Ford និង Tesla ឈានដល់កិច្ចព្រមព្រៀងគ្នា ក្នុងការឲ្យរថយន្តប្រើប្រាស់ឧបករណ៍បញ្ចូលថ្មល្បឿនលឿនរបស់ Tesla Supercharger

May 26, 2023

[បរទេស] ក្រុមហ៊ុន Ford បានធ្វើការប្រកាសថា ក្រុមហ៊ុនបានឈានដល់កិច្ចព្រមព្រៀងជាមួយក្រុមហ៊ុន Tesla ដោយនាពេលអនាគតនឹងផ្តល់ឲ្យអតិថិជនរថយន្តអគ្គិសនីរបស់ខ្លួននឹងអាចប្រើប្រាស់ឧបករណ៍បញ្ចូលថ្ម Tesla Superchargers ទាំងអស់នៅក្នុងសហរដ្ឋអាមេរិក និងកាណាដាដែលចាប់ផ្តើមនៅឆ្នាំ ២០២៤ ។

ប៉ុន្តែ សម្រាប់អ្នកប្រើប្រាស់រថយន្តអគ្គិសនី Ford Mustang Mach-E, F-150 Lightning និង E-Transit នឹងត្រូវប្រើអាដាប់ទ័រ (NACS) ដែលបង្កើតដោយ Tesla ដែលនឹងអាចឱ្យពួកគេសាកនៅ Superchargers ហើយពួកគេក៏នឹងត្រូវបើកដំណើរការ និងបង់ប្រាក់តាមរយៈ FordPass ឬ Ford Pro Intelligence ផងដែរ។

ប្រធានក្រុមហ៊ុន Ford នឹងជានាយកប្រតិបត្តិ លោក Farley បាននិយាយនៅករណី twitter ថា នេះគឺជាដំណឹងដ៏អស្ចារ្យសម្រាប់អតិថិជនរបស់យើង ដែលនឹងមានលទ្ធភាពចូលប្រើប្រាស់បណ្តាញសាកលឿនបំផុតទ្វេដងដែលមិនធ្លាប់មានពីមុនមកនៅសហរដ្ឋអាមេរិក និងកាណាដា ជាមួយនឹងឧបករណ៍សាកថ្ម 12,000+ Tesla Superchargers ជាមួយនឹងឆ្នាំងសាកលឿន 10,000+ fast-chargers ដែលមានស្រាប់នៅក្នុងបណ្តាញសាកថ្ម BlueOval ។

ជាមួយគ្នានេះ លោកបានបន្ថែមថា ការចូលប្រើប្រាស់យ៉ាងទូលំទូលាយក្នុងការសាកថ្មលឿនគឺពិតជាមានសារៈសំខាន់សម្រាប់ការរីកចម្រើនរបស់យើងក្នុងនាមជាម៉ាកយីហោរថយន្តអគ្គិសនី ហើយកិច្ចព្រមព្រៀងជោគជ័យនេះកើតឡើងនៅពេលដែលយើងកំពុងបង្កើនការផលិតរថយន្ត Mustang Mach-E និង F-150 Lightning ដ៏ពេញនិយមរបស់យើង ហើយកំពុងរៀបចំដាក់បង្ហាញនៅរថយន្តអគ្គិសនីជំនាន់ថ្មីដែលចាប់ផ្តើមនៅឆ្នាំ ២០២៥ ។

គួរឲ្យដឹងដា ដុំសាកថ្មរបស់ Tesla (NACS) គឺជាឧបករណ៍ភ្ជាប់សម្រាប់ការសាកថ្មនៅផ្ទះ ក៏ដូចជាសម្រាប់ការសាកថ្មលឿន DC នៅ Tesla Superchargers ឬនៅកន្លែងសាកថ្មលឿនផ្សេងទៀតដោយការប្រើដុំអាដាប់ទ័រតែមួយ ៕

ផ្ទាំងផ្សាយពាណិជ្ជកម្ម

BMW កំពុងពិចារណាក្នុងការបោះជំហានចូលទៅក្នុងទីផ្សាររថយន្តភីកអាប់

May 26, 2023

[បរទេស] កាលពីពេលថ្មីៗ កន្លងទៅនេះ ក្រុមហ៊ុនផលិត BMW ទើបតែបានធ្វើការដាក់បង្ហាញចេញនៅរថយន្ត BMW 5 Series នៅក្នុងប្រទេសអ៊ីតាលី និងបានពិភាក្សាជាមួយប្រធានផ្នែកឌីហ្សាញរបស់ BMW លោក Domagoj Dukec នៅ Villa D’Este បានឲ្យដឹងថា BMW កំពុងសម្លឹងមើលក្នុងការផលិតរថយន្តភីកអាប់ផងដែរ ។

គួរឲ្យដឹងថា ក្រុមអ្នកឌីស្សាញ Kleber Silva ធ្លាប់បានផលិតឡើងជារថយន្ត BMW xM Truck ដោយការរចនាគឺផ្អែកលើគ្រោងឆ្អឹងរបស់ភិកអាប់ RAM 1500 ឆ្នាំ ២០១៩ ។ ដូចគ្នានេះដែរ សម្រាប់រថយន្តភីកអាប់ BMW ត្រូវបានគេរំពឹងថា នឹងឃើញជារថយន្តភីកអាប់ខ្នាតតូចនៅលើតួរថយន្ត BMW X5 ដ៏រឹងមាំ។

យ៉ាងណាមិញ ក្រុមហ៊ុនផលិតរថយន្ត BMW មិនទាន់បង្ហើបអ្វីច្រើនទៀតទេអំពីគម្រោងក្នុងការផលិតរថយន្តភីកអាប់ ដូច្នេះ យើងត្រូវតែបន្តតាមដានអំពីគម្រោងនេះបន្តទៀត៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Nio ES6 ជំនាន់ថ្មី សាកថ្មពេញម្តងជិះបានជាង ៦០០ គីឡូម៉ែត្រ ចេញលក់ជាផ្លូវការនៅប្រទេសកំណើត

May 25, 2023

[ទីផ្សារបរទេស] ក្រុមហ៊ុនផលិតរថយន្ត Nio បានធ្វើការចេញលក់ជាផ្លូវការនៅរថយន្តអគ្គិសនី Nio ES6 ស៊េរីឆ្នាំ ២០២៣ ជាមួយតម្លៃលក់ចាប់ពី ៥០ ០៣៨ ដុល្លារ (50,038$) ដល់ ៦០ ២៤០ ដុល្លារ (60,240$) នៅក្នុងទីផ្សារប្រទេសចិន ។

រថយន្តអគ្គិសនីនេះ ប្រើប្រាស់នៅគ្រោងឆ្អឹង NT2 platform ជំនាន់ថ្មី មានប្រវែងតួខ្លួនសរុប ៤ ៨៥៤ ម.ម ទទឹង ១ ៩៩៥ ម.ម កំពស់ ១ ៧០៣ ម.ម និងប្រវែងគន្លាតកង់មុខ-ក្រោយ ២ ៩១៥ ម.ម ។ សម្រាប់ការរចនាផ្នែកខាងក្រៅ Nio ES6 ជំនាន់ទី២ មានប៉ាណាមុខបិទជិតជាប់ជាមួយកាងបឺតខ្យល់ ប្រើប្រាស់នៅចង្កៀងប្រភេទ LED ទាំងអស់ ថាសកង់ស្ព័រប្រភេទ 2-tone ទំហំ ២០ អ៉ីញបំពាក់ជាមួយដុំហ្វ្រាំង Calipers ពណ៌ក្រហម ។

ចំពោះនៅផ្នែកខាងក្នុងវិញ តុបតែងជាមួយពណ៌ខ្មៅ និងស ពោរពេញទៅដោយបច្ចេកវីទ្យាទំនើបៗ ដោយមានបំពាក់អេក្រង់ AR ទំហំដល់ទៅ ២០១ អ៉ីញ, អេក្រង់កំសាន្ត touchscreen ទំហំ ១២,៨ អ៉ីញ គាំទ្រដោយឈីប Qualcomm 8155 អេក្រង់បង្ហាញលើកញ្ចក់ ឧកបរណ៍បំពងសំឡេង ២៣ ចំនុច ។ កៅអីផ្នែកខាងមុខប្រភេទ Queen seat អាចលៃតម្រូវតាមរយះថាមពលអគ្គិសនី ២២ របៀបជាមួយមុខងារកំដៅ/ត្រជាក់ ក៏ដូចជាមុខងារម៉ាស្សាជាស្តង់ដារ និងដំបូលកញ្ចក់ Panoramic sunroof ជាដើម។

ទាក់ទងនឹងផ្នែកម៉ាស៊ីនវិញ រថយន្តនេះ ដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបានសរុប ៤៨២ សេស និងកម្លាំងរមួល ៨៥០ ញ៉ូតុនម៉ែត្រ ផ្គួបជាមួយទំហំ ៣ ជម្រើសរួមមាន៖

អាគុយទំហំ ៧៥ គីឡូវ៉ាត់ម៉ោង អាចបើកបរបានចម្ងាយ ៤៩០ គីឡូម៉ែរត្រក្នុងការសាកថ្មពេញម្តង
អាគុយទំហំ ១០០ គីឡូវ៉ាត់ អាចបើកបរបានចម្ងាយ ៦២៥ គីឡូម៉ែត្រក្នុងការសាកថ្មពេញម្តង
អាគុយទំហំ ១៥០ គីឡូវ៉ាត់ម៉ោង អាចបើកបរបានចម្ងាយ ៩៣០ គីឡូវ៉ាត់ដែលបញ្ចេញនៅក្នុងខែកក្កដា ឆ្នាំ ២០២៣ អាគុយទាំងអស់នឹងគាំទ្រដោយឆ្នាំងសាកល្បឿនលឿន DC អាចសាកពី ០-៨០% ត្រឹមរយះពេល ២៦ នាទី ៕

ផ្ទាំងផ្សាយពាណិជ្ជកម្ម

Aston Martin DB12 អ្នកស្នងតំណែងថ្មី នឹងជារថយន្តដែលកម្លាំងខ្លាំងបំផុតក្នុងប្រវត្តិសាស្ត្ររបស់ត្រកូល DB

May 25, 2023

[បរទេស] ក្រុមហ៊ុនផលិតរថយន្តរបស់ចក្រភពអង់គ្លេស Aston Martin បានធ្វើការដាក់បង្ហាញចេញនៅរថយន្ត Aston Martin DB12 ថ្មី ដើម្បីអបអរខួបលើកទី ១១០ ឆ្នាំរបស់ក្រុមហ៊ុន ជាអ្នកស្នងដំណែង DB11 ដែលផ្តោតលើភាពប្រណិត និងជារថយន្តដែលកម្លាំងខ្លាំងបំផុតក្នុងប្រវត្តិសាស្ត្ររបស់ម៉ូដែល DB ។

Aston Martin DB12 ត្រូវបានផលិតនៅលើគ្រោងឆ្អឹងកែលម្អឡើងវិញផ្តល់នៅភាពរឹងមាំជាងមុន ៧% ដែលជំនួយដល់ប្រព័ន្ធជើងក្រោមបានយ៉ាងល្អ និងបានបំពាក់ដុំហ្វ្រាំងធ្វើពីកាបូនសេរ៉ាមិចដែលជួយកាត់បន្ថយទំងន់ ២៧ គីឡូក្រាម ។ ចំពោះនៅផ្នែកខាងក្រៅត្រូវបានរចនាឡើងវិញទាំងស្រុង មានប៉ាណាទំហំធំជាងមុន សំណុំចង្កៀងមុខ LED ថ្មី និងឡូហ្គោ Aston Martin ផងដែរ។ ប្រើប្រាស់នៅថាសកង់ស្ព័រទំហំ ២១ អ៉ីញរចនាថ្មី ដែលមានទម្ងន់ស្រាលជាងថាសកង់នៅលើម៉ូដែល DB11 ៨ គីឡូក្រាម ស្រោបដោយសំបកកង់ប្រភេទ Michelin Pilot Sport 5s ដែលមានមុខងារកាត់បន្ថយសំលេងចូលទៅផ្នែកខាងមុខ ២០% ។

ចំពោះនៅផ្នែកខាងក្នុងក៏ត្រូវបានរចនាឡើងវិញ ផ្តោតលើភាពកាន់តែទំនើប ដែលបានតុបតែងជាមួយគ្រឿងបរិក្ខាមានតម្លៃខថ្លៃៗ ដូចជាឈើ, Carbon fiber និងអាលុយមីញ៉ូមជាដើម ។ លើសពី បំពាក់ដៃចង្កូតរចនាថ្មី កុងទ័របង្ហាញព័ត៌មានឌីជីថល និងអេក្រង់កំសាន្តកំសាន្ត touchscreen ទំហំ ១០,២៥ អ៉ីញ ភ្ជាប់មុខងារ Android Auto និង Apple CarPlay ក៏ដូចជាការភ្ជាប់ 4G និងឧបករណ៍បំពងសំឡេងចំនួន ១១ ចំនុចជាស្តង់ដារ កៅអីបែបស្ព័រ Carbon fiber performance seat និងឧបករណ៍បំពងសំលេងដ៏ប្រណិតម៉ាក Bower & Wilkins ចំនួន ១៥ ចំនុចជាជម្រើស ។

ទាក់ទងនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនចំណុះ ៤,០ លីត្រ twin-turbo V8 ផលិតដោយក្រុមហ៊ុន Mercedes មានកម្លាំង ៦៧១ សេស និងកម្លាំងរមួល ៨០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ អាចរត់ស្ទុះពីកុងទ័រ ០-១០០ គីឡូម៉ែត្រ ប្រើរយះពេល ៣,៦ វិនាទី និងមាន top speed ៣២៥ គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

Porsche សហការជាមួយ Manthey-Racing ចេញ performance kit ថ្មី សម្រាប់ 911 GT3 លក់នៅសហរដ្ឋអាមេរិក

May 24, 2023

[ទីផ្សារបរទេស] ជាលើកដំបូងដែលមិនធ្លាប់មានក្រុមហ៊ុន Porsche នៅសហរដ្ឋអាមេរិកបានផ្តល់ជូនរថយន្ត 911 GT3 នូវជម្រើសកញ្ចប់ Manthey Racing performance kit ដែលជាសហការជាមួយ Manthey Racing ដែលវាធ្លាប់តែផ្តល់អោយម្ចាស់ប្រើប្រាស់ Porsche 992 GT3 កាលពីចុងខែធ្នូកន្លងទៅ។

ជាមួយកញ្ចប់ថ្មីនេះ រថយន្ត Porsche Manthey-Racing ដែលបំពាក់ម៉ាស៊ីន ៦ស៊ីឡាំង ចំណុះ ៤,០លីត្រ ផលិតកម្លាំងបាន ៥០២សេះ និងកម្លាំងរមួល ៤៩១ញ៉ូតុនម៉ែត្រ គឺជួយអោយរថយន្តមានលឿនជាង Porsche GT3 ធម្មតា ដោយចាយពេលត្រឹម ៤,១៩វិនាទី សម្រាប់ការបើកបរសាកល្បងនៅ Nurburgring’s Nordschleife។

ក្នុងនោះសម្រាប់ប្រពន្ធ័ Air Aerodynamic ក៏ធ្វើបានល្អដោយផ្នែកកាងមុខធំជាងមុនហើយក៏ភ្ជាប់ Canards កាងនៅចំហៀង ម្យ៉ាងទៀតមាននៅកាងខ្យល់ក្រោយកាបូនជា Swan-neck Rear Wing ព្រមទាំងមាននៅ Gurney Flap ដែលធ្វើឲ្យរថយន្តនេះមានលំនឹងបានកាន់តែល្អ។

តួយ៉ាងសម្រាប់ប្រពន្ធ័ទប់លំនឹង Four-way coilover ដែលត្រូវបានសហការបង្កើតឡើងដោយក្រុមហ៊ុន Porsche និង Manthey ក៏ផ្តល់ជូនលើរថយន្តនេះដោយសមត្ថភាពក្នុងការបើរបរបានល្អដល់ ១០% និងបានបង្កើតសម្ថភាពលើប្រពន្ធ័ទប់លំនឹងមុខនិងក្រោយរហូតដល់ ៧% ហើយប្រពន្ធ័ហ្វ្រាំងក៏មានសម្ថភាពក្នុងការចាប់ហ្វ្រាំង និងប្រើប្រាស់បានល្អជាងមុន ខណ:ថាសកង់មានទម្ងន់ស្រាលត្រឹមតែ ៧គីឡូក្រាមតែប៉ុណ្តោះ។

ក្នុងករណីពុំធ្វើការជ្រើសយកនូវជម្រើសកញ្ចប់ថ្មីនេះ ប៉ុន្តែមិនរាប់បញ្ជូលនូវថាសកង់ រថយន្តនេះមានតម្លៃ ៥៧ ៣០០ដុល្លារ ហើយបើចង់បានជម្រើសថាសកង់ដែលមានទម្ងន់ស្រាលនេះត្រូវបន្ថែមប្រាក់ដល់ ១៥ ៥០០ដុល្លារ។

ផ្ទាំងផ្សាយពាណិជ្ជកម្ម

ញាក់សាច់! មិនទាន់ចេញលក់ទេ តែ Suzuki Jimny ទ្វារ ៥ ទទួលបានការកក់ទុកមុន ៣ មុឺនគ្រឿងបាត់ហើយ

May 24, 2023

[ទីផ្សារបរទេស] ក្រុមហ៊ុនផលិតរថយន្ត Suzuki ប្រចាំនៅប្រទេសឥណ្ឌា គឺក្រុមហ៊ុន Maruti Suzuki បានធ្វើការប្រកាសថា ខ្លួនទទួលបានការកក់ទុកមុនសម្រាប់រថយន្ត Suzuki Jimny ទ្វារ ៥ បានដល់ទៅ ៣០ ០០០ គ្រឿងឯណ្ណោះនៅក្នុងទីផ្សាររបស់ខ្លួន ។

សម្រាប់រថយន្ត Suzuki Jimny ទា្វរ ៥ របស់ប្រទេសឥណ្ឌា ត្រូវបានផ្តល់ជូនជា ២ ប្រភេទរួមមាន Zeta និង Alpha ដោយមានការរចនាស្រដៀងគ្នាទៅនឹងម៉ូដែលទ្វារ ៣ ។ ក្នុងនោះ ចំពោះលក្ខណៈពិសេសស្តង់ដារនៃម៉ូដែលទាំងពីរមិនទាន់ត្រូវបានបញ្ចេញនៅឡើយទេ ប៉ុន្តែយោងតាមប្រព័ន្ធផ្សព្វផ្សាយក្នុងស្រុកបានរាយការណ៍ថា រថយន្តនេះ មានបំពាក់ចង្កៀងមុខ LED មុខងារបើក-បិទដោយស្វ័យប្រវត្តិ អេក្រង់កំសាន្ត touchscreen ទំហំ ៩ អ៉ីញ ភ្ជាប់ជាមួយនឹងប្រព័ន្ធ SmartPlay Pro+ របស់ Suzuki និងឧបករណ៍បំពងសំឡេងម៉ាក Arkamys ។ លើសពីនេះ ក៏ទទួលបានពោងសុវត្ថិភាពចំនួន ៦ ចំនុច, ប្រព័ន្ធកំណត់ល្បឿន, ប្រព័ន្ធជំនួយពេលឡើង-ចុះចំណោត និង កាមេរ៉ាមើលមួយជុំរថយន្ត ៣៦០ ដឺក្រេជាដើម ។

ទាក់ទងនឹងផ្នែកម៉ាស៊ីនវិញ សម្រាប់ម៉ូដែល Jimny ទា្វរ ៥ នៅក្នុងប្រទេសឥណ្ឌា ដំណើរការដោយម៉ាស៊ីនដូចគ្នាទាំងអស់ ពោលគឺម៉ាស៊ីនចំណុះ ១,៥ លីត្រ ទំហំ ៤ ស៊ីឡាំង អាចផលិតកម្លាំងបាន ១០៣ សេស និងកម្លាំងរមួល ១៣៤ ញ៉ូតុនម៉ែត្រ ដោយអាចភ្ជាប់ជាមួយប្រអប់លេខដោយដៃ ៥ វគ្គ ឬស្វ័យប្រវត្តិ ៤ វគ្គ ។

គួរបញ្ជាក់ផងដែរថា រថយន្តនេះ នឹងធ្វើការចេញលក់ជាផ្លូវការនៅក្នុងទីផ្សារប្រទេសឥណ្ឌានៅថ្ងៃទី ៧ ខែមិថុនា ឆ្នាំ ២០២៣ ។ សម្រាប់ព័ត៌មានលម្អិតអំពីតម្លៃលក់របស់រថយន្ត Suzuki Jimny ទ្វារ ៥ នៅក្នុងប្រទេសឥណ្ឌាមិនទាន់ត្រូវបានប្រកាសនៅឡើយទេ ប៉ុន្តែត្រូវបានគេរំពឹងថានឹងមានតម្លៃចន្លោះពី ១២ ០៧៣ ដុល្លារ ដល់ ១៤ ៤៨៧ ដុល្លារ ៕

ផ្ទាំងផ្សាយពាណិជ្ជកម្ម

ម៉ូដែលពិសេស Ford Explorer Timberline ជើងខ្លាំងលើផ្លូវ Off-Road បង្ហាញខ្លួននៅប្រទេសចិន

May 24, 2023

[បរទេស] ក្រុមហ៊ុន Ford បានពង្រីកត្រកូល Explorer នៅក្នុងប្រទេសចិនជាមួយនឹងការបន្ថែមនៅម៉ូដែលពិសេស Ford Explorer Kunlun Peak Edition ដែលផ្តោតលើការបើកបរលើផ្លូវពិបាកៗ ជាពិសេស Off-Road ដែលមានមូលដ្ឋានលើរថយន្ត Timberline របស់សហរដ្ឋអាមេរិក ហើយនឹងមានលក់នៅប្រទេសចិនចាប់ពីថ្ងៃទី ២៩ ខែឧសភា ឆ្នាំ ២០២៣ ។

រថយន្តរបស់ប្រទេសចិននេះ សម្រាប់ផ្នែកខាងក្រៅត្រូវបានតុបតែងជាមួយពណ៌ទឹកក្រូច លាយពណ៌ខ្មៅ និងពណ៌ប្រាក់ ដោយផ្នែកខាងមុខត្រូវបានរចនាឡើងវិញដែលមានប៉ាណាដែលភ្ជាប់ទៅនឹងកាង និងបានបន្ថែមសំណុំចង្កៀង LED អូសកាត់ពីផ្នែកម្ខាងទៅផ្នែកម្ខាង, បន្ទះដែកការពារផ្នែកខាងក្រោមធ្វើពីអាលុយមីញ៉ូម ប្រើប្រាស់នៅថាសកង់ស្ព័រទំហំ ១៨ អ៉ីញ ផ្នែកខាងក្រោយមានចង្កៀង LED ស្រដៀងគ្នាទៅនឹងរថយន្ត Ford Everest ២០២៣ និងឡូហ្គោអក្សរ Timberline ផងដែរ ។

ចំពោះនៅខាងផ្នេកក្នុងវិញ អាចកំណត់ជា ៦ កៅអី និង ៧ កៅអី ដោយកៅអីស្រោបដោយស្បែកជាមួយឡូហ្គោ Timberline មានបំពាក់កុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ២៧ អ៉ីញ ដែលមានលក្ខណៈបែប unique សម្រាប់ម៉ូដែលពិសេសរបស់ចិន ។ លក្ខណះពិសេសផ្សេងទៀតរួមមាន ឧបករណ៍បំពងសំឡេងម៉ាក B&O ១៤ ចំនុច និងកុងទ័របង្ហាញលើកញ្ចក់ជាដើម ។ លើសពីនេះ ក៏បានមកជាមួយប្រព័ន្ធជំនួយការអ្នកបើកបរកម្រិត ២ ផងដែរ ។

ទាក់ទងនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនចំណុះ ២,៣ លីត្រ EcoBoost ជំនួយដោយ Turbocharged អាចផលិតកម្លាំងបាន ២៧២ សេស និងកម្លាំងរមួល ៤២៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ១០ វគ្គ ប្រភេទបើកបរប៉ុង ២ all-wheel drive ជាមួយប្រព័ន្ធចាក់សោរប៉ុងផងដែរ ។

គួរឲ្យដឹងថា ក្រុមហ៊ុន Ford មិនទាន់បានប្រកាសពីតម្លៃសម្រាប់ Kunlun Peak Edition នៅឡើយទេ ប៉ុន្តែត្រូវបានគេរំពឹងថាទំនងជាមានតម្លៃថ្លៃជាងម៉ូដែល Explorer ផ្សេងទៀតដែលមានតម្លៃចន្លោះពី ៤៣ ៩៣៣ ដុល្លារ ដល់ ៥៣ ៨៥៩ ដុល្លារនៅក្នុងប្រទេសចិន ៕

ផ្ទាំងផ្សាយពាណិជ្ជកម្ម

ថ្មីទៀតហើយ! Lexus បញ្ចេញរូបភាព Teaser ម៉ូដែលថ្មី មុនពេលបង្ហាញខ្លួនជាផ្លូវការនៅដើមខែក្រោយនេះ

May 23, 2023

[បរទេស] ក្រុមហ៊ុនផលិតរថយន្ត Lexus បានធ្វើការដាក់បង្ហាញចេញនៅរូបភាព Teaser ម៉ូដែលថ្មីមួយទៀតបន្ទាប់ពីរថយន្ត Lexus TX និង Lexus GX នោះគឺរថយន្ត all-new Lexus LXB ប្រភេទ crossover គ្រោងនឹងចេញដាក់បង្ហាញខ្លួនជាផ្លូវការនៅថ្ងៃទី ៥ ខែមិថុនា ឆ្នាំ ២០២៣ នៅប្រទេសអ៊ីតាលី ។

យោងតាមរូបភាព Teaser បានឲ្យឃើញពីការរចនានៅផ្នែកខាងមុខ ដោយមានប៉ាណាស្រដៀងទៅនឹងរថយន្ត Lexus LM ថ្មី ចង្កៀងមុខ bi-beam LED និងចង្កៀងក្រោយរចនាជាខ្សែបន្ទាត់អូសកាត់ពីផ្នែកទៅផ្នែកម្ខាងជាដើម ។

ក្នុងនោះ ក្រុមហ៊ុនមិនទាន់បានបញ្ចេញព័ត៌មានលម្អិតអ្វីច្រើននោះទេ ប៉ុន្តែ រថយន្តនេះត្រូវបានគេរំពឹងថា នឹងផលិតនៅលើគ្រោងឆ្អឹងដូចទៅនឹងរថយន្ត Toyota Yaris Cross របស់ទីផ្សារអឺរ៉ុប គឺគ្រោងឆ្អឹង TNGA platform ។ ជាមួយគ្នានេះ សម្រាប់ Lexus LBX នៅតែមិនច្បាស់លាស់សម្រាប់កាលបរិច្ឆេទនៃការដាក់លក់ជាផ្លូវការ ហើយរថយន្តនេះនឹងក្លាយជារថយន្ត SUV មានតម្លៃតាបបំផុតរបស់ LEXUS ៕

ផ្ទាំងផ្សាយពាណិជ្ជកម្ម

Dongfeng Venucia V ប្រភេទ plug-in hybrid ជិះ ១០០ គីឡូម៉ែត្រស៊ីប្រេងតែ ៤ លីត្រ នឹងចេញលក់នៅខែក្រោយនេះ

May 23, 2023

[បរទេស] ក្រុមហ៊ុនផលិតរថយន្តបណ្តាក់ទុនរួមគ្នា Dongfeng Nissan គ្រោងនឹងធ្វើការដាក់លក់ជាផ្លូវការនៅរថយន្ត Dongfeng Venucia V DD-i ប្រភេទ plug-in hybrid នៅក្នុងខែមិថុនា ឆ្នាំ ២០២៣ នៅក្នុងទីផ្សារប្រទេសចិន ។

រថយន្តនេះផលិតនៅលើគ្រោងឆ្អឺង VSA modular platform មានប្រវែងតួខ្លួនសរុប ៤ ៦០៧ ម.ម ទទឹង ១ ៩១៧ ម.ម កំពស់ ១ ៦២៤ ម.ម និងប្រវែងគន្លាតកងមុខ-ក្រោយ ២ ៧០០ ម.ម ។ សម្រាប់ការេចនានៅផ្នែកខាងក្រៅ រថយន្តនេះ បានបំពាក់ជាមួយប៉ាណាមុខមួយផ្ទាំងធំរាងអក្សរ V តុបតែងដោយក្រូម៉េ ចង្កៀងមុខ LED អូសកាត់ពីផ្នែកម្ខាងទៅផ្នែកម្ខាង ថាសកង់ស្ព័រទំហំ ១៩ អ៉ីញ ប្រភេទ 6-spoke alloy , កញ្ចក់ចំហៀងខ្មៅ និងចង្កៀងក្រោយ LED រចនាជាខ្សែបន្ទាត់អូសកាត់ពីផ្នែកម្ខាងទៅផ្នែកម្ខាង ។

ចំពោះនៅផ្នែកខាងក្នុងវិញ ត្រូវបានរចនាឡើងជាមួយពណ៌បៃតង និងពណ៌ប្រផេះ បំពាក់កៅអីប្រភេទ gravity-free seat នៅផ្នែកខាងមុខភ្ជាប់មកជាមួយមុខងារខ្យល់ត្រជាក់ និងកំដៅនៃកៅអីផងដែរ។ លើសពីនេះ ក៏បានបំពាក់អេក្រង់ភ្លោះទំហំដល់ទៅ ២៤ អ៉ីញ និងដំបូលកញ្ចក់អគ្គិសនី panoramic sunroof ទំហំធំជាដើម ។

ទាក់ទងនឹងផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនចំណុះ ១,៥ លីត្រ Plug-in hybrid ទំហំ ៤ ស៊ីឡាំង ផលិតកម្លាំងបាន ១៩០ សេះ អាចរត់ស្ទុះពីកុងទ័រ ០-១០០ គីឡូម៉ែត្រ ប្រើពេល ៧ វិនាទី ជាមួយកម្រិតស៊ីសាំ ៤ លីត្រក្នុងការបើកបរចម្ងាយ ១០០ គីឡូម៉ែត្រ និងអាចបើកបរបានចម្ងាយ ១ ១៣២ គីឡូម៉ែត្រនៅពេលចាក់ប្រេងពេញ ៕

ផ្ទាំងផ្សាយពាណិជ្ជកម្ម

គិតមិចដែរ បើ Ford ផលិតរថយន្ត Mini Bronco ដើម្បីប្រកួតប្រជែងជាមួយ Suzuki Jimny

May 23, 2023

[បរទេស] កាលពីពេលថ្មីៗ កន្លងទៅនេះ មានការលេចឡើងនៅរូបភាពរបស់រថយន្ត Ford Mini Bronco ដែលបានរចនាដោយលោក Naoto Kobayashi ត្រូវបានគេរំពឹងថា ផលិតឡើងសម្រាប់ឆ្នាំម៉ូដែល ២០៣០ ដើម្បីប្រកួតប្រជែងជាមួយរថយន្ត Suzuki Jimny ។

សម្រាប់ការរចនានៅផ្នែកខាងក្រៅមើលទៅស្រដៀងទៅនឹងរថយន្ត Suzuki Jimny ដែលមានទ្វារ ២ ជាមួយប្រវែងគន្លាតកង់មុខ-ក្រោយខ្លី នឹងផ្តោតលើការបើកបរបែបផ្សងព្រេង និង Off-road ។ ដោយនៅផ្នែកខាងមុខ ឃើញមានសងខាងជាមួយចង្កៀងប្រភេទ LED រចនាថ្មីប្លែកជាមួយឡូហ្គោ Ford នៅចំកណ្តាល ថាសកង់ត្រូវបានរចនាជាមួយពណ៌ខ្មៅ និងប្រាក់ស្រោបដោយសំបកកង់ក្រាស និងផ្នែកខាងក្រោយមានចង្កៀងប្រភេទ LED ដែលរចនាដូចគ្នាទៅនឹងផ្នែកខាងមុខជាដើម ។

មិនត្រឹមតែប៉ុណ្ណោះ លោក Kobayashi ក៏បានបង្ហាញពីផ្នែកខាងក្នុងរបស់ Mini Bronco ផងដែរ ដែលមើលទៅដូចទៅនឹងរថយន្តបច្ចុប្បន្ន ដោយមានអេក្រង់ធំមួយដែលរួមបញ្ចូលនៅកុងទ័របង្ហាញព័ត៌មានឌីជីថល និងអេក្រង់កំសាន្ត ដៃចង្កូតរចនាថ្មីដែលមមានលក្ខណៈពិសេសផងដែរ ។

គួរបញ្ជាក់ផងដែរថា នេះគ្រាន់តែជាការ Rendering របស់អ្នកឌីស្សាញប៉ុណ្ណោះ គេនៅមិនទាន់ដឹងនៅឡើយទេថា ក្រុមហ៊ុនផលិតរថយន្ត Ford នឹងពិចារណាក្នុងការផលិតរថយន្ត Ford Mini Bronco នេះឬអត់នោះទេ៕