សង្ក្រាន្តនាំសំណាង កក់ភ្លាម បានភ្លាម ព្រមទាំងឈ្នះភ្លាមៗ ពីក្រុមហ៊ុន តូយ៉ូតា (ខេមបូឌា)

March 23, 2023

ទន្ទឹមនឹងបុណ្យចូលឆ្នាំប្រពៃណីជាតិខ្មែរកាន់តែជិតចូលមកដល់ ក្រុមហ៊ុន តូយ៉ូតា (ខេមបូឌា) មានការផ្តល់ជូនពិសេសទៅកាន់អតិថិជនដែលមានគម្រោងជាវរថយន្តយកទៅប្រើប្រាស់ក្នុងឱកាសបុណ្យចូលឆ្នាំនេះ ដោយកម្មវិធីនេះ មានឈ្មោះថា សង្ក្រាន្តនាំសំណាង។

ទាន់សម័យតែមិនភ្លេចបុរាណ ដោយក្រុមហ៊ុន បានរៀបចំស្មុកចំនួន ៣ ដែលមាន កូនបាល់ ៣ ពណ៌នៅក្នុងនោះ។

១. ពណ៌លឿងតំណាងឲ្យរង្វាន់ជាការស្នាក់នៅកោះសង្សារ

២. ពណ៌ក្រហមតំណាងឲ្យរង្វាន់ជាខ្សែកមាស ៤ ជី

៣. ពណ៌ស្វាយតំណាងឲ្យរង្វាន់ជាកាតសាំងតម្លៃ ១ ពាន់ដុល្លារ

រាល់ពេលអតិថិជនអញ្ជើញមកកាន់អគារតាំងបង្ហាញរថយន្តទាំង ៥ សាខារបស់ក្រុមហ៊ុន តូយ៉ូតា (ខេមបូឌា) លោកអ្នកនឹងមានឱកាសចំនួន ១ ដង ក្នុងការបើកស្មុកសំណាងរបស់ក្រុមហ៊ុន ហើយទទួលរង្វាន់បានភ្លាមៗតែម្តង។

លក្ខខណ្ឌនៃការទទួលសិទ្ធិក្នុងការចាប់រង្វាន់នេះ អតិថិជនគ្រាន់តែកក់រថយន្ត៖ Toyota Hilux Revo, Toyota Fortuner, Toyota Corolla Altis, Toyota Corolla Cross និង Toyota Rush។

លោកអ្នកអាចអញ្ជើញមកអគារដាក់បង្ហាញរថយន្តរបស់ តូយ៉ូតា ខេមបូឌាទាំង ៥ សាខា និងដើម្បីមកបើកបរសាកល្បង រថយន្តស៊េរីទំនើបចុងក្រោយទាំងនេះបានភ្លាមៗ៖

១. ទីស្នាក់ការកណ្ដាល សាខាទឹកថ្លា ៖ 017 222 730 / 017 222 856

២. ទីស្នាក់លក់សាខា បឹងកេងកង៖ 017 333 730 / 017 555 956

៣. ទីស្នាក់ការលក់ សាខា ទួលសង្កែ៖ 017 222 733 / 017 222 431

៤. ទីស្នាក់ការលក់សាខា ខេត្តបាត់ដំបង៖ 017 333 421 / 017 333 455

៥. ទីស្នាក់ការលក់សាខា ខេត្តសៀមរាប៖ 017 222 557 / 017 222 415 ឬលោកអ្នកគ្រាន់តែធ្វើការទំនាក់ទំនងតាម Facebook Telegram Youtube Website Instagram ៕

ផ្ទាំងផ្សាយពាណិជ្ជកម្ម

Hyundai Verna ស៊េរីថ្មីចុងក្រោយ ទំនើបជាងមុន តម្លៃលក់ចាប់ពីខ្ទង់ ១ ម៉ឺនដុល្លារឡើងទៅ

March 23, 2023

[ទីផ្សារបរទេស] ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញនៅរថយន្ត Hyundai Verna ស៊េរីឆ្នាំ ២០២៣ ដោយមាន ៤ ម៉ូដែលសម្រាប់ជ្រើសរើស ជាមួយតម្លៃលក់ចាប់ពី ១៣ ៣២១ ដុល្លារ ដល់ ២១ ២៤៤ ដុល្លារ នៅទីផ្សារប្រទេសឥណ្ឌា ។

Hyundai Verna ជំនាន់ថ្មី មានការរចនាកាន់តែទាក់ទាញ ដោយបានបំពាក់ជាមួយប៉ាណាមុខឲ្យឈ្មោះថា Parametric Jewel grille ថ្មី ជាប់សងខាងចង្កៀង LED និងអំពូលបំភ្លឺពេលថ្ងៃត្រូវបានរចនាអូសកាត់ពីផ្នែកម្ខាងទៅផ្នែកម្ខាង ប្រើប្រាស់នៅថាសកង់ស្ព័រទំហំ ១៦ អ៉ីញ ពណ៌ខ្មៅ អង់ទែនព្រុយត្រីឆ្លាម និងចង្កៀងខាងក្រោយអូសកាត់ពីផ្នែកម្ខាងទៅផ្នែកម្ខាងផងដែរ ។

ចំណុចលេចធ្លោនៅផ្នែកខាងក្នុងរបស់រថយន្តនេះ គឺកុងទ័របង្ហាញព័ត៌មានឌីជីដល និងអេក្រង់កំសាន្ត touchscreen រួមបញ្ចូលគ្នាជាអេក្រង់ភ្លោះបញ្ឈរទំហំ ១០,២៥ អ៉ីញ ភ្ជាប់មុខងារ Apple Carplay និង Android Auto ឧបករណ៍បំពងសំឡេងម៉ាក Bose ចំនួន ៨ ចំនុច ដៃចង្កូតស្រោបដោយស្បែក និងភ្លើងលម្អជាច្រើនពណ៌ជាដើម។

ទាក់ទងនឹងផ្នែកម៉ាស៊ីន Hyundai Verna ស៊េរីឆ្នាំ ២០២៣ នៅប្រទេសឥណ្ឌា មានជម្រើសម៉ាស៊ីនចំនួន ២ គឺ

ម៉ាស៊ីនសាំងចំណុះ ១,៥ លីត្រ ប្រភេទ MPi ទំហំ ៤ ស៊ីឡាំង អាចផលិតកម្លាំងបាន ១១៥ សេះ និងកម្លាំងរមួល ១៤៣ ញ៉ូតុនម៉ែត្រ ភ្ជាប់ដោយលេខអូតូ iVT និងលេខដៃ ៦ វគ្គ
ម៉ាស៊ីនសាំងចំណុះ ១,៥ លីត្រ Turbo ទំហំ ៤ ស៊ីឡាំង អាចផលិតកម្លាំងបាន ១៦០ សេះ និងកម្លាំងរមួល ២៥៣ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គ និងលេខដៃ ៦ វគ្គ៕

ផ្ទាំងផ្សាយពាណិជ្ជកម្ម

Toyota ប្រកាសឈប់លក់រថយន្ត Toyota Camry នៅប្រទេសកំណើត

March 23, 2023

[បរទេស] ក្រុមហ៊ុនផលិតរថយន្ត Toyota Motor Japan បានប្រកាសពីគម្រោងបញ្ឈប់ការលក់រថយន្ត Toyota Camry ប្រភេទ sedan នៅលើទីផ្សារប្រទេសជប៉ុន នេះជាការបញ្ចប់នៃរយៈពេល ៤៣ ឆ្នាំរបស់ Camry នៅប្រទេសជប៉ុន ចាប់តាំងពីឆ្នាំ ១៩៨០ ដោយការលក់នៅក្រៅប្រទេសនឹងត្រូវបន្តដដែល។

ការលក់រថយន្ត TOYOTA CAMRY មានការធ្លាក់ចុះក្នុងរយៈពេលប៉ុន្មានឆ្នាំចុងក្រោយនេះ។ ដោយសារភាពពេញនិយមនៃរថយន្តប្រភេទ SUV និងរថយន្តធុនតូច ក៏ដូចជារថយន្ត Kei Car កំពុងកើនឡើងនៅក្នុងប្រទេសជប៉ុន ជាហេតុធ្វើឲ្យរថយន្តដូចជា CAMRY ចាប់ផ្ដើមពិបាកក្នុងការលក់។

យោងតាមសមាគមអ្នកចែកចាយរថយន្តជប៉ុន ការលក់ក្នុងឆ្នាំសារពើពន្ធ ២០២១ ដោយលក់បានចំនួន ៨,៩៣៣ គ្រឿង តិចជាង ១/២០ នៃរថយន្ត Toyota Yaris ប្រហែល ១៩១,០០០ គ្រឿង។ ម្យ៉ាងវិញទៀត នៅសហរដ្ឋអាមេរិក ចិន និងតំបន់អាស៊ានជាដើម TOYOTA CAMRY ក៏មានប្រជាប្រិយភាពផងដែរ ដោយចំណែកការផលិត និងលក់ត្រូវបានបន្ត។ ខណះផលិតកម្មក្នុងស្រុកសម្រាប់ការនាំចេញត្រូវបានរំពឹងថានឹងបន្តផងដែរ។

គួរបញ្ជាក់ផងដែរ Toyota បានលក់រថយន្ត Toyota Camrys បានប្រហែល ១,៣ លានគ្រឿងក្នុងប្រទេសជប៉ុន ចាប់តាំងពីការបង្ហាញខ្លួនលើកដំបូងក្នុងឆ្នាំ ១៩៨០ ៕

ផ្ទាំងផ្សាយពាណិជ្ជកម្ម

គួរឲ្យសោកស្តាយ ! ឡានស្ព័រ Chevrolet Camaro នឹងត្រូវអស់ជីវិតបន្ទាប់ពីម៉ូដែលឆ្នាំ ២០២៤

March 23, 2023

[បរទេស] ក្រុមហ៊ុន GM បានធ្វើការប្រកាសថាពីគម្រោងចុងក្រោយនៃការផលិតរថយន្ត Chevrolet Camaro ជំនាន់ទី ៦ នឹងបញ្ចប់ជាផ្លូវការបន្ទាប់ពីឆ្នាំ ២០២៤ ជាមួយនឹងផលិតកម្មដែលមានកំណត់ “Collector’s Edition” សម្រាប់ឆ្នាំម៉ូដែល ២០២៤ ផងដែរ។

ក្នុងនោះ លោក Scott Bell អនុប្រធានក្រុមហ៊ុន Chevrolet បាននិយាយថា “ខណៈពេលដែលយើងមិនទាន់ប្រកាសអ្នកស្នងតំណែងភ្លាមៗនៅពេលនេះទេ ហើយនេះក៏មិនមែនជាចុងបញ្ចប់របស់ Camaro ឡើយ។” អ្វីដែលសំខាន់នោះ គឺត្រូវរង់ចាំមើលទាំងអស់គ្នា ។

ក្រុមហ៊ុន Chevrolet បានឲ្យដឹងថារថយន្ត Camaros ម៉ូដែលចុងក្រោយនឹងចាប់ផ្តើមផលិតនៅរោងចក្រ Lansing Grand River Assembly Plant នៅខែមករាឆ្នាំ ២០២៤ ។ ដូចដែលបានបញ្ចាក់នោះ ក្រុមហ៊ុន Chevrolet នឹងផ្តល់ជូនម៉ូដែលពិសេស នោះគឺ Chevy Collector Edition មិនបានបញ្ចេញព័ត៌មានលម្អិតអំពីរថយន្តនៅឡើយទេ ប៉ុន្តែអាចប្រើបានជាកញ្ចប់សម្រាប់ម៉ូដែល RS, SS និង ZL1 សម្រាប់ឆ្នាំ ២០២៤។

ជាមួយគ្នានេះ ក្រុមហ៊ុន Chevrolet បាននិយាយនថា ឈ្មោះ “Camaro” នឹងបន្តត្រូវបានប្រើនៅក្នុងរថយន្តស៊េរីប្រណាំងដូចជា NASCAR, IMSA, SRO, NHRA និង Supercars Championship ជាដើម៕

ផ្ទាំងផ្សាយពាណិជ្ជកម្ម

ឡានស្ព័រ Nissan GT-R ស៊េរីឆ្នាំ ២០២៤ ចេញតម្លៃលក់នៅប្រទេសជប៉ុន ចាប់ពីខ្ទង់ ១០ ម៉ឺនដុល្លារ ដល់ ២០ ម៉ឺនដុល្លារជាង

March 22, 2023

[ទីផ្សារបរទេស] ក្រុមហ៊ុនផលិតរថយន្ត Nissan បានធ្វើការបើកទទួលការកក់ទុកមុនសម្រាប់រថយន្ត Nissan GT-R ស៊េរីឆ្នាំ ២០២៤ ដែលទទួលបានការកែកុនថ្មីបន្ថែមជាមួយតម្លៃលក់ចាប់ ១០៤ ៧៨៨ ដុល្លារ ដល់ ២២២ ១៥២ ដុល្លារនៅទីផ្សារប្រទេសជប៉ុន ។

ក្នុងនោះ ក្រុមហ៊ុន Nissan កត់សំគាល់ថា ខ្លួននឹងផលិតចំនួនមានកំណត់នៃ រថយន្តស្ព័រ NIssan GT-R ស៊េរីឆ្នាំ ២០២៤ សម្រាប់ទីផ្សារជប៉ុន ប៉ុន្តែមិនទាន់បានបញ្ជាក់ច្បាស់ថានឹងផលិតចំនួនប៉ុន្មាននោះទេ។

ចូលទៅកាន់ផ្នែកម៉ាស៊ីនវិញ Nissan GTR ស៊េរីថ្មីចុងក្រោយ ដំណើរការដោយម៉ាស៊ីនចំណុះ ៣,៨ លីត្រ twin-turbo អាចផលិតកម្លាំងបាន ៥៦៥ សេះ និងកម្លាំងរមួល ៦២៣ ញ៉ូតុនម៉ែត្រ ភ្ជាប់ដោយប្រអប់លេខ dual-clutch ៦ វគ្គ ប្រភេទបើកបរប៉ុង ២ វិលកង់ទាំងអស់ ។ ខណះ ត្រូវបានអាប់ឌែតទៅលើម៉ូដែល Nismo និង Nismo Special Edition អាចផលិតកម្លាំងបានដល់ទៅ ៦០០ សេះ និងកម្លាំងរមួល ៦៥១ ញ៉ូតុនម៉ែត្រ ។

គួរបញ្ជាក់ផងដែរថា សម្រាប់ព័ត៌មានលម្អិតអំពីតម្លៃរបស់រថយន្ត Nissan GT-R ស៊េរីថ្មីនេះ មិនទាន់ត្រូវបានប្រកាសនៅដំណាក់កាលនេះទេសម្រាប់ទីផ្សារសហរដ្ឋអាមរិក ។ យ៉ាងណាមិញ មានតែរងចាំមើលទាំងអស់គ្នា៕

ផ្ទាំងផ្សាយពាណិជ្ជកម្ម

Mitsubishi ដាក់បង្ហាញចេញគំរូភីកអាប់ Mitsubishi XRT Concept ដែលជារថយន្តគំរូរបស់ភីកអាប់ Triton ថ្មីទាំងស្រុង

March 22, 2023

[បរទេស] កាលពីពេលថ្មីៗ កន្លងទៅនេះ ក្រុមហ៊ុនផលិតរថយន្ត Mitsubishi បានបញ្ជាក់ពីការដាក់បង្ហាញចេញនៅម៉ូដែលថ្មីចំនួន ១៦ សម្រាប់រយៈពេល ៥ ឆ្នាំខាងមុខ ហើយឥឡូវនេះបានដាក់បង្ហាញគំរូភីកអាប់ Mitsubishi XRT Concept ជាលើកដំបូងនៅក្នុងព្រឹត្តិការណ៍ Bangkok International Motor Show 2023 ចន្លោះថ្ងៃទី ២២ ខែមីនាដល់ថ្ងៃទី ២ ខែមេសា ឆ្នាំ ២០២៣ ប្រទេសថៃ។

គំរូរថយន្តនេះ បានបំពាក់ដោយគ្រឿងបន្ថែមសម្រាប់បើកបរលើផ្លូវលំបាកៗ ឬ Off-Road ជាមួយការបិទបាំងតួខ្លួន ដែលត្រូវបានបំផុសគំនិតដោយ lava inspired ។ តាមរូបភាព បានបង្ហាញឲ្យឃើញថា Mitsubishi XRT Concept ឬ All-new Triton បានរក្សានៅការរចនាផ្នែកខាងមុខ Dynamic Shield ជាមួយប៉ាណាមុខរាងជាសំណាញ់ ជាប់ជាមួយសំណុំចង្កៀង LED និងកាងខាងមុខរចនាថ្មីទាំងស្រុង។

គួរឲ្យដឹងថា ភីកអាប់ Mitsubishi Triton គឺជាម៉ូដែលលក់ដាច់បំផុតរបស់ក្រុមហ៊ុន Mitsubishi Motors ដែលនាំចេញទៅកាន់ប្រទេសជាង ១៥០ ជុំវិញពិភពលោក ដោយរថយន្ត Triton ជំនាន់ទី ៦ ដែលត្រូវបានដាក់តាំងបង្ហាញនាពេលនេះ ហើយគឺជារថយន្តដែលបានរចនាឡើងវិញទាំងស្រុងជាលើកដំបូងក្នុងរយៈពេល ៩ ឆ្នាំ គ្រោងនឹងចេញលក់នៅក្នុងប្រទេសថៃនៅឆ្នាំ ២០២៣ មុនពេលដាក់លក់នៅទីផ្សារផ្សេងទៀតនៅជុំវិញពិភពលោក។

លើសពីនេះ ក្រុម Mitsubishi RallyArt ដោយមានការគាំទ្រផ្នែកបច្ចេកទេសពីក្រុមហ៊ុន Mitsubishi Motors គ្រោងនឹងចូលរួមប្រកួតប្រជែងក្នុងព្រឹត្តិការណ៍ Asia Cross Country Rally 2023 ជាមួយនឹងរថយន្តគំរូទៀតផង ៕

ផ្ទាំងផ្សាយពាណិជ្ជកម្ម

លូយកប់! Ford ចាប់ដៃ Volkswagen ដាក់បង្ហាញឡានអគ្គិសនី Ford Explorer EV ជាផ្លូវការ

March 22, 2023

[បរទេស] ក្រុមហ៊ុនផលិតរថយន្ត Ford និង Volkswagen សហការគ្នាក្នុងការផលិតរថយន្តរថយន្តអគ្គិសនី Ford Explorer EV ស៊េរីថ្មីដែលផ្អែកលើស្ថាបត្យកម្ម MEB architecture របស់ក្រុមហ៊ុន VW បានបង្ហាញខ្លួនជាផ្លូវការ គ្រោងនឹងបានដាក់លក់នៅទីផ្សារអឺរ៉ុបឆាប់ៗនេះ។

ផ្នែកខាងក្រៅមានសភាពដូចទៅនឹងរថយន្ត VW ID ដោយមានការរចនាដ៏ទាក់ទាញ ជាមួយប៉ាណាមុខដែលបិទជិតជាប់ជាមួយសំណុំចង្កៀង LED រាងអក្សរ L និងឡូហ្គោ Ford ប្រើប្រាស់នៅថាសកង់ស្ព័រទំហំចាប់ពី ១៩ អ៉ីញ ដល់ ២១ អ៉ីញ និងចង្កៀងក្រោយ LED រាងអក្សរ C ។

ចំពោះនៅផ្នែកខាងក្នុងកាប៊ីន ពោរពេញទៅបច្ចេកវិទ្យាជាច្រើន បំពាក់ដៃចង្កូតរាងស្វែរ កុងទ័របង្ហាញព័ត៌មានឌីជីថលទំហំ ៥ អ៉ីញ និងអេក្រង់កំសាន្ត touchscreen បញ្ឈរទំហំ ១៤,៦ អ៉ីញអាចលៃតម្រូវបាន ៣ ទីតាំង ភ្ជាប់មុខងារប្រតិបត្តិការ SYNC Move គាំទ្រមុខងារ Apple CarPlay និង Android Auto ។ ចំនុចពិសេសផ្សេងទៀតរួមមាន កន្លែងសាកថ្មឥតខ្សែរ ប្រព័ន្ធម៉ាស៊ីនត្រជាក់ ២ តំបន់ និងភ្លើងលម្អ ១០ ពណ៌ជាដើម ។

ទាក់ទងនឹងផ្នែកម៉ាស៊ីនរបស់រថយន្ត Ford Explorer បើយោងតាមគេហទំព័រ Auto Express និយាយថា Explorer បំពាក់ម៉ូទ័រអគ្គិសនីចំនួន ១ ផ្គួបជាមួយអាគុយទំហំ ៥២ គីឡូវ៉ាត់ម៉ោង អាចផលិតកម្លាំងបាន ១៦៨ សេះ អាចបើកបរបានចម្ងាយ ៣៥១ គីឡូម៉ែត្រក្នុងការសាកថ្មម្តង ។

ជម្រើសផ្សេងទៀតរួមមានម៉ូទ័រអគ្គិសនីចំនួន ១ ដែលមានកម្លាំង ២២៨ សេះ ភ្ជាប់ជាមួយអាគុយទំហំ ៧៧ គីឡូវ៉ាត់ម៉ោង អាចបើកបរបានចម្ងាយ ៥៣៩ គីឡូម៉ែត្រក្នុងការសាកថ្មម្តង ។ ខណៈពេលដែលម៉ូដែលលឿនបំផុតគឺប្រភេទ Dual-motor AWD version ដែលមានកម្លាំង ៣៣៥ សេះ អាចបើកបរបានចម្ងាយ ៤៩១ គីឡូម៉ែត្រក្នុងការសាកថ្មម្តង ។ មិនត្រឹមតែប៉ុណ្ណោះ ជាលើកដំបូងដែលបានរួមបញ្ចូលនៅប្រព័ន្ធជំនួយអ្នកបើកបរ ADAS កម្រិតខ្ពស់នៅក្នុង Ford Europe ៕

ផ្ទាំងផ្សាយពាណិជ្ជកម្ម

អស់ទាស់! ត្រឹមរយះពេល ១ ថ្ងៃ Mazda CX-50 ទទួលបានការកក់ទុកមុនច្រើនជាង ៣ពាន់គ្រឿង

March 21, 2023

[ទីផ្សារបរទេស] បន្ទាប់ពីក្រុមហ៊ុនផលិតរថយន្ត Mazda បានធ្វើការបើកការកក់ទុកមុនសម្រាប់រថយន្ត MAZDA CX-50 ដោយត្រឹមតែមួយថ្ងៃប៉ុណ្ណោះ រថយន្តនេះទទួលបានការកក់ទុកបានជាង ៣ ០៦៧ គ្រឿង នៅក្នុងទីផ្សារប្រទេសចិន។

ផ្នែកខាងក្រៅរបស់ CX-50 ប្រើប្រាស់ភាសារចនា Kodo Design ប៉ុន្តែផ្តោតលើការរចនាបែប Off-Road បានបំពាក់ជាមួយប៉ាណាមុខពណ៌ខ្មៅជាប់ជាមួយសំណុំចង្កៀង LED ប្រើប្រាស់នៅថាសកង់ស្ព័រទំហំ ១៧ អ៉ីញ ចង្កៀងខាងក្រោយ LED កាងខាងក្រោយថ្មី និងបំពង់ស៊ីមាំងរាងមូលសងខាងជាដើម។

ចំពោះនៅផ្នែកខាងក្នុងរបស់រថយន្ត Mazda CX-50 បានរចនាជាមួយនឹងគ្រឿងបរិក្ខាកម្រិតខ្ពស់ ដែលមានបំពាក់ជាមួយកុងទ័របង្ហាញព័ត៌មានទំហំ ៧ អ៉ីញ និងអេក្រង់កំសាន្ត touchscreen ទំហំ ៨,៨ អ៉ីញ ភ្ជាប់មុខងារ Apple CarPlay និង Android Auto ដំបូលកញ្ចក់ Panoramic moonroof និងឧបករណ៍បំពងសំឡេង ៨ ចំនុច ។

ទាក់ទងនឹងផ្នែកម៉ាស៊ីនវិញ រថយន្តនេះដំណើរកាដោយម៉ាស៊ីនសាំង ២ ជម្រើសរួមមាន៖

ម៉ាស៊ីនសាំងចំណុះ ២,០ លីត្រ Skyactiv-G ទំហំ ៤ ស៊ីឡាំង ផលិតកម្លាំងបាន ១៦៥ សេះ និងកម្លាំង ២១៣ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦ វគ្គ ។
ម៉ាស៊ីនសាំងចំណុះ ២,៥ លីត្រ Skyactive-G ទំហំ ៤ ស៊ីឡាំង ផលិតកម្លាំងបាន ១៩៤ សេះ និងកម្លាំងរមួល ២៥៨ ញ៉ូតុនម៉ែត្រ ភ្ជាប់ដោយប្រអប់លេខអូតូ ៦ វគ្គ៕

ផ្ទាំងផ្សាយពាណិជ្ជកម្ម

Kia បង្ហាញគំរូរថយន្តអគ្គិសនី Kia EV5 ថ្មី ជាប្អូនបង្កើតរបស់ Kia EV9

March 21, 2023

[បរទេស] ក្រុមហ៊ុនផលិតរថយន្ត Kia បានធ្វើការដាក់បង្ហាញចេញនៅគំរូរថយន្តអគ្គិសនី Kia EV5 និងបានបង្ហាញនៅរថយន្តប្រភេទ Crossover អគ្គិសនីទាំងអស់ដែលរួមបញ្ចូលនៅរូបរាងដូចរថយន្ត EV9 នៅប្រទេសចិន ។

ក្នុងនោះ លោក Karim Habib ប្រធានមជ្ឈមណ្ឌលរចនាសកលរបស់ Kia បាននិយាយថា “Kia Concept EV5 ទទួលបានស្ថាបត្យកម្មដែលបង្កើតឡើងដោយមនុស្ស ត្រូវបានបង្កើតឡើងសម្រាប់អ្នកដែលស្វែងរកគំនិតច្នៃប្រឌិតថ្មី រថយន្ត SUV នាំមកនៅជាមួយនឹងស្ថាបត្យកម្មខាងក្នុងប្រកបដោយភាពច្នៃប្រឌិត និងផ្តោតលើអ្នកប្រើប្រាស់”។

គំរូរថយន្តអគ្គិសនី Kia EV 5 ត្រូវបានប្រើប្រាស់ភាសាការរចនា “opposites united” លើសពីការរចនាបែបជាជ្រុងៗ និងថាសកង់ស្ព័រទំហំ ២១ អ៊ីញ និងនៅផ្នែកខាងមុខឲ្យឈ្មោះថា “Digital Tiger Face” ដែលមានប៉ាណាមុខបិទជិត ចង្កៀងប្រភេទ Star Map LED និងទ្វារប្រភេទ Suicide Door ជាដើម។

ចំពោះនៅផ្នែកខាងក្នុងវិញ Kia និយាយថា មានការរចនាបែបអនាគត ខ្លួនបានប្រើប្រាស់សម្ភារៈដែលមិនប៉ះពាល់ដល់បរិស្ថានជាច្រើនប្រភេទនៅខាងក្នុងគំរូរថយន្តអគ្គិសនី EV5 រួមទាំងសារធាតុចម្រាញ់ពីសារ៉ាយ និងដប ដែលបានកែច្នៃនៅលើកៅអី ទ្វារ ផ្ទាំងគ្រប់គ្រង និងពិដានជាដើម។ លើសពីនេះ ដំបូលកញ្ចក់នៃរថយន្តនេះក៏ត្រូវបានបង្កប់ជាមួយនឹងបន្ទះស្រូបពន្លឺព្រះអាទិត្យផងដែរ។

ក្រុមហ៊ុន Kia បានបញ្ជាក់ថា គំរូរថយន្តអគ្គិសនី Kia EV5 នឹងត្រូវបានប្រែក្លាយទៅជារថយន្តផលិតនៅចុងឆ្នាំនេះ ដោយបង្ហាញខ្លួនជាលើកដំបូងនៅក្នុងប្រទេសចិន។ ខណៈពេលនៅក្នុងទីផ្សារផ្សេងទៀតនឹងប្រកាសនៅពេលក្រោយ ៕

ផ្ទាំងផ្សាយពាណិជ្ជកម្ម

ផ្លូវការ! Honda CR-V ស៊េរីថ្មីចុងក្រោយ តម្លៃលក់ចាប់ពីខ្ទង់ ៤ ម៉ឺនដុល្លារឡើងនៅថៃ

March 20, 2023

[ទីផ្សារបរទេស] ក្រុមហ៊ុនផលិតរថយន្ត Honda ប្រចាំនៅប្រទេសថៃបានធ្វើការដាក់បង្ហាញចេញជាផ្លូវការនៅរថយន្ត Honda CR-V ស៊េរីឆ្នាំ ២០២៣ ជំនាន់ទី ៦ មាន ៥ ម៉ូដែលសម្រាប់ជ្រើសរើសជាមួយតម្លៃលក់ចាប់ពី ៤១ ៦១២ ដុល្លារ ដល់ ៥០ ៧០៣ ដុល្លារ។

ការរចនាផ្នែកខាងក្រៅនៃរថយន្ត Honda CR-V ជំនាន់ថ្មីនេះ បានឌីស្សាញកាន់តែស្រស់សង្ហា និងស្ព័រ ដោយបានបំពាក់ជាមួយប៉ាណាមុខរចនាថ្មីពណ៌ខ្មៅ, សំណុំចង្កៀងមុខប្រភេទ LED ថាសកង់ស្ព័រទំហំ ១៨ អ៊ីញ, កាង spoiler ផ្នែកខាងក្រោយ ចង្កៀងក្រោយ LED និងទ្វារក្រោយបើក-បិទដោយថាមពលអគ្គិសនី ។

ចំពោះនៅផ្នែកខាងក្នុង បានបំពាក់កៅអីស្បែក កុងទ័របង្ហាញព័ត៌មានទំហំ ១០,២ អ៊ីញ និងអេក្រង់កំសាន្ត touchscreen ទំហំ ៩ អ៊ីញ ភ្ជាប់មុខងារ Apple CarPlay និង Android Auto ប្រព័ន្ធបញ្ជាដោយសំឡេង, កន្លែងសាកថ្មឥតខ្សែរ, រន្ធសាក USB ៤ ទីតាំង, អេក្រង់បង្ហាញលើកញ្ចក់, ដំបូលកញ្ចក់បែប panoramic sunroof និងឧបករណ៍បំពងសំឡេងម៉ាក BOSE ចំនួន ១២ ចំនុចជាដើម។ លើសពីនេះ គ្រប់ម៉ូដែលទាំងអស់នឹងភ្ជាប់មកជាមួយប្រព័ន្ធសុវត្ថិភាព Honda Sensing safety technology ផងដែរ ។

ទាក់ទងនឹងផ្នែកម៉ាស៊ីនវិញ Honda CR-V ស៊េរីថ្មីត្រូវបានដាក់បង្ហាញជាលើកដំបូងនៅក្នុងសហរដ្ឋអាមេរិក ដែលមានម៉ាស៊ីន ២ ជម្រើសរួមមាន៖

ម៉ាស៊ីនសាំងចំណុះ ១,៥ លីត្រ Turbo ទំហំ ៤ ស៊ីឡាំង អាចផលិតកម្លាំងបាន ១៩០ សេះ និងកម្លាំងរមួល ២៤០ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT ។
ម៉ាស៊ីនកូនកាត់ Hybrid ដែលដំណើរការជាមួយម៉ាស៊ីនសាំងចំណុះ ២,០ លីត្រ ទំហំ ៤ស៊ីឡាំង ផ្គួបជាមួយម៉ូទ័រអគ្គិសនីចំនួន ២ ផលិតកម្លាំងបាន ១៨៤ សេះ និងកម្លាំងរមួល ៣៣៥ ញ៉ូតុនម៉ែត្រ ភ្ជាប់ដោយប្រអប់លេខអូតូ e-CVT ជាមួយរបៀបបើកបរ Normal, Eco និង Sport ៕