឯតម្លៃចាប់ពីជាង ៣ មុឺនដុល្លារ

September 29, 2023

[ទីផ្សារបរទេស] ក្រុមហ៊ុនផលិតរថយន្ត BYD ប្រចាំនៅប្រទេសថៃ បានធ្វើការដាក់បញ្ចេញការលក់ជាផ្លូវការនៅរថយន្តអគ្គិសនីសុទ្ធ BYD Seal ស៊េរីឆ្នាំ ២០២៤ មាន ៣ ម៉ូដែលសម្រាប់ជ្រើសរើស ជាមួយតម្លៃលក់ចាប់ពី ៣៦ ៣២១ ដុល្លារ ដល់ ៤៣ ៨៣២ ដុល្លារនៅទីផ្សាររបស់ខ្លួន ។

សម្រាប់ការរចនានៅផ្នែកខាងក្រៅ ត្រូវបានបំពាក់ដោយឧបករណ៍ស្តង់ដារ រួមទាំងចង្កៀងមុខ-ក្រោយប្រភេទ LED ដែលមានមុខងារ Follow Me Home ប្រើប្រាស់នៅថាសកង់ស្ព័រទំហំ ១៨ អ៉ីញ និងដៃទ្វាប្រភេទ flash-door ។ លើសពីនេះ ក៏បានភ្ជាប់មកជាមួយប្រព័ន្ធទ្វេថាមពល V2L (Vehicle-to-Load) ទៀតផង ។

ចំពោះនៅខាងក្នុងវិញ ដោយនៅលើតាប្លូត្រូវបានបំពាក់ដោយកុងទ័របង្ហាញព័ត៌មានទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ ភ្ជាប់ដោយប្រព័ន្ធ Apple CarPlay និង Android Auto ។ លក្ខណៈពិសេសផ្សេងទៀតរួមមាន កន្លែងសាកឥតប្រើខ្សែចំនួន ២ ប្រព័ន្ធម៉ាស៊ីនត្រជាក់ស្វ័យប្រវតិ្ត ២ តំបន់ កៅអីស្រោបដោយស្បែកមុខងារខ្យល់-កំដៅអាចឡៃតម្រូវបាន ៨ របៀបសម្រាប់អ្នកបើកបរ និង ៦ របៀបសម្រាប់អ្នកដំណើរខាងមុខ និងដំបូលកញ្ចក់ Panoramic sunroof ផងដែរ ។

ទាក់ទងទៅនឹងថាមពលវិញ រថយន្តនេះ ដំណើរការដោយជម្រើសថាមពលចំនួន ៣ រួមមាន៖

ដំណើរការដោយម៉ូទ័រអគ្គិសនីចំនួន ១ មានកម្លាំង ២០៤ សេះ និងកម្លាំងរមួល ៣១០ ញ៉ូតុនម៉ែត្រ ផ្គួបជាមួយអាគុយ BYD Blade Baterry ទំហំ ៦១,៤៤ គីឡូវ៉ាត់ម៉ោង អាចបើកបរបានចម្ងាយ ៥១០ គីឡូម៉ែត្រក្នុងការសាកថ្មពេញម្តង ប្រភេទបើកបរប៉ុង ១
ដំណើរការដោយម៉ូទ័រអគ្គិសនីចំនួន ១ មានកម្លាំង ៣១៣ សេះ និងកម្លាំងរមួល ៣៦០ ញ៉ូតុនម៉ែត្រ ផ្គួបជាមួយអាគុយ BYD Blade Baterry ទំហំ ៨២,៥៦ គីឡូវ៉ាត់ម៉ោង អាចបើកបរបានចម្ងាយ ៦៥០ គីឡូម៉ែត្រក្នុងការសាកថ្មពេញម្តង់ ប្រភេទបើកបរប៉ុង ១
ដំណើរការដោយម៉ូទ័រអគ្គិសនីចំនួន ២ មានកម្លាំងសរុប ៥៣០ សេះ និងកម្លាំងរមួល ៦៧០ ញ៉ូតុនម៉ែត្រ ផ្គួបជាមួយអាគុយ BYD Blade Baterry ទំហំ ៨២,៥៦ គីឡូវ៉ាត់ម៉ោង អាចបើកបរបានចម្ងាយ ៥៨០ គីឡូម៉ែត្រក្នុងការសាកថ្មពេញម្តង ប្រភេទបើកបរប៉ុង ២ និងគាំទ្រដោយឆ្នាងសាកល្បឿនលឿន DC ទាំងអស់ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធរបស់ Honda សាកភ្លើងពេញម្តងជិះបានជិត ៥០០ គីឡូម៉ែត្រ ឯតម្លៃចាប់ពី ៤ មុឺនដុល្លារ

September 29, 2023

[ទីផ្សារបរទេស] ក្រុមហ៊ុនផលិតរថយន្ត Honda បានធ្វើការដាក់បញ្ចេញជាផ្លូវការនៅរថយន្ត Honda Prologue ស៊េរីឆ្នាំ ២០២៤ ប្រភេទ Crossover អគ្គិសនីសុទ្ធដំបូងគេរបស់ Honda ដែលមានតម្លៃលក់ចាប់ពី ៤០ ០០០ ដុល្លារឡើងទៅ នៅទីផ្សារសហរដ្ឋអាមេរិក ។

Honda Prologue ស៊េរីឆ្នាំ ២០២៤ ត្រូវបានផលិតឡើងនៅលើគ្រោងឆ្អឹង Ultium Platform និងប្រើអាគុយរបស់ក្រុមហ៊ុន GM ដំណើរការដោយម៉ូទ័រអគ្គិសនីចំនួន ២ ផ្គួបជាមួយអាគុយទំហំ ៨៥ គីឡូវ៉ាត់ម៉ោង អាចផលិតកម្លាំងបានសរុប ២៩៩ សេះ និងកម្លាំងរមួល ៤៥១ ញ៉ូតុនម៉ែត្រ អាចបើកបរបានចម្ងាយ ៤៨២ គីឡូម៉ែត្រក្នុងការសាកថ្មពេញម្តង និងគាំទ្រដោយឆ្នាំងសាកល្បឿនលឿន DC ដោយសាកថ្មត្រឹម ១០ នាទី អាចបើកបរបាន ១០៥ គីឡូម៉ែត្រ ។

រថយន្តនេះ មានប្រវែងតួខ្លួនសរុប ៤ ៨៧៧ ម.ម ទទឹង ១ ៩៨៩ ម.ម កំពស់ ១ ៦៤៣ ម.ម និងប្រវែងគន្លាតកង់មុខ-ក្រោយ ៣ ០៩៤ ម.ម ។ សម្រាប់ការរចនានៅផ្នែកក្រៅ ត្រូវបានក្រុមអ្នកឌីស្សាញ Honda Design Studio នៅសហរដ្ឋអាមរិក សហការជាមួយក្រុមរចនានៅប្រទេសជប៉ុន ដែលមានលក្ខណៈបែបស្ព័រ ដោយបានបំពាក់ប៉ាណាមុខបិទជិត ចង្កៀងមុខ-ក្រោយ LED រាងស្លីម ព្រមទាំងបំពាក់ថាសកង់ស្ព័រទំហំ ១៩ អ៉ីញ និង ២១ អ៉ីញ និងទ្វាក្រោយបើក-បិទដោយថាមពលអគ្គិសនី ។

ចំពោះនៅផ្នែកខាងក្នុងវិញ ដោយនៅតាប្លូមានកុងទ័របង្ហាញព័ត៌មានឌីជីថលទំហំ ១១ អ៉ីញ និងអេក្រង់កំសាន្ត touchscreen ទំហំ ១១,៣ អ៉ីញ ភ្ជាប់ដោយប្រព័ន្ធ Google build-in អាចប្រើប្រាស់ប្រព័ន្ធ Google Assistant , Google Maps និង Google Play store ផងដែរ ។ លក្ខណៈពិសេសផ្សេងទៀតរួមមាន ប្រព័ន្ធម៉ាស៊ីនត្រជាក់អូតូ ២ តំបន់ ដំបូលកញ្ចក់ Panoramic sunroof និងឧបករណ៍បំពងសំលេងម៉ាក Bose ១២ ចំនុច ៕