ម៉ូតូ Peugeot ផ្ទុះការកក់យ៉ាងច្រើននៅក្នុងការតាំងបង្ហាញនៅផ្សារទំនើប AEON2 ក្នុងខែកុម្ភះ ឆ្នាំ២០២៣

February 23, 2023

ម៉ូតូ Peugeot ដែលមានអានុភាពយ៉ាងខ្លាំងនៅក្នុងវិស័យម៉ូតូ Scooter បានធ្វើការយ៉ាងខ្ជាប់ខ្ជួនឆ្ពោះទៅរកការបង្កើនភាពងាយស្រួលសម្រាប់អ្នកប្រើប្រាស់ក៏ដូចជាចូលទៅក្នុងវិស័យទោចក្រយានយន្តនៅកម្ពុជា។ ជាមួយនឹងការតាំងបង្ហាញនៅផ្សារទំនើប AEON2 សប្តាហ៍មុននេះ (Roadshow) ម៉ូតូ Peugeot ទទួលបានការកក់ទិញចំនួន ១៥ គ្រឿង សម្រាប់រយះពេល ៣ ថ្ងៃ។ នេះពិតជាសញ្ញាវិជ្ជមានសម្រាប់ត្រីមាសទីមួយនៃឆ្នាំ ២០២៣ របស់ម៉ាកយីហ៊ោម៉ូតូ Peugeot ដែលនាំមកនូវ Scooter ដ៏ពេញនិយមនៅក្នុងប្រទេសកម្ពុជាត្រឹមមួយប៉ព្រិចភ្នែកប៉ុន្នោះ។ ដោយឡែកជាមួយនិងការបញ្ចេញម៉ូតូ ១៧ គ្រឿងមកទល់ពេលនេះ Peugeot រំពឹងថាគេនឹងអាចបញ្ចេញម៉ូតូនៅចន្លោះ ២០-២៥ គ្រឿងមុនដើមខែមីនា ឆ្នាំ ២០២៣។

សភាវគតិការពារដ៏មុះមត់ ម៉ូតូ Peugeot ធានាថាការធ្វើដំណើររបស់អ្នកគ្រប់គ្នាមានសុវត្ថិភាពតាមដែលអាចធ្វើទៅបាន។ វាត្រូវបានគិតគូរយ៉ាងល្អិតល្អន់សម្រាប់ម៉ូតូប្រភេទនេះដែលសាកសមទាំង បុរស និងស្ត្រី។ មិនថាអ្នកជានរណានោះទេ នៅពេលដែលអ្នកអង្គុយ និងបានសាកជិះជាមួយម៉ូតូ Peugeot អ្នកនឹងមានអារម្មណ៍ថា True Lion ចេញពីខ្លួនអ្នកផ្ទាល់។ ម៉ាក Peugeot ផ្តល់នូវកេរ្តិ៍ដំណែល ថាមពល និងភាពទាក់ទាញ (ភាពទាក់ទាញ និងរំភើបដ៏មានអានុភាព)។ ជាផ្នែកមួយនៃយុទ្ធសាស្ត្រកំណើនរបស់ខ្លួន និងផ្តោតលើការជំរុញជាអន្តរជាតិក្នុងការឈានមុខ និងពង្រីកទីផ្សារម៉ូតូ Scooter ម៉ូឌែលដែលកំពុងទទួលបានការពេញនិយមនិងគាំទ្រច្រើនជាងគេនោះគឺ Django 150cc សម្រាប់រចនាបថដ៏កាលីពទាន់សម័យ។ ដោយសារតែវិស័យទោចក្រយានយន្តមានការចាក់ឫសយ៉ាងជ្រៅនៅក្នុងប្រទេសកម្ពុជាម៉ូតូ Peugeot ពិតជាមកដល់ក្នុងពេលវេលាត្រឹមត្រូវ និងពិតជាត្រូវគ្នាជាមួយនឹងតម្រូវការរបស់អតិថិជនផងដែរ ។ ៤ ចំនុចរបស់ម៉ូតូ Peugeot នៅពីក្រោយភាពជោគជ័យនៅក្នុងប្រទេសកម្ពុជាដូចជា ផ្តល់ជូននូវការរចនាម៉ូតបែប Classic/Vintage លក្ខណៈពិសេសសាមញ្ញ តម្លៃដ៏ទាក់ទាញ សេវាកម្ម និងបទពិសោធន៍។

ម៉ូតូ Peugeot មានគុណសម្បត្តិប្រកួតប្រជែងពិសេសមួយ ដោយសារការរចនាបែបក្លាសិក បែបសហសម័យ តែប្លែកពីគេ។ រូបរាងរបស់ Django យកគំរូរចនាពីរថយន្តក្នុងទសវត្សរ៍ឆ្នាំ ១៩៥០ ។ សូមអរគុណចំពោះរូបរាងមូល ក្រូម និងពណ៌ដ៏រស់រវើករបស់វាដែលបានសម្រិតសម្រាំងឡើងនៅលើតួរម៉ូតូ Django ដែលកាន់តែធ្វើអោយម៉ូតូនេះអាចឈរជើងយ៉ាងរឹងមាំនៅក្នុងទ្វីបអាស៊ី។

ម៉ូឌែល Django 150 ផ្តល់ជូននៅភាពសាមញ្ញថ្លៃថ្នូរដោយ កុងទ័រត្រូវបានបំពាក់ដោយ semi digital dashboard, មានប្រអប់កន្លែងសាកថ្ម 12-volt នៅចំហៀងជើងខាងស្តាំនិងកន្លែងចាក់សាំងនៅប្រអប់ចំហៀងខាងឆ្វេង។ បន្ថែមពីនេះនៅលើប្រអប់កុងទ័រអ្នកអាចមើលឃើញនៅកុងទ័រវាស់ល្បឿននិងកុងទ័រសាំងផងដែរ។

មិនថាអ្នកជ្រើសរើសយកពណ៍អ្វីនោះទេម៉ូឌែល Peugeot Django នៅតែផ្តល់ជូននូវភាពទាក់ទាញជាមួយនិងតំលៃសម្រាប់អតិថិជនរបស់ពួកគេ. ត្រូវបានស្គាល់ថាជាប្រភេទម៉ូតូ Scooter ដែលមានពីរពណ៍ក្នុងតួរម៉ូតូតែមួយអ្នកអាចជ្រើសរើសរវាងពណ៍ សលាយក្រហម & សលាយខៀវ ដែលពិតជាផ្តល់នូវភាពស្រស់ស្រាយសម្រាប់យុវវ័យទាំងប្រុសនិងស្រីជាមួយតំលៃដែលចាប់ផ្តើមពី ៣xxx USD ប៉ុន្នោះ។ ប្រសិនបើអ្នកស្រលាញ់ពណ៍ដែលមានតែមួយៗ អ្នកអាចជ្រើសរើសពណ៍ស ពណ៍ខ្មៅ ពណ៍បៃតងចាស់ និងពណ៍បៃតងខ្ចីផងដែរ។

ការទិញម៉ូតូ Peugeot អ្នកនឹងអស់ក្តីបារម្ភសម្រាប់សេវាកម្មរោងជាងក៏ដូចជាជំនាញនិងបទពិសោធន៍របស់ជាងមេកានិចព្រោះថាក្រុមហ៊ុនម៉ូតូ Peugeot Cambodia មានមជ្ឈមណ្ឌលថែរក្សាម៉ូតូច្បាស់លាស់នៅជាមួយនិងអគារតាំងបង្ហាញដែលផ្តល់ជូននៅទំនុកចិត្តសម្រាប់អតិថិជនទាំងមុនទិញនិងក្រោយទិញម៉ូតូ៕

ផ្ទាំងផ្សាយពាណិជ្ជកម្ម

ឡានស្ព័រ Toyota Supra ជំនាន់ថ្មី អាចនឹងជាប្រភេទរថយន្តប្រើប្រាស់អគ្គិសនីសុទ្ធ

February 23, 2023

[បរទេស] កាលពីពេលថ្មីៗកន្លងទៅនេះ យោងតាមរបាយណ៍ការចុងក្រោយបំផុតចេញពីប្រទេសជប៉ុនបានបង្ហាញថា រថយន្តស្ព័រ Toyota Supra អាចនឹងប្រើប្រាស់អគ្គិសនី ហើយអាចបង្ហាញខ្លួនជាផ្លូវការនៅដើមឆ្នាំ ២០២៦។

យោងតាមគេហទំព័រ BestCarWeb បានឲ្យដឹងថាការផលិត Supra បច្ចុប្បន្ននឹងបន្តរហូតដល់ឆ្នាំ ២០២៥ នៅពេលដែលវាត្រូវបានចូលនិវត្តន៍តាមរចនាប័ទ្មជាមួយនឹងម៉ូដែលពិសេស GRMN ហើយជាម៉ូដែលចុងក្រោយដែលមានម៉ាស៊ីនចំហេះក្នុង ហើយអាចបំពាក់ម៉ាស៊ីនពី BMW ចំណុះ ៣,០ លីត្រ Turbocharged ទំហំ ៦ ស៊ីឡាំង ដែលអាចផលិតកម្លាំងបាន ៥៤២ សេះ ។

តាមពាក្យចចាមអារ៉ាម រថយន្តស្ព័រ Toyota Supra ជំនាន់ទី ៦ នៅតែប្រើប្រាស់ប្រភេទបើកបរ rear-wheel drive ហើយអាចផលិតផ្អែកលើស្ថាបត្យកម្ម e-TNGA របស់ក្រុមហ៊ុនផលិតរថយន្ត។ ប្រសិនបើរថយន្តអគ្គីសនី Toyota Supra វាយលុកទីផ្សារ វានឹងជាគូប្រជែងរថយន្តស្ព័រ Alpine អគ្គិសនី ដែលមានកម្លាំងសេះ និងកម្លាំងរមួលខ្លាំងជាង Supra បច្ចុប្បន្ន ហើយវាពិតជាអាចទៅរួចដែលថាវានឹងមានតម្លៃថ្លៃជាងផងដែរ។

រថយន្ត Supra បច្ចុប្បន្នគឺជារថយន្តស្ព័រដ៏ល្អមួយ ប្រសិនបើ Supra ជំនាន់ ៦ ពិតជាអគ្គិសនីមែននោះ អាចនឹងប្រើប្រាស់ម៉ាស៊ីន Twin-turbo A90 Supra អាចផលិតកម្លាំងបាន ៥៤២ សេះ ៕

ផ្ទាំងផ្សាយពាណិជ្ជកម្ម

គំរូរថយន្តអគ្គិសនី Hongqi E202 បំពាក់បច្ចេកវិទ្យាប្តូរអាគុយ សាកភ្លើង ៥ នាទី ជិះបាន ៣០០ គីឡូម៉ែត្រ

February 22, 2023

[បរទេស] ក្រុមហ៊ុនផលិតរថយន្តរបស់ចិន Hongqi បានធ្វើការដាក់បង្ហាញចេញនៅគំរូរថយន្ត E202 ប្រើថាមពលអគ្គិសនីដ៏គួរឲ្យចាប់អារម្មណ៍ជាមួយបច្ចេកវិទ្យាទំនើបៗ គ្រោងនឹងវាយលុកទីផ្សារនៅឆ្នាំ ២០២៤ ។

គំរូរថយន្តអគ្គីសនី E202 បានមកពី Hongqi New Energy ដែលជាម៉ាកយីហោអគ្គិសនីថ្មីដែលបានបើកដំណើរការដោយ Hongqi កាលពីខែមុន ដែលនឹងលក់រថយន្តអគ្គិសនីរបស់ម៉ាកនេះទៅកាន់ទីផ្សារជុំវិញពិភពលោក មិនត្រឹមតែប្រទេសចិនប៉ុណ្ណោះទេ ក្រុមហ៊ុនផលិតរថយន្តកំពុងកំណត់គោលដៅគឺប្រទេសអាល្លឺម៉ង់ ន័រវែស ស៊ុយអែត និងបារាំង។

គំរូរថយន្តអគ្គិសនី E202 គឺផ្អែកលើស្ថាបត្យកម្ម FMEs modular architecture អាចទ្រទ្រង់រថយន្តដែលមានប្រវែងគន្លាតកង់មុខ-ក្រោយ ២ ៧០០ មម ដល់ ៣ ៤៥០ មម ហើយអាចគាំទ្រប្រព័ន្ធ 800-volt system ដែលអាចសាកបានលឿន ដូច្នេះ E202 សាកថ្មត្រឹម ៥ នាទី អាចបន្ថែមចម្ងាយ ៣០០ គីឡូម៉ែត្រ ហើយបំពាក់ជាមួយអគុយ Qilin batteries ប្រកបដោយភាពច្នៃប្រឌិតរបស់ CATL នឹងគាំទ្របច្ចេកវិទ្យាប្តូរថ្មផងដែរ។

E202 យកទម្រង់នៃរថយន្តប្រភេទ Crossover ផ្នែកខាងមុខធ្វើពី carbon fiber មានស្លាកឡូហ្គោ Hongqi នៅផ្នែកខាងមុខ ឆ្នូតបំភ្លឺ ២ ដែលរត់លើគម្របម៉ាស៊ីន ចង្កៀងមុខប្រភេទ LED រាងជាលេខ 7-shape ។ រថយន្តអគ្គិសនីក៏ប្រើប្រាស់នៅដំបូលជាមួយ LiDAR sensor កញ្ចក់ជាប្រភេទឌីជីថល និងផ្នែកខាងក្រោយមានចង្កៀង LED ស៊ីគ្នានឹងផ្នែកខាងមុខ និងឡូហ្គោ Hongqi ខណះអំពូល LED បញ្ឈរតូចពីរក៏ត្រូវបានរកឃើញនៅចំកណ្តាលនៃផ្នែកបំពង់ស៊ីមាំងផងដែរ។

វាត្រូវបានគេយល់ថា គំរូរថយន្តអគ្គិសនី E202 នឹងប្រើប្រាស់ប្រព័ន្ធបើកបរ adopt four-wheel drive និងផ្តល់នៅមុខងារបើកបរពាក់កណ្តាលស្វ័យប្រវតិ្ត និងកន្លែងសាកថ្មឥតខ្សែទំហំ ២២ គីឡូវ៉ាត់ផងដែរ។ លើសពីនេះ Hongqi មិនទាន់បានបញ្ចេញរូបភាព និងព័ត៌មានលម្អិតអំពីផ្នែកខាងក្នុងនៃគំនិត E202 នៅឡើយទេ ៕

ផ្ទាំងផ្សាយពាណិជ្ជកម្ម

ច្បាស់ហើយ! Ford Mustang ឆ្នាំ ២០២៤ នឹងបង្ហាញតម្លៃនៅសប្តាហ៍ក្រោយ ហើយទទួលការកក់នៅខែក្រោយ

February 22, 2023

[បរទេស] ក្រុមហ៊ុនផលិតរថយន្ត Ford គ្រោងនឹងធ្វើការដាក់បង្ហាញចេញនៅរថយន្ត Ford Mustang ស៊េរីឆ្នាំ ២០២៤ ជាមួយនឹងតម្លៃលក់គ្រោងបញ្ចេញនៅសប្តាហ៍ក្រោយ ហើយការបើកទទួលការកក់នៅថ្ងៃទី ២៧ ខែមិនា ឆ្នាំ ២០២៣ ។

គួរឲ្យដឹងថា រថយន្ត Mustang ដែលបានរចនាឡើងវិញបានបង្ហាញពីការពេញនិយម ហើយរថយន្ត Mustang GT ស៊េរីឆ្នាំ ២០២៤ ដំបូងត្រូវបានលក់ក្នុងតម្លៃរហូតដល់ទៅ ៤៩០ ០០០ ដុល្លារកាលពីចុងឆ្នាំនេះ ប៉ុន្តែម៉ូដែលធម្មតានឹងមកដល់រដូវក្តៅនេះហើយមានតម្លៃសមរម្យជាងដែលមានតម្លៃចាប់ពី ២៧ ៧៧០ ដុល្លារ។

ក្រៅពីការរចនាម៉ូដថ្មីទាំងស្រុង រថយន្ត Mustang ស៊េរីឆ្នាំ ២០២៤ មានការកែលម្អផ្នែកខាងក្នុងជាមួយនឹងគ្រឿងបរិក្ខាគុណភាពខ្ពស់ ក៏ដូចជាកុងទ័របង្ហាញព័ត៌មានឌីជីថលទំហំ ១២,៤ អ៊ីញ និងអេក្រង់កំសាន្ត touchscreen ទំហំ ១៣,២ អ៊ីញជាដើម។

ទាក់ទងនឹងផ្នែកម៉ាស៊ីនវិញ រថយន្តដំណើរការដោយម៉ាស៊ីនចំណុះ ២,៣ លីត្រ EcoBoost ទំហំ ៤ ស៊ីឡាំង អាចផលិតកម្លាំងបាន ៣១៥ សេះ និងកម្លាំងរមួល ៤៧៤ ញ៉ុតុនម៉ែត្រ ។

លើសពីនេះ អតិថិជនក៏នឹងអាចទទួលបានម៉ាស៊ីន Coyote ចំណុះ ៥,០ លីត្រ V8 ជំនាន់ទី ៤ ដែលមានកម្លាំង ៤៨០ សេះ និងកម្លាំងរមួល ៥៦២ ញ៉ូតុនម៉ែត្រ ខណះប្រព័ន្ធ active valve exhaust system ជួយបង្កើនកម្លាំងដល់ ៤៨៦ សេះ និងកម្លាំងរមួល ៥៦៦ ញ៉ូតុនម៉ែត្រ។ បន្ថែមពីនេះ Ford ក៏ផ្តល់ជូននៅម៉ូដែល Dark Horse variant ជំនួសម៉ូដែល Mach 1 ៕

ផ្ទាំងផ្សាយពាណិជ្ជកម្ម

BMW X5 M និង X6 M ឆ្នាំ ២០២៤ បំពាក់ម៉ាស៊ីនកូន mild-hybrid ជាមួយរូបរាងថ្មី និងទំនើបខ្លាំង

February 22, 2023

[បរទេស] បន្ទាប់ពីការបង្ហាញជាលើកដំបូងនៃរថយន្ត X5 និង X6 មុខមាត់ថ្មី ពេលនេះ BMW បានដាក់បង្ហាញរថយន្ត X5 M និង X6 M ស៊េរីឆ្នាំ ២០២៤ ម៉ូដែលលំដាប់ខ្ពស់ជាមួយរូបរាងដ៏ទាក់ទាញ និងរួមបញ្ចូលនៅបច្ចេកវិទ្យាទំនើបចុងក្រោយបង្អស់ផងដែរ ។

នៅក្នុងការរចនាផ្នែកខាងក្រៅរបស់រថយន្តប្រភេទ SUV មានឡូហ្គោ M ប្រើប្រាស់ចង្កៀងមុខ LED និងចង្កៀងក្រោយ LED រាងអក្សរ X ថាសកង់ស្ព័រទំហំ ២១ អ៊ីញសម្រាប់ផ្នែលខាងមុខ និងទំហំ ២២ អ៊ីញសម្រាប់ផ្នែកខាងក្រោយ ។ ប៉ាណាមុខត្រូវបានរចនាថ្មី កាងបឺតខ្យល់ខាងក្រោម កាងជ្រែកខ្យលខាងមុខ បំពង់ស៊ីមាំងទាំងអស់ត្រូវបានតុបតែងជាពណ៌ខ្មៅ ដូចទៅនឹងឡូហ្គោ។

ការអាប់ដេតដ៏សំខាន់បំផុតមួយគឺការដាក់បង្ហាញអេក្រង់ BMW Curved Display ទៅក្នុងត្រកូល BMW ទាំងអស់ ដែលមានកុងទ័របង្ហាញព័ត៌មានឌីជីថលទំហំ ១២,៣ អ៊ីញ និងអេក្រង់កំសាន្ត touchscreen ទំហំ ១៤,៩ អ៊ីញ ភ្ជាប់ប្រព័ន្ធប្រតិបត្តិការ BMW 8, អេក្រង់មានក្រាហ្វិក M-specific អេក្រង់បង្ហាញលើកញ្ចក់ Head-Up Display ត្រូវបានរួមបញ្ចូលផងដែរ។ លក្ខណះពិសេសផ្សេងទៀតរួមមាន ដំបូលកញ្ចក់មានពន្លឺ panoramic Sky Lounge LED roof ឧបករណ៍បំពងសំឡេងម៉ាក Harman Kardon ជាដើម។

ទាក់ទងផ្នែកម៉ាស៊ីនវិញ រថយន្តនេះដំណើរការដោយប្រព័ន្ធ 48V mild-hybrid ចំណុះ ៤,៤ លីត្រ Twin-turbo V8 ផ្គួបជាមួយម៉ូទ័រអគ្គិសនីចំនួន ២ អាចផលិតកម្លាំងបាន ៦១៧ សេះ និងកម្លាំងរមួល ៧៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ ប្រភេទ M Steptronic ដែលជួយឲ្យការចូលលេខបានលឿនជាងមុន។

រថយន្ត BMW X5 M និង X6 M ឆ្នាំ ២០២៤ នឹងបង្ហាញខ្លួនជាផ្លូវការនៅក្នុងខែមីនា ជាមួយនឹងការផលិតចាប់ផ្តើមនៅក្នុងខែមេសា ជាមួយតម្លៃចាប់ពី ១២២ ៣០០ ដុល្លារ សម្រាប់ X5 M និងតម្លៃ ១២៧ ២០០ ដុល្លារ សម្រាប់ X6 M ៕

ផ្ទាំងផ្សាយពាណិជ្ជកម្ម

Honda ZR-V ប្រភេទកូនកាត់ hybrid ស៊ីសាំងតិច តម្លៃលក់ខ្ទង់ ៣ មុឺនដុល្លារ

February 21, 2023

[ទីផ្សារបរទេស] ក្រុមហ៊ុនផលិតរថយន្ត Honda បានធ្វើដាក់បង្ហាញចេញនៅរថយន្ត Honda ZR-V ប្រភេទកូនកាត់ hybrid មាន ៤ ម៉ូដែលសម្រាប់ជ្រើសរើសជាមួយតម្លៃលក់ចាប់ពី ២៦ ២០០ ដុល្លារ ដល់ ៣៣ ៣០០ ដុល្លារ នៅក្នុងទីផ្សារប្រទេសចិន។

រថយន្តនេះមានប្រវែងតួខ្លួនសរុប ៤ ៥៦៨ ម។ម ទទឹង ១ ៨៤០ ម។ម កំពស់ ១ ៦១១ ម។ម និងប្រវែងគន្លាតកង់មុខ-ក្រោយ ២ ៦៥៥ ម.ម ។ សម្រាប់ការរចនាវិញ មានលក្ខណះបែបស្ព័រ ដោយបានបំពាក់ជាមួយប៉ាណាមុខថ្មីរចនាជាមួយបន្ទះបញ្ឈរ ចង្កៀងមុខប្រភេទ LED ។ កន្លែងគួរឲ្យគត់សម្គាល់ផ្សេងទៀតរួមមាន ថាសកង់អាលុយមីញ៉ូម ត្រលោកកញ្ចក់ និងព្រុយត្រីឆ្លាមតុងតែងជាមួយពណ៌ខ្មៅ។ ផ្នែកខាងក្រោយមានកំពង់ស៊ីមាំងពណ៌ប្រាក់ និងបានបន្ថែមឡូហ្គោ e:HEV ផងដែរ។

ចំពោះនៅផ្នែកខាងក្នុងវិញ មានមកជាមួយដៃចង្កូតប្រភេទ 3-spoke multifunction កុងទ័របង្ហាញព័ត៌មានទំហំ ១០,២ អ៊ីញ និងអេក្រង់កំសាន្ត touchscreen ទំហំ ១០,១ អ៊ីញ ភ្ជាប់ជាមួយប្រព័ន្ធ Honda Connect 3.0 system ឧបករណ៍បំពងសំលេងម៉ាក Bose ១២ ចំនុច ។ មុខងារផ្សេងទៀតរួមមាន កៅមុខងារ ខ្យល់ និង អង្គចងចាំ កន្លែងសាកថ្មឥតខ្សែជាដើម។

ទាក់ទងនឹងផ្នែកម៉ាស៊ីន Honda ZR-V ដំណើរការដោយប្រព័ន្ធ i-MMD hybrid ជំនាន់ទី ៤ ផ្គួបជាមួយម៉ូទ័រអគ្គិសនីចំនួន ២ អាចផលិតកម្លាំងបាន ១៨១ សេះ និងកម្លាំងរមួល ៣១៥ ញ៉ូតុនម៉ែត្រ និងអាគុយលីចូម និងម៉ាស៊ីន naturally aspirated ចំណុះ ២,០ លីត្រ ផលិតកម្លាំងបាន ១៤០ សេះ និងកម្លាំងរមួល ១៨២ ញ៉ូតុនម៉ែត្រ ជាមួយកម្រិតស៊ីប្រេង ៥,១៣ លីត្រ/ ១០០ គីឡូម៉ែត្រ៕

ផ្ទាំងផ្សាយពាណិជ្ជកម្ម

Mitsubishi Xpander CROSS បន្ថែមបច្ចេកវិទ្យាថ្មី បង្ហាញខ្លួនជាផ្លូវការនៅទីផ្សារជាប់ប្រទេសកម្ពុជា

February 21, 2023

[ទីផ្សារបរទេស] ក្រុមហ៊ុនផលិតរថយន្ត Mitsubishi បានធ្វើការដាក់បង្ហាញចេញជាផ្លូវការនៅរថយន្ត Mitsubishi Xpander CROSS ស៊េរីឆ្នាំ ២០២៣ ជាមួយតម្លៃលក់ចាប់ពី ២៧ ៤២៥ ដុល្លារ នៅក្នុងទីផ្សារប្រទេសថៃ។

Mitsubishi Xpander CROSS ថ្មីស្រឡាង មានរូបរាងស្អាត ទំនើបជាងមុន ជាមួយនឹងរូបរាងដ៏ហាប់ណែនដោយផ្នែកខាងមុខត្រូវបានរចនាថ្មីជាមួយនឹងសំណុំចង្កៀងមុខប្រើប្រាស់ប្រភេទ LED ទាំងអស់ ថាស់កង់ស្ព័រទំហំ ១៧ អ៊ីញត្រូចបានរចនាថ្មី កាងខាងមុខ-ខាងក្រោយថ្មី បន្ថែមដោយដំបូលខ្មៅ និងចង្កៀងក្រោយត្រូចបានអប់ដេតផងដែរ។

សម្រាប់នៅផ្នែកខាងក្នុងនៃកាប៊ីនត្រូវបានបំពាក់ដោយស្បែកតុបតែងជា ២ ពណ៌ ខ្មៅ-ខៀវ កៅអីស្បែកមុខងារកំដៅ បានរចនាថ្មីទៅលើដៃចង្កូតស្បែកប្រភេទ 4-spoke wheel, កុងសូលដែលបានរចនាថ្មី, កុងទ័របង្ហាញព័ត៌មាន LCD ទំហំ ៨ អ៊ីញ និងអេក្រង់កំសាន្ត touchscreen ទំហំ ៩ អ៊ីញ ភ្ជាប់មុខងារ Apple CarPlay និង Android Auto ហ្រ្វាំងដៃអេឡិចត្រូនិចជាមួយមុខងារ Auto Hold , រន្ធសាកថ្ម USB កញ្ចក់មើលក្រោយមុខងារការពារចំណាំងផ្លាត និងផ្លិតទឹកអូតូជាដើម។

ប្រព័ន្ធសុវត្ថិភាពត្រូវបានបន្ថែមជាមួយនឹងបច្ចេកវិទ្យា Active Yaw Control ជួយគ្រប់គ្រងការបើកបរ និងហ្វ្រាំងនៃកង់ខាងមុខ ដើម្បីបង្កើនការបើកបរលើផ្លូវកែង និងរក្សាលំនឹងនៅពេលបើកបរលើផ្លូវសើម និងរអិល មុខងារសុវត្ថិភាពស្តង់ដារផ្សេងទៀតរួមមាន ប្រព័ន្ធទប់លំនឹង Active Stability Control (ASC), ប្រព័ន្ធជំនួយពេលផ្លូវកោង Anti-traction Control System (TCL), ប្រព័ន្ធជំនួយពេលឡើង-ចុះចំណោត និងប្រព័ន្ធសុវត្ថិភាពមួយចំនួនផ្សេងទៀតផងដែរ។

សម្រាប់រថយន្ត Mitsubishi Xpander CROSS ស៊េរីឆ្នាំ ២០២៣ មុខមាត់ថ្មីនេះត្រូវបានបំពាក់ដោយម៉ាស៊ីនសាំងចំណុះ ១,៥ លីត្រ MIVEC ទំហំ ៤ ស៊ីឡាំង ដែលផលិតកម្លាំងបាន ១០៥ សេះ និងកម្លាំងរមួល ១៤១ ញ៉ូតុនម៉ែត្រ ភ្ជាប់ដោយប្រអប់លេខស្វ័យប្រវត្តិ ECO-Dynamic CVT ៕

ផ្ទាំងផ្សាយពាណិជ្ជកម្ម

នាពេលអនាគត រថយន្ត Ford នឹងមានរន្ធសាក២ អនុញ្ញាតអោយរថយន្តអគ្គិសនីជាច្រើនអាចធ្វើការសាកចេញពីឡានខ្លួនបាន

February 21, 2023

យោងតាមឯកសារប៉ាតង់ដែលបានចេញផ្សាយដោយការិយាល័យប៉ាតង់ និងពាណិជ្ជសញ្ញារបស់សហរដ្ឋអាមេរិច ដែលបានរកឃើញដោយគេហទំព័រ Carbuzz បានបង្ហាញពីអោយដឹងថា Ford បានធ្វើការស្នើរសុំចុះបញ្ជីប៉ាតង់សម្រាប់បច្ចេកវិទ្យានៃការសាកភ្លើងដែលអនុញ្ញាតអោយរថយន្តអគ្គិសនីផ្សេងៗជាច្រើនអាចធ្វើការសាកបន្តគ្នា នៅពេលកំពុងសាកស្ថានីយសាក(Charging Station)តែមួយតាមរយៈរន្ធសាកនៅលើរថយន្តខ្លួន។

នៅក្នុងខ្លឹមសារនោះ បានបង្ហាញថាជាការការសាកភ្លើងបែបទ្វេទិស ដែលវាអនុញ្ញាតអោយរថយន្តអគ្គិសនី ឬរថយន្តកូនកាត់ PHEV អាចធ្វើការសាកម្តងមួយរថយន្ត ឬពេលដំណាលគ្នា។ នៅក្នុងពាក្យសុំប៉ាតង់ ក្រុមហ៊ុន Ford បាននិយាយថា បច្ចេកវិទ្យានេះអាចត្រូវបានធ្វើជាមួយប្រភពស្ថានីយ AC រួមទាំងដុំសាកតាមផ្ទះ ឬស្ថានីយ៍សាកថ្មលឿន DC ដោយវាមិនចាំបាច់កំណត់ចំពោះយានជំនិះទេ។

នៅក្នុងប៉ាតង់នោះ Ford ក៏បានស្នើរអោយប្រើប្រាស់បែប V2G (Vehicle-to-Grid) ដែលអាចធ្វើការផ្ទេរថាមពលទៅវិញទៅមក នៅពេលមានប្រព័ន្ធអគ្គិសនីត្រូវការ ឬរថយន្តត្រូវការ។ ប៉ាតង់ដែលបានស្នើរនោះ បានបង្ហាញថាគ្រប់រថយន្ត Ford នាពេលអនាគតគឺនឹងត្រូវភ្ជាប់មកជាមួយរន្ធសាកថ្មចំនួន២ ដែលមួយគឺជារន្ធសាកសម្រាប់រថយន្តផ្ទាល់ និងមួយទៀតគឺសម្រាប់អោយរថយន្តដទៃប្រើសម្រាប់ដោតសាក ដែលអាចប្រើ Adapter បំបែកដើម្បីសាក។

សម្រាប់ការផ្ទេរថាមពលនេះ គឺភីកអាប់អគ្គិសនី Ford F-150 Lightning គឺបានបំពាក់នូវលក្ខណៈស្រដៀងទៅនឹងការស្នើរនេះ ជាមួយនឹងប្រព័ន្ធ Pro Power Onboard System ដែលអនុញ្ញាតអោយរថយន្តអគ្គិសនីផ្តល់នូវថាមពលដល់ឧបរណ៍ផ្សេងៗផងដែរ៕

ផ្ទាំងផ្សាយពាណិជ្ជកម្ម

GAC GS3 ជំនាន់ថ្មី ប្រកាសចេញតម្លៃលក់ជាផ្លូវការ ជាមួយតម្លៃលក់ខ្ទង់ ១ មុឺនដុល្លារជាងឡើងទៅ

February 21, 2023

[ទីផ្សារបរទេស] ក្រុមហ៊ុនផលិតរថយន្ត GAC បានធ្វើការដាក់បង្ហាញចេញជាផ្លូវការនៅតម្លៃរបស់រថយន្ត GAC GS3 ជំនាន់ថ្មី ប្រភេទ Compact SUV ជាមួយតម្លៃលក់ចាប់ពី ១២ ៨២៣ ដុល្លារ ដល់ ១៦ ៣២១ ដុល្លារ នៅក្នុងទីផ្សារប្រទេសចិន។

រថយន្តនេះបានបង្ហាញខ្លួនជាលើកដំបូងនៅឯពិរព័ណ៌រថយន្ត Guangzhou Auto Show ជាមួយរូបរាងទាក់ទាញខ្លាំង ដោយមានប៉ាណាមុខមួយផ្ទាំងធំ អបដោយចង្កៀងប្រភេទ LED ដៃទ្វារបង្កប់ ថាស់កង់ស្ព័រទំហំ ១៩ អ៊ីញ បន្ថែមកាងខាងមុខរចនាបែប aerodynamic, កាងជ្រែកខ្យល់ spoiler ខាងក្រោយទំហំធំ និងបំពង់ស៊ីមាំងចំនួន ២ ដែលបំពាក់នៅកណ្តាល។

ចំពោះនៅផ្នែកខាងក្នុងវិញ តុបតែងជា ២ ពណ៌ បំពាក់ជាមួយកុងទ័របង្ហាញព័ត៌មាន Full-LCD និងអេក្រង់កំសាន្ត touchscreen ទំហំធំ ភ្ជាប់មុខងារដ៏ឆ្លាតវៃ ADiGo ចុងក្រោយបង្អស់ និងប្រអប់លេខអេឡិត្រូនិចជាដើម។

ចូលទៅកាន់ផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនចំណុះ ១,៥ លីត្រ turbocharged ផលិតកម្លាំងបាន ១៧៧ សេះ និងកម្លាំងរមួល ២៧០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គ អាចរត់ស្ទុះពី ០-១០០ គីឡូម៉ែត្រ/ម៉ោង ក្នុងរយៈពេល ៧,៥ វិនាទី ៕

ផ្ទាំងផ្សាយពាណិជ្ជកម្ម

VinFast ទទួលបានការឯកភាពលើការសាងសង់រោងចក្រនៅសហរដ្ឋអាមេរិក

February 20, 2023

[បរទេស] ជាដំណឹងដ៏ល្អមួយសម្រាប់ក្រុមហ៊ុនផលិតរថយន្ត VinFast របស់វៀតណាម ដោយទទួលបានលិខិតអនុញ្ញាត្តអោយមានការសាងសង់រោងចក្រោដំឡើងរថយន្តនៅរដ្ឋ North Carolina ដែលមានគម្រោងទំហំទឹកប្រាក់ប្រមាណ ៤ពាន់លានដុល្លារ។ ក្រុមហ៊ុនផលិតរថយន្តរបស់វៀតណាមបានទទួលពានរង្វាន់ “Air Permit” (ដោយសារតែ VinFast ជាក្រុមហ៊ុនផលិតរថយន្តអគ្គិសនី) ដែលជាពានរង្វាន់នៃការចូលរួមការពារបរិស្ថាន ពីការបំភាយឧស្ម័នពុល ដែលនឹងអនុញ្ញាតឱ្យវាចាប់ផ្តើមការសាងសង់រោងចក្រនៅដំណាក់កាលទី១។ គេហទំព័ររបស់នាយកដ្ឋានការពារផលប៉ះពាល់បរិស្ថាននៃរដ្ឋ North Carolina បានបង្ហាញថា ការស្នើសុំការអនុញ្ញាតត្រូវបានធ្វើឡើងនៅក្នុងខែធ្នូ ហើយវាត្រូវបានអនុម័តនៅថ្ងៃទី 9 ខែកុម្ភៈ ។ ក្រុមហ៊ុន VinFast និយាយថា រោងចក្រដំណាក់កាលទី១នៃការដំឡើងនោះ នឹងចាប់ផ្តើមសាងសង់ក្នុងពេលឆាប់ៗនេះ។

សារព័ត៌មាន Reuters បានកត់សម្គាល់ថាដំណាក់កាលទី១ នៃគម្រោងនេះ ក្រុមហ៊ុនវិនិយោគទឹកប្រាក់ចំនួន ២ ពាន់លានដុល្លារទៅក្នុងរោងចក្រដំឡើងដែលនឹងអាចផលិតរថយន្តបាន ១៥០ ០០០គ្រឿងក្នុងមួយឆ្នាំ ហើយដំណាក់កាលទី២ នឹងផ្តោតលើការផលិតបន្ទះថ្ម សម្រាប់រថយន្តអគ្គិសនីផ្ទាល់នៅសហរដ្ឋអាមេរិច។ ក្រុមហ៊ុន VinFast មានមហិច្ឆតាចង់ប្រកួតប្រជែងជាមួយក្រុមហ៊ុនផលិតរថយន្តធំជាងគេលើពិភពលោកមួយចំនួននៅសហរដ្ឋអាមេរិក ហើយថ្មីៗនេះបានធ្វើការដឹកជញ្ជូនរថយន្តរាប់រយគ្រឿងដែលផលិតនៅប្រទេសវៀតណាម ទៅកាន់អ្នកប្រើប្រាស់នៅសហរដ្ឋអាមេរិក។ មួយក្នុងចំនោមម៉ូដែលដំបូងដែលវាកំពុងដាក់លក់គឺរថយន្តអគ្គិសនី VF 8 Eco City Edition ដោយរថយន្តម៉ូដែលនេះមានសមត្ថភាពអាចបើកបរបានចម្ងាយជាង ៣៣៣ គ.ម ។