GAC ES9 ស៊េរីថ្មី ជិះបានចម្ងាយ ១៤៣ គីឡូម៉ែត្រដោយអត់ប្រើសាំង ជាមួយតម្លៃលក់ខ្ទង់ ៤មុឺនដុល្លារ

September 21, 2023

[ទីផ្សារបរទេស] ក្រុមហ៊ុនផលិតរថយន្ត GAC បានធ្វើការដាក់បង្ហាញចេញនៅរថយន្ត GAC ES9 ស៊េរីថ្មីចុងក្រោយ ប្រភេទ SUV ដែលគ្រោងនឹងបើកទទួលការកក់មុននៅថ្ងៃទី១ ខែតុលា ឆ្នាំ ២០២៣ ជាមួយតម្លៃលក់ចាប់ពី ៣១ ៤០០ ដុល្លារ ដល់ ៣៦ ៩០០ នឹងចេញលក់ជាផ្លូវនៅចុងឆ្នាំនេះ នៅទីផ្សារប្រទេសចិន ។

រថយន្តនេះ ផលិតឡើងនៅលើគ្រោងឆ្អឹង i-GPMA platform មានប្រវែងសរុប ៥ ១១០ ម.ម ទទឹង ១ ៩៧៦ ម.ម កំពស់ ១ ៧៨០ ម.ម និងប្រវែងគន្លាតកង់មុខ-ក្រោយ ២ ៩២០ ម.ម ។ GAC ES9 ត្រូវបានផ្តល់ជូននៅការឌីស្សាញចំនួន ២ រួមមាន Traveler និង Dragon ដោយនៅរូបនេះ គឺជាម៉ូដែល Traveler ដែលត្រូវបាន inspired ចេញពីភ្នុំ Everest ដោយមានរូបរាងស្រដៀងទៅនឹង GAC GS8 មានចង្កៀងមុខ-ក្រោយ LED និងថាសកង់ស្ព័រទំហំ ១៩ អ៉ីញជាដើម ។

ចំពោះនៅផ្នែកខាងក្នុងវិញ ផ្តោតទៅលើប្រណិតភាព ដោយនៅលើតាប្លូមានកុងទ័របង្ហាញព័ត៌មានទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៤,៦ អ៉ីញ គាំទ្រដោយឈីប Qualcomm Snapdragon 8155 និងប្រព័ន្ធ ADiGo 4.0 ជំនាន់ចុងក្រោយ ក៏ដូចកញ្ចក់កម្រាស់ ៥ មម ជួយកាត់បន្ថយសំឡេងរំខានពីផ្នែកខាងក្រៅយ៉ាងល្អ ។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការដោយ plug-in hybrid ធ្វើការរួមគ្នាជាមួយម៉ាស៊ីនចំណុះ ២,០ លីត្រ និងម៉ូទ័រអគ្គិសនី អាចផលិតកម្លាំងបាន ៣៣៥ សេះ និងកម្លាំងរមួល ៣៣០ ញ៉ូតុនម៉ែត្រ ផ្គួបជាមួយអាគុយទំហំ ២៥,៥៧ គីឡូវ៉ាត់ម៉ោង អាចបើកបរបានចម្ងាយ ១៤៣ គីឡូម៉ែត្រ ៕

ផ្ទាំងផ្សាយពាណិជ្ជកម្ម

BYD Yangwang U8 Premium Edition កម្លាំងខ្លាំងជាង ១ពាន់សេះ ឯតម្លៃលក់ជាង ១៥ មុឺនដុល្លារ

September 21, 2023

[ទីផ្សារបរទេស] ក្រុមហ៊ុន Yangwang ដែលស្ថិតនៅក្រោមក្រុមហ៊ុនផលិតរថយន្ត BYD បានធ្វើការដាក់បង្ហាញចេញម៉ូដែលពិសេស BYD Yangwang U8 Premium Edition ដែលមានសមត្ថភាពខ្លាំងមិនធម្មតាជាមួយតម្លៃលក់ចាប់ពី ១៥០ ៦៦៦ ដុល្លារនៅទីផ្សារប្រទេសចិន ។

រថយន្តត្រូវបានផលិតឡើងនៅលើគ្រោងឆ្អឹង Body-on frame ជាមួយការរចនាស្ទើរតែដូចគ្នាទាំងស្រុងទៅនឹងម៉ូដែលស្តង់ដារ និងបានប្រើប្រាស់នៅថាសកង់ទំហំ ២០ អ៉ីញ ដល់ ២២ អ៉ីញជាដើម ។ លើសពីនេះ មានបំពាក់សេនស័រសរុបដល់ទៅ ៣៨ គ្រាប់ រួមជាមួយនឹងប្រព័ន្ធ LiDAR ចំនួន ៣ ក៏ដូចារាដា 5-milimeterwave Ultrasonic sensor ចំនួន ១៤ និងកាម៉េរាចំនួន ១៦ ដែលផ្តល់នៅសុវត្ថភាពខ្ពស់ក្នុងការបើកបរ។

ចំពោះនៅផ្នែកខាងក្នុងវិញ ត្រូវបានតុបតែងជាមួយឈើ មានបំពាក់អេក្រង់ចំនួនសរុប ៦ រួមមានកុងទ័របង្ហាញព័ត៌មានទំហំ ២៣,៦ អ៉ីញ អេក្រង់កំសាន្ត touchscreen នៅកណ្តាលទំហំ ១២,៨ អ៉ីញ និងអេក្រង់សម្រាប់អ្នកដំណើរទំហំ ២៣,៦ អ៉ីញ និងផ្នែកខាងក្រោយចំនួន ៣ ។ លក្ខណៈពិសេសផ្សេងទៀតរួមមាន កៅអីស្រោបដោយស្បែកប្រភេទ Nappa មានមុខងារម៉ាស្សា កន្លែងសាកថ្មឥតប្រើខ្សែ និងឧបករណ៍បំពងសំលេងដ៏ប្រណិតចំនួន ២២ ចំនុច ជាដើម ។

ទាក់ទងទៅនឹងថាមពលវិញ រថយន្តនេះបំពាក់ដោយម៉ូទ័រអគ្គិសនីចំនួន ៤ អាចផលិតកម្លាំងបានសរុប ១១៨៤ សេះ អាចបើបរបានចម្ងាយ ១០០០ គីឡូម៉ែត្រក្នុងការសាកថ្មពេញម្តង គាំទ្រដោយឆ្នាំងសាកល្បឿនលឿនដែលអាចសាកបានពី ៣០% ទៅ ៨០% ប្រើរយៈពេល ១៨នាទីប៉ុណ្ណោះ ។ លើសពី រថយន្ត SUV នេះមានសមត្ថភាពអាចបើកបរនៅក្នុងជម្រៅទឹក ១០០០-១៤០០ មម បានរយៈពេល ៣០នាទី ក្នុងល្បឿន ៣គីឡូម៉ែត្រក្នុងមួយម៉ោង ៕

ផ្ទាំងផ្សាយពាណិជ្ជកម្ម

Chery Tiggo 7 Pro ស៊េរីថ្មីចុងក្រោយ ចេញលក់នៅប្រទេសអូស្ត្រាលីជាមួយតម្លៃអត់ដល់ ៣ មុឺនដុល្លារ

September 21, 2023

[ទីផ្សារបរទេស] ក្រុមហ៊ុនផលិតរថយន្ត Chery របស់ប្រទេសចិន ប្រចាំនៅប្រទេសអូស្ត្រាលី បានធ្វើការដាក់បង្ហាញចេញនៅរថយន្ត Tiggo 7 pro ស៊េរីថ្មីចុងក្រោយ មាន ៣ ម៉ូដែលសម្រាប់ជ្រើសរើសជាមួយតម្លៃលក់ចាប់ពី ២៥ ៧៩០ ដុល្លារ ដល់ ២៩ ៦៦០ ដុល្លារ នៅក្នុងទីផ្សារមួយនេះ ។

រថយន្ត Tiggo 7 Pro ជារថយន្តដ៏គួរឱ្យចាប់អារម្មណ៍មួយ ដែលរួមបញ្ចូលគ្នានៅការឌីស្សាញរ និងសុវត្ថិភាព មានប្រវែងតួខ្លួនសរុប ៤ ៥១៣ ម.ម ទទឹង ១ ៨៦២ ម.ម កំពស់ ១ ៦៩៦ ម.ម និងប្រវែងគន្លាតកង់មុខ-ក្រោយ ២ ៦៧០ ម.ម ។ សម្រាប់ការចនានៅផ្នែកខាងក្រៅ បំពាក់ប៉ាណាមួយផ្ទាំងធំ ជាប់សងខាងដោយចង្កៀងមុខ LED ប្រើប្រាស់នៅថាសកង់ស្ព័រទំហំ ១៩ អ៉ីញ និងចង្កៀងក្រោយ LED រចនាជាខ្សែបន្ទាត់អូសកាត់ពីផ្នែកម្ខាងទៅផ្នែកម្ខាង ។

ចំពោះនៅផ្នែកខាងក្នុងរបស់ SUV ៥ កៅអី នេះ មានបំពាក់អេក្រង់អេក្រង់ភ្លោះទំហំ ១២,៣ អ៉ីញ ភ្ជាប់មុខងារ Apple CarPlay និង Android Auto និងកៅអីស្រោបដោយស្បែកមានមុខងារខ្យល់-កំដៅសម្រាប់នៅផ្នែកខាងមុខ។ លក្ខណៈពិសេសផ្សេងទៀតរួមមាន កន្លែងសាកថ្មឥតប្រើខ្សែ ភ្លើងលម្អ ដំបូលកញ្ចក់ panoramic sunroof ឧបករណ៍បំពងសំលេងម៉ាក Sony ៨ ចំនុច និងកាម៉េរា ៣៦០ ដឺក្រេផងដែរ ។

ទាក់ទងទៅនឹងផ្នែកម៉ាស៊ីនវិញ គ្រប់ម៉ូដែលទាំងអស់ដំណើរការដោយម៉ាស៊ីនសាំងចំណុះ ១,៦ លីត្រ Turbocharged អាចផលិតកម្លាំងបាន ១៨៣ សេះ និងកម្លាំងរមួល ២៧៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គប្រភេទ Dual-clutch និងមានជម្រើសប៉ុង ១ និងប៉ុង ២ ៕

ផ្ទាំងផ្សាយពាណិជ្ជកម្ម

LEXUS នឹងអាចផលិតរថយន្តភីកអាប់អគ្គិសនីសុទ្ធប្រសិនមានតម្រូវការខ្ពស់ពីអតិថិជនរបស់ខ្លួន

September 21, 2023

[បរទេស] ក្រុមហ៊ុនផលិតរថយន្ត Lexus បានបង្ហាញនៅលទ្ធភាពនៃការអភិវឌ្ឍន៍រថយន្តភីកអាប់អគ្គិសនីសុទ្ធនាពេលអនាគត ប្រសិនបើវាស្របទៅនឹងតម្រូវការរបស់អតិថិជនរបស់ខ្លួន។

នៅក្នុងអំឡុងសន្និសីទសារព័ត៌មាននៅក្នុងប្រទេសជប៉ុន ប្រធានក្រុមហ៊ុន Lexus លោក Takashi Watanabe បានបញ្ជាក់ថា នឹងមិនមានរថយន្តម៉ាក Lexus ណាមួយដែលផ្អែកលើរថយន្តភីកអាប់ Toyota ដែលមានស្រាប់នោះទេ និងបានបន្ថែមថា Lexus នឹងដឹកនាំការអភិវឌ្ឍន៍រថយន្តអគ្គិសនីនៅក្នុងក្រុម Toyota ហើយពួកគេនឹងផ្តល់ជម្រើសជាច្រើនតាមដែលអាចធ្វើទៅបាន” ។

ជាមួយគ្នានេះ យោងតាមគេហទំព័រ Drive.com.au លោក Watanabe បាននិយាយថា “ប្រសិនបើមានតម្រូវការខ្លាំងពីអ្នកប្រើប្រាស់ដើម្បឲ្យក្រុមហ៊ុន Lexus ផលិតភីកអាប់អគ្គិសនីសុទ្ធ នោះ វានឹងអាចកើតឡើងសម្រាប់នាពេលអនាគត”។ ទោះជាយ៉ាងណាក៏ដោយ ប្រធានក្រុមហ៊ុន Lexus បានបដិសេធការរំពឹងទុកណាមួយដែលថាវាអាចនឹងកើតឡើងក្នុងរយៈពេលដ៏ខ្លី ដោយកត់សម្គាល់ថាបច្ចុប្បន្នមិនមានការពិភាក្សាទាក់ទងនឹងរថយន្តភីកអាប់នោះទេ ។ យ៉ាងណាមិញ មានតែរងចាំមើលទាំងអស់គ្នា ៕

ផ្ទាំងផ្សាយពាណិជ្ជកម្ម

សីលធម៌ល្អទាំង ៥ ដែលអ្នកប្រើប្រាស់រថយន្តអគ្គិសនីត្រូវតែដឹង នៅពេលសាកថ្មនៅស្ថានីយសាកថ្ម

September 20, 2023

នៅក្នុងការរស់នៅរបស់មនុស្សអ្វីដែលសំខាន់ជាងគេគឺមានការទទួលខុសត្រូវខ្ពស់ ក៏ដូចជាឲ្យតម្លៃគ្នាទៅវិញទៅមក ព្រមទាំងអាកប្បកិរិយា និងមានសីលធម៌ល្អផងដែរ ។ ខាងក្រោមនេះ គឺសីលធម៌ល្អ សម្រាប់អ្នកបើប្រាស់រថយន្តអគ្គិសនីត្រូវតែមាននៅពេលសាកថ្មរថយន្តរបស់ខ្លួននៅស្ថានីយសាកថ្ម ៖

១) ត្រូវត្រៀមរួចជាស្រេច មុនចូលចំណតសាកថ្ម៖ ដោយសារចំណតនៅខាងមុខស្តង់សាកថ្ម វានឹងត្រូវបានបម្រុងទុកសម្រាប់តែរថយន្តអគ្គិសនីដែលសម្រាប់ចាំសាកថ្មប៉ុណ្ណោះ។ លើសពីនេះ នៅពេលសាកថ្មពេញ គួរបើករថយន្តចេញពីកន្លែងសាកថ្មភ្លាម ដើម្បីឲ្យអ្នករងចាំសាកថ្មបន្ទាប់បានត្រៀមខ្លួនចូលសាក ។

២) កុំរំខានដល់រថយន្តផ្សេងទៀតដែលកំពុងសាកថ្ម៖ ត្រូវតែជៀសវាងធ្វើអ្វីដែលរំខានដល់រថយន្តអ្នកដទៃដែលកំពុងសាកថ្ម ដូចជាការរំកិលខ្សែសាក ឬព្យាយាមដកឆ្នាំងសាក និងផ្សេងៗទៀត ។

៣) គួរតែកំណត់ម៉ោង ឬដាក់ម៉ោងរោទ៍នៅពេលសាក៖ ជាទូទៅក្រុមហ៊ុនរថយន្តអគ្គីសនី តែងតែផ្តល់នៅភាពងាយស្រួលដល់អតិថិជនរបស់ខ្លួនដូចជាការផ្តល់នៅ App សម្រាប់ទិន្នន័យសាកថ្ម អ្នកគួរតែកំណត់ម៉ោងរោទ៍នៅសាកថ្ម ប្រសិនបើអ្នកមានការងារបន្ទាន់ ឬអ្វីផ្សេងទៀតដែលតម្រូវឱ្យអ្នកចាកចេញពីរថយន្តរបស់អ្នកដើម្បីការពារការបញ្ចូលថ្មលើស ។

៤) ត្រូវរក្សាខ្សែសាកឲ្យមានសណ្តាប់ធ្នាប់ជានិច្ច បន្ទាប់ពីសាករួច៖ ខ្សែសាកគួរតែត្រូវតែរក្សាទុកឲ្យមានសណ្តាប់ធ្នាប់គ្រប់ពេលជានិច្ចនៅក្នុងទូសាក ដើម្បីការពារការខូចខាតដែលអាចកើតឡើងចំពោះក្បាលឆ្នាំងសាកដែលអាចមានបញ្ហាកើតឡើងដោយចៃដន្យ ។

៥) អ្នកគួរតែមកដល់ស្ថានីយសាកថ្មឲ្យទាន់ពេល៖ ប្រសិនបើអ្នកបានកក់ស្ថានីយសាកថ្ម អ្នកគួរតែមកដល់កន្លែងសាកថ្មឲ្យទាន់ពេល ឬ យ៉ាងហោចណាស់មកដល់មុន ១០ នាទី ដើម្បីការពាររថយន្តផ្សេងទៀតពីការខ្ជះខ្ជាយពេកវេលារបស់ពួកគេដោយសាររងចាំអ្នក ៕

ផ្ទាំងផ្សាយពាណិជ្ជកម្ម

Xpeng G9 ស៊េរីឆ្នាំ ២០២៤ សាកភ្លើងពេញម្តងជិះបាន ៧០០ គីឡូម៉ែត្រជាង បង្ហាញខ្លួនជាផ្លូវការ

September 20, 2023

[ទីផ្សារបរទេស] ក្រុមហ៊ុនផលិតរថយន្ត Xpeng បានធ្វើការដាក់បង្ហាញចេញនៅរថយន្តអគ្គិសនីសុទ្ធ Xpeng G9 ស៊េរីឆ្នាំ ២០២៤ ប្រភេទ SUV ដ៏ប្រណិត មាន ៥ ម៉ូដែលសម្រាប់ជ្រើសរើស ជាមួយតម្លៃលក់ចាប់ពី ៣៦ ២០០ ដុល្លារ ដល់ ៤៩ ៣០០ ដុល្លារនៅក្នុងប្រទេសចិន និងគ្រោងមានលក់ទីផ្សារអឺរ៉ុបមួយចំនួននៅឆ្នាំ ២០២៤ ។

Xpeng G9 ត្រូវបានផលិតឡើងនៅលើគ្រោងឆ្អឹង SEPA platform មានប្រវែងតួខ្លួនសរុប ៤ ៨៩១ ម.ម ទទឹង ១ ៩៣៧ ម.ម កំពស់ ១ ៦៨០ ម.ម និងប្រវែងគន្លាតកង់មុខ-ក្រោយ ២ ៩៩៨ ម.ម ។ សម្រាប់ការរចនានៅផ្នែកខាងក្រៅ ត្រូវបានប្រើប្រាស់ភាសារចនាឲ្យឈ្មោះថា X-Bot Face 3.0 ជាមួយប៉ាណាមុខបិតជិត ចង្កៀងមុខ-ក្រោយ LED ព្រមទាំងថាសកង់ស្ព័រជាដើម។ លើសពីនេះ ក៏បានបំពាក់ សេនស័រ កាមេរ៉ាមួយជុំរថយន្តសរុបដល់ទៅ ៣១ ទីតាំងឯណ្ណោះ ។

ចំពោះនៅផ្នែកខាងក្នុងវិញ Xpeng អះអាងថា រថយន្តនេះមានទាបបំផុត បើទោះបីបើកបរល្បើនលឿនក៏ដោយ និងនៅលើតាប្លូមានអេក្រង់ភ្លោះទំហំធំ គាំទ្រដោយឈីប Qualcomm Snapdragon 8155 ព្រមទាំងកៅអីស្រោបដោយស្បែកប្រភេទ Nappa ជាមួយមុខងារខ្យល់-កំដៅផងដេរ ។ លក្ខណៈពិសេសផ្សេងទៀតរួមមាន ឧបករណ៍បំពងសំឡេងដ៏ប្រណិត ២៩ ចំនុច និងកន្លែងសាកថ្មឥតប្រើខ្សែជាដើម ។

ទាក់ទងនឹងថាមពលវិញ រថយន្តនេះ ដំណើរការដោយម៉ូទ័រអគ្គិសនីចំនួន ២ មានកម្លាំង ៥៤៣ សេះ និងកម្លាំងរមួល ៧១៧ ញ៉ូតុនម៉ែត្រ ផ្កួបជាមួយអាគុយទំហំ ៩៨ គីឡូវ៉ាត់ម៉ោង អាចបើកបរបានចម្ងាយ ៧០២ គីឡូម៉ែត្រក្នុងការសាកថ្មពេញម្តង គាំទ្រដោយឆ្នាំងសាកល្បឿនលឿនអាចសាកពី ២០% ទៅ ៨០% ត្រឹមរយៈពេល ២០ នាទី ៕

ផ្ទាំងផ្សាយពាណិជ្ជកម្ម

មកហើយៗ! ភីកអាប់ Ford Ranger ប្រើ Plug-in hybrid ដំបូងគេរបស់ Ford បង្ហាញខ្លួនជាផ្លូវការ

September 19, 2023

[បរទេស] ក្រុមហ៊ុនផលិតរថយន្ត Ford បានធ្វើការដាក់បង្ហាញចេញជាផ្លូវការនៅភីកអាប់ Ford Ranger ប្រភេទ Plug-in hybrid ជាលើកដំបូងបង្អស់របស់ខ្លួន សម្រាប់នៅទីផ្សារអឺរ៉ុប អូស្រ្តាលី និងចក្រភពអង់គ្លេស ។

ភីកអាប់ Ford Ranger នេះ ដំណើរការដោយ plug-in hybrid ធ្វើការរួមគ្នាជាមួយម៉ាស៊ីនចំណុះ ២,៣ លីត្រ EcoBoost ជំនួយដោយ Turbocharged ទំហំ ៤ ស៊ីឡាំង ភ្ជាប់ដោយប្រអប់លេខអូតូ ១០ វគ្គ ផ្គួបជាមួយអាគុយទំហំ ១៤,៤ គីឡូវ៉ាត់ម៉ោង អាចបើកបរបានចម្ងាយ ៤៥ គីឡូម៉ែត្រដោយប្រើថាមពលអគ្គិសនី និងមានសមត្ថភាពអូសសណ្តោងបានដល់ ៣៥០០ គីឡូក្រាម ។ក្នុងនោះ Ford មិនទាន់បង្ហាញកម្លាំងម៉ាស៊ីននៅឡើយទេ ប៉ុន្តែអះអាងថា នឹងមានកម្លាំងខ្លាំងជាងម៉ូដែល Ford Ranger ផ្សេងៗ ។

ការរចនាមិនសូវខុសគ្នាប៉ុន្មាណពីម៉ូដែលធម្មតាទេ ដោយភាពខុសគ្នាសម្រាប់ Ford Ranger plug-in hybrid គឹមានកន្លែងប្រើប្រាស់ថាមពលអគ្គិសនីនៅផ្នែកឃ្លុបខាងក្រោយ ព្រមទាំងកន្លែងសាកថ្មនៅលើរបាំងការពារភុុកផ្នែកខាងក្រោយ និងថាសកង់ទំហំ ១៨ អ៉ីញត្រូវបានរចនាថ្មីជាដើម ។ លើសពីនេះ ក៏បានបន្ថែមនៅប្រព័ន្ធថ្វេរថាមពល Pro Power Onboard system ក្រុមហ៊ុនអះអាងថា អាគុុយដែលបំពាក់នៅលើភីកអាប់នេះ អាចផ្តល់ថាមពលដែលប្រើបាននៅកន្លែងធ្វើការ ឬកន្លែងបោះតង់សម្រាប់ adventure ផងដែរ។

គួរបញ្ជាក់ផងដែរថា ភីកអាប់ Ford Ranger PHEV ស៊េរីឆ្នាំ ២០២៥ នឹងចូលផលិតកម្មនៅចុងឆ្នាំ ២០២៤ ជាមួយនឹងការចែកចាយដំបូងដែលរំពឹងទុកនៅដើមឆ្នាំ ២០២៥ ៕

ផ្ទាំងផ្សាយពាណិជ្ជកម្ម

អបអរសាទរ! ឡានអគ្គិសនីសុទ្ធដំបូងគេបង្អស់របស់ Zeekr សម្រាប់លក់នៅអឺរ៉ុប រំកិលចេញពីរោងចក្រហើយ

September 19, 2023

[ទីផ្សារបរទេស] រថយន្តអគ្គិសនីសុទ្ធ ZEEKR X ដំបូងគេដែលយកទៅលក់ក្នុងទីផ្សារអឺរ៉ុបរបស់ក្រុមហ៊ុន Zeekr ដែលស្ថិតនៅក្រោមក្រុមហ៊ុន Geely បានរំកិលចេញពីរោងចក្រជាផ្លូវការនៅក្នុងប្រទេសចិន សម្រាប់ការដឹកជញ្ជូនទៅកាន់ទីផ្សារទ្វីបអឺរ៉ុបរួមមាន អាឡឺម៉ង់ ហូឡង់ និងស៊ុយអែត ដែលមានតម្លៃលក់ចាប់ពី ៦៣ ៥០០ ដុល្លារ ដល់ ៧២ ០០០ ដុល្លារ គ្រោងនឹងចាប់ផ្តើមលក់នៅឆ្នាំ ២០២៤ ។

ជាមួយគ្នានេះ ផែនការរបស់ Zeekr រួមមានការពង្រីកទៅកាន់ប្រទេសន័រវេស ដាណឺម៉ាក និងប្រទេសបារាំង ដើម្បីគ្របដណ្តប់ទីផ្សារអឺរ៉ុបសំខាន់ៗភាគច្រើននៅឆ្នាំ ២០២៦។ លើសពីនេះ យីហោរបស់ Geely ក៏មានគម្រោងចូលទៅក្នុងទីផ្សារមជ្ឈិមបូព៌ាក្នុងត្រីមាសចុងក្រោយនៃឆ្នាំនេះផងដែរ ដោយប្រទេសអ៉ីស្រាអែលនឹងក្លាយជាប្រទេសដំបូងគេដែល Zeekr បោះជំហានចូល ។

គួរឲ្យដឹងថា រថយន្តអគ្គិសនី ZEEKR X ជាប្រភេទ hatchback ផលិតឡើងនៅលើ SEA architecture ដំណើរការដោយម៉ូទ័រអគ្គិសនីចំនួន ២ មានកម្លាំង ៤២៨ សេះ និងកម្លាំងរមួល ៥៤៣ ញ៉ូតុនម៉ែត្រ ផ្គួបជាមួយអាគុយទំហំ ៦៦ គីឡូវ៉ាត់ម៉ោង អាចបើកបរបានចម្ងាយ ៤៤៥ គីឡូម៉ែត្រក្នុងការសាកថ្មពេញម្តង ៕

ផ្ទាំងផ្សាយពាណិជ្ជកម្ម

ម៉ូដែលពិសេស Geely Galaxy L7 ប្រើ plug-in hybrid ជិះ ១០០ គីឡូម៉ែត្រ ស៊ីសាំងតែជាង ១ លីត្រប៉ុណ្ណោះ

September 19, 2023

[ទីផ្សារបរទេស] ក្រុមហ៊ុនផលិតរថយន្ត Geely បានធ្វើការដាក់បង្ហាញចេញនៅរថយន្តម៉ូដែលពិសេស Geely Galaxy L7 Phantom Editon ប្រភេទកូនកាត់ hybrid ជាមួយតម្លៃលក់ចាប់ពី ២៥ ៥០០ ដុល្លារ នៅក្នុងទីផ្សារប្រទេសចិន ។

រថយន្ត compact SUV នេះ មានប្រវែងតួខ្លួនសរុប ៤ ៧០០ ម.ម ទទឹង ១ ៩០៥ ម.ម កំពស់ ១ ៦៨៥ ម.ម និងប្រវែងគន្លាតកង់មុខ-ក្រោយ ២ ៧៨៥ ម.ម ។ បើនិយាយពីរូបរាងវិញ រថយន្តថ្មីនេះ នៅតែផ្អែកលើភាសារចនារបស់ Galaxy Light ហើយមិនខុសពីម៉ូដែលដើមប៉ុន្មានទេ ដោយនៅផ្នែកខាងមុខមានប៉ាណាបិទជិត ចង្កៀងមុខ-ក្រោយប្រភេទ LED ប្រើប្រាស់នៅថាសកង់ស្ព័រប្រភេទ alloy wheels និងកាង spoiler ជាប់ដំបូលលយចេញមកក្រៅ ។

ចំពោះនៅផ្នែកខាងក្នុងវិញ ដោយនៅលើតាប្លូមានបំពាក់កុងទ័របង្ហាញព័ត៌មានទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១៣,២ អ៉ីញ និងអេក្រង់នៅខាងអ្នកដំណើរទំហំ ១៦,២ អ៉ីញ ភ្ជាប់ដោយមុខងារ Galaxy N OS system ដែលគាំទ្រដោយឈីប Qualcomm Snapdragon 8155 និងបានធ្វើឲ្យប្រសើរឡើងនៅអេក្រង់បង្ហាញលើកញ្ចក់ AR head-up display ទំហំ ២៥,៦ អ៉ីញ ។

ទាក់ទងទៅនឹងផ្នែកម៉ាស៊ីមវិញ រថយន្តនេះ ដំណើរការដោយម៉ាស៊ីនកូនកាត់ plug-in hybrid ជំនាន់ថ្មី ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៤ ស៊ីឡាំង ផ្គួបជាមួយម៉ូទ័រអគ្គិសនីចំនួន ១ មានកម្លាំង ៣៨៤ សេះ និងកម្លាំងរមួល ៥៣៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៣ វគ្គ ។ លើសពីនេះ Phantom Edition អាចបើកបរដោយប្រើថាមពលអគ្គិសនីសុទ្ធបាន ៥៥ គីឡូម៉ែត្រ និង ១១៥ គីឡូម៉ែត្រ ជាមួយកម្រិតស៊ីប្រេង ១,៣ លីត្រក្នុងរយៈចម្ងាយ ១០០ គីឡូម៉ែត្រ និងចាកសាំងពេញអាចបើកបរបានចម្ងាយ ១ ៣៧០ គីឡូម៉ែត្រ ៕

ផ្ទាំងផ្សាយពាណិជ្ជកម្ម

អុញនោះ! មេធំ BYD បានបង្ហើបថា បច្ចុប្បន្នពិភពលោកនៅសល់ប្រេងប្រើបានតែ ៥០ ឆ្នាំទៀតប៉ុណ្ណោះ

September 18, 2023

[បរទេស] កាលពីពេលថ្មីៗ កន្លងទៅនេះ យោងតាមគេហទំព័រ IT Home របស់ប្រទេសចិនបានបង្ហើបថា លោក Wang Chuanfu ដែលជាមហាសេដ្ឋី និងជាប្រធានក្រុមហ៊ុនផលិតរថយន្ត BYD បាននិយាយនៅក្នុងសន្និសីទ ESG Global Leaders Conference 2023 ជាមួយនឹងផ្នែកមួយបញ្ជាក់ថា៖ ប្រសិនបើពិភពលោករបស់យើងនៅតែបន្តប្រើប្រាស់ថាមពលក្នុងអត្រាប្រើប្រាស់ដូចទៅនឹងបច្ចុប្បន្នដែលបានប្រើប្រាស់ នោះប្រេងនៅសល់តែ ៥០ ឆ្នាំទៀតប៉ុណ្ណោះដែលអាចប្រើប្រាស់បាន ចំណែកធ្យូងថ្ម ដែលជាប្រភពថាមពល និងកំដៅដ៏សំខាន់ នឹងនៅមានត្រឹមតែ ២០០ ឆ្នាំទៀតប៉ុណ្ណោះ។

ជាមួយគ្នានេះ លោកក៏បានបញ្ជាក់ផងដែរថា ចាប់តាំងពីបដិវត្តន៍ឧស្សាហកម្មបានចាប់ផ្តើមកាលពី ២៦០ ឆ្នាំមុន ថាមពលហ្វូស៊ីលបានដើរតួនាទីយ៉ាងសំខាន់ក្នុងការលើកកម្ពស់វឌ្ឍនភាពនៃអរិយធម៌របស់មនុស្ស ប៉ុន្តែវាត្រូវតែមកក្នុងតម្លៃខ្ពស់ផងដែរ។ ដោយសារតែមនុស្សឥឡូវនេះបានប្រើប្រាស់ច្រើនជាងពាក់កណ្តាលនៃថាមពលហ្វូស៊ីលដែលមាននៅលើភពផែនដីនេះ។

ប្រសិនបើយើងត្រលប់ទៅអតីតកាលវិញ លោក Zhao Changjiang អ្នកគ្រប់គ្រងទូទៅនៃផ្នែកលក់ Denza ដែលជាម៉ាកយីហោសាខារបស់ BYD នាពេលបច្ចុប្បន្ន បាននិយាយថានៅឆ្នាំ ២០០៤ នៅពេលដែលបានដាក់គំរូរថយន្តអគ្គិសនី ET ដែលប្រើប្រាស់ម៉ូទ័រអគ្គិសនី និងអាគុយដែលមានចម្ងាយបើកបររហូតដល់ ៣៥០ គីឡូម៉ែត្រ ដោយបញ្ជាក់ថា “រថយន្តនេះ គឺជាអ្នកត្រួសត្រាយផ្លូវនៃរថយន្តអគ្គិសនីដែលនឹងត្រូវបានអភិវឌ្ឍសម្រាប់ការប្រើប្រាស់ពាណិជ្ជកម្មនាពេលអនាគត” ៕