ឡានអគ្គិសនី Denza N8 សាកភ្លើងពេញម្តងជិះបានជាង ១ពាន់គីឡូម៉ែត្រ ចេញលក់នៅស្រុកកំណើត

August 7, 2023

[ទីផ្សារបរទេស] ក្រុមហ៊ុនផលិតរថយន្ត Denza បានធ្វើការដាក់បង្ហាញចេញនៅរថយន្តអគ្គិសនីសុទ្ធ Denza N8 ប្រភេទ SUV ជាមួយតម្លៃលក់ចាប់ពី ៤៤ ៦០០ ដុល្លារ ដល់ ៤៥ ៥០០ ដុល្លារនៅក្នុងទីផ្សារប្រទេសចិន ។

រថយន្តនេះមានប្រវែងតួខ្លួនសរុប ៤ ៩៤៩ ម.ម ទទឹង ១ ៩៥០ ម.ម កំពស់ ១ ៧២៥ ម.ម និងប្រវែងគន្លាតកង់មុខ-ក្រោយ ២ ៨៣០ ម.ម ។ សម្រាប់ការឌីស្សាញនៅផ្នែកក្រៅ ត្រូវបានរចនាឡើងដោយផ្អែកលើភាសារចនា “π-Motion” របស់ BYD និងជាគំរូជំនួសសម្រាប់ Denza X ដោយនៅផ្នែកមខាងមុខមានប៉ាណាជាប់សំណុំចង្កៀងអូសកាត់ពីផ្នែកម្ខាងទៅផ្នែកម្ខាង ថាសកង់ស្ព័រ កាង spoiler ជាប់ដំបូលលយចេញក្រៅ និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាងស៊ីគ្នាទៅនឹងផ្នែកខាងមុខ ។

ចំពោះផ្នែកខាងក្នុង មានបំពាក់កុងទ័របង្ហាញ LCD ទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៥,៦ អ៉ីញ គាំទ្រដោយប្រព័ន្ធ Denza Link 5G ។ លើសពីនេះទៀត បានបំពាក់ឧបករណ៍បំពងសំឡេងមកពី Dynaudio និងអេក្រង់បង្ហាញលើកញ្ចក់ទំហំ ១២ អ៉ីញ ផងដែរ ។

ទាក់ទងទៅនឹងផ្នែកម៉ាស៊ីនវិញ ដំណើរដោយម៉ូទ័រអគ្គិសនីចំនួន ៣ អាចផលិតកម្លាំងបានសរុប ៤៨២ សេះ អាចរត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោង ប្រើរយៈពេល ៤,៣ វិនាទី និងមាន Top-speed ១៩០ គីឡូម៉ែត្រក្នុងមួយម៉ោង និងផ្គួបជាមួយអាគុយ Blade battery របស់ BYD ទំហំ ៤៥,៨ គីឡូវ៉ាត់ម៉ោងអាចបើកបរបានចម្ងាយជាង ១០៣០ គីឡូម៉ែត្រក្នុងការសាកថ្មពេញម្តង ។

ចំណែកឯប្រព័ន្ធសុវត្ថិភាព Denza N8 ទទួលបាននៅមុខងារជំនួយការបើកបរកម្រិត 2+ ដែលត្រូវបានគាំទ្រដោយសេនស័រសរុបចំនួន ២៤ រួមទាំង wave radar, កាមេរ៉ាចំនួន ៦ និង ultrasonic ចំនួន ១២ ៕

ផ្ទាំងផ្សាយពាណិជ្ជកម្ម

Toyota លក់រថយន្តបានច្រើនជាង ៥លានគ្រឿង ក្លាយជាក្រុមហ៊ុនលក់ដាច់ជាងគេក្នុងត្រីមាសទី ១ ឆ្នាំនេះ

August 7, 2023

[បរទេស] ក្រុមហ៊ុនផលិតរថយន្ត Toyota Motor ក្លាយជាក្រុមហ៊ុនលក់រថយន្តបានច្រើនជាងគេលើពិភពលោកនៅក្នុងឆមាសទីមួយនៃឆ្នាំ ២០២៣ ដោយបានវ៉ាដាច់ក្រុមហ៊ុន Volkswagen របស់អាល្លឺម៉ង់ និងគូប្រជែងផ្សេងទៀតក្នុងអំឡុងខែមករាដល់ខែមិថុនា ឆ្នាំ ២០២៣ សម្រាប់រយៈពេលបួនឆ្នាំជាប់ៗគ្នា ។

ក្រុមហ៊ុន Toyota បាននិយាយថា ខ្លួនបានលក់រថយន្តចំនួន ៥,៤២ លានគ្រឿងនៅទូទាំងពិភពលោកសម្រាប់រយៈពេល ៦ខែដែលគិតត្រឹមខែមិថុនា ឆ្នាំ ២០២៣ ដោយការលក់ទាំងនោះបូករួមទាំង Daihatsu និងក្រុមហ៊ុនផលិតរថយន្ត Hino បានកើនឡើង ៥,៥% ធៀបនឹងឆ្នាំមុន។ ដោយគិតជាមធ្យម Toyota អាចលក់រថយន្តបាន ២០ គ្រឿងក្នុងមួយនាទី ឬរៀងរាល់ ៣ វិនាទីអាចលក់រថយន្តបានមួយគ្រឿងលក់ទូទាំងពិភពលោក។

គួរបញ្ជាក់ផងដែរថា ផលិតកម្មរថយន្តរបស់ក្រុមហ៊ុន Toyota នៅទូទាំងពិភពលោកបានកើនឡើង ១០,៣% ដល់ចំនួន ៥,៦៣ លានគ្រឿង។ មិនត្រឹមតែប៉ុណ្ណោះ ការផលិតនៅក្រៅប្រទេសជប៉ុនក៏បានឡើងដល់កម្រិតខ្ពស់បំផុតគ្រប់ពេលនៃរថយន្តចំនួន ៣,៥៣ លានគ្រឿង កើនឡើង ៤,៩% ។

ទន្ទឹមនឹងនេះ Toyota ដែលជាម៉ាកយីហោរថយន្តរបស់ជប៉ុនបាននិយាយថា ការលក់ដ៏ខ្លាំងបានមកពីការបង្កើនផលិតកម្មសកលដើម្បីរក្សាតម្រូវការដែលកំពុងកើនឡើងចំពេលមានការបន្ធូរបន្ថយនៃកង្វះបន្ទះឈីប ៕

ផ្ទាំងផ្សាយពាណិជ្ជកម្ម

Stargazer ផ្កាយថ្មីរបស់ Hyundai បានមកដល់កម្ពុជាហើយ អំឡុងខែសីហានេះ!

August 6, 2023

ភ្នំពេញ ថ្ងៃទី ០៥ ខែ សីហា ឆ្នាំ ២០២៣ – ក្រុមហ៊ុន Hyundai Cambodia ក្រោមការដឹកនាំរបស់ Camko Motor Company Ltd. បានដាក់សម្ពោធរថយន្តជំនាន់ថ្មី Hyundai Stargazer ស៊េរីឆ្នាំ ២០២៣ ជាផ្លូវការហើយ។ Hyundai Cambodia ក្រោមស្លាកយីហោពាណិជ្ជកម្មផ្លូវការ Camko Motor Company Ltd ត្រូវបានស្ថាបនាឡើងពេញរូបរាង នៅឆ្នាំ ២០០៩ និងបានជ្រើសរើសយករថយន្ដម៉ាកល្បីរបស់សាធារណរដ្ឋកូរ៉េ Hyundai ដំបូងគេមកទីផ្សារកម្ពុជា។ ក្រុមហ៊ុន Hyundai ទទួលបានការគាំទ្រពីអតិថិជនយ៉ាងខ្លាំង និងមានការរីកចម្រើនគួរអោយកត់សម្គាល់ជារៀងរាល់ឆ្នាំ រហូតដល់ពេលនេះ Hyundai បានកាន់កាប់ចំណែកទីផ្សារនៃរថយន្ត SUV និងរថយន្តពាណិជ្ជកម្មដល់ទៅ ២៦% នៃទីផ្សាររបស់កម្ពុជា។

ថ្ងៃនេះ ក្រុមហ៊ុន Hyundai Cambodia នៅតែបន្តផ្តល់ជូនរថយន្តជាលក្ខណៈ SUV ដ៏ល្អឥតខ្ចោះ ដែលត្រូវបានពង្រឹងបន្ថែមជាមួយនឹងប្រព័ន្ធ MPV ដែលយើងហៅថា ជារថយន្តមានមុខងារច្រើនក្នុងពេលតែមួយ ឬអាចហៅតាមរហស្សនាមដែល Hyundai ដាក់អោយថាជាអំបូរផ្កាយ (Star Line Up)។ ជាប្រវត្តិសាស្ត្រ រថយន្ត Starex របស់ក្រុមហ៊ុន Hyundai បានសាងកេរ្តិ៍ឈ្មោះរបស់ខ្លួនអោយក្លាយជារថយន្ត ដែលលក់ដាច់បំផុតរបស់ពិភពលោក។ បន្ទាប់ពីធ្វើការតាមដានលើទីផ្សារអស់រយៈពេលពីរបីឆ្នាំក្រោយមក Hyundai ក៏សម្រេចចិត្តផលិត H-1 ដែលជារថយន្តប្រភេទពាណិជ្ជកម្ម នឹងបន្តចៃ្នប្រឌិតបង្កើតរថយន្ត ដែលមានលក្ខណៈប្រណីតមួយមានឈ្មោះថា Staria ។ រថយន្តដ៏ទំនើបម៉ូដែលនេះ បានទទួលការពេញនិយមយ៉ាងខ្លាំង នៅក្នុងប្រទេសកម្ពុជា មនុស្សគ្រប់គ្នានិយាយថា វាជានិមិត្តសញ្ញាដ៏អស្ចារ្យមួយ ប្រសិនបើលោកអ្ន កបានធ្វើជាម្ចាស់រថយន្ដ Staria មួយនេះ។

ឆ្នាំ ២០២៣ បានឈានមកដល់យ៉ាងលឿន ក្រុមហ៊ុន Hyundai នៅតែសម្រេចចិត្តបន្ត និងវិវឌ្ឍគោលគំនិតនៃរថយន្ត MPV របស់ខ្លួនអោយកាន់តែពិសេស ដោយការផលិតលើកនេះ ទំហំមិនត្រូវបានកំណត់នោះទេ ព្រោះក្រុមហ៊ុន Hyundai ដឹងថា រថយន្តជាលក្ខណៈគ្រួសារខ្នាតតូច មានការកើនឡើងគួរអោយកត់សម្គាល់។ ទោះបីបច្ចុប្បន្ននេះ មានរថយន្តខ្នាតតូចពីរប្រភេទ កំពុងមានសន្ទុះក្នុងទីផ្សារក៏ដោយ ក៏វត្តមានរបស់ Hyundai Stargazer នឹងធ្វើអោយអ្នកធ្លាប់ប្រើប្រាស់រថយន្ត ឬកំពុងស្វែងរកទិញរថយន្តថ្មី ប្រាកដជាបានដឹងថា រថយន្តមួយនេះមានថាមពលខ្លាំង និងទំនើបបែបណាក្នុងការបម្រើជូនជីវិតប្រចាំថ្ងៃរបស់លោកអ្នក។

ដើម្បីត្រៀមខ្លួនលើទីផ្សារដ៏ប្រកួតប្រជែងមួយនេះ Hyundai បានដាក់់បញ្ចូលប្រព័ន្ធឆ្លាតវៃ Sensor Functions ដែលជាមុខងារធ្លាប់ទទួលបានពានរង្វាន់ ចូលទៅក្នុង Stargazer ព្រមទាំងគិតគូរយ៉ាងដិតដល់ ទៅលើការឌីហ្សាញផ្ទៃខាងក្នុង ដូចជាការរចនាកៅអីជាមួយស្បែកប្រណីត និងបំពាក់ឧបករណ៍បំពងសំឡេងម៉ាក Bose ព្រមទាំងកម្លាំងម៉ាស៊ីនសេះយ៉ាងខ្លាំងថែមទៀតផង ។ បើនិយាយពីរូបរាង ទោះជា Stargazer ទំហំតូចជាង Staria ក៏ពិតមែន ប៉ុន្តែនៅតែទូលាយខ្លាំង ជាមួយនឹងកៅអីដល់ទៅ ៧ សម្រាប់ក្រុមគ្រួសាររបស់លោកអ្នកធ្វើដំណើរកម្សាន្តផ្លូវឆ្ងាយ បានយ៉ាងមានផាសុកភាព។

Stargazer ត្រូវបានបង្កើតឡើងដើម្បីឆ្លើយតបនឹងតម្រូវការអតិថិជន ដែលចូលចិត្តរថយន្ត Staria ប៉ុន្តែចង់បានទំហំតូចជាង ជាមួយនឹងកញ្ចប់ថវិកា ដែលសមស្របមួយក្នុងការទិញរថយន្តជាលើកដំបូងរបស់ខ្លួន។ ចាប់ពីថ្ងៃទី០៥ ខែសីហា ឆ្នាំ២០២៣ ក្រោយការដាក់សម្ពោធនេះតទៅ Stargazer នឹងមានលក់ជាផ្លូវការដោយក្រុមហ៊ុន Hyundai Cambodia អតិថិជនអាចអញ្ជើញមកទស្សនាដោយផ្ទាល់ និងបើកសាកល្បងបាន នៅគ្រប់សាខាលក់រថយន្តរបស់ Hyundai ។

ដោយមើលឃើញ ភាពល្អឥតខ្ចោះ បូករួមទាំងបច្ចេកវិទ្យាជំនាន់ថ្មី ព្រមទាំងតម្លៃដល់ពិសេស វាមិនពិបាកក្នុងការសន្មតថារថយន្ត MPV ស៊េរីថ្មី Hyundai Stargazer មួយនេះ នឹងអាចក្លាយជារថយន្តមួយផ្សេងទៀត ដែលលក់ដាច់ជាងគេ នៅក្នុងទីផ្សារកម្ពុជា៕

ផ្ទាំងផ្សាយពាណិជ្ជកម្ម

Nissan បញ្ជាក់ច្បាស់ៗថា ខ្លួននឹងបញ្ចប់ជីវិតភីកអាប់ខ្នាតធំ Nissan Titan បន្ទាប់ពីម៉ូដែលឆ្នាំ ២០២៤

August 5, 2023

[បរទេស] ក្រុមហ៊ុនផលិតរថយន្ត Nissan គ្រោងនឹងធ្វើការឈប់ផលិតនៅរថយន្ត Nissan Titan ប្រភេទភីកអាប់ខ្នាតធំបន្ទាប់ពីម៉ូដែលឆ្នាំ ២០២៤ ដោយបាននិយាយប្រាប់គេហទំព័រ Carscoops ថា ការផលិតរថយន្ត Nissan Titan គ្រោងនឹងបញ្ចប់រដូវក្តៅឆ្នាំ ២០២៤ នៅរោងចក្រ Canton ក្រោមចក្ខុវិស័យរបស់ Nissan មហិច្ឆតាឆ្នាំ ២០៣០ នៃអនាគតប្រកបដោយថាមពលអគ្គិសនីសុទ្ធ ហើយវានឹងមិនមានការកាត់បន្ថយកម្លាំងពលកម្មដោយសារសកម្មភាពនេះទេ។

ទោះបីជាដំណឹងនេះនឹងត្រូវបានឆ្លើយតបដោយការព្រួយបារម្ភដោយកម្មករនៅរោងចក្រ Canton និងរោងចក្រ Decherd,ដែលជាកន្លែងផលិតម៉ាស៊ីនសម្រាប់ Titan ក៏ដោយ ឯកសារលេចធ្លាយដើមរបស់ក្រុមហ៊ុន Nissan ក៏បានបញ្ជាក់ឡើងវិញនូវជំហរផ្លូវការថា “នឹងមិនមានការកាត់បន្ថយការងារ” នៅកន្លែងណាមួយឡើយ។

គួរបញ្ជាក់ផងដែរថា ភីកអាប់ Nissan Titan ត្រូវបានបង្ហាញជាលើកដំបូងនៅក្នុងឆ្នាំ ២០០៣ ជាមួយនឹងមហិច្ឆតាលក់បាន ១០០ ០០០ គ្រឿងក្នុងមួយឆ្នាំនៅសហរដ្ឋអាមេរិក ហើយការលក់ដំបូងគឺខ្លាំង ដែលឈានដល់ជិត ៨៧ ០០០ នៅឆ្នាំ ២០០៥។ ប៉ុន្តែតម្រូវការបានធ្លាក់ចុះក្នុងរយៈពេលប៉ុន្មានឆ្នាំមកនេះ ដោយបានធ្លាក់ចុះមកត្រឹម ៥២ ៩២៥ គ្រឿងក្នុងឆ្នាំ ២០១៧ ហើយធ្លាក់ចុះមកត្រឹម ២៧ ៤០៦ គ្រឿងនៅឆ្នាំ ២០២១ ។

ក្រុមហ៊ុនផលិតរថយន្តបានដាក់បង្ហាញចេញ Nissan Titan ស៊េរីឆ្នាំ ២០២៤ កាលពីដើមសប្តាហ៍នេះ ដោយមានតម្លៃលក់ចាប់ពី ៤៧ ៦៦៥ ដុល្លារ ដែលថ្លៃជាងម៉ូដែលឆ្នាំ ២០២៣ ដល់ទៅ ៦ ១៧០ ដុល្លារឯណ្ណោះ ៕

ផ្ទាំងផ្សាយពាណិជ្ជកម្ម

Lexus RX ស៊េរីឆ្នាំ ២០២៤ ទទួលបានម៉ាស៊ីន Plug-in hybrid គ្រោងនឹងចេញលក់នៅចុងឆ្នាំនេះ

August 5, 2023

[ទីផ្សារបរទេស] ក្រុមហ៊ុនផលិតរថយន្ត Lexus បានធ្វើការដាក់បន្ថែមនៅរថយន្ត Lexus RX ស៊េរីឆ្នាំ ២០២៤ ប្រភេទ Plug-in hybrid គ្រោងនឹងចេញលក់ជាផ្លូវការនៅទីផ្សារសហរដ្ឋអាមេរិកនៅចុងឆ្នាំ ២០២៣ ជាមួយតម្លៃលក់ចាប់ពី ៧០ ០៨០ ដុល្លារ ។

ម៉ូដែលដែលទទួលបានម៉ាស៊ីននេះ គឺម៉ូដែល Lexus RX 450h+ បំពាក់នៅម៉ាស៊ីន Plug-in Hybrid ចំណុះ ២,៥ លីត្រ ទំហំ ៤ស៊ីឡាំង ផ្គួបជាមួយម៉ូទ័រអេគ្គិសនីចំនួន ២ និងកញ្ចប់ថ្មលីដ្យូម អាចផលិតបានកម្លាំងសរុប ៣០៤ សេះ អាចរត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោងក្នុងរយៈពេលប្រហែល ៦,២ វិនាទី និងមាន top-speed ២០០ គីឡូម៉ែត្រក្នុងមួយម៉ោង ប្រភេទបើកបរប៉ុង២ all-wheel drive និងអាចបើកបរបានចម្ងាយ ៥៦ គីឡូម៉ែត្រក្នុងការប្រើប្រាស់ថាមពលអគ្គិសនី ។

ក្រៅពីខទទួលបានម៉ាស៊ីន Plug-in Hybrid ហើយ Lexus RX 450h+ បានបំពាក់មកជាស្តងដារដូចជា ថាសកង់ស្ព័រទំហំ ២១ អ៊ីញដែលមានផ្ទៃលោហៈពណ៌ខ្មៅ កៅអីស្បែកប្រភេទ semi-aniline ជាមួយនឹងកំដៅនិងខ្យល់ អេក្រង់បង្ហាញលើកញ្ចក់ អេក្រង់កំសាន្ត touchscreen ទំហំ ១៤ អ៉ីញ ដៃចង្កូតដែលមានកំដៅ និងដំបូលកញ្ចក់បែប Panoramic glass roof ជាដើម ។ លើសពីនេះ ក៏ទទួលបាននៅប្រព័ន្ធសុវត្ថិភាព Lexus Safety System+ 3.0 ទៀតផង ៕

ផ្ទាំងផ្សាយពាណិជ្ជកម្ម

Toyota Land Cruiser Prado ស៊េរីថ្មីចុងក្រោយ ទទួលបានប្លុកម៉ាស៊ីនដូចទៅនឹង Toyota Fortuner

August 4, 2023

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅរថយន្ត Toyota Land Cruiser Prado ស៊េរីឆ្នាំ ២០២៤ ឬត្រូវបានគេស្គាល់ថា Toyota Land Cruiser 250 series ទទួលបានម៉ាស៊ីនថ្មីដូចទៅនឹងរថយន្ត Toyota Fortuner នឹងបើកទទួលការកក់ទុកនៅក្នុងខែតុលា ឆ្នាំ ២០២៣ សម្រាប់ទីផ្សារតំបន់អឺរ៉ុប។

ម៉ាស៊ីនដែលទទួលបាននេះ គឺម៉ាស៊ីនម៉ាស៊ូតចំណុះ ២,៨ លីត្រ ប្រភេទ 1GD-FTV ទំហំ ៤ស៊ីឡាំង អាចផលិតកម្លាំងបាន ២០៤ សេះ និងកម្លាំរមួល ៥០០ ញ៉ូតុនម៉ែត្រ ភ្ជាប់ដោយប្រអប់លេខអូតូ Direct Shift ៨វគ្គ ។ លើសពីនេះ Toyota ក៏មានគម្រោងផ្តល់ជូនជាមួយនឹងប្រព័ន្ធកូនកាត់ Mild-hybrid 48V ភ្ជាប់ជាមួយនឹងប្លុកម៉ាស៊ីនម៉ាស៊ូតចំណុះ ២,៨ លីត្រ ដែលគ្រោងនឹងដាក់ឲ្យដំណើរការនៅអឺរ៉ុប និងអូស្ត្រាលីនៅឆ្នាំ ២០២៥។

រថយន្តនេះ ត្រូវបានផលិតឡើងនៅលើគ្រោងឆ្អឹង GA-F platform ផ្តល់នៅភាពរឹងមាំជាងមុនដល់ទៅ ៥០% និងទទួលបានប្រព័ន្ធដៃចង្កូតអេឡិចត្រូចនិចជាដំបូង រួមទាំងគាំទ្រមុខងាររបស់ប្រព័ន្ធ Lane Tracing Assist ដែលជាផ្នែកមួយនៃប្រព័ន្ធ Toyota Safety Sense។ មិនត្រឹមតែប៉ុណ្ណោះ ក៏បានធ្វើឲ្យប្រសើរឡើងនៅបច្ចេកវិទ្យាទប់លំនឺង Stabilizer ដោយក្រុមហ៊ុនអះអាងថា នឹងផ្តល់នៅប្រសិទិ្ធភាពកាន់តែល្អក្នុងការបើកបរលើផ្លូវពិបាកៗ ឬ off-road ជាដើម ៕

ផ្ទាំងផ្សាយពាណិជ្ជកម្ម

បែកធ្លាយរូបប៉ាតង់របស់រថយន្ត MG3 មុនពេលបង្ហាញរូបរាងនៅឆ្នាំក្រោយ

August 4, 2023

[បរទេស] កាលពីពេលថ្មីៗនេះ រូបភាពប៉ាតង់ថ្មីមួយរបស់រថយន្ត MG3 ប្រើប្រាស់ម៉ាស៊ីនកូនកាត់ hybrid ត្រូវបានបែកធ្លាយនៅលើបណ្តាញសង្គមអ៊ីនធឺនេតមុនបង្ហាញខ្លួននៅតំបន់អឺរ៉ុបនៅក្នុងឆ្នាំ ២០២៤ ។

តាមរូបភាពដែលបែកធ្លាតបានឲ្យឃើញថា ការរចនារបស់ MG 3 ថ្មី បានយកពីរថយន្ត MG 5 ប្រភេទ sedan ដែលមានប៉ាណាទំហំធំ និងចង្កៀងរាងស្លីម ថាសកង់ និងចង្កៀងក្រោយរចនាឡើងវិញទាំងស្រុង បញ្ជាក់ថា រថយន្តនេះមិនមែនជារថយន្តអគ្គិសនីនោះទេ ។

បើយោករបាយការណ៍របស់ចក្រភពអង់គ្លេសដែលមិនបានបញ្ជាក់បានអះអាងថា MG 3 ថ្មីអាចនឹងត្រូវបានបំពាក់ដោយម៉ាស៊ីនកូនកាត់ Hybrid ដែលរួមបញ្ចូលគ្នានៅម៉ាស៊ីនសាំងចំណុះ ១,៥ លីត្រ ជាមួយនឹងម៉ូទ័រអគ្គីសនី ពោលគឺអាចប្រើម៉ាស៊ីន MG VS ថ្មី ដូចជាម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង ដែលអាចផលិតកម្លាំងបានសរុប ១៧៧ សេះ និងកម្លាំងរមួល ៣៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ E-CVT និងអាគុយប្រភេទលីដ្យូម ៕

ផ្ទាំងផ្សាយពាណិជ្ជកម្ម

ភីកអាប់អគ្គីសនី Fisker Alaska សាកភ្លើងពេញម្តងជិះបានជាង ៥០០ គីឡូម៉ែត្រ រូបរាងឡូយកប់

August 4, 2023

[ទីផ្សារបរទេស] ក្រុមហ៊ុនផលិតរថយន្ត Fisker បានធ្វើការដាក់បង្ហាញចេញនៅរថយន្តអគ្គិសនីរបស់ខ្លួនចំនួន ៤ ដោយមួយនៅក្នុងចំណោមគឺរថយន្តជាភីកអាប់ Fisker Alaska ប្រើថាមពលអគ្គិសនីដែលប្រធានក្រុមហ៊ុននេះ បានដាក់រហ័សនាមថា Ferrari of pickup ដែលចូលមកប្រកួតប្រវែងជាមួយ Rivian R1T, Tesla Cybertruck និង Ford F-150 Lightning ជាដើម។

ភីកអាប់នេះ ត្រូវបានផលិតឡើងនៅលើគ្រោងឆ្អឹង The Ocean architecture ដែលមានរូបរាងដ៏ទាក់ទាញជាមួយការរចនាបែបអនាគត និងថ្មីហើយប្លែក ដោយនៅផ្នែកខាងមុខមានប៉ាណាបិទជិត ជាប់ដោយចង្កៀងរចនាយ៉ាងពិសេស និងកាងការពារមុខដ៏រឹងមាំ ព្រមទាំងប្រើប្រាស់នៅថាសកង់ស្ព័រទំហំធំ ចង្កៀងក៏ជាប្រភេទ LED ឃ្លុបក្រោយមានរបាភ្លើងលម្អ និងកញ្ចក់ក្រោយអាចបើកផងដែរ ។ ខណៈព័ត៌មានលម្អិតនៅផ្នែកខាងក្នុងក្រុមហ៊ុនមិនទាន់បានបង្ហាញនៅឡើយទេ ។

ទាក់ទងទៅនឹងការបើកបរវិញ ក្រុមហ៊ុនបានបញ្ជាក់ថា ភីកអាប់អគ្គិសនីនេះអាចបើកបរបានចម្ងាយ ៥៤៧ គីឡូម៉ែត្រក្នុងការសាកថ្មពេញម្តង គ្រោងនឹងធ្វើការចេញលក់នៅក្នុងឆ្នាំ ២០២៤ ជាមួយតម្លៃលក់ចាប់ពី ៤៥ ៤០០ ដុល្លារ ៕

ផ្ទាំងផ្សាយពាណិជ្ជកម្ម

Toyota Land Cruiser ប្រភេទ 70 series ឆ្នាំ ២០២៤ ទទួលបានការអភិវឌ្ឍន៍ថ្មី ក្រោយខកខានជាង ៤០ឆ្នាំ

August 3, 2023

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅរថយន្ត Toyota Land Cruiser ប្រភេទ 70 series ដែលទទួលបានការអភិវឌ្ឍន៍ឡើងវិញទាំងការឌីស្សាញ ដ៏ដូចជាប្រព័ន្ធសុវត្ថិភាព និងផ្នែកម៉ាស៊ីន ដែលផ្តល់ជូននៅជម្រើសដូចជា single cab, double cab, troop carrier និង wagon នឹងត្រលប់មកកាន់ទីផ្សារប្រទេសជប៉ុនឡើងវិញក្រោយខកខានជាង ៤០ឆ្នាំមក។

សម្រាប់ម៉ូដែលឆ្នាំ ២០២៤ នេះត្រូវបានផលិតឡើងដំបូងនៅក្នុងឆ្នាំ ១៩៥១ ដោយគិតមកដល់ពេលនេះមានអាយុកាល ៧២ ឆ្នាំហើយ និងទទួលបានការកែមុខមាត់ថ្មីចំនួន ៤ដងចាប់តាំងពីឆ្នាំ ១៩៨៤ ។ រថយន្តនេះ ត្រូវបានផលិតឡើងនៅគ្រោងឆ្អឹង Ladder frame chassis មានប្រវែងតួខ្លួនសរុប ៤ ៨៩០ ម.ម ទទឹង ១ ៨៧០ ម.ម កំពស់ ១ ៩២០ ម.ម និងប្រវែងគន្លាតកង់មុខ-ក្រោយ ២ ៧៣០ ម.ម ។ Land Cruiser 70 Series ស៊េរីឆ្នាំ ២០២៤ ទទួលបានមុខថ្មីជាមួយនឹងចង្កៀងមុខ LED ទាំងមូលជាប់ទៅនឹងប៉ាណារាងជា Honeycomb និងកាងមុខលយចេញមកក្រៅ ។ ខណះផ្នែកចំហៀងមានរបាំងការពារភុករចនាពីម៉ូដែលនៅក្នុងឆ្នាំ ១៩៨៤ និងផ្នែកក្រោយរចនាចង្កៀងនៅកាងការពារដែលចេញមកក្រៅវិញដែលផ្តល់នៅភាពស៊ីគ្នាទៅនឹងផ្នែកខាងមុខ ។

ចំពោះនៅផ្នែកខាងក្នុងវិញ កុងស៊ូលកណ្តាលត្រូវបានកែឡើងវិញ និងបានបំពាក់ជាមួយកុងទ័របង្ហាញព័ត៌មានថ្មីទំហំ ៤,២ អ៉ីញជាមួយនឹងក្រាហ្វិកពីរថយន្តជំនាន់ដើម ។ ខណៈ នៅប្រទេសអូស្ត្រាលី គ្រប់ម៉ូដែលទាំងអស់ទទួលបានអេក្រង់កំសាន្ត touchscreen ទំហំ ៦,៧ អ៉ីញជាស្តង់ដារ អាចភ្ជាប់មុខងារ Apple CarPlay និង Android Auto ។ មិនត្រឹមតែប៉ុណ្ណោះ ប្រព័ន្ធសុវត្ថិភាពក៏ត្រូវបានធ្វើឱ្យប្រសើរឡើងផងដែរជាមួយនឹង Toyota Safety Sense ទៀតផង។

ការផ្លាស់ប្តូរដ៏ធំគឺទៅលើផ្នែកម៉ាស៊ីន ដោយទទួលបានជម្រើសម៉ាស៊ីនថ្មីពោលគឺម៉ាស៊ីនម៉ាស៊ូតចំណុះ ២,៨ លីត្រ turbo ទំហំ ៤ស៊ីឡាំង ផលិតកម្លាំងបាន ២០១ សេះ និងកម្លាំងរមួល ៥០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦ វគ្គប្រភេទ Super ECT ប្រភេទបើកបរប៉ុង ២ 4WD ។ ម៉ាស៊ីនថ្មីនេះ Toyota អះអាងថា ដែលផ្តល់នៅកម្រិតស៊ីប្រេងតិច ក៏ដូចជាកាត់បន្ថយសំលេងរំខាន និងមានប្រសិទ្ធភាពខ្លាំងក្នុងការបើកបរលើផ្លូវការលំបាកៗបានផងដែរ ។ ខណៈ ម៉ាស៊ីនចាស់ គឺម៉ាស៊ីនម៉ាស៊ូតចំណុះ ៤,៥ លីត្រ Turbo V8 នៅតែមានដដែល ៕

ផ្ទាំងផ្សាយពាណិជ្ជកម្ម

ភីកអាប់ Nissan Titan ស៊េរីឆ្នាំ ២០២៤ តម្លៃថ្លៃជាងម៉ូដែលឆ្នាំ ២០២៣ ដល់ទៅ ៦ពាន់ដុល្លារ

August 3, 2023

[ទីផ្សារបរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញនៅភីកអាប់ Nissan Titan ស៊េរីឆ្នាំ ២០២៤ និងបានធ្វើការដំឡើងតម្លៃដល់ទៅ ៦ ១៧០ ដុល្លារបើធៀបទៅនឹងម៉ូដែលឆ្នាំ ២០២៣ ដោយឥឡូវមានតម្លៃចាប់ពី ៤៧ ៦៦៥ ដុល្លារឡើងទៅសម្រាប់ទីផ្សារអាមេរិកខាងជើង ។

ភីកអាប់នេះមានប្រវែងតួខ្លួនសរុប ៥ ៨២៩ ម.ម ទទឹង ២ ០៤៩ ម.ម កំពស់ ១ ៩៦០ ម.ម និងប្រវែងគន្លាតកង់មុខ-ក្រោយ ៣ ៥៥០ ម.ម ។សម្រាប់នៅផ្នែកខាងក្រៅ ដោយនៅផ្នែកមុខមានប៉ាណាមួយផ្ទាំងធំរាងជាសំណាញ៉មានរបាអូសកាត់ អបសងខាងដោយសំណុំចង្កៀង LED រាងអក្សរ C ប្រើប្រាស់នៅថាសកង់ស្ព័រទំហំ ១៨ អ៉ីញ កាងការពារផ្នែកខាងមុខ-ក្រោយ និងចង្កៀងប្រភេទ LED ។

ចំពោះនៅផ្នែកខាងក្នុងវិញ ផ្តោតលើការតុបតែងបែបស្ព័រ ដោយនៅដៃចង្កូត និងកៅអីរចនាពិសេស ជាមួយនឹងឡូហ្គោប៉ាក់ PRO-4X អេក្រង់កំសាន្ត touchscreen ទំហំ ៩ អ៉ីញ ភ្ជាប់ដោយមុខងារ Apple CarPlay និង Android Auto ព្រមទាំងឧបករណ៍បំពងសំឡេងប្រភេទ Fender ចំនួន ១០-១២ ចំនុច ដំបូលកញ្ចក់ Panoramic sunroof និងកាម៉េរា ៣៦០ ដឺក្រេ ។

ទាក់ទងទៅនឹងផ្នែកម៉ាស៊ីនវិញ ភីកអាប់នេះដំណើរការដោយម៉ាស៊ីនសាំងចំណុះ ៥,៦ លីត្រ V8 អាចផលិតកម្លាំងបាន ៤០០ សេះ និងកម្លាំងរមួល ៥៦០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៩ វគ្គ ប្រភេទបើកបរប៉ុង ២ 4WD ថ្មី ។ បន្ថែមពីនេះ ទទួលបានប្រព័ន្ធសុវត្ថិភាព Nissan Safety Shield 360 ជាស្តង់ដារ ៕